Author: Dol Pheakdey

វ៉ាស៊ីនតោន ៖ មេដឹកនាំអាមេរិក លោក ដូណាល់ ត្រាំ នៅថ្ងៃចន្ទនេះ បានបោះពាក្យសម្តីគំរាមធ្ងន់ៗថា យោធាអាមេរិកនឹងវាយប្រហារប្រទេសអ៊ីរ៉ង់សាជាថ្មីទៀត បើសិនទីក្រុងតេហេរ៉ង់ហ៊ានអភិវឌ្ឍកម្មវិធីមីស៊ីលផ្លោងរបស់ខ្លួនឡើងវិញ ដែលខូចខាតកាលពីដើមឆ្នាំនេះ ។ ឈរអមដោយនាយករដ្ឋមន្រ្តីអ៊ីស្រាអែល លោក បេនចាមីន ណេតាន់យ៉ាហ៊ូ លោកប្រធានាធិបតី ត្រាំ បានប្រាប់អ្នកសារព័ត៌មានយ៉ាងដូច្នេះថា ឥឡូវនេះ ខ្ញុំទទួលបានដំណឹងថា អ៊ីរ៉ង់កំពុងព្យាយាមស្តារកម្មវិធីមីស៊ីលផ្លោងរបស់ខ្លួនឡើងវិញ ។ លោកថា បើសិនពួកគេហ៊ានធ្វើបែបនេះមែន នោះយោធាយើងនឹងទៅវាយកម្ទេចទីតាំងទាំងនោះសាជាថ្មីទៀត ។ ប៉ុន្តែលោកថា យល់ល្អ ការធ្វើកិច្ចព្រមព្រៀង គឺជាជម្រើសឆ្លាតជាងសម្រាប់អ៊ីរ៉ង់ ។ ឆ្លើយតបការគំរាមរបស់លោក ត្រាំ អ្នកនាំពាក្យក្រសួងការបរទេសអ៊ីរ៉ង់ លោក អ៊ីស្មាអែល ប៊ែគហែល បានអះអាងកាលពីសប្តាហ៍មុនថា កម្មវិធីអភិវឌ្ឍមីស៊ីលរបស់ប្រទេសអ៊ីរ៉ង់ បង្កើតឡើងមានគោលបំណងការពារអធិបតេយ្យភាព និងមិនមែនសម្រាប់ការចរចាគ្នាឡើង ។ សូមរម្លឹកថា កាលពីថ្ងៃទី១៣ ខែមិថុនា អ៊ីស្រាអែលបានបើកការវាយប្រហារតាមអាកាសដ៏ភ្ញាក់ផ្អើលទៅលើតំបន់ជាច្រើននៅក្នុងទឹកដីអ៊ីរ៉ង់ ក្នុងនោះរួមទាំងទីតាំងយោធា និងនុយក្លេអ៊ែរ ដោយបានសម្លាប់មេបញ្ជាការជាន់ខ្ពស់ អ្នកវិទ្យាសាស្រ្តនុយក្លេអ៊ែរ និងជនស៊ីវិល ។ ក្រោយមក អាមេរិកដែលឈរខាងអ៊ីស្រាអែលក្នុងជម្លោះជាមួយអ៊ីរ៉ង់…

ភ្នំពេញ៖ ចិន កម្ពុជា និងថៃ បានបញ្ជាក់ជាថ្មីនូវការទទួលខុសត្រូវរួម ក្នុងការការពារសន្តិភាព និងស្ថិរភាព ក្នុងតំបន់ ខណៈភាគីចិន ប្តេជ្ញាបន្តសម្របសម្រួលការកសាងទំនុកចិត្ត និងសន្តិភាពចីរកាល ។ យោងតាមសេចក្តីប្រកាសព័ត៌មាន អំពីលទ្ធផលនៃកិច្ចប្រជុំត្រីភាគីរវាងកម្ពុជា ថៃ និងចិន ស្តីពីស្ថានភាពបច្ចុប្បន្នរវាងកម្ពុជានិងថៃ នាថ្ងៃទី២៩ ខែធ្នូ ឆ្នាំ២០២៥ ខេត្តយូណាន សាធារណរដ្ឋប្រជាមានិតចិន បានឱ្យដឹងថា តបតាមការអញ្ជើញរបស់ឯកឧត្តម វ៉ាង យី រដ្ឋមន្ត្រីក្រសួងការបរទេសចិន ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេសកម្ពុជា បានអញ្ជើញចូលរួមកិច្ចប្រជុំត្រីភាគី នៃរដ្ឋមន្ត្រីការបរទេស និងមន្ត្រីយោធាជាន់ខ្ពស់ នៃកម្ពុជា ថៃ និងចិន ដែលបានប្រព្រឹត្តទៅនៅថ្ងៃទី២៩ ខែធ្នូ ឆ្នាំ២០២៥ នៅសាធារណរដ្ឋប្រជាមានិតចិន។ នេះជាលើកទីបីហើយ ដែលប្រទេសចិន បានធ្វើជាម្ចាស់ផ្ទះនៃកិច្ចប្រជុំត្រីភាគីរវាងកម្ពុជា ថៃ និងចិន ដែលជាការគូសបញ្ជាក់អំពីតួនាទីសកម្ម និងដោយស្ថាបនារបស់ចិន ក្នុងការលើកកម្ពស់កិច្ចសន្ទនា និងការទាក់ទងគ្នាផ្ទាល់ ដើម្បីជួយកាត់បន្ថយកំដៅ ជម្លោះព្រំដែនកម្ពុជា-ថៃ និងនាំស្ថានការណ៍ឆ្ពោះទៅរកសន្តិភាព។ កិច្ចប្រជុំនេះ…

អ.ស.ប ៖ «នៅពេលយើងចូលឆ្នាំថ្មី ពិភពលោកឈរនៅផ្លូវបំបែក។ ភាពវឹកវរ និងភាពមិនច្បាស់លាស់ជុំវិញយើង ការបែកបាក់ អំពើហិង្សា បរាជ័យអាកាសធាតុ និង ការរំលោភជាប្រព័ន្ធ នៃច្បាប់អន្តរជាតិ» នេះគឺជាសាររបស់ប្រមុខ អង្គការសហប្រជាជាតិ ហៅកាត់ UN កាលពីថ្ងៃចន្ទ។ តាមរយៈសារ ជាវីដេអូ, លោក Antonio Guterres អគ្គលេខាធិការ អង្គការសហប្រជាជាតិ បានជំរុញឱ្យមេដឹកនាំពិភពលោក ផ្តោតលើមនុស្ស និង ភពផែនដី ដោយលោកបានពណ៌នាពិភពលោក ស្ថិតនៅក្នុងភាពវឹកវរ។ លោកបានបន្ថែមថា នៅឆ្នាំ២០២៦ ស្របពេលដែលមានសង្រ្គាមនៅអ៊ុយក្រែន និងកន្លែងផ្សេងៗទៀត មេដឹកនាំពិភពលោកត្រូវតែធ្វើការ ដើម្បីបន្ធូរបន្ថយការឈឺចាប់ របស់មនុស្ស និងប្រយុទ្ធប្រឆាំងនឹងការប្រែប្រួលអាកាសធាតុ។ លោក Guterres បាននិយាយ ដោយរិះគន់អតុល្យភាពសកល រវាងការចំណាយយោធា និងហិរញ្ញប្បទានសម្រាប់ប្រទេសក្រីក្របំផុត។ លោកបាននិយាយថា ការចំណាយយោធាកើនឡើងជិត ១០ភាគរយ នៅឆ្នាំនេះ ពោលគឺកើនដល់ ២.៧ ទ្រីលានដុល្លារ ដែលស្មើនឹងចំនួនសរុប ១៣ដង នៃការចំណាយពិភពលោក លើជំនួយអភិវឌ្ឍន៍…

តៃប៉ិ ៖ រដ្ឋបាលអាកាសចរណ៍ស៊ីវិលតៃវ៉ាន់និយាយថា សមយុទ្ធបាញ់គ្រាប់ពិតរបស់ចិនជុំវិញកោះតៃវ៉ាន់ កាលពីថ្ងៃចន្ទ បានបង្កការរាំងស្ទះដល់ការចាកចេញនៃជើងហោះហើរអន្តរជាតិជាង ២៩៦ និងការមកដល់នៃជើងហោះហើរអន្តរជាតិ ២៦៥ ព្រមទាំងការផ្ទេរជើងហោះហើរជាង ២៩៦ ជាពិសេសប៉ះពាល់ដល់អ្នកដំណើរតាមផ្លូវអាកាសច្រើនជាង ១០០,០០០នាក់ ។ ស្របពេលជាមួយគ្នានេះ ក្រសួងការពារជាតិតៃវ៉ាន់បានបង្ហោះសារលើបណ្តាញសង្គម X ថា វិធានការឆ្លើយតបរហ័សជាមួយសមយុទ្ធចិន បានស្ថិតក្រោមដំណើរការ ខណៈកងទ័ពកំពុងប្រុងជើងការក្នុងកម្រិតខ្ពស់ ដើម្បីការពារដែនកោះខ្លួន ។ បើតាមការលើកឡើងរបស់ក្រសួងការពារជាតិតៃវ៉ាន់, ល្បែងសង្គ្រាមរបស់ប្រទេសចិន បានបង្ហាញយ៉ាងច្បាស់ថា ខ្លួនជាអ្នកឈ្លានពាន និងជាអ្នកបំផ្លាញសន្តិភាពដ៏ធំបំផុត ។ គួរបញ្ជាក់ថា សមយុទ្ធទ្រង់ទ្រាយធំឈ្មោះថា “បេសកកម្មយុត្តិធម៌ ២០២៥” នេះ កងទ័ពរំដោះប្រជាជនចិន (PLA) កំពុងបញ្ជូនកងទ័ពជើងគោក កងទ័ពជើងទឹក កងទ័ពអាកាស និងកងកម្លាំងរ៉ុក្កែតរបស់ខ្លួន ដើម្បីធ្វើសមយុទ្ធនៅក្នុងច្រកសមុទ្រតៃវ៉ាន់ និងតំបន់នានានៅភាគខាងជើង ភាគនិរតី ភាគអាគ្នេយ៍ និងភាគខាងកើតនៃកោះតៃវ៉ាន់ ។ ល្បែងសង្គ្រាមរបស់ចិននេះ គឺសារជាព្រមានទៅកាន់កោះតៃវ៉ាន់ បន្ទាប់ពីបានបញ្ជាទិញសព្វាវុធទំនើបៗចុងក្រោយរបស់អាមេរិក ក្នុងទំហំទឹកប្រាក់ដ៏ច្រើនសម្បើមមិនធ្លាប់មាន រហូតដល់ ១១ ពាន់លានដុល្លារ ៕

មូស្គូ ៖ រុស្ស៊ី បានចោទប្រកាន់ កាលពីថ្ងៃចន្ទ ថា យន្តហោះគ្មានមនុស្សបើកអ៊ុយក្រែន ៩១គ្រឿង បានហោះសំដៅទៅវាយប្រហារ ដល់គេហដ្ឋាន របស់លោក ប្រធានាធិបតី វ្ល៉ាឌីមៀ ពូទីន។ តែ អ៊ុយក្រែន ថា ជាការភូតកុហក ក្នុងគោលបំណងធ្វើឱ្យខូចដល់កិច្ចខិតខំប្រឹងប្រែង ដែលដឹកនាំដោយសហរដ្ឋអាមេរិក ដើម្បីបញ្ចប់សង្រ្គាម។ រដ្ឋមន្ត្រីការបរទេសរុស្ស៊ី លោក Sergei Lavrov បានអះអាងថា អ៊ុយក្រែនបានបាញ់បញ្ជាដ្រូនចម្ងាយឆ្ងាយរាប់សិបគ្រឿងទាំងនេះ នៅផ្ទះរបស់លោក Putin ក្នុងតំបន់ Novgorod ចន្លោះពីល្ងាចថ្ងៃអាទិត្យ ដល់ព្រឹកថ្ងៃចន្ទ តែ យន្តហោះគ្មាមនុស្សបើកទាំងនោះ ត្រូវបានបាញ់ទម្លាក់។ លោក Lavrov បាននិយាយទៀតថា ការណ៍នេះ នាំឲ្យជំហរចរចារបស់រុស្ស៊ី នឹងត្រូវបានពិចារណាឡើងវិញ។ លោក Lavrov បានបញ្ជាក់ថា «មិនចាំបាច់បញ្ជាក់លម្អិត ឬ ផ្តល់ភស្តុតាង សម្រាប់ការអះអាងរបស់រុស្ស៊ីទេ»។ ប្រធានាធិបតីអ៊ុយក្រែន លោក Volodymyr Zelensky បានហៅការអះអាង របស់រុស្ស៊ីថា…

ដាកា ៖ លោកស្រី Khaleda Zia ដែលជាអតីតនាយករដ្ឋមន្រ្តីបង់ក្លាដែសជាស្រ្តីដំបូងបង្អស់ និងជាមេដឹកនាំបក្សប្រឆាំងដ៏លេចធ្លោ បានទទួលមរណភាពក្នុងវ័យ ៨០ឆ្នាំ ដោយសារតែជំងឺរុំារ៉ៃ ។ ជាមួយគ្នានេះ គណបក្សជាតិនិយមបង់ក្លាដែសរបស់លោកស្រី Zia បានបង្ហោះសារលើបណ្តាញសង្គម Facebook ថា មេដឹកនាំដ៏មានប្រជាប្រិយភាពរបស់យើង លែងនៅរួមសុខរួមទុក្ខជាមួយពួកយើងតទៀតហើយ ។ លោកស្រីបានចាកចេញពីពួកយើងនៅម៉ោង ៦ព្រឹកថ្ងៃអង្គារ៍នេះ (ម៉ោងក្នុងតំបន់) ។ លោកស្រី Khaleda Zia បានក្លាយជាស្រ្តីដំបូងគេរបស់ប្រទេសបង់ក្លាដែស ក្នុងនាមជាប្រមុខដឹកនាំរដ្ឋាភិបាលក្នុងឆ្នាំ១៩៩១ បន្ទាប់ពីគណបក្សជាតិនិយមរបស់លោកស្រី បានទទួលជ័យជម្នះ ក្នុងការបោះឆ្នោតតាមបែបលទ្ធិប្រជាធិបតេយ្យជាលើកដំបូងក្នុងរយៈពេល ២០ឆ្នាំ ។ លោកស្រី Zia ធ្លាប់កាន់តំណែងជានាយករដ្ឋមន្រ្តីបង់ក្លាដែស បានចំនួន២លើក គឺលើកទី១ ចាប់ពីឆ្នាំ១៩៩១ ដល់ឆ្នាំ១៩៩៦ និងម្តងទៀតពីឆ្នាំ២០០១ ដល់ឆ្នាំ២០០៦ ។ នៅពេលនោះ លោកស្រី Zia មានសុខភាពមិនល្អឡើយ ហើយបានជាប់ឃុំក្នុងផ្ទះ និងមន្ទីរពេទ្យ ចាប់តាំងពីត្រូវបានផ្តន្ទាទោសដាក់ពន្ធនាគាររយៈពេល ១៧ឆ្នាំ ពីបទចោទប្រកាន់ពុករលួយកាលពីឆ្នាំ២០១៨ ៕ ប្រភព…

វ៉ាស៊ីងតោន ៖ លោក Donald Trump បាននិយាយ នៅចំពោះមុខ មេដឹកនាំអ៊ីស្រាអែល ថា ក្រុមហាម៉ាស់ ត្រូវតែទម្លាក់អាវុធចុះ។ ប្រធានាធិបតីអាមេរិក លោក Donald Trump បានអំពាវនាវ ម្តងទៀត ដល់ក្រុមប្រដាប់អាវុធ Hamas ឱ្យដកអាវុធ ខណៈដែលលោកបានចាប់ផ្តើមកិច្ចប្រជុំ ជាមួយនាយករដ្ឋមន្ត្រីអ៊ីស្រាអែល លោក Benjamin Nethanyahu កាលពីថ្ងៃចន្ទ។ ជាការលើកឡើង បន្ទាប់ពីពួកប្រដាប់អាវុធរបស់ក្រុមប៉ាឡេស្ទីន បានប្តេជ្ញាថា នឹងរក្សាអាវុធរបស់ខ្លួន។ ក្នុងពេលឈរ ខាងក្រៅអគារប្រជុំ នៅរដ្ឋ Florida ជាមួយនាយករដ្ឋមន្ត្រីអ៊ីស្រាអែល, លោក Trump បាននិយាយ ថា «ត្រូវតែមានការដកអាវុធ ពីក្រុម Hamas»។ មេដឹកនាំទាំងពីរ រៀបចំកិច្ចប្រជុំមួយ ស្តីពីដំណាក់កាលទីពីរ នៃកិច្ចព្រមព្រៀងសន្តិភាព Gaza។ ក្រោយមក អំឡុងសន្និសីទសារព័ត៌មាន ប្រធានាធិបតីអាមេរិក រូបនេះ បានព្រមានបន្ថែមថា ក្រុមហាម៉ាស់ នឹងទទួលខុសត្រូវនឹងការចុះនរក ប្រសិនបើហាម៉ាស់…

ប៉េកាំង ៖ ក្រុមហ៊ុនរ៉ុក្កែតថ្មីមួយរបស់ប្រទេសចិន ដែលទើបចាប់កំណើត មានឈ្មោះថា LandSpace ត្រូវបានគេរំពឹងថា កំពុងត្រៀមខ្លួនប្រកួតប្រជែងជាមួយជាមួយក្រុមហ៊ុន SpaceX របស់មហាសេដ្ឋីបច្ចេកវិទ្យាអាមេរិក Elon Musk ។ គោលដៅចម្បងដែលចិនបង្កើតក្រុមហ៊ុន LandSpace នេះឡើង គឺដើម្បីប្រែក្លាយក្រុមហ៊ុននេះ ជាក្រុមហ៊ុនអភិវឌ្ឍបច្ចេកវិទ្យាបាញ់បង្ហោះរ៉ុក្កែតទៅកាន់ទីអវកាស ដែលអាចប្រើឡើងវិញបាន ដូចនឹងដែល SpaceX របស់លោក Musk ធ្លាប់ធ្វើកន្លងទៅ ។ ជាក់ស្តែង កាលពីដើមខែធ្នូ ក្រុមហ៊ុនអវកាស LandSpace ដែលមានមូលដ្ឋាននៅទីក្រុងប៉េកាំងមួយនេះ បានក្លាយជាអង្គភាពចិនដំបូងគេ ដែលបានធ្វើតេស្តបាញ់បង្ហោះគ្រាប់រ៉ុក្កែត ដែលអាចប្រើឡើងវិញបានឡើងទៅកាន់ទីអវកាស ។ បើតាមសារព័ត៌មាន The Japan Times, ទោះបីការសាកល្បងរ៉ុក្កែត Zhuque-3 បានបញ្ចប់ដោយបរាជ័យក៏ដោយ តែគោលដៅធំរបស់ LandSpace នៅតែចង់ក្លាយជាក្រុមហ៊ុនទីពីរបន្ទាប់ពី SpaceX ក្នុងវិស័យរ៉ុក្កែតដែលអាចប្រើឡើងវិញបានបន្ទាប់ពីបាញ់រួច ។ បើសិនអ្វីៗរលូនដូចការគ្រោងទុកនោះ ក្រមហ៊ុន LandSpace នឹងក្លាយជាតួអង្គរសំខាន់សម្រាប់ប្រទេសចិន សម្រាប់ជាជម្រើសបាញ់បង្ហោះរ៉ុក្តែតមានតម្លៃទាបផ្ទាល់ខ្លួន ស្រដៀងនឹងរ៉ុក្កែត Falcon 9…

ហ្សេរុយសាឡឹម ៖ អាជ្ញាធរហ្គាហ្សាបានប្រកាសថា ចាប់តាំងពីថ្ងៃទី ១០ ខែតុលា អ៊ីស្រាអែលបានរំលោភបំពានបទឈប់បាញ់នៅតំបន់ហ្គាហ្សាជិត ៩៧០ដង នៅពេលដែលបទឈប់បាញ់បានចូលជាធរមាន ។ បើតាមសារព័ត៌មាន Tass, ក្នុងអំឡុងពេលខាងលើនេះ អ៊ីស្រាអែលត្រូវគេរាយការណ៍ថា បានរំលោភលើបទឈប់បាញ់ដល់ទៅ ៩៦៩ដង រួមទាំងការវាយប្រហារតាមអាកាស និងកាំភ្លើងធំចំនួន ៤៥៥ដង ព្រមទាំងការវាយប្រហារដោយគ្រាប់ផ្លោងចំនួន ២៩៨លើកលើជនស៊ីវិល និងផ្ទះសម្បែងរបស់ពួកគេ បណ្តាលឱ្យស្លាប់មនុស្សចំនួន ៤១៨នាក់ និងច្រើនជាង ១.១៤០នាក់រងរបួស ។ បន្ថែមលើនេះ អាជ្ញាធរហ្គាហ្សាក៏បានចោទប្រកាន់អ៊ីស្រាអែលដែរថា បានរារាំងការដឹកជញ្ជូនជំនួយមនុស្សធម៌ទៅកាន់តំបន់នេះ ទោះបីជាមានកិច្ចព្រមព្រៀងដែលមានស្រាប់ក៏ដោយ ។ សព្វថ្ងៃ តំបន់ហ្គាហ្សាបានទទួលជំនួយមនុស្សធម៌ត្រឹមតែ ៤២% ប៉ុណ្ណោះដែលខ្លួនត្រូវការ ដើម្បីបំពេញតម្រូវការជាមូលដ្ឋានរបស់ប្រជាជនរបស់ខ្លួន ។ យោងតាមអាជ្ញាធរហ្គាហ្សា, ប្រជាជនហ្គាហ្សាកំពុងប្រឈមមុខនឹងកង្វះស្បៀងអាហារ ថ្នាំពេទ្យ ទឹកស្អាត និងប្រេងឥន្ធនៈយ៉ាងធ្ងន់ធ្ងរ ហើយថា វិបត្តិនេះ កាន់តែអាក្រក់ឡើងៗ ស្របពេលអាកាសធាតុត្រជាក់ក្នុងរដូវរងា ។ វិបត្តិនៅតំបន់ហ្គាហ្សាកើតចេញពីភាពតានតឹងបានផ្ទុះឡើងនៅមជ្ឈិមបូព៌ាកាលពីថ្ងៃទី៧ ខែតុលា ឆ្នាំ២០២៣ នៅពេលក្រុមសកម្មប្រយុទ្ធប៉ាឡេស្ទីនហាម៉ាស់ បានបើកការវាយប្រហារគួរឲ្យភ្ញាក់ផ្អើលលើអ៊ីស្រាអែល ដោយបានសម្លាប់ប្រជាជននៅតំបន់ព្រំដែន និងចាប់មនុស្សធ្វើចំណាប់ខ្មាំងជាង…