Author: Dol Pheakdey

(ភ្នំពេញ)៖ ក្រសួងបរិស្ថានតម្រូវឱ្យក្រុមហ៊ុន Tong Kang (Cambodia) Co., Ltd. បញ្ឈប់ដំណើរការឡដុតទាំងពីរទីតាំងក្នុងផលិតកម្មជាបន្ទាន់។ សូមបញ្ជាក់ថា ក្រុមហ៊ុន Tong Kang (Cambodia) Co., Ltd. ជាប្រភេទរោង​ចក្រផលិត គ្រឿងបង្គុំ-បន្ទាប់បន្សំ ស្បែកជើង ដែលមានអាសយដ្ឋានស្ថិតនៅភូមិធ្លក ឃុំជង្រុក ស្រុកគងពិសី ខេត្តកំពង់ស្ពឺ និងបានបង្កឱ្យមានការបំពុលខ្យល់សាធារណៈ និងធ្វើឱ្យប៉ះពាល់ដល់សុខភាពសាធារណៈ ដែលក្រសួងបរិស្ថាន បានរកឃើញ នៅ​ថ្ងៃ​ទី២១ ខែឧសភា ឆ្នាំ២០២៥ ដោយល្មើស ទៅនឹងមាត្រា ១៥៦ មាត្រា៣១២ មាត្រា៣១៣ មាត្រា៣១៤ មាត្រា៣១៦ នៃក្រមបរិស្ថាននិងធនធានធម្មជាតិ និងមាត្រា៥និងមាត្រា៨ នៃអនុក្រឹត្យលេខ ៤២ អនក្រ.បក ស្តីពី “ការត្រួតពិនិត្យការបំពុលខ្យល់ និងការរំខានដោយសំឡេង”។ ក្នុងន័យនេះ ដើម្បីការពារគុណភាពខ្យល់សាធារណៈ និងទប់ស្កាត់ការបំពុលខ្យល់ ប៉ះពាល់ដល់សុខភាពសាធារណៈ និងបរិស្ថានឱ្យខាងតែបាន ក្រសួង​បរិស្ថាន​សម្រេច ឱ្យក្រុមហ៊ុនបញ្ឈប់ដំណើរការ ឡដុតទាំងពីរទីតាំង ក្នុងផលិតកម្មជាបន្ទាន់ ទោះក្នុងរូបភាព ឬក្នុងគោលបំណងណាក៏ដោយ…

(ភ្នំពេញ)៖ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សា​អភិវឌ្ឍន៍​កម្ពុជា(ក.អ.ក.) និងជាប្រធានក្រុមការងារចំពោះកិច្ច​សម្របសម្រួល​ទំនាក់​ទំនងពាណិជ្ជកម្ម និងវិនិយោគទ្វេភាគីកម្ពុជា-សហរដ្ឋអាម៉េរិកបានថ្លែងថា លោក​ជំទាវ ចម និម្មល រដ្ឋមន្រ្តីក្រសួងពាណិជ្ជកម្មកំពុងចរចា កិច្ចព្រមព្រៀងពាណិជ្ជកម្ម​សេរី ជាមួយប្រទេសមួយចំនួនបន្ថែមទៀត។កម្ពុជាកំពុងពង្រីកទីផ្សារជាមួយបណ្តា​ប្រទេសផ្សេងៗទៀត ដោយយើងមិនបានពឹងផ្អែកតែទៅលើទីផ្សារតែមួយទេ។ គួរបញ្ជាក់ថាការលើកឡើងពីសំណាក់ ឧបនាយករដ្ឋមន្ត្រី ស៊ុន ចាន់ថុល បែបនេះធ្វើ​ឡើងក្នុងសន្និសីទសារព័ត៌មាននាសៀលថ្ងៃទី ៨ ខែ កក្កដា ឆ្នាំ ២០២៥ ឱ្យដឹងថា” យើងយកឱកាសនេះដើម្បីធ្វើប្រព្រឹត្តកម្ម សេដ្ចកិច្ចរបស់យើងផង យើងពង្រីកទីផ្សារ​ឱ្យបានច្រើនផង ជាពិសេសទីផ្សារធំៗដូចជាប្រទេសចិន” ។ ឧបនាយករដ្ឋមន្ត្រី ស៊ុន ចានថុល បានថ្លែងបញ្ជាក់ដែរថា”យើងបានចូលរួមកិច្ចប្រជុំ​ក្រោមអធិបតីភាព សម្តេចបវរធិបតី ហ៊ុន ម៉ាណែត ហើយនៅថ្ងៃខាងមុខយើង​នឹង​មាន​កិច្ចប្រជុំបន្ថែមទៀត ដើម្បីរកនីតិវិធីធ្វើយ៉ាងណានាំផលិតផល, កសិកផល​កសិកម្ម យើងទៅកាន់ទីផ្សារប្រទេសចិនឱ្យបានច្រើនបន្ថែមទៀត។នេះជាការងារ​ដែល​ក្រសួងពាណិជ្ជកម្មកំពុងធ្វើ ហើយយើងនឹងប្រជុំជាមួយសម្តេច បវរធិបតី នៅថ្ងៃទី១៦ខាងមុខ ដើម្បីពង្រីកទីផ្សារប្រទេសចិន។ យើងមានវិធានការសព្វគ្រប់​យ៉ាងអស់ហើយ”។ គួរបញ្ជាក់ថាសហរដ្ឋអាម៉េរិក បានទម្លាក់តម្លៃពន្ធជាមួយកម្ពុជាពី ៤៩ភាគរយ មក​នៅ​ត្រឹម ៣៦ភាគរយ ពោលគឺបានថយចុះចំនួន ១៣ភាគរយ…

(ភ្នំពេញ)៖ រដ្ឋបាលជលផល នៃក្រសួងកសិកម្ម រក្ខាប្រមាញ់ និងនេសាទ បាន​ប្រកាសពីការរៀបចំដេញថ្លៃឈ្នួលដាយត្រី នៅរាជធានីភ្នំពេញ ខេត្តកណ្តាល និង​ដាយត្រីលេញ ដាយបង្កង នៅខេត្តព្រៃវែង សម្រាប់ធ្វើអាជីវកម្ម ក្នុងរដូវនេសាទ​ឆ្នាំ២០២៥-២០២៦ និងឆ្នាំ២០២៦-២០២៧ ។ យោងតាមសេចក្តីជូន​ដំណឹង​របស់រដ្ឋបាលជលផល បានបញ្ជាក់ថា កាលបរិច្ឆេតនៃការរៀបចំដេញថ្លៃរួមមាន នៅខេត្តព្រៃវែង នឹងប្រព្រឹត្តទៅនៅថ្ងៃទី៣១ កក្កដា ២០២៥, រាជធានីភ្នំពេញ នៅថ្ងៃ​ទី១ ខែសីហា ២០២៥ និងនៅខេត្តកណ្តាលនៅថ្ងៃទី៨ ខែសីហា ឆ្នាំ២០២៥ ។ នៅក្នុងលិខិតដដែល បានបញ្ជាក់ទៀតថា ពលរដ្ឋគ្រប់រូប មានសិទ្ធិចូលរួមដេញថ្លៃ​ដាយត្រី នៅរាជធានីភ្នំពេញ ខេត្តកណ្តាល និងដាយត្រីលេញ និងដាយបង្កង នៅ​ខេត្តព្រៃវែង ដោយត្រូវដាក់ពាក្យសុំដេញថ្លៃធ្វើអាជីវកម្ម ឲ្យបាន១០ថ្ងៃ មុនកាល​បរិច្ឆេទដេញថ្លៃ នៅខណ្ឌរដ្ឋបាលជលផលព្រៃវែង ខណ្ឌរដ្ឋបាលជលផលកណ្តាល និងខណ្ឌរដ្ឋបាលជលផលភ្នំពេញ ដែលត្រូវដាក់ពាក្យស្នើសុំនៅតាមមន្ទីរកសិកម្ម រុក្ខាប្រមាញ់ និងនេសាទ រាជធានី- ខេត្តនីមួយៗ។ ដោយឡែក ចំពោះមន្ត្រីរាជការ មិនអនុញ្ញាតឱ្យដាក់ពាក្យស្នើសុំដេញថ្លៃឡើយ ។ នៅទន្ទឹមនឹងគ្នានោះ…

សេអ៊ូល ៖ poរដ្ឋាភិបាលកូរ៉េខាងត្បូងកំពុងចាប់ផ្តើមកម្មវិធីផ្តល់សាច់ប្រាក់ដល់ប្រជាជនទូទាំងប្រទេស ជាការលើកទឹកចិត្តមួយដែលក្រុមមន្ត្រីពណ៌នាថា ជា “ប័ណ្ណសាច់ប្រាក់សម្រាប់ប្រើប្រាស់” បង្កើនការចំណាយក្នុងស្រុក និងជំរុញកំណើនសេដ្ឋកិច្ចដែលដាំក្បាលចុះ ស្ទុះងើបឡើងវិញ នេះបើតាមសារព័ត៌មាន Korea Herald ចេញផ្សាយនៅថ្ងៃទី៦ ខែកក្កដា។ យោងតាមសារព័ត៌មាន RT, គំនិតផ្តួចផ្តើមនេះគឺជាផ្នែកមួយនៃកញ្ចប់ថវិកាបន្ថែមទំហំ ២៣.៣ពាន់លានដុល្លារ ដែលត្រូវបានអនុម័តដោយរដ្ឋសភាកូរ៉េខាងត្បូង កាលពីថ្ងៃសុក្រសប្តាហ៍មុន។ កម្មវិធីនេះទៀតសោត គ្រោងនឹងចាប់ផ្តើមដាក់ដំណើរការចាប់ពីថ្ងៃទី២១ ខែកក្កដា ហើយបន្តរហូតដល់ថ្ងៃទី១២ ខែកញ្ញាខាងមុខ។ អនុរដ្ឋមន្ត្រីមហាផ្ទៃកូរ៉េខាងត្បូង លោក Kim Min-jae ដែលដឹកនាំក្រុមការងារអន្តរកម្មត្រួតពិនិត្យគំនិតផ្តួចផ្តើមនេះ បានបញ្ជាក់យ៉ាងដូច្នេះថា យើងនឹងធានាដល់ដំណើរការទូទាត់លុយឱ្យមានភាពហ្មត់ចត់ ដូច្នេះលុយទាំងនោះនឹងអាចបម្រើជាកាតាលីករ លើកស្ទួយក្បាលម៉ាស៊ីនសេដ្ឋកិច្ចស្ទុះងើបឡើងវិញ តាមរយៈការជំរុញការប្រើប្រាស់ និងគាំទ្រប្រជាជនមានចំណូលទាប។ ការទូទាត់ជុំលើកដំបូង ប្រជាពលរដ្ឋទាំងអស់ដែលរស់នៅក្នុងប្រទេសកូរ៉េខាងត្បូង គិតចាប់ពីថ្ងៃទី១៨ ខែមិថុនាតទៅ នឹងទទួលបានលុយ ១១០ដុល្លារពីគំនិតផ្តួចផ្តើមនេះ។ ការចែកលុយនេះ នឹងធ្វើឡើងតាមរយៈប័ណ្ណឥណទាន ឬឥណពន្ធ, កាតបង់ប្រាក់ជាមុន ឬវិញ្ញាបនបត្រអំណោយដែលចេញដោយរដ្ឋាភិបាលក្នុងតំបន់។ ហើយលុយជំនួយបន្ថែមនឹងកំណត់គោលដៅផ្តល់ជូនដល់ក្រុមជនងាយរងគ្រោះ។ ការទូទាត់ជុំទីពីរ នឹងចាប់ផ្តើមដំណើរការពីថ្ងៃទី២២ ខែកញ្ញា ដល់ថ្ងៃទី៣១ ខែតុលាខាងមុខ ដែលនឹងផ្តល់លុយ ៧៣ដុល្លារ…

(កំពង់ស្ពឺ)៖ កម្ពុជា គ្មានបំណងលុបចោលការប្រឡង បាក់ឌុប នោះទេ ។ កម្ពុជា នៅតែបន្តអនុវត្តការប្រឡង ដើម្បីពង្រឹងសមត្ថភាពសិស្ស ។ កម្ពុជា អាចបំបាត់ការ​ប្រឡង​បាក់ឌុបបាន លុះត្រាតែការពង្រឹងការសិក្សារបស់សិស្ស មានប្រសិទ្ធិភាព​ចាប់​ពីថ្នាក់បឋមឡើងទៅ ។ នេះជាការគួសបញ្ជាក់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងពិធីសម្ពោធដាក់ឱ្យប្រើប្រាស់ជាផ្លូវការ អគារសិក្សា ផ្ទះគ្រូបង្រៀន ទីចាត់ការ និងសមិទ្ធផលនានា ក្នុងខេត្តកំពង់ស្ពឺ នាព្រឹកថ្ងៃទី០៨ ខែកក្កដា ឆ្នាំ២០២៥ នៅភូមិក្រាំងពន្លៃ សង្កាត់វាំងចាស់ ក្រុងឧត្តុង្គម៉ែជ័យ ដែលសមិទ្ធផលនេះ ជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ។ សម្ដេចធិបតី ថ្លែងដូច្នេះថា ការប្រលង​បាក់​ឌុបនេះ នៅប្រទេសខ្លះ មិនមានទេ ដូចជានៅអាមេរិក មិនមានទេ ដោយគេយក​ពិន្ទុ​ឆមាស ប្រចាំឆ្នាំ ហើយគេឱ្យជាប់ តែនៅកម្ពុជា ការប្រលងមួយៗ គឺជាការធ្វើតេស្ត​ដើម្បីកំណត់និយាម ហើយវាយតម្លៃ…

វ៉ាស៊ីនតោន ៖ លោក Marco Rubio នឹងហោះហើរបោះពួយសំដៅឆ្ពោះទៅកាន់តំបន់អាស៊ីជាលើកដំបូង ចាប់តាំងពីចូលកាន់តំណែងជារដ្ឋមន្រ្តីការបរទេសអាមេរិកផ្លូវការ ហើយដំណើរទស្សនកិច្ចក្នុងសប្តាហ៍នេះ លោកគ្រោងឈប់សំចតនៅប្រទេសម៉ាឡេស៊ី ដើម្បីចូលរួមកិច្ចប្រជុំជាមួយសម្ព័ន្ធមិត្តអាស៊ាន។ ការិយាល័យរដ្ឋមន្រ្តីការបរទេសអាមេរិក បាននិយាយនៅថ្ងៃទី៧ ខែកក្កដាថា លោក Rubio ដែលបច្ចុប្បន្នកាន់មុខតំណែងជាទីប្រឹក្សាសន្តិសុខអាមេរិកជាតិផងនោះ នឹងចាប់ផ្តើមដំណើរទស្សនកិច្ចរបស់គាត់ នៅក្នុងថ្ងៃអង្គារនេះតែម្តង ជាមួយនឹងការផ្តល់អទិភាពចម្បងលើគោលនយោបាយអាមេរិកនៅអាស៊ី។ ការបំពេញទស្សនកិច្ចរបស់ប្រមុខការទូតកំពូលអាមេរិកវ័យ ៥៤ឆ្នាំរូបនេះ កើតឡើងប៉ុន្មានខែបន្ទាប់ពីរដ្ឋបាលលោកប្រធានាធិបតី Donald Trump ផ្តោតសំខាន់តែទៅលើសង្គ្រាមនៅអ៊ុយក្រែន និងមជ្ឈិមបូព៌ា។ អ្នកនាំពាក្យក្រសួងការបរទេសអាមេរិក លោកស្រី Tammy Bruce បាននិយាយនៅក្នុងសេចក្តីថ្លែងការណ៍ថា អំឡុងដំណើរទស្សនកិច្ចលើកដំបូងរបស់គាត់ទៅកាន់តំបន់អាស៊ី ក្នុងនាមជារដ្ឋមន្ត្រីការបរទេស លោក Rubio នឹងផ្តោតសំខាន់លើការបញ្ជាក់ឡើងវិញ ពីការប្តេជ្ញាចិត្តរបស់សហរដ្ឋអាមេរិក ក្នុងការជំរុញឱ្យតំបន់ឥណ្ឌូ-ប៉ាស៊ីហ្វិក សេរី បើកចំហ និងសុវត្ថិភាព។ ប្រភពបានបង្ហើបឱ្យដឹងថា នៅពេលឈប់សំចតក្នុងទីក្រុងគូឡាឡាំពួ នៅថ្ងៃព្រហស្បតិ៍ និងថ្ងៃសុក្រសប្តាហ៍នេះ ជាទីដែលលោក Rubio នឹងជួបជាមួយរដ្ឋមន្រ្តីការបរទេសរុស្ស៊ី លោក Sergei Lavrov ព្រមទាំងប្រមុខការទូតចិន លោក Wang Yi៕…

ភ្នំពេញ៖ព្រះករុណាព្រះបាទសម្តេចព្រះបរមនាថ នរោត្តមសីហមុនី ព្រះមហាក្សត្រនៃ ព្រះរាជាណាចក្រកម្ពុជា​មានព្រះរាជ​បន្ទូលថា ការចុះតំបន់ប្រាសាទសំបូរទៅ ក្នុងបញ្ជីបេតិកភណ្ឌពិភពលោកបាន​ធ្វើឱ្យព្រះរាជាណា​ចក្រកម្ពុជា បើក​នូវទំព័រ ប្រវត្តិសាស្ត្រថ្មីមួយទៀត ដែលពិភពលោកព្រមទទួលស្គាល់សម្បត្តិវប្បធម៌ ប្រវត្តិសាស្ត្រ ជាកេរដំណែលដ៏​អស្ចារ្យរបស់បុព្វបុរសខ្មែរ បន្សល់ទុកសម្រាប់ មនុស្សជាតិជំនាន់ក្រោយដើម្បីថែរក្សា​បន្ត ។ ព្រះរាជសារ អបអរសាទរខួបជាប្រវត្តិសាស្ត្រ៨ឆ្នាំនៃការចុះបញ្ជីតំបន់ប្រាសាទ សំបូរព្រៃគុកជាសម្បត្តិបេតិ​កភណ្ឌ​ពិភព​លោក៨កក្កដាព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រ បានគូសរំលេចថា ទូលព្រះបង្គំខ្ញុំ ព្រះករុណាខ្ញុំ សូមកោតសរសើរដ៏ស្មោះចំពោះការ​ចុះបញ្ជីតំបន់​ប្រាសាទសំបូរ ព្រៃគុកជាសម្បត្តិ​បេតិកភណ្ឌពិភពលោក ។ ជាសម្បត្តិវប្បធម៌ជាតិ ផងនិងជាបេតិកភណ្ឌ​ពិភពលោក​ផង ។ការចុះ​បញ្ជីនេះជួយ​ថែរក្សានិងអភិរក្ស ប្រាសាទសំបូរព្រៃគុក ឱ្យបានស្ថិតស្ថេរគង់វង្សនិងប្រកបដោយចីរភាព នៅលើទឹក ដីនៃព្រះរាជាណា​ចក្រកម្ពុជា ។ការចុះបញ្ជីនេះបាន​ធ្វើឱ្យព្រះរាជាណាចក្រកម្ពុជា បើកនូវទំព័រប្រវត្តិសាស្ត្រ​ថ្មីមួយទៀត ដែលពិភពលោកព្រមទទួលស្គាល់សម្បត្តិវប្បធម៌ ប្រវត្តិសាស្ត្រ ជាកេរដំណែលដ៏អស្ចារ្យរបស់​បុព្វបុរស​ខ្មែរ បន្សល់ទុក​សម្រាប់ មនុស្សជាតិជំនាន់ក្រោយដើម្បីថែរក្សា​បន្ត ។ ព្រះករុណាព្រះមហាក្សត្របានបន្តថា “ទូលព្រះបង្គំខ្ញុំ ព្រះករុណាខ្ញុំ សូមសម្តែង នូវកតញ្ញូតា​ធម៌ដ៏ខ្ពង់​ខ្ពស់បំផុត ចំពោះ ព្រះរាជតម្រិះ ព្រះករុណា ” ព្រះបរមរតនកោដ្ឋ ” ជាទីគោរពសក្ការៈដ៏ខ្ពង់ខ្ពស់បំផុត ដែលព្រះអង្គបានយក​ព្រះទ័យ ទុកដាក់ជានិច្ច…

តេហេរ៉ង់ ៖ លោកប្រធានាធិបតីអ៊ីរ៉ង់ Masoud Pezeshkian នៅក្នុងបទសម្ភាសន៍មួយ ដែលចេញផ្សាយកាលពីថ្ងៃចន្ទ បានចោទប្រកាន់អ៊ីស្រាអែលប៉ុនប៉ងធ្វើឃាតរូបលោក ក្នុងអំឡុងពេលផ្ទុះសង្គ្រាមរយៈពេល១២ថ្ងៃកាលពីខែមុន។ ឆ្លើយតបសំណួររបស់អ្នកកាសែតជើងចាស់អាមេរិក លោក Tucker Carlson ថាតើគាត់ជឿថា អ៊ីស្រាអែលបានព្យាយាមសម្លាប់គាត់ដែរឬទេ? លោកប្រធានាធិបតី Pezeshkian បាននិយាយថា បាទ… អ៊ីស្រាអែលពិតជាបានព្យាយាមធ្វើឃាតលោក ប៉ុន្តែពួកគេបានបរាជ័យ។ លោកប្រធានាធិបតី Pezeshkian បន្ថែមថា ខ្ញុំកំពុងនៅក្នុងកិច្ចប្រជុំមួយ… ពួកគេបានព្យាយាមទម្លាក់គ្រាប់បែកលើទីតាំងដែលយើងកំពុងរៀបចំកិច្ចប្រជុំនោះ។ លោកថា ចំពោះរឿងនេះ អាមេរិកមិនមែនជាអ្នកនៅពីក្រោយការប៉ុនប៉ងធ្វើឃាតលោកទេ វាគឺជាការសម្រេចចិត្តរបស់អ៊ីស្រាអែលខ្លួនឯងផ្ទាល់។ ការអះអាងបែបនេះរបស់លោកប្រធានាធិបតី Pezeshkian កើតឡើងតិចជាងមួយខែបន្ទាប់ពីអ៊ីស្រាអែលបានចាប់ផ្តើមយុទ្ធនាការទម្លាក់គ្រាប់បែកទ្រង់ទ្រាយធំមិនធ្លាប់មានពីមុនមកនៅថ្ងៃទី១៣ ខែមិថុនា ប្រឆាំងនឹងអ៊ីរ៉ង់ ដោយបានសម្លាប់មេបញ្ជាការយោធាកំពូលៗ និងអ្នកវិទ្យាសាស្ត្រនុយក្លេអ៊ែររបស់អ៊ីរ៉ង់ជាច្រើន។ ហើយសង្រ្គាមរយៈពេល១២ថ្ងៃរវាងអ៊ីរ៉ង់ និងអ៊ីស្រាអែលនេះ អាមេរិកក៏បានលូកដៃចូលដោយផ្ទាល់ផងដែរ ដោយបានបើកការវាយប្រហារលើរោងចក្រនុយក្លេអ៊ែរអ៊ីរ៉ង់ចំនួន៣កន្លែង មានដូចជា Fordo, Isfahan និង Natanz។ ក្រោយមក ក៏មក៏មានបទឈប់បាញ់រវាង អ៊ីរ៉ង់ និនិងអ៊ីស្រាអែលចាប់ តាំង ពី ថ្ងៃ ទី២៤ ខែមិថុនា៕

បរទេស ៖ លោក មហាសេដ្ឋី Elon Musk បានឲ្យដឹង កាលពីថ្ងៃអាទិត្យ ទី៦ ខែកក្កដា ថា លោកនឹងដឹកនាំគណបក្សថ្មី America Party ប្រជែង តតាំងជាមួយ លោកប្រធានាធិបតី Donald Trump ពោលគឺបន្ទាប់ពីសម្ព័ន្ធមិត្តដ៏ជិតស្និតនឹងគ្នា ទាំងពីរនាក់ បានផ្ទុះសង្គ្រាមពាក្យសម្តី ជាមួយគ្នា នេះបើតាមការចេញផ្សាយរបស់ទីភ្នាក់ងារព័ត៌មាន CNN។ លោក Elon Musk បានអះអាង តាមរយៈវេទិកាប្រព័ន្ធផ្សព្វផ្សាយសង្គម X ថា មូលហេតុ នៃការបង្កើតគណបក្សថ្មីនេះ គឺដោយសារតែ សហរដ្ឋអាមេរិក កំពុងចាយខ្ជះខ្ជាយ, មានអំពើពុករលួយ ហើយប្រជាជនរស់នៅក្នុងប្រព័ន្ធបក្សតែមួយ មិនមែនជាលទ្ធិប្រជាធិបតេយ្យ ហើយបក្សថ្មីនេះ នឹងនាំមកនូវសេរីភាពឡើងវិញ សម្រាប់ពលរដ្ឋអាមរិក។ បុរសមានដើមកំណើត នៅអាហ្វ្រិកខាងត្បូង រូបនេះ បានឲ្យដឹងផងដែរថា គណបក្ស America Party នឹងក្លាយជាកម្លាំងនយោបាយសកម្ម ក្នុងអំឡុងពេលការបោះឆ្នោត ពាក់កណ្តាលអាណត្តិ នៅឆ្នាំក្រោយ ហើយអះអាងថា…