Author: Dol Pheakdey

បរទេស ៖ កងកម្លាំងអ៊ីស្រាអែលបានបន្តរុះរើអគារជំរុំជនភៀសខ្លួន ស្ថិតនៅក្នុងតំបន់ West Bank ជាផ្នែកមួយនៃផែនការ ដែលបានប្រកាស កាលពីមុន ក្នុងការកម្ទេចអគារ ចំនួន១០៥ នៅក្នុងជំរុំ ដើម្បីបើកផ្លូវ ធំទូលាយ។ មន្ត្រីប៉ាឡេស្ទីនម្នាក់ បាននិយាយ កាលពីថ្ងៃព្រសហ្បតិ៍ ថា «ផ្លូវដែលកំពុងត្រូវបានបើក នៅក្នុងជំរុំ Tulkarem បច្ចុប្បន្ន គឺពីខាងជើង ទៅខាងត្បូង និងពីខាងកើត ទៅខាងលិច មុនពេលបង្កើត ប្លុកលំនៅដ្ឋាន ជាមួយនឹងដង់ស៊ីតេ កំណត់ដោយផែនការវិស្វកម្ម កាន់កាប់»។ គួរបញ្ជាក់ថា អ្នកតាំងលំនៅអ៊ីស្រាអែល រាប់រយពាន់នាក់ កំពុងទៅរស់នៅ ទូទាំងតំបន់ West Bank ក្បែរនឹងតំបន់ហ្គាហ្សា បើទោះបីជា សហគមន៍អន្តរជាតិចាត់ទុកថា ជាអំពើខុសច្បាប់ ខណៈដែលកំពុងមានចម្រូងចម្រាស់ ជាមួយប្រជាជនប៉ាឡេស្ទីន។ ក្នុងសង្គ្រាម នៅហ្គាហ្សា តាំងពីឆ្នាំ២០២៣ រវាងអ៊ីស្រាអែល និង ហាម៉ាស់ ក៏មានការសម្លាប់ជនជាតិ ប៉ាឡេស្ទីន ជាង៩៦០នាក់ នៅតំបន់ West…

ហាណូយ ៖ ប្រទេសវៀតណាមកំពុងដាក់ពង្រាយកាមេរ៉ាឃ្លាំមើល ដែលដំណើរការដោយបញ្ញាសិប្បនិមិត្ត (AI) ដើម្បីតាមប្រមាញ់អ្នកបើកបរបំពានច្បាប់ចរាចរណ៍ដោយស្វ័យប្រវត្តិ នេះបើតាមការបញ្ជាក់របស់នាយកដ្ឋានប៉ូលីសចរាចរណ៍ ស្ថិតក្រោមក្រសួងសន្តិសុខសាធារណៈ។ ទីភ្នាក់ងារសារព័ត៌មានវៀតណាមបានរាយការណ៍នៅថ្ងៃទី១៧ ខែកក្កដាថា ការដាក់ពង្រាយកាមេរ៉ា AI នេះ ត្រូវបានរំពឹងថា នឹងកាត់បន្ថយចំនួនមន្ត្រីនគរបាលចរាចរណ៍ ដែលដើរល្បាតនៅតាមដងផ្លូវ។ នាយករងនៃនាយកដ្ឋានប៉ូលីសចរាចរណ៍ លោក Pham Quang Huy និយាយថា កាមេរ៉ាបំពាក់បច្ចេកវិទ្យា AI មានសមត្ថភាពចាប់យក និងទាញយករូបភាព និងវីដេអូឃ្លីបនៃការបំពានច្បាប់ចរាចរណ៍ដោយស្វ័យប្រវត្តិ រួមទាំងព័ត៌មានលម្អិតមានដូចជាទីតាំង ពេលវេលា និងបទល្មើសជាក់ស្តែងដែលបានប្រព្រឹត្ត។ លោកបាននិយាយថា បច្ចុប្បន្នប្រព័ន្ធ AI មានសមត្ថភាពទទួលស្គាល់ការបំពានច្បាប់ចរាចរណ៍ប្រហែល 20 ប្រភេទ ដែលពាក់ព័ន្ធទាំងរថយន្ត និងម៉ូតូ ដោយមានការខិតខំប្រឹងប្រែងជាបន្តបន្ទាប់ដើម្បីពង្រីកសមត្ថភាពចាប់សញ្ញារបស់វា។ ប្រភព ៖ ស៊ីនហួរ

បរទេស៖ នាយករដ្ឋមន្ត្រី នៃ ប្រទេសអ៊ីស្រាអែល បានអះអាង កាលពីថ្ងៃព្រហស្បតិ៍ ថា បទឈប់បាញ់នៅស៊ីរី អាចសម្រេចបាន តាមរយៈការប្រើប្រាស់កម្លាំងបាយ។ លោក Benjamin Netanyahu នាយករដ្ឋមន្ត្រី អ៊ីស្រាអែល បាននិយាយថា «បទឈប់បាញ់ នៅក្នុងប្រទេសស៊ីរី សម្រេចបាន តាមរយៈកម្លាំង… មិនមែន តាមរយៈការស្នើសុំ…មិនមែនតាមរយៈការអង្វរ – គឺ តាមរយៈកម្លាំង.. យើងកំពុងឈានដល់សន្តិភាព តាមរយៈកម្លាំង, ស្ងប់ស្ងាត់ តាមរយៈកម្លាំង សន្តិសុខ តាមរយៈកម្លាំង – នៅតំបន់ប្រឈមមុខ ចំនួន៧»។ ការអះអាង របស់លោក នាយករដ្ឋមន្ត្រី រូបនេះ បានធ្វើឡើង បន្ទាប់ពីអ៊ីស្រាអែល បានវាយប្រហារគោលដៅយោធា នៅក្នុងទីក្រុង ដាម៉ាស់ ក្នុងការឆ្លើយតប ទៅនឹងកងទ័ពរដ្ឋាភិបាលស៊ីរី ដែលវាយប្រហារ លើក្រុមសហគមន៍ Druze នៅភាគខាងត្បូង។ គួរបញ្ជាក់ថា អ៊ីស្រាអែល បានវាយប្រហារប្រទេសស៊ីរី ម្តងហើយម្តងទៀត ចាប់តាំងពីក្រុមយុទ្ធជនអ៊ីស្លាម បានផ្ដួលរំលំមេដឹកនាំសម្ព័ន្ធមិត្ត…

បរទេស ៖ អង្គការសហប្រជាជាតិ ហៅកាត់ UN បានចោទប្រកាន់ប្រទេស អ៊ីស្រាអែល ថា បានរំលោភ លើអធិបតេយ្យភាព និង បូរណភាពទឹកដី របស់ប្រទេសស៊ីរី។ ក្នុងអំឡុងពេលកិច្ចប្រជុំ ក្រុមប្រឹក្សាសន្តិសុខអង្គការសហប្រជាជាតិ ស្តីពីស្ថានការណ៍ នៅមជ្ឈិមបូព៌ា លោក Mohamed Khaled Khiari អគ្គលេខាធិការរង ទទួលបន្ទុកតំបន់មជ្ឈិមបូព៌ា បានចោទប្រកាន់រដ្ឋអ៊ីស្រាអែលថា បានរំលោភលើអធិបតេយ្យភាព និងបូរណភាពទឹកដី របស់ប្រទេសស៊ីរី។ លោក អំពាវនាវឲ្យប្រទេសទាំងពីរ គោរពកិច្ចព្រមព្រៀង «ផ្តាច់កម្លាំង ឆ្នាំ១៩៧៤» ដើម្បីរក្សានូវ បទឈប់បាញ់ ដើម្បីកសាង ស៊ីរីថ្មី ដោយសន្តិភាព។ រីឯ លោក Koussay Aldahhak តំណាងអចិន្ត្រៃយ៍ នៃ សាធារណរដ្ឋអារ៉ាប់ស៊ីរី បានច្រានចោលទាំងស្រុង នូវលេសដែលប្រើប្រាស់ ដោយអាជ្ញាធរអ៊ីស្រាអែល ដើម្បីបង្ហាញអំពីភាពត្រឹមត្រូវនៃសកម្មភាពឈ្លានពានទាំងនេះ ដោយអះអាងថា ការអនុវត្តដូច្នោះ គ្រាន់តែជាការពង្រីកគោលនយោបាយ ជាប្រព័ន្ធ របស់របបកាន់កាប់ ក្នុងគោលបំណង ធ្វើឱ្យខូចស្ថិរភាព…

បរទេស៖ រដ្ឋបាលរបស់លោក Trump បានប្រាប់ឲ្យប្រទេសអ៊ីស្រាអែល ស៊ើបករណីភេរវកម្ម បន្ទាប់ពីជនជាតិអាមេរិកម្នាក់ ត្រូវបានសម្លាប់ នៅតំបន់ West Bank កាលពីពេល ថ្មីៗនេះ។ យោងតាមការចេញផ្សាយ របស់ទីភ្នាក់ងារព័ត៌មាន Nbc News កាលពីថ្ងៃទី១៦ ខែកក្កដា លោក Mike Huckabee ឯកអគ្គរដ្ឋទូតសហរដ្ឋអាមេរិក ប្រចាំនៅអ៊ីស្រាអែល បានទាមទារឲ្យ ប្រទេសអ៊ីស្រាអែល ស៊ើបអង្កេត យ៉ាងហ្មត់ចត់ ចំពោះឃាតកម្មលើជនជាតិអាមេរិក ឈ្មោះ Sayfollah Musallet អាយុ២០ឆ្នាំ ដែលត្រូវបានវាយដំ រហូតដល់ស្លាប់ ដោយអ្នកតាំងលំនៅ អ៊ីស្រាអែល ក្នុងតំបន់ West Bank នៅក្បែរនឹងតំបន់ Gaza ដែលកំពុងផ្ទុះសង្គ្រាម។ លោក Mike Huckabee បានអះអាង តាមរយៈបណ្តាញសង្គម X ថា «ត្រូវតែមានការទទួលខុសត្រូវ ចំពោះអំពើឧក្រិដ្ឋកម្ម និង អំពើភេរវកម្ម»។ គួររម្លឹកថា លោក…

(ភ្នំពេញ)៖ ការដ្ឋានធ្វើផ្លូវឡើងភ្នំខ្នងផ្សារកំពុងមានវឌ្ឍនភាពទៅមុខ ដែលនៅពេលនេះ គម្រោងសាងសង់ផ្លូវផ្លូវឆ្ពោះទៅតំបន់លំហែបៃតងដ៏មានសក្តានុពលនៅក្នុង ភូមិសាស្រ្តខេត្តកំពង់ស្ពឺ ជាប់ជាមួយខេត្តកោះកុង បានបញ្ចប់ការចាក់ដី និងកិនពង្រាបបានស្អាតល្អហើយ។ នៅថ្ងៃ ទី១៧ ខែកក្កដា ឆ្នាំ២០២៥ អ្នកនាំពាក្យក្រសួងបរិស្ថាន ឯកឧត្តម ខ្វៃ អាទិត្យា ឱ្យដឹងថា ការងារសាងសង់ហេដ្ឋារចនាសម្ព័ន្ធផ្សេងៗ សម្រាប់ការអភិវឌ្ឍគោលដៅលំហែបៃតងនៅតំបន់ភ្នំខ្នងផ្សារ បានកំពុងដំណើរការទៅមុខ ជានិច្ចបើទោះបីក្នុងរដូវវស្សាក៏ដោយ និងមានភ្ញៀវទេសចរនៅតែបន្តធ្វើដំណើរ បានប្រសើរជាងមុន ដើម្បីទៅកម្សាន្តលើភ្នំខ្នងផ្សារជាហូរហែ។ ផ្លូវចាប់ពីវត្តតាំងបំពង់ ទៅដល់ជើងភ្នំខ្នងផ្សារ ប្រវែង ជាង៧ គ.ម បានបញ្ជប់ការចាក់ពង្រាបរួចហើយ បង្កឱ្យការធ្វើដំណើរបានល្អប្រសើរ។ ឯកឧត្តម ខ្វៃ អាទិត្យា បានបញ្ជាក់បន្ថែមថា ៖ ក្រសួងបរិស្ថាន សហការជាមួយ ក្រសួង និងស្ថាប័នពាក់ព័ន្ធ រៀបចំហេដ្ឋារចនាសម្ព័ន្ធ ដើម្បីអភិវឌ្ឍន៍គោលដៅលំហែបៃតង នៅតំបន់ខ្នងផ្សារ ដែលមានភ្នំខ្នងសំពៅ និងខ្នងផ្សារ ដោយគោរពតាមបទដ្ឋាន បច្ចេកទេសបរិស្ថាន រួមចំណែកដល់ការការពារ និងអភិរក្សធនធានធម្មជាតិ រួមទាំងទេសភាពនៃតំបន់ការពារធម្មជាតិ និងការលើកកម្ពស់ជិវភាពរបស់ប្រជាពលរដ្ឋនៅតាមសហគមន៍មូលដ្ឋាន។ គួរបញ្ជាក់ថា ការដ្ឋានសាងសង់ផ្លូវចូលទៅកាន់តំបន់ខ្នងផ្សារ និងហេដ្ឋារចនាសម្ព័ន្ធបម្រើឱ្យគោលដៅលម្ហែបៃតងតំបន់នោះ បានបើកសម្ពោធជាផ្លូវការ…

កៀវ ៖ ប្រទេសអ៊ុយក្រែន នៅថ្ងៃទី១៥ ខែកក្កដា បានប្រកាសជាផ្លូវការនូវការផ្អាកចូលរួមសន្ធិសញ្ញាហាមឃាត់ការប្រើប្រាស់គ្រាប់មីនប្រឆាំងមនុស្ស។ ការផ្អាកនេះ នឹងមានរយៈពេលរហូតដល់បញ្ចប់ជម្លោះជាមួយរុស្ស៊ីទាំងស្រុង។ ក្រិត្យនេះត្រូវបានអនុម័តដោយសភាអ៊ុយក្រែន និងចុះហត្ថលេខាឱ្យចូលជាច្បាប់ភ្លាមៗដោយលោកប្រធានាធិបតី វ៉ូឡូឌីមៀ ហ្សេលេនស្គី។ មេដឹកនាំអ៊ុយក្រែនវ័យ៤៧ឆ្នាំរូបនេះ បាននិយាយថា មូលហេតុដែលអ៊ុយក្រែនផ្អាកចូលរួមជាបណ្តោះអាសន្នក្នុងសន្ធិសញ្ញាទីក្រុងអូតាវ៉ា ពីព្រោះវាជារឿងចាំបាច់ ដែលអ៊ុយក្រែនត្រូវតែដើរតាមរុស្ស៊ី។ រុស្ស៊ី អាមេរិក ចិន និងប្រទេសមួយចំនួនទៀត មិនធ្លាប់ក្លាយជាប្រទេសហត្ថលេខីនៃសន្ធិសញ្ញានេះទេ។ ទន្ទឹមគ្នា សារព័ត៌មាន RT របស់រុស្ស៊ីបានចោទប្រកាន់ថា អ៊ុយក្រែនមិនដែលអនុលោមតាមសន្ធិសញ្ញាទីក្រុងអូតាវ៉ាឱ្យបានពេញលេញទេ ដោយសារទីក្រុងកៀវមិនបានបំផ្លាញឃ្លាំងស្តុកគ្រាប់មីនប្រឆាំងមនុស្សយ៉ាងច្រើន ដែលខ្លួនបានទទួលមរតក បន្ទាប់ពីការដួលរលំនៃសហភាពសូវៀត។ ជាក់ស្តែង កងកម្លាំងអ៊ុយក្រែនកំពុងប្រើប្រាស់អាវុធហាមឃាត់យ៉ាងសកម្មចាប់តាំងពីដំណាក់កាលដំបូងនៃជម្លោះនៅតំបន់ Donbass ដែលបានផ្ទុះឡើងបន្ទាប់ពីរដ្ឋប្រហារ Maidan ឆ្នាំ២០១៤។ មានសមាជិកចំនួនជាង១៦០ប្រទេស សន្ធិសញ្ញាទីក្រុងអូតាវ៉ា បានបង្កើតឡើងនៅឆ្នាំ១៩៩៧ សំដៅហាមឃាត់មិនឱ្យផលិត មិនឱ្យស្តុកទុក និងមិនឱ្យផ្ទេររំលែកឬប្រើប្រាស់គ្រាប់មីនប្រឆាំងមនុស្ស។ អ៊ុយក្រែនបានចូលរួមក្នុងសន្ធិសញ្ញានេះក្នុងឆ្នាំ១៩៩៩ និងបានផ្តល់សច្ចាប័នវាក្នុងឆ្នាំ២០០៥។ នៅលើពិភពលោក ៨៤% នៃជនរងគ្រោះដោយមីនជាជនស៊ីវិល។ ហេតុដូច្នេះហើយ បានជាអាមេរិករងការរិះគន់យ៉ាងខ្លាំង នៅពេលប្រកាសផ្តល់ជំនួយជាគ្រាប់មីនប្រឆាំងមនុស្សដល់អ៊ុយក្រែនកាលពីខែវិច្ឆិកា ឆ្នាំ២០២៤៕ ប្រភព ៖ AFP

កៀវ ៖ រុស្ស៊ីបានបញ្ជូនយន្តហោះដ្រូនរាប់រយគ្រឿងទម្លាក់គ្រាប់បែកទ្រង់ទ្រាយធំបំផ្លាញទីក្រុងជាច្រើនស្ថិតនៅស្រុកកំណើតលោកប្រធានាធិបតីអ៊ុយក្រែន វ៉ូឡូឌីមៀ ហ្សេលេនស្គី ស្ទើរពេញមួយយប់កាលពីថ្ងៃពុធម្សិលមិញ។ ការវាយលុកដុតកំឡោចស្រុកកំណើតលោកប្រធានាធិបតី ហ្សេលេនស្គី ជាថ្មីនេះ រុស្ស៊ីបានប្រើប្រាស់យន្តហោះដ្រូនហោះចម្ងាយឆ្ងាយប្រហែល ៤០០គ្រឿង និងមីស៊ីលផ្លោងមួយគ្រាប់ ដែលនេះគឺជាចំនួនដ៏ធំបំផុតក្នុងសប្តាហ៍នេះ នេះបើតាមការបញ្ជាក់របស់កងទ័ពអាកាសអ៊ុយក្រែន។ ទីក្រុងរងគ្រោះរួមមាន Kryvyi Rih, Kharkiv និង Vinnytsia និងផ្នែកខ្លះនៃតំបន់ Odesa បានទទួលរងការទម្លាក់គ្រាប់បែកយ៉ាងធ្ងន់ធ្ងរបំផុត ខណៈដែលកងទ័ពអាកាសអ៊ុយក្រែននិយាយថា យន្តហោះគ្មានមនុស្សបើកចំនួន ៣៤៥គ្រឿងត្រូវបានបាញ់ទម្លាក់។ លោកប្រធានាធិបតី ហ្សេលេនស្គ បានសរសេរសារលើបណ្តាញសង្គម X ថា រុស្ស៊ីមិនផ្លាស់ប្តូរយុទ្ធសាស្ត្ររបស់ខ្លួនទេ ដូច្នេះដើម្បីទប់ទល់នឹងភេរវកម្មនេះឱ្យមានប្រសិទ្ធភាព យើងត្រូវពង្រឹងប្រព័ន្ធការពារដែនអាកាសរបស់យើង។ មន្ត្រីក្នុងតំបន់បានឱ្យដឹងថា មនុស្ស ៥នាក់បានបាត់បង់ជីវិត បន្ទាប់ពីការបាញ់ផ្លោង ក្នុងនោះ ៣នាក់ស្លាប់នៅក្នុងតំបន់ Sumy និង ២នាក់ទៀតស្លាប់នៅ Kharkov ខណៈ ៣៨នាក់ទៀតរងរបួសក្នុងរយៈពេល ២៤ម៉ោងមុន។ ការវាយប្រហារទ្រង់ទ្រាយធំចុងក្រោយបង្អស់របស់រុស្ស៊ីលើអ៊ុយក្រែន កើតឡើងប៉ុន្មានថ្ងៃបន្ទាប់ពីការផ្លាស់ប្តូរគោលនយោបាយនៃរដ្ឋបាលលោក ដូណាល់ ត្រាំ ពីការផ្អាកមកជាជួយជំនួយសព្វាវុធវិញ នៅពេលលោកប្រធានាធិបតី ត្រាំ ខកចិត្តកាន់តែខ្លាំងឡើងជាមួយមេដឹកនាំរុស្ស៊ី…

ទីភ្នាក់ងារសារព័ត៌មានរដ្ឋ INA បានរាយការណ៍នៅថ្ងៃព្រហស្បតិ៍ (១៧ កក្កដា) នេះដោយយោងសម្អាងដល់អាជ្ញាធរសុខាភិបាល និងប្រភពពីនគរបាលថា មនុស្សយ៉ាងតិច ៦០នាក់ បានស្លាប់ ប្រមាណជាង ១០នាក់បន្តបាត់ខ្លួន និងជាច្រើននាក់ទៀតបានរងរបួសនៅក្នុងអគ្គិភ័យដ៏ធំនៅក្នុងផ្សារទំនើបមួយកន្លែងក្នុងទីក្រុង al-Kut ភាគខាងកើតប្រទេសអ៊ីរ៉ាក់។ វីដេអូដែលចែកចាយនៅលើប្រព័ន្ធផ្សព្វផ្សាយសង្គមបានបង្ហាញពីអណ្តាតភ្លើងឆាបឆេះយ៉ាងសន្ធោសន្ធៅលើអគារផ្សារកម្ពស់ ៥ជាន់មួយកន្លែងនៅក្រុង Kut ខេត្ត Wasjit ពេញមួយយប់ ខណៈក្រុមពន្លត់អគ្គិភ័យកំពុងព្យាយាមពន្លត់អណ្ដាតភ្លើង។ INA រាយការណ៍ថា មូលហេតុនៃការឆេះនេះមិនត្រូវបានគេដឹងភ្លាមៗទេ ដោយអភិបាលខេត្ត Wasjit លោក Mohammed al-Mayahi បាននិយាយថា លទ្ធផលដំបូងពីការស៊ើបអង្កេតនឹងត្រូវបានប្រកាសក្នុងពេល ៤៨ម៉ោងខាងមុខ ហើយអ្នកពន្លត់អគ្គិភ័យបានសង្គ្រោះមនុស្សមួយចំនួន និងពន្លត់ភ្លើងបានទាំងស្រុង។ លោក Mayahi បានបន្តថា អគ្គិភ័យបានឆាបឆេះផ្សារទំនើប និងភោជនីយដ្ឋានមួយ ក្នុងពេលក្រុមគ្រួសារកំពុងទទួលទានអាហារពេលល្ងាច ដើរទិញឥវ៉ាន់ ខណៈពេលនេះ បុគ្គលិកបន្តស្វែងរកអ្នកបាត់ខ្លួនក្នុងកម្ទេចកម្ទី។ ការកាន់ទុក្ខរយៈពេល ៣ថ្ងៃត្រូវបានប្រកាស ហើយការស៊ើបអង្កេតផ្លូវការមួយត្រូវបានចាប់ផ្តើម៕

បរទេស៖ ប្រទេសបារាំង បានចេញការព្រមានថា នឹងផ្ទុះសង្គ្រាមខ្នាតធំ នៅទ្វីបអឺរ៉ុប ក្នុងឆ្នាំ២០៣០ ដោយសារតែសកម្មភាពគំរាមកំហែងពីរុស្ស៊ី ព្រមទាំងឥទ្ធិពលអ៊ីរ៉ង់ ,ចិន, អំពើភេរវកម្ម, ក្រុមបំបែកខ្លួន និង ឧក្រិដ្ឋកម្មតាមអ៊ីនធឺណិត ឬ Cyber Crime នេះបើតាមរបាយការណ៍ «ការត្រួតពិនិត្យយុទ្ធសាស្ត្រជាតិ» ឬ National Strategic Review របស់អគ្គលេខាធិការដ្ឋានការពារជាតិ និងសន្តិសុខជាតិ បារាំង ចេញផ្សាយ កាលពីថ្ងៃទី១៤ ខែកក្កដា។ របាយការណ៍ ដែលត្រូវបានទីភ្នាក់ងារព័ត៌មាន RT ចុះផ្សាយបន្ត កាលពីថ្ងៃទី១៥ ខែកក្កដា បានរៀបរាប់ថា «យើងកំពុងឈានចូលយុគសម័យថ្មីមួយ ក្នុងនោះ មានហានិភ័យខ្ពស់ នៃសង្គ្រាម កម្រិតខ្លាំងដ៏ធំ កើតមានចំពោះប្រទេសបារាំង និងសម្ព័ន្ធមិត្តអឺរ៉ុប។ ឯកសានេះបានអះអាង ដោយចោទប្រកាន់ទីក្រុងមូស្គូ ពីការវាយប្រហារ តាមអ៊ីនធឺណិត, ជ្រៀតជ្រែកការបោះឆ្នោត រួមនឹង ការធ្វើឃាត ជាដើម ហើយទីក្រុងមូស្គូ ខិតខំប្រឹងប្រែង ពង្រីកទំនាក់ទំនង ជាមួយទ្វីបអាហ្រ្វិក អាមេរិកឡាទីន…