ប្រធានាធិបតីសហរដ្ឋអាមេរិកលោក Joe Biden បានអំពាវនាវឱ្យមានបទឈប់បាញ់នៅក្នុងប្រទេសលីបង់ កាលពីថ្ងៃចន្ទ ប៉ុន្តែមន្ត្រីអាមេរិកម្នាក់បាននិយាយថា ការដាក់ពង្រាយកងទ័ពអ៊ីស្រាអែល អាចនឹងមានការវាយលុកជើងគោកប្រឆាំងក្រុមសកម្មប្រយុទ្ធហេសបូឡា កើតមានឡើងក្នុងពេលឆាប់ៗនេះ។
ដោយត្រូវបានសួរអំពីរបាយការណ៍ដែលថាទាហានជើងគោករបស់អ៊ីស្រាអែល កំពុងត្រៀមខ្លួន ដើម្បីរុលចូលទៅភាគខាងត្បូងប្រទេសលីបង់ លោក Biden បានប្រាប់អ្នកសារព័ត៌មានថា លោក មិនពិបាកដើម្បីបញ្ឈប់អ៊ីស្រាអែល នោះទេ។
ជំនួយការជាន់ខ្ពស់ជាច្រើនរូប បានគាំទ្រការអំពាវនាវរបស់លោក Biden ឱ្យមានបទឈប់បាញ់មួយ ដោយជំរុញឱ្យមានដំណោះស្រាយផ្នែកការទូតចំពោះអំពើហិង្សា ដើម្បីអនុញ្ញាតឱ្យជនភៀសខ្លួនអ៊ីស្រាអែល និងលីបង់រាប់សែននាក់ដែលភៀសខ្លួន បានត្រឡប់ទៅលំនៅឋានរបស់ពួកគេវិញនៅតាមបណ្តោយព្រំដែន។
រដ្ឋមន្ត្រីការបរទេស លោក Antony Blinken បាននិយាយក្នុងសន្និសីទនៅក្រសួងការបរទេស ថា ទីក្រុងវ៉ាស៊ីនតោន នឹងបន្តធ្វើការជាមួយដៃគូ នៅក្នុងតំបន់ និងជុំវិញពិភពលោក ដើម្បីជំរុញដំណោះស្រាយផ្នែកការទូត។
ប៉ុន្តែមន្ត្រីអាមេរិកម្នាក់ បាននិយាយថា ការដាក់ទីតាំងកងទ័ពអ៊ីស្រាអែល ខណៈត្រូវបានសង្កេតឃើញដោយសហរដ្ឋអាមេរិក បានបង្ហាញថា ការវាយលុកជើងគោកចូលទៅក្នុងប្រទេសលីបង់ អាចនឹងកើតមានឡើងក្នុងពេលឆាប់ៗនេះ។
Leave a Reply