ក្រុងបាវិតទទួលបានផ្លូវបេតុងមួយខ្សែទៀត

ក្រុងបាវិតទទួលបានផ្លូវបេតុងមួយខ្សែទៀត

ស្វាយរៀង៖រដ្ឋបាលក្រុងបាវិតកាលពីថ្ងៃទី១៣ ខែកក្កដា ឆ្នាំ២០២៥ បានធ្វើការជួសជុលលើកកម្រិតផ្លូវមួយ​ខ្សែ​ប្រវែង ៩៥០ម៉ែត្រ ទទឹង ៨ម៉ែត្រ ពីផ្លូវ​ប្រភេទ​ថ្មមិចទៅជាប្រភេទផ្លូវបេតុង ។ផ្លូវនេះស្ថិតនៅភូមិបាវិតកណ្តាល សង្កាត់បាវិត ក្រុងបាវិត ដោយមាន​ការ​ចូលរួមគាំទ្រពីក្រុមហ៊ុនដីញូវីនេទៀន (THE NEW VENETIAN RESORT CO.LTD) និងសប្បុរស​ជននានាក្នុងក្រុងបាវិត ។

លោក លឹម សៀងហេង អភិបាលក្រុងបាវិតបានអរគុណដល់ប្រជាពលរដ្ឋទាំងអស់ ដែលរស់នៅ​តាម​បណ្តោយ​ផ្លូវនេះ ដោយ​បានចូលរួមសហការប្រកបដោយស្មារតី​ទទួលខុសត្រូវ ដែលធ្វើឱ្យការងារ​ស្ថាបនាផ្លូវបានប្រព្រឹត្តទៅ​ដោយរលូន។

លោកអភិបាលក្រុងបានបន្តថា ក្រោមការយកចិត្តទុកដាក់ពីប្រមុខរាជរដ្ឋាភិបាល​និងឯកឧត្តម ប៉េង ពោធិ៍សា អភិបាលខេត្តបានជំរុញការងារ​កសាងហេដ្ឋា​រចនា​សម្ព័ន្ធនៅ​តាមបណ្តាស្រុក ក្រុង នានាក្នុងខេត្តស្វាយរៀង ជាពិសេសក្រុងបាវិត​ដោយមានទាំងគម្រោងស្ថាបនារបស់រាជរដ្ឋាភិបាល និងសប្បុរសជនចូលរួមផង ដើម្បី​អភិវឌ្ឍន៍ក្រុងបាវិតឱ្យកាន់តែរីកចម្រើននិងផ្លាស់ប្តូរមុខមាត់ថ្មី៕