អ៊ីរ៉ង់គំរាមកម្ទេចអ៊ីស្រាអែល ស្របពេលដែលភាពតានតឹងឡើងកម្តៅខ្លាំងនៅមជ្ឈិមបូព៌ា

មេដឹកនាំកំពូលអ៊ីរ៉ង់លោក Ali Khamenei បាននិយាយកាលពីថ្ងៃសៅរ៍ម្សិលមិញថា អ៊ីស្រាអែល ក៏ដូចជាសហរដ្ឋអាមេរិក នឹងទទួលបានការឆ្លើយតបកម្ទេច សម្រាប់អ្វីដែលពួកគេធ្វើប្រឆាំងប្រទេសរបស់លោក ។

លោកបានធ្វើសេចក្តីអត្ថាធិប្បាយបែបនេះទៅកាន់ក្រុមនិស្សិតមុនខួបរឹបអូសស្ថានទូតសហរដ្ឋអាមេរិកនៅទីក្រុងតេអេរ៉ង់កាលពីឆ្នាំ ១៩៧៩ ដោយក្រុមនិស្សិតរឹងរូស ក្រោយបដិវត្តន៍អ៊ីស្លាមទម្លាក់ក្រុមអ៊ីស្លាម Shah គាំទ្រដោយសហរដ្ឋអាមេរិក ។

កាលពីថ្ងៃសុក្រ ទីប្រឹក្សាលោក Khamenei និយាយថា ទីក្រុងតេអេរ៉ង់ ទំនងជាបង្កើនរយៈចម្ងាយមីស៊ីលបាលីស្ទិក និងលទ្ធភាពនៃការពិនិត្យមើលកម្មវិធីនុយក្លេអ៊ែរ ស្របពេលភាពតានតឹងកើនឡើងជាមួយសត្រូវអ៊ីស្រាអែល និងការសងសឹកគ្នាទៅវិញទៅមកដោយប្រើប្រាស់ការវាយប្រហារដោយមីស៊ីល និងការវាយប្រហារតាមច្រកអាកាស ។

ទីប្រឹក្សារូបនោះ បានកត់សម្គាល់ឃើញថា បើទោះបីជាអ៊ីរ៉ង់មានសមត្ថភាពបច្ចេកទេសផលិតអាវុធនុយក្លេអ៊ែរក៏ដោយ បច្ចុប្បន្នពួកគេពុំបានធ្វើនោះឡើយ ដោយសារក្រឹត្យសាសនា ដែលបានចេញកាលពីដើមទសវត្សរ៍ឆ្នាំ ២.០០០ ៕