Category: ព័ត៌មានជាតិ
-
រដ្ឋមន្រ្តីក្រសួងរៀបចំដែនដី បង្ហាញទិសដៅការងារសម្រាប់អនុវត្តន៍របស់ក្រសួង
(ភ្នំពេញ)៖ ក្នុងពិធីបិទសន្និបាតបូកសរុបលទ្ធផលការងារ ឆ្នាំ២០២៤ និងទិសដៅឆ្នាំ២០២៥ របស់ក្រសួងរៀបចំដែនដី នគរូបនីយកម្ម និងសំណង់ ក្រោមអធតីភាពសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី កម្ពុជា នារសៀលថ្ងៃទី ២៦ ខែវិច្ឆិកា ឆ្នាំ២០២៤ ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំដែនដី នគររូបនីយកម្ម និងសំណង់ បានលើកបង្ហាញពីទិសដៅការងារបស់ក្រសួង សម្រាប់អនុវត្តន៍នៅឆ្នាំ២០២៥ ក្នុងអាណត្តិទី៧ នៃរាជរដ្ឋាភិបាល ។ ឯកឧត្តមរដ្ឋមន្រ្តីក្រសួងរៀបចំដែនដី នគររូបនីយកម្ម និងសំណង់ បានថ្លែងថា សំរាប់ទិសដៅការងារបស់ក្រសួងនឹងបន្តកសាងស្ថាប័នរដ្ឋបាលសាធារណៈទំនើប ធ្វើបរិវត្តកម្មការផ្តល់សេវាសាធារណៈតាមបែបឌីជីថលទៅតាម បែបទំនើប និងការគ្រប់គ្រងទិន្នន័យ ដើម្បីផ្តល់សេវាលឿន រហ័ស តម្លាភាព ប្រសិទ្ធភាព ងាយស្រួល និងជឿទុកចិត្ត។ បន្តរៀបចំគោលនយោបាយ យុទ្ធសាស្ត្រ និងលិខិតបទដ្ឋានគតិយុត្តសម្រាប់ក្រសួង ឱ្យបានគ្រប់វិស័យ ការងារជំនាញរបស់ក្រសួង។ ពង្រឹងការអភិវឌ្ឍធនធានមនុស្ស តាមរយៈការបើកវគ្គបណ្តុះបណ្តាលបន្ថែមអំពីវិស័យជំនាញការងារ របស់ក្រសួង រយៈពេលខ្លី/វែង ក៏ដូចជាបន្តការសិក្សាផ្នែកជំនាញនៅក្នុងនិងក្រៅប្រទេស ។ បន្តការចុះបញ្ជីដីធ្លីជំហានទី២ នៃចំនួនក្បាលដីប៉ាន់ស្មាន៥លានក្បាលដី…
-
-
រុស្ស៊ីប្រកាសស.ងសឹ.កបន្ទាប់ពីអ៊ុយក្រែនបន្តបា.ញ់មីស៊ីលរបស់អាមេរិក
ទីក្រុងម៉ូស្គូ៖ រុស្ស៊ីផ្ទុះកំហឹងយ៉ាងខ្លាំងនៅពេលអ៊ុយក្រែនប្រើប្រាស់គ្រាប់មីស៊ីលរបស់អាមេរិកបាញ់ចូលឆ្ងាយៗទៅក្នុងទឹកដីរុស្ស៊ីជាថ្មីទៀត។ ដូច្នេះ ទីក្រុងម៉ូស្គូប្ដេជ្ញាថាខ្លួននឹងចាត់វិធានការវាយបកវិញ។ លោកពូទីនធ្លាប់ព្រមានរួចហើយថាកុំឱ្យអ៊ុយក្រែន និងក្រុមបស្ចិមប្រទេសចូលពាក់ព័ន្ធនឹងការប្រើប្រាស់គ្រាប់មីស៊ីលម៉ាកអាត់តាខំតទៅទៀត (ATACMS)។ ប៉ុន្តែពួកគេមិនព្រមស្ដាប់។ ឥឡូវនេះ រុស្ស៊ី និងអ៊ុយក្រែនប្រើប្រាស់អាវុធបាញ់ប្រហារតាមអាកាសកាន់តែខ្លាំង និងប្រើប្រាស់បច្ចេកវិទ្យាកាន់តែទំនើប។ ហេតុនេះ គេបារម្ភថាសង្គ្រាមនេះមិនមែនធូរស្បើយទេ ប៉ុន្តែអាចនឹងផ្ទុះឡើងកាន់តែខ្លាំង។ អ៊ុយក្រែនវាយប្រហាររុស្ស៊ីដោយគ្រាប់មីស៊ីលម៉ាកអាត់តាខំជាលើកដំបូងកាលពីថ្ងៃពុធសប្ដាហ៍មុន ហើយត្រូវរុស្ស៊ីឆ្លើយតបវិញដោយមីស៊ីលលឿនជាងសំឡេង (ហាយពើសូនិច -hypersonic) រយៈចម្ងាយមធ្យមចូលទីក្រុងឌីនីប្រូកាលពីថ្ងៃព្រហស្បតិ៍។ ក្រសួងការពារជាតិរុស្ស៊ីថ្លែងថាអ៊ុយក្រែនបានវាយប្រហារដោយមីស៊ីលអាត់តាខំនេះចំនួន២ដងនៅសប្ដាហ៍នេះ។ ពោលគឺនៅថ្ងៃទី២៣ ខែវិច្ឆិកាម្ដង និងនៅថ្ងៃទី២៥ ខែវិច្ឆិកាម្ដងទៀត។ គោលដៅរបស់ពួកគេគឺវាយប្រហារទីតាំងយោធា និងមូលដ្ឋានទ័ពអាកាសនៅតំបន់ខឺស បណ្ដាលឱ្យខូចខាតអគារមួយចំនួន។ ក្រសួងបានបង្ហោះសារនៅលើបណ្ដាញតេឡាក្រាមថាខ្លួនកំពុងត្រៀមចាត់វិធានការសងសឹកវិញ។ រុស្ស៊ីបញ្ជូនយន្តហោះដ្រូនដ៏ច្រើនបំផុតរហូតដល់១៨៨គ្រឿងវាយប្រហារអ៊ុយក្រែនទាំងកណ្ដាលអធ្រាត្រ ហើយធ្វើឱ្យរអាក់រអួលប្រព័ន្ធចែកចាយថាមពលនៅភាគខាងកើត។ នេះបើយោងតាមបង្ហើបឱ្យដឹងពីអ៊ុយក្រែន។ ក្រសួងការពារជាតិរុស្ស៊ីប្រកាសថាគ្រាប់មីស៊ីលអាត់តាខំរបស់អ៊ុយក្រែនដែលបាញ់ចូលមូលដ្ឋានទ័ពអាកាសនៅខឺសនោះបណ្ដាលឱ្យរងរបួសទាហាន២នាក់។ ចំណែកគ្រាប់មីស៊ីលដែលបាញ់ទៅលើប្រព័ន្ធការពារដែនអាកាសរុស្ស៊ីធ្វើឱ្យខូចប្រព័ន្ធរ៉ាដា និងស្លាប់ទាហានមួយចំនួន។ ក្រសួងថ្លែងបន្តទៀតថាអ៊ុយក្រែនបាញ់មីស៊ីលលើកទី១ចំនួន៥គ្រាប់ត្រូវរុស្ស៊ីបាញ់ទម្លាក់បាន៣គ្រាប់។ ក្រោយមក អ៊ុយក្រែនបាញ់មីស៊ីលលើកទី២ចំនួន៨គ្រាប់ត្រូវរុស្ស៊ីបាញ់ទម្លាក់បាន៧គ្រាប់។ ក្រោយពេលអ៊ុយក្រែនបាញ់មីស៊ីលអាត់តាខំលើកដំបូងបំផុតកាលពីសប្ដាហ៍មុននោះ រុស្ស៊ីឆ្លើយតបនៅថ្ងៃបន្ទាប់ដោយបាញ់មីស៊ីលលឿនជាងសំឡេងម៉ាកអូរេស្នីក (Oreshnik)។ លោកពូទីនអះអាងថាមីស៊ីលនេះអាចបំពាក់ក្បាលគ្រាប់នុយក្លេអ៊ែរថែមទៀតផង។ លោកពូទីនព្រមានថារុស្ស៊ីអាចនឹងពិចារណាប្រើប្រាស់មីស៊ីលនេះជាបន្តទៀតឬយ៉ាងណាអាស្រ័យទៅលើទង្វើរបស់អាមេរិក និងសម្ព័ន្ធមិត្តរបស់គេ។ លោកថារុស្ស៊ីសូមរក្សាសិទ្ធិបាញ់មីស៊ីលនេះដាក់ប្រទេសណាដែលអនុញ្ញាតឱ្យអ៊ុយក្រែនប្រើប្រាស់មីស៊ីលជំនួយបាញ់ចូលឆ្ងាយៗទៅក្នុងទឹកដីរុស្ស៊ី។ ការបាញ់មីស៊ីលអូរេស្នីកនេះបង្កការភ្ញាក់ផ្អើលយ៉ាងខ្លាំងសម្រាប់ពិភពលោក។ ហេតុនេះ អ៊ុយក្រែន និងសមាជិកអង្គការណាតូទាំង៣២ប្រទេសត្រៀមកោះប្រជុំនៅទីក្រុងប្រ៊ុចសែលដើម្បីពិភាក្សាអំពីបញ្ហានេះ៕
-
-
អភិបាលខេត្តកំពត ប្រាប់មន្ត្រីជំនាញពាក់ព័ន្ធរៀបចំបុណ្យសមុទ្រ កុំមើលរំលងរឿងកំប៉ិកកំប៉ុក
កំពត៖ឯកឧត្តម ម៉ៅ ធនិន អភិបាលខេត្តកំពតបានលើកឡើងថា គិតមកដល់ថ្ងៃនេះ ការត្រៀមធ្វើជាម្ចាស់ផ្ទះរៀបចំបុណ្យសមុទ្រលើកទី១១ របស់អនុគណៈកម្មការនីមួយៗរបស់ខេត្ត បានត្រៀមស្ទើររួចរាល់ហើយ។ប៉ុន្តែឯកឧត្តមបានក្រើនរំលឹកដល់បន្ថែមដល់មន្ត្រីជំនាញពាក់ព័ន្ធត្រូវគិតគូរឱ្យគ្រប់ជ្រុងជ្រោយ កុំធ្វេសប្រហែសចំពោះរឿងកំប៉ិកកំប៉ុក។ មានមតិបូកសរុបក្នុងកិច្ចប្រជុំត្រួតពិនិត្យវឌ្ឍនភាពការងាររបស់អនុគណៈកម្មការខេត្តក្នុងការរៀបចំបុណ្យសមុទ្រលើកទី១១ កាលពីថ្ងៃទី២៥ ខែវិច្ឆិកា ឆ្នាំ២០២៤ ឯកឧត្តម ម៉ៅ ធនិន អភិបាលខេត្តកំពត បានកត់សម្គាល់ពីវឌ្ឍនភាពការងាររៀបចំ បុណ្យសមុទ្រដែលនឹងមកដល់នៅពាក់កណ្ដាលខែធ្នូខាងមុខ ។ឯកឧត្តមសង្ឃឹមយ៉ាងមុតមាំថា ពិតជានឹងធ្វើឱ្យបុណ្យសមុទ្រលើកទី១១ ជុំទី៣នៅខេត្តកំពត ពោរពេញដោយភាពសប្បាយរីករាយ និងភាពទាក់ទាញខ្លាំង។ប៉ុន្តែ ឯកឧត្តមបានដាស់តឿនដល់អាជ្ញាធរ មន្ត្រីជំនាញ និងអ្នកពាក់ព័ន្ធសូមបង្កើនការយកចិត្តទុកដាក់លើការងារកំប៉ិចកំប៉ុកមួយចំនួន ដែលអាចជះឥទ្ធិពលអាក្រក់ដល់ខេត្ត ដូចជា ការដំឡើងថ្លៃបន្ទប់ស្នាក់នៅ,តម្លៃម្ហូបអាហារ, ការបន្លំផលិតផល ផលិតផលគ្មានគុណភាព , ជញ្ជីងមិនគ្រប់គីឡូ យកថ្លៃបន្ទប់ទឹក ឬថ្លៃផ្ញើម៉ូតូ រថយន្ត ថ្លៃហួសប្រមាណជាដើម ។សូមកុំឱ្យមានការលេចឮ ររឿងទាំងនេះ ទាំងនៅមុនពេល អំឡុងពេល និងក្រោយពេលចប់ពីធីបុណ្យសមុទ្រ។ សូមបញ្ជាក់ថា មុនចូលដល់ថ្ងៃរៀបចំពិធីបុណ្យសមុទ្រ រដ្ឋបាលខេត្តកំពតក៏មានរៀបចំពិធីប្រណាំងទូកង ចំនួន១៣គូផងដែរ នៅថ្ងៃទី១១-១២ ខែធ្នូ ខណៈដែលកម្មវិធីបើកជាផ្លូវការនៃពិធីបុណ្យសមុទ្រ នឹងធ្វើឡើងនៅថ្ងៃទី១៣ ខែធ្នូ ក្រោមអធិបតីភាពដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត…
-
កងកម្លាំងអន្តរាគមន៍ពិសេសនៃស្នងការដ្ឋាននគរបាលខេត្ដតាកែវ នឹងត្រូវដាក់ឱ្យឈរជើងការពារនៅតាមគោលដៅសំខាន់ៗ
តាកែវ៖ក្នុងកិច្ចប្រជុំពង្រឹងកិច្ចការងារសន្តិសុខជាមួយកងកម្លាំងនគរបាលផែនព្រហ្មទណ្ឌកាលពីព្រឹកថ្ងៃទី ២៦ ខែវិច្ឆិកា ឆ្នាំ២០២៤ នៅសាលប្រជុំស្នងការដ្ឋាននគរបាលខេត្ដតាកែវឧត្ដមសេនីយ៍ទោ ម៉ែន លី ស្នងការនគរបាលខេត្ដតាកែវ បានលើកឡើងអំពី ការរៀបចំកងកម្លាំងអន្តរាគមន៍ពិសេសនៃស្នងការដ្ឋាននគរបាលខេត្ដតាកែវ នឹងត្រូវដាក់ឱ្យឈរជើងការពារនៅតាមគោលដៅសំខាន់ៗដែលងាយនឹងរងគ្រោះក្នុងភូមិសាស្រ្តខេត្តតាកែវដើម្បីរក្សាសន្តិសុខសុវត្ថិភាពជូនប្រជាពលរដ្ឋ និងបង្កាបង្ក្រាបបទល្មើសឱ្យបានទាន់ពេលវេលា ។ ឯកឧត្តមស្នងការបានរំលឹកថា ក្នុងនាមជាមន្រ្តីនគរបាលយុត្តិធម៌កងកម្លាំងនគរបាលទាំងអស់ត្រូវខិតខំឱ្យអស់កម្លាំងកាយចិត្តបំពេញតួនាទីភារកិច្ចត្រូវធ្វើយ៉ាងណាដើម្បីលុបបំបាត់ កាត់បន្ថយបញ្ហាក្មេងទំនើង ចោរឆក់ប្លន់។ ត្រូវតែបង្កើនការចេញល្បាតតាមគោលដៅងាយរងគ្រោះឱ្យបានច្រើន ។ ឯកឧត្តមស្នងការក៏បាន ជំរុញឱ្យកងកម្លាំងនគរបាលយុត្តិធម៌ត្រូវតែបន្តស្រាវជ្រាវស្វែងរកមុខសញ្ញាចាស់ ថ្មីដែលនៅសេសសល់យកមកផ្តន្ទាទោសតាមច្បាប់ ត្រូវក្តាប់មុខសញ្ញាឱ្យបានទាំងមានដីការ ឬអត់ដីការ និងមុខសញ្ញាទើបចេញពីពន្ធនាគារទៅរស់នៅក្នុងមូលដ្ឋានដើមវិញ។ត្រូវបន្តការផ្សព្វផ្សាយតាមវេទិកាសាធារណៈអំពីផលប៉ះពាល់ នៃគ្រឿងញៀន ក្មេងទំនើង ល្បែងស៊ីសង ជាដើម៕ ដោយ៖តាកែវ
-
រដ្ឋបាលខេត្តបន្ទាយមានជ័យ ពន្លឿនបញ្ចប់ការបន្ទោបង់ពាសវាលពាសកាលត្រឹមត្រីមាសទី១ឆ្នាំ២០២៥
បន្ទាយមានជ័យ៖រដ្ឋបាលខេត្តបន្ទាយមានជ័យបានពន្លឿនដល់ក្រុមការងារទាក់ទងនឹងអនាម័យសាធារណៈ ជាពិសេសបញ្ចប់ការបន្ទោបង់ ពាស វាលពាសកាលត្រឹមត្រីមាសទី១ ឆ្នាំ២០២៥ខាងមុខ ។ ផែនការនេះត្រូវបានលើកយកមកពិភាក្សាក្នុងសិក្ខាសាលាមួយកាលពីចុងសប្ដាហ៍កន្លងទៅសាលប្រជុំសាលាខេត្តបន្ទាយមានជ័យ ។ លោក ជា យុទ្ធសារុន ប្រធានមន្ទីរអភិវឌ្ឍន៍ជនបទខេត្តបន្ទាយមានជ័យបានបញ្ជាក់ជូនសិក្ខាសាលាដែលមានសមាសភាពចម្រុះពាក់ព័ន្ធចូលរួមអំពីផលវិបាកនៃបន្ទោបង់ពាសវាលពាសកាល ដែលប៉ះពាល់បរិស្ថានរស់នៅប្រចាំថ្ងៃតែបង្កនូវជំងឺឆ្លងនានា។លោកបន្តថាបច្ចុប្បន្ននៅទូទាំងខេត្តបន្ទាយមានជ័យ មានផ្ទះចំនួន១២ ៦២០ខ្នងផ្ទះទៀតដែលមិនទាន់មានបង្គន់ប្រើប្រាស់ល់ខ្លួន។ ក្នុងនោះខ្នងផ្ទះចំណាកស្រុក និងប្រើប្រាស់បង្គន់រួមមាន ៧ ៨៤០ខ្នងផ្ទះ និងផ្ទះនៅបន្ទោបង់ពាសវាលពាសកាល ចំនួន៤ ៧៨០ងផ្ទះ។ ពោលភូមិដែលមានអត្រាគ្របដណ្តប់ ទាបមិនទាន់ឆ្លើយតបនឹងការវាយតម្លៃបទដ្ឋានបច្ចេកទេសពីក្រសួងអភិវឌ្ឍន៍ជនបទមាន ចំនួន១១១ភូមិ ។ លោកបន្តថា ការងារពន្លឿនបញ្ចប់ការបន្ទោបង់ពាសវាលពាសកាល បានទទួលគាំទ្រដោយធនាគារអភិវឌ្ឍន៍អាស៊ី និងកិច្ចសហការទ្រជាមួយអង្គការទស្សនៈពិភពលោកអន្តរជាតិប្រចាំតំបន់ ។ ឯកឧត្ដម អ៊ុំ រាត្រី អភិបាលខេត្តបន្ទាយមានជ័យក្នុងនាមរដ្ឋបាលខេត្តគាំទ្រ ចំពោះស្មារតីយកចិត្តទុកដាក់ទទួលខុសត្រូវ និងកិច្ចសហប្រតិបត្តិការរបស់មន្ទីរអភិវឌ្ឍន៍ជនបទខេត្តជាមួយបណ្តាមន្ទីរពាក់ព័ន្ធ – ស្ថាប័ននានាជុំវិញខេត្ត អង្គការ ដៃគូ ក្រៅរដ្ឋាភិបាលជាតិ-អន្តរជាតិក្នុង ក្នុងការជំរុញការផ្លាស់ប្តូរទម្លាប់ពីការបន្ទោរបង់ពាសវាលពាស ងាកមកប្រើប្រាស់បង្គន់អនាម័យ។ឯកឧត្ដមបានជំរុញរដ្ឋបាលក្រុងស្រុកទាំងអស់ ត្រូវតែបន្តជំរុញឃុំ-សង្កាត់ បន្តសាងសង់បង្គន់អនាម័យបានប្រើប្រាស់ គ្រប់គ្រួសារដើម្បីឈានទៅសម្រេចជាខេត្តបញ្ចប់ការបន្ទោបង់ពាសវាលពាសកាល ក្នុងត្រីមាសទី១ ឆ្នាំ២០២៥ តាមផែនការគ្រោងទុក។ ដើម្បីសម្រេចបានតាមផែនការ ឯកឧត្តមអភិបាលខេត្តក៏បានស្នើដល់ក្រសួងអភិវឌ្ឍន៍ជនបទ ក៏ដូចជាអង្គការ ដៃគូរអភិវឌ្ឍន៍នានា សូមបន្តជួយគាំទ្រកម្មវិធីផ្គត់ផ្គង់ទឹកស្អាត…
-
បញ្ជាការដ្ឋានតំបន់ប្រតិបត្តិការសឹករងកំពង់ធំ ផ្សព្វផ្សាយសភាពការណ៍ថ្មីៗនិងប្រគល់ភារកិច្ចដល់កងយោធពលខេមរភូមិន្ទ
កំពង់ធំ៖ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានប្រជុំផ្សព្វផ្សាយសភាពការណ៍ថ្មីៗ ដែលកើតមានឡើង និងពង្រឹងតួនាទីភារកិច្ចរបស់កងយោធពលខេមរភូមិន្ទ ជូនដល់កងកម្លាំងនៅទីបញ្ជាការតំបន់ប្រតិបត្តិការសឹករង យោធភូមិភាគទី៤កាលពីព្រឹកថ្ងៃទី២៥ ខែវិច្ឆិកា ឆ្នាំ២០២៤ ។ ក្នុងឱកាសនេះឯកឧត្តមមេបញ្ជាការតំបន់ប្រតិបត្តិការសឹករងកំពង់ធំ បានរំលឹកដល់កងកម្លាំង គឺត្រូវតែស្មោះត្រង់ដាច់ខាតចំពោះជាតិ សាសនា និងព្រះមហាក្សត្រ ។ត្រូវគោរពបទបញ្ជាយ៉ាងម៉ឺងម៉ាត់ តាមឋានានុក្រមនៃកងយោធពលខេមរភូមិន្ទ ។ ត្រូវប្តេជ្ញាចិត្តថែរក្សានិងការពារឲ្យបានដាច់ខាត មិនឱ្យមានបដិវត្តន៍ពណ៌កើតឡើងនៅលើទឹកដីកម្ពុជា ទោះបីជាត្រូវលះបង់ក្នុងតម្លៃណាក៏ដោយ ។ ត្រៀមកងកម្លាំង គ្រឿងបំពាក់គ្រប់គ្រាន់ និងមធ្យោបាយគ្រប់គ្រាន់សម្រាប់ចល័តអន្តរាគមន៍ទាន់ពេលវេលា តាមបទបញ្ជា។ ត្រូវបន្តចូលរួមយ៉ាងសកម្មក្នុងការប្រើប្រាស់កម្លាំងសរុប ការពារទប់ស្កាត់ និងបង្ក្រាបបទល្មើសធនធានធម្មជាតិនៅក្នុងភូមិសាស្ត្រខេត្តកំពង់ធំឱ្យមានប្រសិទ្ធភាពនិង អប់រំពង្រឹងវិន័យ របស់កងទ័ព ស្របតាមច្បាប់លក្ខន្តិកៈ និងបទវិន័យទូទៅរបស់នៃកងយោធពលខេមរភូមិន្ទ និងទី៥ បន្តចូលរួមសហប្រតិបត្តិការ ក្នុងការអនុវត្តគោលនយោបាយភូមិ.ឃុំ មានសុវត្ថិភាព រួមចំណែកការពារសុខសន្តិភាព និងសណ្ដាប់ធ្នាប់សង្គមនៅទូទាំងខេត្តកំពង់ធំឱ្យបានល្អប្រសើរ៕ ដោយ៖ ប៊ុន រដ្ឋា
-
មន្ទីរដែនដីរាជធានីភ្នំពេញ បានរួមចំណែកបញ្ចប់បញ្ហាចម្រូងចម្រាសក្នុងសង្គម តាមរយៈការចុះបញ្ជីដីធ្លីបង្ហើយ បង្កើតបរិយាកាសគ្មានវិវាទ និងសេវាគាប់ចិត្ត
(ភ្នំពេញ)៖ មន្ទីររៀបចំដែនដី នគរូបនីយកម្ម សំណង់ និងសុរិយោដី រាជធានីភ្នំពេញ បាននិងកំពុងឆ្លើយតបទៅនឹងគោលនយោបាយរបស់ក្រសួងរៀបចំដែនដី នគរូបនីយកម្ម និងសំណង់ ក្នុងការបញ្ចប់បញ្ហាចម្រូងចម្រាសក្នុងសង្គម តាមរយៈការចុះបញ្ជីដីធ្លីបង្ហើយ បង្កើតបរិយាកាសគ្មានវិវាទ និងសេវាគាប់ចិត្ត ។ សូមគូសបញ្ជាក់ថា ក្រៅពីការចុះបញ្ជីដីនៅរាជធានីភ្នំពេញ ចាប់ពីថ្ងៃទី០១ ខែវិចិ្ឆកា ឆ្នាំ២០២៣ មកដល់បច្ចុប្បន្ន មន្ទីរ ដ.ន.ស.ស. រាជធានីភ្នំពេញ បានចូលរួមក្នុងការចុះបញ្ជីដីធ្លីបង្ហើយនៅខេត្តកំពង់ស្ពឺ និងសម្រេចបានការវាស់វែង និងបញ្ចូលទិន្នន័យបាន ២៧០ ០០០ក្បាលដី បិទផ្សាយទិន្នន័យបាន ២៦០ ០០០ក្បាលដី ចេញបណ្ណបាន ២២០ ០០០បណ្ណ និងចែកបណ្ណដល់ដៃប្រជាពលរដ្ឋបានចំនួន ១៤៣ ០០០បណ្ណ ។ ការបញ្ជាក់នេះ គឺក្នុងសន្និបាតបូកសរុបលទ្ធផលការងារឆ្នាំ២០២៤ និងទិសដៅការងារបន្តសម្រាប់ឆ្នាំ២០២៥ របស់ក្រសួងរៀបចំដែនដី នគរូបនីយកម្ម និងសំណង់ នាព្រឹកថ្ងៃទី២៦ ខែវិច្ឆិកា ឆ្នាំ២០២៤ ។ ដោយឡែក មន្ទីរ ដ.ន.ស.ស. រាជធានីភ្នំពេញ បានចូលរួមក្នុងការចុះបញ្ជីតាមប្រព័ន្ធអនឡាញនូវមុខសេវាចាំបាច់មួយចំនួនដូចជា លក់ផ្តាច់ អំណោយផ្តាច់…
-
មេធំអ៊ីរ៉ង់ទទូចឱ្យកាត់ទោសប្រហារជីវិតនាយករដ្ឋមន្ត្រីអ៊ីស្រាអែល
បរទេស៖ មេដឹកនាំកំពូលរបស់អ៊ីរ៉ង់បានអំពាវនាវឱ្យមានការកាត់ទោសប្រហារជីវិតសម្រាប់លោក Benjamin Netanyahu នាយករដ្ឋមន្រ្ដី នៃប្រទេសអ៊ីស្រាអ៊ែល ដែលជាមនុស្សខ្ពើមរអើមនឹងអ៊ីរ៉ង់ ដោយនិយាយថា ដីកាចាប់ខ្លួន ICC សម្រាប់មេដឹកនាំអ៊ីស្រាអែលរូបនេះ គឺ «មិនគ្រប់គ្រាន់ទេ»។ លោក Ayatollah Ali Khamenei មេដឹកនាំកំពូលរបស់អ៊ីរ៉ង់ បានប្រាប់ក្រុមគណៈប្រតិភូ ដែលធ្វើទស្សនកិច្ច នៅមូលដ្ឋាន Basij ដែលជាកងកម្លាំងប្រដាប់អាវុធមានទំនាក់ទំនងជាមួយឆ្មាំបដិវត្តន៍របស់ប្រទេសនេះថា «ពួកគេបានចេញដីកាចាប់ខ្លួនលោក Netanyahu វាមិនគ្រប់គ្រាន់ទេ ..ការកាត់ទោសប្រហារជីវិតលើលោក Netanyahu ត្រូវតែដាក់ចេញ» ។ ការលើកឡើងនេះ បានធ្វើឡើង ក្រោយប៉ុន្មានថ្ងៃដែលតុលាការឧក្រិដ្ឋកម្មអន្តរជាតិ ហៅកាត់ ICC បានចេញដីកាចាប់ខ្លួន ដោយបានអះអាងថា លោក នាយករដ្ឋមន្ត្រី និង អតីតរដ្ឋមន្ត្រីការពារជាតិអ៊ីស្រាអែល មួយរូបទៀត ត្រូវបានចោទប្រកាន់ ពីបទ «ឧក្រិដ្ឋកម្មសង្គ្រាម» និង «ឧក្រិដ្ឋកម្មប្រឆាំងមនុស្សជាតិ» សម្រាប់សកម្មភាពរបស់អ៊ីស្រាអែល នៅហ្គាហ្សា ដែលស្លាប់មនុស្ស ប្រមាណ៤ម៉ឺន៤ពាន់នាក់ហើយ ជាង១ឆ្នាំមកនេះ៕ ប្រភពពី AFP ប្រែសម្រួល៖…