Breaking News ! យន្តហោះផ្ទុកមនុស្ស ២៤២នាក់ធ្លាក់នៅឥណ្ឌា
ញូវដែលី ៖ យន្តហោះមួយគ្រឿងរបស់ក្រុមហ៊ុនអាកាសចរណ៍ Air India ដែលដឹកមនុស្ស២៤២នាក់ទៅកាន់ទីក្រុង London បានធ្លាក់នៅក្បែរអាកាសយានដ្ឋានក្នុងទីក្រុង Ahmedabad ភាគខាងលិចប្រទេសឥណ្ឌា នៅក្នុងថ្ងៃព្រហស្បតិ៍នេះ។
ជើងហោះហើររបស់ Air India នេះ ជាយន្តហោះប្រភេទ Boeing 787-8 Dreamliner ផ្ទុកអ្នកដំណើរខ្ទង់ ២៤២នាក់ រួមជាមួយបុគ្គលិកយន្តហោះ ១២នាក់។
ក្រុមហ៊ុនអាកាសចរណ៍ Air India បាននិយាយថា អ្នកដំណើរនៅលើយន្តហោះដែលធ្លាក់នោះ មានជនជាតិឥណ្ឌា ១៦៩នាក់ អង់គ្លេស ៥៣នាក់ ព័រទុយហ្គាល់ ៧នាក់ និងកាណាដាម្នាក់។
យន្តហោះនេះបានធ្លាក់នៅជិតតំបន់មានមនុស្សរស់នៅ ស្ថិតនៅក្បែរអាកាសយានដ្ឋាន Sardar Vallabhbhai Patel ក្នុងទីក្រុង Ahmedabad បន្ទាប់ពីហោះឡើងបានតែបន្តិចប៉ុណ្ណោះ។
ភ្លាមៗនៅពុំទាន់មានសេចក្តីរាយការណ៍លំអិតអំពីមូលហេតុ ឬមនុស្សស្លាប់ និងរងរបួសនៅឡើយទេ៕
ប្រភព ៖ AFP
Leave a Reply