TikTok ត្រលប់ទៅលើប្រព័ន្ធទាញយករបស់ Apple និង Google វិញ ខណៈលោក Trump ពន្យារបម្រាម TikTok បានបង្ហាញខ្លួនឡើងវិញនៅលើប្រព័ន្ធទាញយកកម្មវិធី App Store របស់បណ្ដាញ Apple និង Google នៅសហរដ្ឋអាមេរិក កាលពីថ្ងៃព្រហស្បតិ៍ (១៣ កុម្ភៈ) សប្ដាហ៍នេះ ខណៈលោកប្រធានាធិបតី Donald Trump បានពន្យារពេលការហាមឃាត់រហូតដល់ថ្ងៃទី០៥ ខែមេសា ហើយបានធានាដល់ក្រុមហ៊ុននានាថា ពួកគេនឹងមិនត្រូវរងការពិន័យសម្រាប់ការចែកចាយ ឬថែទាំកម្មវិធីរបស់ចិនមួយនេះទេ។