Category: ព័ត៌មានជាតិ​

បរទេស ៖ ស្ទើរតែមិនគួរឱ្យជឿថា Cristiano Ronaldo ដែលកំពូលកីឡាករបាល់ទាត់ មានទ្រព្យធនស្តុកស្តម្ភ តែបែរជាកំពុងប្រឈមមុខនឹងជម្លោះផ្លូវច្បាប់ រឿងជំពាក់លុយកែសម្ផស្សជាង ៥០,០០០ដុល្លារមិនព្រមសង។ នេះបើតាមការចេញផ្សាយដោយសារព័ត៌មាន VNExpress និង The Sun។ សារព័ត៌មាន The Sun បានរាយការណ៍ថា វេជ្ជបណ្ឌិតកែសម្ផស្សដ៏ល្បីឈ្មោះមួយរូប លោក Roshan Ravindran បានចោទប្រកាន់ Ronaldo ថា មិនបានបង់ប្រាក់ទូទាត់សេវាកម្មដែលលោកផ្តល់ អំឡុងពេលកំពូលកីឡាករបាល់ទាត់សញ្ជាតិព័រទុយហ្កាល់រូបនេះ លេងឱ្យក្លិប Manchester United នៅចក្រភពអង់គ្លេស ក្នុងឆ្នាំ ២០២១ និង ២០២២។ វេជ្ជបណ្ឌិត Rosh បាននិយាយថា លោកមិនត្រឹមតែបម្រើសេវាកម្មដល់ Ronaldo ប៉ុណ្ណោះ ប៉ុន្តែរួមទាំងសមាជិកគ្រួសារ និងអ្នកជិតស្និតបំផុតរបស់កីឡាកររូបនេះផងដែរ នៅក្នុងគ្លីនិកលោកស្ថិតនៅតំបន់ Cheshire ភាគពាយព្យប្រទេសអង់គ្លេស។ ពាក្យបណ្តឹងមិនបានបញ្ជាក់ពីសេវាកម្មវេជ្ជបណ្ឌិត Rosh ផ្តល់ឱ្យ Ronaldo នោះទេ ប៉ុន្តែគ្លីនិកវេជ្ជបណ្ឌិតរូបនេះ ត្រូវបានដឹងថា ផ្តល់សេវាកម្មព្យាបាលផ្តោតលើផ្នែកកែសម្ផស្ស…

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ទទួល​បាន ពានរង្វាន់ «ភាពជាអ្នកដឹកនាំឆ្នើមពិភពលោក» ពីវិទ្យាស្ថានយុទ្ធសាស្ត្រ​សម្រាប់ តំបន់អាស៊ី-ប៉ាស៊ីហ្វិក (KSI)។ ពានរង្វាន់នេះ ត្រូវបានថ្នាក់ដឹកនាំ​វិទ្យាស្ថាន KSI ប្រគល់ជូនសម្តេចបវរធិបតី ហ៊ុន ម៉ាណែត នាព្រឹកថ្ងៃទី២៦ ខែវិច្ឆិកា ឆ្នាំ២០២៤ ។ វិទ្យាស្ថាន KSI មានមូលដ្ឋាននៅក្នុងប្រទេសម៉ាឡេស៊ី។ វិទ្យាស្ថាននេះ គឺជាស្ថាប័ន ឯករាជ្យ មិនរកប្រាក់ចំណេញ និងជាស្ថាប័នតភ្ជាប់រវាងរដ្ឋាភិបាល ធុរកិច្ច និង សង្គម ស៊ីវិល ដើម្បីប្រែក្លាយគំនិតផ្តួចផ្តើមនានា ឱ្យទៅជាផល​សម្រេច​ដែលមាន ឥទ្ធិពល។ គោលដៅចម្បងរបស់វិទ្យាស្ថាន គឺការកសាង​ប្រទេសឱ្យកាន់តែប្រសើរ ឡើងនៅទូទាំងតំបន់អាស៊ីប៉ាស៊ីហ្វិក។ វិទ្យាស្ថាន KSI ជាអ្នកចាត់ចែងរៀបចំឈានមុខនៃសន្និសីទ និងវេទិកា​ដែល​មាន ឥទ្ធិពល និងប្រកបដោយនវានុវត្តន៍ ដោយមានការចូលរួមពីសំណាក់​អ្នករៀប ចំគោល នយោបាយ ប្រធានក្រុមធុរកិច្ច និងអ្នកដឹកនាំអង្គការក្រៅ​រដ្ឋាភិបាលជាង ៣ពាន់នាក់ តាមរយៈព្រឹត្តិការកម្រិតខ្ពស់ជាង៦០ ចាប់តាំងពី​ចុងឆ្នាំ២០១៨មក។ បច្ចុប្បន្ន KSI…

(ឡុងដ៍)៖ កងទ័ពអាកាសអាមេរិកបានបញ្ជាក់ថា យន្តហោះដ្រូនមិនស្គាល់អត្តសញ្ញាណ ត្រូវបានគេប្រទះឃើញនៅមូលដ្ឋានទ័ពអាកាសអាមេរិក ចំនួនបីកន្លែងក្នុងប្រទេសអង់គ្លេស ក្នុងរយៈពេលប៉ុន្មានថ្ងៃថ្មីៗនេះ។ អ្នកនាំពាក្យកងទ័ពអាកាសអាមេរិក បានបញ្ជាក់ នៅក្នុងការឆ្លើយតបតាមអ៊ីមែល ទៅកាន់ទីភ្នាក់ងារសារព័ត៌មាន Reuters ថា «ប្រព័ន្ធអាកាសគ្មានមនុស្សបើកខ្នាតតូច ត្រូវបានគេប្រទះឃើញនៅក្នុងតំបន់ជុំវិញនិងពីលើមូលដ្ឋានទ័ព RAF Lakenheath, RAF Mildenhall និង RAF Feltwell ចាប់ពីថ្ងៃទី ២០ ខែវិច្ឆិកាដល់ថ្ងៃទី ២៦ ខែវិច្ឆិកា»។ ក្រសួងការពារជាតិអង់គ្លេស បានបញ្ជាក់ថា ខ្លួនកំពុងចាត់វិធានការដើម្បីទប់ទល់នឹងស្ថានការណ៍នេះ និងកំពុងសហការជាមួយកងទ័ពអាកាសអាមេរិកដើម្បីស៊ើបអង្កេត។ គួរបញ្ជាក់ថា ហេតុការណ៍នេះបង្កើនការព្រួយបារម្ភអំពីសុវត្ថិភាព នៅមូលដ្ឋានទ័ពអាកាស និងលទ្ធភាពនៃការចារកម្ម ឬការវាយប្រហារ ដោយយន្តហោះដ្រូនគ្មានមនុស្សបើក។ អាជ្ញាធរអង់គ្លេសនិងអាមេរិក កំពុងស៊ើបអង្កេតដើម្បីរកឱ្យឃើញអ្នកទទួលខុសត្រូវ នៃសកម្មភាពនេះ៕

(ហ្ស៊េរុយសាឡិម)៖ បទឈប់បាញ់មួយរវាងអ៉ីស្រាអែល និងក្រុមហេសបូឡាគាំទ្រដោយអ៉ីរ៉ង់ នឹងត្រូវចូលជាធរមាននៅថ្ងៃពុធ ទី២៧ ខែវិច្ឆិកានេះ បន្ទាប់ពីភាគីទាំង២ យល់ព្រមទទួលយកកិច្ចព្រមព្រៀងមួយក្រោមការសម្របសម្រួលពីសហរដ្ឋអាមេរិក និងបារាំង។ នេះជាការប្រកាសរបស់លោកប្រធានាធិបតី ចូ បៃដិន ដកស្រង់ចេញ ផ្សាយដោយទីភ្នាក់ងារសារព័ត៌មាន Reuters។ លោក បៃដិន ដែលបានធ្វើការប្រកាសខាងលើនៅឯសេតវិមាន កាលពីថ្ងៃអង្គារ ទី២៦ ខែវិច្ឆិកា នៅក្រោយគណៈរដ្ឋមន្ត្រីសន្តិសុខអ៉ីស្រាអែលបោះឆ្នោតអនុម័តលើបទឈប់បាញ់ ក្នុងសំឡេងគាំទ្រ១០ ទល់នឹង ១សំឡេងជំទាស់ ក៏បានឱ្យដឹងដែរថារូបលោកបានពិភាក្សាតាមទូរស័ព្ទជាមួយនាយករដ្ឋមន្ត្រីអ៉ីស្រាអែល លោក បេនចាមីន ណេតាន់យ៉ាហ៊ូ និងនាយករដ្ឋមន្ត្រីបណ្ដោះអាសន្នលីបង់ Najib Mikati។ បើតាមលោក បៃដិន បទឈប់បាញ់រវាងអ៉ីស្រាអែល ​និងហេសបូឡា គឺមានរយៈពេល៦០ថ្ងៃ ហើយនឹងត្រូវចូលជាធរមាន នៅម៉ោង ៤ព្រឹក ថ្ងៃទី២៧ ខែវិច្ឆិកា (ម៉ោងក្នុងតំបន់)។ គួរបញ្ជាក់ថា នៅក្រោមបទឈប់បាញ់ អ៉ីស្រាអែលនឹងត្រូវដកកងទ័ពបន្តិចម្ដងៗចេញពីតំបន់ភាគខាងត្បូងនៃប្រទេសលីបង់ ក្នុងពេល៦០ថ្ងៃ រីឯកងទ័ពលីបង់នឹងត្រូវគ្រប់គ្រង ទឹកដីនៅក្បែរព្រំដែនជាមួយអ៉ីស្រាអែល ដើម្បីធានាថាហេសបូឡានឹងមិនអាចកសាងហេដ្ឋារចនាសម្ព័ន្ធរបស់ខ្លួនឡើងវិញនៅទីនោះបាន។ ចាប់តាំងពីខែតុលា ឆ្នាំ២០២៣មក ជម្លោះរវាងអ៉ីស្រាអែល និងហេសបូឡា បានបង្ខំឱ្យប្រជាជនលីបង់…

លោក Andreas Motzfeldt Kravik អនុរដ្ឋមន្ត្រីក្រសួងការបរទេសប្រទេសន័រវែសដែលអតីតជាមន្ដ្រីធ្លាប់បំពេញការងារពីឆ្នាំ២០០៧ ដល់ឆ្នាំ២០០៨ នៅក្នុងការិយាល័យសហព្រះរាជអាជ្ញាររបស់សាលាក្ដីខ្មែរក្រហម បានអញ្ជើញមកបំពេញទស្សនកិច្ចនៅមជ្ឈមណ្ឌលធនធាន អ.វ.ត.ក. នាថ្ងៃទី២៦ ខែវិច្ឆិកា ឆ្នាំ២០២៤ ដើម្បីស្វែងយល់អំពីសមិទ្ធផលរបស់សាលាក្ដីខ្មែរក្រហម និងដំណើរការអនុវត្តមុខងារសេសសល់នៅមជ្ឈមណ្ឌលធនធាន អ.វ.ត.ក.។ ទស្សនកិច្ចនេះទទួលបានការស្វាគមន៍ដោយ ឯកឧត្តម ក្រាញ់ តូនី ប្រធានរដ្ឋបាលស្ដីទី និងថ្នាក់ដឹកនាំជាន់ខ្ពស់នៃមជ្ឈមណ្ឌលធនធាន អ.វ.ត.ក.។ នាឱកាសទស្សនកិច្ចនោះ ឯកឧត្តម ក្រាញ់ តូនី បានសម្ដែងក្ដីរីករាយចំពោះការអញ្ជើញមកកាន់មជ្ឈមណ្ឌលធនធាន អ.វ.ត.ក. របស់លោកអនុរដ្ឋមន្ត្រីក្រសួងការបរទេសប្រទេសន័រវែស និងបានជម្រាបប្រតិភូអំពីសមិទ្ធផលដែលសម្រេចបានដោយជោគជ័យរបស់ អ.វ.ត.ក. ក្នុងការជំនុំជម្រះក្ដីលើអតីតមេដឹកនាំខ្មែរក្រហមអស់រយៈពេល ១៦ ឆ្នាំមកនេះ ដោយបានរួមចំណែកដល់ការរក្សាបានសន្ដិភាព ការផ្សះផ្សារផ្លូវចិត្តរបស់ជនរងគ្រោះ ការមិនមានការសងសឹកនិងចងគំនុំគ្នាក្នុងសង្គមជាតិ និងការបំបាត់បានវប្បធម៌និទណ្ឌភាពនៅកម្ពុជា។ ឯកឧត្តម ក្រាញ់ តូនី មានប្រសាសន៍ថា “យើងខ្ញុំពិតជាមានកិត្តិយសណាស់ចំពោះការអញ្ជើញមកដល់របស់លោកអនុរដ្ឋមន្ត្រី Andreas Motzfeldt Kravik មកកាន់មជ្ឈមណ្ឌលធនធាន អ.វ.ត.ក.។ទស្សនកិច្ចនេះពង្រឹងភាពជាដៃគូរបស់យើងបន្ថែមទៀត ហើយយើងសូមរគុណចំពោះការបន្តរួមចំណែករបស់ន័រវែសចំពោះភាពជោគជ័យរបស់ អ.វ.ត.ក. និងកសាងកេរ្តិ៍ដំណែលនៃយុត្តិធម៌។” ឯកឧត្តម តូនី បន្ថែមថា “ការអញ្ជើញមកនេះ…

ក្រុមការងាររបស់លោកប្រធានាធិបតីជាប់ឆ្នោត Donald Trump កំពុងពិភាក្សាបន្តការចរចាដោយផ្ទាល់ជាមួយមេដឹកនាំកូរ៉េខាងជើងលោក Kim Jong Un ដោយសង្ឃឹមថាការជំរុញការទូតថ្មី ដែលអាចកាត់បន្ថយហានិភ័យនៃជម្លោះប្រដាប់អាវុធ នេះបើយោងតាមបុគ្គលពីររូបដែលដឹងពីបញ្ហានេះ។ បុគ្គលជាច្រើននៅក្នុងក្រុមរបស់លោក Trump ឥឡូវនេះ មើលឃើញវិធីសាស្រ្តផ្ទាល់ពីលោក Trump ដើម្បីកសាងទំនាក់ទំនងដែលមានស្រាប់ ដែលទំនងជានឹងបំបែករនាំងទឹកកកជាមួយលោក Kim ជាច្រើនឆ្នាំបន្ទាប់ពីសង្គ្រាមពាក្យសម្ដី និងអ្វីដែលលោក Trump ហៅថាជាលិខិតដ៏សែនមានអត្ថន័យ នៅក្នុងកិច្ចខិតខំប្រឹងប្រែងការទូតដែលមិនធ្លាប់មានអំឡុងអាណត្តិដំបូងរបស់លោកជាប្រធានាធិបតី អាមេរិក។ ប្រភពជាច្រើនបាននិយាយថា ការពិភាក្សាគោលនយោបាយមានភាពរលូន ហើយមិនមានការសម្រេចចិត្តចុងក្រោយណាមួយត្រូវបានធ្វើឡើងដោយប្រធានាធិបតីជាប់ឆ្នោតនោះទេ។ ក្រុមការងារផ្ទេរអំណាចរបស់លោក Trumpពុំបានឆ្លើយតបទៅនឹងសំណើសុំការអត្ថាធិប្បាយទេ។ អ្វីដែលលោក Kim នឹងផ្តល់ជូនលោក Trump គឺមិនច្បាស់លាស់។ ប្រជាជនកូរ៉េខាងជើងបានព្រងើយកន្តើយនឹងការផ្សព្វផ្សាយរយៈពេល ៤ ឆ្នាំដោយប្រធានាធិបតីអាមេរិកលោក Joe Biden ក្នុងការចាប់ផ្តើមកិច្ចចរចាដោយគ្មានបុរេលក្ខខណ្ឌ ហើយលោក Kim ត្រូវបានពង្រឹងដោយឃ្លាំងអាវុធមីស៊ីលដែលបានពង្រីកជាបន្តបន្ទាប់ និងទំនាក់ទំនងកាន់តែជិតស្និទ្ធជាមួយរុស្ស៊ី៕

អ៊ីស្រាអែល និងហេសបូឡា ឯកភាពលើបទឈប់បាញ់ផ្ដួចផ្ដើមដោយអាមេរិក និងបារាំង ដែលត្រូវចូលជាធរមាននៅថ្ងៃពុធនេះ លោកប្រធានាធិបតីអាមេរិកJoe Biden បាននិយាយកាលពីថ្ងៃអង្គារសប្ដាហ៍នេះថា បទឈប់បាញ់រវាងអ៊ីស្រាអែល និងក្រុមហេសបូឡារបស់លីបង់នឹងចូលជាធរមាននៅថ្ងៃពុធ២៧វិច្ឆិកាសប្ដាហ៍នេះ បន្ទាប់ពីភាគីទាំងពីរបានទទួលយកកិច្ចព្រមព្រៀង សម្របសម្រួលដោយអាមេរិក និងបារាំង។ នាយករដ្ឋមន្ត្រីអ៊ីស្រាអែលលោក Benjamin Netanyahu បាននិយាយកាលពថ្ងៃអង្គារទី ២៦ខែវិច្ឆិកាថា លោកបានត្រៀមខ្លួនជាស្រេចដើម្បីអនុវត្តកិច្ចព្រមព្រៀងបទឈប់បាញ់ជាមួយប្រទេសលីបង់ ហើយនឹងឆ្លើយតបយ៉ាងម៉ឺងម៉ាត់ចំពោះការរំលោភណាមួយដោយក្រុមហេសបូឡា ដោយប្រកាសថាអ៊ីស្រាអែលនឹងរក្សាសេរីភាពនៃសកម្មភាពខាងយោធាពេញលេញ។ លោក Biden បាននិយាយថា កិច្ចព្រមព្រៀងបើកផ្លូវសម្រាប់ការបញ្ចប់ជម្លោះដែលបានសម្លាប់មនុស្សរាប់ពាន់នាក់ចាប់តាំងពីត្រូវបានដុតបញ្ឆេះដោយសង្រ្គាមនៅដែនដីហ្កាហ្សាកាលពីឆ្នាំមុន ត្រូវបានរៀបចំឡើងដើម្បីបញ្ឈប់ជម្លោះទាំងឡាយ។ លោក Biden ដែលបានថ្លែងសុន្ទរកថានៅសេតវិមានភ្លាមៗបន្ទាប់ពីគណៈរដ្ឋមន្ត្រីសន្តិសុខរបស់អ៊ីស្រាអែលបានអនុម័តកិច្ចព្រមព្រៀងក្នុងការបោះឆ្នោតក្នុងសំឡេងគាំទ្រ១០និង១ បាននិយាយថាលោកបាននិយាយទៅកាន់នាយករដ្ឋមន្ត្រីអ៊ីស្រាអែលលោក Benjamin Netanyahu និងនាយករដ្ឋមន្ត្រីចាំផ្ទះរបស់ប្រទេសលីបង់លោក Najib Mikati ។លោកបន្តថា ការប្រយុទ្ធនឹងបញ្ចប់នៅម៉ោង៤ទៀបភ្លឺម៉ោងក្នុងស្រុក ។លោក Biden បាននិយាយថា នេះត្រូវបានរៀបចំឡើងដើម្បីបញ្ឈប់អរិភាពជាអចិន្ត្រៃយ៍។អ្វីដែលនៅសេសសល់ពីក្រុមហេសបូឡា និងអង្គការភេរវជនផ្សេងទៀត នឹងមិនត្រូវបានអនុញ្ញាតឲ្យគំរាមកំហែងសន្តិសុខអ៊ីស្រាអែលទៀតទេ។ លោក Biden បាននិយាយថា អ៊ីស្រាអែលនឹងដកកងកម្លាំងរបស់ខ្លួនចេញជាបណ្តើរៗក្នុងរយៈពេល ៦០ ថ្ងៃ ខណៈកងទ័ពលីបង់ចូលកាន់កាប់ទឹកដីនៅជិតព្រំដែនរបស់ខ្លួនជាមួយអ៊ីស្រាអែល ដើម្បីធានាថា ក្រុមហេសបូឡាមិនសាងសង់ហេដ្ឋារចនាសម្ព័ន្ធរបស់ខ្លួនឡើងវិញនៅទីនោះ៕

(ភ្នំពេញ)៖ ក្នុងពិធីបិទសន្និបាតបូកសរុបលទ្ធផលការងារ ឆ្នាំ២០២៤ និងទិសដៅឆ្នាំ២០២៥ របស់ក្រសួងរៀបចំដែនដី នគរូបនីយកម្ម និងសំណង់ ក្រោមអធតីភាពសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី កម្ពុជា នារសៀលថ្ងៃទី ២៦ ខែវិច្ឆិកា ឆ្នាំ២០២៤ ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំដែនដី នគររូបនីយកម្ម និងសំណង់ បានលើកបង្ហាញពីទិសដៅការងារបស់ក្រសួង សម្រាប់អនុវត្តន៍នៅឆ្នាំ២០២៥ ក្នុងអាណត្តិទី៧ នៃរាជរដ្ឋាភិបាល ។ ឯកឧត្តមរដ្ឋមន្រ្តីក្រសួងរៀបចំដែនដី នគររូបនីយកម្ម និងសំណង់ បានថ្លែងថា សំរាប់ទិសដៅការងារបស់ក្រសួងនឹងបន្តកសាងស្ថាប័នរដ្ឋបាលសាធារណៈទំនើប ធ្វើបរិវត្តកម្មការផ្តល់សេវាសាធារណៈតាមបែបឌីជីថលទៅតាម បែបទំនើប និងការគ្រប់គ្រងទិន្នន័យ ដើម្បីផ្តល់សេវាលឿន រហ័ស តម្លាភាព ប្រសិទ្ធភាព ងាយស្រួល និងជឿទុកចិត្ត។ បន្តរៀបចំគោលនយោបាយ យុទ្ធសាស្ត្រ និងលិខិតបទដ្ឋានគតិយុត្តសម្រាប់ក្រសួង ឱ្យបានគ្រប់វិស័យ ការងារជំនាញរបស់ក្រសួង។ ពង្រឹងការអភិវឌ្ឍធនធានមនុស្ស តាមរយៈការបើកវគ្គបណ្តុះបណ្តាលបន្ថែមអំពីវិស័យជំនាញការងារ របស់ក្រសួង រយៈពេលខ្លី/វែង ក៏ដូចជាបន្តការសិក្សាផ្នែកជំនាញនៅក្នុងនិងក្រៅប្រទេស ។ បន្តការចុះបញ្ជីដីធ្លីជំហានទី២ នៃចំនួនក្បាលដីប៉ាន់ស្មាន៥លានក្បាលដី…

ទី​ក្រុង​ម៉ូស្គូ៖ រុស្ស៊ី​ផ្ទុះ​កំហឹង​យ៉ាង​ខ្លាំង​នៅ​ពេល​អ៊ុយ​ក្រែន​ប្រើ​ប្រាស់​គ្រាប់​មីស៊ីល​របស់​អាមេរិក​បាញ់​ចូល​ឆ្ងាយ​ៗ​ទៅ​ក្នុង​ទឹក​ដី​រុស្ស៊ី​ជា​ថ្មី​ទៀត​។ ដូច្នេះ ទី​ក្រុង​​ម៉ូស្គូ​ប្ដេជ្ញា​ថា​ខ្លួន​នឹង​ចាត់​វិធាន​ការ​វាយ​បក​វិញ​។ លោក​ពូទីន​ធ្លាប់​ព្រមាន​រួច​ហើយ​ថា​កុំ​ឱ្យ​អ៊ុយ​ក្រែន និង​ក្រុម​បស្ចិម​ប្រទេស​ចូល​ពាក់​ព័ន្ធ​នឹង​ការ​ប្រើ​ប្រាស់​គ្រាប់​មីស៊ីល​ម៉ាក​អាត់​តា​ខំ​ត​ទៅ​ទៀត​ (ATACMS)។​ ប៉ុន្តែ​ពួក​​គេ​មិន​ព្រម​ស្ដាប់​។​ ឥឡូវ​នេះ រុស្ស៊ី និង​អ៊ុយ​ក្រែន​ប្រើ​ប្រាស់​អាវុធ​​បាញ់​ប្រហារ​តាម​អាកាស​កាន់​តែ​ខ្លាំង​ និង​ប្រើ​ប្រាស់​បច្ចេក​វិទ្យា​​កាន់​តែ​ទំនើប​។ ហេតុ​នេះ គេ​បារម្ភ​ថា​សង្គ្រាម​នេះ​មិន​មែន​ធូរ​ស្បើយ​ទេ ប៉ុន្តែ​អាច​​នឹង​ផ្ទុះ​ឡើង​កាន់​តែ​ខ្លាំង​។ អ៊ុយ​ក្រែន​វាយ​ប្រហារ​រុស្ស៊ី​ដោយ​គ្រាប់​មីស៊ីល​ម៉ាក​អាត់​តាខំ​ជា​លើក​ដំបូង​កាល​ពី​ថ្ងៃ​​ពុធ​សប្ដាហ៍​មុន​ ហើយ​ត្រូវ​រុស្ស៊ី​ឆ្លើយ​តប​វិញ​ដោយ​​​មីស៊ីល​លឿន​ជាង​សំឡេង​ (ហាយ​ពើ​សូនិច -hypersonic) រយៈ​ចម្ងាយ​មធ្យម​ចូល​ទី​ក្រុង​ឌីនី​ប្រូ​កាល​ពី​ថ្ងៃ​ព្រហស្បតិ៍​។ ក្រសួង​ការ​ពារ​ជាតិ​រុស្ស៊ី​ថ្លែង​ថា​អ៊ុយ​ក្រែន​​បាន​​វាយ​ប្រហារ​ដោយ​មីស៊ីល​អាត់​តាខំ​នេះ​ចំនួន​២​ដង​នៅ​សប្ដាហ៍​នេះ​។ ពោល​គឺ​នៅ​ថ្ងៃ​ទី​២៣ ខែ​វិច្ឆិកា​ម្ដង និ​ងនៅ​ថ្ងៃ​ទី​២៥​ ខែ​វិច្ឆិកា​ម្ដង​ទៀត​។ គោល​ដៅ​របស់​ពួក​គេ​គឺ​វាយ​ប្រហារ​ទី​តាំង​យោធា​ និង​មូល​ដ្ឋាន​ទ័ព​អាកាស​នៅ​តំបន់​ខឺស​ បណ្ដាល​ឱ្យ​ខូច​ខាត​អគារ​មួយ​ចំនួន​។ ក្រសួង​បាន​បង្ហោះ​សារ​នៅ​លើ​បណ្ដាញ​តេឡា​ក្រាម​ថា​ខ្លួន​​​​កំពុង​ត្រៀម​ចាត់​វិធាន​ការ​សង​សឹក​វិញ​។​ ​រុស្ស៊ីបញ្ជូន​យន្ត​ហោះ​ដ្រូនដ៏​ច្រើន​បំផុត​រហូត​ដល់​១៨៨​គ្រឿង​វាយ​ប្រហារ​អ៊ុយ​ក្រែន​ទាំង​កណ្ដាល​អធ្រាត្រ​​ ហើយ​ធ្វើ​ឱ្យ​រអាក់​រអួល​ប្រព័ន្ធ​ចែក​ចាយ​ថាម​ពល​​នៅ​ភាគ​​​ខាង​កើត​។ នេះ​បើ​យោង​តាម​បង្ហើប​ឱ្យ​ដឹង​ពី​អ៊ុយ​ក្រែន​។ ​ក្រសួង​ការ​ពារ​ជាតិ​​រុស្ស៊ី​ប្រកាស​ថា​គ្រាប់​មីស៊ីល​អាត់​តា​ខំ​របស់​អ៊ុយ​ក្រែន​ដែល​បាញ់​ចូល​​មូល​ដ្ឋាន​​ទ័ព​អាកាស​នៅ​ខឺស​នោះ​បណ្ដាល​ឱ្យ​រង​របួស​ទាហាន​២​នាក់​។ ចំណែក​គ្រាប់​មីស៊ីល​ដែល​បាញ់​ទៅ​លើ​ប្រព័ន្ធ​ការ​ពារ​ដែន​អាកាស​រុស្ស៊ី​ធ្វើ​ឱ្យ​ខូច​ប្រព័ន្ធ​រ៉ាដា​ និង​ស្លាប់​ទាហាន​មួយ​ចំនួន​​។ ក្រសួង​ថ្លែង​បន្ត​ទៀត​ថា​​អ៊ុយ​ក្រែន​បាញ់​មីស៊ីល​​លើក​ទី​១​ចំនួន​៥​គ្រាប់​​ត្រូវ​រុស្ស៊ី​បាញ់​ទម្លាក់​បាន​៣​គ្រាប់​។ ក្រោយ​​មក​ អ៊ុយ​ក្រែន​បាញ់​​មីស៊ីល​លើក​ទី​២​ចំនួន​៨​គ្រាប់​ត្រូវ​​រុស្ស៊ី​បាញ់​ទម្លាក់បាន​​៧​គ្រាប់​។ ក្រោយ​ពេល​​​អ៊ុយ​ក្រែន​បាញ់​មីស៊ីល​អាត់​តា​ខំ​លើក​ដំបូង​បំផុត​កាល​ពី​សប្ដាហ៍​មុន​​នោះ រុស្ស៊ី​ឆ្លើយ​តប​នៅ​ថ្ងៃ​បន្ទាប់​ដោយបាញ់​​មីស៊ីល​លឿន​ជាង​សំឡេង​ម៉ាក​អូ​រេ​ស្នីក (Oreshnik)។ ​លោក​ពូទីន​អះ​អាង​ថា​មីស៊ីល​នេះ​អាច​បំពាក់​ក្បាល​គ្រាប់​នុយ​ក្លេអ៊ែរ​​ថែម​ទៀត​ផង​។​ លោក​ពូទីន​ព្រមាន​ថា​រុស្ស៊ី​អាច​នឹង​ពិចារណា​ប្រើ​ប្រាស់​មីស៊ីល​នេះ​ជា​បន្ត​ទៀត​ឬ​យ៉ាង​ណា​អាស្រ័យ​ទៅ​លើ​ទង្វើ​របស់​អា​មេ​រិក​ និង​​សម្ព័ន្ធ​មិត្ត​របស់​គេ​​។ លោក​ថា​រុស្ស៊ីសូម​រក្សា​សិទ្ធិ​បាញ់​មីស៊ីល​នេះ​ដាក់​ប្រទេស​ណា​ដែល​អនុញ្ញាត​ឱ្យ​អ៊ុយ​ក្រែន​ប្រើ​ប្រាស់​មីស៊ីល​ជំនួយ​បាញ់​ចូល​ឆ្ងាយ​ៗ​ទៅ​ក្នុង​ទឹក​ដី​រុស្ស៊ី​។ ការ​បាញ់​មីស៊ីល​អូរេស្នីក​នេះ​បង្ក​ការ​ភ្ញាក់​ផ្អើល​យ៉ាង​ខ្លាំង​សម្រាប់​ពិ​ភព​លោក​។ ហេតុ​នេះ ​​​អ៊ុយ​ក្រែន​ និង​​សមាជិក​អង្គ​ការ​ណាតូ​ទាំង​​​៣២​ប្រទេស​ត្រៀម​កោះ​ប្រជុំ​នៅ​ទី​ក្រុង​ប្រ៊ុច​សែល​ដើម្បី​ពិភាក្សា​​អំពីបញ្ហា​នេះ​​៕​​