Author: Dol Pheakdey

កៀវ ៖ ប្រទេសអ៊ុយក្រែន នៅថ្ងៃទី១៥ ខែកក្កដា បានប្រកាសជាផ្លូវការនូវការផ្អាកចូលរួមសន្ធិសញ្ញាហាមឃាត់ការប្រើប្រាស់គ្រាប់មីនប្រឆាំងមនុស្ស។ ការផ្អាកនេះ នឹងមានរយៈពេលរហូតដល់បញ្ចប់ជម្លោះជាមួយរុស្ស៊ីទាំងស្រុង។ ក្រិត្យនេះត្រូវបានអនុម័តដោយសភាអ៊ុយក្រែន និងចុះហត្ថលេខាឱ្យចូលជាច្បាប់ភ្លាមៗដោយលោកប្រធានាធិបតី វ៉ូឡូឌីមៀ ហ្សេលេនស្គី។ មេដឹកនាំអ៊ុយក្រែនវ័យ៤៧ឆ្នាំរូបនេះ បាននិយាយថា មូលហេតុដែលអ៊ុយក្រែនផ្អាកចូលរួមជាបណ្តោះអាសន្នក្នុងសន្ធិសញ្ញាទីក្រុងអូតាវ៉ា ពីព្រោះវាជារឿងចាំបាច់ ដែលអ៊ុយក្រែនត្រូវតែដើរតាមរុស្ស៊ី។ រុស្ស៊ី អាមេរិក ចិន និងប្រទេសមួយចំនួនទៀត មិនធ្លាប់ក្លាយជាប្រទេសហត្ថលេខីនៃសន្ធិសញ្ញានេះទេ។ ទន្ទឹមគ្នា សារព័ត៌មាន RT របស់រុស្ស៊ីបានចោទប្រកាន់ថា អ៊ុយក្រែនមិនដែលអនុលោមតាមសន្ធិសញ្ញាទីក្រុងអូតាវ៉ាឱ្យបានពេញលេញទេ ដោយសារទីក្រុងកៀវមិនបានបំផ្លាញឃ្លាំងស្តុកគ្រាប់មីនប្រឆាំងមនុស្សយ៉ាងច្រើន ដែលខ្លួនបានទទួលមរតក បន្ទាប់ពីការដួលរលំនៃសហភាពសូវៀត។ ជាក់ស្តែង កងកម្លាំងអ៊ុយក្រែនកំពុងប្រើប្រាស់អាវុធហាមឃាត់យ៉ាងសកម្មចាប់តាំងពីដំណាក់កាលដំបូងនៃជម្លោះនៅតំបន់ Donbass ដែលបានផ្ទុះឡើងបន្ទាប់ពីរដ្ឋប្រហារ Maidan ឆ្នាំ២០១៤។ មានសមាជិកចំនួនជាង១៦០ប្រទេស សន្ធិសញ្ញាទីក្រុងអូតាវ៉ា បានបង្កើតឡើងនៅឆ្នាំ១៩៩៧ សំដៅហាមឃាត់មិនឱ្យផលិត មិនឱ្យស្តុកទុក និងមិនឱ្យផ្ទេររំលែកឬប្រើប្រាស់គ្រាប់មីនប្រឆាំងមនុស្ស។ អ៊ុយក្រែនបានចូលរួមក្នុងសន្ធិសញ្ញានេះក្នុងឆ្នាំ១៩៩៩ និងបានផ្តល់សច្ចាប័នវាក្នុងឆ្នាំ២០០៥។ នៅលើពិភពលោក ៨៤% នៃជនរងគ្រោះដោយមីនជាជនស៊ីវិល។ ហេតុដូច្នេះហើយ បានជាអាមេរិករងការរិះគន់យ៉ាងខ្លាំង នៅពេលប្រកាសផ្តល់ជំនួយជាគ្រាប់មីនប្រឆាំងមនុស្សដល់អ៊ុយក្រែនកាលពីខែវិច្ឆិកា ឆ្នាំ២០២៤៕ ប្រភព ៖ AFP

កៀវ ៖ រុស្ស៊ីបានបញ្ជូនយន្តហោះដ្រូនរាប់រយគ្រឿងទម្លាក់គ្រាប់បែកទ្រង់ទ្រាយធំបំផ្លាញទីក្រុងជាច្រើនស្ថិតនៅស្រុកកំណើតលោកប្រធានាធិបតីអ៊ុយក្រែន វ៉ូឡូឌីមៀ ហ្សេលេនស្គី ស្ទើរពេញមួយយប់កាលពីថ្ងៃពុធម្សិលមិញ។ ការវាយលុកដុតកំឡោចស្រុកកំណើតលោកប្រធានាធិបតី ហ្សេលេនស្គី ជាថ្មីនេះ រុស្ស៊ីបានប្រើប្រាស់យន្តហោះដ្រូនហោះចម្ងាយឆ្ងាយប្រហែល ៤០០គ្រឿង និងមីស៊ីលផ្លោងមួយគ្រាប់ ដែលនេះគឺជាចំនួនដ៏ធំបំផុតក្នុងសប្តាហ៍នេះ នេះបើតាមការបញ្ជាក់របស់កងទ័ពអាកាសអ៊ុយក្រែន។ ទីក្រុងរងគ្រោះរួមមាន Kryvyi Rih, Kharkiv និង Vinnytsia និងផ្នែកខ្លះនៃតំបន់ Odesa បានទទួលរងការទម្លាក់គ្រាប់បែកយ៉ាងធ្ងន់ធ្ងរបំផុត ខណៈដែលកងទ័ពអាកាសអ៊ុយក្រែននិយាយថា យន្តហោះគ្មានមនុស្សបើកចំនួន ៣៤៥គ្រឿងត្រូវបានបាញ់ទម្លាក់។ លោកប្រធានាធិបតី ហ្សេលេនស្គ បានសរសេរសារលើបណ្តាញសង្គម X ថា រុស្ស៊ីមិនផ្លាស់ប្តូរយុទ្ធសាស្ត្ររបស់ខ្លួនទេ ដូច្នេះដើម្បីទប់ទល់នឹងភេរវកម្មនេះឱ្យមានប្រសិទ្ធភាព យើងត្រូវពង្រឹងប្រព័ន្ធការពារដែនអាកាសរបស់យើង។ មន្ត្រីក្នុងតំបន់បានឱ្យដឹងថា មនុស្ស ៥នាក់បានបាត់បង់ជីវិត បន្ទាប់ពីការបាញ់ផ្លោង ក្នុងនោះ ៣នាក់ស្លាប់នៅក្នុងតំបន់ Sumy និង ២នាក់ទៀតស្លាប់នៅ Kharkov ខណៈ ៣៨នាក់ទៀតរងរបួសក្នុងរយៈពេល ២៤ម៉ោងមុន។ ការវាយប្រហារទ្រង់ទ្រាយធំចុងក្រោយបង្អស់របស់រុស្ស៊ីលើអ៊ុយក្រែន កើតឡើងប៉ុន្មានថ្ងៃបន្ទាប់ពីការផ្លាស់ប្តូរគោលនយោបាយនៃរដ្ឋបាលលោក ដូណាល់ ត្រាំ ពីការផ្អាកមកជាជួយជំនួយសព្វាវុធវិញ នៅពេលលោកប្រធានាធិបតី ត្រាំ ខកចិត្តកាន់តែខ្លាំងឡើងជាមួយមេដឹកនាំរុស្ស៊ី…

ទីភ្នាក់ងារសារព័ត៌មានរដ្ឋ INA បានរាយការណ៍នៅថ្ងៃព្រហស្បតិ៍ (១៧ កក្កដា) នេះដោយយោងសម្អាងដល់អាជ្ញាធរសុខាភិបាល និងប្រភពពីនគរបាលថា មនុស្សយ៉ាងតិច ៦០នាក់ បានស្លាប់ ប្រមាណជាង ១០នាក់បន្តបាត់ខ្លួន និងជាច្រើននាក់ទៀតបានរងរបួសនៅក្នុងអគ្គិភ័យដ៏ធំនៅក្នុងផ្សារទំនើបមួយកន្លែងក្នុងទីក្រុង al-Kut ភាគខាងកើតប្រទេសអ៊ីរ៉ាក់។ វីដេអូដែលចែកចាយនៅលើប្រព័ន្ធផ្សព្វផ្សាយសង្គមបានបង្ហាញពីអណ្តាតភ្លើងឆាបឆេះយ៉ាងសន្ធោសន្ធៅលើអគារផ្សារកម្ពស់ ៥ជាន់មួយកន្លែងនៅក្រុង Kut ខេត្ត Wasjit ពេញមួយយប់ ខណៈក្រុមពន្លត់អគ្គិភ័យកំពុងព្យាយាមពន្លត់អណ្ដាតភ្លើង។ INA រាយការណ៍ថា មូលហេតុនៃការឆេះនេះមិនត្រូវបានគេដឹងភ្លាមៗទេ ដោយអភិបាលខេត្ត Wasjit លោក Mohammed al-Mayahi បាននិយាយថា លទ្ធផលដំបូងពីការស៊ើបអង្កេតនឹងត្រូវបានប្រកាសក្នុងពេល ៤៨ម៉ោងខាងមុខ ហើយអ្នកពន្លត់អគ្គិភ័យបានសង្គ្រោះមនុស្សមួយចំនួន និងពន្លត់ភ្លើងបានទាំងស្រុង។ លោក Mayahi បានបន្តថា អគ្គិភ័យបានឆាបឆេះផ្សារទំនើប និងភោជនីយដ្ឋានមួយ ក្នុងពេលក្រុមគ្រួសារកំពុងទទួលទានអាហារពេលល្ងាច ដើរទិញឥវ៉ាន់ ខណៈពេលនេះ បុគ្គលិកបន្តស្វែងរកអ្នកបាត់ខ្លួនក្នុងកម្ទេចកម្ទី។ ការកាន់ទុក្ខរយៈពេល ៣ថ្ងៃត្រូវបានប្រកាស ហើយការស៊ើបអង្កេតផ្លូវការមួយត្រូវបានចាប់ផ្តើម៕

បរទេស៖ ប្រទេសបារាំង បានចេញការព្រមានថា នឹងផ្ទុះសង្គ្រាមខ្នាតធំ នៅទ្វីបអឺរ៉ុប ក្នុងឆ្នាំ២០៣០ ដោយសារតែសកម្មភាពគំរាមកំហែងពីរុស្ស៊ី ព្រមទាំងឥទ្ធិពលអ៊ីរ៉ង់ ,ចិន, អំពើភេរវកម្ម, ក្រុមបំបែកខ្លួន និង ឧក្រិដ្ឋកម្មតាមអ៊ីនធឺណិត ឬ Cyber Crime នេះបើតាមរបាយការណ៍ «ការត្រួតពិនិត្យយុទ្ធសាស្ត្រជាតិ» ឬ National Strategic Review របស់អគ្គលេខាធិការដ្ឋានការពារជាតិ និងសន្តិសុខជាតិ បារាំង ចេញផ្សាយ កាលពីថ្ងៃទី១៤ ខែកក្កដា។ របាយការណ៍ ដែលត្រូវបានទីភ្នាក់ងារព័ត៌មាន RT ចុះផ្សាយបន្ត កាលពីថ្ងៃទី១៥ ខែកក្កដា បានរៀបរាប់ថា «យើងកំពុងឈានចូលយុគសម័យថ្មីមួយ ក្នុងនោះ មានហានិភ័យខ្ពស់ នៃសង្គ្រាម កម្រិតខ្លាំងដ៏ធំ កើតមានចំពោះប្រទេសបារាំង និងសម្ព័ន្ធមិត្តអឺរ៉ុប។ ឯកសានេះបានអះអាង ដោយចោទប្រកាន់ទីក្រុងមូស្គូ ពីការវាយប្រហារ តាមអ៊ីនធឺណិត, ជ្រៀតជ្រែកការបោះឆ្នោត រួមនឹង ការធ្វើឃាត ជាដើម ហើយទីក្រុងមូស្គូ ខិតខំប្រឹងប្រែង ពង្រីកទំនាក់ទំនង ជាមួយទ្វីបអាហ្រ្វិក អាមេរិកឡាទីន…

បរទេស ៖ អ្នកឃ្លាំមើលសង្គ្រាមបាននិយាយ នៅថ្ងៃព្រហស្បតិ៍នេះថា មនុស្សជាង ៣៥០នាក់ ត្រូវបានសម្លាប់ ចាប់តាំងពីចុងសប្តាហ៍ នៅក្នុងការប៉ះទង្គិចគ្នាដោយហិង្សា នៅក្នុងខេត្ត Sweida ភាគខាងត្បូង នៃប្រទេសស៊ីរី។ ក្រុមឃ្លាំមើលសិទ្ធិមនុស្សស៊ីរី បាននិយាយថា ចាប់តាំងពីការប៉ះទង្គិចគ្នា បានផ្ទុះឡើង កាលពីថ្ងៃអាទិត្យ យុទ្ធជន Druze ចំនួន ៧៩នាក់ ត្រូវបានសម្លាប់ រួមជាមួយនឹងជនស៊ីវិល ៥៥នាក់។ មនុស្ស ២៧នាក់ ត្រូវបានប្រហារជីវិត ដោយមន្ត្រីក្រសួងការពារជាតិ និង ក្រសួងមហាផ្ទៃ ខណៈដែលមន្ត្រីរដ្ឋាភិបាល ១៨៩ នាក់ និង យុទ្ធជន Bedouin ចំនួន ១៨នាក់ ត្រូវបានសម្លាប់ ផងដែរ។ នៅមុននេះ អ្នកឃ្លាំមើល បាននិយាយថា ចំនួនអ្នកស្លាប់ មានចំនួន ត្រឹម៣០០នាក់។ ក្រុមសង្កេតការណ៍ បាននិយាយថា ជនរងគ្រោះ នៅក្នុងតំបន់ Sweida រួមមានទាំង អ្នកសារព័ត៌មានម្នាក់ ឈ្មោះ…

វ៉ាស៊ីនតោន ៖ នាវាមុជទឹកដើរដោយថាមពលនុយក្លេអ៊ែរ មានឈ្មោះថា USS Connecticut ឬ ហៅកាត់ SSN-22 របស់កងទ័ពជើងទឹកអាមេរិក ត្រូវបានរំពឹងថា នឹងវិលត្រលប់មកបម្រើក្នុងជួរកងទ័ពជើងទឹកវិញនៅចុងឆ្នាំ២០២៦ ឬនៅក្នុងរដូវស្លឹកឈើជ្រុះឆ្នាំនេះ បន្ទាប់ពីជួបឧប្បត្តិហេតុពេលធ្វើប្រតិបត្តិការនៅដែនទឹកអន្តរជាតិក្នុងតំបន់ឥណ្ឌូ-ប៉ាស៊ីហ្វិក។ យោងតាមសារព័តមាន The Warzone បានរាយការណ៍ថា បច្ចុប្បន្ននាវា SSN-22 កំពុងមានវត្តមានស្ថិតនៅទីតាំងផលិតនាវា Puget Sound Naval Shipyard នៃរដ្ឋធានី Washington ដើម្បីជួសជុល និងកែលម្អការងារផ្សេងៗទៀត បន្ទាប់ពីរងការខូចខាតយ៉ាងធ្ងន់ធ្ងរ ដោយសារបើកបុកភ្នំក្រោមបាតសមុទ្រនៅសមុទ្រចិនខាងត្បូង កាលពីថ្ងៃទី២ ខែតុលា ឆ្នាំ២០២១ ខណៈពេលដែលកំពុងប្រតិបត្តិការនៅក្នុងដែនទឹកអន្តរជាតិ។ ទន្ទឹមនោះ រ៉េអាក់ទ័រនុយក្លេអ៊ែ និងប្រព័ន្ធស្លាបចាក់របស់នាវាមុជទឹកប្រភេទ Seawolf-Class មិនមានការខូចខាត ពីព្រោះតែបើកការបុកនេះទេ។ ប៉ុន្តែក្នុងនោះ មានការខូចខាតដល់ផ្នែកខាងមុខ និងបាតនៃនាវា ដែលនាំឲ្យនាវា SSN-22 បើកឡើងលើទឹក និងធ្វើដំណើររយៈពេលមួយសប្តាហ៍ទៅកាន់កោះ Guam ដើម្បីជួសជុល ខណៈសមាជិកនាវិកជាង ១១នាក់បានរងរបួស។ តម្លៃប៉ាន់ស្មាននៃការជួសជុលនាវា SSN-22 គេនៅពុំទាន់ដឹងនៅឡើយទេ…

បរទេស ៖ អគ្គលេខាធិការ អង្គការសហប្រជាជាតិ លោក Antonio Guterres បានថ្កោលទោសការវាយប្រហារ តាមអាកាសរបស់អ៊ីស្រាអែល លើប្រទេសស៊ីរី ខណៈដែលអ៊ីស្រាអែលកំពុងដាក់សម្ពាធ លើទីក្រុង Damascus ឲ្យការពារជនជាតិ ភាគតិច Druze បន្ទាប់ពីការប៉ះទង្គិចគ្នា។ លោក Stephane Dujarric ដែលជាអ្នកនាំពាក្យ របស់លោក Guterres បានប្រាប់សន្និសីទ ខ្លីមួយ កាលពីថ្ងៃពុធថា «លោក អគ្គលេខាធិការ បានថ្កោលទោស បន្ថែមទៀត ចំពោះការវាយប្រហារតាមអាកាស របស់អ៊ីស្រាអែល ទៅលើតំបន់ Suweida, Daraa និង នៅភាគកណ្តាល រដ្ឋធានី Damascus របស់ប្រទេសស៊ីរី ក៏ដូចជា របាយការណ៍ស្តីពីការដាក់ពង្រាយកងកម្លាំងការពារជាតិ អ៊ីស្រាអែល ឡើងវិញ នៅក្នុងតំបន់ Golan ទៀតផង»។ ថ្មីៗនេះ កងទ័ពអ៊ីស្រាអែល បានបើកការវាយប្រហារ នៅក្នុងខេត្ត Sweida ភាគខាងត្បូង ប្រទេសស៊ីរី ជាកន្លែង…

បរទេស ៖ សហរដ្ឋអាមេរិកបានអំពាវនាវ ឲ្យកងកម្លាំងរដ្ឋាភិបាលប្រទេសស៊ីរី ចាកចេញពីតំបន់ភាគខាងត្បូង ដែលកំពុងផ្ទុះជម្លោះប្រដាប់អាវុធ ដើម្បីបន្ថយភាពតានតឹង ជាមួយអ៊ីស្រាអែល។ អ្នកនាំពាក្យក្រសួងការបរទេសអាមេរិក លោកស្រី Tammy Bruce បានប្រាប់អ្នកយកព័ត៌មាន កាលពីថ្ងៃពុធថា «តាមពិតទៅ យើងកំពុងអំពាវនាវឱ្យរដ្ឋាភិបាលស៊ីរី ដកទ័ពរបស់ពួកគេចេញ ដើម្បីអាចឱ្យភាគីទាំងអស់ បន្ធូរបន្ថយ និងស្វែងរកផ្លូវឆ្ពោះទៅមុខ»។ យ៉ាងណាមិញ លោកស្រី មិនបានបញ្ជាក់ពីតំបន់ជាក់លាក់ណាមួយ សម្រាប់ការដកកងទ័ពស៊ីរី ចេញនោះទេ។ តំបន់ឡើងកម្តៅ ឬ តំបន់ Flashpoint ជាទីតាំងដែលទាហានអ៊ីស្រាអែល បានលូកដៃចូលក្នុងអំពើហិង្សា ដោយយកលេសថា ដើម្បីការពារ សហគមន៍ Druze ពីការវាយវាយប្រហារ ពីសំណាក់កងទ័ពរបស់ទីក្រុងដាម៉ាស។ ថ្មីៗនេះ កងទ័ពអ៊ីស្រាអែល បានបើកការវាយប្រហារ នៅក្នុងខេត្ត Sweida ភាគខាងត្បូង ប្រទេសស៊ីរី ជាកន្លែង ដែលមនុស្សរាប់សិបនាក់ បានស្លាប់ នៅក្នុងការប៉ះទង្គិចគ្នា រវាងកុលសម្ព័ន្ធ Sunni Bedouin និងយុទ្ធជន Druze។ របាយការណ៍របស់ក្រុមអ្នកឃ្លាំមើល បានប្រាប់ថា…

បរទេស ៖ លោក Benjamin Netanyahu នាយករដ្ឋមន្ត្រី នៃប្រទេសអ៊ីស្រាអែល បាននិយាយថា លោកបានប្តេជ្ញាការពារ ក្រុមជនជាតិ Druze នៅក្នុងប្រទេសស៊ីរី។ លោក Netanyahu បាននិយាយ តាមរយៈសុន្ទរកថា កំឡុងដំណើរទស្សនកិច្ច ទៅកាន់មូលដ្ឋានហ្វឹកហ្វឺនយោធា នៅជ្រលង Jordanwe កាលពីថ្ងៃអង្គារ ឲ្យដឹងថា «យើងប្តេជ្ញាការពារ អ្នកស្រុក Druze ..យើងកំពុងធ្វើប្រតិបត្តិការនេះ ព្រោះជា តម្រូវការចាំបាច់»។ ការអះអាង របស់លោក Netanyahu បានកើតមានឡើង ក្រោយប៉ុន្មានថ្ងៃដែល កងទ័ពអ៊ីស្រាអែល បានវាយប្រហារ លើរថក្រោះ ជាច្រើនគ្រឿង នៅក្នុងខេត្ត Sweida ភាគខាងត្បូង ប្រទេសស៊ីរី ជាកន្លែង ដែលមនុស្សរាប់សិបនាក់ បានស្លាប់ នៅក្នុងការប៉ះទង្គិចគ្នា រវាងកុលសម្ព័ន្ធ Sunni Bedouin និងយុទ្ធជន Druze។ សម្រាប់ប្រទេសអ៊ីស្រាអែល ក្រុម Druze ត្រូវបានគេមើលឃើញថា ជាជនជាតិភាគតិច…

បរទេស ៖ លោក Donald Trump បាននិយាយថា ប្រទេសឥណ្ឌូនេស៊ី នឹងទិញយន្តហោះ Boeing ចំនួន៥០គ្រឿង ជាថ្នូរនឹងការទទួលបាន ការទម្លាក់ អត្រាពន្ធគយ។ ប្រធានាធិបតីអាមេរិក លោក Donald Trump បាននិយាយ កាលពីថ្ងៃអង្គារថា ប្រទេសឥណ្ឌូនេស៊ីបានប្តេជ្ញាចិត្ត ក្នុងការទិញយន្តហោះ Boeing ចំនួន៥០គ្រឿង ជាផ្នែកមួយ នៃកិច្ចព្រមព្រៀងពាណិជ្ជកម្ម ដែលបានចរចា ដើម្បីជៀសវាង ការយកពន្ធដ៏ច្រើន របស់លោក។ លោក Trump បាននិយាយ តាមរយៈបណ្តាញសង្គម Truth Social ថា «កិច្ចព្រមព្រៀងនេះ នៅតែមើលឃើញថា ទំនិញឥណ្ឌូនេស៊ី ប្រឈមនឹងពន្ធ ១៩ភាគរយ នៅពេលនាំចូល ទៅក្នុងសហរដ្ឋអាមេរិក» ដោយគេដឹងថា ចុះពីអត្រា ៣២ភាគរយ។ លោក Trump បានបន្ថែមទៀតថា «ជាផ្នែកមួយនៃកិច្ចព្រមព្រៀងនេះ ប្រទេសឥណ្ឌូនេស៊ី បានប្តេជ្ញាចិត្ត ក្នុងការទិញថាមពលសហរដ្ឋអាមេរិក ១៥ពាន់លានដុល្លារ ,…