Author: Dol Pheakdey

បរទេស ៖ កប៉ាល់ដឹកកុងតឺន័រ ដែលមានទង់ជាតិសិង្ហបុរី បានឆេះ នៅតំបន់ឆ្នេរសមុទ្រ ភាគខាងត្បូង នៃប្រទេសឥណ្ឌា។ វីដេអូដែលចេញផ្សាយ ដោយឆ្មាំឆ្នេរសមុទ្រឥណ្ឌា បានបង្ហាញពីផ្សែងខ្មៅយ៉ាងក្រាស់ និង កុងតឺន័រផ្ទុកទំនិញ ដែលហាក់ដូចជា មានផ្សែងហុយឡើង ដោយសារការផ្ទុះដ៏ខ្លាំងមួយ នៅលើនាវា MV Wan Hai 503។ ក្រោយកើតហេតុ កាលពីថ្ងៃចន្ទ ក្រសួងការពារជាតិ បាននិយាយថា ខ្លួនបានដាក់ពង្រាយយន្តហោះ ឆ្មាំឆ្នេរសមុទ្រ និងនាវាចម្បាំង អន្តរាគមន៍។ គេបញ្ជាក់ថា ករណីនេះ មានសមាជិកនាវិកបួននាក់ បានបាត់ខ្លួន ហើយកំពុងតាមស្វែងរក។ ប្រភពបន្តថា កប៉ាល់ប្រវែង ២៦៨ម៉ែត្រ មួយគ្រឿងនេះ បានឆេះនៅចម្ងាយប្រហែល ប្រមាណ ១៤៤គីឡូមែត្រ ពីកំពង់ផែ Beypore។ រីឯ អាជ្ញាធរដែនសមុទ្រ និងកំពង់ផែ ហៅកាត់ MPA របស់ប្រទេសសិង្ហបុរី បាននិយាយ នៅក្នុងសេចក្តីថ្លែងការណ៍មួយថា មានការរងរបួស នាវិកចំនួន៤នាក់ ផ្សេងទៀត ក្រៅពីការបាត់ខ្លួន។…

(ខេត្តកណ្តាល)៖ តំបន់រមណីយដ្ឋានកៀនស្វាយក្រៅ គឺជាទីតាំងដែលមាន​សក្ដា​នុពល នៅជិតរាជធានីភ្នំពេញ ក៏ដូចជាក្រុងតាខ្មៅ ដែលងាយស្រួលក្នុងការធ្វើដំណើរ​មកពិសារអាហារពេលរសៀល ក៏ដូចជាមកលំហែកាយ ដូច្នេះប្រសិនបើយើងបានរៀបចំ​ឱ្យមានសណ្ដាប់ធ្នាប់ របៀបរៀបរយ សោភ័ណភាព សុវត្ថិភាព និងសុគតភាព នោះភ្ញៀវទេសចរណ៍នឹងមកកម្សាន្តនៅទីនេះកាន់តែច្រើនជាងមុន។ ដោយសង្កេតឃើញរមណីយដ្ឋានកៀនស្វាយក្រៅ ក្រៅពីថ្ងៃសៅរ៍ ថ្ងៃអាទិត្យ និងថ្ងៃឈប់សម្រាកផ្សេងៗ មិនសូវមានភ្ញៀវទេសចរមកកំសាន្តនៅទីនេះឡើយ ដូច្នេះយើងទាំងអស់គ្នាជាអាជ្ញាធរ ក៏ដូចជាអាជីវករផ្ទាល់ ត្រូវខិតខំកែលម្អនៅ​តំបន់នេះឱ្យទាក់ទាញ ពិសេសផ្សព្វផ្សាយនូវអ្វីដែលល្អ អ្វីដែលទាក់ទាញ ដល់​ភ្ញៀវទេសចរណ៍របស់យើង ដើម្បីមកកំសាន្ត និងលំហែកាយនៅតំបន់នេះ ឱ្យ​បានកាន់តែច្រើនដោយមិនគិតថ្ងៃឈប់សម្រាកឡើយ។ ការលើកឡើងបែបនេះ របស់ ឯកឧត្តម គួច ចំរើន អភិបាល នៃគណៈអភិបាល​ខេត្តកណ្ដា កាលពីថ្ងៃទី៩ ខែមិថុនា ឆ្នាំ២០២៥ ក្នុងឱកាសអញ្ជើញចុះពិនិត្យស្ថាន​ភាពជាក់ស្ដែង និងសំណេះសំណាលជាមួយអាជីវករ កំពុងប្រកបរបរលក់ដូរនៅ​រមណីយដ្ឋានកៀនស្វាយក្រៅ។ ការចុះពិនិត្យនេះដែរ ក៏មានការអញ្ជើញចូលរួមពី មន្ត្រីជាន់ខ្ពស់ក្រសួងពាណិជ្ជកម្មផងដែរ។ ឯកឧត្តម អភិបាលខេត្តកណ្ដាល បន្ថែមថា ដើម្បីឱ្យតំបន់នេះកាន់តែទាក់ទាញ​ភ្ញៀវ​ទេសចរណ៍បន្ថែមទៀត អាជ្ញាធរស្រុកកៀនស្វាយ ត្រូវខិតខំផ្សព្វផ្សាយ​ដល់​អាជីវករ​យើងទាំងអស់ មិនត្រូវដំឡើងថ្លៃហួសហេតុ ដែលធ្វើឱ្យបាត់បង់ភ្ញៀវ​របស់យើង​ឡើយ។ បើយើងដំឡើងថ្លៃខ្ពស់ហួសហេតុ នោះយើងបានចំណេញ​តែមួយពេល​នេះទេ តែប្រសិនបើយើងលក់តម្លៃសមរម្យ នោះយើងនឹងទទួលបាន​ការចំ​ណេញ​ជារៀងរហូត។…

វ៉ាសូវី ៖ ដើម្បីប្រុងជើងការទុកជាមុន ប៉ូឡូញ និងសម្ព័ន្ធមិត្ត នៅព្រឹកថ្ងៃចន្ទនេះ នឹងបញ្ជាឱ្យយន្តហោះចម្បាំងសកម្មនៅក្នុងប្រតិបត្តិការធានាសុវត្ថិភាពដែនអាកាសរបស់ប្រទេសប៉ូឡូញ ក្រោយប្រទេសជិតខាងអ៊ុយក្រែនកំពុងរងការវាយប្រហារតាមអាកាសទ្រង់ទ្រាយធំពីសំណាក់រុស្ស៊ី។ នៅក្នុងសេចក្តីថ្លែងការណ៍បង្ហោះលើបណ្តាញសង្គម បញ្ជាការប្រតិបត្តិការនៃកងកម្លាំងប្រដាប់អាវុធប៉ូឡូញ បានគូសបញ្ជាក់ថា យោងតាមស្ថានការណ៍រុស្ស៊ីវាយប្រហារផ្លូវអាកាសកាន់តែខ្លាំងក្លានៅលើទឹកដីអ៊ុយក្រែននោះ យន្តហោះចម្បាំងប៉ូឡូញ រួមទាំងសម្ព័ន្ធមិត្តបានចាប់ផ្តើមប្រតិបត្តិការកាន់តែសកម្ម ដើម្បីចាត់វិធានការការពារដែនអាកាសប៉ូឡូញទាំងព្រឹក។ ប៉ូឡូញ គឺជាសម្ព័ន្ធមិត្តដ៏ជិតស្និទ្ធបំផុតមួយរបស់អ៊ុយក្រែន ហើយក៏បម្រើជាមជ្ឈមណ្ឌលដឹកជញ្ជូនជំនួយយោធាលោកខាងលិចដ៏សំខាន់ដល់ទីក្រុងកៀវ។ កាលពីខែមីនា ឆ្នាំ២០២៤ ប៉ូឡូញដែលជាសមាជិកអង្គការណាតូបានរាយការណ៍អំពីការរំលោភលើដែនអាកាសរបស់ខ្លួន ដោយកាំជ្រួចរបស់រុស្ស៊ី ហើយថែមទាំងទាមទារឱ្យមានការបកស្រាយពីទីក្រុងមូស្គូ។ ឧបទ្ទវហេតុស្រដៀងគ្នានេះក៏ធ្លាប់កើតឡើងនៅក្នុងខែធ្នូ ឆ្នាំ២០២៣ផងដែរ នៅពេលដែលមីស៊ីលរុស្ស៊ីមួយគ្រាប់បានបាញ់ឆ្លងចូលដែនអាកាសប៉ូឡូញជាច្រើននាទី មុនពេលហោះត្រឡប់ទៅកាន់អ៊ុយក្រែនវិញ។ ហើយឥឡូវនេះ រុស្សីបានបង្កើនការវាយលុកកាន់តែជ្រៅនៅភាគខាងលិចអ៊ុយក្រែន ដោយប្រើប្រាស់យន្តហោះដ្រូន និងកាំជ្រួចរាប់សិបគ្រាប់ ជាអ្វីដែលអភិបាលក្រុង Rivne លោក Oleksandr Tretyak ហៅវាថា ជា “ការវាយប្រហារដ៏ធំបំផុត” នៅក្នុងតំបន់។ ហើយថ្មីៗនេះ រុស្ស៊ីបានពន្លឿនយុទ្ធនាការប្រឆាំងនឹងអ៊ុយក្រែន ដែលនាំឱ្យកាត់បន្ថយក្តីសង្ឃឹមស្វែងរកបទឈប់បាញ់ បន្ទាប់ពីការជំរុញការទូតជាថ្មី ដើម្បីបញ្ចប់ជម្លោះដ៏ធំបំផុតនៅអឺរ៉ុប ចាប់តាំងពីសង្គ្រាមលោកលើកទីពីរ៕ ប្រភព ៖ AFP

បរទេស៖ គ្រាប់បែកចំនួនពីរគ្រាប់បានផ្ទុះ នៅខាងមុខផ្សាររាត្រី ស្ថិតក្នុងខេត្តប៉ាតានី ភាគខាងត្បូង ប្រទេសថៃ កាលពីយប់ថ្ងៃអាទិត្យ ទី៨ ខែមិថុនា បណ្តាលឲ្យមនុស្សម្នាក់រងរបួស ហើយលុះដល់ព្រឹកថ្ងៃចន្ទ នេះ គ្រាប់បែកមួយគ្រាប់ទៀត ត្រូវបានប៉ុនប៉ងបំផ្ទុះ ជាថ្មី ប៉ុន្តែ ត្រូវបានកងទ័ពអន្តរាគមន៍ ទាន់ពេល នេះបើតាមការចុះផ្សាយ របស់កាសែតថៃ Bangkok Post។ ឧត្តមសេនីយ៍ទោ Santhas Chueaputtarn ស្នងការប៉ូលិស ខេត្តប៉ាតានី បាននិយាយថា គ្រាប់បែកទី១ ត្រូវបានបំផ្ទុះ នៅម៉ោងប្រហែល ៨.០៥នាទីយប់ ហើយមួយគ្រាប់ទៀតបានផ្ទុះ នៅចន្លោះសណ្ឋាគារ Santisook និង សណ្ឋាគារ Palace នៅម៉ោងប្រមាណ ៨.១០នាទី។ ស្ត្រី ជាអាជីវករ នៅផ្សារអាហារពេលយប់ បានរងរបួសបន្តិចបន្តួច ហើយម៉ូតូ ពីរគ្រឿងដែលចតទុកចោល បានរងការខូចខាត។ លោកបន្តថា គ្រាប់បែកទាំងនោះ ត្រូវបានលាក់ទុកក្នុងធុងសំរាមតាមផ្លូវ ហើយតំបន់ទាំងនោះ ជាតំបន់គ្មានការព្រមាន អំពីការផ្ទុះគ្រាប់បែក នោះទេ។ លោកស្នងការ…

(នីស)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រ​កម្ពុជា បានអនុញ្ញាតឱ្យ ឯកឧត្តម Sepp Schellhorn រដ្ឋលេខាធិការក្រសួង​សហព័ន្ធសម្រាប់អឺរ៉ុប និងកិច្ចការអន្តរជាតិ នៃប្រទេសអូទ្រីស ចូលជួបសម្ដែង​ការគួរសម នារសៀល ថ្ងៃទី៩ ខែមិថុនា ឆ្នាំ២០២៥ ក្នុងឱកាសអញ្ជើញចូលរួម​សន្និសីទលើកទី៣ របស់អង្គការសហប្រជាជាតិ ស្ដីពីមហាសមុទ្រ (UNOC3) នៅថ្ងៃទី ៨-១៣ ខែមិថុនា ឆ្នាំ២០២៥ នៅទីក្រុងនីស ប្រទេសបារាំង។ ក្នុងឱកាសនៃជំនួប, សម្ដេចបវរធិបតី បានថ្លែងអំណរគុណចំពោះរដ្ឋាភិបាល និង​ប្រជាជនអូទ្រីសដែលបានចូលរួមចំណែក និងគាំទ្រសកម្មភាពបោសសម្អាតមីន, ការបណ្ដុះបណ្ដាលធនធានមនុស្ស និងដំណើរការអង្គជំនុំជម្រះវិសាមញ្ញ​ក្នុងតុលា​ការកម្ពុជា (អ.វ.ត.ក.)។ សម្ដេចបវរធិបតីបានសង្កត់ធ្ងន់ថា ប្រទេសទាំងពីរ​មាន​វិស័យសក្ដានុពលជាច្រើនដែលអាចជំរុញកិច្ចសហប្រតិបត្តិការជាមួយគ្នា។ សម្ដេចបវរធិបតីបានគូសបញ្ជាក់ពីសារៈសំខាន់នៃយន្តការពិគ្រោះយោបល់ទ្វេភាគី ដោយបានជំរុញឱ្យក្រសួងការបរទេសនៃប្រទេសទាំងពីរ បន្តពិភាក្សាបន្ថែមទៀត​ដើម្បី​ឱ្យយន្តការនេះបានចេញជារូបរាងក្នុងពេលឆាប់ៗ ក្នុងគោលបំណងពិនិត្យមើល​វឌ្ឍនភាពនៃកិច្ចសហប្រតិបត្តិការកន្លងមក និងស្វែងរកវិស័យនៃកិច្ចសហប្រតិបត្តិ​ការ​ថ្មីៗបន្ថែមទៀត។ ជាការឆ្លើយតប, ឯកឧត្តម Sepp Schellhorn បានគូសបញ្ជាក់ពីការបន្តកិច្ច​សហ​ប្រតិ​បត្តិការជាមួយកម្ពុជាលើវិស័យបោសសម្អាតមីន និងបណ្ដុះបណ្ដាលធនធាន​មនុស្ស។ ក្នុងនោះ, ឯកឧត្តមរដ្ឋលេខាធិការបានបង្ហាញនូវការស្វាគមន៍​ចំពោះអ្នក​ការទូតវ័យក្មេងកម្ពុជាមកសិក្សាជំនាញការទូតនៅបណ្ឌិត្យសភាការទូតទីក្រុងវីយែន ប្រទេសអូទ្រីស។ ក្នុងឱកាសនោះដែរ, ឯកឧត្តមក៏បានស្នើកម្ពុជា គាំទ្របេក្ខភាព​របស់​អូទ្រីសជាសមាជិកមិនអចិន្ត្រៃយ៍ ក្រុមប្រឹក្សាសន្តិសុខអង្គការសហប្រជាជាតិ…

បរទេស៖ ប្រធានសម្ព័ន្ធយោធាអន្តរជាតិ NATO បានជំរុញឱ្យមានការបង្កើន ៤០០% ក្នុងវិស័យការពារដែនអាកាស សម្រាប់សម្ព័ន្ធភាពមួយនេះ ទប់ទល់នឹងរុស្ស៊ី ដោយយក ករណីអ៊ុយក្រែន ជាគំរូ។ NATO ឬ អង្គការសន្ធិសញ្ញាអាត្លង់ទិកខាងជើង ជាសម្ព័ន្ធមិត្តយោធាអន្តរជាតិ នៃរដ្ឋសមាជិក ចំនួន៣២ ដែលក្នុងនោះ មាន៣០ប្រទេស នៅអឺរ៉ុប និង ២ប្រទេស នៅអាមេរិក ខាងជើង។ លោក Mark Rutte អគ្គលេខាធិការអង្គការណាតូ បាននិយាយ កាលពីថ្ងៃចន្ទ នៅក្នុងសន្ទរកថាមួយ ទៅកាន់ស្ថាប័នបណ្តុំខួរក្បាល Chatham House នៅទីក្រុងឡុងដ៍ថា «យើងឃើញ នៅក្នុងប្រទេសអ៊ុយក្រែន ពីរបៀប ដែលរុស្ស៊ីផ្តល់ភេរវកម្មពីខាងលើ ដូច្នេះ យើងនឹងពង្រឹងខែលការពារ ផ្ទៃមេឃរបស់យើង»។ លោកបន្តថា «ដើម្បីរក្សាការរារាំង និងការការពារ គួរឱ្យទុកចិត្ត ណាតូ ត្រូវតែបង្កើន ៤០០ ភាគរយ នៃការការពារដែនអាកាស និងមីស៊ីល»។ ការលើកឡើងរបស់លោក បានកើតឡើង មុនកិច្ចប្រជុំកំពូលណាតូ…

ការដាក់ពង្រាយកងឆ្មាំជាតិរបស់ប្រធានាធិបតីTrump ដើម្បីបំបែកការតវ៉ាប្រឆាំងការឆ្មក់បង្ក្រាបលើការធ្វើអន្តោប្រវេសន៍ក្នុងទីក្រុង Los Angeles គឺជាការរំលោភអំណាចដ៏គ្រោះថ្នាក់ដែលធ្វើឱ្យជនជាតិអាមេរិកស្ថិតក្នុងគ្រោះថ្នាក់ នេះបើតាមលោកស្រី Hina Shamsi នាយកគម្រោងសន្តិសុខជាតិរបស់ សហភាពសេរីភាពស៊ីវិលអាមេរិក (ACLU )បានប្រាប់សារព័ត៌មាន NPR ។ លោកស្រី Shamsi បាននិយាយក្នុងបទសម្ភាសន៍ជាមួយកម្មវិធី Morning Edition បន្ទាប់ពីការប៉ះទង្គិចគ្នាកាលពីចុងសប្តាហ៍នេះរវាងក្រុមបាតុករ នគរបាលក្រុង Los Angeles ភ្នាក់ងារសហព័ន្ធ និងកងទ័ពថា ពិតជាធ្វើឱ្យខូចដល់គោលការណ៍ប្រជាធិបតេយ្យជាមូលដ្ឋានរបស់អាមេរិកដោយគ្មានការប្រុងប្រយ័ត្ន ដែលយោធាមិនគួរធ្វើខ្លួនជានគរបាលបង្ក្រាបជនស៊ីវិលឡើយ ។ នគរបាលអន្តោប្រវេសន៍ និងមន្ត្រីអនុវត្តច្បាប់បានប្រកាសលើប្រព័ន្ធផ្សព្វផ្សាយសង្គមកាលពីថ្ងៃសៅរ៍ថាខ្លួនបានចាប់ខ្លួនជនអន្តោប្រវេសន៍ចំនួន ១១៨ នាក់អំឡុងប្រតិបត្តិការនៅទីក្រុង Los Angeles កាលពីសប្តាហ៍មុន។ ក្រុមបាតុករបានតវ៉ានឹងការឆ្មក់បង្ក្រាប និងបានប៉ះទង្គិចជាមួយនគរបាលនៅក្នុងទីក្រុងនេះ និងតំបន់ជុំវិញ រួមទាំងតំបន់ Paramount និង Compton រហូតដល់ចុងសប្តាហ៍។ ជាការឆ្លើយតបទៅនឹងការតវ៉ា លោក Trump បានចុះហត្ថលេខាលើអនុស្សរណៈមួយ ដោយដាក់ពង្រាយឆ្មាំជាតិចំនួន២.០០០នាក់ទៅក្នុងទីក្រុងនេះកាលពីថ្ងៃសៅរ៍ ដើម្បីដោះស្រាយការតវ៉ាដោយគ្មានការយល់ព្រមពីអភិបាលរដ្ឋកាលីហ្វ័រនីញ៉ា លោក Gavin Newsom ។ ប្រហែល ៣០០នាក់ត្រូវបានដាក់ពង្រាយកាលពីព្រឹកថ្ងៃអាទិត្យ។…

អ៊ីរ៉ង់ បាននិយាយកាលពីថ្ងៃចន្ទ (០៩ មិថុនា) ថា ខ្លួននឹងប្រគល់សំណើប្រឆាំងតប ចំពោះកិច្ចព្រមព្រៀងនុយក្លេអ៊ែរទៅកាន់សហរដ្ឋអាមេរិក ក្នុងពេលឆាប់ៗនេះ ដើម្បីឆ្លើយតបទៅនឹងសំណើផ្តល់ជូនរបស់ទីក្រុងវ៉ាស៊ីនតោន ដែលទីក្រុងតេអេរ៉ង់ ចាត់ទុកថា “មិនអាចទទួលយកបាន” ខណៈលោកប្រធានាធិបតីអាមេរិក Donald Trump បាននិយាយថា កិច្ចពិភាក្សានុយក្លេអ៊ែរជុំទី៦ នឹងបន្តទៅមុខ។ លោក Trump បានបញ្ជាក់យ៉ាងច្បាស់ថា ភាគីទាំងពីរនៅតែមានជម្លោះទៅលើថា តើអ៊ីរ៉ង់ នឹងត្រូវអនុញ្ញាតឱ្យបន្តការចម្រាញ់សារធាតុអ៊ុយរ៉ានីញ៉ូមលើទឹកដីខ្លួនទៀតដែរឬទេ។ ថ្លែងប្រាប់អ្នកយកព័ត៌មាននៅសេតវិមាន លោក Trump បានលើកឡើងថា “អ៊ីរ៉ង់ ចង់ស្នើសុំនូវអ្វីដែលមិនអាចធ្វើបាន។ អ៊ីរ៉ង់មិនចង់បោះបង់នូវអ្វីដែលពួកគេត្រូវលះបង់ទេ ហើយពួកគេចង់បន្តការចម្រាញ់ ប៉ុន្តែអាមេរិក មិនអាចឱ្យមានសកម្មភាពនេះបានឡើយ”។ នៅមុននោះ អ្នកនាំពាក្យក្រសួងការបរទេសអ៊ីរ៉ង់ លោក Esmaeil Baghaei បាននិយាយថា ទីក្រុងតេអេរ៉ង់ កំពុងរៀបចំសំណើប្រឆាំងតប ចំពោះសំណើមានស្រាប់របស់អាមេរិក ដែលបង្ហាញកាលពីចុងខែឧសភា។ លោកបន្ថែមថា មិនមានព័ត៌មានលម្អិតពីពេលវេលានៃការចរចាជុំទី៦ ទេ។ ខណៈដែលលោក Trump និយាយថា ជុំបន្ទាប់នៃកិច្ចចរចា នឹងធ្វើឡើងនៅថ្ងៃព្រហស្បតិ៍សប្ដាហ៍នេះ ប្រភពពីមន្ត្រីជាន់ខ្ពស់អ៊ីរ៉ង់ និងមន្ត្រីអាមេរិកនិយាយថា កិច្ចចរចាជុំទី៦…

កិច្ចចរចាពាណិជ្ជកម្មរវាងសហរដ្ឋអាមេរិក និងប្រទេសចិន គ្រោងនឹងបន្តដល់ថ្ងៃទីពីរ នៅទីក្រុងឡុងដ្រ៍ របស់ចក្រភពអង់គ្លេស ខណៈបណ្ដាមន្ត្រីសេដ្ឋកិច្ចជាន់ខ្ពស់មកពីប្រទេសដែលមានសេដ្ឋកិច្ចធំជាងគេទាំងពីរនេះ បានស្វះស្វែងរកដំណោះស្រាយជម្លោះពាណិជ្ជកម្មដ៏ជូរចត់ ដែលបានពង្រីកចាប់ពីការដំឡើងពន្ធទៅមក រហូតដល់ការរឹតបន្តឹងលើរ៉ែកម្រ ដែលគំរាមកំហែងបង្អាក់ខ្សែច្រវាក់ផ្គត់ផ្គង់សកល និងពន្យឺតកំណើនសេដ្ឋកិច្ច។ កិច្ចពិភាក្សាថ្ងៃទីមួយនៅឯវិមាន Lancaster House ដែលជាវិមានរដ្ឋាភិបាលចក្រភពអង់គ្លេសដ៏ស្រស់បំព្រង បានបញ្ចប់នៅពេលយប់កាលពីថ្ងៃចន្ទ ហើយត្រូវបានកំណត់ឱ្យបន្តនៅម៉ោង ១០ព្រឹក (ម៉ោងក្នុងស្រុក) នៅថ្ងៃអង្គារ ១០ មិថុនា នេះ នេះបើតាមប្រភពពីសហរដ្ឋអាមេរិកដែលដឹងពីកិច្ចចរចា។ ទីក្រុងវ៉ាស៊ីនតោន និងទីក្រុងប៉េកាំង កំពុងព្យាយាមស្តារឡើងវិញនូវកិច្ចព្រមព្រៀងបណ្តោះអាសន្នមួយ ដែលធ្វើឡើងនៅទីក្រុងហ្សឺណែវ ដើម្បីបន្ថយភាពតានតឹងពាណិជ្ជកម្មក្នុងរយៈពេលខ្លី និងធ្វើឱ្យទីផ្សារស្ងប់ស្ងាត់។ ចាប់តាំងពីពេលនោះមក អាមេរិកបានចោទដាក់ចិន ថាបានដើរយឺតក្នុងការប្តេជ្ញាចិត្តរបស់ខ្លួន ជាពិសេសជុំវិញការនាំចេញរ៉ែកម្រ ចំណែកទីក្រុងប៉េកាំង ចោទដាក់អាមេរិកវិញថាបានរំលោភលើកិច្ចព្រមព្រៀង។ ប្រធានាធិបតីអាមេរិក លោក Donald Trump កាលពីថ្ងៃចន្ទ បានដាក់ការជំរុញជាវិជ្ជមានលើកិច្ចពិភាក្សា ដោយនិយាយថា ជំនួបកំពុងដំណើរការល្អ ហើយលោកកំពុង “ទទួលបានរបាយការណ៍ល្អៗ” ពីក្រុមមន្រ្តីអាមេរិក នៅទីក្រុងឡុងដ្រ៍។ កិច្ចពិភាក្សានៅអង់គ្លេសនេះ បានកើតឡើងក្នុងពេលវេលាដ៏សំខាន់មួយសម្រាប់សេដ្ឋកិច្ចទាំងពីរ ដែលកំពុងបង្ហាញសញ្ញានៃភាពតានតឹងពីការដំឡើងពន្ធរបស់លោក Trump ចាប់តាំងពីការវិលត្រឡប់របស់លោកទៅកាន់សេតវិមានក្នុងខែមករាមក៕

(សៀមរាប) ៖ នេះជាជំហានថ្មីមួយទៀត របស់ក្រសួងរៀបចំដែនដី នគរូបនីយកម្ម និងសំណង់ ក្រសួងវប្បធម៌ និងវិចិត្រសិល្បៈ ក្រុមការងាររាជរដ្ឋាភិបាលចុះមូលដ្ឋានខេត្តសៀមរាប អាជ្ញាធរជាតិអប្សរា និងរដ្ឋបាលខេត្តសៀមរាប ក្នុងការស្វែងរកការឯកភាពគ្នា ទាំងស្មារតី និងគោលការណ៍រួម លើការកំណត់លក្ខខណ្ឌនៃការប្រើប្រាស់ដី និងការគ្រប់គ្រងនគរូបនីយកម្ម និងសំណង់ ក្នុងតំបន់រមណីយដ្ឋានបេតិកភណ្ឌពិភពលោកអង្គរ ដោយធ្វើការពិនិត្យឡើងវិញនូវរបៀបរបបការងារ លិខិតបទដ្ឋានគតិយុត្តិ របៀបរបបរស់នៅរបស់ពលរដ្ឋក្នុងតំបន់ការពារបេតិកភណ្ឌ ឱ្យមានការយល់គ្នាកាន់តែច្រើនជាងមុនរវាងប្រជាពលរដ្ឋ និងអាជ្ញាធរពាក់ព័ន្ធ ស្របទៅតាមកិច្ចការបេតិកភណ្ឌ និងជាមួយអន្តរជាតិ ក្នុងស្មារតីការពារនិងអភិរក្សមរតកដូនតា និងលើកស្ទួយជីវភាពអ្នកស្រុកអង្គរ ឱ្យស្របទៅតាមប្រសាសន៍សម្តេចធិបតីលើការរៀបចំផ្ទះសំបែងឱ្យរៀបរយ និងពង្រឹងខឿនសេដ្ឋកិច្ចជាតិ ។ ថ្លែងក្នុងកិច្ចប្រជុំផ្សព្វផ្សាយស្តីពីការកំណត់លក្ខខណ្ឌនៃការប្រើប្រាស់ដី និងការគ្រប់គ្រងនគរូបនីយកម្មនិងសំណង់ក្នុងតំបន់រមណីយដ្ឋានបេតិកភណ្ឌពិភពលោកអង្គរ ដែលបានធ្វើឡើងនារសៀលថ្ងៃទី៩ ខែមិថុនា ឆ្នាំ២០២៥ នៅខេត្តសៀមរាប ឯកឧត្តមឧបនាយករដ្ឋមន្រ្តី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ មានប្រសាសន៍ឱ្យដឹងថា ការជួបជុំគ្នានាពេលនេះគឺជាឱកាសដែលក្រុមការងារក្រសួងរៀបចំដែនដី នគរូបនីយកម្ម និងសំណង់ បង្ហាញជូនអំពីការកំណត់លក្ខខណ្ឌនៃការប្រើប្រាស់ដីឡើងវិញ និងការគ្រប់គ្រងនគរូបនីយកម្ម និងសំណង់ ក្នុងតំបន់រមណីយដ្ឋានបេតិកភណ្ឌពិភពលោកអង្គរ ដែលនេះជាជំហានថ្មី១ផ្សារភ្ជាប់ទៅនឹងជំហានដែលមានពីមុនមក ហើយតាមរយៈកិច្ចប្រជុំនេះឯកឧត្តមឧបនាយករដ្ឋមន្ត្រី ក៏បានស្នើឱ្យសមាជិកអង្គប្រជុំដែលជាអន្តរក្រសួងស្ថាប័នពាក់ព័ន្ធ ផ្ដល់មតិយោបល់និងធាតុចូលបន្ថែមទៀត ថាតើអ្វីដែលក្រុមការងារក្រសួងបានបង្ហាញជូននាពេលនេះ…