សត្វខ្ទីង ទន្សោង ដែលជាប្រភេទសត្វកម្រពេលនេះត្រូវបានក្រុមអភិរក្ស នៃមន្ទីរបរិស្ថានខេត្តបានប្រទះឃើញតាមប្រព័ន្ធកាម៉េរ៉ា កំពុងមានវត្តមានរស់នៅក្នុងតំបន់ការពារទេសដែលគ្រប់គ្រងដោយបរិស្ថាន។
លោក ឈួន ឆន អនុប្រធានការិយាល័យ តំបន់រ៉ាមសារ បានឱ្យដឹងថា ហ្វូងសត្វព្រៃជាច្រើនប្រភេទកំពុងតែរស់នៅក្នុងតំបន់ការពារដោយបរិស្ថាន ដោយគ្របលើព្រៃសហគមន៍ប្រជុំមិត្ត សហគមន៍ជាំពេជ្រ សហគមន៍ក្រឡាពាស សហគមន៍អូរស្វាយ និងតំបន់ភ្នំរមៀតជាដើម ហើយក្នុងចំណោមសត្វព្រៃទាំងនោះ ក្រុមការងារបានសហការជាមួយ គណៈកម្មការសហគមន៍ព្រៃឈើ (ប្រជុំមិត្ត)ឃុំ សំអាង ចុះល្បាត ត្រួតពិនិត្យ ក្នុងដែនអភិរក្សក៏បានជួបដានសត្វទន្សោង មួយហ្វូង ប្រហែល ៥ ទៅ ៦ ក្បាល ដែលប្រភេទសត្វជាប្រភេទកម្រ។
លោកបន្ដថា បន្ទាប់ពីឃើញដានជើងហើយ ក្រុមកាងារក៏បានតាមដានទៅមើលកាមេរ៉ាថតសត្វ ដែលសហគមន៍ ដែលបានបំពាក់ក្នុងព្រៃ ហើយក៏បានឮសំលេងសត្វទន្សោង មួយហ្វូងផ្អើល រត់ក្នុងព្រៃផងដែរ ជានច្រើន។
លោកបន្ថែមឲ្យដឹងទៀតថា យោងតាមការផ្ដល់ព័ត៌មាន ពីគណ:កម្មការសហគមន៍ ក្នុងព្រៃខាងលើនេះ ពពួកសត្វព្រៃដែលមានវត្តមាន ដូចជា សត្វខ្ទីង.ទន្សោង.ឈ្លូស ជ្រូកព្រៃ ហើយសហគមន៍បានបំពាក់កាមេរ៉ា ថតសត្វ ៥គ្រឿង ដើម្បីតាមដានសកម្មភពហ្វូងសត្វទាំងនោះដែរ។
សូមបញ្ជាក់ថាក្នុងដែនសហគមន៍ព្រៃឈើប្រជុំមិត្តមានទំហំផ្ទៃដីចំនួន៣២៥៣ហិកតាស្ថិតនៅភូមិសំអាង ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង ហើយនៅក្នុងព្រៃសហគមន៏មួយនេះ មានព្រៃឈើចម្រុះច្រើនប្រភេទដែលមានសក្តានុពលដ៏ល្អសម្រាប់សត្វរស់នៅ។
លោក អនុប្រធានការិយាល័យរ៉ាមសារបានសំណុំពរដល់បងប្អូនប្រជាពលរដ្ឋ និងប្រធានសហគមន៍ព្រៃឈើទាំងអស់ ត្រូវចូលរួមថែរក្សា និងអភិរក្សសត្វព្រៃដែលកំពុងរស់នៅក្នុងតំបន់ការពារទេសភាពគ្រប់គ្រងដោយបរិស្ថាន ឈប់សកម្មភាពបរបាញ់សត្វព្រៃ ដើម្បីជាភាពទាក់ទាញនៅអង្កការដៃគូរមកចូលរួមអភិវឌ្ឍន៍ និងជាផ្នែកមួយសម្រាប់ទាក់ទាញភ្ញៀវទេសចរ មកសិក្សាស្រាវជ្រាវទស្សនា តាមតំបន់សហគមន៍ប្រជុំមិត្ត.សហគមន៍ជាំពេជ្រ.សហគមន៍អូរស្វាយ.សហគមន៍ភ្នំរមៀត. សហគមន៍ក្រឡាពាសជាដើមដែលជាតំបន់មានសក្ដានុផលក្នុងការរស់នៅរបស់សត្វគ្រប់ប្រភេទ៕ មាស ផល្លា
Leave a Reply