Author: Dol Pheakdey

លោក Donald Trump មកពីគណបក្សសាធារណរដ្ឋបាននិយាយថា លោកនឹងមិនឈរឈ្មោះប្រជែងតំណែងប្រធានាធិបតីអាមេរិកជាលើកទីបួនជាប់ៗគ្នាទៀតនោះទេ ប្រសិនបើលោកចាញ់ការបោះឆ្នោតនៅថ្ងៃទី០៥ ខែវិច្ឆិកា ខាងមុខនេះ ដោយនិយាយថា «នេះជាលើកចុងក្រោយហើយ» នៅក្នុងបទសម្ភាសន៍មួយដែលបានចេញផ្សាយកាលពីថ្ងៃអាទិត្យ (២២ កញ្ញា)។ នៅពេលត្រូវសាកសួរថា តើលោកមើលឃើញខ្លួនឯងឈរឈ្មោះបោះឆ្នោតម្តងទៀតឬទេក្នុងរយៈពេល ៤ឆ្នាំខាងមុខ ប្រសិនបើលោកមិនទទួលបានជោគជ័យក្នុងកិច្ចប្រឹងប្រែងជាលើកទី៣ជាប់ៗគ្នាសម្រាប់តំណែងសេតវិមាន លោកអតីតប្រធានាធិបតីវ័យ ៧៨ឆ្នាំរូបនេះ បានប្រាប់កម្មវិធីទូរទស្សន៍មួយថា «ទេខ្ញុំមិនឈរឈ្មោះទៀតទេ។ ខ្ញុំគិតថានេះនឹងក្លាយជាលើកចុងក្រោយហើយ។ សង្ឃឹមថាយើងនឹងទទួលបានជោគជ័យទៅចុះ»។ លោក Trump ប្រឈមមុខនឹងការប្រកួតប្រជែងដ៏តឹងតែងមួយប្រឆាំងនឹងអនុប្រធានាធិបតីអាមេរិកខាងគណបក្សប្រជាធិបតេយ្យ លោកស្រី Kamala Harris ជាមួយនឹងការស្ទង់មតិបង្ហាញបេក្ខភាពទាំងពីររូបតាមពីក្រោយគ្នាយ៉ាងប្រកៀកប្រកិតនៅក្នុងរដ្ឋប្រទាញប្រទង់សំខាន់ៗដែលទំនងជាអាចកំណត់អ្នកឈ្នះ ខណៈលោកស្រី Harris ហាក់ទទួលបានសន្ទុះគាំទ្រខ្លាំងជាងក្នុងការស្ទង់មតិទូទាំងប្រទេស។ លោក Trump បានចាប់ផ្តើមកិច្ចប្រឹងប្រែងបោះឆ្នោតឡើងវិញជាលើកដំបូងរបស់លោកសម្រាប់ការបោះឆ្នោតឆ្នាំ២០២០ នៅថ្ងៃតែមួយដែលលោកឡើងកាន់តំណែងកាលឆ្នាំ២០១៧ ហើយបានប្រកាសកិច្ចប្រឹងប្រែងបោះឆ្នោតឡើងវិញចុងក្រោយបង្អស់របស់ខ្លួនក្នុងតំណែងសេតវិមានកាលពី ២ឆ្នាំមុនក្នុងខែវិច្ឆិកា ឆ្នាំ២០២២។ លោកស្រី Harris វ័យ ៥៩ឆ្នាំ បានហៅការប្រកួតប្រជែងនេះថាជាពេលវេលាដ៏សំខាន់សម្រាប់លទ្ធិប្រជាធិបតេយ្យរបស់សហរដ្ឋអាមេរិក៕

តាមរយៈសារពិសេសនាព្រឹកព្រលឹម ថ្ងៃទី២៣ ខែកញ្ញា ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសថា ទោះកម្ពុជាបានបិទបញ្ចប់កិច្ចសហប្រតិបត្តិការ CLV-DTAក្តី ក៏រាជរដ្ឋាភិបាលនៅបន្តខិតខំកសាង និងអភិវឌ្ឍន៍នៅតំបន់ភូមិភាគឦសានក៏ដូចជាការធានានូវកិច្ចការពារទឹកដី និងអធិបតេយ្យភាពរបស់ខ្លួនដដែល ដើម្បីឆ្លើយតបទៅនឹងការចង់បានបរបស់ប្រជាពលរដ្ឋ ជាពិសេសពលរដ្ឋដែលកំពុងរស់នៅតំបន់ភូមិភាគឦសាននេះតែម្តង។ សម្តេចធិបតី ហ៊ុន ម៉ាណែត បានបញ្ជាក់បន្ថែមទៀតថា ការបន្តអនុវត្តន៍គោលនយោ បាយជំរុញការអភិវឌ្ឍភូមិភាគឦសានរបស់កម្ពុជា គឺនៅរក្សាដដែលដោយគ្មានការប្រែប្រួល នោះឡើយ ដោយរួមទាំងការបោះបង្គោលព្រំដែន ជាមួយប្រទេសជិតខាង ការកសាងហេដ្ឋា រចនាសម្ព័ន្ធតភ្ជាប់ ជាពិសេសនោះគឺផ្លូវក្រវាត់ព្រំដែន និងការដាក់ចេញនូវកញ្ចប់លើកទឹកចិត្ត និងជំរុញការអភិវឌ្ឍខេត្តនៅតំបន់ភូមិភាគឦសានគឺនៅបន្តធ្វើដដែល។ ទាក់ទងនឹងដំណើរកម្សាន្តរបស់បងប្អូនប្រជាពលរដ្ឋនៅរៀងរាល់ចុងសប្តាហ៍ ដោយ ឥតគិតថ្លៃទៅខេត្តតំបន់ភូមិភាគឦសាន ដែលបានផ្តួចផ្តើមឡើងដោយសម្តេចធិបតី នាយករដ្ឋមន្រ្តីកាលពីកន្លងទៅនោះ ត្រូវបានសម្តេចធិបតី បញ្ជាក់ថា នៅរក្សាដដែលដូចការគ្រោងទុក របស់រាជរដ្ឋាភិបាល។ សម្តេចធិបតី ហ៊ុន ម៉ាណែត បានបញ្ជាក់ថា «ការរៀបចំដំណើរទស្សនកិច្ចនៅខេត្តតំបន់ភូមិភាគឦសាននៅរាល់ ចុងសប្តាហ៍ចន្លោះពីខែកញ្ញារហូតដល់ចុងឆ្នាំ២០២៤ គឺនៅបន្តរក្សាដដែល បើទោះបីជាពេល នេះកម្ពុជាបានបញ្ចប់កិច្ចសហប្រតិបត្តិការ CLV-DTAក្តី»។ ការប្រកាសបន្តនូវយុទ្ធនការដឹកពលរដ្ឋដោយឥតគិតថ្លៃនេះ គឺដើម្បីឲ្យបងប្អូនប្រជាពលរដ្ឋមានឱកាសបានទៅទស្សនាដោយភ្ទាល់ នូវការអភិវឌ្ឍជាក់ស្តែងនៅតាមបណ្តោយព្រំដែនរបស់ប្រទេសកម្ពុជា៕អត្ថបទបាន ចក់

យោងតាមនាយកដ្ឋានជលសាស្ត្រ និងការងារទន្លេ បានអោយដឹងនៅថ្ងៃទី២៣ ខែកញ្ញានេះ ការវាស់កំពស់ទឹកនៅទន្លេមេគង្គ-ខេត្តកំពង់ចាមឃើញមានការកើនឡើងចំនួន ០,១៨ម៉ែត្រ។ ការកើនកំពស់នេះបានធ្វើអោយកំពស់ទឹកឡើងដល់ ១៣,​៧៦ម៉ែត្រ។ ដោយឡែកនៅស្ថាននីយជលសាស្ត្រ ផ្សេងៗទៀតក៏មានការឡើងកំពស់ទឹកដែរ។ ដូចជា នៅស្ថាននីយជលសាស្ត្រ ទន្លេបាសាក់ចតុមុខ បានឡើងកំពស់ចំនួន ០,១១ម៉ែត្រ ធ្វើអោយកំពស់ទឹកឡើងដល់ ៨,៨១ម៉ែត្រ៕ ដោយ ធូ កុសល MoINFO APP

ដំណើរទស្សនកិច្ចសិក្សារបស់ប្រជាពលរដ្ឋស្ម័គ្រចិត្ត មកកាន់ទិសឦសាន ដោយឥតគិតថ្លៃ ជើង​ទី៣ ត្រូវបានរៀបចំឡើងនៅថ្ងៃទី២១ ខែកញ្ញា ឆ្នាំ២០២៤ ដោយមានអ្នកចូលរួមជាង ៦០០ នាក់​​មកពីរាជធានីភ្នំពេញ ខេត្តតាកែវ ខេត្តកំពង់ស្ពឺ និងខេត្តព្រះវិហារ។ ជាដំណើរទស្សនកិច្ចដ៏មានសារៈសំខាន់ដើម្បីឱ្យសាធារណជនបានឃើញការស្វែងយល់ពីអធិបតេយ្យ​ភាពជាតិ និងបូរណភាពទឹកដី ការបោះបង្គោលព្រំដែន និងការកសាង​ហេដ្ឋា​រចនា​សម្ព័ន្ធ​នានា​នៅ​តាមខេត្តជាប់ព្រំដែន។ ក្នុងតម្រាយផ្លូវទស្សនកិច្ចក្នុងភូមិសាស្ត្រខេត្តត្បូងឃ្មុំ ខេត្តក្រចេះ និងខេត្តមណ្ឌលគិរី នេះ អ្នក​ចូល​រួម​ទាំង​អស់មានឱកាសអញ្ជើញទៅពិនិត្យ​មើលដោយផ្ទាល់​នូវបង្គោល​ព្រំដែន​នៅ​ក្នុង​ទីតាំង​ចំនួ​ន​៧ ទីតាំង ដែលជាទីតាំងបង្គោលមេ ព្រម​ទាំងអញ្ជើញទៅពិនិត្យ​មើល​ដោយ​ផ្ទាល់​នូវ​ទីតាំង​បង្គោល​សំខាន់ៗផ្សេងៗទៀត ដែលជាទីតាំងបង្គោលបំពេញបន្ថែម និងទីតាំង​បង្គោល​តម្រុយ​ព្រំដែន​។ ក្រៅពីដំណើរទស្សនកិច្ចរៀបចំដោយរដ្ឋាភិបាលក៏មានការរៀបចំដោយក្រសួងស្ថាប័នអង្គភាព និង​ក្រុមហ៊ុនឯកជននានាដើម្បីឱ្យមន្ត្រី និងបុគ្គលិករបស់ខ្លួនបានស្គាល់ច្បាស់ពីទឹកដី ដោយ​មិន​លង់​ក្នុង​ការ​បោកប្រាស់ និងការបំភ្លៃរបស់ក្រុមជ្រុលនិយមមួយក្តាប់តូច​ដែលតែងតែ​យក​បញ្ហា​ព្រំដែន និង​ទឹក​ដីមកបន្លាច និងបង្កចលាចលសង្គម។ ដំណើរទស្សន​កិច្ចប៉ែកឦសាននេះ គឺជាសក្ខីកម្មរស់ដោយប្រជាពលរដ្ឋ ស្តីពីការពិត និង​ស្ថាន​ភាព​ជាក់​ស្តែងនៃការងារព្រំដែន ការគ្រប់គ្រងនិងការពារទឹកដី របស់រាជរដ្ឋាភិបាលកម្ពុជា។ ប្រជា​ពលរដ្ឋ​កម្ពុជា​ច្រើនឡើងៗ ជាពិសេសអ្នក​ដែលបាន​ទៅ​ដល់​តំបន់​ក្រវាត់​ព្រំដែន​ដោយ​ផ្ទាល់​រួច​ហើយ បានចែករំលែកបទពិសោធន៍​ល្អអំពី​ដំណើរ​ទស្សន​កិច្ច​នេះ​ដែល​ពោរពេញ​ដោយ​ការ​ផ្តល់​នូវ​ចំណេះ​ដឹង និងភាពសប្បាយរីករាយ ជាពិសេសការបង្ក​ឱកាស​បង្កើន​សាមគ្គីភាព​ជាតិ​កម្ពុជា​ឱ្យ​កាន់​តែរឹ​ងមាំ សម្រាប់ចូលរួមថែរក្សាបូរណភាពទឹកដីឱ្យស្ថិតនៅគង់វង្សជាដរាបមិនឱ្យបាត់សូម្បី ១មីលីម៉ែត្រឡើយ។ ជាងនេះទៀត សកម្មភាពនៃដំណើរទស្សនកិច្ចដែលទទួលបានការសាទរពីប្រជាពលរដ្ឋ និង​យុវជន​ទាំង​អស់ដែលបានចូលរួម ត្រូវបានផ្សព្វផ្សាយ​យ៉ាង​ទូលំ​ទូលាយ​ទាំង​ក្នុង​និង​ក្រៅ​ប្រទេស​កម្ពុជា ហើយត្រូវបានចាត់ទុកជាដំណើរទស្សនកិច្ចកម្រនិងមានសារៈសំខាន់។ ដំណើរ​ទស្សន​កិច្ច​នេះ​បាន​ក្លាយជាសាក្សីរស់ដ៏សំខាន់បញ្ជាក់ពីភាពច្បាស់លាស់ប្រាកដប្រជា និងឆន្ទៈ​មុះមុត​របស់​រាជ​រដ្ឋាភិបាលកម្ពុជាក្នុងការបន្តបេសកកម្ម ដើម្បីការពារអធិបតេយ្យភាពជាតិ…

អ៊ីស្រាអែល បានសម្លាប់មេបញ្ជាការជាន់ខ្ពស់មួយរូបរបស់ក្រុមហេសប៊ូឡា និងឥស្សរជនជាន់ខ្ពស់ជាច្រើនទៀតនៅក្នុងចលនាលីបង់ អំឡុងការវាយប្រហារតាមច្រកអាកាសរបស់ពួកគេ លើតំបន់ជាយក្រុង Beirut ។ យោធាអ៊ីស្រាអែល និងប្រភពសន្តិសុខនៅលីបង់ បានឲ្យដឹងថា លោក Ibrahim Aqil ត្រូវបានសម្លាប់ នៅក្នុងការវាយប្រហារតាមច្រកអាកាស។ មុននេះ អ្នកសម្របសម្រួលក្រុមប្រឹក្សាសន្តិសុខជាតិអាមេរិកទទួលបន្ទុកទំនាក់ទំនងយុទ្ធសាស្ត្រ លោក John Kirby បាននិយាយក្នុងអំឡុងសន្និសីទសារព័ត៌មានតាមអ៊ីនធឺណិតជាមួយក្រុមអ្នកសារព័ត៌មានថា អ៊ីស្រាអែល មិនបានជូនដំណឹងដល់សហរដ្ឋអាមេរិកជាមុនអំពីចេតនារបស់ខ្លួន ក្នុងការវាយប្រហារលើទីក្រុង Beirut នោះឡើយ ។ នៅកន្លែងកើតហេតុនៃការវាយប្រហារ ឃើញអគារផ្ទះល្វែងរកការខូចខាត រថយន្តគ្របដណ្តប់ដោយកម្ទេចកម្ទី ហើយក្រុមជួយសង្រ្គោះ និងគ្រឿងចក្រ កំពុងចុះប្រតិបត្តិការជួយសង្រ្គោះ កាលពីព្រឹកថ្ងៃសៅរ៍ ។ មនុស្សយ៉ាងហោច ៣១នាក់ ត្រូវបានសម្លាប់នៅក្នុងការវាយប្រហារនេះ ។ រដ្ឋមន្រ្តីក្រសួងការពារជាតិអ៊ីស្រាអែលលោក Yoav Gallant និយាយនៅក្នុងសប្តាហ៍នេះថា អ៊ីស្រាអែលបើកដំណាក់កាលថ្មីនៃសង្រ្គាមនៅតំបន់ព្រំដែនភាគខាងជើងរបស់ខ្លួន ។ លោកបាននិយាយនៅក្នុងសារបង្ហោះលើបណ្តាញព័ត៌មានសង្គម Xថា វិធានការជាបន្តបន្ទាប់នៅក្នុងដំណាក់កាលថ្មី នឹងបន្តរហូតដល់សម្រេចបានគោលដៅរបស់ពួកយើង ហើយនិងការវិលត្រឡប់ទៅផ្ទះវិញដោយសុវត្ថិភាពរបស់ប្រជាពលរដ្ឋនៅតំបន់ភាគខាងជើង ។ សូមបញ្ជាក់ថា មនុស្សរាប់ម៉ឺននាក់ បានជម្លៀសចេញពីផ្ទះសម្បែងរបស់ពួកគេនៅតំបន់ព្រំដែនទាំងនៅលីបង់ និងអ៊ីស្រាអែល…

ភ្នំពេញ៖ លោក ឆាយ ហុង ព្រះរាជអាជ្ញារង និងជានាំពាក្យនៃអយ្យការអមសាលាដំបូងរាជធានីភ្នំពេញ បានប្រាប់នៅរសៀលថ្ងៃទី២១ ខែកញ្ញា ឆ្នាំ២០២៤ ឲ្យដឹងថា ពាក់ព័ន្ធករណី ជនជាតិចិន៣នាក់ដកអាវុធកំរាមជនជាតិចិនដូចគ្នា នៅក្នុងខុនដូរស្តារស៊ីធី ត្រូវបានតំណាងអយ្យការបើកការស៊ើបសួរ ពីបទ កាន់កាប់អាវុធដោយគ្មានការអនុញ្ញាត រក្សាទុកដោយខុសច្បាប់នូវសារធាតុញៀន និងប្រើប្រាស់ដោយខុសច្បាប់នូវសារធាតុញៀន។ គួរំលឹកផងដែរ កាលពីរសៀលថ្ងៃទី១៦ ខែ កញ្ញា ឆ្នាំ២០២៤ កម្លាំងនគរបាលខណ្ឌសែនសុខសហការជាមួយនគរបាលប៉ុស្តិ៍អូរបីក្អមឃាត់ខ្លួន ជនជាតិចិន៣នាក់ពាក់ព័ន្ធករណីដកកាំភ្លើងគំរាមជនជាតិចិនដូចគ្នា និងអំពើ ជួញដូរដោយខុស ច្បាប់នូវសារធាតុញៀន នៅចំណុចខុនដូរស្តារស៊ីធី បន្ទប់លេខ១១២៥ ជាន់ទី១១ អគារទី៧ តាមមហាវិថីសហព័ន្ធរុស្សី ក្នុងភូមិទ្រុងមាន់ សង្កាត់អូរបែកក្អម ខណ្ឌសែនសុខ រាជធានីភ្នំពេញ។ ជនសង្ស័យដែលត្រូវឃាត់ខ្លួន១,ឈ្មោះ ស៊ី មីងយ៉ុង (SHI MING YUNG) ភេទប្រុស អាយុ៣៣ឆ្នាំ ជនជាតិចិន មុខរបរ អន ឡាញ (ឃាត់ខ្លួន មានសារធាតុញៀន) , ២.ឈ្មោះ វែង ជីន…

ក្រុមអ្នកតវ៉ា និងសកម្មជនបរិស្ថាន បាននាំគ្នាចេញធ្វើបាតុកម្មក្នុងទីក្រុង Rio de Janeiro និងទីក្រុង Brasilia កាលពីថ្ងៃសុក្រ ដើម្បីទាមទារឱ្យមានចំណាត់ការទប់ទល់ចំហេះព្រៃ ដែលកំពុងបំផ្លាញប្រទេសប្រេស៊ីល។ ការតវ៉ាជាច្រើន បានកើតឡើងប៉ុន្មានថ្ងៃបន្ទាប់ពីរដ្ឋាភិបាល បានប្រកាសថារដ្ឋាភិបាលនឹងលៃលកថវិកាបន្ថែមចំនួន ៩៣,៧លានដុល្លារអាមេរិក ដើម្បីដោះស្រាយវិបត្តិនេះ។ រដ្ឋាភិបាល បាននិយាយថា នឹងពិភាក្សាអំពីការដាក់ទណ្ឌកម្មយ៉ាងតឹងរ៉ឹងចំពោះអ្នកទាំងឡាយណាដែលប្រព្រឹត្តការលួចដុតបំផ្លាញនៅក្នុងប្រទេស ដែលត្រូវបានបញ្ជាក់ថាជាមូលហេតុ នៃការកើនឡើងចំហេះព្រៃនៅឆ្នាំនេះ។ ប្រទេសនៅអាមេរិកខាងត្បូងមួយនេះ កំពុងរងការបំផ្លិចបំផ្លាញដោយចំហេះព្រៃ ពីព្រៃទឹកភ្លៀងអាម៉ាហ្សូនរបស់ប្រទេសប្រេស៊ីល ឆ្លងកាត់ចូលតំបន់ដីសើមដ៏ធំបំផុតរបស់ពិភពលោកទៅកាន់ព្រៃស្ងួតក្នុងប្រទេសបូលីវី ។ ទិន្នន័យតាមផ្កាយរណបដែលវិភាគដោយទីភ្នាក់ងារស្រាវជ្រាវអវកាសរបស់ប្រទេសប្រេស៊ីល បានចុះបញ្ជីទីតាំងចំហេះព្រៃចំនួន ៣៤៦.១១២កន្លែង រហូតមកដល់ពេលនេះឆ្នាំ នៅក្នុងប្រទេសចំនួន១៣ នៃទ្វីបអាមេរិកខាងត្បូង។ ចំនួនចំហេះព្រៃខ្លាំងបំផុតនៅខែនេះ គឺនៅក្នុងប្រទេសប្រេស៊ីល និងប្រទេសបូលីវី បន្ទាប់មកគឺប្រទេសប៉េរូ អាហ្សង់ទីន និងប៉ារ៉ាហ្គាយ នេះបើយោងតាមទិន្នន័យរបស់ទីភ្នាក់ងារស្រាវជ្រាវអវកាសរបស់ប្រទេសប្រេស៊ីល ។

ទីភ្នាក់ងារព័ត៌មានជាតិគ្រប់គ្រងដោយរដ្ឋរបស់ប្រទេសលីបង់ បានរាយការណ៍ថា ក្រុមហេសបូឡា បានបាញ់រ៉ូកែតជាង ១០០ គ្រាប់ ទៅលើកន្លែងតាំងទីលំនៅជាង ៣០កន្លែង នៅភាគខាងលិចតំបន់ Galilee និងមូលដ្ឋានចារកម្មសំខាន់មួយ នៅភាគខាងជើងអ៊ីស្រាអែលកាលពីថ្ងៃសុក្រ ដោយបានសងសឹកចំពោះការវាយប្រហារតាមអាកាសរបស់អ៊ីស្រាអែលទៅលើតំបន់ជាយក្រុងភាគខាងត្បូងនៃទីក្រុងបេរូត ដែលបានសម្លាប់មនុស្សយ៉ាងហោចណាស់ ៨នាក់ និង ជាង៥៩នាក់ផ្សេងទៀត បានរងរបួស។ ក្រសួងសុខាភិបាលលីបង់ បាននិយាយថា អ៊ីស្រាអែលបានវាយប្រហារទៅលើអគារមួយ នៅក្នុងតំបន់ជាយក្រុង Dahiehនៃទីក្រុងបេរូត។ ក្រុមជួយសង្គ្រោះ កំពុងបោសសម្អាតគំនរបាក់បែក ដើម្បីស្វែងរកអ្នកស្លាប់ និងរងរបួស។ រូបភាពវីដេអូទូរទស្សន៍ក្នុងស្រុក បានបង្ហាញពីការខូចខាតយ៉ាងខ្លាំង និងភាពចលាចល នៅក្នុងសង្កាត់ដែលមានមនុស្សរស់នៅច្រើនកុះករ។ ប្រព័ន្ធផ្សព្វផ្សាយលីបង់ បានរាយការណ៍ថា ការវាយប្រហារនោះបានផ្តោតលើលោក Ibrahim Akil សមាជិកក្រុមប្រឹក្សាជីហាដហេសបូឡា។ វិទ្យុកងទ័ពអ៊ីស្រាអែលដែលបានដកស្រង់សម្តីមន្ត្រីសន្តិសុខ បានគាំទ្រការអះអាងនេះ។ កងកម្លាំងការពារអ៊ីស្រាអែល បានបញ្ជាក់ពីការវាយប្រហារនៅទីក្រុងបេរូត នៅក្នុងសេចក្តីថ្លែងការណ៍ខ្លី មួយ។