ប្រទេស G7 ត្រៀមខ្លួនចាត់វិធានការចាំបាច់លើទុនបម្រុងប្រេង

ប៉ារីស ៖ បណ្តារដ្ឋមន្ត្រីថាមពល នៃ ប្រទេស G7 បានប្រកាស ត្រៀមខ្លួន ដើម្បីចាត់វិធានការចាំបាច់ លើទុនបម្រុងប្រេង។ ក្រុមប្រទេស មានសេដ្ឋកិច្ចរីកចម្រើន ទាំង៧ នេះ មានសមាជិក បារាំង អាល្លឺម៉ង់ អ៊ីតាលី ជប៉ុន អាម៉េរិក អង់គ្លេស និង កាណាដា។

រដ្ឋមន្ត្រីថាមពល នៃ G7 បានបញ្ជាក់ តាមរយៈសេចក្តីថ្លែងការណ៍មួយ កាលពីថ្ងៃពុធថា «ជាគោលការណ៍ យើងគាំទ្រការអនុវត្តវិធានការសកម្ម ដើម្បីដោះស្រាយស្ថានការណ៍ រួមទាំង ការប្រើប្រាស់ទុនបម្រុងយុទ្ធសាស្ត្រ»។

ប្រភពបញ្ជាក់ថា ពួកគេកំពុងសម្របសម្រួល នៅក្នុងប្លុក G7 ជាមួយប្រទេសសមាជិក នៃ ទីភ្នាក់ងារថាមពលអន្តរជាតិ ហៅកាត់ IEA និង លើសពីនេះទៀត។

សេចក្តីថ្លែងការណ៍ រៀបរាប់ថា «យើងបានយល់ព្រមឈរត្រៀមខ្លួន ដើម្បីចាត់វិធានការចាំបាច់ទាំងអស់ ក្នុងការសម្របសម្រួល ជាមួយសមាជិក IEA ហើយ សមាជិក G7 នឹងពិចារណាដោយប្រុងប្រយ័ត្ន នូវអនុសាសន៍ដែលបានចេញ ក្នុងអំឡុងពេលពិភាក្សាទាំងនេះ»។

កាលពីថ្ងៃអង្គារ រដ្ឋជាសមាជិក នៃទីភ្នាក់ងារថាមពលអន្តរជាតិ ដែលមានមូលដ្ឋាន នៅទីក្រុងប៉ារីស ក៏បានជួបប្រជុំគ្នា សម្រាប់កិច្ចពិភាក្សា លើវិបត្តិនេះ ដើម្បីវាយតម្លៃ ពីសុវត្ថិភាព នៃការផ្គត់ផ្គង់ និង ការបញ្ចេញសក្តានុពល នៃ ភាគហ៊ុនសង្គ្រោះបន្ទាន់ ខណៈដែលសង្រ្គាម បានអង្រួនទីផ្សារ។

ជាលទ្ធផល, IEA បានត្រៀមបញ្ចេញប្រេងពីក្នុងស្តុកសង្គ្រោះបន្ទាន់ ជាង ១ ពាន់លានបារ៉ែល ដើម្បីកាត់បន្ថយតម្លៃប្រេងឆៅដែលកំពុងកើនឡើង ព្រោះតែសង្គ្រាមនៅមជ្ឈិមបូព៌ា៕

ប្រភពពី AFP