Category: ព័ត៌មានជាតិ
-
សម្តេចធិបតី ហ៊ុន ម៉ាណែត និងលោកជំទាវបណ្ឌិត ឧបត្ថម្ភអង្ករជូនដល់តំបន់ប្រតិបត្តិការសឹករងពោធិ៍សាត់ យោធិភូមិភាគទី៥ ដើម្បីចែកជូនដល់អតីតយុទ្ធជន គ្រួសារយោធិន និងប្រជាពលរដ្ឋក្នុងមូលដ្ឋានដែលមានការខ្វះខាត
នាថ្ងៃទី៤ ខែកក្កដា ឆ្នាំ២០២៤ ឯកឧត្តមនាយឧត្តមសេនីយ៍ គឹម ប៊ុនថាន រដ្ឋមន្ត្រីប្រតិភូអមនាយករដ្ឋមន្ត្រី បាននាំយកអង្ករ ដែលជាអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ទៅប្រគល់ជូនតំបន់ប្រតិបត្តិការសឹករងពោធិ៍សាត់ យោធភូមិភាគទី៥ កងទ័ពជើងគោក ដើម្បីចែកជូនដល់អតីតយុទ្ធជន គ្រួសារយោធិន និងប្រជាពលរដ្ឋក្នុងមូលដ្ឋានដែលមានការខ្វះខាត ។ ឧត្ដមសេនីយ៍ត្រី ហេង សូម៉ាយ៉ាត្រា មេបញ្ជាការតំបន់ប្រតិបត្តិការសឹករងពោធិ៍សាត់ បានគោរពថ្លែងអំណរគុណដល់ សម្តេចធិបតី និងលោកជំទាវបណ្ឌិត ដែលជានិច្ចកាលតែងគិតគូរដល់សុខទុក្ខរបស់កងកម្លាំង និងក្រុមគ្រួសារ ក៏ដូចជាប្រជាពលរដ្ឋនៅទូទាំងប្រទេស ។ ជាការតបស្នងចំពោះគុណូបការៈដ៏ប្រពៃថ្លៃថ្លានេះ ថ្នាក់ដឹកនាំ យោធិន អតីតយុទ្ធជន គ្រួសារយោធិន និងប្រជាពលរដ្ឋ ក្នុងភូមិសាស្ត្រតំបន់ប្រតិបត្តិការសឹករងពោធិ៍សាត់ទាំងអស់ សូមបួងសួងដល់វត្ថុស័ក្តិសិទ្ធិក្នុងលោក សូមតាមជួយតាមបីបាច់ថែរក្សា សម្តេចមហាបរវធិបតី និងលោកជំទាវបណ្ឌិត ព្រមទាំងបុត្រាបុត្រី សូមប្រកបនឹងពុទ្ធពរ ០៤ ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតទ្បើយ ៕
-
ឯកឧត្តម កែវ រតនៈ ស្នើឱ្យមានការគ្រប់គ្រងអភិរក្សដីតំបន់បឹងព្រះពន្លៃឱ្យបានគង់វង្ស ជាសម្បត្តិរួម
បឹងព្រះពន្លៃ ដែលមានមានឈ្មោះដើមថា បឹងព្រះពន្លាជ័យ គឺជាបឹងធម្មជាតិ មួយដ៏ធំលាតសន្ធឹងលើផ្ទៃដី២៧០ហិកតា ស្ថិតក្នុងឃុំផ្ទះរុង ស្រុកតាលោសែនជ័យ មានចម្ងាយ២៨គីឡូម៉ែត្រពីទីរួមខេត្តពោធិ៍សាត់ បឹងនេះជាតំបន់អេកូទេសចរណ៍មួយដ៏ទាក់ទាញ ព្រោះជាជំរំសត្វស្លាប និងជីវចម្រុះច្រើនប្រភេទ ។ ដោយសារបឹងព្រះពន្លៃគឺជាសម្បត្តិធម្មជាតិដ៏មានសក្កានុពល របស់ស្រុកតាលោសែនជ័យ ដែលអាចផ្តល់អត្ថប្រយោជន៍យូរអង្វែងដល់ប្រជាពលរដ្ឋ ថ្មីៗឯកឧត្តម កែវ រតនៈ ប្រធានក្រុមការងាររាជរដ្ឋាភិបាលចុះជួយមូលដ្ឋានខេត្តពោធិ៍សាត់ បានស្នើឱ្យមានការគ្រប់គ្រងអភិរក្សដីតំបន់បឹងព្រះពន្លៃឱ្យបានគង់វង្ស ជាសម្បត្តិរួម ហើយបឹងធម្មជាតិនេះមិនមែនជាកម្មសិទ្ធផ្តាច់មុខរបស់ប្រជាពលរដ្ឋខេត្តពោធិ៍សាត់ ឬជនណាម្នាក់ឡើង វាគឺជាសម្បត្តិរួមរបស់ប្រជាជនកម្ពុជាទាំងមូល ប្រសិនបើយើងទាំងអស់គ្នា មិនអាចថែរក្សាបានគឺមានមានន័យថាយើងគ្មានមាយាទ ។ ក្នុងនោះដែរ រដ្ឋបាលខេត្តពោធិ៍សាត់ បានសម្រេចបង្កើតក្រុមការងារដើម្បីចុះត្រួតពិនិត្យ និងធ្វើបច្ចុប្បន្នភាពតំបន់បឹងព្រះពន្លៃ ដើម្បីកសាងផែនទី ក្នុងការស្នើសុំកំណត់ទំហំផ្ទៃបឹងឡើងវិញ និងរៀបចំផែនការ គ្រប់គ្រងធនធានធម្មជាតិ និងអភិរក្សវប្បធម៌ប្រវត្តិសាស្ត្រ ក្នុងតំបន់បឹងព្រះពន្លៃ ដោយធ្វើការអប់រំ ផ្សព្វផ្សាយ ឱ្យបានទូលំទូលាយ ការកាប់បំផ្លាញព្រៃឈើ ការចាប់សត្វព្រៃ និងការរុករានទន្ទ្រានដីយកមកធ្វើជាកម្មសិទ្ធិផ្ទាល់ខ្លួន។ ដោយបច្ចុប្បន្នមានប្រជាពលរដ្ឋរស់នៅអាស្រ័យផល ជុំវិញមាត់បឹងចំនួន២៦០ក្បាលដី ស្មើនឹង២៤២ហិកតា គិតជាគ្រួសារមានចំនួន២១៦គ្រួសារ ហើយអាងទឹកបឹងព្រះពន្លៃនេះ អាចស្រោចស្រពលើផ្ទៃដីស្រូវវស្សា បានពី៦៥០០ហិកតាទៅ១០.០០០ហិកតា និងស្រូវប្រាំង៤២០០ហិកតា ៕
-
លោក Xi ប្រាប់បណ្ដាមេដឹកនាំក្នុងកិច្ចប្រជុំកំពូលអាស៊ីកណ្តាលឱ្យទប់ទល់ នឹងការជ្រៀតជ្រែកពីខាងក្រៅ
ប្រព័ន្ធផ្សព្វផ្សាយរដ្ឋបានរាយការណ៍ថា ប្រធានាធិបតីចិនលោក Xi Jinping បានប្រាប់ដល់បណ្ដាមេដឹកនាំនៅក្នុងកិច្ចប្រជុំកំពូលអាស៊ីកណ្តាលនៅរដ្ឋធានី អាស្តាណា (Astana) ប្រទេសកាហ្សាក់ស្ថានកាលពីថ្ងៃព្រហស្បតិ៍ ទី ៤ ខែកក្កដា ឲ្យទប់ទល់នឹងការជ្រៀតជ្រែកពីកម្លាំងខាងក្រៅ ។ យោងតាមទូរទស្សន៍រដ្ឋ CCTV លោក Xi បានប្រាប់កិច្ចប្រជុំអង្គការសហប្រតិបត្តិការសៀងហៃ (SCO) ថា យើងគួរតែរួមដៃគ្នាដើម្បីទប់ទល់នឹងការជ្រៀតជ្រែកពីកម្លាំងខាងក្រៅ គាំទ្រគ្នាទៅវិញទៅមកយ៉ាងរឹងមាំ ខ្វល់ខ្វាយពីក្ដីកង្វល់របស់គ្នាទៅវិញទៅមក និងគ្រប់គ្រងយ៉ាងរឹងមាំនូវអនាគត និងជោគវាសនានៃប្រទេសរបស់យើង ក៏ដូចជាសន្តិភាព និងការអភិវឌ្ឍន៍ក្នុងតំបន់នៅក្នុងដៃរបស់យើង។ អង្គការសហប្រតិបត្តិការសៀងហៃ ដែលគ្របដណ្ដប់លើពិភពលោកដ៏ច្រើនសន្ធឹកសន្ធាប់ចាប់ពីទីក្រុងមូស្គូ ដល់ទីក្រុងប៉េកាំង រួមមានប្រជាជនប្រហែលពាក់កណ្តាលនៃពិភពលោក ហើយកាលពីថ្ងៃព្រហស្បតិ៍បានស្វាគមន៍សមាជិកទី ១០ របស់ខ្លួនគឺប្រទេសបេឡារុស។ សមាជិកអចិន្ត្រៃយ៍ផ្សេងទៀតរបស់អង្គការនេះ ដែលជាម្ចាស់ផ្ទះឆ្នាំនេះ គឺ កាហ្សាក់ស្ថាន ឥណ្ឌា ចិន កៀហ្ស៊ីស៊ីស្ថាន ប៉ាគីស្ថាន រុស្ស៊ី តាជីគីស្ថាន អ៊ូសបេគីស្ថាន និងអ៊ីរ៉ង់។ ទូរទស្សន៍ CCTV បានរាយការណ៍ថាលោក Xi បាននិយាយថា ពិភពលោកឈរម្តងទៀតនៅចំណុចផ្លូវបំបែក។ ពិតជាមានសារៈសំខាន់ខ្លាំងណាស់សម្រាប់ពិភពលោកដែលអង្គការសហប្រតិបត្តិការសៀងហៃ ឈរនៅខាងស្តាំនៃប្រវត្តិសាស្ត្រ និងនៅលើផ្នែកនៃការស្មើភាពគ្នា…
-
ក្រសួងការបរទេសអាមេរិក តាមដានយ៉ាងដិតដល់នូវការរឹបអូសដោយចិន ចំពោះទូកនេសាទរបស់តៃវ៉ាន់
ក្រសួងការបរទេសសហរដ្ឋអាមេរិក នៅថ្ងៃព្រហស្បតិ៍ (ទី៤ ខែកក្កដា) បាននិយាយថា ខ្លួនកំពុងតាមដានយ៉ាងដិតដល់នូវស្ថានភាពនៃទូកនេសាទរបស់កោះតៃវ៉ាន់ ដែលត្រូវបានរឹបអូសដោយប្រទេសចិន និងនាវិករបស់ខ្លួន។ គួរបញ្ជាក់ថា កាលពីថ្ងៃអង្គារ (ទី២ ខែកក្កដា) ឆ្មាំល្បាតឆ្នេរចិនបានឡើងលើទូក Da Jin Man 88 ហើយបានចាប់ខ្លួនបុគ្គលិកលើទូកនោះ។ ហើយអ្នកនាំពាក្យក្រសួងការបរទេសអាមេរិក បានប្រាប់សារព័ត៌មាន CNA ថា ខ្លួនកំពុងតាមដានយ៉ាងកៀកកិត ចំពោះស្ថានការណ៍នេះ និងជំរុញឲ្យភាគីទាំង២ រក្សាទំនាក់ទំនងបើកចំហរ ដើម្បីដោះស្រាយបញ្ហាដោយសន្តិវិធី។ ទូករបស់កោះតៃវ៉ាន់នេះ ត្រូវបានស្ទាក់ចាប់ដោយនាវាឆ្មាំល្បាតឆ្នេរចិនចំនួន២ ចម្ងាយជិត ៤៤គីឡូម៉ែត្រ នៅភាគឦសាននៃឈូងសមុទ្រ Liaoluo ក្នុងកោះ Kinmen ហើយត្រូវបានបញ្ជូនទៅកំពង់ផែ Weitou របស់ខេត្ត Fujian។ នៅលើទូកនេសាទនោះ មានពលរដ្ឋកោះតៃវ៉ាន់ ២នាក់ និងជនជាតិឥណ្ឌូស៊ី ៣នាក់។ រដ្ឋបាលឆ្មាំល្បាតឆ្នេររបស់កោះតៃវ៉ាន់ (CGA) កាលថ្ងៃពុធ (ទី៣ ខែកក្កដា) បាននិយាយថា ឧបទ្ទវហេតុនេះ បានកើតឡើងនៅក្នុងដែនទឹករបស់ចិន។ CGA បាននិយាយថា ខ្លួននឹងស្នើអាជ្ញាធរពាក់ព័ន្ធឲ្យផ្តល់ការណែនាំដល់សមាគមនេសាទ…
-
រដ្ឋាភិបាលEU ស្ទាក់ស្ទើរក្នុងការបន្ថែមពន្ធលើរថយន្តអគ្គិសនីរបស់ចិន ខណៈដែលជម្លោះពាណិជ្ជកម្ម កើនឡើង
បណ្តាប្រទេសក្នុងសហភាពអឺរ៉ុប កំពុងស្ទាក់ស្ទើរថាតើត្រូវគាំទ្រការបន្ថែមពន្ធលើរថយន្តអគ្គិសនីដែល ផលិតដោយប្រទេសចិន ដោយគូសបញ្ជាក់ពីបញ្ហាប្រឈមរបស់ទីក្រុងប្រ៊ុចសែល ក្នុងការកសាងការគាំទ្រសម្រាប់រឿងក្តីពាណិជ្ជកម្មដ៏ធំបំផុតរបស់ខ្លួននៅឡើយ ខណៈដែលទីក្រុងប៉េកាំង គំរាមកំហែងសងសឹកយ៉ាងទូលំទូលាយនោះ។ យោងតាមប្រភពរដ្ឋាភិបាលមួយបានឲ្យដឹងថា ប្រទេសអាល្លឺម៉ង់ ដែលក្រុមហ៊ុនផលិតរថយន្តរបស់ពួកគេផលិតបានមួយភាគបីនៃការលក់របស់ពួកគេ កាលពីឆ្នាំមុន នៅក្នុងប្រទេសចិន ចង់បញ្ឈប់ការយកពន្ធនេះ ខណៈដែលប្រទេសបារាំង គឺជាប្រទេសដែលគាំទ្រយ៉ាងរឹងមាំបំផុតចំពោះគំនិតនេះ។ ប៉ុន្តែប្រទេសភាគច្រើន នៅតែថ្លឹងថ្លែងពីគុណសម្បត្តិ និងគុណវិបត្តិនៃជម្លោះពាណិជ្ជកម្ម ដែលកំពុងកើនឡើង។ នេះបើយោងតាមការស្ទង់មតិក្រៅផ្លូវការទៅលើរដ្ឋាភិបាលសហភាពអឺរ៉ុប ដោយសារព័ត៌មានរ៉យទ័រ។ បញ្ហានេះ នឹងត្រូវដាក់ទៅសមាជិកក្នុងការបោះឆ្នោតស្ទង់មតិ នៅប៉ុន្មានសប្តាហ៍ខាងមុខនេះ ដែលជាការសាកល្បងជាផ្លូវការលើកដំបូងនៃការគាំទ្រក្នុងករណីសំខាន់សម្រាប់គណៈកម្មការនេះ។ សហភាពអឺរ៉ុប បានផ្តួចផ្តើមការស៊ើបអង្កេតដោយគ្មានពាក្យបណ្តឹងឧស្សាហ៍កម្ម ដែលជារឿងក្តីពាណិជ្ជកម្មដំបូងបង្អស់ដែលពាក់ព័ន្ធនឹងការបន្ថែមពន្ធនេះ។ ប្លុកនេះ ត្រូវគ្រោងនឹងបញ្ជាក់នៅថ្ងៃព្រហស្បតិ៍នេះ អំពីពន្ធបណ្តោះអាសន្នរហូតដល់ ៣៧,៦ភាគរយ លើម៉ាករថយន្តរបស់ចិនដូចជា BYD, Geely និង SAIC ក៏ដូចជាលើម៉ូដែល ដែលផលិតនៅប្រទេសចិន ដូចជា Tesla, BMW និងក្រុមហ៊ុនផលិតរថយន្តលោកខាងលិចផ្សេងទៀត។
-
ប្រជាជនទីក្រុងឡុងដ្រ៍ ពិភាក្សាគ្នាអំពីក្តីសង្ឃឹមរបស់ពួកគេ ខណៈអង់គ្លេសចាប់ផ្តើមបោះឆ្នោតសកល
មនុស្សមួយចំនួននៅទីក្រុងឡុងដ្រ៍ កំពុងសង្ឃឹមសម្រាប់ការផ្លាស់ប្តូរ នៅថ្ងៃព្រហស្បតិ៍ ទី៤ ខែកក្កដានេះ ជាថ្ងៃនៃការបោះឆ្នោតសកលនៅចក្រភពអង់គ្លេស ខណៈអ្នកផ្សេងទៀត មិនសូវមានទំនុកចិត្តពីការផ្លាស់ប្តូរ។ លោក ហ្វីលីព ដេតេម៉ីយឺ(Philip Deitemeyer) ទីប្រឹក្សាផ្នែកគ្រប់គ្រងអាយុ៤១ ឆ្នាំ បាននិយាយថា លោក គិតថាវាដល់ពេលដែលត្រូវផ្លាស់ប្តូរហើយ និងបាននិយាយថា ខណៈលោកមានផែនការប្រហែលជាបោះឆ្នោតឱ្យគណបក្សប្រជាធិបតេយ្យសេរី ប៉ុន្តែលោករំពឹងថាគណបក្សការងារជាគណបក្សប្រឆាំងធំនឹងទទួលជ័យជម្នះ។ ទន្ទឹមនឹងនោះ អ្នកផ្សេងទៀតបានសម្តែងកំហឹងចំពោះគណបក្សអភិរក្សនិយម ដោយស្ត្រីម្នាក់ និយាយថា យើងត្រូវកម្ចាត់ពួកគេចេញ។ ការបោះឆ្នោតស្ទង់មតិ បានបង្ហាញថា គណបក្សការងារឆ្វេងនិយមកណ្តាល ត្រូវបានកំណត់ថាទទួលជ័យជម្នះធំធេងក្នុងការបោះឆ្នោត ដែលនឹងបញ្ចប់រយៈពេល១៤ឆ្នាំ នៃរដ្ឋាភិបាលអភិរក្សនិយម។ លោកមានអារម្មណ៍រំភើប ហើយលោកគិតថា វានឹងអាចប្រសើរឡើង។ ទោះជាយ៉ាងណា អ្នកខ្លះទៀតយល់ថា វាពុំមានអ្វីខុសគ្នាទេ ថានណាជាអ្នកទទួលជ័យជម្នះ ខណៈគណបក្សទាំងអស់ កំពុងផ្តល់គោលនយោបាយស្រដៀងគ្នា។
-
ក្រុមហេសបូឡា អះអាងថា ខ្លួននឹងឈប់ប្រយុទ្ធជាមួយអ៊ីស្រាអែល បន្ទាប់ពីមានបទឈប់បាញ់ នៅហ្កាហ្សា
មេដឹកនាំរងនៃក្រុមសកម្មប្រយុទ្ធលីបង់ហេសបូឡា បាននិយាយកាលពីថ្ងៃអង្គារថា ផ្លូវប្រាកដតែមួយគត់ទៅកាន់បទឈប់បាញ់ នៅព្រំដែនលីបង់ និងអ៊ីស្រាអែល គឺជាបទឈប់បាញ់ពេញលេញ នៅតំបន់ហ្កា ហ្សា។ លោក Sheikh Naim Kassem ដែលជាមេដឹកនាំរងរបស់ក្រុមហេសបូឡា បាននិយាយនៅក្នុងបទសម្ភាសន៍ជាមួយសារព័ត៌មាន AP នៅការិយាល័យនយោបាយរបស់ក្រុមនេះ នៅជាយក្រុងភាគខាងត្បូងនៃទីក្រុងបេរូតថា៖«ប្រសិនបើមានបទឈប់បាញ់នៅតំបន់ហ្កាហ្សា យើងនឹងបញ្ឈប់ ដោយពុំចាំបាច់ មាមានការពិភាក្សាណាមួយឡើយ»។ លោក Kassem បាននិយាយថា ការចូលរួមរបស់ក្រុមហេសបូឡា ក្នុងសង្គ្រាមអ៊ីស្រាអែល-ហាម៉ាស បានក្លាយជា «គាំទ្រដ៏សំខាន់» សម្រាប់សម្ព័ន្ធមិត្តរបស់ខ្លួន គឺក្រុមហាម៉ាស ហើយ «ប្រសិនបើសង្រ្គាមត្រូវបញ្ចប់ ការគាំទ្រផ្នែកយោធានេះ នឹងលែងមានតទៅទៀតហើយ»។ ប៉ុន្តែលោកបាននិយាយថា ប្រសិនបើអ៊ីស្រាអែលពង្រីកប្រតិបត្តិការយោធារបស់ខ្លួនដោយគ្មានកិច្ចព្រមព្រៀងឈប់បាញ់ជាផ្លូវការ និងការដកចេញទាំងស្រុងពីតំបន់ហ្កាហ្សានោះ ផលប៉ះពាល់សម្រាប់ជម្លោះ ព្រំដែនលីបង់ និងអ៊ីស្រាអែល គឺមានតិចតួច។
-
ភាគខាងកើតប្រទេសចិន កំពុងប្រឈមគ្រោះទឹកជំនន់ ខណៈភ្លៀងធ្វើឱ្យកម្រិតទឹកទន្លេឡើងខ្ពស់
កំណើនដ៏គ្រោះថ្នាក់នៃកម្រិតទឹកនៅក្នុងទន្លេ ឆាងជាំង (Yangtze River) បន្ទាប់ពីមានភ្លៀងធ្លាក់ខ្លាំងនៅភាគខាងត្បូងប្រទេសចិន បានជំរុញឱ្យភាគខាងកើតនៃតំបន់ក្រោមខ្សែរទឹកត្រៀមខ្លួនសម្រាប់លទ្ធភាពទឹកជំនន់។ កម្រិតទឹកនៅផ្នែកដៃទន្លេក្នុងខេត្ត ជាំងស៊ូ (Jiangsu) នៃទន្លេវែងបំផុតរបស់ប្រទេសចិននេះ បានបន្តកើនឡើងកាលពីថ្ងៃពុធ (០៣ កក្កដា) ដែលជាលទ្ធផលនៃកំណើនលំហូរពីផ្នែកខាងលើរបស់វា ក៏ដូចជាដោយសារភ្លៀងធ្លាក់ជាបន្តបន្ទាប់។ ប្រព័ន្ធផ្សព្វផ្សាយរដ្ឋបានរាយការណ៍ថា ទីក្រុង ណានជីង (Nanjing) នៃខេត្ត ជាំងស៊ូ ភាគខាងកើតរបស់ប្រទេសចិន បានចេញការព្រមានអំពីទឹកជំនន់កម្រិតខ្ពស់បំផុតទីពីររបស់ខ្លួន ហើយអាជ្ញាធរបានហាមឃាត់នាវាផ្សេងៗ រួមទាំងសាឡាងដឹកអ្នកដំណើរ មិនឱ្យចូល ឬដំណើរការនៅក្នុងតំបន់ដៃទន្លេនោះ។ ក្រសួងធនធានទឹកចិន បាននិយាយកាលពីថ្ងៃអង្គារថា កម្រិតទឹកនៅផ្នែកកណ្តាល និងផ្នែកខាងក្រោមនៃទន្លេ ឆាងជាំង លើសពីសញ្ញាព្រមាន។ កម្រិតទឹកនៅបឹង ផូយ៉ាង (Poyang) ក្នុងខេត្ត ជាំងស៊ី (Jiangxi) ជាទីដែលអាជ្ញាធរបានបើកការឆ្លើយតបកម្រិតទីពីរសម្រាប់ការគ្រប់គ្រងទឹកជំនន់ចាប់តាំងពីយប់ថ្ងៃអង្គារមកនោះ ក៏ត្រូវបានឃ្លាំមើលយ៉ាងដិតដល់ផងដែរ។ ភ្លៀងធ្លាក់ខ្លាំងបានវាយលុកផ្នែកខ្លះនៃខេត្ត ហ៊ូណាន (Hunan) ភាគកណ្តាលប្រទេសចិន កាលពីដើមសប្តាហ៍នេះ ដែលបណ្តាលឱ្យទន្លេ មីលួ (Miluo) ក្នុងតំបន់ ភីងជាំង (Pingjiang) ហក់ឡើងដល់កម្រិតខ្ពស់បំផុតក្នុងរយៈពេល ៧០ ឆ្នាំ។…