Author: Dol Pheakdey
-
សម្តេចធិបតី៖ រាជរដ្ឋាភិបាលអាណត្តិទី៧នេះ នឹងបន្តដាក់ទិសដៅជាអាទិភាពគឺអភិវឌ្ឍន៍ធនធានមនុស្ស
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសជាថ្មីម្តងទៀតថា រាជរដ្ឋាភិបាលអាណត្តិទី៧នេះ នឹងបន្តដាក់ទិសដៅជាអាទិភាពដ៏សំខាន់បំផុត គឺអភិវឌ្ឍន៍នូវធនធានមនុស្ស ពោលគឺផ្តោតសំខាន់លើការសិក្សាអប់រំ និងសុខភាពរបស់មនុស្ស។ ក្នុងអញ្ជើញជាអធិបតីប្រគល់សញ្ញាបត្រជូន ដល់និស្សិតសាកលវិទ្យាល័យលីមកុកវីងជាង៥០០នាក់ នាព្រឹកថ្ងៃទី១៣ ខែមិថុនា ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានមានប្រសាសន៍ថា ក្នុងអាណត្តិទី៧នេះរាជរដ្ឋាភិបាលបានកំពុងយកចិត្តទុកដាក់យ៉ាងខ្លាំង ដោយបានដាក់ចេញនូវគោលនយោបាយច្បាស់លាស់ចំពោះការលើកកម្ពស់នូវធនធានមនុស្សនៅកម្ពុជាឲ្យកាន់ តែរីកចម្រើនទៅមុខបន្ថែមទៀត តាមរយៈផ្តល់អាហារូបករណ៍ និងឱកាសផ្តល់វគ្គបណ្តុះបណ្តាលជំនាញ ផ្សេងៗទៀតជាដើម។ សម្តេចធិបតី នាយករដ្ឋមន្រ្តី បានបន្ថែមទៀតថា ការដែលរាជរដ្ឋាភិបាលដាក់ចេញនូវគោលនយោ បាយច្បាស់លាស់ក្នុងការលើកកម្ពស់នូវធនធានមនុស្សនេះ គឺដោយសារធនធានមនុស្សនេះ ជាទ្រព្យដ៏សំ ខាន់បំផុតសម្រាប់នាំឲ្យប្រទេសជាតិមានការរីកចម្រើនទៅមុខបន្ថែមទៀត លើគ្រប់វិស័យ និងធ្វើឲ្យកម្ពុជា ខ្លាំងដោយខ្លួនឯង ខណៈការលើកកម្ពស់នូវធនធានមនុស្សនេះគឺត្រូវតែរស់រវើកជានិច្ច ដើម្បីធ្វើយ៉ាងណាឲ្យកម្ពុជា មានឱកាសបានប្រកួតប្រជែងជាមួយប្រទេសជិតខាងរបស់ខ្លួន៕ អត្ថបទបាន ចក់រូបភាព
-
អាល្លឺម៉ង់ និងស៊ុយអែត ត្រូវបានអូសទាញចូលសង្រ្គាមពាណិជ្ជកម្មប្រឆាំងឆន្ទៈខ្លួន ខណៈសហភាពអឺរ៉ុបដំឡើងពន្ធ៣៨% លើរថយន្តអគ្គិសនីរបស់ចិន
ប្រទេសដែលមានសេដ្ឋកិច្ចវាយលុកខ្លាំងបំផុតរបស់អឺរ៉ុបមួយចំនួនកំពុងកែប្រែដំណាក់កាលថ្មីមួយនៅក្នុងសង្គ្រាមពាណិជ្ជកម្មរបស់ខ្លួនជាមួយប្រទេសចិន ខណៈសហភាពអឺរ៉ុបបានវាយលុកក្រុមហ៊ុនផលិតរថយន្តរបស់ប្រទេសនេះដោយការដំឡើងពន្ធ។ គណៈកម្មការអឺរ៉ុប បានបញ្ជាក់កាលពីថ្ងៃពុធសប្ដាហ៍នេះ ថាក្រុមហ៊ុនផលិតរថយន្តរបស់ចិន ត្រូវបាន ប៉ះទង្គិចដោយការដំឡើងពន្ធនាំចូលរហូតដល់ ៣៨,១%។ ការដំឡើងពន្ធនេះ កើតឡើងក្រោយការស៊ើបអង្កេតធ្វើឡើងដោយគណៈកម្មការអឺរ៉ុបកាលពីឆ្នាំមុនលើឧបត្ថម្ភធនប្រឆាំងនឹងការប្រកួតប្រជែងសម្រាប់ក្រុមហ៊ុនផលិតរថយន្តដ៏ធំបំផុតរបស់ប្រទេសចិន BYD, Geely និង SAIC ។ ក្រុមហ៊ុនផលិតរថយន្តអគ្គិសនី BYD បានទទួលការដំឡើងពន្ធ ១៧,៤% លើការនាំចូលរបស់ខ្លួន។ ក្រុមហ៊ុន Geely ត្រូវបានវាយប្រហារដោយការដំឡើងពន្ធ ២០% លើរថយន្តរបស់ខ្លួន ខណៈ ក្រុមហ៊ុន SAIC ប្រឈមនឹងការដំឡើងពន្ធខ្ពស់បំផុតគឺ ៣៨,១%។ សហភាពអឺរ៉ុបបាននិយាយថាក្រុមហ៊ុនផលិតរថយន្តអគ្គិសនី BEV ទាំងអស់នៅក្នុងប្រទេសចិន ដែលមិនសហការជាមួយការស៊ើបអង្កេតរបស់សហភាពអឺរ៉ុប ក៏នឹងទទួលបានការដំឡើងពន្ធ ៣៨,១% ផងដែរ។ សារព័ត៌មាន Financial Times និង Politico បានរាយការណ៍ថាលោកអធិការបតីអាល្លឺម៉ង់ Olaf Scholz បាននិងកំពុងបញ្ចុះបញ្ចូលយ៉ាងទទូចដើម្បីកាត់បន្ថយទំហំនៃការដំឡើងពន្ធដែលដាក់ចេញដោយសហភាពអឺរ៉ុប ។ ។ លោក Scholz រួមជាមួយសមាជិកសភានៅប្រទេសស៊ុយអែត និងហុងគ្រី ដែលថ្កោលទោសការដំឡើងពន្ធនេះ មានការព្រួយបារម្ភអំពីការដំឡើងពន្ធសងសឹកគ្នាដែលអាចត្រូវបានដាក់ដោយប្រទេសចិន។ ប្រទេសចិនបានដំឡើងពន្ធលើផលិតផលម៉ាកយីហោបារាំងក្នុងខែមករា…
-
PPM និង FAES Farma ពួតដៃគ្នាដើម្បីភាពអស្ចារ្យនៃដៃគូពាណិជ្ជកម្ម
ភ្នំពេញ ÷ ក្រុមហ៊ុន PPM ដែលជាសហគ្រាសផលិតឱសថធំបំផុតនៅកម្ពុជា ចាប់ដៃគូពាណិជ្ជកម្មជាមួយក្រុមហ៊ុន ហ្វាអែស ហ្វាម៉ា (FAES Farma) ប្រទេសអេស្ប៉ាញ ជាក្រុមហ៊ុនឱសថល្បីលំដាប់ពិភពលោក ដើម្បីផ្តល់ជូននូវផលិតផលឱសថដែលមានគុណភាព ខ្ពស់ និងប្រកបដោយភាពច្នៃប្រឌិតសម្រាប់ទីផ្សារកម្ពុជា។ ឧកញ៉ាឱសថបណ្ឌិត ហៃ លីអ៊ាង ប្រធានអគ្គនាយកក្រុមហ៊ុន PPM លើកឡើងនៅក្នុងពិធីប្រកាសដៃគូពាណិជ្ជកម្មរវាង PPM និង FAES Farma នៅថ្ងៃទី ១២ ខែ មិថុនា ឆ្នាំ ២០២៤ នេះថា PPM គឺជាសហគ្រាសផលិតឱសថដែលមានវ័យចំណាស់ ដូច FAES Farma ព្រោះ PPM មានផលិតផលឱសថ «គីណាល់» ដែលបានបង្កើតឡើងតាំងពីឆ្នាំ ១៩៦០។ ហើយ FAES Farma ក៏ដូចគ្នា ដែលជាសហគ្រាសផលិតឱសថ មានវត្តមានតាំងពីមុនសង្គ្រាមលោកលើកទី២មកម្ល៉េះ។ ដូចនេះសហគ្រាសទាំង ពីរនេះ សុទ្ធតែជាសហគ្រាសផលិតឱសថចាស់ទុំដូចគ្នា ហើយនេះជាការធម្មតាដែលយើងចាប់ដៃគ្នា ដោយសារសុទ្ធតែមាន បទពិសោធដ៏សម្បូរបែប…
-
កម្ពុជា នឹងប្រារព្ធទិវាពិភពលោក នៃអ្នកបរិច្ចាគឈាម ក្រោមប្រធានបទ«ខួប២០ឆ្នាំ នៃការបរិច្ចាគឈាម»
លោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្តល់ឈាម នៃក្រសួងសុខាភិបាល បានថ្លែងប្រាប់BTVព័ត៌មាន នាព្រឹកថ្ងៃទី១២ ខែមិថុនា ឆ្នាំ២០២៤នេះ ព្រះរាជាណាចក្រកម្ពុជា នឹងប្រារព្ធទិវាពិភពលោក នៃអ្នកបរិច្ចាគឈាម ក្រោមប្រធានបទ«ខួប២០ឆ្នាំ នៃការបរិច្ចាគឈាម សូមអរគុណ សប្បុរសជនបរិច្ចាគឈាម» នាថ្ងៃទី១៤ ខែមិថុនា ឆ្នាំ២០២៤ខាងមុខនេះ។ ក្នុងនាមមជ្ឈមណ្ឌលជាតិផ្តល់ឈាមនៃក្រសួងសុខាភិបាល និងមន្ត្រីរាជការ បុគ្គលិកទាំងអស់ លោកវេជ្ជបណ្ឌិត សុខ ប៉ូ សូមស្វាគមន៍យ៉ាងកក់ក្តៅបំផុត ចំពោះសប្បុរសជនទាំងអស់ ដែលបានធ្វើអំណោយទានសម្រាប់ជីវិត និងបានធ្វើសកម្មភាពគ្រប់បែបយ៉ាង ដើម្បីលើកកម្ពស់ការបរិច្ចាគឈាមដោយស្ម័គ្រចិត្ត និងមិនទទួលកម្រៃ រួមចំណែកជួយសង្គ្រោះជីវិតជនរងគ្រោះដោយក្តីសប្បុរស។ មជ្ឈមណ្ឌលជាតិផ្តល់ឈឈាម នៃក្រសួងសុខាភិបាល បានរៀបចំឡើងយ៉ាងមានផាសុខភាព និងអធិកអធម ក្រោមប្រធានបទ « ខួប២០ឆ្នាំ នៃការបរិច្ចាគឈាម សូមអរគុណ សប្បុរសជនបរិច្ចាគឈាម» និងអ្នកស្ម័គ្រចិត្តជំនួសដោយក្រុមគ្រួសារមានចំនួន៣៤,២២៥ប្លោក ស្មើនឹង៧៦.៦%នៃអំណោយឈាមសរុប។ ចំនួនឈាមប្រើប្រាស់នៅតាមមន្ទីរពេទ្យរដ្ឋ និងឯកជនមានចំនួន៤៥,៧៣២ ប្លោក។ ជាចុងក្រោយលោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្តល់ឈាម នៃក្រសួងសុខាភិបាល បានបញ្ជាក់ថា នៅ៣ខែដើមឆ្នាំ២០២៤ ចំនួនអំណោយឈាមទូទាំងប្រទេសសរុបមាន…
-
អាស៊ានកំពុងក្លាយជាដៃគូដ៏សំខាន់របស់អន្តរជាតិ ក្នុងការដោះស្រាយបញ្ហាពិភពលោក និងធ្វើពាណិជ្ជកម្ម
ឯកឧត្តម គង់ ភោគ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ បានថ្លែងថា អាស៊ានកំពុងក្លាយជាដៃគូដ៏សំខាន់មួយរបស់អន្តរជាតិ ក្នុងការសន្ទនា ដើម្បីដោះស្រាយនូវបញ្ហាពិភពលោក និងការធ្វើពាណិជ្ជកម្មជាមួយគ្នា ខណៈកម្ពុជាក៏បានដើរតួយ៉ាងសកម្មផងដែរ លើកិច្ចការនយោបាយការបរទេស ។ ក្នុងឱកាសធ្វើជាវាគ្មិន នៃវេទិកាពិភាក្សា លើប្រធានបទ គោលនយោបាយការបរទេសកម្ពុជា ក្នុងបរិបទអាស៊ាន នៅថ្ងៃទី១២ ខែមិថុនា ឆ្នាំ២០២៤ ឯកឧត្តម គង់ ភោគ មានប្រសាសន៍ថា ក្នុងនាមជាសមាជិក ប្រទេសអាស៊ានទាំង១០ គឺមានសិទ្ធិស្មើគ្នា មិនថាប្រទេសតូច ឬធំនោះទេ ដែលរាល់ការសម្រេចណាមួយ ក្នុងក្របខណ្ឌអាស៊ាន ប្រទេសសមាជិកទាំងអស់ គឺមានសិទ្ធិស្មើគ្នា ក្នុងការសម្រេច ដូចនេះហើយ ការសម្រេចរបស់អាស៊ាន ត្រូវមានការពិភាក្សាគ្នា និងកុងសងស៊ីស ។ ឯកឧត្តម បានបន្តថា ក្នុងរយៈពេល២០ឆ្នាំមកនេះ ប្រជាប្រិយភាព និងសារសំខាន់របស់អាស៊ាន មានការកើនឡើងច្រើន ដោយមានប្រទេសជាច្រើន ស្នើសុំធ្វើដៃគូជាមួយអាស៊ាន ដែលបច្ចុប្បន្នមានដៃគូសន្ទនារហូតដល់ ១១ប្រទេស ខណៈប្រទេសជាច្រើនទៀត ចង់បង្កើតកម្រិត ធ្វើជាដៃគូសន្ទនាដែរ។ រដ្ឋលេខាធិការក្រសួងការបរទេសរូបនេះ បានបន្ថែមថា…
-
មន្រ្តីជំនាញសុខភាពសត្វ ចុះចាក់វ៉ាក់សាំងជំងឺសាទឹកដល់សត្វក្របី ជាង៥០០ក្បាល
កំពង់ធំ៖ នៅព្រឹកថ្ងៃទី១២ ខែមិថុនា ឆ្នាំ២០២៤, លោក ចាន់ បញ្ញាវ័ន្ត ប្រធានការិយាល័យផលិតកម្ម និងបសុព្យាបាលខេត្តកំពង់ធំ ដឹកនាំសហការីចុះចាក់វ៉ាក់សាំងជំងឺសាទឹក ដល់សត្វក្របីរបស់ប្រជាពលរដ្ឋ នៅភូមិចំបក់ សង្កាត់ស្រយ៉ូវ ប្រមាណ៥១៣ក្បាល។ លោកប្រាប់ឲ្យដឹងថា ការចាក់វ៉ាក់សាំងសាទឹកនេះ ដោយកាលពីថ្ងៃទី៧ ខែមិថុនា ឆ្នាំ២០២៤ កន្លងទៅ មានសត្វក្របីឈឺងាប់ប្រមាណ១៥ក្បាល នៅតាមព្រៃរនាម ដែលប្រជាពលរដ្ឋយកទៅឃ្វាលខ្វះការមើលថែ។ ហើយមន្រ្តីជំនាញបានចុះទៅពិនិត្យ ឃើញថា ការងាប់សត្វក្របី គឺដោយសារជំងឺសាទឹក ព្រោះប្រជាពលរដ្ឋមិនបានធ្វើវ៉ាក់សាំង កាលពីអំឡុងខែធ្នូ ឆ្នាំ២០២៣ កន្លងទៅ ក្នុងពេលមន្រ្តីជំនាញសុខភាពសត្វ ផ្សព្វផ្សាយឲ្យយកមកចាក់នៅតាមភូមិ។ លោកបញ្ជាក់ថា បច្ចុប្បន្នក្របី នៅក្នុងសង្កាត់ស្រយ៉ូវ សរុបមានប្រមាណជិត១០០០ក្បាល ឈឺ៤៥ក្បាល កំពុងពិនិត្យ និងព្យាបាល ដាក់នៅដោយឡែក។ ចំពោះរោគសញ្ញជំងឺសាទឹក មានដូចជា សត្វហើមក កម្តៅខ្លួនឡើងខ្លាំង ហៀរសំបោរ មិនស៊ីចំណី និងហើមពោះ។ លោកអំពាវនាវដល់ប្រជាពលរដ្ឋ ដែលជាម្ចាស់សត្វទាំងអស់ពិនិត្យ និងតាមដានសុខភាពសត្វរបស់ខ្លួន ក្នុងករណីសង្ស័យថា សត្វឈឺ សូមរាយការណ៍ទៅអាជ្ញាធរមូលដ្ឋាន និងភ្នាក់ងារសុខភាពសត្វភូមិ…
-
ក្រុមហាម៉ាស ថាខ្លួនបង្កើតការរំពឹងទុកយ៉ាងទូលំទូលាយសម្រាប់កិច្ចព្រមព្រៀងបទឈប់បាញ់ហ្កាហ្សា
ក្រុមហាម៉ាស នៅថ្ងៃពុធ (១២ មិថុនា) នេះបាននិយាយថា ការឆ្លើយតប «ជាវិជ្ជមាន» របស់ខ្លួនចំពោះផែនការបទឈប់បាញ់របស់អាមេរិក សម្រាប់សង្គ្រាមរយៈពេលប្រាំបីខែនៅតំបន់ហ្កាហ្សាស្ទ្រីប បានបើក «ផ្លូវធំទូលាយ» ដើម្បីឈានដល់កិច្ចព្រមព្រៀងមួយ ប៉ុន្តែចក្ខុវិស័យមិនប្រាកដប្រជាទេ ខណៈក្រុមប៉ាឡេស្ទីន និងអ៊ីស្រាអែល មិនបង្ហាញជាសាធារណៈពីប្តេជ្ញាចិត្តលើកិច្ចព្រមព្រៀង។ ក្រុមហាម៉ាស បានដាក់ការឆ្លើយតបជាផ្លូវការរបស់ខ្លួនកាលពីថ្ងៃអង្គារ ចំពោះសំណើដែលលើកឡើងដោយប្រធានាធិបតីអាមេរិក លោក ចូ បៃដិន (Joe Biden) កាលពីថ្ងៃទី៣១ ខែឧសភា។ អ៊ីស្រាអែល បាននិយាយថាការឆ្លើយតបនេះគឺស្មើនឹងការបដិសេធ ខណៈមន្ត្រីហាម៉ាស និយាយថាក្រុមនេះគ្រាន់តែបញ្ជាក់ឡើងវិញនូវការទាមទារជាយូរមកហើយដែលមិនទាន់បានបំពេញ តាមរយៈផែនការបច្ចុប្បន្នប៉ុណ្ណោះ។ អេហ្ស៊ីប និងកាតាបាននិយាយថា ពួកគេបានទទួលការឆ្លើយតបពីក្រុមហាម៉ាស ប៉ុន្តែមិនបានបង្ហាញខ្លឹមសារនោះទេ។ នៅព្រឹកថ្ងៃពុធនេះ លោក អ៊ីហ្សាត អាល់-រីស (Izzat al-Rishq) សមាជិកការិយាល័យនយោបាយក្រុមហាម៉ាស បាននិយាយនៅក្នុងសេចក្តីថ្លែងការណ៍មួយថា ចម្លើយរបស់ក្រុមនេះគឺ «មានភាពទទួលខុសត្រូវ ម៉ឹងម៉ាត់ និងវិជ្ជមាន» ព្រមទាំង «បើកផ្លូវធំទូលាយ» សម្រាប់កិច្ចព្រមព្រៀងមួយ។ សហរដ្ឋអាមេរិក បាននិយាយថា អ៊ីស្រាអែលបានទទួលយកសំណើរបស់ខ្លួន ប៉ុន្តែអ៊ីស្រាអែល មិនបានបញ្ជាក់ជាសាធារណៈអំពីរឿងនេះទេ។…
-
អាមេរិក ជំរុញឲ្យផ្តល់កម្ចី ៥០ពាន់លានដុល្លារ ដល់អ៊ុយក្រែន ដោយប្រើទ្រព្យសម្បត្តិរុស្ស៊ីដែលបង្កក មុនកិច្ចប្រជុំ G7
មន្ត្រីអាមេរិក កំពុងប្រជែងគ្នានឹងពេលវេលា ដើម្បីបញ្ចប់កិច្ចព្រមព្រៀងមួយ ដែលអាចផ្តល់ប្រាក់កម្ចីចំនួន ៥០ពាន់លានដុល្លារដល់អ៊ុយក្រែន ដោយប្រើប្រាក់ចំណេញពីទ្រព្យសម្បត្តិរបស់រុស្ស៊ីដែលបង្កក ដែលជាអាទិភាពចម្បង មុនកិច្ចប្រជុំរបស់លោកប្រធានាធិបតី ចូ បៃដិន ជាមួយក្រុមមេដឹកនាំ G7 នៅក្នុងប្រទេសអ៊ីតាលី ក្នុងសប្តាហ៍នេះ ប៉ុន្តែប្រទេសទាំង៧ មិនទាន់ឈានដល់ការឯកភាពចុងក្រោយនៅឡើយ។ នេះបើយោងតាមប្រភពដែលដឹងពីការរៀបចំរបស់សហរដ្ឋអាមេរិក នៅមុនកិច្ចប្រជុំកំពូលនេះ។ រដ្ឋបាលលោក បៃដិន បាននិងកំពុងដឹកនាំយុទ្ធនាការមួយ ដើម្បីបញ្ចុះបញ្ចូលក្រុមមេដឹកនាំនៃប្រទេស G7 រួមដូចជា ចក្រភពអង់គ្លេស កាណាដា បារាំង អាល្លឺម៉ង់ អ៊ីតាលី និងជប៉ុន ឲ្យចុះហត្ថលេខាលើផែនការដែលខ្លួនចាត់ទុកថា មានសារៈសំខាន់ ដែលធ្វើឲ្យអ៊ុយក្រែនមានក្តីសង្ឃឹមក្នុងការប្រយុទ្ធនៅសមរភូមិឡើងវិញ ខណៈដែលខ្លួន កំពុងបន្តទប់ទល់នឹងការវាយលុករបស់រុស្ស៊ី។ ប្រភពជាច្រើន បាននិយាយថា គោលដៅចុងក្រោយ គឺដើម្បីបំបាត់ព័ត៌មានលម្អិតផ្នែកហិរញ្ញវត្ថុដ៏អាក្រក់បំផុតមួយចំនួន នៅក្នុងប៉ុន្មានថ្ងៃខាងមុខនេះ ដូច្នេះកិច្ចព្រមព្រៀងមួយ អាចត្រូវបានប្រកាសជាផ្នែកមួយនៃសេចក្តីថ្លែងការណ៍របស់ក្រុមមេដឹកនាំ G7 នៅសប្តាហ៍នេះ។ ប៉ុន្តែសំណួរអំពីទម្រង់នៃកម្មវិធីបែបនេះ រួមទាំងទម្រង់ច្បាស់លាស់នៃការទូទាត់ និងការធានាការទូទាត់សង ក្នុងចំណោមអ្នកផ្សេងទៀត គឺស្ថិតក្នុងដំណើរការនៃការដោះស្រាយនៅឡើយ។
-
ក្រុមឧទ្ទាមហ៊ូទីយ៉េមែន អះអាងថា ពួកគេបានវាយប្រហារនាវាចម្បាំងអង់គ្លេសនៅក្នុងសមុទ្រក្រហម
ក្រុមឧទ្ទាមហ៊ូទីយ៉េមែន បានអះអាងថា កាលពីថ្ងៃអាទិត្យ ពួកគេបានបាញ់មីស៊ីលបាលីស្ទិកលើនាវាចម្បាំង HMS Diamond របស់អង់គ្លេស នៅក្នុងសមុទ្រក្រហម ។ ក្រុមឧទ្ទាមហ៊ូទី និយាយនៅក្នុងសេចក្តីថ្លែងការណ៍ថា ការវាយប្រហារនេះ គឺត្រូវចំគោលដៅ ប៉ុន្តែពួកគេពុំបាននិយាយថា វាបណ្តាលឲ្យមានការខូចខាតឬយ៉ាងណានោះទេ ។ ពួកគេនិយាយថា ពួកគេបានវាយប្រហារលើនាវាពាណិជ្ជកម្ម ២គ្រឿងផងដែរ គឺនាវា Norderney និងនាវា Tavvishi ។ សេចក្តីថ្លែងការណ៍បន្តថា នាវា Tavvishi ស្ថិតនៅក្នុងសមុទ្រអារ៉ាប់ និងនាវា Norderne បានកើតជាអគ្គិភ័យ ក្រោយរងការវាយប្រហារ ។ ទោះបីជាយ៉ាងណាក៏ដោយ ក្រសួងការពារជាតិអង់គ្លេស និយាយកាលពីថ្ងៃអាទិត្យថា សេចក្តីថ្លែងការណ៍របស់ក្រុមឧទ្ទាមហ៊ូទី គឺពុំត្រឹមត្រូវនោះទេ ។ ក្រុមឧទ្ទាមហ៊ូទី ដែលគ្រប់គ្រងតំបន់មានពលរដ្ឋរស់នៅច្រើនបំផុតរបស់យេម៉ែន និងសម្របខ្លួនតាមអ៊ីរ៉ង់ បានវាយប្រហារនាវានៅជិតតំបន់ឆ្នេររបស់ខ្លួនអស់រយៈពេលជាច្រើនខែមកហើយ ដោយពួកគេនិយាយថា ការវាយប្រហារបែបនេះ ដើម្បីបង្ហាញសាមគ្គីភាពជាមួយជនប៉ាឡេស្ទីនដែលកំពុងធ្វើសង្រ្គាមជាមួយអ៊ីស្រាអែលនៅតំបន់ហ្កាហ្សាស្រ្ទីប ។ កាលពីខែវិច្ឆិកាឆ្នាំមុន ក្រុមឧទ្ទាមហ៊ូទីដែលគ្រប់គ្រងទីក្រុង Sanaa បានចាប់ផ្តើមបាញ់មីស៊ីលបាលីស្ទីកប្រឆាំងនាវា និងយានដ្រូន ដែលដាក់គោលដៅលើនាវាមានទំនាក់ទំនងជាមួយអ៊ីស្រាអែល ឆ្លងកាត់សមុទ្រក្រហម ដើម្បីបង្ហាញសាមគ្គីភាពជាមួយជនប៉ាឡេស្ទីន…