Author: Dol Pheakdey

បណ្តាប្រទេសជាសមាជិកមូលនិធិរូបិយវត្ថុអន្តរជាតិ(IMF) បាននិយាយកាលពីថ្ងៃសុក្រថា ការកើនឡើងភាពតានតឹងពាណិជ្ជកម្មកំពុងបន្ថយកំណើន និងជំរុញឱ្យមានភាពមិនច្បាស់លាស់ ព្រមទាំងហានិភ័យនៃស្ថិរភាពទីផ្សារ និងហិរញ្ញវត្ថុ ប៉ុន្តែបានបញ្ជាក់ជាថ្មីពីការប្តេជ្ញាចិត្តរបស់ខ្លួនចំពោះស្ថាប័នមួយនេះថា មានសារៈសំខាន់ក្នុងការជួយប្រទេសនានាដើម្បីត្រួសត្រាយផ្លូវសម្រាប់បរិយាកាសដ៏លំបាកនេះ។ សារមួយកើតឡើងនៅចុងបញ្ចប់នៃសប្តាហ៍ដ៏តានតឹងសម្រាប់អ្នកបង្កើតគោលនយោបាយ និងអ្នកវិនិយោគដែលព្រួយបារម្ភអំពីចំណាត់ការរបស់ប្រធានាធិបតីសហរដ្ឋអាមេរិក លោក Donald Trump ក្នុងការធ្វើឲ្យច្របូកច្របល់ពាណិជ្ជកម្មសកល និងការប្តេជ្ញាចិត្តរបស់លោកចំពោះស្ថាប័នអន្តរជាតិ។ រដ្ឋមន្ត្រីហិរញ្ញវត្ថុអារ៉ាប៊ីសាអូឌីត លោក Mohammed Al-Jadaan ដែលជាប្រធានគណៈកម្មាធិការរូបិយវត្ថុ និងហិរញ្ញវត្ថុអន្តរជាតិ (IMFC) បាននិយាយថា មូលនិធិត្រូវតែបន្តផ្តោតលើអាណត្តិស្នូលរបស់ខ្លួន រួមទាំងការពង្រីកពាណិជ្ជកម្ម និងកំណើន។ លោក Al-Jadaan បាននិយាយក្នុងសន្និសីទសារព័ត៌មាននៅទីក្រុងវ៉ាស៊ីនតោនថា «ការដោះស្រាយភាពងាយរងគ្រោះនៃបំណុលសកលនៅតែជាអាទិភាពសម្រាប់សមាជិករបស់យើង ជាពិសេសសម្រាប់ប្រទេសដែលមានប្រាក់ចំណូលទាប និងងាយរងគ្រោះ»។ នាយកគ្រប់គ្រង IMF លោកស្រី Kristalina Georgieva បានទទួលស្គាល់ថា ការជំរុញនៃការផ្ទុះឡើងស្ថានភាពភូមិសាស្ត្រនយោបាយនាពេលបច្ចុប្បន្ន ជាពិសេសការជំរុញរបស់លោក Trump ក្នុងការរៀបចំពាណិជ្ជកម្មពិភពលោកឡើងវិញជាមួយនឹងរបាំងដំឡើងពន្ធ បានបង្វែរការយកចិត្តទុកដាក់ពីការពិភាក្សាអំពីបញ្ហាប្រឈមសំខាន់ៗនានា រួមមានទាំងបញ្ញាសិប្បនិម្មិត។

កម្មវិធីស្បៀងអាហារពិភពលោករបស់អង្គការសហប្រជាជាតិនិយាយថា ទីភ្នាក់ងារនេះបានអស់ស្តុកស្បៀងនៅក្នុងតំបន់ហ្កាហ្សាស្ទ្រីប ខណៈអ៊ីស្រាអែល បានរារាំងជំនួយរយៈពេលជាច្រើនសប្តាហ៍មកហើយ។ មន្ត្រីកម្មវិធីស្បៀងអាហារពិភពលោក(WFP) បាននិយាយកាលពីថ្ងៃសុក្រថា ពួកគេបានដឹកជញ្ជូនការផ្គត់ផ្គង់ដែលនៅសល់ចុងក្រោយទៅកាន់ផ្ទះបាយដែលបម្រើអាហារក្តៅ។ ទាហានអ៊ីស្រាអែល បានបិទលំហូរការផ្គត់ផ្គង់ជំនួយចូលទៅក្នុងតំបន់ហ្កាហ្សារយៈពេលជិត៨សប្តាហ៍។ អ៊ីស្រាអែល បានបន្តការវាយប្រហារនៅថ្ងៃទី១៨ ខែមីនា បន្ទាប់ពីការចរចាបទឈប់បាញ់ជាមួយក្រុមហាម៉ាស បានជាប់គាំង។ ការផ្គត់ផ្គង់ស្បៀងអាហារ និងថ្នាំពេទ្យ បានថយចុះយ៉ាងខ្លាំងចាប់តាំងពីពេលនោះមក។ អ៊ីស្រាអែល បានបើកការវាយប្រហារតាមអាកាសនៅទូទាំងតំបន់ហ្កាហ្សាកាលពីថ្ងៃសុក្រ។ អាជ្ញាធរសុខាភិបាលក្នុងតំបន់បាននិយាយថា មនុស្ស ៨៤ នាក់បានស្លាប់ក្នុងរយៈពេល ២៤ ម៉ោងចុងក្រោយនេះ ដែលបង្កើនចំនួនអ្នកស្លាប់ចាប់តាំងពីថ្ងៃទី ១៨ ខែមីនា ដល់ជាង ២.០០០ នាក់។ មន្ត្រី WFP និយាយថា ហាងនំប៉័ងទាំងអស់ដែលពួកគេកំពុងជួយឧបត្ថមបានបិទត្រឹមថ្ងៃទី៣១ ខែមីនា។ ពួកគេនិយាយថា តម្លៃអាហារបានកើនឡើងដល់ទៅ ១.៤០០ភាគរយចាប់តាំងពីខែមករា នៅពេលដែលបទឈប់បាញ់បានកើតមាន។ កម្មវិធីស្បៀងអាហារពិភពលោក(WFP) និយាយថា ខ្លួនបានត្រៀមជាស្រេចក្នុងការផ្គត់ផ្គង់ជំនួយស្បៀងអាហារគ្រប់គ្រាន់ដើម្បីផ្តល់ដល់មនុស្សមួយលាននាក់នៅក្នុងតំបន់ហ្កាហ្សាសម្រាប់រយៈពេលរហូតដល់ ៤ ខែ។ មន្ត្រីបានជំរុញឲ្យគ្រប់ភាគីទាំងអស់ អនុញ្ញាតជាបន្ទាន់ឲ្យមានលំហូរជំនួយចូលទៅកាន់តំបន់ហ៊ុមព័ទ្ធមួយនេះ។

ជនអន្តោប្រវេសន៍ដែលត្រូវបានរារាំងដោយការបង្រ្កាបនៅព្រំដែនរបស់ប្រធានាធិបតីអាមេរិក លោក Donald Trump កំពុងធ្វើដំណើរត្រឡប់ទៅប្រទេសកំណើតរបស់ពួកគេវិញ ខណៈការឆ្លងកាត់នៅព្រំដែនអាមេរិក-ម៉ិកស៊ិក បន្តធ្លាក់ចុះ។ នៅទីក្រុង Danli ប្រទេសហុងឌុយរ៉ាស ក្បែរព្រំដែនជាមួយប្រទេសនីការ៉ាហ្គ័រ ជនអន្តោប្រវេសន៍រាប់សិបនាក់ កំពុងរង់ចាំអង្គការទេសន្តប្រវេសន៍អន្តរជាតិ (IOM) ជាទីភ្នាក់ងារអង្គការសហប្រជាជាតិ ដើម្បីបញ្ជូនពួកគេត្រឡប់ទៅប្រទេសវេណេស៊ុយអេឡា និងប្រទេសដទៃទៀត។ ជនអន្តោប្រវេសន៍ម្នាក់ និយាយថា បន្ទាប់ពីនាងបោះបង់ក្តីសង្ឃឹម ក្នុងការចូលទៅសហរដ្ឋអាមេរិក និងចាកចេញពីប្រទេសម៉ិកស៊ិក ទោះបីជានាងត្រូវធ្វើដំណើរដោយគ្មានច្បាប់ម្តងទៀតឆ្លងកាត់ព្រៃ ដែលបែងចែកប្រទេសកូឡុំប៊ី និងប្រទេសប៉ាណាម៉ាក៏ដោយ ឲ្យតែបានទៅដល់ប្រទេសកំណើតវ៉េណេស៊ុយអេឡា របស់នាង។ ប៉ុន្តែនៅពេលទៅដល់ប្រទេសហុងឌុយរ៉ាស នាងបានដឹងថាអង្គការទេសន្តប្រវេសន៍អន្តរជាតិ (IOM) បានផ្តល់ជើងហោះហើរធ្វើមាតុភូមិនិវត្តន៍សម្រាប់ជនអន្តោប្រវេសន៍ដែលចង់ត្រឡប់ទៅប្រទេសវិញ។ ចំណាប់អារម្មណ៍លើកម្មវិធីត្រឡប់ទៅវិញដោយស្ម័គ្រចិត្តរបស់អង្គការទេសន្តប្រវេសន៍អន្តរជាតិ (IOM) បានកើនឡើងចាប់តាំងពីការបង្ក្រាបរបស់លោក Trump បានចាប់ផ្តើម។ នៅក្នុងខែមករា និងកុម្ភៈ ទីភ្នាក់ងារ បានទទួលសំណើចំនួន ២.៨៦៣សំណើ សម្រាប់កម្មវិធីនេះ ដែលច្រើនជាងបីដងនៃសំណើដែលបានកត់ត្រាទុកក្នុងអំឡុងពេលដូចគ្នាកាលពីឆ្នាំមុន។

(កំពង់ធំ)៖ ថ្ងៃទី ២៥ ខែមេសា ឆ្នាំ ២០២៥ សាខាកាកបាទក្រហមកម្ពុជា ខេត្តកំពង់ធំ បាននាំយកអំណោយមនុស្សធម៌ទៅប្រគល់ជូនគ្រួសារលោក នួន សាន អាយុ ៣៨ ឆ្នាំ ដែលស្លាប់ដោយរន្ទះបាញ់ កាលពីវេលាម៉ោង ៦និង៣០នាទីល្ងាច ថ្ងៃទី ២៤ មេសា នៅភូមិប៉ាង ឃុំច្រនាង ស្រុកតាំងគោក។ អំណោយនេះត្រូវបានដឹកនាំដោយ លោកជំទាវ លំ គន្ធារី អនុប្រធានអចិន្ត្រៃយ៍សាខា តំណាងឯកឧត្តម នួន ផារ័ត្ន ប្រធានសាខា និងមានការចូលរួមពីអនុសាខាស្រុកតាំងគោក និងក្រុមប្រតិបត្តិ។ ក្នុងឱកាសនោះ លោកជំទាវ បានថ្លែងសម្តីរំលែកទុក្ខយ៉ាងជ្រាលជ្រៅ ដល់គ្រួសារជនរងគ្រោះ និងលើកទឹកចិត្តឱ្យមានកម្លាំងចិត្តក្នុងការចិញ្ចឹមកូនៗដែលនៅតូចៗឱ្យមានអនាគតដូចកុមារដទៃ។ អំណោយដែលបានប្រគល់រួមមាន៖ អង្ករ ៥០គីឡូក្រាម មី ០១កេស ត្រីខ ០១យួរ ទឹកត្រី ០១យួរ ទឹកស៊ីអ៊ីវ ០១យួរ និងថវិកាចំនួនមួយ។ លោកជំទាវក៏បានផ្តាំផ្ញើឲ្យបងប្អូនប្រជាពលរដ្ឋ មានការប្រុងប្រយ័ត្នខ្ពស់ចំពោះគ្រោះធម្មជាតិ និងចេះថែរក្សាសុខភាពរបស់ខ្លួន ជាពិសេសក្នុងរដូវភ្លៀង…

វិមានក្រឹមឡាំងបាននិយាយថា ប្រធានាធិបតីរុស្ស៊ីលោក Vladimir Putin កាលពីថ្ងៃសុក្រ បានពិភាក្សាអំពី «លទ្ធភាព» នៃកិច្ចចរចាដោយផ្ទាល់ជាមួយអ៊ុយក្រែន នៅក្នុងជំនួបជាមួយបេសកជនសហរដ្ឋអាមេរិក ខណៈប្រធានាធិបតីសហរដ្ឋអាមេរិក លោក Donald Trump បានអះអាងថា ភាគីជម្លោះទាំងពីរ «ខិតកាន់តែជិតដល់កិច្ចព្រមព្រៀង»។ ប៉ុន្តែប្រធានាធិបតីអ៊ុយក្រែន លោក Volodymyr Zelensky បានច្រានចោលជាថ្មីម្តងទៀតនូវការលើកឡើងដែលថា អ៊ុយក្រែនបោះបង់ចោលតំបន់គ្រីម៉េ ខណៈកិច្ចពិភាក្សារវាង លោកPutin និងបេសកជនប្រធានាធិបតីសហរដ្ឋអាមេរិក លោក Steve Witkoff បានធ្វើឡើង បន្ទាប់ពីឧត្តមសេនីយ៍ជាន់ខ្ពស់រុស្ស៊ីម្នាក់ ត្រូវបានសម្លាប់នៅក្នុងការវាយប្រហារដោយគ្រាប់បែកបំផ្ទុះរថយន្ត នៅខាងក្រៅទីក្រុងមូស្គូ។ ដោយទៅដល់ទីក្រុងរ៉ូម ប្រទេសអ៊ីតាលី កាលពីល្ងាចថ្ងៃសុក្រ ដើម្បីចូលរួមពិធីបុណ្យព្រះសពរបស់សម្តេចប៉ាប ហ្វ្រង់ស៊ីស លោក Trump បាននិយាយថា វាជា «ថ្ងៃដ៏ល្អសម្រាប់កិច្ចពិភាក្សា និងកិច្ចប្រជុំជាមួយរុស្ស៊ី និងអ៊ុយក្រែន។ លោក បានបង្ហោះនៅលើវេទិកាសង្គម Truth Social របស់លោកថា វាខិតកាន់តែជិតដល់កិច្ចព្រមព្រៀងមួយ ហើយភាគីទាំងពីរគួរតែជួបគ្នាក្នុងកម្រិតខ្ពស់បំផុត ដើម្បី «បញ្ចប់» ។ លោក…

(ភ្នំពេញ) ៖ ថ្លែងក្នុងកិច្ចប្រជុំអន្តរក្រសួងស្ដីពីសំណង់និងដីចំណីប្រឡាយលេខ៦១ ក្នុងភូមិសាស្ត្រខេត្តកំពង់ស្ពឺ និងខេត្តកណ្ដាល ដែលបានធ្វើឡើងនៅទីស្ដីការក្រសួង នារសៀលថ្ងៃទី២៥ ខែមេសា ឆ្នាំ២០២៥ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានឱ្យដឹងថាកិច្ចប្រជុំនាពេលនេះធ្វើឡើងក្នុងគោលបំណងដើម្បីស្នើសុំមតិយោបល់និងធាតុចូលពីក្រសួងធនធានទឹក និងឧតុនិយមចំពោះបញ្ហាដីចំណីប្រឡាយដែលយើងកំពុងតែជួបប្រទះសព្វថ្ងៃនេះនៅក្នុងខេត្តកំពង់ស្ពឺ និងខេត្តកណ្ដាល ហើយឯកឧត្តមសង្ឃឹមថាកិច្ចប្រជុំនេះនឹងអាចរកឃើញនូវជំហរជាក់លាក់មួយ ជាគំរូសម្រាប់ដោះស្រាយបញ្ហាដីចំណីប្រឡាយនេះនៅទូទាំងប្រទេស។ ឯកឧត្តមឧបនាយករដ្ឋមន្ត្រី សាយ សំអាល់ បញ្ជាក់ថាក្នុងក្របខណ្ឌនគរូបនីយកម្ម យើងអាចដោះស្រាយមុខងារប្រឡាយនេះដែលមិនត្រឹមតែជាប្រឡាយសម្រាប់ស្រោចស្រព រឺរំដោះទឹកប៉ុណ្ណោះទេ ប៉ុន្តែក៏អាចប្រែក្លាយទៅជាផ្លូវ, សួនទឹកលម្អក្រុង រឺលំហសាធារណៈសម្រាប់ប្រជាពលរដ្ឋផងដែរ។ ឯកឧត្តមឧបនាយករដ្ឋមន្ត្រី បានចាត់ទុកកិច្ចប្រជុំនាពេលនេះ ថាជាកិច្ចប្រជុំដ៍មានសារៈសំខាន់ ដោយក្រសួងរៀបចំដែនដីនគរូបនីយកម្មនិងសំណង់បានកសាងនូវវប្បធម៌ថ្មីមួយទៀត លើកិច្ចសហប្រតិបត្តិការជាមួយក្រសួងធនធានទឹក និងឧតុនិយម, ក្រសួងសាធារណការ និងដឹកជញ្ជូន និងរដ្ឋបាលខេត្ត ដោយរួមបញ្ចូលគ្នារវាងកិច្ចការរៀបចំក្រុង, កិច្ចការនគរូបនីយកម្ម ជាមួយនឹងសំណង់ធារាសាស្រ្ត និងបច្ចេកទេសសាធារណការ សំដៅប្រែក្លាយអ្វីដែលមានស្រាប់ទៅជារបស់ដែលមានប្រយោជន៍សម្រាប់យើងទាំងអស់គ្នា។ ម្យ៉ាងទៀត កិច្ចប្រជុំនាពេលនះ គឺធ្វើឡើងដើម្បីពិភាក្សាផ្តោតលើការគិតគូរប្រែក្លាយប្រឡាយឱ្យទៅជាផ្លូវ ជាសួនលម្អក្រុង និងបុរីជនបទ ដោយរក្សាមុខងារប្រឡាយដែលប្រើប្រាស់សម្រាប់ស្រោចស្រព និងរំដោះទឹកដដែល ស្របទៅតាមប្រសាសន៍ដឹកនាំរបស់សម្តេចមហាបវរធិបតី ហ៊ុន ម៉ាណែត ដែលបានដាក់ចេញគឺ ប្រែក្លាយទីកន្លែងជាច្រើនឱ្យទៅជាសួន…

អ្នកកាន់ទុក្ខប្រហែល ២៥០.០០០ នាក់បានចូលទៅកាន់ព្រះវិហារ Basilica នៅទីលានចតុរង្គសេនភីធើរ (St Peter) កាលពីថ្ងៃសុក្រ ដើម្បីគោរពវិញ្ញាណក្ខន្ធសម្តេចប៉ាប ហ្រ្វង់ស៊ីស ដោយមើលព្រះមឈូសាបើកចំហនៅប៉ុន្មានម៉ោងចុងក្រោយ មុនពេលពិធីបុណ្យព្រះសពរបស់ព្រះអង្គនៅថ្ងៃសៅរ៍នេះ។ បុរីវ៉ាទីកង់ បានបញ្ចប់ការផ្សាយតាមទូរទស្សន៍អំពីដំណើរការចូលគោរពដែលបានដំណើរការជាបន្តបន្ទាប់ មុនពេលពិធីឯកជនមួយ ដើម្បីបិទគម្របព្រះមឈូសារបស់ព្រះអង្គ។ សម្តេចប៉ាប មានព្រះជន្ម៨៨ព្រះវស្សា បានដឹកនាំគ្រឹស្តសាសនាចាប់តាំងពីឆ្នាំ២០១៣ បានយាងចូលទីវង្គត់កាលពីថ្ងៃចន្ទសប្តាហ៍នេះ បន្ទាប់ពីទទួលរងជំងឺដាច់សរសៃឈាមខួរក្បាល ខណៈព្រះអង្គបានធូស្រាលពីជំងឺរលាកសួតជាច្រើនសប្តាហ៍មក។ បូរីវ៉ាទីកង់ បាននិយាយថា មនុស្សប្រហែល ២៥០.០០០ នាក់ មកពីជុំវិញពិភពលោកបានតម្រង់ជួរដើម្បីនិយាយពាក្យលាចុងក្រោយ ចាប់តាំងពីព្រះសពរបស់ព្រះអង្គត្រូវបាននាំយកទៅ ព្រះវិហារ Basilica នៅទីលានចតុរង្គសេនភីធើរ (St Peter) កាលពីថ្ងៃពុធដើម្បីដាក់ឲ្យអ្នកកាន់ទុក្ខចូលគោរពវិញ្ញាណក្ខន្ធជាសាធារណៈ។ ក្នុងចំណោមភ្ញៀវចុងក្រោយក៏មានប្រធានាធិបតីបារាំង លោក Emmanuel Macron និងភរិយារបស់លោក ដែលបានឈរជាមួយគ្នានៅផ្នែកម្ខាងនៃព្រះមឈូសារមួយសន្ទុះ។

កាលពី២ខែមុន លោក Haider Ali បានគ្រវីដៃលាភរិយារបស់លោក នៅពេលនាងបានចាកចេញពីប្រទេសប៉ាគីស្ថាន ដោយឆ្លងព្រំដែនទៅសួរសុខទុក្ខគ្រួសាររបស់នាងនៅក្នុងប្រទេសឥណ្ឌា។ នៅពេលនេះភរិយាមួយគូនេះ មិនច្បាស់នោះទេថានឹងបានជួបគ្នាម្ដងទៀតនៅពេលណា។ ប្រទេសប៉ាគីស្ថាន និងឥណ្ឌា បានជាប់គាំងនៅក្នុងសង្គ្រាមវោហាសាស្ត្រផ្នែកការទូតកាន់តែខ្លាំងឡើង បន្ទាប់ពីក្រុងញូវឌេលី បាននិយាយថា ទីក្រុងអ៊ីស្លាម៉ាបាដ ជាប់ទាក់ងទៅនឹងការវាយប្រហារដោយក្រុមសកម្មប្រយុទ្ធលើភ្ញៀវទេសចរនៅតំបន់កាស្មៀរ គ្រប់គ្រងដោយប្រទេសឥណ្ឌាក្នុងសប្តាហ៍នេះ។ ភាគីទាំងពីរ បានលុបចោលទិដ្ឋាការសម្រាប់ពលរដ្ឋឥណ្ឌា និងប៉ាគីស្ថានរៀងៗខ្លួន ហើយបានបញ្ជាឱ្យពលរដ្ឋចាកចេញ មុនពេលប្រទេសទាំងពីរបិទច្រកព្រំដែនដ៏មមាញឹកបំផុតរបស់ខ្លួននៅរដ្ឋ Punjab ។ បទបញ្ជាសម្រាប់ប្រជាជនប៉ាគីស្ថាន និងឥណ្ឌាឲ្យត្រឡប់ទៅប្រទេសរៀងៗខ្លួនវិញ បានធ្វើឱ្យគ្រួសារជាច្រើនដែលមានសញ្ជាតិចម្រុះ ជួបការលំបាកក្នុងការទទួលបានទិដ្ឋាការ ដោយសារតែទំនាក់ទំនងពុំសូវល្អរវាងពលរដ្ឋឥណ្ឌាកាន់សាសនាហិណ្ឌូភាគច្រើន និងប៉ាគីស្ថានដែលភាគច្រើនកាន់សាសនាអ៊ីស្លាម។

នគរបាល និងទាហានប្រដាប់អាវុធឥណ្ឌា បានស្វែងរកក្រុមសកម្មប្រយុទ្ធនៅតាមលំនៅឋាន និងតាមព្រៃ នៅតំបន់កាស្មៀរប្រទេសឥណ្ឌាកាលពីថ្ងៃសុក្រ ហើយមេបញ្ជាការឥណ្ឌា បានពិនិត្យមើលឡើងវិញសន្តិសុខនៅទីនោះ បន្ទាប់ពីការសម្លាប់មនុស្ស២៦នាក់នៅទីតាំងទេសចរណ៍មួយកន្លែង ជាការវាយប្រហារដ៏បង្ហូរឈាមបំផុតលើជនស៊ីវិលក្នុងរយៈពេលជិតពីរទសវត្សរ៍មកនេះ។ ការវាយប្រហារនេះ បានបង្កឱ្យមានកំហឹង និងភាពសោកសៅនៅក្នុងប្រទេសឥណ្ឌា រួមជាមួយនឹងការអំពាវនាវឱ្យមានចំណាត់ការប្រឆាំងប្រទេសប៉ាគីស្ថាននៅជិតខាង ដែលទីក្រុងញូវឌេលី បានចោទប្រកាន់ថាបានផ្តល់មូលនិធិ និងជំរុញសកម្មភាពភេរវកម្មនៅក្នុងតំបន់កាស្មៀរ ជាតំបន់ដែលប្រទេសទាំងពីរអះអាងសិទ្ធ និងបានប្រយុទ្ធគ្នាពីរលើករួចមកហើយ។ ប្រទេសដែលមានអាវុធនុយក្លេអ៊ែរទាំងពីរ បានបញ្ចេញនូវវិធានការប្រឆាំងគ្នាទៅវិញទៅមក ដោយឥណ្ឌាបានផ្អាកសន្ធិសញ្ញាទឹកទន្លេ Indus ហើយប៉ាគីស្ថានបិទដែនអាកាសរបស់ខ្លួនចំពោះក្រុមហ៊ុនអាកាសចរណ៍ឥណ្ឌា។ សន្ធិសញ្ញាដែលបានចរចានៅឆ្នាំ១៩៦០ បានបែងចែកទន្លេ Indus និងដៃទន្លេរបស់ខ្លួនរវាងប្រទេសទាំងពីរ ហើយបានគ្រប់គ្រងការចែករំលែកទឹក។ រដ្ឋមន្ត្រីក្រសួងធនធានទឹកឥណ្ឌា បាននិយាយនៅក្នុងការបង្ហោះនៅលើ បណ្តាញ X. ថា យើងនឹងធានា ថា ទឹកទន្លេ Indus តែមួយតំណក់នឹងមិនទៅដល់ប្រទេសប៉ាគីស្ថានឡើយ។ ប្រទេសប៉ាគីស្ថាន ពឹងផ្អែកយ៉ាងខ្លាំងលើប្រព័ន្ធទន្លេ Indus នេះ សម្រាប់វារីអគ្គិសនី និងប្រព័ន្ធស្រោចស្រព។ ប្រធានាធិបតីអាមេរិក លោក ដូណាល់ ត្រាំ ទំនងជានិយាយសម្រាលពីភាពតានតឹងនេះ ដោយនិយាយថា លោកមានទំនុកចិត្តថា ឥណ្ឌា និងប៉ាគីស្ថាន នឹងស្វែងរកដំណោះស្រាយ ទោះបីជាការវាយប្រហារនេះ…

(ស្ទឹងត្រែង)៖ ក្រសួងសុខាភិបាលរៀបចំពិធីអបអរសាទរទិវាជាតិប្រយុទ្ធនឹងជំងឺគ្រុនចាញ់ ២៥ មេសា ២០២៥ ក្រោមប្រធានបទ៖ «យើងបញ្ចប់ជំងឺគ្រុនចាញ់ ដោយវិនិយោគឡើងវិញ គិតច្នៃប្រឌិតឡើងវិញ គ្រប់គ្រងឡើងវិញ» “ Malaria Ends With Us: Reinvest, Reimagine, Reignite”។ ទិវានេះប្រព្រឹត្តឡើងនៅបរិវេណវិទ្យាល័យតេជោ ស្រុកសៀមប៉ាង ខេត្តស្ទឹងត្រែង នាព្រឹកថ្ងៃទី២៥ ខែមេសា ឆ្នាំ២០២៥ ក្រោមអធិបតីភាព ឯកឧត្តមសាស្ដ្រាចារ្យ ឈាង រ៉ា រដ្ឋមន្ដ្រីក្រសួងសុខាភិបាល និងចូលរួមដោយ ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង លោកស្រី Dr. Marianna Trias តំណាងអង្គការសុខភាពពិភពលោកប្រចាំនៅកម្ពុជា លោកស្រី Eda Kraja តំណាងអង្គការ UNOPS (Country Manager Cambodia and Lao PDR) និងឯកឧត្តម លោកជំទាវ ថ្នាក់ដឹកនាំក្រសួង លោក លោកស្រី…