Category: ព័ត៌មានជាតិ​

ប៉េកាំង ៖ លោក គីម ជុងអ៊ុន ប្រាប់លោក វ្ល៉ាឌីមៀ ពូទីន ថា កូរ៉េខាងជើង និងរុស្ស៊ី គួរតែពង្រឹងកិច្ចសហប្រតិបត្តិការ ឲ្យកាន់តែរឹងមាំ បន្ថែមទៀត។ មេដឹកនាំកូរ៉េខាងជើង លោក Kim Jong Un បានប្រាប់ប្រធានាធិបតីរុស្ស៊ី លោក Vladimir Putin ថា ប្រទេសទាំងពីរ “គួរតែខិតខំប្រឹងប្រែង ដើម្បីពង្រឹងកិច្ចសហប្រតិបត្តិការរបស់យើង” នៅពេលដែលពួកលោកបានជួបប្រជុំគ្នា នៅទីក្រុងប៉េកាំង កាលពីថ្ងៃទី៣ ខែកញ្ញា។ លោក គីម បានថ្លែងប្រាប់លោក ពូទីន ថា លោកនឹងធ្វើអ្វីគ្រប់បែបយ៉ាង ដែលលោកអាចធ្វើបាន ដើម្បីជួយរុស្ស៊ី ក្នុងសង្រ្គាមអ៊ុយក្រែន។ កូរ៉េខាងជើងបានក្លាយជាសម្ព័ន្ធមិត្តដ៏សំខាន់មួយ របស់រុស្ស៊ី ចាប់តាំងពីទីក្រុងមូស្គូបានឈ្លានពានអ៊ុយក្រែន កាលពីជាងបីឆ្នាំមុន ដោយបានបញ្ជូនទាហាន និងសព្វាវុធជាច្រើន ដើម្បីជួយដល់រុស្ស៊ី តទល់នឹងកងកម្លាំងអ៊ុយក្រែន។ អំឡុងជំនួបនេះ លោកប្រធានាធិបតី ពូទីន ក៏បានអរគុណលោក គីម ចំពោះទាហានកូរ៉េខាងជើង ចូលរួមជួយធ្វើសង្ក្រាម…

ព្រុចសែល ៖ ប្រធានគោលនយោបាយការបរទេសរបស់សហភាពអឺរ៉ុប លោកស្រី Kaja Kallas និយាយថា វត្តមានរបស់មេដឹកនាំរុស្ស៊ី និងកូរ៉េខាងជើងជាមួយប្រធានាធិបតីចិន លោក ស៊ី ជីនពីង នៅឯក្បួនដង្ហែដ៏ធំមួយនៅទីក្រុងប៉េកាំងកាលពីថ្ងៃពុធ គឺជាផ្នែកមួយនៃកិច្ចខិតខំប្រឹងប្រែងដើម្បីកសាងសណ្តាប់ធ្នាប់ពិភពលោកថ្មីប្រឆាំងនឹងលោកខាងលិច។ លោកស្រី Kallas បានប្រាប់អ្នកសារព័ត៌មានថា ក្រឡេកទៅមើលលោកប្រធានាធិបតី ស៊ី ឈរជាមួយមេដឹកនាំរុស្ស៊ី អ៊ីរ៉ង់ កូរ៉េខាងជើង នៅទីក្រុងប៉េកាំងថ្ងៃនេះ ទិដ្ឋភាពនេះមិនមែនគ្រាន់តែជាការប្រឆាំងនឹងលោកខាងលិចប៉ុណ្ណោះទេ វាក៏ជាបញ្ហាប្រឈមផ្ទាល់ចំពោះប្រព័ន្ធអន្តរជាតិដែលបង្កើតឡើងដោយច្បាប់ផងដែរ។ លោកស្រី Kallas បានបញ្ជាក់ថា យើងកំពុងជួបប្រទះការប៉ុនប៉ងដោយចេតនា ដើម្បីផ្លាស់ប្តូរច្បាប់ទម្លាប់អន្តរជាតិ។ ចិន និងរុស្ស៊ីក៏និយាយផងដែរ អំពីការរួមគ្នាឈានមុខគេ ដើម្បីជំរុញការផ្លាស់ប្តូរមិនធ្លាប់មានក្នុងរយៈពេលមួយរយឆ្នាំ និងការពិនិត្យឡើងវិញនៃសណ្តាប់ធ្នាប់សន្តិសុខពិភពលោក។ លោកស្រី Kallas បានសង្កត់ធ្ងន់ទៀតថា ដើម្បីឆ្លើយតបនឹងបញ្ហានេះ អឺរ៉ុបចាំបាច់ត្រូវមានភាពបត់បែនផ្នែក “អំណាចភូមិសាស្ត្រនយោបាយ” របស់ខ្លួនឱ្យកាន់តែប្រសើរឡើង ដើម្បីប្រឈមមុខនឹងការចលាចលជាសកល៕ ប្រភព ៖ AFP

ប្រធានាធិបតីអាមេរិក លោក Donald Trump បាននិយាយថា យោធារបស់សហរដ្ឋអាមេរិក បានសម្លាប់មនុស្ស ១១នាក់ កាលពីថ្ងៃអង្គារ (២ កញ្ញា) ក្នុងការវាយប្រហារលើទូកមួយគ្រឿងពីប្រទេសវេណេស៊ុយអេឡា ដែលត្រូវចោទប្រកាន់ថាមានផ្ទុកសារធាតុញៀនខុសច្បាប់ នៅក្នុងប្រតិបត្តិការដែលគេបានដឹងជាលើកដំបូង ចាប់តាំងពីការដាក់ពង្រាយនាវាចម្បាំងនាពេលថ្មីៗនេះរបស់រដ្ឋបាលលោក ទៅកាន់ភាគខាងត្បូងតំបន់ការ៉ាអ៊ីប។ លោក Trump ប្រាប់អ្នកយកព័ត៌មាននៅឯសេតវិមានថា “ទើបតែប៉ុន្មាននាទីចុងក្រោយនេះ អាមេរិកបានបាញ់ប្រហារទូកមួយគ្រឿង ទូកដឹកគ្រឿងញៀន ហើយមានគ្រឿងញៀនយ៉ាងច្រើនក្នុងទូកនោះ”។ លោកបន្តថា៖ “នៅមានសកម្មភាពដឹកគ្រឿងញៀនបែបនេះជាច្រើនទៀត ដែលហូរចូលសហរដ្ឋអាមេរិកយូរមកហើយ… ទាំងអស់នេះបានមកពីវេណេស៊ុយអេឡា”។ ក្រោយមក ប្រធានាធីបតីអាមេរិករូបនេះក៏បានបង្ហោះវីដេអូដែលហាក់ដូចជាប្រតិបត្តិការយោធាលើបណ្ដាញសង្គម Truth Social របស់លោក ដោយសរសេរថា “ការវាយប្រហារនេះបានសម្លាប់ភេរវករ ១១នាក់ ដោយពុំមានកងកម្លាំងអាមេរិកណាម្នាក់រងគ្រោះថ្នាក់ក្នុងប្រតិបត្តិការនេះទេ”។ ការសម្រេចចិត្តបំផ្ទុះទូកសង្ស័យដឹកគ្រឿងញៀនឆ្លងកាត់សមុទ្រការ៉ាអ៊ីប ជំនួសឱ្យការរឹបអូសនិងចាប់ខ្លួនអ្នកនៅលើទូកនោះ គឺពិតជាសកម្មភាពមិនធម្មតានោះទេ ដែលធ្វើឱ្យគេនឹកឃើញដល់ការប្រយុទ្ធរបស់អាមេរិក ប្រឆាំងនឹងក្រុមសកម្មប្រយុទ្ធនានា ដូចជាក្រុមអាល់កៃដាជាដើម៕

(ភ្នំពេញ)៖ យោងតាមសារាចរ ស្តីពី ការផ្អាកការប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៥ នៅរាជធានីភ្នំពេញ ដែលចុះហត្ថលេខាដោយសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នាថ្ងៃទី២៧ ខែសីហា ឆ្នាំ២០២៥ បានឱ្យដឹងថា អនុលោមតាមសារាចរណែនាំរបស់រាជរដ្ឋាភិបាលលេខ០៩ សរណន ចុះថ្ងៃទី១៩ ខែមិថុនា ឆ្នាំ២០០៣ សម្រាប់អនុវត្តជាអចិន្ត្រៃយ៍ ស្តីពីការរៀបចំចាត់តាំងព្រះរាជពិធីបុណ្យទ្វាទសមាស បុណ្យប្រពៃណីជាតិ ប្រពៃណី សាសនា បុណ្យជាតិ-បុណ្យអន្តរជាតិ រាជរដ្ឋាភិបាលតែងតែប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ជារៀងរាល់ឆ្នាំ ចំនួន៣(បី)ថ្ងៃ នៅថ្ងៃ១៤កើត ១៥កើត និង១រោច ខែកត្តិក ដើម្បីអបអរសាទរព្រះរាជពិធីបុណ្យប្រពៃណីជាតិ និងបន្តរក្សាទំនៀមទម្លាប់ដ៏ប្រពៃរបស់ខ្មែរដែលមានតាំងពីយូរលង់ មកហើយ ដោយមានរៀបចំពិធីប្រណាំងទូកង បណ្តែតប្រទីប និងសំពះព្រះខែ អកអំបុក នៅតាមដងទន្លេសាប មុខព្រះបរមរាជវាំង រាជធានីភ្នំពេញ និងដោយឡែកនៅតាមបណ្តាខេត្តមួយចំនួនក៏បានរៀបចំពិធីនេះផងដែរ។ បច្ចុប្បន្ន កម្ពុជាបាននិងកំពុងបន្តអនុវត្តបទឈប់បាញ់ដោយពេញលេញនិងម៉ឺងម៉ាត់ បំផុត ស្របតាមស្មារតីកិច្ចប្រជុំពិសេសដែលបានធ្វើឡើងនៅទីក្រុងគូឡាឡាំពួនៃប្រទេសម៉ាឡេស៊ី កាលពី ថ្ងៃទី២៨…

ប្រធានាធិបតីអាមេរិក លោក Donald Trump បាននិយាយកាលពីថ្ងៃអង្គារ២កញ្ញាសប្ដាហ៍នេះថារូបលោកមានការខកចិត្តយ៉ាងខ្លាំង ចំពោះការបរាជ័យរបស់មេដឹកនាំរុស្ស៊ី លោក Vladimir Putin ក្នុងការធ្វើកិច្ចព្រមព្រៀងសន្តិភាពអ៊ុយក្រែន ប៉ុន្តែលោកពុំបានផ្តល់ការបញ្ជាក់ច្បាស់លាស់ទេថាតើផលវិបាកអ្វី ដែលទីក្រុងមូស្គូអាចប្រឈម។ ចាប់តាំងពីជួបជាមួយលោក Putin នៅរដ្ឋអាឡាស្កា កាលពីខែមុន មក លោក Trump បានជំរុញមេដឹកនាំវិមានក្រឹមឡាំងរូបនេះឱ្យជួបពិភាក្សាដោយផ្ទាល់ជាមួយប្រធានាធិបតីអ៊ុយក្រែនលោក Volodymyr Zelenskyy ។ ផ្ទុយទៅវិញ រុស្ស៊ី បានបង្កើនការទម្លាក់គ្រាប់បែកលើទីក្រុងគីវ ដោយទាក់ទាញការរិះគន់ជាថ្មីពីរដ្ឋធានីវ៉ាស៊ីនតោន និងបណ្ដាមេដឹកនាំរបស់សហភាពអឺរ៉ុប។ លោក Trump បានប្រាប់កម្មវិធីវិទ្យុ Scott Jennings ថា រូបលោកមានការខកចិត្តខ្លាំងណាស់ចំពោះប្រធានាធិបតី Putin។យើងមានទំនាក់ទំនងដ៏ល្អមួយគ្នា តែលោកពិតជាខកចិត្តណាស់។លោកពុំបានបញ្ជាក់ទេថាតើសហរដ្ឋអាមេរិកនឹងចាត់វិធានការបែបណា ប្រសិនបើថ្ងៃផុតកំណត់ដែលលោកបានដាក់សម្រាប់កិច្ចព្រមព្រៀង ដែលនឹងត្រូវផុតកំណត់នៅសប្តាហ៍នេះ។ នៅពេលត្រូវបានសួរនៅការិយាល័យប្រធានាធិបតី Oval Office ថាតើលោកបាននិយាយជាមួយលោក Putinដែរទេនាពេលថ្មីៗនេះ លោក Trump បានបង្ហើបថា មានការវិវត្តថ្មីៗច្រើន លោកបានដឹងបញ្ហាជាច្រើនដែលជារឿងគួរឲ្យចាប់អារម្មណ៍ លោកគិតថាប៉ុន្មានថ្ងៃខាងមុខអ្នកទាំងអស់គ្នានឹងបានដឹង។លោកបន្ថែមថា នឹងមានផលវិបាកច្រើនបើលោក Putin និងលោក Zelenskyy មិនព្រមជួបគ្នា៕

សេអ៊ូល ៖ សមាជិកសភាកូរ៉េខាងត្បូងម្នាក់ ដោយយោងតាមប្រភពពីទីភ្នាក់ងារចារកម្មបានឱ្យដឹងនៅថ្ងៃអង្គារនេះថា ទាហានកូរ៉េខាងជើងប្រហែល ២.០០០ នាក់ ដែលបញ្ជូនទៅជួយរុស្ស៊ីប្រយុទ្ធនឹងកងកម្លាំងអ៊ុយក្រែន ត្រូវបានគេជឿជាក់ថា ត្រូវបានសម្លាប់ នេះបើតាមការចុះផ្សាយរបស់សារព័ត៌មាន AFP។ មូលហេតុដែលកូរ៉េខាងជើងបញ្ជូនទាហានទៅគាំទ្រសង្គ្រាមរបស់រុស្ស៊ីប្រឆាំងនឹងអ៊ុយក្រែន គឺដោយសារតែរុស្ស៊ី និង កូរ៉េខាងជើងបានចុះហត្ថលេខាលើកិច្ចព្រមព្រៀងយោធាទ្វេភាគីកាលពីឆ្នាំមុន រួមទាំងការការពារគ្នាទៅវិញទៅមក អំឡុងទស្សនកិច្ចដ៏កម្ររបស់លោកប្រធានាធិបតី ពូទីន ទៅកាន់កូរ៉េខាងជើង។ សេវាស៊ើបការណ៍សម្ងាត់ជាតិកូរ៉េខាងត្បូង បាននិយាយកាលពីខែមេសាថា ចំនួនអ្នកស្លាប់ដោយសារសង្រ្គាមរុស្ស៊ី-អ៊ុយក្រែន គឺយ៉ាងហោចណាស់ ៦០០ នាក់។ ប៉ុន្តែផ្អែកតាមការវាយតម្លៃថ្មីៗ បានប៉ាន់ប្រមាណថា តួលេខនេះ ទំនងជាកើនឡើងថែមទៀតដល់ ២.០០០ នាក់ នេះបើតាមសម្តីរបស់សមាជិកសភាកូរ៉េខាងត្បូង លោក Lee Seong-kweun បានប្រាប់អ្នកយកព័ត៌មានបន្ទាប់ពីសន្និសីទសង្ខេបរបស់ទីភ្នាក់ងារចារកម្ម។ ទន្ទឹមគ្នា ទីភ្នាក់ងារចារកម្មកូរ៉េខាងត្បូង និង លោកខាងលិចបានលើកឡើងថា កូរ៉េខាងជើងបានបញ្ជូនទាហានជាង ១០.០០០ នាក់ទៅកាន់ប្រទេសរុស្ស៊ីក្នុងឆ្នាំ ២០២៤ ពិសេសទៅកាន់តំបន់ Kursk រួមជាមួយនឹងកាំភ្លើងធំ មីស៊ីល និងប្រព័ន្ធរ៉ុក្កែតរយៈចម្ងាយឆ្ងាយ។ បើតាមការអះអាងរបស់លោក Lee, ទីភ្នាក់ងារចារកម្មកូរ៉េខាងត្បូងជឿជាក់ថា កូរ៉េខាងជើងគ្រោងនឹងដាក់ពង្រាយទាហាន និងវិស្វករចំនួន…

ប្រទេសចិន បានចាប់ផ្តើមក្បួនដង្ហែយោធាដ៏ធំបំផុតមិនធ្លាប់មានរបស់ខ្លួននៅក្នុងថ្ងៃពុធ (៣ កញ្ញា) នេះ ជាការបង្ហាញសាច់ដុំយោធាដែលចេះតែកើនឡើងមិនឈប់ និងឥទ្ធិពលភូមិសាស្ត្រនយោបាយរបស់ខ្លួន ខណៈលោកប្រធានាធិបតីចិន Xi Jinping ស្វះស្វែងបង្ហាញថា ទីក្រុងប៉េកាំង ជាអ្នកថែរក្សាសណ្តាប់ធ្នាប់អន្តរជាតិ សម័យក្រោយសហរដ្ឋអាមេរិក។ អមដោយសម្ព័ន្ធមិត្តរុស្ស៊ី លោក Vladimir Putin និងលោក Kim Jong Un របស់កូរ៉េខាងជើង ក្នុងពិធីដ៏អធិកអធមតាមកញ្ចក់ទូរទស្សន៍ – លោក Xi បានដើរលើកម្រាលព្រំក្រហមក្នុងដំណើរទៅប្រារព្ធព្រឹត្តិការណ៍ដ៏ឱឡារិកនៅឯទីលានចតុរង្គ ធានអានមិន ក្នុងខួប ៨០ឆ្នាំ នៃជ័យជម្នះសង្គ្រាមលោកលើកទីពីរ។ នៅក្នុងសំលៀកបំពាក់ដែលស្រដៀងនឹងឈុតពាក់ដោយអតីតមេដឹកនាំ ម៉ៅ សេទុង លោក Xi បានចេញស្វាគមន៍មេដឹកនាំមិនមែនលោកខាងលិចជាង ២០រូប ដែលកំពុងចូលរួមពិធី។ ទស្សនីយភាពក្នុង “ទិវាជ័យជម្នះ” ដ៏អធិកអធមនេះ កើតឡើងនៅពេលដែលជំហរ “យកអាមេរិកជាធំ” របស់លោកប្រធានាធិបតីអាមេរិក Donald Trump និងសង្រ្គាមពាណិជ្ជកម្ម បានធ្វើឱ្យសម្ព័ន្ធភាពដ៏យូរអង្វែងនានារបស់ទីក្រុងវ៉ាស៊ីនតោន មានភាពតានតឹង។ អ្នកទស្សនាជាង ៥ម៉ឺននាក់ នៅទីលានធានអានមិន បានប្រមូលផ្តុំគ្នាឈរនៅទីនោះ…

សត្វជ្រូកទឹក បានបង្ហាញវត្តមាន វិលត្រឡប់មកវិញហើយ នៅប្រជុំកោះកែប (ភ្នំពេញ)៖ នៅថ្ងៃទី០២ ខែកញ្ញា ឆ្នាំ២០២៥នេះ គេបានបានប្រទះឃើញ​មាន​វត្តមាន​សត្វជ្រូកទឹក ស្ថិតនៅក្នុងតំបន់គ្រប់គ្រងជលផលសមុទ្រ ប្រជុំកោះកែប ។នេះបើតាមការឱ្យដឹងពីសំណាក់អង្គការអភិរក្សសមុទ្រកម្ពុជា( MCC)។ អង្គការអភិរក្សសមុទ្រកម្ពុជា( MCC) បានឱ្យដឹងនៅថ្ងៃទី ២ ខែកញ្ញា ឆ្នាំ ២០២៥​នេះ​ថា ក្នុងអំឡុងពេលចុះស្រាវជ្រាវនៅបាតសមុទ្រ ក្នុងនេះអង្គការMCC បាន​កំណត់​សម្គាល់ឃើញនូវដានជ្រូកទឹកស៊ីចំណីថ្មីៗនៅក្នុងតំបន់ស្មៅកាក់សមុទ្រ Halophila sp. ដែលជាចំណីរបស់ជ្រូកទឹកចូលចិត្តស៊ី។ ជុំវិញបញ្ហានេះអង្គការអភិរក្សសមុទ្រកម្ពុជាបានលើកឡើងថា”វាជារឿងដ៏គួរឱ្យភ្ញាក់ផ្អើលទៀតនោះ ប៉ុន្មានថ្ងៃក្រោយមក យើងក៏បានអង្កេតឃើញមានការលេចឡើង​របស់ជ្រូកទឹកម្តងទៀតក្នុងអំឡុងពេលបង្ហោះដ្រូន (drone) អស់ប្រមាណ​ជា​ច្រើន​ខែមកហើយ”។ ការត្រឡប់មកវិញរបស់​ជ្រូកទឹកនេះ គឺជាសមិទ្ធផលមួយ នៃកិច្ច​ខិតខំប្រឹងប្រែង​អភិរក្ស​រួមគ្នារបស់អង្គការអភិរក្សសមុទ្រកម្ពុជា MCC និងរដ្ឋបាល​ជលផល។ ពិសេស​​ជាងនេះទៅទៀតនោះដោយមានការរីកលូតលាស់​ឡើងវិញ​របស់​ស្មៅ​សមុទ្រ ដែលជាចំណីចម្បងរបស់ពួកគេក្នុងការរស់រានមានជីវិត។ អង្គការអភិរក្សសមុទ្រកម្ពុជា( MCC)បានឱ្យដឹងដែរថា ទោះបីយ៉ាងណាក៏ដោយ វិធី​សាស្រ្ត​នេសាទមួយចំនួនដែលបានជះឥទ្ធិពលអវិជ្ជមានទៅដល់ប្រភេទជីវៈចម្រុះ​នៅ​តែបន្តឃើញមានសកម្មភាពនៅក្នុងតំបន់នេះ ដែលជាហេតុធ្វើឱ្យមានការគម្រាម​កំហែង​យ៉ាងធ្ងន់ធ្ងរទៅដល់ថនិកសត្វប្រភេទនេះ និងជម្រករបស់ពួកវាផងដែរ។ស្រប​ពេលដែលមានការខិតខំប្រឹងប្រែងជាច្រើនត្រូវបានអនុវត្តរួចហើយ ប៉ុន្តែយើង​ក៏ត្រូវ​តែ​​បន្តយកចិត្តទុកដាក់បន្ថែមទៀតដើម្បីរកដំណោះស្រាយចំពោះផលប៉ះពាល់ និង​ធានា​បាននូវបរិស្ថានដ៏មានសុវត្ថិភាពសម្រាប់សត្វជ្រូកទឹកក្នុងដែនសមុទ្រកម្ពុជា​យើង ៕

ប្រធានាធិបតីចិន លោក Xi Jinping និងសមភាគីរុស្ស៊ីរបស់លោក គឺលោក Vladimir Putin បានចាប់ផ្ដើមកិច្ចចរចាទ្វេភាគី នៅទីក្រុងប៉េកាំង ពោលគឺនៅមុនថ្ងៃប្រារព្ធព្រឹត្តិការណ៍ព្យុហយាត្រាយោធាដ៏ធំ នៅក្នុងរដ្ឋធានីរបស់ប្រទេសចិន។ លោក Putin បានពោលសរសើរទំនាក់ទំនង រវាងប្រទេសទាំង២ ដោយនិយាយថា ការប្រាស្រ័យទាក់ទងនេះ ស្ថិតក្នុង «កម្រិតមួយដែលមិនធ្លាប់មានពីមុនមក» ហើយលោកបានបន្ថែមថា ការចូលកៀកគ្នាកាន់តែជិតស្និទ្ធរបស់ប្រទេសទាំង២ នេះ ឆ្លុះបញ្ចាំងឲ្យឃើញពីលក្ខណៈយុទ្ធសាស្ត្រនៃទំនាក់ទំនងរុស្ស៊ី-ចិន»។ បើយោងតាមវីដេអូដែលត្រូវបានចេញផ្សាយនៅលើកម្មវិធីផ្ញើសារ Telegram ផ្លូវការរបស់វិមានក្រឹមឡាំង បានបង្ហាញថា អំឡុងកិច្ចពិភាក្សាទ្វេភាគីនោះ លោក Putin បានថ្លែងទៅកាន់លោក Xi ថា៖ «មិត្តជាទីគោរពស្រឡាញ់ ទាំងខ្ញុំ និងគណៈប្រតិភូរុស្សីទាំងមូល មានសេចក្តីសោមនស្សរីករាយដែលបានជួបជាមួយមិត្ត និងសហការីចិនរបស់ពួកយើងម្តងទៀត»។ លោក Putin បានបន្ថែមថា៖ «ទំនាក់ទំនងជិតស្និទ្ធរបស់ពួកយើង ឆ្លុះបញ្ចាំងពីលក្ខណៈយុទ្ធសាស្ត្រនៃទំនាក់ទំនងរុស្ស៊ី-ចិន ដែលស្ថិតក្នុងកម្រិតខ្ពស់មិនធ្លាប់មានពីមុនមក។ យើងតែងតែនៅជាមួយគ្នា ពីពេលមុន ហើយយើងនៅតែនៅជាមួយគ្នាដដែលឥឡូវនេះ»។ ចំណែកលោក Xi បានប្រាប់ទៅលោក Putin វិញថា៖ «ទំនាក់ទំនងចិន-រុស្ស៊ី បានទប់ទល់នឹងការសាកល្បងនៃការផ្លាស់ប្តូរជាអន្តរជាតិ»…

(ហាណូយ)៖ សម្តេចតេជោ ហ៊ុន សែន ចាត់ទុកទិវាបុណ្យឯករាជ្យជាតិវៀតណាម មិនគ្រាន់តែសម្រាប់ប្រជាជនវៀតណាមប៉ុណ្ណោះទេ ប៉ុន្តែគឺជាកម្លាំងជំរុញ សម្រាប់បណ្តាប្រជាជាតិក្នុងតំបន់អាស៊ីអាគ្នេយ៍ រួមទាំងកម្ពុជាផងដែរ ងើបឈរឡើងតស៊ូ ដើម្បីឯករាជ្យពីអាណានិគមនិយម ។ នេះបើតាមបណ្ដាញសង្គមរបស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា ក្នុងឱកាសដឹកនាំគណប្រតិភូជាន់ខ្ពស់កម្ពុជា អញ្ជើញចូលរួម ពិធីរំលឹកខួបអនុស្សាវរីយ៍ លើកទី៨០ នៃបដិវត្តខែសីហា និងទិវាបុណ្យឯករាជ្យជាតិ វៀត ណាម (២ កញ្ញា ១៩៤៥ – ២ កញ្ញា ២០២៥) ដែលពិធីដ៏ធំនេះបានប្រារព្ធធ្វើនៅទីលានបាឌិញក្នុងរដ្ឋធានីហាណូយ នៃសាធារណរដ្ឋសង្គមនិយមវៀតណាម នាព្រឹកថ្ងៃទី២ ខែកញ្ញា ឆ្នាំ២០២៥ ។ ​ព្រឹត្តិការណ៍ដ៏សំខាន់នេះ គឺជាការរំលឹកនិងការចងចាំអំពីវីរភាពក្លាហាន របស់យុទ្ធជន ដែលបានតស៊ូប្រយុទ្ធដើម្បបុព្វហេតុយុត្តិធម៌។ ទឹកចិត្តស្នេហាជាតិ និងពលីកម្មរបស់ពួកគេ ដើម្បីឆ្ពោះទៅ ទទួលបានសិទ្ធិស្វ័យសម្រេចត្រូវបានចងចាំ និងដឹងគុណជានិច្ច។ ទិវាឯករាជ្យ គឺជាថ្ងៃចាប់ផ្តើមនៃយុគសម័យថ្មី ដែលកំណត់ដោយភាពធន់,ការរួបរួមនិងក្តីសង្ឃឹម។ ថ្ងៃឯករាជ្យជាតិរបស់វៀតណាម កាលពី ៨០ឆ្នាំមុន…