Category: ព័ត៌មានជាតិ​

បរទេស៖ ក្រុមអ្នកជួយសង្គ្រោះ នៅហ្គាហ្សា បាននិយាយថា មនុស្សជាង១០នាក់បានស្លាប់ ក្នុងការវាយប្រហាររបស់អ៊ីស្រាអែល ទៅលើសាលារៀន មួយកន្លែង។ ក្រុមអ្នកជួយសង្គ្រោះប៉ាឡេស្ទីន បាននិយាយថា ការវាយប្រហារ របស់អ៊ីស្រាអែល នៅព្រឹកព្រលឹម ថ្ងៃច័ន្ទនេះ បានសម្លាប់មនុស្ស១៣នាក់ នៅឯសាលា Fahmi Al-Jarjawi ស្ថិតនៅក្នុងសង្កាត់ Al-Daraj។ ក្រសួងការពារជនស៊ីវិល បាននិយាយ នៅលើបណ្តាញសង្គម Telegram ទៀតថា នៅមានមនុស្ស២១នាក់ទៀត បានរងរបួស ហើយ ទាំងសាកសព និងអ្នករបួស ត្រូវបានយកចេញពីខាងក្នុងសាលានេះ ដូចគ្នា។ ក្រសួងសុខាភិបាល ហ្គាហ្សា គ្រប់គ្រង ដោយពួកហាម៉ាស់ បានឲ្យដឹងថា ចំនួនអ្នកស្លាប់ក្នុងសង្គ្រាម ប្រមាណ២០ខែនេះ បានកើនដល់ ចំនួនជាង៥៣,៩០០នាក់ ដែលភាគច្រើន គឺជាជាជនស៊ីវិល។ អ៊ីស្រាអែលបានផ្តើមវាយប្រហារ សងសឹក នៅតំបន់ហ្គាហ្សា ក្រោយពេលដែលពួកហាម៉ាស់-ប៉ាឡេស្ទីន បានវាយប្រហារអ៊ីស្រាអែល ស្លាប់មនុស្ស ជាង១ពាន់នាក់ កាលពីឆ្នាំ២០២៣៕ ប្រភពពី AFP

ព្រុចសែល ៖ មេដឹកនាំអឺរ៉ុបខាងលិចកំពុងពិចារណាទិញអាវុធពីរដ្ឋបាលលោក ដូណាល់ ត្រាំ និងប្រគល់ឱ្យអ៊ុយក្រែន នៅពេលដែលការផ្ទេរអាវុធកាលពីជំនាន់លោក ចូ បៃដិន អស់ នេះបើយោងតាមប្រភពពីសារព័ត៌មាន Bloomberg។ Bloomberg បានរាយការណ៍ថា សំណើទិញសព្វាវុធពីអាមេរិកផ្គត់ផ្គង់អ៊ុយក្រែននេះ គឺមានគោលបំណងជួយទីក្រុងកៀវអាចបន្តប្រយុទ្ធជាមួយរុស្ស៊ី ស្ថិតក្រោមករជួយជ្រោមជ្រែងពីសម្ព័ន្ធមិត្តអឺរ៉ុប និងអង់គ្លេស ចំពេលមានការព្រួយបារម្ភថា ការចែកចាយអាវុធរបស់អាមេរិកនឹងបញ្ឈប់នៅរដូវក្តៅ។ ប្រធានាធិបតីអាមេរិក លោក Donald Trump បានរំលឹកឡើងវិញនៅដើមសប្តាហ៍នេះថា ទីក្រុងវ៉ាស៊ីនតោនអាចនឹងដើរចេញលែងខ្វល់ពីជម្លោះអ៊ុយក្រែន បើសិនកិច្ចចរចារវាងរុស្ស៊ី និងអ៊ុយក្រែនបរាជ័យ ហើយថា ជម្លោះនេះគួរតែទុកឲ្យអឺរ៉ុបចូលច្លួនដោះស្រាយវិញម្តង។ យ៉ាងណាមិញ រុស្ស៊ីបានព្រមានម្តងហើយម្តងទៀតថា ការប្រគល់សព្វាវុធរបស់លោកខាងលិចដល់អ៊ុយក្រែន នឹងមិនអាចបញ្ឈប់គោលដៅយោធារបស់ខ្លួនទេ ហើយវាកាន់តែអូសបន្លាយជម្លោះ និងបង្កើនហានិភ័យនៃការប្រឈមមុខដាក់គ្នាដោយផ្ទាល់រវាងរុស្ស៊ី និងអង្គការណាតូ៕ ប្រភព ៖ RT

(គូឡាឡាំពួ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានជួបប្រជុំពិភាក្សាការងារទ្វេភាគីជាមួយ ឯកឧត្តម ដាតុ ស៊េរី អាន់វ៉ា អ៉ីប្រាហ៊ីម (Dato’ Seri Anwar Ibrahim) នាយករដ្ឋមន្រ្តី នៃប្រទេសម៉ាឡេស៊ី ក្នុងឱកាសអញ្ជើញចូលរួមកិច្ចប្រជុំកំពូលអាស៊ានលើកទី ៤៦ និងកិច្ចប្រជុំកំពូលពាក់ព័ន្ធ នៅទីក្រុងគូឡាឡាំពួ ប្រទេសម៉ាឡេស៊ី នាសៀលថ្ងៃទី២៦ ខែឧសភា ឆ្នាំ២០២៥ ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា អញ្ជើញចូលរួមក្នុងជំនួបរវាងប្រមុខដឹកនាំអាស៊ាន និងតំណាងអន្តរសភាអាស៊ាន នៅទីក្រុងគូឡាឡាំពួ រសៀលថ្ងៃចន្ទ ទី២៦ ខែឧសភា ឆ្នាំ២០២៥នេះ។

​(កាលីហ្វ័រនីញ៉ា)៖ កាលពីថ្ងៃទី២៣ ខែឧសភា ឆ្នាំ២០២៥ ឯកឧត្ដម​ ជា​ វ៉ាន់ដេត រដ្ឋមន្ត្រី​ក្រសួង​ប្រៃសណីយ៍​និង​ទូរគមនាគមន៍ និងគណៈប្រតិភូ បាន​អញ្ជើញ​ទស្សនកិច្ច និងស្វែងយល់អំពីកម្មវិធីសិក្សានិងវគ្គបណ្តុះបណ្តាលពាក់ព័ន្ធជំនាញបច្ចេកវិទ្យាឌីជីថលនិងនវានុវត្តន៍ និងកិច្ចសហការលើការបណ្តុះបណ្តាលធនធានមនុស្សសម្រាប់កម្ពុជា នៅសាកលវិទ្យាល័យ San Francisco នៅរដ្ឋកាលីហ្វ័រនីញ៉ា សហរដ្ឋអាម៉េរិក។ ឯកឧត្ដមរដ្ឋមន្ត្រី​ ជា​ វ៉ាន់ដេត ក៏បានធ្វើទស្សនកិច្ចបរិវេណសាកវិទ្យាល័យ និងបន្ទប់ពិសោធនានាផងដែរ ៕

(ភ្នំពេញ)៖ គិតមកដល់ពេលនេះចំនួនផ្សោតទន្លេមេគង្គនៅកម្ពុជា កើនឡើងដល់ ១១១ក្បាល ហើយ បន្ទាប់ពីគេប្រទះឃើញកូនផ្សោតកើតថ្មី ១ក្បាល ទៀត នៅថ្ងៃទី២៥ ខែ ឧសភា ឆ្នាំ ២០២៥ ដែលអាយុប្រមាណ ២ថ្ងៃរួចមក ។ ក្រសួងកសិកម្មរុក្ខាប្រមាញ់ និងនេសាទបានឱ្យដឹងថាកូនផ្សោតទើបតែកើតថ្មីនេះ ត្រូវបានគេប្រទះឃើញនៅអន្លង់កាំពី ភូមិជ្រោយបន្ទាយ ឃុំជ្រោយបន្ទាយ ស្រុកព្រែកប្រសព្វ ខេត្តក្រចេះ។ ក្រុមការងារស្រាវជ្រាវនៃរដ្ឋបាលជលផល និងអង្គការ WWF ថតបានកូនផ្សោតថ្មីនេះ នៅវេលាម៉ោង ១០ និង៣៥នាទីព្រឹក ថ្ងៃទី២៥ ខែឧសភា ឆ្នាំ២០២៥។ កូនផ្សោតនេះស្ថិតនៅក្នុងក្រុមសត្វផ្សោតធំៗចំនួន ៤ក្បាល ផ្សេងទៀត។ ក្រសួងកសិកម្មបានឱ្យដឹងដែរថាគិតត្រឹមដើមខែឧសភា ឆ្នាំ២០២៥នេះ កម្ពុជាទទួលបានកូនផ្សោតកើតថ្មីចំនួន ៧ក្បាល ក្នុងនោះ៥ក្បាល កើតនៅខេត្តក្រចេះ និង២ក្បាលនៅខេត្តស្ទឹងត្រែង ដែលធ្វើឲ្យចំនួនសត្វផ្សោតទន្លេមេគង្គនៅកម្ពុជាសរុប កើនឡើងដល់ចំនួន ១១១ក្បាល។ គួរបញ្ជាក់ថាដើម្បីគាំទ្រដល់ការរស់រានមានជីវិតរបស់សត្វផ្សោតទន្លេមេគង្គ រដ្ឋបាលជលផល និងអង្គការ WWF កំពុងបន្តធ្វើការយ៉ាងសកម្មជាមួយអាជ្ញាធរមូលដ្ឋានគ្រប់ជាន់ថ្នាក់ ប្រជាសហគមន៍ និងដៃគូដទៃទៀត ដើម្បីពង្រឹងការអនុវត្តច្បាប់ស្តីពីជលផល និងបម្រាមនៃការប្រើប្រាស់មង…

បរទេស៖ លោក Macron ប្រធានាធិបតីនៃប្រទេសបារាំង បានចាប់ផ្តើមដំណើរទស្សនកិច្ចផ្លូវរដ្ឋ នៅប្រទេសវៀតណាម ដែលជាដំណើរបេសកកម្ម នៅក្នុងតំបន់អាស៊ីអាគ្នេយ៍ របស់លោក។ ប្រធានាធិបតីបារាំង Emmanuel Macron និងស្ត្រីទី១ លោកស្រី Brigitte Macron កាលពីយប់ថ្ងៃអាទិត្យ បានទៅដល់អាកាសយានដ្ឋាន ហាណូយ ក្នុងប្រទេសវៀតណាម ជាប្រទេសដែលធ្លាប់មានអតីតកាលអាណានិគមបារាំង ដ៏ឈឺចាប់។ លោក Emmanuel Macron គ្រោងនឹងជួបជាមួយមេដឹកនាំវៀតណាម នៅថ្ងៃច័ន្ទនេះ និងក្រុមអ្នកវិនិយោគ ក្នុងវិស័យថាមពល នៅថ្ងៃអង្គារ ស្អែកនេះ។ លោក Macron សង្ឃឹមថា នឹងបង្ហាញជំនាញរបស់បារាំងលើថាមពលនុយក្លេអ៊ែរស៊ីវិល នៅក្នុងប្រទេសវៀតណាម ដែលមានបំណងទទួលយកទម្រង់ថាមពលនេះ។ នេះគឺជាផ្នែកនៃដំណើរទស្សនកិច្ច នៅតំបន់អាស៊ី អាគ្នេយ៍ ក្នុងនោះ លោក Macron គ្រោងនឹងបន្តដំណើរទស្សនកិច្ចផ្លូវរដ្ឋ ទៅកាន់ប្រទេសឥណ្ឌូនេស៊ី និងសិង្ហបុរី ផងដែរ៕ ប្រភពពី AFP

(គូឡាឡាំពួ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជួបជាមួយ ឯកឧត្តម ផាម មិញ ជិញ (Pham Minh Chinh) នាយករដ្ឋមន្រ្តីនៃសាធារណរដ្ឋសង្គមនិយមវៀតណាម និងឯកឧត្តម សនសៃ ស៊ីផាន់ដន (Sonexay Siphandone) នាយករដ្ឋមន្រ្តីនៃសាធារណរដ្ឋប្រជាធិបតេយ្យប្រជាមានិតឡាវ ក្នុងជំនួបពិសាអាហារពេលព្រឹកការងារ នាព្រឹកថ្ងៃទី២៦ ខែឧសភា ឆ្នាំ២០២៥ នៅទីក្រុងគូឡាឡាំពួ ប្រទេសម៉ាឡេស៊ី។ តាមរយៈបណ្ដាញសង្គម សម្តេចធិបតី បានលើកឡើងថា ជាទម្លាប់នៅរាល់ពេលមានកិច្ចប្រជុំកំពូលអាស៊ានថ្នាក់ដឹកនាំនៃប្រទេសទាំងបី កម្ពុជា-វៀតណាម-ឡាវ តែងតែមានជំនួបអាហារពេលព្រឹកការងារ ហើយក៏បានជជែកពិភាក្សាគ្នា លើការពង្រឹងទំនាក់ទំនងកិច្ចសហប្រតិបត្តិការ រវាងប្រទេសទាំងបីឱ្យកាន់តែមានភាពល្អប្រសើរបន្ថែមទៀត ។ សូមរំលឹកថា សម្តេចធិបតី និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានដឹកនាំគណៈប្រតិភូកម្ពុជា អញ្ជើញចាកចេញពីអាកាសយានដ្ឋានអន្តរជាតិភ្នំពេញ នារសៀលថ្ងៃទី២៥ ខែឧសភា ឆ្នាំ២០២៥ ដើម្បីចូលរួមកិច្ចប្រជុំកំពូលអាស៊ាន លើកទី៤៦ និងកិច្ចប្រជុំកំពូលពាក់ព័ន្ធ ដែលរៀបចំឡើងនៅប្រទេសម៉ាស៊ី ចាប់ពីថ្ងៃទី២៦ ដល់ថ្ងៃទី២៧ ខែឧសភា…

(ភ្នំពេញ)៖ គណៈកម្មការរៀបចំការប្រឡងប្រជែងចាប់ផ្តើមដំណើរការកំណែវិញ្ញាសាការប្រឡងប្រជែង បានបើកសន្លឹកកិច្ចការចំនួន ៤១ច្បាប់ គឺជាសន្លឹកកិច្ចការរបស់បេក្ខជនដែលចូលរួមប្រឡងប្រជែងចូលបម្រើការងារនៅអគ្គលេខាធិការដ្ឋានក្រុមប្រឹក្សាអ្នកច្បាប់ ក្នុងក្របខណ្ឌទីស្តីការគណៈរដ្ឋមន្រ្តី (វិញ្ញាសាសរសេរលើកទី២) ដែលទើបតែបញ្ចប់កាលពីថ្ងៃម្សិលមិញ។ នៅព្រឹកថ្ងៃទី២៦ ខែឧសភា ឆ្នាំ២០២៥នេះឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្រ្តីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែង អញ្ជើញមានវត្តមានដ៏ខ្ពង់ខ្ពស់ ដើម្បី ពិនិត្យដោយផ្ទាល់លើដំណើរការ របៀបរបប និងនីតិវិធីកែសន្លឹកកិច្ចការបេក្ខជន។ ក្នុងដំណើរការកែសន្លឹកកិច្ចការបេក្ខជន តាមរយៈការកាត់ក្បាលសន្លឹកកិច្ចការ ការចុះលេខ និងនីតិវិធីនានា គ្រប់ដំណាក់កាលទាំងអស់ ត្រូវស្ថិតក្រោមការឃ្លាំមើលជាប់ជាប្រចាំពីអង្គភាពប្រឆាំងអំពើពុករលួយ និងអនុគណៈកម្មការត្រួតពិនិត្យនិងវាយតម្លៃ ព្រមទាំងមានការចូលរួមពីអ្នកសង្កេតការណ៍តំណាងសាកលវិទ្យាល័យ និងសាធារណជនស្ម័គ្រចិត្ត។ រាល់ដំណើរការរៀបចំតាក់តែងវិញ្ញាសា ត្រូវធ្វើឡើងដោយសាស្រ្តាចារ្យមកពីសាកលវិទ្យាល័យនានា និងស្ថាប័នពាក់ព័ន្ធ ដោយស្ថិតក្រោមការតាមដានជាប់គ្រប់ដំណាក់កាល ពីអង្គភាពប្រឆាំងអំពើពុករលួយ និងអនុគណៈកម្មការត្រួតពិនិត្យ និងវាយតម្លៃ នៃគណៈកម្មការរៀបចំការប្រឡងប្រជែង។ សាស្ត្រាចារ្យ ត្រូវតាក់តែងវិញ្ញាសាអធិប្បាយនីមួយៗ ឱ្យបាន ៣ជម្រើស ដើម្បីដាក់ជូនឯកឧត្តមឧបនាយករដ្ឋមន្ត្រី ជ្រើសរើសយក ១ជម្រើស ឬសម្រេចជម្រើសទី៤ ដោយយកសំណួរពីជម្រើសទាំង៣ មកបញ្ចូលគ្នា ដោយសម្ងាត់ មានសុក្រឹត្យភាព និងមានតម្លាភាព។ សូមជម្រាបថា រាល់ដំណើរការ ចាប់រាប់ពីការតាក់តែងវិញ្ញាសា ការអនុញ្ញាតឱ្យបេក្ខជនចូលមណ្ឌលប្រឡង…

ញូវដែលី ៖ នាវាដឹកទូរកុងតឺន័រដោតទង់ជាតិលីបេរីយ៉ាមួយគ្រឿង ដែលផ្ទុកដោយទំនិញដ៏គ្រោះថ្នាក់ បានលិចនៅឆ្នេរសមុទ្រ Kerala ភាគខាងត្បូងប្រទេសឥណ្ឌា ប៉ុន្តែជាសំណាងល្អ សមាជិកនាវិកទាំង ២៤នាក់ត្រូវបានជួយសង្គ្រោះដោយសុវត្ថិភាព។ បើតាមសេចក្តីថ្លែងការណ៍របស់ក្រសួងការពារជាតិឥណ្ឌា នាវាខាងលើនេះផ្ទុកកុងតឺន័រចំនួន ៦៤០ទូ ក្នុងនោះ ១៣កុងទតឺន័រ មានទំនិញគ្រោះថ្នាក់ និង ១២កុងតឺន័រមានផ្ទុកសារ Calcium Carbide។ សារធាតុ Calcium Carbide គេប្រើក្នុងឧស្សាហកម្មគីមី ក្នុងនោះមានទាំងការផលិតជី និងការផលិតដែក។ កងទ័ពជើងទឹកឥណ្ឌា បាននិយាយនៅថ្ងៃអាទិត្យថា នាវាមានឈ្មោះ MSC ELSA 3 ជានាវាដឹកទំនិញប្រវែង ១៨៤ម៉ែត្រ បានធ្វើដំណើរពីកំពង់ផែ Vizhinjam របស់ឥណ្ឌា ទៅកាន់ទីក្រុង Kochi បានជួបបញ្ហាកាលពីថ្ងៃសៅរ៍ ហើយបានប្រកាសសុំជំនួយបន្ទាន់។ ភ្លាមៗ យន្តហោះកងទ័ពជើងទឹកបានប្រញាប់ប្រញាល់ហោះទៅកាន់ទីតាំងកើតហេតុ ហើយបានប្រទះឃើញនាវានោះបានផ្អៀងរកកល់លិចនៅចម្ងាយប្រហែល ៧០គីឡូម៉ែត្រ នៅភាគនិរតីនៃទីក្រុង Kochi។ នាវានោះ បើតាមសេចក្តីរាយការណ៍ ក៏មានផ្ទុកប្រេងប្រហែល ៣៧០តោនផងដែរ ប៉ុន្តែឆ្មាំឆ្នេរសមុទ្រនិយាយថា មកទល់ពេលនេះមិនទាន់មានសេចក្តីរាយការណ៍អំពីការកំពប់ប្រេងទេ ហើយមូលហេតុលិចនៅមិនទាន់មានប្រភពទម្លាយឱ្យដឹងនៅឡើយទេ៕ ប្រភព…