Author: Dol Pheakdey
-
អ៊ីស្រាអែល ធានាបានកញ្ចប់ជំនួយយោធាតម្លៃ ៨,៧ពាន់លានដុល្លារ ពីសហរដ្ឋអាមេរិក
អ៊ីស្រាអែល បាននិយាយកាលពីថ្ងៃព្រហស្បតិ៍ (២៦ កញ្ញា) ថា ខ្លួនធានាបានកញ្ចប់ជំនួយចំនួន ៨,៧ពាន់លានដុល្លារ ពីសហរដ្ឋអាមេរិក ដើម្បីគាំទ្រដល់កិច្ចខិតខំប្រឹងប្រែងយោធាដែលកំពុងបន្តរបស់ខ្លួន និងដើម្បីរក្សាបាននូវគុណភាពយោធានៅក្នុងតំបន់។ កញ្ចប់នេះរួមបញ្ចូលទឹកប្រាក់ ៣,៥ពាន់លានដុល្លារ សម្រាប់លទ្ធកម្ម (ដំណើរការទិញ) សម័យសង្រ្គាមដ៏សំខាន់ ដែលត្រូវបានទទួល និងកំណត់រួចហើយសម្រាប់ការបញ្ជាទិញយោធាសំខាន់ៗ និង ៥,២ពាន់លានដុល្លារ ដែលត្រូវបានកំណត់សម្រាប់ប្រព័ន្ធការពារដែនអាកាស រួមទាំងប្រព័ន្ធប្រឆាំងមីស៊ីល អារិនដូម (Iron Dome) ប្រព័ន្ធការពារ ដេវីដ ស្លីង (David’s Sling) និងប្រព័ន្ធឡាស៊ែរកម្រិតខ្ពស់។ បច្ចុប្បន្ន អ៊ីស្រាអែលកំពុងប្រយុទ្ធនៅលើសមរភូមិមុខពីរគឺមួយប្រឆាំងនឹងក្រុមអ៊ីស្លាមប៉ាឡេស្ទីន ហាម៉ាស នៅហ្កាហ្សា និងមួយទៀតប្រឆាំងចលនាហេសបូឡា ដែលគាំទ្រដោយអ៊ីរ៉ង់ នៅលីបង់។ ក្រសួងការពារជាតិអ៊ីស្រាអែល បាននិយាយក្នុងសេចក្តីថ្លែងការណ៍មួយថា ការផ្តល់ជំនួយនេះបានកើតឡើងបន្ទាប់ពីកិច្ចចរចានៅមន្ទីរបញ្ចកោន រវាងលោក អេយ៉ាល់ ហ្សាមៀ (Eyal Zamir) អគ្គនាយកនៃក្រសួងការពារជាតិអ៊ីស្រាអែល និងក្រុមមន្ត្រីការពារជាតិអាមេរិក រួមទាំងមន្រ្តីផ្សេងទៀត។ ក្រសួងបាននិយាយថា កិច្ចព្រមព្រៀងនេះគូសបញ្ជាក់អំពី “ភាពជាដៃគូយុទ្ធសាស្ត្រដ៏រឹងមាំ និងយូរអង្វែងរវាងអ៊ីស្រាអែល និងអាមេរិក និងការប្តេជ្ញាចិត្តដ៏រឹងមាំចំពោះសន្តិសុខរបស់អ៊ីស្រាអែល” ជាពិសេសក្នុងការដោះស្រាយការគំរាមកំហែងសន្តិសុខក្នុងតំបន់ពីអ៊ីរ៉ង់…
-
ទឹកនៅទន្លេមេគង្គខេត្តស្ទឹងត្រែង ឃើញមានការថយកំពស់ចំនួន ០,៤២ម៉ែត្រនៅថ្ងៃទី២៧ ខែកញ្ញានេះ
យោងតាមនាយកដ្ឋានជលសាស្ត្រ និងការងារទន្លេ បានអោយដឹងនៅថ្ងៃទី២៧ ខែកញ្ញានេះ ការវាស់កំពស់ទឹកនៅទន្លេមេគង្គ-ស្ទឹងត្រែងឃើញមានការថយចុះចំនួន ០,៤២ម៉ែត្រ។ ការថយកំពស់នេះបានធ្វើអោយកំពស់ទឹកនៅស្ទឹងត្រែងនៅសល់ ៩,៥៦ម៉ែត្រ។ ដោយឡែកនៅស្ថាននីយជលសាស្ត្រ ផ្សេងៗទៀតមិនមានការថយចុះកំពស់ទឹកនោះទេ។ ដូចជា នៅស្ថាននីយជលសាស្ត្រ បឹងទន្លេសាបកំពង់លួង បានកើនកំពស់ចំនួន ០,០៨ម៉ែត្រ ធ្វើអោយកំពស់ទឹកឡើងដល់ ៦,៣៣ម៉ែត្រ ខណៈដែលនៅស្ថាននីយជលសាស្ត្រ ទន្លេសាប-ព្រែកក្តាមវិញ បានកើនកំពស់ចំនួន ០,០៦ម៉ែត្រ ធ្វើអោយកំពស់ទឹកឡើងដល់ ៧,៨១ម៉ែត្រ ៕ ដោយ ធូ កុសល
-
លោក Biden ជួបមេដឹកនាំវៀតណាម ដើម្បីទប់ទល់ទំនាក់ទំនងទីក្រុងហាណូយ ជាមួយចិន និងរុស្ស៊ី
ប្រធានាធិបតីអាមេរិក លោក ចូ បៃដិន (Joe Biden) បានជួបជាមួយប្រធានាធិបតីវៀតណាម លោក តូ ឡឹម (To Lam) នៅខាងក្រៅមហាសន្និបាតអង្គការសហប្រជាជាតិនៅទីក្រុងញូវយ៉ក សម្រាប់កិច្ចពិភាក្សាកាលពីថ្ងៃពុធ (២៥ កញ្ញា) ក្នុងគោលបំណងធ្វើឱ្យទំនាក់ទំនងកាន់តែស៊ីជម្រៅជាមួយប្រទេសអាស៊ីអាគ្នេយ៍ និងជាមជ្ឈមណ្ឌលផលិតកម្មមួយនេះ និងដើម្បីទប់ទល់ទំនាក់ទំនងរបស់ទីក្រុងហាណូយ ជាមួយប្រទេសចិន និងរុស្ស៊ី។ មន្ត្រីជាន់ខ្ពស់អាមេរិកម្នាក់បាននិយាយថា មេដឹកនាំទាំងពីរបានពិភាក្សាពីមធ្យោបាយបង្កើនល្បឿននៃភាពជាដៃគូយុទ្ធសាស្ត្រដែលបានព្រមព្រៀងគ្នាកាលពីឆ្នាំមុន។ ក្នុងជំនួបជាមួយលោក Biden កាលពីថ្ងៃពុធ លោក Lam បានសាទរចំពោះអ្វីដែលលោកហៅថា ការរួមចំណែកជាប្រវត្តិសាស្ត្ររបស់លោក Biden ក្នុងការលើកកម្ពស់ទំនាក់ទំនងទ្វេភាគី។ លោក Biden បាននិយាយថា ចាប់តាំងពីការចាប់ផ្តើមសករាជថ្មីក្នុងទំនាក់ទំនងកាលពីឆ្នាំមុនមក ប្រទេសទាំងពីរបានធ្វើការបណ្តាក់ទុនយ៉ាងសំខាន់នៅក្នុងបន្ទះឈីបពាក់កណ្ដាលចម្លង និងខ្សែសង្វាក់ផ្គត់ផ្គង់ ហើយបានចាប់ផ្តើមកិច្ចសហប្រតិបត្តិការដែលមិនធ្លាប់មានពីមុនមកលើសន្តិសុខតាមអ៊ីនធឺណិត។ ប្រធានាធិបតីអាមេរិករូបនេះសង្កត់ធ្ងន់ថា ភាគីទាំងពីរឈររួបរួមក្នុងការប្តេជ្ញាចិត្តចំពោះសេរីភាពនៃការធ្វើនាវាចរណ៍ និងនីតិរដ្ឋ ដែលជាការយោងទៅលើជម្លោះដែនសមុទ្រក្នុងតំបន់ជាមួយចិន។ ទីភ្នាក់ងារសារព័ត៌មានវៀតណាម រាយការណ៍ថា លោក Lam បានប្រាប់លោក Biden ថា វៀតណាមកំពុងឈានទៅដល់ដំណាក់កាលនៃការអភិវឌ្ឍថ្មី ហើយថាទីក្រុងហាណូយ ជាមិត្ត និងដៃគូដែលអាចទុកចិត្តបាន។ គួររម្លឹកថា…
-
ប្រភព៖ សហរដ្ឋអាមេរិក រៀបចំកញ្ចប់ជំនួយសព្វាវុធជាង ៨ពាន់លានដុល្លារ សម្រាប់អ៊ុយក្រែន
ប្រភពពីមន្ត្រីអាមេរិកពីររូបបាននិយាយកាលពីថ្ងៃពុធ (២៥ កញ្ញា) ថា សហរដ្ឋអាមេរិក គ្រោងនឹងប្រកាសជំនួយយោធាដែលមានតម្លៃជាង ៨ពាន់លានដុល្លារសម្រាប់អ៊ុយក្រែន នៅថ្ងៃព្រហស្បតិ៍ (២៦ កញ្ញា) នេះក្នុងអំឡុងពេលដំណើរទស្សនកិច្ចរបស់ប្រធានាធិបតីអ៊ុយក្រែន លោក Volodymyr Zelenskiy ទៅកាន់ទីក្រុងវ៉ាស៊ីនតោន។ រដ្ឋបាលរបស់លោកប្រធានាធិបតី Joe Biden បានចូលរួមក្នុងកិច្ចពិភាក្សាបន្ទាន់ជាមួយសភា ដើម្បីអនុញ្ញាតឱ្យខ្លួនប្រើប្រាស់ជំនួយយោធាចំនួន ៥,៦ពាន់លានដុល្លារ សម្រាប់អ៊ុយក្រែនមុនថ្ងៃទី៣០ ខែកញ្ញា ដែលជាចុងបញ្ចប់នៃឆ្នាំសារពើពន្ធសហព័ន្ធ នៅពេលដែលអាជ្ញាធរទទួលបន្ទុកជំនួយយោធាបរទេស ត្រូវផុតកំណត់។ មន្ត្រីអាមេរិកបាននិយាយថា នៅពីថ្ងៃព្រហស្បតិ៍នេះ សេតវិមានមានបំណងជូនដំណឹងដល់សភាថា ខ្លួននឹងឆ្ពោះទៅមុខជាមួយនឹងការប្រកាសដកប្រាក់ចំនួន ៥,៦ពាន់លានដុល្លារនោះពីស្តុកអាវុធរបស់អាមេរិក ខណៈខ្លឹមសារនៃកញ្ចប់នោះនៅមានសភាពមិនច្បាស់លាស់នៅឡើយ។ គួររម្លឹកថា សារព័ត៌មានរ៉យទ័របានរាយការណ៍នៅខែនេះថា រដ្ឋបាលលោក Biden កំពុងពិចារណាលើផែនការបម្រុង ដែលខ្លួននឹងប្រកាសពីការដឹកជញ្ជូនសម្រាប់អ៊ុយក្រែន ជាមួយនឹងការបន្លាយពេលវេលាបន្ថែមសម្រាប់សព្វាវុធ និងបរិក្ខារ ដែលអនុញ្ញាតឱ្យមានការផ្ទេរធនធានបន្តិចម្តងៗទៅអ៊ុយក្រែន ដោយមិនខកខានថ្ងៃផុតកំណត់ទី៣០ កញ្ញា។ សេចក្តីប្រកាសលើកទីពីរដែលគ្រោងទុកសម្រាប់ថ្ងៃព្រហស្បតិ៍នេះនឹងផ្តល់ជំនួយដែលមានតម្លៃ ២,៤ពាន់លានដុល្លារ បន្ថែមក្រោមកម្មវិធីគំនិតផ្តួចផ្តើមជំនួយសន្តិសុខអ៊ុយក្រែន ដែលអនុញ្ញាតឱ្យរដ្ឋបាលទិញអាវុធឱ្យអ៊ុយក្រែន ពីក្រុមហ៊ុនខាងក្រៅជាជាងយកអាវុធពីឃ្លាំងស្តុករបស់អាមេរិក៕
-
បារាំង និងអាមេរិក កំពុងធ្វើការលើកិច្ចព្រមព្រៀងបទឈប់បាញ់នៅលីបង់ ជាមួយអ៊ីស្រាអែល
ប្រទេសបារាំង បាននិយាយកាលពីថ្ងៃពុធ (២៥ កញ្ញា) ថា កិច្ចខិតខំប្រឹងប្រែងកំពុងតែបន្តយ៉ាងមមាញឹកដើម្បីឈានដល់កិច្ចព្រមព្រៀងមួយលើសំណើសម្រាប់បទឈប់បាញ់រយៈពេល ២១ថ្ងៃនៅក្នុងជម្លោះលីបង់រវាងអ៊ីស្រាអែល និងក្រុមសកម្មប្រយុទ្ធ ហេសបូឡា ដែលគាំទ្រដោយអ៊ីរ៉ង់។ រដ្ឋមន្ត្រីការបរទេសបារាំង លោក ហ្សង់នូអែល បារ៉ូ (Jean-Noel Barrot) បានប្រាប់អ្នកយកព័ត៌មាននៅខាងក្រៅកិច្ចប្រជុំនៃក្រុមប្រឹក្សាសន្តិសុខអង្គការសហប្រជាជាតិថា “យើងមានការវិវឌ្ឍដ៏សំខាន់ក្នុងរយៈពេលប៉ុន្មានម៉ោងចុងក្រោយនេះ ហើយយើងនឹងបន្តកិច្ចខិតខំប្រឹងប្រែងកាន់តែខ្លាំងថែមទៀតដើម្បីឈានដល់លទ្ធភាពនៃកិច្ចព្រមព្រៀងមួយ”។ អ៊ីស្រាអែល បានពង្រីកការវាយប្រហារតាមអាកាសរបស់ខ្លួននៅលីបង់ កាលពីថ្ងៃពុធ ហើយក្រសួងសុខាភិបាលលីបង់ និយាយថាមនុស្សជាង ៧០នាក់បានស្លាប់ និងជាង ២០០នាក់របួស។ លោក រ៉ូប៊ឺត វ៉ូដ (Robert Wood) ឯកអគ្គរដ្ឋទូតរងសហរដ្ឋអាមេរិកប្រចាំនៅអង្គការសហប្រជាជាតិបានប្រាប់ក្រុមប្រឹក្សាថា អាមេរិកកំពុងធ្វើការជាមួយប្រទេសផ្សេងទៀតដើម្បីទប់ស្កាត់ការកើនឡើងនៃអរិភាព អនុញ្ញាតឱ្យជនភៀសខ្លួននៅលីបង់ និងអ៊ីស្រាអែលត្រឡប់ទៅផ្ទះសម្បែងពួកគេវិញ និងអនុញ្ញាតឱ្យមានការពិភាក្សាអំពីដំណោះស្រាយការទូតដ៏ទូលំទូលាយមួយ។ លោក ដាននី ដាណុន (Danny Danon) ឯកអគ្គរដ្ឋទូតអ៊ីស្រាអែលប្រចាំអង្គការសហប្រជាជាតិ បានប្រាប់អ្នកសារព័ត៌មានមុនកិច្ចប្រជុំថា អ៊ីស្រាអែល នឹងស្វាគមន៍បទឈប់បាញ់ និងពេញចិត្តចំពោះដំណោះស្រាយការទូត។ មេដឹកនាំពិភពលោកបានសម្តែងការព្រួយបារម្ភអំពីជម្លោះដ៏តានតឹងមួយនេះ ដែលកើតឡើងស្របគ្នានឹងសង្រ្គាមរបស់អ៊ីស្រាអែល នៅហ្កាហ្សា ប្រឆាំងនឹងពួកសកម្មប្រយុទ្ធហាម៉ាសប៉ាឡេស្ទីនគាំទ្រដោយអ៊ីរ៉ង់ ខណៈចំនួនអ្នកស្លាប់បន្តកើនឡើងនៅលីបង់ ហើយមនុស្សរាប់ម៉ឺននាក់បានរត់ភៀសខ្លួនចេញពីផ្ទះសម្បែងរបស់ពួកគេ៕
-
លោក ពូទីន ចេញការព្រមាននុយក្លេអ៊ែរដល់លោកខាងលិច ជុំវិញការវាយប្រហារពីអ៊ុយក្រែន ចូលរុស្ស៊ី
ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) បានព្រមានលោកខាងលិចកាលពីថ្ងៃពុធ (២៥ កញ្ញា) ថា រុស្ស៊ីអាចប្រើប្រាស់អាវុធនុយក្លេអ៊ែរ ប្រសិនបើត្រូវបានវាយប្រហារដោយមីស៊ីលធម្មតា ហើយថាទីក្រុងមូស្គូ នឹងពិចារណាការវាយប្រហារណាមួយលើខ្លួនដែលគាំទ្រដោយមហាអំណាចនុយក្លេអ៊ែរជាការវាយប្រហាររួម។ ការសម្រេចចិត្តផ្លាស់ប្តូរគោលលទ្ធិនុយក្លេអ៊ែរផ្លូវការរបស់រុស្ស៊ី គឺជាចម្លើយរបស់វិមានក្រឹមឡាំង ចំពោះការពិភាក្សានៅសហរដ្ឋអាមេរិក និងអង់គ្លេស អំពីថាតើត្រូវផ្តល់ការអនុញ្ញាតដល់អ៊ុយក្រែន ក្នុងការបាញ់មីស៊ីលធម្មតារបស់លោកខាងលិចចូលក្នុងទឹកដីរុស្ស៊ី ឬទេ។ លោក ពូទីន បានថ្លែងក្នុងការបើកកិច្ចប្រជុំក្រុមប្រឹក្សាសន្តិសុខរុស្ស៊ីថា ជំហាននេះគឺឆ្លើយតបទៅនឹងទិដ្ឋភាពពិភពលោកដែលផ្លាស់ប្តូរយ៉ាងឆាប់រហ័ស និងដែលបានបង្កើនការគំរាមកំហែង និងហានិភ័យថ្មីៗដល់រុស្ស៊ី។ ប្រមុខវិមានក្រឹមឡាំង វ័យ៧១ឆ្នាំ ដែលជាអ្នកសម្រេចចិត្តចម្បងលើឃ្លាំងអាវុធនុយក្លេអ៊ែរដ៏ធំរបស់រុស្ស៊ីរូបនេះ បាននិយាយថា “ការឈ្លានពានប្រឆាំងនឹងរុស្ស៊ីដោយរដ្ឋមិនមាននុយក្លេអ៊ែរណាមួយ ប៉ុន្តែដោយមានការចូលរួម ឬការគាំទ្រពីរដ្ឋនុយក្លេអ៊ែរ ត្រូវបានគេចាត់ទុកថាជាការវាយប្រហាររួមគ្នារបស់ពួកគេលើសហព័ន្ធរុស្ស៊ី”។ លោក ពូទីន បន្តថា “ទីក្រុងមូស្គូ នឹងពិចារណាវិធានការប្រើប្រាស់នុយក្លេអ៊ែរ ប្រសិនបើខ្លួនបានរកឃើញការចាប់ផ្តើមបាញ់បង្ហោះមីស៊ីល យន្តហោះ ឬយានដ្រូនដ៏ធំ រួមទាំងសព្វាវុធធម្មតា ប្រឆាំងនឹងរុស្ស៊ី ឬប្រសិនបើសម្ព័ន្ធមិត្តបេឡារុស របស់ខ្លួនត្រូវបានក្លាយជាកម្មវត្ថុនៃការឈ្លានពាន”។ លោក ពូទីន បន្ថែមថា ការបញ្ជាក់នេះត្រូវបានក្រិតតាមខ្នាតដោយប្រុងប្រយ័ត្ន និងសមស្របទៅនឹងការគំរាមកំហែងផ្នែកយោធាទំនើបដែលរុស្ស៊ីកំពុងប្រឈម ដោយនេះគឺជាការបញ្ជាក់ថាគោលការណ៍នុយក្លេអ៊ែររបស់រុស្ស៊ីកំពុងផ្លាស់ប្តូរ៕
-
ការសាកល្បងមីស៊ីលរបស់ចិន បង្កឱ្យមានភាពតានតឹងក្នុងតំបន់ និងការព្រួយបារម្ភអំពីសន្តិសុខ
អ្នកនាំពាក្យរដ្ឋាភិបាលជប៉ុន លោក យ៉ូស៊ីម៉ាសា ហាយ៉ាស៊ិ (Yoshimasa Hayashi) បាននិយាយដល់ការបាញ់សាកល្បងមីស៊ីលអន្តរទ្វីបបាលីស្ទីក ដែលធ្វើឡើងកាលពីថ្ងៃពុធសប្ដាហ៍នេះដោយយោធាចិនថា ការកើនឡើងសកម្មភាពយោធារបស់ចិននៅក្នុងតំបន់ គឺជាក្តីបារម្ភយ៉ាងធ្ងន់ធ្ងរ។ ប្រទេសចិនបាននិងកំពុងបន្តបង្កើនកញ្ចប់ថវិកាការពារជាតិរបស់ខ្លួនក្នុងកម្រិតខ្ពស់ និងការពង្រឹងសមត្ថភាពនុយក្លេអ៊ែរ និងមីស៊ីលរបស់ខ្លួនយ៉ាងទូលំទូលាយ និងឆាប់រហ័ស រួមទាំងមីស៊ីលអន្តរទ្វីប ICBM ផងដែរ។ លោកបានបន្ថែមថា ក្រុងប៉េកាំងពុំបានព្រមានអាជ្ញាធរក្នុងទីក្រុងតូក្យូអំពីការបាញ់សាកល្បងកាលពីថ្ងៃពុធនោះទេ។ ទោះជាយ៉ាងណាក៏ដោយ លោកបានកត់សម្គាល់ថា មីស៊ីលនោះ មិនបានហោះរំលងប្រជុំកោះជប៉ុនទេ ហើយយោធានឹងបន្តតាមដានស្ថានការណ៍នេះ។ យោធាចិន តាមរយៈក្រសួងការពារជាតិបានរាយការណ៍ថា នៅម៉ោង ៨:៤៤នាទីម៉ោងនៅទីក្រុងប៉េកាំង ថ្ងៃពុធសប្ដាហ៍នេះ មីស៊ីលផ្លោងអន្តរទ្វីប (ICBM) បំពាក់ក្បាលគ្រាប់សិប្បនិម្មិតមួយត្រូវបានបាញ់។ នេះជាការសាកល្បងប្រភេទមីស៊ីល ICBM លើកដំបូងរបស់ចិនក្នុងរយៈពេល៤៤ឆ្នាំ។ ទូរទស្សន៍រដ្ឋCCTVរបស់ចិននិយាយថា ការបាញ់សាកល្បងមីស៊ីល ICBM របស់ចិន មិនសំដៅប្រឆាំងនឹងប្រទេស ឬគោលដៅជាក់លាក់ណាមួយឡើយ។ ទោះបីជាយ៉ាងណាក៏ដោយ អ្នកនាំពាក្យក្រសួងការបរទេសនូវែលសេឡង់ លោក Winston Peters បានប្រាប់សារព័ត៌មាន AFP ថា ការបាញ់មីស៊ីលឆ្ពោះទៅកាន់មហាសមុទ្រប៉ាស៊ីហ្វិកភាគខាងត្បូង គឺជាការមិនស្វាគមន៍ និងជាក្ដីបារម្ភពីការអភិវឌ្ឍន៍។ លោកបានបន្ថែមថា អាជ្ញាធរនៅទីក្រុង Wellington…
-
តំណាងក្រុមហ៊ុនឧស្សាហកម្មទេសចរណ៍លំដាប់ពិភពលោក គ្រោងមកទស្សនកិច្ចនៅកម្ពុជាឆាប់ៗ
តំណាងក្រុមហ៊ុន Highgate ដែលជាក្រុមហ៊ុនវិនិយោគលើឧស្សាហកម្មទេសចរណ៍ ដ៏ធំនៅលើពិភពលោក គ្រោងនឹងធ្វើដំណើរ ទស្សនកិច្ច ដើម្បីសិក្សាស្វែងយល់ អំពីបច្ចុប្បន្នភាពលើវិស័យទេសចរណ៍នៅកម្ពុជា ក្នុងពេលឆាប់ៗខាងមុខ ។ ឯកឧត្តម ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា នៅថ្ងៃទី២៤ ខែកញ្ញា ឆ្នាំ២០២៤ នេះ បានជួបពិភាក្សាការងារ តាមប្រព័ន្ធវីដេអូពីចម្ងាយ ជាមួយតំណាងក្រុមហ៊ុន Highgate ដែលជាក្រុមហ៊ុនវិនិយោគលើឧស្សាហកម្ម ទេសចរណ៍ដ៏ធំ មានវត្តមាននៅតំបន់ជាច្រើនជុំវិញពិភពលោកដូចជា អាមេរិកខាងជើង ការីបៀន អាមេរិកឡាទីន និងអឺរ៉ុបជាដើម។ តាមរយៈជំនួបនេះ, ឯកឧត្តមឧបនាយករដ្ឋមន្ត្រី បានជម្រាបដល់តំណាងក្រុមហ៊ុន ឱ្យបានជ្រាបថា បើទោះបីកម្ពុជា ជាប្រទេសតូចពិតមែនក្ដី ប៉ុន្តែកម្ពុជាមានសក្តានុពលទេសចរណ៍ដ៏ស្រស់ត្រកាល និងសម្បូរបែប ដោយរួមបញ្ចូលទាំងធនធានធម្មជាតិ ក៏ដូចជាសម្បត្តិវប្បធម៌រូបិយ និងអរូបិយ។ ឆ្លៀតក្នុងឱកាសនោះ ឯកឧត្តមឧបនាយករដ្ឋមន្ត្រី ក៏បានអញ្ជើញគណៈប្រតិភូរបស់ក្រុមហ៊ុន Highgate ស្វែងរកឱកាសចុះមកបំពេញទស្សនកិច្ច ពិនិត្យមើលស្ថានភាពជាក់ស្ដែងនៃបរិយាសកាសវិនិយោគ និងធ្វើដំណើរ កំសាន្តទៅតាមតំបន់ដែលមានសក្ដានុពលនានា ដើម្បីបានជាមូលដ្ឋាន ក្នុងការពិនិត្យលទ្ធភាពពិចារណាលើការបោះទុនវិនិយោគ ក្នុង ឧស្សាហកម្មទេសចរណ៍នៅក្នុងប្រទេសកម្ពុជា។ ជាការឆ្លើយតប…