Author: Dol Pheakdey

(ឧត្តរមានជ័យ)៖ ឧត្តមសេនីយ៍ឯក ពៅ ហេង មេបញ្ជាការយោធភូមិភាគទី៤ បានជួបប្រជុំ ជាមួយមេបញ្ជាការយោធភូមិភាគទី២ថៃ នៅច្រកទ្វារអន្តរជាតិអូស្មាច់ ខេត្តឧត្តរមានជ័យ នៅវេលាម៉ោង ១០ព្រឹក ថ្ងៃទី២៩ ខែកក្កដា ឆ្នាំ២០២៥ ។ សូមជម្រាបថា កាលពីវេលាម៉ោង ៩ព្រឹកថ្ងៃទី២៩ ខែកក្កដា ឧត្តមសេនីយ៍ឯក ឯក សំអូន មេបញ្ជាការយោធភូមិភាគទី៥ របស់កម្ពុជា ក៏បានជួបប្រជុំជាមួយមេបញ្ជាការយោធភូមិភាគទី១ ថៃ នៅទ្វារអន្តរជាតិច្រកប៉ោយប៉ែត ខេត្តបន្ទាយមានជ័យផងដែរ ។ ការជួបប្រជុំរវាងមេភូមិភាគតាមព្រំដែនរបស់កម្ពុជា និងថៃ បានធ្វើឡើង ក្រោយបទឈប់បាញ់ ត្រូវបានកំណត់ និងឯកភាព កាលពីវេលាម៉ោង ១២យប់ ថ្ងៃទី២៨ ខែកក្កដា ឆ្នាំ២០២៥ ៕

បាងកក ៖ នៅព្រឹកថ្ងៃទី២៩ ខែកក្កដា ឆ្នាំ២០២៥ នេះ ព្រំដែនថៃ-កម្ពុជា ដែលធ្លាប់មានការប្រយុទ្ធគ្នា ឥឡូវនេះ មានភាពស្ងប់ស្ងាត់ គ្មានការប៉ះទង្គិចគ្នាទេ បន្ទាប់ពីមាន កិច្ចព្រមព្រៀងឈប់បាញ់ នេះបើតាម នាយករដ្ឋមន្ត្រីស្តីទី ថៃ លោក Phumtham Wechayachai បាននិយាយ ប្រាប់អ្នកសារព័ត៌មាន ចុះផ្សាយដោយទីភ្នាក់ងារព័ត៌មាន រយធឺ។ រយធឺ បានចុះផ្សាយថា «លោក Phumtham បានច្រានចោល ដំណឹងដែលថា មានការប៉ះទង្គិចគ្នា ហើយអះអាងថា លោកបាននិយាយ ជាមួយរដ្ឋមន្ត្រីក្រសួងការពារជាតិ របស់កម្ពុជា មុនពេលកិច្ចពិភាក្សា រវាងមេបញ្ជាការយោធា ប្រទេសទាំងពីរ នៅព្រឹកថ្ងៃអង្គារនេះ។ លោក Phumtham បានប្រាប់អ្នកយកព័ត៌មានថា មិនមានការកើនឡើងនៃជម្លោះទេ… ពេលនេះ អ្វីៗ បានស្ងប់ស្ងាត់ហើយ»។ គួរបញ្ជាក់ថា បទឈប់បាញ់ ដោយគ្មានលក្ខខណ្ឌ បានចូលជាធរមាន ចាប់តាំងពីពាក់កណ្តាលអធ្រាត្រ ថ្ងៃច័ន្ទ ទី២៨ ខែកក្កដា ឆ្នាំ២០២៥ ក្រោយពីការចរចាសន្តិភាព…

នាយឧត្តមសេនីយ៍ ទៀ សីហា ដឹកនាំគណៈប្រតិភូយោធាជាន់ខ្ពស់គោរពវិញ្ញាណក្ខន្ធ សពឧត្តមសេនីយ៍ទោ ដួង សំនៀង ដែលបានពលីជីវិតនៅលើសមរភូមិប្រយុទ្ធព្រះវិហារ នំពេញ)៖ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ នៅថ្ងៃទី២៨ ខែកក្កដា ឆ្នាំ២០២៥ បានដឹកនាំគណៈប្រតិភូយោធាជាន់ខ្ពស់កងយោធពលខេមរភូមិន្ទគោរពវិញ្ញាណក្ខន្ធ និងបំពាក់ឋានន្តរសក្តិថ្នាក់ឧត្តមសេនីយ៍ឯក ជាកិច្ចបច្ឆាមរណៈជូនសពឧត្តមសេនីយ៍ទោ ដួង សំនៀង មេបញ្ជាការ កងពលតូចអន្តរាគមន៍លេខ៧ កងពលធំអន្តរាគមន៍លេខ៣ កងទ័ពជើងគោក ដែលបានពលីជីវិតនៅលើសមរភូមិប្រយុទ្ធព្រះវិហារ ក្នុងបុព្វហេតុការពារជាតិ មាតុភូមិ និងប្រជាជនកម្ពុជា។ សូមសម្តែងនូវការសោកស្តាយ ក្តីស្រណោះអាឡោះ អាល័យជាទីបំផុតចំពោះការបាត់បង់វីរយុទ្ធជនដ៏អង់អាចក្លាហាន ប្រកបដោយគំរូវីរភាពដ៏ខ្ពង់ខ្ពស់ ដែលតែងលះបង់ អស់ពីកម្លាំងកាយ ចិត្ត បញ្ញាស្មារតី ធ្វើពលិកម្មគ្រប់បែបយ៉ាង ដើម្បីបុព្វហេតុជាតិមាតុភូមិជាទីស្នេហា និងរួមសុខទុក្ខ ជាមួយប្រជាជនកម្ពុជារហូតដល់ថ្ងៃអវសាននៃជីវិត។ ក្នុងនាមក្រសួងការពារជាតិ សូមឧទ្ទិសបួងសួងដល់ដួងវិញ្ញាណក្ខន្ធ ឯកឧត្តម ឧត្តមសេនីយ៍ឯក ដួង សំនៀង សូមឆាប់បានចាប់កំណើតក្នុងសុគតិភពគ្រប់ៗជាតិកុំបីឃ្លៀងឃ្លាតឡើយ៕

កាសែត BBC ចុះផ្សាយភ្លាមៗ ពីកិច្ចព្រមព្រៀងបទឈប់បាញ់កម្ពុជា-ថៃ គូឡាឡាំពួរ ៖ កាសែតល្បីលំដាប់អន្តរជាតិ BBC បានចេញផ្សាយ ភ្លាមៗ ដោយដាក់ចំណងជើងថា «កម្ពុជានិងថៃ បានព្រមព្រៀងគ្នា លើបទឈប់បាញ់គ្នា ជាបន្ទាន់ និង គ្មានលក្ខខណ្ឌ បន្ទាប់ពីការចរចាសន្តិភាព»។ ប្រភពនេះ បានដកស្រង់ប្រសាសន៍ របស់មេដឹកនាំ ម៉ាឡេស៊ី លោក Anwar Ibrahim ដែលបាននិយាយថា «បទឈប់បាញ់នឹងចូល ជាធរមាន ចាប់ពីពាក់កណ្តាលអធ្រាត្រ ម៉ោងក្នុងស្រុក ដោយបន្ថែមថា នេះគឺជាជំហានដំបូង ដ៏សំខាន់មួយ ចំពោះការបន្ថយការកើនឡើង និងការស្ដារឡើងវិញ នូវសន្តិភាព និងសន្តិសុខ»។ គួរបញ្ជាក់ថា នាយករដ្ឋមន្ត្រីម៉ាឡេស៊ី លោក Anwar Ibrahim បានប្រកាសថា ប្រទេសថៃ និងកម្ពុជា នឹងឈានចូលបទឈប់បាញ់ដោយគ្មានលក្ខខណ្ឌ ចាប់ពីពាក់កណ្តាលអធ្រាត្រ ថ្ងៃច័ន្ទ ទី២៨ ខែកក្កដា ឆ្នាំ២០២៥ នេះ។ លោក Anwar បាននិយាយ…

ថៃចង់ដណ្តើមយកវត្តកែវសិក្ខាគិរីស្វារៈ និងបង្កើនការវាយប្រហារនៅតាម​សមរភូមិ​ជាច្រើនទៀត (ភ្នំពេញ)៖ ដើម្បីបំពេញមហិច្ឆតារបស់ខ្លួន និងក៏ដូចជាបានកំពុងរំលោភបំពាន ឈ្លា​ន​ពា​ន​ទឹកដីកម្ពុជាយ៉ាងងងើល ពេលនេះកងទ័ពឈ្លានពានប្រទេសថៃកំពុង ចង់​ដណ្តើម​យកវត្តកែវសិក្ខាគិរីស្វារៈដែលជាទឹកដីកម្ពុជាថែមទៀត ។ ថ្លែងក្នុងសន្និសីទសារព័ត៌មាន ស្តីពីបច្ចុប្បន្នភាពនៃការឈ្លានពានរបស់កងទ័ពថៃ​មកលើទឹកដីកម្ពុជា លោកជំទាវឧត្តមសេនីយ៍ឯក ម៉ាលី សុជាតា នៅព្រឹកថ្ងៃទី ២៨ ខែកក្កដា ឆ្នាំ ២០២៥នេះឱ្យដឹងថា៖កងទ័ពឈ្លានពានថៃថ្ងៃទី ២៨ ខែកក្កដា ឆ្នាំ ២០២៥បើទោះបីមានការកំណត់នូវកិច្ចប្រជុំពិសេស កម្រិតរាជរដ្ឋាភិបាលនៃប្រ​ទេស​ទាំងពីរ នៅទីក្រុងកូឡាឡាំពួរក្នុងប្រទេសម៉ាឡេស៊ី ក្នុងគោលបំណង​ចរចា​ឱ្យ​បាននូវបទឈប់បាញ់គ្នាក៏ដោយ នៅថ្ងៃនេះក៏ដោយ តែនៅវេលាម៉ោង ៣,១០នា​ទីរំលងអាធ្រាតុ ភាគីថៃ នៅបន្តបើកការវាយប្រហារមុន មកលើកម្ពុជានៅតំបន់​ប្រាសាទតាមាន់ធំ ប្រាសាទតាក្របី ដោយបាញ់ស្រោចរហូតដល់ម៉ោង ៥,០៧នា​ទីព្រឹកនេះ ។ ចំពោះសភាពការណ៍នៅតាម ប្រាសាទតាមាន់ធំ ជប់គគីរ តាដូន វាល​ឥន្រ្ទី ៥មករា តាថាវ ភ្នំខ្មោច អានសេះថៃបានវាយយ៉ាងខ្លាំង និងកងទ័ពឈ្លានពាន​ថៃ​មានបំណងដើម្បីដណ្តើម វត្តកែវសិក្ខាគិរីស្វារៈ និងព្រមជាមួយគ្នានេះបានបង្កើន​សមរភូមិ នៅជប់គគីរថ្មដូន ឱ្យឆេះរាលដាលសន្ធោសន្ធៅ។ លោកជំទាវឧត្តមសេនីយ៍ឯក ម៉ាលី សុជាតាបានថ្លែងដែរថាទោះបីមានការរំលោភ​បំពាន​​ពីសំណាក់កងទ័ពថៃយ៉ាងណាក្តី តែកងទ័ពកម្ពុជាដ៏អង់អាចក្លាហានម៉ោះមុត នៅឈររឹងមាំ…

(ភ្នំពេញ)៖ លោកជំទាវ ពេជ ចន្ទមុន្នី ហ៊ុន ម៉ាណែត បានបញ្ជាក់ប្រាប់​ប្រជាពល​រដ្ឋថា ស្បៀងរបស់កងទ័ពជួរមុខមិនខ្វះទេ មានការផ្គត់ផ្គង់​គ្រប់គ្រាន់ជូនដល់ពួកគាត់ ។ នេះបើតាមបណ្ដាញសង្គមនាព្រឹកថ្ងៃទី២៨ ខែកក្កដា ឆ្នាំ២០២៥ ។ គិតត្រឹមថ្ងៃទី២៨ ខែកក្កដា ឆ្នាំ២០២៥ ឈានចូលដល់ថ្ងៃទី០៥ ដែលទាហាន​ឈ្លានពានថៃ បានបាញ់ប្រហារទាំងកម្រោលមកលើដែនអធិបតេយ្យភាពកម្ពុជា ដោយនៅថ្ងៃទី២៨ ខែកក្កដា ឆ្នាំ២០២៥ ទាហានឈ្លានពានថៃ បានបាញ់គ្រាប់​បែកផ្សែង​ពីលើយន្តហោះ មកលើដែនអធិបតេយ្យភាពរបស់កម្ពុជា នៅតំបន់​អានសេះ និងកន្លែងផ្សេងៗទៀត ដោយមានការទម្លាក់គ្រាប់បែកចង្កោម បាញ់​អាវុធធុនធ្ងន់ដូចជាភ្លៀងរលឹម មកដល់ទាហានកម្ពុជា និងប៉ុនប៉ងវាយ​កាន់កាប់​វត្តកែវសិក្ខាគិរីស្វារៈ ប៉ុន្តែត្រូវបានបរាជ័យ ។ នេះបើតាមការបញ្ជាក់របស់លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិកម្ពុជា ៕

(ភ្នំពេញ)៖ មន្រ្តីអ្នកនាំពាក្យក្រសួងការពារជាតិកម្ពុជាបានថ្លែងថា ការចោទប្រកាន់​របស់​​ភាគីថៃដែលថា កម្ពុជាបានប្រើមីស៊ីល PHL-03 នោះគឺគ្រាន់តែជាលេស ដើម្បី​ថៃ ប្រើអាវុធឃោរឃៅវាយប្រហារមកលើកម្ពុជា ដោយក្នុងនេះក្រៅពីប្រើគ្រាប់បែក​ចង្កោម ហើយនាពេលនេះឈានដល់ការប្រើប្រាស់គ្រាប់បែកផ្សែងពុលថែមទៀត។ បញ្ជាក់ក្នុងសន្និសីទសារព័ត៌មានស្តីពីបច្ចុប្បន្នភាពនៃការឈ្លានពានរបស់កងទ័ពថៃ មកលើទឹកដីកម្ពុជា នាព្រឹកថ្ងៃទី២៨ ខែកក្កដា ឆ្នាំ២០២៥ លោកជំទាវ​ឧត្តម​សេនីយ៍​ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យ​ក្រសួងការពារជាតិបាន​ថ្លែងថា ​” កម្ពុជាសូមច្រានចោលចំពោះការផ្សាយថា កម្ពុជាបានប្រើប្រាស់អាវុធ​បាញ់​ចម្ងាយ PHL-03 ចូលទឹកដីថៃ ដែលការចោទប្រកាន់នេះគឺគ្មានមូលដ្ឋាន និង ឆ្លុះ​បញ្ចាំង​ដល់​ភាគីថៃជាលេស ដើម្បីខ្លួនប្រើប្រាស់អាវុធកាន់តែសាហាវព្រៃ​ផ្សៃជាងមុន និង​អមនុស្សធម៌ជាងមុន កាន់តែច្រើនក្នុងការវាយប្រហារ រំលោភបំពានលើដែន​ធិប​តេយ្យ​កម្ពុជា ។​ ក្រសួងការពារជាតិកម្ពុជា បានចាត់ទុកថា ការប្រើប្រាស់អាវុធធន់ធ្ងន់ យន្តហោះ គ្រាប់​បែកចង្កោម និងចុងក្រោយនេះឈានដល់ការប្រើប្រាស់ផ្សែងពុលជាអំពើខុស​ច្បាប់​ធ្ងន់​ធ្ងរអន្តរជាតិ និងត្រូវបញ្ឈប់ជាបន្ទាន់ ។ បើតាមអ្នកនាំពាក្យក្រសួងការពារជាតិកម្ពុជា បានឱ្យដឹងដែរថា ទាក់ទិនទៅនឹង​សមរភូមិ​រយៈពេល ៥ថ្ងៃមកនេះ កងទ័ពថៃ ឈ្លានពានមកលើអធិបតេយ្យភាពកម្ពុជា​ដែលកំពុងបង្ហាញយ៉ាងច្បាស់ក្រឡែតអំពីការរំលោភបំពានលើធម្មនុញ្ញនៃអង្គការសហប្រជាជាតិ ធម្មនុញ្ញាអាស៊ាន និងគោលការណ៍គ្រឹះនៃច្បាប់អន្តរជាតិ។ សកម្មភាព​ដែលគ្មានទំនួលខុសត្រូវ និង ខុសច្បាប់បែបនេះបានបង្កយ៉ាងធ្ងន់ធ្ងរដល់ សន្តិភាព ស្ថេរភាព ក្នុងតំបន់…