តុលាការជាន់ខ្ពស់សហរដ្ឋអាមេរិក មិនអនុញ្ញាតឱ្យលោក Trump បណ្តេញប្រធានទីភ្នាក់ងារឃ្លាំមើលចេញភ្លាមៗនោះទេ

តុលាការជាន់ខ្ពស់របស់សហរដ្ឋអាមេរិក បានបដិសេធកាលពីថ្ងៃសុក្រ មិនអនុញ្ញាតឱ្យលោក Donald Trump បណ្ដេញប្រធានទីភ្នាក់ងារឃ្លាំមើលសហព័ន្ធភ្លាមៗនោះទេ បន្ទាប់ពីសេចក្តីបង្គាប់របស់ចៅក្រមបានរារាំងបណ្ដោះអាសន្នប្រធានាធិបតីគណបក្សសាធារណរដ្ឋពីការបណ្តេញមន្ត្រីរូបនេះចេញ។

តុលាការ បានពន្យារពេលចំណាត់ការ សម្រាប់ពេលនេះ តាមសំណើរបស់ក្រសួងយុត្តិធម៌ដើម្បីដកសេចក្តីបង្គាប់ថ្ងៃទី១២ ខែកុម្ភៈរបស់ចៅក្រម ដែលបានរារាំងបណ្តោះអាសន្នការដកលោកHampton Dellinger ជាប្រធានការិយាល័យប្រឹក្សាពិសេស ខណៈវិវាទនៅតែបន្ត។

ករណីនេះ បានកត់សម្គាល់ការទប់ទល់ផ្លូវច្បាប់ជាលើកដំបូងដែលពាក់ព័ន្ធនឹងចំណាត់ការរបស់លោក Trump ដើម្បីឈានដល់ស្ថាប័នតុលាការកំពូលរបស់សហរដ្ឋអាមេរិក ចាប់តាំងពីលោកបានវិលត្រឡប់ទៅកាន់តំណែងជាប្រធានាធិបតីវិញ ក្នុងខែមករា។

តុលាការបាននិយាយថា ខ្លួនកំពុងពន្យារពេលចំណាត់ការលើសំណើរបស់ក្រសួងយុត្តិធម៌ រហូតដល់ថ្ងៃទី ២៦ ខែកុម្ភៈ នៅពេលដែលសេចក្តីបង្គាប់ហាមឃាត់បណ្តោះអាសន្ន ត្រូវបានចេញដោយចៅក្រមតំបន់របស់អាមេរិកដែលមានមូលដ្ឋាននៅទីក្រុងវ៉ាស៊ីនតោន លោក Amy Berman Jackson ត្រូវបានកំណត់ឱ្យផុតកាលបរិច្ឆេទ។

លោក Jackson បានចេញសេចក្តីបង្គាប់ហាមឃាត់បណ្តោះអាសន្ននៅថ្ងៃទី១២ ខែកុម្ភៈ ដោយបានឲ្យលោក Dellinger ទៅកាន់តំណែងរបស់លោកវិញ ដោយរង់ចាំសេចក្តីបង្គាប់បន្ថែម។