Author: Dol Pheakdey

ឯកឧត្តម​ ហ៊ុន​ ម៉ានី​ បានសរសេរលើបណ្តាញសង្គមថា​ ក្នុងបេសកកម្មចុះទៅសាកសួរទុក្ខកងកម្លាំងគ្រប់ប្រភេទ ដែលឈរជើងការពារទឹកដីនៅតាមបណ្តាយោធភូមិភាគ និងទិសនានា ខ្ញុំបានស្វែងយល់យ៉ាងច្បាស់ពីទឹកចិត្តដ៏អង់អាចក្លាហានរបស់បងប្អូន។ បើទោះបីជាយើងកំពុងរស់នៅយ៉ាងក្សេមក្សាន្តក្នុងសន្តិភាពពេញបរិបូរណ៍ជាង ២ ទសវត្សរ៍ចុងក្រោយនេះក៏ដោយ ស្មារតី និងឆន្ទៈមោះមុតរបស់វីរៈកងទ័ពកម្ពុជានៅពោរពេញដោយថាមពល និងអានុភាពមិនថមថយ។ ឯកឧត្តម​ ហ៊ុន​ ម៉ានី​ បានបន្តថា​ យើងទាំងអស់ជឿជាក់ ហើយនៅគាំទ្រដល់បងប្អូនទាំងអស់ ដែលកំពុងឈរជើងការពារជាតិ ការពារទឹកដី ការពារសន្តិភាព និងសមិទ្ធផលទាំងឡាយដែលបុព្វបុរស និងថ្នាក់ដឹកនាំជំនាន់មុនរបស់យើងបានខិតខំកសាង និងបន្សល់ទុកដល់ពួកយើងយ៉ាងលំបាកលំបិនបំផុត។ ឯកឧត្តម​ ហ៊ុន​ ម៉ានី​ ក៏បានសម្តែងនូវការគោរព និងថ្លែងអំណរគុណយ៉ាងស្មោះស្ម័គ្រជាទីបំផុតជូនចំពោះវីរភាព និងពលិកម្មរបស់កងកម្លាំងជួរមុខគ្រប់ប្រភេទ និងគ្រប់ទិសទាំងអស់ដោយមនោសញ្ចេតនាដឹងគុណ និងកោតសរសើរដ៏ខ្ពង់ខ្ពស់បំផុត៕

តូក្យូ ៖ កងកម្លាំងស្វ័យការពារជើងគោកជប៉ុន បានធ្វើសមយុទ្ធបាញ់គ្រាប់ពិតខ្នាតយក្សប្រចាំឆ្នាំ នៅជើងភ្នំ Fuji ភាគកណ្តាលប្រទេសជប៉ុន កាលពីថ្ងៃអាទិត្យ។ សមយុទ្ធទ្រង់ទ្រាយធំនេះ គឺជាលើកទី៦៧ហើយ ដែលបានធ្វើឡើងនៅតំបន់ហ្វឹកហាត់ Higashi-Fuji របស់កងកម្លាំងស្វ័យការពារជើងគោកជប៉ុន ក្នុងខេត្ត Shizuoka។ សមយុទ្ធនេះផ្តោតសំខាន់លើការហ្វឹកហាត់ទម្លាក់គ្រាប់បែកលើគោលដៅសត្រូវ ក្នុងចំណោមបេសកកម្មសំខាន់ៗ រួមមានទាំងការដណ្តើមយកកោះមកវិញ ក្នុងករណីមានការឈ្លានពាន។ ទន្ទឹមគ្នា ឧបករណ៍ការពារត្រូវបានដាក់ពង្រាយនៅទីតាំងសមយុទ្ធ រួមទាំងប្រព័ន្ធបាញ់បង្ហោះដែលទើបបង្ហាញថ្មី សម្រាប់កាំជ្រួចបាញ់ពីដីទៅកប៉ាល់ ដែលទើបធ្វើទំនើបកម្ម។ ជប៉ុនគ្រោងប្រើប្រាស់កាំជ្រួច នេះ វាយ ប្រហារ លើ មូលដ្ឋាន សត្រូវ ក្នុងករណីផ្ទុះសង្គ្រាម។ មន្ត្រីកងកម្លាំងស្វ័យការពារជើងគោកជប៉ុននិយាយថា សមយុទ្ធនេះ ត្រូវបានរំពឹងថា នឹងប្រើប្រាស់គ្រាប់រំសេវចំនួន ៧៦,៦តោន មានតម្លៃប្រហែល ៦លានដុល្លារ ហើយសមយុទ្ធនេះ បានបញ្ចប់កាល ពីយប់ថ្ងៃអាទិត្យ៕ ប្រភព ៖ NHK

អ្នកនយោបាយមកពីគណបក្សសាធារណរដ្ឋ និងគណបក្សប្រជាធិបតេយ្យ បានប៉ះទង្គិចពាក្យសម្ដីគ្នាកាលពីថ្ងៃអាទិត្យ (០៨ មិថុនា) បន្ទាប់ពីលោកប្រធានាធិបតីអាមេរិក Donald Trump បានដាក់ពង្រាយកងកម្លាំងឆ្មាំជាតិទៅកាន់ទីក្រុង Los Angeles ស្របពេលមានការតវ៉ាទ្រង់ទ្រាយធំយ៉ាងតានតឹង ប្រឆាំងនឹងការចុះឆ្មក់បង្រ្កាបចាប់ខ្លួនជនអន្តោប្រវេសន៍ ដែលកំពុងកើនឡើង និងចម្រូងចម្រាស។ លោក Chris Murphy ព្រឹទ្ធសមាជិកមកពីបក្សប្រជាធិបតេយ្យ បានស្តីបន្ទោសដោយផ្ទាល់បំផុតមួយថា “រឿងសំខាន់ដែលត្រូវចងចាំគឺថា លោក Trump មិនបានព្យាយាមព្យាបាល ឬរក្សាសន្តិភាពទេ តែលោកចង់បញ្ឆេះ និងបំបែកបំបាក់”។ ព្រឹទ្ធសមាជិកខាងប្រជាធិបតេយ្យមួយរូបទៀតឈ្មោះ Cory Booker បានថ្កោលទោសលោក Trump ចំពោះការបញ្ជូនកងទ័ពទាំងគ្មានការយល់ព្រមពីរដ្ឋ California ដោយព្រមានថា ជំហាននេះនឹងធ្វើឱ្យភាពតានតឹងកើនឡើងកាន់តែអាក្រក់។ ប្រធានសភាមកពីបក្សសាធារណរដ្ឋ លោក Mike Johnson កាលពីថ្ងៃអាទិត្យ បានការពារការសម្រេចចិត្តរបស់លោក Trump ហើយនិយាយថា លោកមិនបារម្ភពីការដាក់ពង្រាយឆ្មាំជាតិនេះឡើយ ដោយបន្ថែមថា “គោលការណ៍ស្នូលមួយរបស់រដ្ឋបាល គឺការរក្សាសន្តិភាពតាមរយៈកម្លាំង”។ ព្រឹទ្ធសមាជិកមកពីបក្សសាធារណរដ្ឋ លោក James Lankford បាននិយាយថា លោក Trump…

កងកម្លាំងសន្តិសុខបានប៉ះទង្គិចជាមួយក្រុមបាតុករនៅទីក្រុង Los Angeles កាលពីថ្ងៃអាទិត្យ ៨ មិថុនា ខណៈកងឆ្មាំជាតិត្រូវបានបញ្ជូនដោយលោកប្រធានាធិបតី Donald Trump បានដាក់ពង្រាយនៅពាសពេញទីក្រុងនៅថ្ងៃទីបីនៃការតវ៉ាជុំវិញការឆ្មក់បង្ក្រាបរបស់ភ្នាក់ងារអន្តោប្រវេសន៍សហព័ន្ធ។ លោក Trump ដែលបានរឹតត្បិតយ៉ាងតឹងណែនលើការធ្វើអន្តោប្រវេសន៍ខុសច្បាប់ ជាផែនការដ៏សំខាន់នៃអាណត្តិទីពីររបស់លោកបានប្តេជ្ញាថា កងទ័ពនឹងធានាច្បាប់ និងសណ្តាប់ធ្នាប់ដ៏រឹងមាំ ខណៈហាក់ដូចជាទុកទ្វារចំហសម្រាប់ការដាក់ពង្រាយទាហាននៅក្នុងទីក្រុងផ្សេងទៀត។ យោធាអាមេរិកបាននិយាយថា ឆ្មាំចំនួន៣០០នាក់ មកពីក្រុមប្រយុទ្ធនៃកងពលតូចថ្មើរជើងលេខ ៧៩ ត្រូវបានបញ្ជូនទៅកាន់ទីតាំងបីដាច់ដោយឡែកពីគ្នានៅក្នុងតំបន់ Los Angeles រដ្ឋ California ហើយកំពុងអនុវត្តសុវត្ថិភាព និងការការពារទ្រព្យសម្បត្តិសហព័ន្ធ និងបុគ្គលិក។ ទាហានដែលពាក់មួកសុវត្ថិភាព និងប្រដាប់ដោយកាំភ្លើង ត្រូវបានឈរជើងនៅមជ្ឈមណ្ឌលឃុំឃាំងសហព័ន្ធក្នុងទីក្រុង Los Angeles ជាទីដែលពួកគេបានចូលរួមជាមួយកងកម្លាំងសន្តិសុខមាតុភូមិ។ ការបាញ់ម្សៅម្រេច និងឧស្ម័នបង្ហូរទឹកភ្នែក ត្រូវបានដាក់គោលដៅទៅលើហ្វូងមនុស្ស រួមទាំងក្រុមអ្នកសារព័ត៌មានផងដែរ ស្របពេលកងកម្លាំងបានរុញក្រុមអ្នកតវ៉ាចេញ ដើម្បីអនុញ្ញាតឱ្យក្បួនរថយន្តចូលទៅកាន់មជ្ឈមណ្ឌលឃុំឃាំង។ ក្រោយមកកងកម្លាំងនគរបាល បានរុញក្រុមបាតុករចេញពីខ្សែបន្ទាត់សហព័ន្ធ ដោយប្រើដំបងឆក់ គ្រាប់បែកផ្សែង និងឧស្ម័នបង្ហូរទឹកភ្នែក ខណៈពួកគេព្យាយាមបំបែកហ្វូងមនុស្ស៕

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិត នាល្ងាចថ្ងៃអាទិត្យ ទី៨ ខែមិថុនា ឆ្នាំ២០២៥ បានដឹកនាំគណៈប្រតិភូករាជរដ្ឋាភិបាលម្ពុជាចូលរួមសន្និសីទអង្គការសហប្រជាជាតិ ស្តីពីមហាសមុទ្រ លើកទី៣ (UNOC3) នៅទីក្រុងនីស ប្រទេសបារាំង ចាប់ពីថ្ងៃទី០៨-១១ ខែមិថុនា ឆ្នាំ២០២៥ ។ តបតាមការអញ្ជើញរបស់ ឯកឧត្តម Emmanuel Macron ប្រធានាធិបតីនៃសាធារណរដ្ឋបារាំង និង ឯកឧត្តម António Guterres អគ្គលេខាធិការអង្គការសហប្រជាជាតិ (អ.ស.ប.) ដើម្បីចូលរួមសន្និសីទ (UNOC3) ក្រោមប្រធានបទ «ការពន្លឿនសកម្មភាព និងការកៀរគរគ្រប់តួអង្គដើម្បីរក្សា និងប្រើប្រាស់ មហាសមុទ្រប្រកបដោយចីរភាព» ។ ក្នុងឱកាសនោះដែរក៏នឹងមានជំនួបទ្វេភាគីជាមួយថ្នាក់ដឹកនាំនៃបណ្តាប្រទេសនានា ដើម្បីពង្រឹងពង្រីកទំនាក់ទំនង និងកិច្ចសហប្រតិបត្តិការ ដើម្បីជាប្រយោជន៍ជូនជាតិ និងប្រជាជនកម្ពុជា ៕

(ភ្មំពេញ)៖ ក្រោយពីទទួលបានព័ត៌មានស្តីពីការសម្រួលកងទ័ពរវាងប្រទេសទាំងពីរដើម្បីបញ្ចៀសសង្គ្រាមទ្រង់ទ្រាយធំមួយដែលហៀបនឹងផ្ទុះឡើងទៅហើយនោះ មានបងប្អូនជនរួមជាតិយើងជាច្រើនបានសាទរ និងធូរទ្រូង ប៉ុន្តែ ក៏មានបងប្អូនយើងមួយចំនួនហាក់មិនអស់ចិត្តចំពោះព័ត៌មាននេះ ។ ខ្ញុំសូមបងប្អូនពិចារណាលើចំណុចមួយចំនួនដូចតទៅ៖ ទី១៖ ការបញ្ចៀសសង្គ្រាមដ៏ធំមួយកុំឱ្យផ្ទុះឡើងដោយភាគីទាំងពីរសុខចិត្តសម្រួលកម្លាំងរៀងៗខ្លួន គឺជានយោបាយឈ្នះ-ឈ្នះ មួយទៀត ដែលថ្នាក់ដឹកនាំយើងសម្រេចបានសម្រាប់ប្រទេសជាតិនិងប្រជាជនយើង។ បើសិនជាសង្គ្រាមនេះផ្ទុះឡើងមែន វាមានទំហំធំជាងសង្គ្រាមព្រះវិហារឆ្ងាយណាស់។ មើលតែសព្វាវុធទាំងសងខាងទៅដឹងហើយ។ បើវាផ្ទុះមែន៖ តើអាយុជីវិតកងទ័ព និងប្រជាជនស្លូតត្រង់ប៉ុន្មាននាក់ដែលត្រូវបាត់បង់? ប៉ុន្មាននាក់ដែលរងរបួស? ទ្រព្យសម្បត្តិអ្វីខ្លះដែលត្រូវបំផ្លាញ? តើត្រូវចំណាយថវិកាប៉ុន្មានទៅលើសង្គ្រាមមួយនេះ? អាចនិយាយបានថា ក្រោយពេលផ្ទុះសង្គ្រាមនេះ ប្រទេសទាំងពីរនឹងខ្ទេចខ្ទាំ ហើយធ្លាក់ខ្លួនយ៉ាប់យ៉ឺនកាន់តែខ្លាំងក្នុងស្ថានភាពដែលសេដ្ឋកិច្ចពិភពលោកកំពុងជួបភាពច្របូកច្របល់យ៉ាងខ្លាំង។ ទី២៖ ក្រោយពេលផ្ទុះសង្គ្រាមរួចហើយ តើបញ្ហាព្រំដែនទាំងប៉ុន្មានអាចដោះស្រាយបានឬទេ? ចម្លើយ គឺមិនអាចដោះស្រាយបានទេ។ មានន័យថា សង្គ្រាមនេះក្រៅពីបង្កការខូចខាតដ៏ធំមហិមាសម្រាប់ប្រទេសទាំងពីរ នៅតែមិនអាចដោះស្រាយបញ្ហាបានដដែល។ ដូច្នេះ ការបញ្ចៀសសង្គ្រាមដែលមានតែលទ្ធផល«ចាញ់ចាញ់»បែបនេះគឺជាផលចំណេញដ៏ធំមួយ។ ទី៣៖ ដំណោះស្រាយបញ្ហាព្រំដែននៅតែមិនអាចចៀសរួចពីការចរចាទ្វេភាគី និងយន្តការច្បាប់អន្តរជាតិដដែល។ ពាក្យបណ្តឹងរបស់កម្ពុជាទៅតុលាការយុត្តិធម៌អន្តរជាតិ ( ICJ ) ក៏នៅតែធ្វើដដែល។ ដីរបស់យើងនៅតែត្រូវបានការពារ និងទាមទារតាមផ្លូវច្បាប់អន្តរជាតិ និងតាមយន្តការផ្សេងទៀតដែលអាចធ្វើទៅបាន។ ចំណុចណាដែលអាចចរចាគ្នាបាន យើងនៅតែបន្តចរចាគ្នាតាមយន្តការដែលមានស្រាប់ដដែល។ ថ្នាក់ដឹកនាំរបស់យើងបានបញ្ជាក់ច្បាស់ថា យើងចង់បានព្រំដែនសន្តិភាព មិត្តភាព និងសហប្រតិបត្តិការ ដែលជានយោបាយសន្តិភាពនិយម។ ទី៤៖…

(សហព័ន្ធរុស្ស៊ី)៖ នៅថ្ងៃទី៥-៦ ខែមិថុនា ឆ្នាំ២០២៥ ឯកឧត្តម ជុន វ៉ាត រដ្ឋលេខាធិការក្រសួងប្រៃសណីយ៍និងទូរគមនាគមន៍ បានអញ្ជើញដឹកនាំគណៈប្រតិភូចូលរួមកម្មវិធី “Global Digital Forum” នៅសហព័ន្ធរុស្ស៊ីដោយមានការអញ្ជើញចូលរួមពីថ្នាក់ដឹកនាំ តំណាងស្ថាប័នរដ្ឋាភិបាល អ្នកជំនាញបច្ចេកវិទ្យាឌីជីថល អ្នកជំនាញសន្តិសុខបច្ចេកវិទ្យា ក្រុមហ៊ុនបច្ចេកវិទ្យា គ្រឹះស្ថានសិក្សា សហគមន៍វិទ្យាសាស្ត្រមកពីប្រទេសជាច្រើនជុំវិញពិភពលោក។ វេទិកានេះរៀបចំឡើងដោយក្រសួងអភិវឌ្ឍន៍ឌីជីថល គមនាគមន៍ និងប្រព័ន្ធផ្សព្វផ្សាយនៃសហព័ន្ធរុស្ស៊ី។ វេទិកានេះគឺជាវេទិកាអន្តរជាតិដ៏សំខាន់មួយដែលជួយជំរុញបរិវត្តកម្មឌីជីថល នវានុវត្តន៍ និងកិច្ចសហប្រតិបត្តិការជាសកល ដោយមានការចូលរួមពីអ្នកជំនាញព័ត៌មានវិទ្យា (IT) ជាង ២,៨០០នាក់ អ្នកតំណាងមកពី ១១៤ប្រទេស ក្រុមហ៊ុនចូលរួមចំនួន ១៧០ និងមានការតាំងពិព័រណ៍ផងដែរ។ វាគ្មិនកិត្តិយស និងភ្ញៀវកិត្តិយសរួមមានរដ្ឋមន្ត្រីរដ្ឋាភិបាល តំណាងអង្គការសហប្រជាជាតិ និងអ្នកជំនាញឌីជីថលដ៏ល្បីល្បាញមកពីទូទាំងទ្វីបអឺរ៉ុប អាហ្វ្រិក អាស៊ី និងអាមេរិក។ ព្រឹត្តិការណ៍នេះគឺជាវេទិកាសម្រាប់ការពិភាក្សាដោយអ្នកជំនាញមកពីប្រទេសផ្សេងៗទៅលើទិដ្ឋភាពសកលនៃការអភិវឌ្ឍន៍បច្ចេកវិទ្យាឌីជីថល គំនិតផ្តួចផ្តើម និងសំណើថ្មី ការបង្កើតលក្ខខណ្ឌអំណោយផលសម្រាប់ការសន្ទនាធុរកិច្ចក្នុងវិស័យឌីជីថល ។ នៅក្នុងវេទិកានេះ ឯកឧត្តមរដ្ឋលេខាធិការ បានចូលរួមធ្វើជាវាគ្មិននៅក្នុងកិច្ចពិភាក្សាលើប្រធានបទ “Safeguarding International Information Security in the…

(បាត់ដំបង)៖ ដោយក្តីអាណិតអាសូរបន្ទាប់ពីទទួលបានព័ត៌មានទាក់ទងស្តីពីយុវជនកើតជំងឺមហារីកជើងនៅស្រុកភ្នំព្រឹក ខេត្តបាត់ដំបង, នៅរសៀលថ្ងៃអាទិត្យ ទី៨ ខែមិថុនា ឆ្នាំ២០២៥ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ឱ្យលោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង ចុះសួរសុខទុក្ខនិងនាំយកថវិកា ១០លានរៀល និងផ្លែឈើ-ភេសជ្ជៈ ព្រមទាំងសម្ភារៈមួយចំនួនផ្តល់ជូនយុវជន យាប វ៉ាន់នឿន អាយុ២៣ឆ្នាំ មានជីវភាពខ្វះខាត ថែមទាំងកំពុងកើតជំងឺមហារីកជើងធ្ងន់ធ្ងរបណ្តាលមកពីមុតដែកគោល រស់នៅភូមិសាមគ្គី ឃុំពេជ្រចិន្តា ស្រុកភ្នំព្រឹក ខេត្តបាត់ដំបង ហេីយបច្ចុប្បន្ននេះកំពុងសម្រាកព្យាបាលនៅមន្ទីរពេទ្យបង្អែក ខេត្តបាត់ដំបង។ ក្នុងឱកាសនោះ លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា បាននាំនូវប្រសាសន៍ផ្តាំផ្ញើសួរសុខទុក្ខពី សំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងលើកទឹកចិត្ត ជូនពរដល់យុវជន យាប វ៉ាន់នឿន ឆាប់បានជាសះស្បើយឡើងវិញ ។ លោកជំទាវក៏បានមានប្រសាសន៍ណែនាំអំពីការបរិភោគអាហារឱ្យបានត្រឹមត្រូវដើម្បីបំប៉នដល់សុខភាព…

អង្គការដែលគាំទ្រដោយសហរដ្ឋអាមេរិក និងអ៊ីស្រាអែលបាននិយាយនៅក្នុងសេចក្តីថ្លែងការណ៍មួយ ថា មូលនិធិមនុស្សធម៌ហ្កាហ្សា (Gaza Humanitarian Foundation) បានផ្អាកប្រតិបត្តិការរបស់ខ្លួនកាលពីថ្ងៃសៅរ៍ ដោយសារតែការគំរាមកំហែងដោយផ្ទាល់ពីក្រុមហាម៉ាស ។ មុននេះ អង្គការខាងលើបាននិយាយថា មជ្ឈមណ្ឌលជំនួយចំនួនពីរនឹងបើកនៅ Rafah នៅរសៀលថ្ងៃអាទិត្យសប្ដាហ៍នេះ។ទោះយ៉ាងណា សេចក្តីថ្លែងការណ៍នោះ ត្រូវបានលុបចេញពីទំព័រ Facebook របស់ខ្លួនវិញ។ ចាប់តាំងពីប្រតិបត្តិការរបស់អង្គការនេះ នៅតំបន់ហ្កាហ្សាភាគខាងត្បូងកាលពីថ្ងៃទី ២៧ ឧសភា ការវាយប្រហាររបស់អ៊ីស្រាអែលនៅជិតកន្លែងចែកចាយជំនួយរបស់អង្គការនេះ បានសម្លាប់ជនជាតិប៉ាឡេស្ទីនចំនួន ១១០ នាក់ និង ៥៨៣ នាក់ផ្សេងទៀតរងរបួស នេះបើយោងតាមស្ថិតិដែលចេញផ្សាយដោយការិយាល័យប្រព័ន្ធផ្សព្វផ្សាយរបស់ក្រុមហាម៉ាសកាលពីថ្ងៃសុក្រ។ គម្រោងជំនួយថ្មីសម្រាប់ប្រជាពលរដ្ឋហ្កាហ្សា ដែលគ្រប់គ្រងដោយសហរដ្ឋអាមេរិក និងគាំទ្រដោយអ៊ីស្រាអែល ត្រូវបានពិពណ៌នាកាលពីថ្ងៃអង្គារថាជា រូបមន្តសម្រាប់គ្រោះមហន្តរាយ ដោយលោក Stephane Dujarric ប្រធានអ្នកនាំពាក្យរបស់អគ្គលេខាធិការអង្គការសហប្រជាជាតិលោក Antonio Guterres ៕

បរទេស ៖ ប្រធានាធិបតីអាមេរិក លោក Donald Trump បានដាក់ពង្រាយទាហាន ចំនួន ២ពាន់នាក់ ដើម្បីបង្ក្រាបលើបាតុកម្មតវ៉ា ប្រឆាំងនឹងការវាយឆ្មក់ របស់មន្ត្រីអនុវត្តច្បាប់អន្តោប្រវេសន៍ នៅក្នុងតំបន់ Los Angeles កាលពីថ្ងៃសៅរ៍។ របាយការណ៍ បានបង្ហាញថា ទីភ្នាក់ងារសហព័ន្ធ បានប៉ះទង្គិច ជាមួយហ្វូងមនុស្ស ដែលមានកំហឹង នៅជាយក្រុង Los Angeles ខណៈដែលការតវ៉ា បានអូសបន្លាយ ដល់ យប់ទីពីរ គិតត្រឹមថ្ងៃសៅរ៍ ជាមួយនឹងការបិទផ្នែកខ្លះ នៃផ្លូវហាយវេ ចំពេលមានការវាយឆ្មក់ លើជនចំណាកស្រុក ដែលគ្មានឯកសារ។ ឧស្ម័នបង្ហូរទឹកភ្នែក និង គ្រឿងផ្ទុះ ត្រូវបានប្រើប្រាស់ ក្នុងការប៉ះទង្គិចគ្នា នេះបើយោងតាមរបាយការណ៍ព័ត៌មាន និងការបង្ហោះ តាមប្រព័ន្ធផ្សព្វផ្សាយសង្គម។ ចាប់តាំងពីចូលកាន់តំណែង ក្នុងខែមករា មក លោក Trump សន្យាថា នឹងបង្រ្កាបយ៉ាងតឹងរ៉ឹងលើការចូល ឬ វត្តមានជនចំណាកស្រុក ដែលគ្មានឯកសារ ដោយលោកបានប្រដូចទៅនឹង “បិសាច”…