Category: ព័ត៌មានជាតិ​

តូក្យូ ៖ ប្រទេសជប៉ុនត្រូវបានរំពឹងថា នឹងបន្តការប្តេជ្ញាចិត្តក្នុងការប្រយុទ្ធប្រឆាំងនឹងការប្រែប្រួលអាកាសធាតុ ទោះបីសហរដ្ឋអាមេរិកបានសម្រេចចិត្តដកខ្លួនចេញពីអង្គការអាកាសធាតុអន្តរជាតិធំៗ ដូចជា UNFCCC និង IPCC ក្រោមការដឹកនាំរបស់លោកប្រធានាធិបតី ដូណាល់ ត្រាំ ក៏ដោយ។ បើតាមសារព័ត៌មាន Japan Times, រដ្ឋមន្ត្រីក្រសួងបរិស្ថានជប៉ុន លោក ហ៊ីរ៉ូតាកា អ៊ីស៊ីហារ៉ា បានបញ្ជាក់ថា ជប៉ុននឹងរក្សាការប្តេជ្ញាចិត្តក្នុងការឈានទៅរកការបញ្ចេញឧស្ម័នផ្ទះកញ្ចក់សូន្យនៅឆ្នាំ ២០៥០ និងការការពារព្រៃឈើ មហាសមុទ្រ និងជីវចម្រុះ តាមកិច្ចព្រមព្រៀងអន្តរជាតិ។ អ្នកជំនាញបានលើកឡើងថា ទោះបីការដកខ្លួនរបស់សហរដ្ឋអាមេរិកធ្វើឲ្យកិច្ចខិតខំប្រឹងប្រែងសកលចុះខ្សោយក៏ដោយ ប៉ុន្តែតំបន់ភាគច្រើន ជាពិសេសនៅទ្វីបអឺរ៉ុប និងទ្វីបអាស៊ី នៅតែបន្តផ្តល់អាទិភាពខ្ពស់ដល់សកម្មភាពអាកាសធាតុ។ អ្នកកំណត់គោលនយោបាយជប៉ុនភាគច្រើនមិនបដិសេធចំពោះវិទ្យាសាស្ត្រអាកាសធាតុនោះទេ ប៉ុន្តែបញ្ហាសេដ្ឋកិច្ចក្នុងស្រុកខ្លះៗ អាចធ្វើឲ្យដំណើរការកាត់បន្ថយឧស្ម័នយឺតយ៉ាវ។ ជារួម ប្រទេសជប៉ុនមានបំណងបន្តឈរជើងជាមួយការដឹកនាំអាកាសធាតុសកល និងគាំទ្រការសហការជាមួយអន្តរជាតិលើគោលនយោបាយអាកាសធាតុ៕ ប្រភព ៖ Japan Times ឈឹម​ ទីណា​ ឈឹ

វ៉ាស៊ីនតោន ៖ កងទ័ពមួយចំនួនត្រូវបានណែនាំឱ្យចាកចេញពីមូលដ្ឋានទ័ពអាកាស Al Udeid របស់យោធាអាមេរិកនៅក្នុងប្រទេសកាតា កាលពីល្ងាចថ្ងៃពុធ ស្របពេលបាតុកម្មនៅអ៊ីរ៉ង់កាន់តែពុះកញ្ជ្រោល និងអាមេរិកគំរាមលូកដៃចូលអន្តរាគមន៍ ។ នេះបើតាមកាសែតរ៉យទ័រដកស្រង់សម្តីអ្នកការទូតមិនបញ្ចេញឈ្មោះចំនួនបីនាក់ ។ របាយការណ៍នេះកើតឡើងចំពេលមានការព្រមានពីអាមេរិកថា ខ្លួនអាចធ្វើអន្តរាគមន៍ក្នុងការតវ៉ាដ៏បង្ហូរឈាម ដែលកំពុងកើតឡើងនៅទូទាំងប្រទេសអ៊ីរ៉ង់ ខណៈដែលអ៊ីរ៉ង់ក៏បានព្រមានប្រទេសក្នុងតំបន់ដែរថា ខ្លួននឹងវាយប្រហារមូលដ្ឋានយោធាអាមេរិក ក្នុងករណីមានការវាយប្រហារពីទីក្រុងវ៉ាស៊ីនតោន ។ ជុំវិញបញ្ហានេះ ប្រទេសកាតាបានបញ្ជាក់ក្នុងសេចក្តីថ្លែងការណ៍មួយ តាមរយៈការិយាល័យប្រព័ន្ធផ្សព្វផ្សាយអន្តរជាតិរបស់ខ្លួនថា វិធានការទាំងនេះ កំពុងត្រូវបានអនុវត្ត ដើម្បីឆ្លើយតបទៅនឹងភាពតានតឹងក្នុងតំបន់បច្ចុប្បន្ន ។ បើតាមការិយាល័យប្រព័ន្ធផ្សព្វផ្សាយដដែល រដ្ឋកាតានឹងអនុវត្តវិធានការចាំបាច់ទាំងអស់ ដើម្បីការពារសន្តិសុខ និងសុវត្ថិភាពរបស់ប្រជាពលរដ្ឋ ហើយចាត់ទុកប្រជាជនខ្លួនជាអាទិភាពកំពូល រួមទាំងសកម្មភាពទាក់ទងនឹងការការពារហេដ្ឋារចនាសម្ព័ន្ធសំខាន់ៗ និងទីតាំងយោធា ។ ភ្លាមៗ មិនមានការអត្ថាធិប្បាយរបស់ស្ថានទូតអាមេរិកប្រចាំទីក្រុងដូហាទេ ។ Al Udeid គឺជាមូលដ្ឋានទ័ពអាមេរិកធំជាងគេនៅតំបន់មជ្ឈិមបូព៌ា ហើយក៏ជាទីតាំងឈរជើងរបស់ទាហានអាមេរិកប្រមាណ ១០,០០០នាក់ ។ អ្វីដែលគួរឱ្យកត់សម្គាល់នោះ កាលពីឆ្នាំ២០២៥ ពោលគឺជាងមួយសប្តាហ៍មុនពេលអាមេរិកបើកការវាយប្រហារតាមអាកាសលើអ៊ីរ៉ង់ បុគ្គលិក និងក្រុមគ្រួសារមួយចំនួនរបស់ពួកគេ ក៏ត្រូវបានផ្លាស់ចេញពីមូលដ្ឋានទ័ពអាមេរិកនៅមជ្ឈិមបូព៌ាដូចគ្នាផងដែរ ។ តួយ៉ាង បន្ទាប់ពីការវាយប្រហាររបស់អាមេរិក នៅក្នុងខែមិថុនាឆ្នាំមុន អ៊ីរ៉ង់បានបើកការវាយប្រហារដោយមីស៊ីលទៅលើមូលដ្ឋានទ័ពអាមេរិកនៅកាតាវិញភ្លាមៗ ៕…

តេហេរ៉ង់ ៖ អាជ្ញាធរទីក្រុងតេហេរ៉ង់បានចោទប្រកាន់ចំៗថា ចារកម្មបរទេស គឺជាអ្នកនៅពីក្រោយខ្នង និងជាប់ពាក់ព័ន្ធការញុះញង់ឱ្យមានចលនាបាតុកម្មដ៏បង្ហូរឈាមនៅទូទាំងប្រទេសអ៊ីរ៉ង់ ។ ពាក់ព័ន្ធបញ្ហានេះដែរ ប្រធានាធិបតីអ៊ីរ៉ង់ លោក ម៉ាស៊ូត ប៉េហ្សេស្កៀន កាលពីថ្ងៃចន្ទ បានប្រាប់ទូរទស្សន៍រដ្ឋ IRIB ថា មនុស្សតែមួយដែលបានវាយប្រហារអ៊ីរ៉ង់ អំឡុងសង្រ្គាមរយៈពេល ១២ថ្ងៃរបស់អ៊ីស្រាអែល កាលពីខែមិថុនាឆ្នាំមុន ឥឡូវពួកគេព្យាយាមបង្កើនភាពចលាចល និងញុះញង់ទាំងនេះ ទាក់ទងនឹងបញ្ហាសេដ្ឋកិច្ច ។ លោកប្រធានាធិបតី ប៉េហ្សេស្កៀន បន្ថែមថា ពួកគេបានបណ្តុះបណ្តាលមនុស្សមួយចំនួននៅក្នុងប្រទេស និងក្រៅប្រទេស ហើយពួកគេបាននាំយកក្រុមភេរវកម្មពីខាងក្រៅ អ្នកដែលបានវាយប្រហារផ្សារមួយកន្លែងនៅភាគខាងជើងទីក្រុង Rasht និងអ្នកដែលបានដុតបំផ្លាញវិហារអ៊ីស្លាម ដើម្បីបង្កភាពចលាចលនៅអ៊ីរ៉ង់ ។ ការចោទប្រកាន់របស់អ៊ីរ៉ង់ ធ្វើឡើងបន្ទាប់ពីប្រធានាធិបតីអាមេរិក លោក ដូណាល់ ត្រាំ បានប្រាប់ដល់ក្រុមបាតុករនៅទូទាំងប្រទេសអ៊ីរ៉ង់ កុំឲ្យដកដៃធ្វើបាតុកម្មប្រឆាំងរដ្ឋាភិបាលប្រទេសឥស្លាមមួយនេះឲ្យសោះ ព្រោះថា អាមេរិកជិតទៅជួយពួកគេហើយ ៕ ប្រភព ៖ al Jazeera

ប៉េកាំង ៖ ចិនបានផ្តួលរុស្ស៉ី ក្លាយជាប្រទេសមាននាវាមុជទឹកដើរដោយថាមពលនុយក្លេអ៊ែរច្រើនជាងគេទី ២ របស់ពិភពលោក ។ នេះបើតាមការវាយតម្លៃដែលបានធ្វើបច្ចុប្បន្នភាពប្រចាំឆ្នាំ ២០២៦ ។ បើតាមសារព័ត៌មាន Defence Blog, ប្រទេសចិនមាននាវាមុជទឹកដើរដោយថាមពលនុយក្លេអ៊ែរប្រមាណ ៣២ គ្រឿង ខណៈរុស្ស៊ីមាននាវាមុជទឹកដើរដោយថាមពលនុយក្លេអ៊ែរប្រហែលជា ២៥ ទៅ ២៨ គ្រឿងប៉ុណ្ណោះ ។ ចំណែកប្រទេសដែលមាននាវាមុជទឹកដើរដោយថាមពលនុយក្លេអ៊ែរច្រើនជាងគេបំផុតនៅលើពិភពលោកនោះគឺសហរដ្ឋអាមេរិក ។ គិតត្រឹមចុងឆ្នាំ ២០២៥ កងទ័ពជើងទឹកអាមេរិកបានធ្វើប្រតិបត្តិការនាវាមុជទឹកដើរដោយថាមពលនុយក្លេអ៊ែរប្រមាណជា ៧១ គ្រឿង ។ ក្នុងនោះរួមមាននាវាពិឃាតល្បឿនលឿន SSN ប្រមាណ ៥៣ គ្រឿង, នាវាមុជទឹកបំពាក់មីស៊ីលផ្លោង SSBN ប្រហែល ១៤ គ្រឿង និងនាវាមុជទឹកបំពាក់មីស៊ីលនាំផ្លូវ SSGN ប្រមាណ ៤ គ្រឿង ។ ដោយឡែក ប្រទេសមហាអំណាចចំនួន ៥ ដែលចំណាយលុយច្រើនជាងគេទៅលើការអភិវឌ្ឍន៍នាវាមុជទឹកដើរដោយថាមពលនុយក្លេអ៊ែរគិតត្រឹមចុងឆ្នាំ ២០២៥ នោះរួមមាន អូស្រ្តាលី ចិន ឥណ្ឌា…

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ បាននិយាយ កាលពីថ្ងៃពុធ ថា ការសម្លាប់បាតុករ នៅប្រទេសអ៊ីរ៉ង់បានបញ្ឈប់ហើយ ដោយលោកបន្ថែមទៀតថា គម្រោងអន្តរាគមន៍យោធា នឹងពិនិត្យឡើងវិញ។ ក្នុងសេចក្តីប្រកាស ដ៏គួរឱ្យភ្ញាក់ផ្អើលមួយ នៅឯសេតវិមាន លោក Trump បាននិយាយថា «ឥឡូវនេះ លោកបានទទួលការធានាពីប្រភពសំខាន់ៗ នៅម្ខាងទៀត ដែលអះអាងថា ទីក្រុងតេហេរ៉ង់បានបញ្ឈប់ នៅពេលនេះ ហើយការប្រហារជីវិតមនុស្ស នឹងមិនដំណើរការទៅមុខទៀតទេ»។ យ៉ាងណាមិញ លោកមិនបានផ្តល់ព័ត៌មានលម្អិតឡើយ ហើយបានកត់សម្គាល់ថា សហរដ្ឋអាមេរិកមិនទាន់បានផ្ទៀងផ្ទាត់ ការអះអាងនេះ បន្ថែមទៀតនោះទេ។ នៅពេលត្រូវបានសាកសួរ ដោយអ្នកយកព័ត៌មាន AFP នៅក្នុងការិយាល័យ Oval ជុំវិញថាតើ សកម្មភាពយោធារបស់សហរដ្ឋអាមេរិក ឥឡូវនេះ អាចផ្អាកវិញ ឬ យ៉ាងណានោះ, លោក Trump បានឆ្លើយតបថា «យើងនឹងពិនិត្យមើលតាមជាក់ស្តែង»។ ក្នុងប៉ុន្មានថ្ងៃ ថ្មីៗនេះ លោក Trump បាននិយាយ ម្តងហើយម្តងទៀត…

បរទេស ៖ ឧបនាយករដ្ឋមន្ត្រី នៃតំបន់ស្វ័យត Greenland បាននិយាយថា ទាហាន ណាតូកាន់តែច្រើន នឹងទៅដល់កោះអាកទិកមួយនេះ នៅក្នុងប៉ុន្មានថ្ងៃ ខាងមុខ។ ការលើកឡើង របស់លោក ឧបនាយករដ្ឋមន្ត្រី Mute Egede បានធ្វើឡើង បន្ទាប់ពីមានកិច្ចប្រជុំ រវាងមេដឹកនាំអាមេរិក, ដាណឺម៉ាក និង Greenland នៅសេតវិមាន។ លោក Mute Egede បានប្រាប់អ្នកកាសែត អំឡុងសន្និសីទសារព័ត៌មាន កាលពីថ្ងៃពុធ ថា «ទាហានរបស់អង្គការណាតូ ត្រូវបានគេរំពឹងថា នឹងមានវត្តមានកាន់តែច្រើន នៅក្នុងតំបន់ Greenland ចាប់ពីថ្ងៃនេះ និង ប៉ុន្មានថ្ងៃខាងមុខនេះ»។ លោកបញ្ជាក់ថា មានទាំងកងទ័ពជើងអាកាស ព្រមទាំង នាវាយោធា ផងដែរ។ ការអះអាងរបស់មន្ត្រីជាន់ខ្ពស់រូបនេះ បានកើតមានឡើង ចំពេលដែលលោកដូណាល់ ត្រាំ ប្រធានាធិបតីអាមេរិក កំពុងរិះរកគ្រប់វិធី ដើម្បីបានគ្រប់គ្រងកោះ Greenland ដែលមានមនុស្ស រស់នៅជាង៥ម៉ឺននាក់មួយនេះ ក្នុងនោះ រួមមានទាំង…

ញូវយ៉ក ៖ ប្រមុខអង្គការសហប្រជាជាតិបានគំរាមបញ្ជូនប្រទេសអ៊ីស្រាអែលទៅដាក់ទោសនៅក្នុងតុលាការយុត្តិធម៌អន្តរជាតិ ហៅកាត់ ICJ បើសិនទីក្រុងហ្សេរុយសាឡឹម រឹងទទឹងមិនព្រមលុបចោលច្បាប់គាបសង្កត់លើទីភ្នាក់ងារជនភៀសខ្លួនប៉ាឡេស្ទីនរបស់អង្គការសហប្រជាជាតិ ហៅកាត់ UNRWA ទេនោះ ។ បើតាមសារព័ត៌មាន Al Jazeera, តាមរយៈលិខិតចុះថ្ងៃទី៨ ខែមករា ផ្ញើទៅកាន់លោកនាយករដ្ឋមន្ត្រីអ៊ីស្រាអែល Benjamin Netanyahu, ប្រមុខអង្គការសហប្រជាជាតិលោក Antonio Guterres បានគំរាមថា ស្ថាប័នពិភពលោកមួយនេះ មិនអាចព្រងើយកន្តើយចំពោះសកម្មភាពធ្វើឡើងដោយអ៊ីស្រាអែល ដែលជាការរំលោភបំពានដោយផ្ទាល់ទៅលើកាតព្វកិច្ចរបស់អ៊ីស្រាអែល ក្រោមច្បាប់អន្តរជាតិបាននោះទេ ។ លោកថា ច្បាប់ទាំងនោះ ត្រូវតែកែប្រែឡើវិញដោយមិនអាចបង្អង់យូរបានឡើយ ។ ប្រមុខ UN វ័យ ៧៧ ឆ្នាំរូបនេះសង្កត់ធ្ងន់ថា ទីភ្នាក់ងារ UNRWA គឺជាផ្នែកសំខាន់មួយរបស់អង្គការសហប្រជាជាតិ ដូច្នេះអ៊ីស្រាអែលនៅតែមានកាតព្វកិច្ចផ្តល់សិទ្ធិ និងអភ័យឯកសិទ្ធិដល់បុគ្គលិក និងទីភ្នាក់ងារនេះ ស្របតាមអនុសញ្ញាឆ្នាំ ១៩៤៦ ស្តីពីសិទ្ធិ និងអភ័យឯកសិទ្ធិរបស់អង្គការសហប្រជាជាតិ ។ ការព្រមាននេះធ្វើឡើង បន្ទាប់ពីសភាអ៊ីស្រាអែលបានអនុម័តច្បាប់មួយក្នុងខែតុលា ឆ្នាំ២០២៤ ដោយហាមប្រាមទីភ្នាក់ងារ UNRWA មិនឲ្យធ្វើប្រតិបត្តិការក្នុងប្រទេសអ៊ីស្រាអែល និងហាមឃាត់មន្ត្រីអ៊ីស្រាអែលមិនឲ្យមានទំនាក់ទំនងជាមួយទីភ្នាក់ងារនេះ…

កៀវ ៖ រដ្ឋមន្ត្រីការពារជាតិអ៊ុយក្រែន លោក ដេនីស៍ ស្មីហាល់ បាននិយាយនៅថ្ងៃអង្គារថា អ៊ុយក្រែនបានទទួលប្រព័ន្ធការពារដែនអាកាសរយៈចម្ងាយឆ្ងាយ និងមធ្យមចំនួន ២៣គ្រឿង និងគ្រាប់មីស៊ីលចំនួន ១១,០០០គ្រាប់ សម្រាប់ប្រព័ន្ធទាំងនោះកាលពីឆ្នាំ ២០២៥ ដែលនេះជាកំណត់ត្រាថ្មី ដើម្បីទប់ទល់ការវាយប្រហារពីរុស្ស៊ី ។ បើតាមទីភ្នាក់ងារសារព័ត៌មានអ៊ុយក្រែន អ៊ីនធឺហ្វ៊េក, លោករដ្ឋមន្រ្តី ស្មីហាល់ ចាត់ទុកការទទួលបានឧបករណ៍យោធានេះ ជាការផ្គត់ផ្គង់ដ៏ធំបំផុតចាប់តាំងពីការចាប់ផ្តើមសង្រ្គាមរុស្ស៊ី-អ៊ុយក្រែន ជាពិសេសការការពារដែនអាកាសរបស់អ៊ុយក្រែន ត្រូវបានពង្រឹងជាមួយនឹងប្រព័ន្ធប៉ាទ្រីយ៉ូតដល់ទៅ ៤គ្រឿង ។ ប្រមុខការពារជាតិអ៊ុយក្រែនរូបនេះបន្ថែមថា កិច្ចខិតខំប្រឹងប្រែងយ៉ាងច្រើនត្រូវបានធ្វើឡើងកាលពីឆ្នាំ២០២៥ ក្នុងគោលបំណងធានាដល់ដំណើរការដឹកជញ្ជូនយន្តហោះចម្បាំង គ្រីបភែន របស់ស៊ុយអែត និងយន្តហោះចម្បាំង រ៉ាហ្វាល់ របស់បារាំងមកកាន់ប្រទេសអ៊ុយក្រែន ។ លោក ស្មីហាល់ ដែលមានវ័យ៥១ឆ្នាំរូបនេះ បានសង្កត់ធ្ងន់ទៀតថា ក្រៅពីទទួលបានសព្វាវុធ អ៊ុយក្រែនក៏បានទទួលជំនួយសន្តិសុខចំនួន ៤៥ពាន់លានដុល្លារ ពីដៃគូអន្តរជាតិក្នុងឆ្នាំ ២០២៥ ផងដែរ តួលេខនេះកើនឡើងចំនួន ៣០ភាគរយ បើធៀបនឹងឆ្នាំ ២០២៤ ។ ប្រភព ៖ The Straits…

ប៉ារីស ៖ ប្រទេសបារាំង នៅថ្ងៃចន្ទ បានចាប់ផ្តើមយុទ្ធនាការមួយ ដើម្បីជ្រើសរើសយុវជនចូលបម្រើយោធាដោយស្ម័គ្រចិត្តប្រមាណ ៣,០០០នាក់នៅឆ្នាំនេះ ហើយរំពឹងថា នឹងកើនឡើងបន្តិចម្តងៗរហូតដល់ ៤០.០០០នាក់នៅឆ្នាំ២០៣៥ ។ បើតាមសារព័ត៌មាន The straits times, កម្មវិធីនេះ ផ្តោតលើប្រជាជនវ័យក្មេង ដែលមានអាយុចាប់ពី១៨ និង១៩ឆ្នាំ ដែលត្រូវបានដាក់ចេញនៅឆ្នាំ២០២៦នេះ ខណៈដែលប្រទេសបារាំងមានគោលបំណងជំរុញការការពារជាតិ ស្របពេលមានការឈ្លានពានរបស់រុស្ស៊ីលើអ៊ុយក្រែននៅតែបន្ត ។ ជាមួយគ្នានេះ រដ្ឋមន្ត្រីការពារជាតិបារាំង លោកស្រី Catherine Vautrin និយាយថា យុវជនបារាំងមានឆន្ទៈចង់បម្រើការងារនេះ និងថា យុវជនជំនាន់ថ្មីបានត្រៀមរួចរាល់ដើម្បីក្រោកឈរឡើងសម្រាប់ប្រទេសរបស់ពួកគេ ។ យោងតាមការលើកឡើងរបស់ក្រសួងការពារជាតិបារាំង, អ្នកស្ម័គ្រចិត្តទាំងអស់ នឹងចូលបម្រើយោធារយៈពេល ១០ខែ ទាំងនៅក្នុងប្រទេសបារាំង និងនៅបរទេស ជាមួយនឹងការទទួលបានលុយឧបត្ថម្ភជាង ៩០០ដុល្លារក្នុងមួយខែ ។ ក្នុងកំឡុងការហាត់ហ្វឹកហ្វឺននេះ ក្រសួងការពារជាតិបារាំងនឹងផ្តល់ឱ្យពួកគេនូវឱកាស ដើម្បីទទួលបានបទពិសោធន៍ពាក់ព័ន្ធនឹងសកម្មភាពយោធានានា រួមទាំងការធ្វើសមយុទ្ធបាញ់ដោយកាំភ្លើងសិប្បនិម្មិតជាដើម ។ បើតាមប្រមុខការពារជាតិបារាំង, យុទ្ធនាការជ្រើសរើសយុវជនចូលបម្រើយោធាដោយស្ម័គ្រចិត្តនេះ ត្រូវបានរំពឹងថា នឹងចំណាយថវិកាប្រមាណ ១៧៤លានដុល្លារក្នុងឆ្នាំ២០២៦នេះ និងពីចាប់ឆ្នាំ២០២៦ ដល់ឆ្នាំ២០៣០ ត្រូវបានព្យាករថា…

តូក្យូ ៖ ជប៉ុន និងកូរ៉េខាងត្បូង នៅថ្ងៃអង្គារ បានបង្ហាញពីគោលបំណងប្តេជ្ញាពង្រឹងទំនាក់ទំនងផ្នែកសន្តិសុខ និងសេដ្ឋកិច្ច ដើម្បីទប់ទលភាពតានតឹងខ្លាំងឡើងនៅតំបន់អាស៊ីបូព៌ា បន្ទាប់ពីកិច្ចប្រជុំកំពូលរវាងមេដឹកនាំទាំងពីរ កាលពីថ្ងៃអង្គារ ។ ជំនួបកំពូលនេះ កើតឡើងមួយសប្តាហ៍បន្ទាប់ពីមេដឹកនាំកូរ៉េខាងត្បូង លោក Lee Jae Myung បានជួបជាមួយប្រធានាធិបតីចិន លោក Xi Jinping ស្របពេលដែលទំនាក់ទំនងរវាងទីក្រុងតូក្យូ និងប៉េកាំង ស្ថិតក្នុងស្ថានភាពតានតឹង ពាក់ព័ន្ធនឹងបញ្ហាកោះតៃវ៉ាន់ ។ បើតាមសារព័ត៌មាន The straits times, នាយករដ្ឋមន្ត្រីជប៉ុន លោកស្រី Sanae Takaichi និងប្រធានាធិបតីកូរ៉េខាងត្បូង លោក Lee Jae Myung បានពិភាក្សា អំពីខ្សែច្រវាក់ផ្គត់ផ្គង់ឧស្សាហកម្ម បច្ចេកវិទ្យា AI ការលុបបំបាត់អាវុធនុយក្លេអ៊ែរ នៅឧបទ្វីបកូរ៉េ និងកិច្ចសហប្រតិបត្តិការជាមួយសម្ព័ន្ធមិត្តរួមគ្នា គឺសហរដ្ឋអាមេរិក ។ ក្នុងសេចក្តីប្រកាសរួមគ្នា មេដឹកនាំទាំងពីរបានលើកឡើងពីសារៈសំខាន់នៃទំនាក់ទំនងជប៉ុន-កូរ៉េខាងត្បូង ក៏ដូចជាកិច្ចសហប្រតិបត្តិការរវាងជប៉ុន កូរ៉េខាងត្បូង និងសហរដ្ឋអាមេរិកនៅតែបន្តរីកចម្រើន ។ បន្ថែមលើនេះ…