Author: Dol Pheakdey

វ៉ាស៊ីនតោន ៖ មន្ត្រីសេតវិមាន លោកស្រី ឡេវីដ បានអះអាង កាលពីថ្ងៃទី១៩ ខែសីហា ថា ទីតាំងរៀបចំកិច្ចប្រជុំកំពូល ពូទីន-ហ្សេលេនស្គី នាពេលខាងមុខ មានជម្រើសច្រើន ដែលកំពុងស្ថិត ក្នុងការពិភាក្សា។ លេខាធិការសារព័ត៌មាន ប្រចាំសេតវិមាន លោកស្រី ខារ៉ូឡាន ឡេវីដ (Karoline Leavitt) បានប្រាប់អ្នកកាសែត នៅទីក្រុងវ៉ាស៊ីនតោន ថា មានជម្រើសជាច្រើន សម្រាប់ទីតាំងរៀបចំ កិច្ចប្រជុំកំពូលសន្តិភាព ដែលអាចធ្វើទៅបាន រវាងលោក Vladimir Putin ប្រធានាធិបតីរុស្ស៊ី និង លោក Volodymyr Zelensky ប្រធានាធិបតីអ៊ុយក្រែន។ ជាមួយគ្នានេះ លោកស្រី ឡេវីដ បានបញ្ជាក់ដែរថា លោកប្រធានាធិបតី Donald Trump ច្រានចោល ការបញ្ជូនទាហានអាមេរិក ទៅ អ៊ុយក្រែន ប៉ុន្តែ អាចនឹងពង្រីកអំណាចផ្លូវអាកាស របស់សហរដ្ឋអាមេរិក ខណៈដែល ប្រទេសលោកខាងលិច ចាប់ផ្តើមលុបចោល…

ប៉ារីស ៖ ប្រធានាធិបតីបារាំង លោក Emmanuel Macron បានស្នើថា កិច្ចប្រជុំកំពូលស្តីពីសន្តិភាពរវាងមេដឹកនាំរុស្ស៊ី និងអ៊ុយក្រែន គួរតែរៀបចំឡើងនៅក្នុងទីក្រុងហ្សឺណែវ ប្រទេសស្វីស។ លោកប្រធានាធិបតី Macron បាននិយាយនៅក្នុងបទសម្ភាសន៍មួយ ដែលបានចាក់ផ្សាយកាលពីថ្ងៃអង្គារ នៅលើប៉ុស្តិ៍ព័ត៌មានបារាំង LCI ថា កិច្ចប្រជុំកំពូលរវាងលោក Putin និង លោក Zelensky គួរតែស្វីសជាអ្នកធ្វើជាម្ចាស់ផ្ទះ ពីព្រោះថា ស្វីសគឺជាប្រទេសអព្យាក្រឹត។ ដោយនិយាយសំដៅថាតើលោកប្រធានាធិបតី Zelensky នឹងត្រូវបង្ខំឱ្យប្រគល់ទឹកដីទៅឱ្យរុស្ស៊ីដែរឬអត់នោះ លោកប្រធានាធិបតី Macron បាននិយាយថា វាអាស្រ័យលើអ៊ុយក្រែនជាអ្នកសម្រេចចិត្តខ្លួនឯងផ្ទាល់។ មេដឹកនាំបារាំងរូបនេះ បានសង្កត់ធ្ងន់ទៀតថា អ៊ុយក្រែននឹងធ្វើសម្បទាននូវអ្វី ដែល ខ្លួន យល់ ឃើញ ថា គគឺជារឿងត្រឹមត្រូវ។ ប៉ុន្តែលោកបានបន្ថែម ថា សូមប្រុងប្រយ័ត្ន ឲ្យ បាន ខ្ពស់ ពេល យើង និយាយ អំពី ការ ទទួល ស្គាល់…

មូស្គូ ៖ រដ្ឋមន្ត្រីការបរទេសរុស្ស៊ី លោក Sergei Lavrov និយាយថា កិច្ចព្រមព្រៀងសន្តិភាពណាមួយ ស្តីពីសង្គ្រាមអ៊ុយក្រែន ត្រូវតែមានការធានាសន្តិសុខដល់រុស្ស៊ី និងប្រជាជនរុស្ស៊ីនៅអ៊ុយក្រែន។ លោក Lavrov បានបញ្ជាក់កាលពីថ្ងៃអង្គារថា កិច្ចព្រមព្រៀងណាមួយស្តីពីសង្គ្រាមអ៊ុយក្រែន គួរតែមានការធានាសន្តិសុខដល់រុស្ស៊ី និងសិទ្ធិរបស់ប្រជាជននិយាយភាសារុស្សី ដែលរស់នៅក្នុងប្រទេសអ៊ុយក្រែន ខណៈសម្ព័ន្ធមិត្តរបស់ទីក្រុងកៀវចង់ឲ្យមានជំនួបកំពូលសន្តិភាពរវាងលោក Zelensky និង លោក Putin។ ប្រមុខការទូតរុស្ស៊ីរូបនេះបន្ថែមថា ទំនាក់ទំនងណាមួយដែលពាក់ព័ន្ធនឹងប្រធានាធិបតីរុស្ស៊ី-អ៊ុយក្រែន ត្រូវតែរៀបចំឲ្យបានម៉ត់ចត់ ប៉ុន្តែរុស្ស៊ីសូមព្រមានថា ដំណោះស្រាយណាមួយនៃសង្គ្រាមនៅអ៊ុយក្រែន ត្រូវតែគោរពផលប្រយោជន៍សន្តិសុខរបស់រុស្ស៊ី។ បើសិនកើតឡើងមែននោះ កិច្ចពិភាក្សាទល់មុខគ្នារវាងលោក Zelensky និងលោក Putin នឹងក្លាយជាជំនួបលើកដំបូងបំផុត ចាប់តាំងពីការលុកលុយរបស់រុស្ស៊ីកាលពីបីឆ្នាំមុន៕ ប្រភព ៖ AFP

ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកស៊ីម៉ាក់ បានសរសេរលើបណ្តាញសង្គមការងារផ្លូវការនាថ្ងៃទី២០ ខែសីហា ឆ្នាំ២០២៥នេះថា ថៃបានខិតខំកែច្នៃក្រឡៃ សត្វដំរីមកជាសត្វស្រមោច និងរីឯសត្វស្រមោចឱ្យក្លាយជាសត្វដំរី។ ឯកឧត្តម បានបន្តថា សំណល់គ្រាប់បែកទម្លាក់ពីយន្តហោះF-16 ប្រភេទMK-84 ទម្ងន់ជិតមួយតោន​ ភាគីថៃខិតខំប្រែក្លាយខ្លួនជាជនរងគ្រោះ ដោយថា​កម្ពុជាខូចរកសុីលាបពណ៌​ថៃ​ ដោយយកគ្រាប់បែកMK-84 សំណល់សង្គ្រាមឆ្នាំ១៩៧០-១៩៧៣​ មកដាក់តាំងបង្ហាញ​ ប៉ុន្តែជាក់ស្តែងគ្រាប់បែកMK-84 ស្ថិតនៅភូមិថ្មដូន​ ឃុំគោកមននេះ​ ផលិតឆ្នាំ១៩៩៦​ ហើយគ្រាប់បែកMK-82ទម្លាក់នៅវត្តតាមន្តសែនជ័យផលិតនៅឆ្នាំ២០២៣។ តាមមន្ត្រីជាន់ខ្ពស់ខាងលើ បានចោទសួរថាតើគ្រាប់បែកផលិតនៅឆ្នាំ១៩៩៦ និង២០២៣​ អាចជាសំណល់សង្គ្រាមឆ្នាំពី១៩៧០-១៩៧៣កើតដែរឬ? តាមអគ្គនាយកស៊ីម៉ាក់ បានបញ្ជាក់ថា ទីតាំងគ្រាប់បែកទម្លាក់នេះនៅសល់៥គ្រាប់ទៀ​តនៅកប់ដីនៅឡើយ​ ហើយមនុស្សម្នាលើលោកអាចមកឃើញគ្រាប់បែកទាំងនេះបាន​ និងអាចចុះមកពិនិត្យបាននៅពេលមន្ត្រីជំនាញ CMAC ដោះបន្សាបនាពេលខាងមុខ។ ឯកឧត្តម អគ្គនាយក បានលើកឡើងថា ប្រាសាទព្រះវិហារត្រូវរងគ្រោះដោយសារគ្រាប់ផ្លោង១៥៥មម​ គ្រាប់បែកចង្កោម​ និងគ្រាប់ជាច្រើនប្រភេទ ហើយនៅពេលឃើញរណ្តៅគ្រាប់ និងការបែកបាក់ប្រាសាទទាំងនោះ ពួកសៀមបែរជាចោទខ្មែរ​ថា រណ្តៅគ្រាប់ទាំងនោះ​ខែ្មររៀបចំជីករណ្តៅបង្ហាញ​ដើម្បីលាបពណ៌បង្ខូចឈ្មោះថៃ​ ហើយថៃជាជនរងគ្រោះទៅវិញ! តាមរយៈបណ្តាញសង្គមខាងលើ ឯកឧត្តម ហេង រតនា បានបង្ហាញថា បញ្ហាគ្រាប់មីន​ ភាគីថៃខិតខំបង្ហាញថា​ ខ្លួនជាជនរងគ្រោះព្រោះខែ្មរប្រើគ្រាប់មីនPMN-2ថ្មី​…

(ភ្នំពេញ)៖ សហភាពអឺរ៉ុបបានប្រកាសថានឹងផ្ដល់ជំនួយមនុស្សធម៌បន្ទាន់សរុបជាទឹកប្រាក់ចំនួន ៧០០,០០០ អឺរ៉ូ ឬប្រមាណមានទឹកប្រាក់ប្រមាណ ៨១៦,០០០ ដុល្លារអាមេរិកសម្រាប់ជួយដល់ប្រជាជនដែលរងគ្រោះដោយជម្លោះនៅតាមព្រំដែនកម្ពុជា-ថៃ។ បើយោងតាមសហភាពអឺរ៉ុបបានឱ្យដឹងនៅយប់ថ្ងៃទី ១៩ ខែ សីហា ឆ្នាំ ២០២៥ថាសម្រាប់ជំនួយមនុស្សធម៌របស់សហភាពអឺរ៉ុបនឹងផ្ដោតលើការឧបត្ថម្ភថវិកាសម្រាប់ពហុបំណង ការគាំទ្រផ្នែកស្មារតីនិងសុខភាពផ្លូវចិត្ត ព្រមទាំងការអង្កេតតាមដានការផ្លាស់ទីលំនៅសំរាប់រយៈពេល៦ ខែ។ វាជាមូលនិធិមនុស្សធម៌ជាបន្ទាន់នេះនឹងបំពេញបន្ថែមលើគម្រោងនានាដែលកំពុងអនុវត្តតាមរយៈដៃគូ អង្គការនៅក្នុងតំបន់។ កាលពីដើមឆ្នាំនេះសហភាពអឺរ៉ុបបានបែងចែកថវិកាចំនួន ៧៦ លានអឺរ៉ូជាជំនួយ មនុស្សធម៌ដើម្បីដោះស្រាយតម្រូវការរបស់ប្រជាជនដែលរងផលប៉ះពាល់ដោយវិបត្តិចម្បងៗនៅតំបន់អាស៊ី ខាងត្បូង និងអាស៊ីអាគ្នេយ៍។ ប្រភពនេះបានបន្តឱ្យដឹងថា រាល់ជំនួយអន្តរាគមន៍របស់សហភាពអឺរ៉ុបគឺផ្អែកទៅលើការវាយតម្លៃតម្រូវការជាក់ស្តែងយ៉ាងល្អិត ល្អន់ ហើយជំនួយមនុស្សធម៌ទាំងនេះត្រូវបានផ្តល់ជូនដោយការអនុលោមយ៉ាងពេញលេញទៅតាមគោល ការណ៍មនុស្សជាតិ ភាពមិនលំអៀង ភាពអព្យាក្រឹត និងឯករាជ្យភាព៕

ឯកឧត្តម ហ៊ុន ម៉ានី៖ «កម្ពុជាប្រកាន់ជំហរដោះស្រាយបញ្ហាដោយសន្តិវិធីផ្តល់តម្លៃលើការអនុវត្តច្បាប់អន្តរជាតិ និងយន្តការចរចាតាមផ្លូវការទូត» ភ្នំពេញ៖ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ នៅថ្ងៃទី១៩ ខែសីហានេះ បានបង្ហោះសារនៅលើបណ្ដាញសង្គមហ្វេសប៊ុកបញ្ជាក់ជាថ្មីថា «កម្ពុជាប្រកាន់ជំហរដោះស្រាយបញ្ហាដោយសន្តិវិធីផ្តល់តម្លៃលើការអនុវត្តច្បាប់អន្តរជាតិ និងយន្តការចរចាតាមផ្លូវការទូត»។ ឯកឧត្តម បានលើកឡើងថា ជាមួយនឹងការតាមដានដោយយកចិត្តទុកដាក់ពីការវិវត្តជាបន្តបន្ទាប់នៃស្ថានភាពព្រំដែនកម្ពុជា-ថៃ ផ្តើមតាំងពីព្រឹត្តិការណ៍កងទ័ពថៃវាយប្រហារមកលើកម្ពុជាដែលបណ្តាលឱ្យបាត់បង់ជីវិតទាហានខ្មែរម្នាក់កាលពីថ្ងៃទី២៨ ខែឧសភា, ការបិទច្រកព្រំដែនជាឯកតោភាគី (ថ្ងៃទី៧ខែមិថុនា) និងឈានដល់ការផ្ទុះអាវុធ (នាថ្ងៃទី២៤ ខែកក្កដា) យើងទាំងអស់គ្នាពិតជាបានកត់សម្គាល់យ៉ាងច្បាស់ពីកិច្ចខិតខំប្រឹងប្រែងឥតឈប់ឈររបស់រាជរដ្ឋាភិបាលក្នុងការគ្រប់គ្រង់ការដ្ឋានស្នូលសំខាន់ៗ ក្នុងនោះក៏មានការអនុវត្តជាយុទ្ធសាស្ត្រនូវនយោបាយការទូត ដោយប្រកាន់ជំហរដោះស្រាយបញ្ហាដោយសន្តិវិធី, ផ្តល់តម្លៃលើការអនុវត្តច្បាប់អន្តរជាតិ (ការស្វែងរកដំណោះស្រាយផ្លូវច្បាប់នៅតុលាការយុត្តិធម៌អន្តរជាតិ ICJ) និងយន្តការចរចាតាមផ្លូវការទូត។ ឯកឧត្តមបានបន្តថា ជាក់ស្តែង កិច្ចប្រជុំពិសេសរវាងសម្តេចធិបតីនាយករដ្ឋមន្ត្រី និងនាយករដ្ឋមន្ត្រីស្តីទីថៃ ដោយមានការសម្របសម្រួលពីនាយករដ្ឋមន្ត្រីម៉ាឡេស៊ីក្នុងនាមជាប្រធានអាស៊ាន រួមជាមួយតំណាងសហរដ្ឋអាមេរិក និងសាធារណរដ្ឋប្រជាមានិតចិនជាសាក្សី នាថ្ងៃទី២៨ ខែកក្កដា បានសម្រេចបានការនូវបទឈប់បាញ់បន្ទាន់ឥតលក្ខខណ្ឌ ដែលបានចូលជាធរមាននៅយប់ម៉ោង០០:០០ ឈានចូលថ្ងៃទី២៩ ខែកក្កដា ឆ្នាំ២០២៥។ តាមរយៈលទ្ធផលនៃកិច្ចប្រជុំបានបើកច្រកបន្តដល់ការរៀបចំឱ្យមានកិច្ចប្រជុំវិសាមញ្ញនៃគណៈកម្មាធិការព្រំដែនទូទៅកម្ពុជា-ថៃ (GBC) ដែលបានឯកភាពលើលក្ខខណ្ឌនៃបទឈប់បាញ់ និងការរៀបចំយន្តការអនុវត្ត (ថ្ងៃទី០៧ ខែសីហា) ព្រមទាំងកិច្ចប្រជុំគណៈកម្មាធិការព្រំដែនថ្នាក់យោធភូមិភាគ (RBC)…

វ៉ាស៊ីងតោន ៖ ប្រធានាធិបតីបារាំង លោក ម៉ាក្រុង បានជំរុញឲ្យមានការដាក់ទណ្ឌកម្ម ប្រឆាំងនឹងរុស្ស៊ី ប្រសិនបើ ការចរចាការទូតបញ្ចប់សង្គ្រាម នៅអ៊ុយក្រែន ចុងក្រោយនេះ នៅតែរងបរាជ័យនោះ។ កាលពីថ្ងៃចន្ទ ទី១៨ ខែសីហា ប្រធានាធិបតីបារាំង លោក Emmanuel Macron បានអំពាវនាវ ឲ្យបង្កើនការដាក់ទណ្ឌកម្ម ប្រឆាំងនឹងរុស្ស៊ី ប្រសិនបើមេដឹកនាំប្រទេសនេះ គឺ លោក វ្ល៉ាឌីមៀ ពូទីន មិនឆ្ពោះទៅមុខ លើសន្តិភាព ជាមួយអ៊ុយក្រែន។ លោក Macron បានប្រាប់អ្នកយកព័ត៌មាន បន្ទាប់ពីកិច្ចពិភាក្សា នៅឯសេតវិមាន ថា «ប្រធានាធិបតី Trump ជឿជាក់ថា យើងអាចទទួលបានកិច្ចព្រមព្រៀងមួយ ហើយជឿជាក់ថា លោកប្រធានាធិបតី Putin ក៏ចង់បានកិច្ចព្រមព្រៀងសន្តិភាពផងដែរ…ប៉ុន្តែប្រសិនបើ នៅចុងបញ្ចប់ដំណើរការនេះ ត្រូវបានបំពេញដោយការបដិសេធ យើងក៏ត្រៀមខ្លួនរួចជាស្រេច ក្នុងការនិយាយថា យើងត្រូវបង្កើនការដាក់ទណ្ឌកម្ម»។ គួរបញ្ជាក់ថា លោក Trump បានអញ្ជើញប្រធានាធិបតីអ៊ុយក្រែន លោក Volodymyr…

តេហេរ៉ង់ ៖ សមាជិកសភានៃគណៈកម្មាធិការសន្តិសុខជាតិ និងគោលនយោបាយការបរទេសរបស់សភាអ៊ីរ៉ង់ លោក Amir Hayat-Moqaddam នៅថ្ងៃអាទិត្យ បានធ្វើការព្រមានក្តែងៗថា ឥឡូវនេះ អ៊ីរ៉ង់មានមីស៊ីលអាចវាយប្រហារលើគោលដៅទីក្រុងនានារបស់អាមេរិកពីទីតាំងនៅឯនាយសមុទ្រ ហើយថា គ្រប់ប្រទេសអឺរ៉ុបទាំងអស់ស្ថិតនៅក្នុងមុខព្រួញនៃមីស៊ីលរបស់អ៊ីរ៉ង់រួចហើយ។ ការគំរាមធ្ងន់ៗរបស់លោក Hayat-Moqaddam កើតឡើងចំពេលដែលចក្រភពអង់គ្លេស បារាំង និងអាល្លឺម៉ង់បានបង្ហាញសញ្ញាថា ពួកគេត្រៀមខ្លួនរួចជាស្រេច ក្នុងការដាក់ទណ្ឌកម្មរបស់អង្គការសហប្រជាជាតិប្រឆាំងនឹងអ៊ីរ៉ង់។ E3 រួមមានចក្រភពអង់គ្លេស បារាំង និងអាល្លឺម៉ង់ បានព្រមានជាផ្លូវការថា ពួកគេត្រៀមខ្លួនជាស្រេច ដើម្បីដាក់សម្ពាធបន្ថែមទៀត លុះត្រាតែអ៊ីរ៉ង់វិលត្រឡប់ទៅរកកិច្ចចរចានុយក្លេអ៊ែរវិញនៅចុងខែសីហាខាងមុខនេះ នេះបើតាមការចុះផ្សាយរបស់កាសែតរ៉យទ័រ, Financial Times និង AP កាលពីសប្តាហ៍មុន។ ប្រទេសអ៊ីរ៉ង់ ត្រូវបានគេមើលឃើញថា បានបង្កើនឃ្លាំងសព្វាវុធ យន្តហោះដ្រូនប្រយុទ្ធ និង មីស៊ីលផ្លោង។ តួយ៉ាង អ៊ីរ៉ង់ទើបផលិតបានមីស៊ីលបញ្ជាទិសវាយប្រហារដីគោករយៈចម្ងាយឆ្ងាយរបស់ខ្លួន មានឈ្មោះថា Hoveyzeh ដែលអាចមានសមត្ថភាពហោះក្នុងចម្ងាយប្រហែល ១.៣៥០គីឡូម៉ែត្រ។ រីឯមីស៊ីលមួយប្រភេទទៀត មានឈ្មោះថា Abu Mahdi ដែលអាចមានសមត្ថភាពហោះក្នុងចម្ងាយប្រហែល ១.០០០គីឡូម៉ែត្រ ហើយត្រូវបានដាក់ឱ្យប្រើប្រាស់នៅក្នុងជួរកងទ័ពជើងទឹកអ៊ីរ៉ង់ និងកងទ័ពជើងទឹកឆ្មាំបដិវត្តន៍អ៊ីរ៉ង់ IRGC…