Author: Dol Pheakdey
-
ពិភពអារ៉ាប់បែកបាក់គ្នា ក្នុងការបញ្ចេញប្រតិកម្មចំពោះការសម្លាប់មេដឹកនាំក្រុមហេសបូឡា
ការសម្លាប់មេដឹកនាំក្រុមហេសបូឡា លោក Sayyed Hassan Nasrallah វ័យ៦៤ឆ្នាំ កាលពីថ្ងៃសុក្រសប្ដាហ៍មុន ពីសំណាក់អ៊ីស្រាអែល ត្រូវបានជួបភាពស្ងៀមស្ងាត់ដោយរដ្ឋជាច្រើនដឹកនាំដោយនិកាយស៊ុននី(Sunni)នៅទូទាំងតំបន់បង្ហាញពីការបែកបាក់គ្នារវាងមនុស្សជាច្រើនដែលខឹងសម្បារចំពោះអ៊ីស្រាអែល និងក្រុមអាជ្ញាធរដែលបានធ្វើឱ្យមានទំនាក់ទំនងធម្មតាជាមួយអ៊ីស្រាអែល ឬប្រឆាំងទៅនឹងអ៊ីរ៉ង់ដែលគាំទ្រក្រុមហេសបូឡា។ លោក Nasrallah ដែលបានដឹកនាំក្រុមប្រដាប់អាវុធនិកាយ (Shi’ite) ដ៏មានឥទ្ធិពលអស់រយៈពេល ៣២ ឆ្នាំបានបង្កើតសត្រូវក្នុងតំបន់ហួសពីអ៊ីស្រាអែល និងលោកខាងលិច។ ប្រទេសឈូងសមុទ្រ និងសម្ព័ន្ធអារ៉ាប់ បានចាត់ទុកក្រុមរបស់លោក ជា “អង្គការភេរវកម្ម” ក្នុងឆ្នាំ ២០១៦ ទោះបីជាសម្ព័ន្ធនេះបានដកឈ្មោះចេញកាលពីដើមឆ្នាំនេះក៏ដោយ។ អារ៉ាប៊ីសាអ៊ូឌីតដែលគ្រប់គ្រងដោយនិកាយស៊ុននីបាននិយាយនៅក្នុងសេចក្តីថ្លែងការណ៍មួយកាលពីល្ងាចថ្ងៃអាទិត្យថាខ្លួនកំពុងតាមដានវឌ្ឍនភាពក្នុងប្រទេសលីបង់ដោយការព្រួយបារម្ភយ៉ាងខ្លាំង ហើយបានជំរុញឱ្យមានការរក្សាអធិបតេយ្យភាពនិងសន្តិសុខក្នុងតំបន់នៃប្រទេសលីបង់។ ប៉ុន្តែពុំបាននិយាយពីឈ្មោះលោក Nasrallah ទេ។ រដ្ឋដែលគ្រប់គ្រងដោយនិកាយស៊ុននី កាតា សហភពអារ៉ាប់រួម និងបារ៉ែន នៅតែបន្តស្ងប់ស្ងាត់ចំពោះការសម្លាប់លោក Nasrallah ។ អារ៉ាប់រួម និងបារ៉ែនបានធ្វើឱ្យទំនាក់ទំនងធម្មតាជាមួយអ៊ីស្រាអែលនៅឆ្នាំ ២០២០ ។ យោងតាមសេចក្តីថ្លែងការណ៍របស់ប្រធានាធិបតីអេហ្ស៊ីប លោក Abdel Fattah al-Sisi បាននិយាយទៅកាន់លោកនាយករដ្ឋមន្ត្រីលីបង់ ណាជីប មីកាទី (Najib Mikati) តាមទូរស័ព្ទ ថា…
-
សម្ដេចមហាបវរធិបតី៖ កម្ពុជាមានសមត្ថភាពខ្ពស់ក្នុងការរៀបចំព្រឹត្តិការណ៍លំដាប់អន្តរជាតិ ដូចជាព្រឹត្តិការណ៍Gumball 3000 ដោយជោគជ័យ
នាព្រឹកថ្ងៃទី ៣០ ខែកញ្ញា ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាបានទទួលជំនួបសំណេះសំណាលជាមួយលោកអ្នកឧកញ៉ា លាង ឃុន សហស្ថាបនិក និងជាប្រធានក្រុមប្រឹក្សាភិបាលក្រុមហ៊ុន ជីប ម៉ុង គ្រុប នៅវិមានសន្ដិភាព ក្នុងឱកាសនៃជំនួប លោកអ្នកឧកញ៉ា លាង ឃុន បានគោរពជម្រាបជូនសម្ដេចធិបតីអំពីជោគជ័យ នៃការរៀបចំព្រឹត្តិការណ៍ Gumball 3000 នៅកម្ពុជា ដែលព្រឹត្តិការណ៍នេះទទួលបានការកោតសរសើរពីគណៈប្រតិភូ Gumball 3000 ផ្ទាល់ និងបានបញ្ជាក់ថា “កម្ពុជាជាម្ចាស់ផ្ទះរៀបចំព្រឹត្តិការណ៍Gumball 3000 ល្អបំផុតក្នុងរយ:ពេល ២៥ ឆ្នាំនៃការរៀបចំ ព្រឹត្តិការណ៍នេះ” ។ ជាមួយគ្នានេះ ព្រឹត្តិការណ៍ Gumball 3000 ត្រូវបានផ្សព្វផ្សាយយ៉ាងទូលំទូលាយនៅលើបណ្ដាញសារព័ត៌មាន និងបណ្ដាញសង្គមនានា ដោយមានអ្នកចូលរួមទស្សនាសរុបប្រមាណជាង ១០០០ លាននាក់ ហើយនឹងបន្តកើនឡើងថែមទៀត។ លោកអ្នកឧកញ៉ាបានគោរពថ្លែងអំណរគុណចំពោះការគាំទ្ររបស់រាជរដ្ឋាភិបាល, ក្រសួងទេសចរណ៍, ក្រសួង-ស្ថាប័ន និងអាជ្ញាធរដែនដីពាក់ព័ន្ធដែលបានផ្តល់នូវកិច្ចសហការរៀបចំព្រឹត្តិការណ៍នេះឱ្យទទួលបានជោគជ័យគួរជាទីមោទនៈ និងបានគោរពជម្រាបជូនសម្ដេចធិបតីបន្ថែមទៀតថា ព្រឹត្តិការណ៍នេះក៏បានរួមចំណែកដល់ការងារមនុស្សធម៌ តាមរយៈការកៀរគរថវិកាសប្បុរសធម៌ដើម្បីបរិច្ចាគជូនមន្ទីរពេទ្យកុមារអង្គរខេត្តសៀមរាប…
-
កោះតៃវ៉ាន់ ស្ថិតក្នុងការប្រុងប្រយ័ត្ន ជុំវិញការបាញ់មីស៊ីលជាច្រើនលើក នៅចិនដីគោក
អាជ្ញាធរការពារជាតិកោះតៃវ៉ាន់ បាននិយាយកាលពីថ្ងៃអាទិត្យ ទី២៩ ខែកញ្ញា ថា ខ្លួនស្ថិតក្នុងការប្រុងប្រយ័ត្នខ្ពស់ បន្ទាប់ពីបានរកឃើញ ការបាញ់មីស៊ីលជាបន្តបន្ទាប់ក្នុងទីតាំងជ្រៅនៅក្នុងប្រទេសចិនដីគោក ប៉ុន្មានថ្ងៃបន្ទាប់ពីទីក្រុងប៉េកាំង បាននិយាយថា ខ្លួនបានអនុវត្តការបាញ់សាកល្បងដោយជោគជ័យនៃមីស៊ីលបាលីស្ទីកអន្តរទ្វីប។ កោះតៃវ៉ាន់ គ្រប់គ្រងតាមបែបលទ្ធិប្រជាធិបតេយ្យ ដែលប្រទេសចិន ចាត់ទុកថាជាដែនដីរបស់ខ្លួន នៅតែឃ្លាំមើលយ៉ាងដិតដល់លើសមយុទ្ធយោធារបស់ប្រទេសចិន ដែលទីក្រុងប៉េកាំងបានធ្វើសកម្មភាពជាប្រចាំ នៅជុំវិញកោះនេះ ប៉ុន្តែកម្រនឹងបញ្ចេញព័ត៌មានលម្អិតអំពីអ្វីដែលខ្លួនមើលឃើញកើតឡើង នៅក្នុងប្រទេសចិន។ អាជ្ញាធរកោះ និយាយថា ចាប់ពីម៉ោង ៦:៥០ ព្រឹក (ម៉ោងក្នុងស្រុកកាលពីថ្ងៃសៅរ៍) ខ្លួនបានឃើញ « ការបាញ់ជាបន្តបន្ទាប់ជាច្រើនលើក» ដោយកងកម្លាំងរ៉ុក្កែត និងកងទ័ពរបស់ចិន នៅក្នុងខេត្តជាច្រើន និងនៅក្នុងតំបន់Inner Mongolia កានស៊ូ(Gansu) ឈីងហៃ(Qinghai) និងខេត្តស៊ីនជាំង ដែលទាំងអស់នេះ ស្ថិតនៅចម្ងាយយ៉ាងហោចណាស់២.០០០គីឡូម៉ែត្រ ពីកោះតៃវ៉ាន់។ អាជ្ញាធរបាននិយាយបន្ថែមនៅក្នុងសេចក្តីថ្លែងការណ៍ថា កងកម្លាំងរបស់កោះតៃវ៉ាន់ កំពុង «បន្តតាមដានការវិវត្តដែលពាក់ព័ន្ធ ហើយកងកម្លាំងការពារដែនអាកាស នៅតែប្រុងប្រយ័ត្នខ្ពស់ ។ ក្រសួងការពារជាតិចិន ពុំបានឆ្លើយតបចំពោះការហៅទូរស័ព្ទស្វែងរកការអត្ថាធិប្បាយនៅក្រៅម៉ោងធ្វើការនោះទេ។ កងកម្លាំងរ៉ុក្កែត គឺជាកងកម្លាំងទទួលបន្ទុកឃ្លាំងអាវុធនុយក្លេអ៊ែរ និងមីស៊ីលធម្មតារបស់ប្រទេសចិន។ អាជ្ញាធរការពារជាតិកោះតៃវ៉ាន់ បានបង្កើនការព្រមានអំពីការកើនឡើងជាថ្មីនៃសកម្មភាពយោធារបស់ចិន នៅជុំវិញកោះនេះ…
-
បាតុកម្មទូទាំងពិភពអារ៉ាប់ប្រឆាំងការសម្លាប់មេដឹកនាំក្រុមហេសបូឡា លោក Hassan Nasrallah
មនុស្សម្នាជាច្រើនបានចេញតវ៉ាពាសពេញដងផ្លូវនានា កាលពីយប់ចុងសប្ដាហ៍នេះនៅទូទាំងពិភពអារ៉ាប់ដោយថ្កោលទោសការសម្លាប់របស់អ៊ីស្រាអែលទៅលើមេដឹកនាំក្រុមហេសបូឡា លោក Hassan Nasrallah ក្នុងការវាយឆ្មក់តាមអាកាសដ៏ធំ ដែលបានវាយលុកប្លុកទាំងមូលនៅភាគខាងត្បូងនៃរដ្ឋធានីបេរូត (Beirut) កាលពីថ្ងៃសុក្រសប្ដាហ៍មុន។ នៅក្នុងប្រទេសលីបង់ ក្រុមបាតុករបានប្រមូលផ្តុំគ្នានៅទីក្រុងស៊ីដូន(Sidon)កាលពីចុងសប្ដាហ៍នេះ ដើម្បីកាន់ទុក្ខមេដឹកនាំក្រុមហេសបូឡាលោក Sayyed Hassan Nasrallah និងថ្កោលទោសអ៊ីស្រាអែល។ ចំណែកនៅប្រទេសអ៊ីរ៉ង់វិញ ការតវ៉ាមួយបានកើតឡើងទាំងភ្លៀងធ្លាក់ខ្លាំងក្នុងរដ្ឋធានី តេអេរ៉ង់ ដើម្បីថ្កោលទោសការសម្លាប់មេដឹកនាំក្រុមហេសបូឡា គាំទ្រដោយអ៊ីរ៉ង់ លោក Hassan Nasrallah នៅក្នុងការវាយប្រហាររបស់អ៊ីស្រាអែលលើរដ្ឋធានីបេរូត ។ នៅទីក្រុង រ៉ាម៉ាឡា (Ramallah)ក្នុងតំបន់ West Bank ប្រជាជនប៉ាឡេស្ទីនរាប់រយនាក់បានដើរដង្ហែរពាសពេញនផ្លូវក្នុងទីក្រុងនេះ ប្រឆាំងការវាយលុករបស់អ៊ីស្រាអែលដែលនៅតែបន្ត ដោយលើកទង់ផ្សេងៗ និងរូបថតលោក Nasrallah។ នៅក្នុងរដ្ឋធានី រ៉ាបាត ( Rabat) របស់ប្រទេសម៉ារ៉ុក មនុស្សបានប្រមូលផ្តុំគ្នានៅមុខអគារសភា ថ្កោលទោសការធ្វើឃាតលោក Nasrallah ដោយស្រែកពាក្យស្លោកដូចជា ការតស៊ូនឹងមិនស្លាប់និងសូមឲ្យលោក Nasrallah បានសុខ យើងនឹងបន្តការតស៊ូ។ ជនមូស្លីមមកពីសហគមន៍ ស៊ីយ៉ា (Shia) ក្នុងតំបន់កាស្មៀរ របស់ឥណ្ឌាបានចេញតវ៉ាកាលពីថ្ងៃអាទិត្យ ២៩កញ្ញា…
-
៊ុយក្រែន និយាយថាបានវាយប្រហារឃ្លាំងអាវុធរបស់រុស្ស៊ីដោយយានដ្រូន
អ៊ុយក្រែន កាលពីថ្ងៃអាទិត្យ ទី២៩ ខែកញ្ញា អះអាងថា បានបញ្ជូនយានដ្រូនជាង ១០០ គ្រឿងចូលជ្រៅក្នុងប្រទេសរុស្ស៊ី ដែលបានវាយប្រហារឃ្លាំងអាវុធដ៏ធំមួយ ខណៈទីក្រុងគីវ បង្កើនការវាយប្រហាររបស់ខ្លួនបន្ថែមទៀត នៅក្នុងទឹកដីរុស្ស៊ី។ នាយសេនាធិការយោធាអ៊ុយក្រែន បានសរសេរនៅលើបណ្តាញ Telegram ថា «កងកម្លាំងការពារជាតិ បានវាយប្រហារលើឃ្លាំងអាវុធយោធា Kotluban» ក្នុងតំបន់ Volgograd មានចម្ងាយរាប់រយគីឡូម៉ែត្រពីព្រំដែនអ៊ុយក្រែន មួយថ្ងៃបន្ទាប់ពីការដឹកជញ្ជូនអាវុធរបស់អ៊ីរ៉ង់ ដែលតាមសេចក្តីរាយការណ៍ថា បានទៅដល់ទីតាំងនោះ។ ការបង្ហោះនោះ បាននិយាយថា «ការផ្ទុះគ្រាប់រំសេវ និងអគ្គិភ័យ ត្រូវបានគេឃើញនៅឃ្លាំង ខណៈទីតាំងនេះ ត្រូវបានប្រើប្រាស់សម្រាប់ការផ្ទុក និងការធ្វើទំនើបកម្មមីស៊ីល និងកាំភ្លើងធំ។ ប្រទេសរុស្ស៊ី ពុំបានបញ្ជាក់ពីការវាយប្រហារនេះទេ ប៉ុន្តែបានរាយការណ៍ថា ខ្លួនបានបំផ្លាញយានដ្រូនចំនួន៦៧គ្រឿងកាលពីពេលយប់នៅតំបន់ Volgograd។ ប្រភពព័ត៌មានពីអង្គភាពការពារជាតិអ៊ុយក្រែន បានប្រាប់ប្រព័ន្ធផ្សព្វផ្សាយថា យានដ្រូនចំនួន១២០គ្រឿង បានហោះក្នុងចម្ងាយជាង៦០០ គីឡូម៉ែត្រ ដើម្បីកំណត់គោលដៅឃ្លាំង កាលពីព្រឹកថ្ងៃអាទិត្យ។ ប្រភពដដែល បាននិយាយបន្តថា «ជាលទ្ធផលនៃការវាយប្រហារ ទីតាំងផ្ទុកគ្រាប់រំសេវ និងមីស៊ីល បានរងការខូចខាត ដែលនឹងនាំឱ្យមានការខ្វះគ្រាប់រំសេវសម្រាប់អង្គភាពកងទ័ពរបស់រុស្ស៊ី»។ រដ្ឋាភិបាលប្រទេសលោកខាងលិច បានចោទប្រកាន់ប្រទេសអ៊ីរ៉ង់ថា…
-
[UPDATE] ចំនួនអ្នកស្លាប់ដោយសារទឹកជំនន់ និងបំណាក់ដីនៅនេប៉ាល់ កើនឡើងដល់ ១៧០នាក់ និងរាប់សិបនាក់បាត់ខ្លួន
សារព័ត៌មាន Press Trust of India (PTI)បានរាយការណ៍ថា ចំនួនអ្នកស្លាប់បានកើនឡើងដល់១៧០ នាក់ និង៤២នាក់ផ្សេងទៀតកំពុងបាត់ខ្លួន បន្ទាប់ពីមានភ្លៀងធ្លាក់ខ្លាំង ទឹកជំនន់ និងបំណាក់ដីដែលបានបង្កការបំផ្លិចបំផ្លាញនៅប្រទេសនេប៉ាល់ក្នុងរយៈពេលប៉ុន្មានថ្ងៃកន្លងមកនេះ។ នគរបាលនេប៉ាល់បាននិយាយថា ប្រតិបត្តិការស្វែងរក និងជួយសង្គ្រោះកំពុងដំណើរការនៅទូទាំងប្រទេស និងបាននិយាយថាចំនួនអ្នកស្លាប់ត្រូវគេរំពឹងថានឹងកើនឡើងថែមទៀត ខណៈមានរបាយការណ៍ពីភូមិនានាទូទាំងប្រទេស។ ក្រុមអាជ្ញាធរបាននិយាយថា មនុស្ស ១៧០ នាក់បានស្លាប់ មនុស្ស១១១ នាក់បានរងរបួស និង ៤២នាក់ផ្សេងទៀត កំពុងបាត់ខ្លួននៅក្នុងទឹកជំនន់ បំណាក់ដី និងទឹកជំនន់ដ៏ធ្ងន់ធ្ងរ។ អ្នកនាំពាក្យក្រសួងមហាផ្ទៃនេប៉ាល់ លោក រីស៊ីរ៉ាំ ផូខារ៉េល (Rishiram Pokharel) បាននិយាយថា រដ្ឋាភិបាលបានបញ្ជូនភ្នាក់ងារសន្តិសុខទាំងអស់សម្រាប់ប្រតិបត្តិការស្វែងរក និងជួយសង្គ្រោះ។ លោកបានបន្ថែមថា កងទ័ពនេប៉ាល់បានប្រើយន្តហោះជួយសង្រ្គោះមនុស្សប្រមាណ១៦២ នាក់នៅទូទាំងប្រទេស។ ទឹកជំនន់ និងបំណាក់ដីទាក់ទងនឹងភ្លៀងធ្លាក់ដ៏មហន្តរាយ តែងកើតមានជាធម្មតា នៅទូទាំងប្រទេសអាស៊ីខាងត្បូងមួយនេះ អំឡុងរដូវមូសុងចាប់ពីខែមិថុនាដល់ខែកញ្ញា ប៉ុន្តែក្រុមអ្នកជំនាញនិយាយថា បម្រែបម្រួលអាកាសធាតុ កំពុងបង្កើនភាពញឹកញាប់ និងស្ថានភាពកាន់តែធ្ងន់ធ្ងរដល់ប្រទេសនេះ៕
-
ឯកឧត្តម ស៊ុន ចាន់ថុល បន្តផ្សព្វផ្សាយអំពីកាលានុវត្តភាពវិនិយោគនៅកម្ពុជា ជូនសមាគមវិនិយោគិនកាណាដា ប្រមាណ៦០រូប ក្នុងក្រុងម៉ុងត្រេអាល់
ម៉ុងត្រេអាល់ កាណាដា៖ កាលពីរសៀលថ្ងៃសុក្រ ទី២៧ ខែកញ្ញា ឆ្នាំ២០២៤ (ម៉ោងនៅក្នុងតំបន់) ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអញ្ជើញដឹកនាំគណៈប្រតិភូកម្ពុជាចូលជួបជាមួយសមាគមវិនិយោគិនកាណាដា ក្រោមការសម្របសម្រួលរៀបចំដោយសភាពាណិជ្ជកម្មកម្ពុជាប្រចាំក្រុងម៉ុងត្រេអាល់ និងមានការចូលរួមពីតំណាងរដ្ឋបាលខេត្តកេបិច, អភិបាលតំបន់ Saint Laurent នៃក្រុងម៉ុងត្រេអាល់, និងធុរជនប្រមាណ៦០រូបអញ្ជើញចូលរួម ដើម្បីផ្សព្វផ្សាយអំពីកាលានុវត្តភាពវិនិយោគនៅកម្ពុជា។ ជាកិច្ចចាប់ផ្ដើម ថ្នាក់ដឹកនាំពីក្រុមប្រឹក្សាអភិវឌ្ឍន៍កម្ពុជាបានចែករំលែកអំពីព័ត៌មានជាមូលដ្ឋាននានាសម្រាប់កិច្ចការងារវិនិយោគនៅកម្ពុជា ជូនដល់វិនិយោគិនទាំងអស់ដែលបានចូលរួម។ បន្ថែមពីនេះ ក្រៅអំពីសក្ដានុពលដែលបានបង្ហាញឡើងដោយតំណាងរដ្ឋាភិបាលកម្ពុជា ក៏មានការចូលរួមចែករំលែកបទពិសោធន៍ជោគជ័យរបស់វិស័យឯកជនទាំងកម្ពុជា និងកាណាដាផ្ទាល់ដែលបានបណ្ដាក់ទុនវិនិយោគនៅកម្ពុជា។ ជាក់ស្ដែង ក៏បានមានការចូលរួមចែករំលែកបទពិសោធន៍ជោគជ័យពីលោក David Pellerin អំពីអាជីវកម្ម Circle K របស់ខ្លួន នៅប្រទេសកម្ពុជាផងដែរ៕
-
មេបក្សប្រឆាំងនិរទេសខ្លួនរបស់វ៉េណេហ្ស៊ុយអេឡា ចូលរួមបាតុកម្មប្រឆាំងលោក Maduro នៅទីក្រុងម៉ាឌ្រីដ
មេដឹកនាំបក្សប្រឆាំងវ៉េណេហ្ស៊ុយអេឡា លោក Edmundo Gonzalez (អេម៉ុនដូ ហ្កនហ្សាលេស) បានចូលរួមនៅក្នុងការតវ៉ា នាទីក្រុង Madrid (ម៉ាឌ្រីដ) ប្រទេសអេស្ប៉ាញ កាលពីថ្ងៃសៅរ៍ (ទី២៨ ខែកញ្ញា) ដោយទាមទារឲ្យមានការទទួលខុសត្រូវ ពាក់ព័ន្ធនឹងលទ្ធផលបោះឆ្នោតប្រធានាធិបតីដ៏ចម្រូងចម្រាសរបស់ប្រទេសវេណេហ្ស៊ុយអេឡា។ លោក Gonzalez ដែលបានរស់នៅនិរទេសខ្លួន ក្នុងប្រទេសអេស្ប៉ាញ បន្ទាប់ពីរងការគំរាមកំហែងពីការចាប់ខ្លួន បានដើរនៅក្នុងចំណោមអ្នកគាំទ្ររបស់លោក លើកដៃស្វាគមន៍ពួកគេ ហើយគ្រវីទង់ជាតិវ៉េណេហ្ស៊ុយអេឡា មុនពេលចាកចេញពីវេទិកា ដោយមិនមានការថ្លែងសុន្ទរកថាអ្វីឡើយ។ គួរបញ្ជាក់ថា រយៈពេល ២ខែបន្ទាប់ពីការប្រកាសលទ្ធផលដ៏ចម្រូងចម្រាស ពលរដ្ឋវ៉េណេហ្ស៊ុយអេឡាដែលរស់នៅអេស្ប៉ាញ បានបន្តសម្តែងការខឹងសម្បា ដោយអះអាងថា ការបោះឆ្នោត មានការក្លែងបន្លំ។ គណបក្សប្រឆាំងរបស់វ៉េណេហ្ស៊ុយអេឡា និយាយថា ការបោះឆ្នោតខែកក្កដា បានផ្ដល់ជ័យជម្នះក្នុងសំឡេងយ៉ាងលើសលប់ដល់លោក Gonzalez ដែលមានវ័យ ៧៥ឆ្នាំ ហើយពួកគេបានផ្សព្វផ្សាយចំនួនសន្លឹកឆ្នោតតាមប្រព័ន្ធអ៊ីនធឺណិត ដែលបង្ហាញថា លោកគឺជាអ្នកឈ្នះ។ តែលោកប្រធានាធិបតី Nicolas Maduro បានច្រានចោលរាល់ការអះអាងបែបនេះ ហើយនិយាយថា ក្រុមស្តាំនិយមមានគ្រោងការ ដើម្បីបំផ្លាញរដ្ឋាភិបាលរបស់លោក៕
-
កូរ៉េខាងជើង៖ ការផ្ដល់ជំនួយយោធារបស់អាមេរិកដល់អ៊ុយក្រែន គឺជា «កំហុសដ៏ធ្ងន់ធ្ងរ»
កូរ៉េខាងជើង ដែលត្រូវបានចោទប្រកាន់ពីបទផ្គត់ផ្គង់អាវុធខុសច្បាប់ដល់រុស្ស៊ីនោះ នៅថ្ងៃអាទិត្យ (ទី២៩ ខែកញ្ញា) នេះ បានលើកឡើងថា ការផ្ដល់ជំនួយយោធារបស់សហរដ្ឋអាមេរិកមានតម្លៃ ៨ពាន់លានដុល្លារអាមេរិក ដល់អ៊ុយក្រែន គឺជា «កំហុសដ៏ធ្ងន់ធ្ងរ» ហើយកំពុងប្រលែងលេងជាមួយភ្លើង ពោលគឺប្រឈមជាមួយហានិភ័យ ដែលប្រឆាំងនឹងមហាអំណាចនុយក្លេអ៊ែររុស្ស៊ី។ គួរបញ្ជាក់ថា ប្រធានាធិបតីអាមេរិក លោក Joe Biden បានប្រកាសពីជំនួយថ្មី ក្នុងពេលដែលប្រធានាធិបតីអ៊ុយក្រែន លោក Volodymyr Zelensky បានធ្វើទស្សនកិច្ច នៅទីក្រុងវ៉ាស៊ីនតោន ដោយការផ្ដល់នេះ គឺដើម្បីជួយឲ្យទីក្រុងគីវការពារខ្លួន ហើយជំនួយនោះមានរួមទាំងអាវុធចម្ងាយឆ្ងាយ ដែលនឹងធ្វើឲ្យកាន់តែមានភាពប្រសើរឡើង ចំពោះសមត្ថភាពវាយប្រហារទៅលើរុស្ស៊ី ក្នុងចម្ងាយដែលមានសុវត្ថិភាពជាងមុន។ ពាក់ព័ន្ធនឹងកញ្ចប់ជំនួយនោះ លោកស្រី Kim Yo Jong (គីម យូ ជុង) ដែលជាប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើង លោក Kim Jong Un (គីម ជុងអ៊ុន) បាននិយាយថា ទីក្រុងវ៉ាស៊ីនតោន កំពុងធ្វើឲ្យជម្លោះនៅអ៊ុយក្រែនកើនឡើងកាន់តែខ្លាំង និងជំរុញឲ្យបណ្ដាប្រទេសអឺរ៉ុបទាំងអស់រំកិលទៅកៀកនឹងមាត់ជ្រោះនៃការមានសង្គ្រាមនុយក្លេអ៊ែរ។ នៅក្នុងសេចក្តីថ្លែងការណ៍ ដែលចុះផ្សាយដោយទីភ្នាក់ងារសារព័ត៌មានរដ្ឋ KCNA…