Author: Dol Pheakdey

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ ហាក់មិនពេញចិត្តជាខ្លាំង ក្រោយមេដឹកនាំរុស្ស៊ី លោក វ្ល៉ាឌីមៀ ពូទីន ប្រកាសបទឈប់បាញ់ត្រឹម ៣ថ្ងៃ ផ្ទុយពីអ្វីលោកចង់បានគឺឈប់ប្រយុទ្ធជាអចិន្ត្រៃយ៍។ អ្នកនាំពាក្យសេតវិមាន លោកស្រី ខារ៉ូលីន លាវីដ ប្រាប់អ្នកកាសែតថា លោកប្រធានាធិបតី Trump មានការខកចិត្តកាន់តែខ្លាំង ចំពោះមេដឹកនាំរុស្ស៊ី លោក ពូទីន។ លោកស្រី ខារ៉ូលីន បាននិយាយទៀតថា លោកប្រធានាធិបតី ត្រាំ ចង់ឃើញបទឈប់បាញ់ជាអចិន្ត្រៃយ៍ក្នុងសង្គ្រាមអ៊ុយក្រែនជាមុនសិន ដើម្បីបញ្ឈប់ការកាប់សម្លាប់ និង បញ្ឈប់ការបង្ហូរឈាមជាង ៣ឆ្នាំមកនេះ។ លោកប្រធានាធិបតី ពូទីន បានប្រកាស បទឈប់បាញ់ ក្នុងអំឡុងថ្ងៃប្រារព្ធខួបលើកទី៨០ នៃ ជ័យជម្នះលើពួកណាស៊ីអាល្លឺម៉ង់។ បើតាមវិមានក្រឹមឡាំង បទឈប់បាញ់ ៣ថ្ងៃនេះនឹងចូលជាធរមានចាប់ពីពាក់ កណ្តាលអធ្រាត្រថ្ងៃទី៧ ខែឧសភា រហូត ដល់ពាក់កណ្តាលអធ្រាត្រថ្ងៃទី១១ ខែឧសភា៕ ប្រភព ៖ AFP

ប្រទេសកូរ៉េខាងត្បូង ដែលជាអ្នកត្រួសត្រាយផ្លូវផ្នែកវិស័យឌីជីថលក្នុងតំបន់អាស៊ីបូព៌ាបានប្តេជ្ញាគាំទ្រកម្ពុជាក្នុងការលើកកម្ពស់វិស័យឌីជីថល បន្ថែមទៀត។ នេះបានលើកឡើងក្នុងឱកាសដែលលោក សុខ ពុទ្ធិវុធ រដ្ឋលេខាធិការក្រសួងប្រៃសណីយ៍និងទូរគមនាគមន៍ បានទទួលជំនួបសម្តែងការគួរសមនិងពិភាក្សាការងារជាមួយលោក Hwang Myoungsuk អគ្គនាយកនៃអគ្គនាយកដ្ឋាននវានុវត្តន៍រដ្ឋាភិបាលនៃក្រសួងមហាផ្ទៃនិងសុវត្ថិភាពនៃសាធារណរដ្ឋកូរ៉េ កាលពីថ្ងៃសុក្រ។ ភាគីកូរ៉េបានបញ្ជាក់ឡើងវិញនូវការគាំទ្ររបស់ខ្លួនក្នុងការបណ្តុះបណ្តាលធនធានមនុស្សឌីជីថល ការប្រើប្រាស់បច្ចេកវិទ្យាឌីជីថលក្នុងនីតិវិធីច្បាប់ និងតុលាការ ការគ្រប់គ្រងទិន្នន័យ និងការប្រើប្រាស់បញ្ញាសិប្បនិម្មិត (AI) ក្នុងការផ្តល់សេវាសាធារណៈ។ ភាគីកូរ៉េក៏បានសង្កត់ធ្ងន់លើការពង្រឹងបន្ថែមទៀតនូវកិច្ចសហប្រតិបត្តិការរដ្ឋាភិបាលឌីជីថលរវាងប្រជាជាតិទាំងពីរ រួមជាមួយនឹងគំនិតផ្តួចផ្តើមផ្នែកបច្ចេកវិទ្យាអប់រំ។ លោក Hwang Myoungsuk បានបន្តថា “កូរ៉េខាងត្បូងនឹងបន្តគាំទ្រដល់កម្ពុជាក្នុងដំណើរការឌីជីថលភាវូបនីយកម្មលើវិស័យផ្សេងៗ រួមទាំងការបង្កើតគោលនយោបាយ ការអភិវឌ្ឍន៍ផ្នែកច្បាប់ និងការកសាងសមត្ថភាពរួមសម្រាប់ស្ថាប័នរដ្ឋាភិបាល រួមជាមួយនឹងការកៀរគរធនធាន”។ លោក សុខ ពុទ្ធិវុធ បានជម្រាបជូនអំពីកិច្ចការអាទិភាពនិងសមិទ្ធផលធំៗដែលក្រសួងសម្រេចបានកន្លងមក ដែលថែមទាំងត្រូវបានទទួលស្គាល់ជាអន្តរជាតិ និងបានពង្រីកវិសាលភាពទៅបណ្ដាប្រទេសដៃគូក្នុងតំបន់អាស៊ាន។ រដ្ឋាភិបាលកូរ៉េខាងត្បូងបានកែលម្អឥតឈប់ឈរនូវយុទ្ធសាស្ត្ររដ្ឋាភិបាលឌីជីថលរបស់ខ្លូនដើម្បីកំណត់យ៉ាងសកម្មនូវតម្រូវការរបស់ប្រជាពលរដ្ឋ។ បន្ទាប់ពីជំងឺ Covid-19 រដ្ឋាភិបាលកូរ៉េបានសម្របសម្រួលផែនការនវានុវត្តន៍ដើម្បីក្លាយជារដ្ឋាភិបាលឌីជីថលដែលមានភាពធន់ និងឆ្លើយតបកាន់តែច្រើន។ ក្រសួងមហាផ្ទៃនិងសុវត្ថិភាពនៃសាធារណរដ្ឋកូរ៉េ គឺជាអ្នកដឹកនាំក្នុងតំបន់លើការផ្លាស់ប្តូរវិស័យឌីជីថលក្នុងប្រទេស និងសហការជាមួយបណ្តាប្រទេសដៃគូរបស់ខ្លួន ដើម្បីកសាងសង្គមឌីជីថលឱ្យកាន់តែប្រសើរឡើងសម្រាប់ទូទាំងពិភពលោក។ ក្រសួងនេះមានតួនាទីសំខាន់ក្នុងការធ្វើបរិវត្តកម្មឌីជីថលដ៏ជោគជ័យរបស់ប្រទេស ជាពិសេសនៅក្នុងផ្នែកអភិបាលកិច្ចអេឡិចត្រូនិក ដោយផ្តោតលើការពង្រីកសេវាកម្មរដ្ឋាភិបាល ការរៀបចំដំណើរការរដ្ឋាភិបាលឡើងវិញ ការផ្តល់សេវា និងការប្រើប្រាស់ទិន្នន័យប្រកបដោយប្រសិទ្ធភាព។ កិច្ចខិតខំប្រឹងប្រែងរបស់ក្រសួងបានធ្វើឱ្យអ្នកប្រើប្រាស់មានការពេញចិត្ត និងពង្រឹងប្រព័ន្ធរដ្ឋាភិបាលអេឡិចត្រូនិកដ៏រឹងមាំមួយនៅក្នុងប្រទេសកូរ៉េខាងត្បូង។ មជ្ឈមណ្ឌលសហប្រតិបត្តិការរដ្ឋាភិបាលឌីជីថលកម្ពុជា-កូរ៉េ ត្រូវបានដាក់ឱ្យដំណើរការនៅឆ្នាំ២០២២…

ភ្នំពេញ ថ្ងៃទី ២៩ ខែមេសា ឆ្នាំ ២០២៥ – Emirates ជាក្រុមហ៊ុនអាកាសចរណ៍លំដាប់អន្តរជាតិធំជាងគេលើពិភពលោក កំពុងជ្រើសរើសបេក្ខជនតំណាងមួយចំនួនជាអ្នកបម្រើការងារលើយន្តហោះនៅក្នុងប្រទេសកម្ពុជា។ មានតែបេក្ខជនដែលឆ្នើម តែប៉ុណ្ណោះដែលនឹងត្រូវបានអញ្ជើញឱ្យចូលរួមថ្ងៃជ្រើសរើសបុគ្គលិក ដែលនឹងប្រព្រឹត្តទៅនៅថ្ងៃទី ៧ ខែឧសភា។ លោកអ្នកដែលមានចំណាប់អារម្មណ៍ក្នុងការដាក់ពាក្យ សូមចូលទៅកាន់គេហទំព័រ www.emiratesgroupcareers.com/cabincrew។ អ្នកដាក់ពាក្យតាមតំណភ្ជាប់ នឹងទទួលបានការអញ្ជើញដើម្បីចូលរួមសម្ភាសន៍។ ក្រុមហ៊ុន Emirates កំពុងស្វែងរកបេក្ខជនដែលមានការយកចិត្តទុកដាក់ខ្ពស់ក្នុងការបំពេញការងារដើម្បីផ្តល់បដិសណ្ឋារកិច្ចដែលសាមញ្ញ ប៉ុន្តែបំពេញបានតាមតម្រូវការរបស់អតិថិជនល្អឥតខ្ចោះ និងបង្កើតពេលវេលាដ៏គួរឱ្យចងចាំសម្រាប់អតិថិជនផងដែរ។ ដោយសារតែការការពារសុវត្ថិភាព គឺជាការងារអាទិភាពចំបងមួយក្នុងចំណោមការងារអាទិភាពសំខាន់ៗផ្សេងទៀតរបស់ក្រុមហ៊ុន Emirates បេក្ខជនឆ្នើមៗ គឺជាបេក្ខជននឹងត្រូវធ្វើការដឹកនាំដោយទំនុកចិត្ត និងកាន់ការងារទាក់ទងជាមួយការគ្រប់គ្រងសេវាកម្មលើយន្តហោះ ប្រកបដោយសុវត្ថិភាព និងនីតិវិធីសុវត្ថិភាព។ ក្រុមហ៊ុនអាកាសចរណ៍ដែលមានមូលដ្ឋាននៅទីក្រុងឌូបៃនេះ គឺមាន “វិសាលភាពជាសកល” ដោយសារតែបានតំណាងឱ្យ ១៤៨ ជាតិសាសន៍ដែលឆ្លុះបញ្ចាំងពីភាពចម្រុះនៃអតិថិជនរបស់ខ្លួន និងប្រតិបត្តិការអន្តរជាតិនៅទីក្រុងជាង ១៤០ លើទ្វីបចំនួន ៦ ជាមួយនឹងយន្តហោះទំនើបសរុបជាង ២៥០។ ក្រុមហ៊ុន Emirates គឺជាប្រតិបត្តិករដ៏ធំបំផុតនៅលើពិភពលោកនៃយន្តហោះ Boeing 777s និង A380s។ ថ្មីៗនេះ ក្រុមហ៊ុន Emirates…

(កំពង់ស្ពឺ)៖ អ្នកសេដ្ឋកិច្ចក្រៅប្រពន្ធ័ ក្នុងខេត្តកំពង់ស្ពឺត្រូវបានលើកទឹកចិត្តឱ្យចុះឈ្មោះតាមថ្នាលឌីជីថល គឺជាមូលដ្ឋានគ្រឹះដ៏រឹងមាំសម្រាប់កំណើនសេដ្ឋកិច្ច និងសមាហរណកម្មវិស័យសេដ្ឋកិច្ចក្រៅប្រព័ន្ធទៅក្នុងវិស័យឧស្សាហកម្មដែលកំពុងរីកចម្រើនរបស់ខេត្តកំពង់ស្ពឺ។ ថ្លែងនៅក្នុងយុទ្ធនាការផ្សព្វផ្សាយដែលសហការរៀបចំដោយគណៈកម្មាធិការសម្របសម្រួលការអភិវឌ្ឍសេដ្ឋកិច្ចក្រៅប្រព័ន្ធ និងរដ្ឋបាលខេត្តកំពង់ស្ពឺ កាលពីរសៀលថ្ងៃទី២៨ ខែមេសា ឆ្នាំ២០២៥ ឯកឧត្តម ហែម វណ្ណឌី រដ្ឋមន្ត្រី ក្រសួង ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍និងជា ប្រធានគណៈកម្មាធិការ សម្របសម្រួលការអភិវឌ្ឍសេដ្ឋកិច្ចក្រៅប្រព័ន្ធ បានអំពាវនាវឱ្យអ្នកសេដ្ឋកិច្ចក្រៅប្រព័ន្ធក្នុងភូមិសាស្ត្រខេត្តកំពង់ស្ពឺ ចុះឈ្មោះតាមថ្នាលឌីជីថលរបស់រាជរដ្ឋាភិបាល។ ឯកឧត្តម បានលើកឡើងថា៖ “យើងឃើញថាសេដ្ឋកិច្ចក្នុងប្រព័ន្ធ ជាពិសេសក្នុងវិស័យឧស្សាហកម្ម ដែលមានរោងចក្រដ៏ច្រើន កំពុងរីកចម្រើនទៅមុខហើយ។ ប៉ុន្តែដើម្បីសម្រេចចក្ខុវិស័យកម្ពុជាឆ្នាំ២០៥០ យើងក៏ត្រូវការឱ្យសេដ្ឋកិច្ចក្រៅប្រព័ន្ធរីកចម្រើន និងអាចចូលរួមក្នុងខ្សែច្រវាក់ផ្គត់ផ្គង់នានា ព្រោះអ្នកសេដ្ឋកិច្ចក្រៅប្រព័ន្ធមានច្រើនលើសលុបនៃតួអង្គសេដ្ឋកិច្ចរបស់យើង។” យុទ្ធនាការផ្សព្វផ្សាយនេះមានការចូលរួមពីអ្នកសេដ្ឋកិច្ចក្រៅប្រព័ន្ធក្នុងខេត្តកំពង់ស្ពឺប្រមាណ ៣.៥០០នាក់ ហើយនេះជាយុទ្ធនាការលើកទីបួន បន្ទាប់ពីយុទ្ធនាការនៅរាជធានីភ្នំពេញ ខេត្តបាត់ដំបង និងខេត្តសៀមរាប។ ឯកឧត្តម ជាម ច័ន្ទសោភ័ណ្ឌ អភិបាលខេត្តកំពង់ស្ពឺ បានគូសបញ្ជាក់ថា ខេត្តកំពង់ស្ពឺមានប្រជាជនចំនួន ៩៥០.០០០ នាក់ និងមានអ្នកសេដ្ឋកិច្ចក្រៅប្រព័ន្ធប្រមាណ ៣៨ ម៉ឺននាក់។ ឯកឧត្តមក៏បានលើកទឹកចិត្តឱ្យពួកគេចូលរួមចុះឈ្មោះ និងបន្តផ្សព្វផ្សាយដើម្បីលើកទឹកចិត្តអ្នកសេដ្ឋកិច្ចក្រៅប្រព័ន្ធផ្សេងទៀតឱ្យចុះឈ្មោះដែរ។ ការចុះឈ្មោះបើកផ្លូវឱ្យអ្នកសេដ្ឋកិច្ចក្រៅប្រព័ន្ធមានលទ្ធភាពទទួលបានការគាំទ្រផ្សេងៗ ដែលក្រសួង ស្ថាប័នបាន…

(ខេត្តតាកែវ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងឯកឧត្តម Wang Wenbin ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាមានិតចិន ប្រចាំកម្ពុជា អញ្ជើញជាអធិបតីពិធីសម្ពោធផ្លូវជាតិ ៣ខ្សែ ដែលមានតម្លៃ ១៨៨លានដុល្លារសហរដ្ឋអាម៉េរិក រួមមានផ្លូវជាតិលេខ៣១ ឆ្លងកាត់តាមភូមិសាស្ត្រ ខេត្ត តាកែវ និងខេត្តកំពត ផ្លូវជាតិលេខ៣៣ ឆ្លងកាត់តាមភូមិសាស្ត្រខេត្ត កំពត និងខេត្តកែប ផ្លូវជាតិលេខ៤១ ឆ្លងកាត់តាមភូមិសាស្ត្រខេត្ត កណ្តាល កំពង់ស្ពឺ តាកែវ ខេត្តកំពត នាព្រឹកថ្ងៃទី២៩ ខែមេសា ឆ្នាំ២០២៥ នៅស្រុកត្រាំកក់ ខេត្តតាកែវ។ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានថ្លែងថា សមិទ្ធផលថ្មី-ផ្លូវជាតិទាំង៣ខ្សែ ឆ្លងកាត់ភូមិសាស្ត្រខេត្តចំនួន៥ រួមមាន៖ ខេត្តកណ្តាល កំពង់ស្ពឺ តាកែវ កំពត និងខេត្តកែប ជាខ្សែផ្លូវប្រទាក់ក្រឡា និងតភ្ជាប់យ៉ាងសំខាន់ ពីតំបន់មួយទៅតំបន់មួយសម្រាប់បម្រើឱ្យសកម្មភាពសេដ្ឋកិច្ចសង្គម និងទេសចរណ៍នៅកម្ពុជា ។…

បរទេស ៖ រដ្ឋបាល របស់លោកប្រធានាធិបតី Donald Trump បានសម្រេចបណ្តេញកុមារម្នាក់ ទាំងកំពុងមានជំងឺមហារីក ចេញពីសហរដ្ឋអាមេរិក បន្ទាប់ពីរងការចោទប្រកាន់ថា ជាជនអន្តោប្រវេសន៍រស់នៅ ដោយខុសច្បាប់ នេះបើតាមការចុះផ្សាយ របស់ទីភ្នាក់ងារព័ត៌មាន CNN កាលពីថ្ងៃអាទិត្យ។ មេធាវី និងអង្គការតស៊ូមតិផ្នែកអន្តោប្រវេសន៍ បាននិយាយថា កុមារអាយុ៤ឆ្នាំ ដែលកំពុងទទួលការព្យាបាលជំងឺមហារីក មេតាស្តាត រូបនេះ ស្ថិតក្នុងចំណោមកុមារ ៣រូប ដែលមានសញ្ជាតិអាមេរិក ហើយត្រូវបាននិរទេស ជាមួយម្តាយ រៀងៗខ្លួន របស់ពួកគេ ទៅកាន់ប្រទេស ហុងឌូរ៉ាស កាលពីសប្តាហ៍មុន។ ក្នុងចំណោមនេះ ម្តាយម្នាក់ត្រូវនិរទេស ជាមួយកូនអាយុ២ឆ្នាំ ខណៈម្តាយម្នាក់ទៀត ត្រូវនិរទេស ជាមួយកូនអាយុ៤ និង ម្នាក់ទៀត ជាមួយកូន អាយុ៧ឆ្នាំ ដោយសារតែកង្វះឯកសាររស់នៅសហរដ្ឋអាមេរិក នេះបើតាមសេចក្តីប្រកាសព័ត៌មានរួមគ្នា របស់សហភាពសេរីភាពស៊ីវិលអាមេរិក និង គម្រោងអន្តោប្រវេសន៍ជាតិ កាលពីថ្ងៃសុក្រ ។ សេចក្តីប្រកាសព័ត៌មាន បានឲ្យដឹងដែរថា ពួកគេត្រូវបានចាប់ខ្លួន ក្នុងពេលដែលស្ត្រីៗជាម្តាយទាំងនោះ បានចូលរួមការប្រជុំ…

បរទេស៖ លោក Marco Rubio ប្រមុខកាទូតអាមេរិក បានអះអាងថា លោកប្រធានាធិបតី Donald Trump អាចនឹងសម្រេចចិត្ត ឈប់ចរចាសង្រ្គាមអ៊ុយក្រែន នៅក្នុងសប្តាហ៍នេះហើយ នេះបើតាមការចុះផ្សាយ របស់ទីភ្នាក់ងារព័ត៌មាន The New York Times កាលពីថ្ងៃអាទិត្យ។ ការព្រមានដកខ្លួន បានធ្វើឡើង ស្របពេលបញ្ហាចម្រូងចម្រាស ដែលនៅមិនទាន់ឃើញមានសញ្ញាបញ្ចប់សង្គ្រាម រួមមាន ដូចជា ការទទូចរបស់រដ្ឋបាល Trump ដែលថា សហរដ្ឋអាមេរិកទទួលស្គាល់ Crimea ជាទឹកដីរបស់រុស្ស៊ី និងឲ្យរុស្ស៊ីកាន់កាប់លើទឹកដីភាគច្រើន នៅភាគខាងកើតអ៊ុយក្រែន ដែលយោធារបស់លោក ពូទីន រឹបអូស តាំងពីឆ្នាំ២០១៤ ជាដើម។ ជាមួយគ្នានេះ រុស្ស៊ីទើបបានបាញ់កាំជ្រួច និងយន្តហោះគ្មានមនុស្សបើក វាយប្រហារ ទៅលើទីក្រុងកៀវ កាលពីថ្ងៃព្រហស្បតិ៍ សប្តាហ៍មុន សម្លាប់មនុស្ស យ៉ាងតិច ១២នាក់ ដែលនាំឲ្យលោក Trump សម្តែងការមិនពេញចិត្ត ជាខ្លាំង ចំពោះទង្វើបែបនេះ។ ថ្លែងអំឡុងកម្មវិធី Meet…

វ៉ាស៊ីនតោន ៖ ផ្អែកតាមការស្ទង់មតិថ្មីរបស់សារព័ត៌មាន CNN ដែលធ្វើឡើងដោយស្ថាប័នស្រាវជ្រាវ SSRS បានបង្ហាញថា ប្រជាប្រិយភាពរបស់លោក ត្រាំ មានត្រឹម ៤១ ភាគរយប៉ុណ្ណោះ ពោលគឺទាបបំផុតក្នុងចំណោមប្រធានាធិបតីដែលទើបជាប់ឆ្នោតថ្មីទាំងអស់ក្នុងពេល ១០០ ថ្ងៃរបស់សហរដ្ឋអាមេរិក ក្នុងពេល ៧ ទសវត្សរ៍ រួមទាំងអាណត្តិដំបូងរបស់លោក ត្រាំ ផងដែរ។ ការគាំទ្រលើការគ្រប់គ្រងរបស់លោក ត្រាំ សម្រាប់តំណែងប្រធានាធិបតីបានធ្លាក់ចុះ ៤ ពិន្ទុ ចាប់តាំងពីខែមីនា ហើយ ៧ ពិន្ទុទាបជាងកាលពីចុងខែកុម្ភៈ។ ហើយមានតែ ២២ ភាគរយប៉ុណ្ណោះដែលនិយាយថា ពួកគេពេញចិត្តខ្លាំងចំពោះការចាត់ចែងការងាររបស់លោក ត្រាំ ជាកម្រិតទាបថ្មីមួយ ហើយប្រហែល ៤៥ ភាគរយនិយាយថា ពួកគេមិនពេញចិត្តលោក ត្រាំ ជាខ្លាំង។ ចាប់តាំងពីខែមីនាមក ប្រជាប្រិយភាពរបស់លោក ត្រាំ បានធ្លាក់ចុះគួរឱ្យកត់សម្គាល់ ក្នុងចំណោមស្ត្រី និងជនជាតិអាមេរិកនិយាយភាសាអេស្ប៉ាញធ្លាក់ចុះ ៧ ពិន្ទុក្នុងក្រុមនីមួយៗ ពោលគឺ ៣៦ ភាគរយក្នុងចំណោមស្ត្រី និង ២៨…

ស្តុកខុល ៖ ពិភពលោកជះលុយរហូតដល់ ២.៧២ ពាន់ពាន់លានដុល្លារលើវិស័យយោធាក្នុងឆ្នាំ ២០២៤ កើនឡើងចំនួន ៩.៤ ភាគរយ បើធៀបនឹងឆ្នាំ ២០២៣ តួលេខនេះហក់ឡើងខ្ពស់បំផុត គិតចាប់តាំងពីសម័យសង្រ្គាមត្រជាក់មក។ នេះបើតាមសេចក្តីរាយការណ៍របស់សារព័ត៌មានរ៉យទ័រ។ ផ្អែកតាមរបាយការណ៍របស់វិទ្យាស្ថានស្រាវជ្រាវសន្តិភាពអន្តរជាតិស្ដុកខុល ហៅកាត់ SIPRI បានឱ្យដឹងថា ការដែលពិភពលោកចំណាយលុយដ៏ច្រើនសន្ធឹកសន្ធាប់លើវិស័យយោធាបែបនេះ មូលហេតុចម្បងគឺដោយសារតែភាពតានតឹងខាងភូមិសាស្ត្រនយោបាយ ជាពិសេសនៅតំបន់អឺរ៉ុប និងមជ្ឈិមបូព៌ា ជាទីដែលប្រទេសនានានាំគ្នាបង្កើនការចំណាយលើវិស័យយោធារៀងៗខ្លួន។ សង្រ្គាមរបស់រុស្ស៊ីនៅអ៊ុយក្រែន និង ភាពជាអ្នកដឹកនាំស្រពិចស្រពិលនៃរដ្ឋបាលលោកប្រធានាធិបតីអាមេរិក ដូណាល់ ត្រាំ ចំពោះអង្គការ NATO បានជំរុញឱ្យការចំណាយដ៏ច្រើនលើសលុបលើវិស័យយោធាក្នុងតំបន់អឺរ៉ុប ក្នុងនោះរួមមានទាំងរុស្ស៉ី ស្ទុះឡើងដល់ទៅ ១៧ ភាគរយ តួលេខនេះហក់ឡើងខ្ពស់បំផុតមិនធ្លាប់មានចាប់តាំងពីសង្រ្គាមត្រជាក់បិទបញ្ចប់មក។ រីឯអាមេរិកវិញ ក៏បង្កើនការចំណាយរហូតដល់ ៩៩៧ ពាន់លានដុល្លារ កើនឡើង ៥.៧ ភាគរយ ឬស្មើនឹង ៦០ ភាគរយនៃការចំណាយយោធាសរុបរបស់អង្គការ NATO និង ៣៧ ភាគរយនៃការចំណាយយោធានៅជុំវិញពិភពលោកក្នុងឆ្នាំ ២០២៤។ ចំណែករុស្ស៉ីវិញ បានចំណាយលើយោធា ១៤៩ ពាន់លានដុល្លារក្នុងឆ្នាំ…

(ភ្នំពេញ)៖ សម្តេចតេជោ ហ៊ុន សែន បានប្រាប់សមាជិកព្រឹកទ្ធសភាមកពីបក្សឆន្ទៈខ្មែរថា យើងបន្តដំណើរជាមួយគ្នានៅក្នុងព្រឹទ្ធសភាពហុបក្ស ក្រោមម្លប់នៃសន្តិភាព និងស្ថិរភាពនយោបាយ ដើម្បីប្រយោជន៍ជាតិ ។ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានថ្លែងដូច្នេះក្នុងឱកាសអនុញ្ញាតឱ្យឯកឧត្តម សុក ហាច, ឯកឧត្តម សេង ម៉ារឌី និងឯកឧត្តម គង់ មុនីកាសមាជិកព្រឹទ្ធសភា មកពីគណបក្សឆន្ទៈខ្មែរ ចូលជួបពិភាក្សាការងារ នៅវិមានព្រឹទ្ធសភា រាជធានីភ្នំពេញ នាព្រឹកថ្ងៃទី២៨ ខែមេសា ឆ្នាំ២០២៥ ។ នាឱកាសនោះ ឯកឧត្តម សុខ ហាច ក្នុងនាមគណបក្សឆន្ទៈខ្មែរ បានសំដែងនូវសេចក្តីរីករាយ ថ្លែងអំណរគុណ និងជាកិត្តិយសណាស់ ដែលសម្តេចបានអនុញ្ញាតឱ្យចូលជួបសំណេះសំណាល មួយឆ្នាំម្តង។ ឯកឧត្តម បានបញ្ជាក់ជូនសម្តេចតេជោ ថា សមាជិកព្រឹទ្ធសភានៃគណបក្សឆន្ទៈខ្មែរ តែងតែប្រកាន់យកមាគ៌ា និងគោលការណ៍ប្រឆាំងគំនិត ក៏ប៉ុន្តែ មិនប្រឆាំងចំពោះផលប្រយោជន៍ជាតិ ដោយយកមតិសម្របសម្រួល និងដាក់ចិត្តចូលរួមជាមួយអាជ្ញាធរ ក្នុងការដោះស្រាយបញ្ហាតំបន់ និងសកល ជាផលប្រយោជន៍របស់ជាតិយើង…