Author: Dol Pheakdey

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ លោក Salem Mubarak Salem Al-Hadhyan នាយកប្រតិបត្តិ ក្រុមហ៊ុន DEEM ALMASEAH FOR TRADING CO., Ltd ចូលជួបសម្តែងការគួរសម និងពិភាក្សាការងារ នៅវិមានសន្តិភាព នៅរសៀលថ្ងៃទី២៥ ខែមេសា ឆ្នាំ២០២៥ ។ ក្នុងឱកាសនៃជំនួបនេះ, លោកនាយកប្រតិបត្តិក្រុមហ៊ុនបានសម្ដែងនូវការកោតសរសើរ និងវាយតម្លៃខ្ពស់ចំពោះការរីចម្រើនលើគ្រប់វិស័យរបស់កម្ពុជា និងបានគោរពជម្រាបជូនសម្ដេចបវរធិបតីថា ក្រុមហ៊ុនរបស់លោក មានបំណងបណ្ដាក់ទុនវិនិយោគនៅកម្ពុជា ដែលនឹងចូលរួមចំណែកជាមួយរាជរដ្ឋាភិបាលដើម្បីអភិវឌ្ឍន៍ សង្គម-សេដ្ឋកិច្ច ឱ្យកាន់តែរីកចម្រើនបន្ថែមទៀត។ លោកនាយកប្រតិបត្តិបានបញ្ជាក់ជូនសម្តេចបវរធិបតីថា ក្រុមហ៊ុនលោក បាននិងកំពុងចាប់ដៃគូសហការជាមួយក្រុមហ៊ុនក្នុងស្រុកមួយ ដើម្បីវិនិយោគលើវិស័យកសិកម្ម។ លើសពីនេះ ក្រុមហ៊ុនក៏ចាប់អារម្មណ៍បោះទុនវិនិយោគលើវិស័យផ្សេងទៀតនៅកម្ពុជាផងដែរ ដូចជា៖ វិស័យហេដ្ឋារចនាសម្ព័ន្ធ, និងវិស័យទូរគមនាគមន៍ជាដេីម។ ជាមួយគ្នានេះ លោកក៏បានស្នើសុំអនុសាសន៍ណែនាំពីសម្តេចបវរធិបតី អំពីវិស័យសក្ដានុពលផ្សេងៗទៀត ដែលក្រុមហ៊ុនអាចនឹងវិនិយោគទុនបាន ។ ជាការឆ្លើយតប, សម្តេចបវរធិបតីបានស្វាគមន៍ចំពោះចំណាប់អារម្មណ៍របស់ក្រុមហ៊ុនក្នុងការស្វែងរកឱកាសវិនិយោគនៅកម្ពុជា និងបង្ហាញនូវក្ដីសោមនស្សរីករាយចំពោះកិច្ចសហការរបស់ក្រុមហ៊ុនជាមួយក្រុមហ៊ុនដៃគូក្នុងប្រទេសកម្ពុជា ក្នុង ការវិនិយោគលេីវិស័យកសិកម្ម ។…

វ៉ាស៊ីនតោន ៖ ប្រធានាធិបតីអាមេរិក លោក Donald Trump បានថ្លែងអះអាងថា អង្គការសន្ធិសញ្ញាអាត្លង់ទិកខាងជើង ឬហៅកាត់ថា NATO គឺពិតជាមានសារៈសំខាន់ខ្លាំងណាស់សម្រាប់អឺរ៉ុប ប៉ុន្តែលោកក៏បានព្រមានផងដែរថា បក្សសម្ព័ន្ធយោធាមួយនេះ នឹងលែងមានឥទ្ធិពលខ្លាំង ប្រសិនបើគ្មានសហរដ្ឋអាមេរិក។ ថ្លែងប្រាប់អ្នកកាសែតក្នុងកំលុងជំនួបជាមួយនាយករដ្ឋមន្រ្តីន័រវេស លោក Jonas Gahr Stoere នៅការិយាល័យ Oval លោកប្រធានាធិបតី Trump បានគូសបញ្ជាក់ថា អង្គការ NATO ពិតជាមានសារៈសំខាន់ណាស់សម្រាប់អឺរ៉ុប តែលោកយល់ថា បើគ្មានវត្តមានអាមេរិកទេ សម្ព័ន្ធយោធានេះនឹងគ្មានឥទ្ធិពលខ្លាំងទេ។ មេដឹកនាំអាមេរិករូបនេះ ក៏បានលើកឡើងជាថ្មីម្តងទៀត អំពីបញ្ហាចូលរួមចំណែកផ្នែកហិរញ្ញវត្ថុ ដើម្បីគាំទ្រដល់បក្សសម្ព័ន្ធយោធាណាតូ និងបាននិយាយថា អឺរ៉ុបគួរតែបង្កើនការចំណាយបន្ថែមទៀត ព្រោះសហរដ្ឋអាមេរិក បានចំណាយលើចំណែករបស់ខ្លួនច្រើនជាងនេះឆ្ងាយណាស់។ ចំណែកគូប្រជែងនយោបាយរបស់លោកប្រធានាធិបតី Trump បាននិយាយថា លោកបានពិចារណាយ៉ាងម៉ត់ចត់លើជម្រើសដឹកនាំអាមេរិកចាកចេញពីបក្សសម្ព័ន្ធយោធាខ្នាតយក្សមួយនេះក្នុងពេលអនាគត។ បើតាមសេចក្តីរាយការណ៍របស់កាសែតរ៉យទ័យ កន្លងមក ទីក្រុងវ៉ាស៊ីនតោនបានប្រាប់ក្រុមប្រទេសអឺរ៉ុបត្រង់ៗថា អាមេរិកនឹងមិនដើរតួនាទីស្នូល នៅក្នុងការធានាសន្តិសុខរបស់អឺរ៉ុបទៀតឡើយ ជាហេតុបង្កឱ្យអឺរ៉ុបបារម្ភថា តើអាមេរិកគ្រោងកាត់បន្ថយការចូលរួមកម្រិតណានៅ NATO ដើម្បីពួកគេអាចរិះរកមធ្យោបាយចៀសវាងចន្លោះប្រហោងផ្នែកសន្តិសុខនៅអឺរ៉ុប។ បើយោងតាមការប៉ាន់ស្មានរបស់ NATO ប្រទេសមានសេដ្ឋកិច្ចធំៗមួយចំនួននៅអឺរ៉ុប…

ប៉េកាំង ៖ ប្រទេសចិនកំពុងកាន់សន្លឹកបៀធំៗចំនួន ៥ សន្លឹកនៅក្នុងដៃ ទុកច្បាំងនឹងសង្គ្រាមពាណិជ្ជកម្មជាមួយអាមេរិក ដែលបច្ចុប្បន្នកំពុងស្ថិតក្នុងពេលវេលាសំខាន់។ ការនាំចេញរបស់ចិនទៅអាមេរិកបានប្រឈមមុខនឹងពន្ធ ១៤៥% ហើយទំនិញខ្លះឡើងរហូតដល់ ២៤៥% ចំណែកចិនសងសឹកវិញជាមួយពន្ធ ១២៥% លើការនាំចូលអាមេរិក។ ផ្អែកតាមសេចក្តីរាយការណ៍របស់ BBC ឥឡូវនេះចិនកំពុងតែកាន់សន្លឹកបៀធំៗចំនួន ៥ សន្លឹកនៅក្នុងដៃ ដើម្បីទប់ទល់នឹងការយកពន្ធរបស់លោកប្រធានាធិបតីអាមេរិក Donald Trump។ សន្លឹកបៀធំទី១ ៖ ចិនមានសម្ថភាពទប់ទល់ការឈឺចាប់ផ្នែកពាណិជ្ជកម្មបាន។ ចិនជាមហាអំណាចសេដ្ឋកិច្ចទីពីររបស់ពិភពលោក មានន័យថា ចិនអាចស្រូបយកផលប៉ះពាល់នៃពន្ធបានល្អជាងប្រទេសតូចៗដទៃទៀត។ សន្លឹកបៀធំទី២ ៖ ចិនកំពុងវិនិយោគនាពេលអនាគត ព្រោះទីក្រុងប៉េកាំងត្រូវបានគេទទួលស្គាល់ថា ជារោងចក្រពិភពលោក ហើយកំពុងចាយប្រាក់រាប់ពាន់លានដុល្លារ ដើម្បីក្លាយជារោងចក្រទំនើបដាច់គេ។ សន្លឹកបៀធំទី៣ ៖ ចិនបានទទួលមេរៀនពីអាណត្តិទី១ របស់លោកប្រធានាធិបតី Trump ដោយចាប់តាំងពីពន្ធរបស់លោក Trump បានប៉ះពាល់ដល់បន្ទះសូឡារបស់ចិនកាលឆ្នាំ ២០១៨ ទីក្រុងប៉េកាំងបានពន្លឿនផែនការរបស់ខ្លួនសម្រាប់អនាគតលើសពីសណ្ដាប់ធ្នាប់ពិភពលោក ដែលដឹកនាំដោយអាមេរិក។ សន្លឹកបៀធំទី៤ ៖ ឥឡូវនេះ ចិនដឹងថា លោកប្រធានាធិបតី Trump នឹងដកថយ។ លោក Trump…

សៀមរាប​៖ក្រសួងសុខាភិបាល និងរដ្ឋបាលខេត្តសៀមរាប បានសហការជា​មួយក្រុមហ៊ុន​ទឹកវីតាល់ និងមជ្ឈមណ្ឌលជាតិ​ផ្តល់ឈាម កាលពីថ្ងៃទី២៤ ខែមេសា ឆ្នាំ២០២បានប្រារព្ធយុទ្ធនាការ “បរិច្ចាគឈាម សង្រ្គោះជីវិត” ដោយរៀបចំ​នៅ​ផ្សារ​ទំនើប Heritage Walk ក្រុងសៀមរាប។ លោក នាក់ ណេរ៉ុនអភិបាលរងខេត្ត តំណាងឯកឧត្តម ប្រាក់ សោភ័ណ អភិបាលខេត្តសៀមរាប និងអ្នកនាង ដឹង សុគន្ធារី នាយិកាប្រតិបត្តិនៃ​ក្រុមហ៊ុនវីតាល់បានអញ្ជើញចូលរួមក្នុងឱកាសនេះ ។តាមរយៈយុទ្ធនាការ​ដែលរៀបចំឡើង​មាន​សាធារណជនយ៉ាងច្រើនបានចូលរួម ក្នុងនេះអ្នកស្ម័គ្រ​ចិត្តចំនួន ១២៨នាក់ បានផ្តល់ឈាមសរុបចំនួន ១២៨ប្លុក គិតត្រឹមម៉ោង ១២ថ្ងៃត្រង់។ ថ្លែងទៅកាន់អ្នកចូលរួម លោក នាក់ ណេរ៉ុន បានលើកឡើងថា ការបរិច្ចាគ​ឈាមគឺជាការបង្ហាញពីចិត្តសប្បុរស និងស្មារតី​មនុស្សធម៌ក្នុងការជួយ​សង្គ្រោះជីវិតអ្នកជំងឺ។អ្នកបរិច្ចាគឈាមគឺជាវីរៈបុរស និងវីរៈនារីពិតប្រាកដ​ក្នុងសង្គម។ ចំណែកអ្នកនាង ដឹង សុគន្ធារី បានបញ្ជាក់ថា វីតាល់មានបំណងចូលរួមលើក​កម្ពស់​វប្បធម៌បរិច្ចាគឈាមស្ម័គ្រ​ចិត្តតាម​ខេត្ត​ផ្សេងៗ ដើម្បីជួយពង្រឹងវិស័យ​សុខាភិបាលក្នុងប្រទេស។ បើតាមលោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្តល់ឈាម បានឱ្យ​ដឹងថា ឈាមមានប្រភពតែមួយគត់ពីមនុស្ស និងមិនអាចផលិតបាន​តាម​រោងចក្រ។ ការបរិច្ចាគឈាមមិនប៉ះពាល់សុខភាពទេ និងមានអត្ថប្រយោជន៍​ច្រើនដល់​សុខភាពរបស់អ្នកផ្តល់ផងដែរ។ សូមជម្រាបថា…

ភ្នំពេញ៖ក្រសួងវប្បធម៌និងវិចិត្រសិល្បៈ បានសហការជាមួយស្ថានទូតនៃសា​ធារណ​រដ្ឋ​អ៊ីស្លាមអ៊ីរ៉ង់ប្រចាំព្រះរាជាណា​ចក្រ​កម្ពុជា​ដែល​មាននិវេសនដ្ឋាននៅ​ប្រទេសវៀតណាម រៀបចំសប្តាហ៍ភាពយន្តអ៊ីរ៉ង់លើកទី១ ឆ្នាំ២០២៥ ដែលគ្រោង​ប្រព្រឹត្ត​ទៅ​ចាប់ពី​ថ្ងៃទី៣០ ខែមេសា ដល់ថ្ងៃទី៤ ខែឧសភា ឆ្នាំ២០២៥ ខាង​មុខ។ សប្តាហ៍ភាពយន្តអ៊ីរ៉ង់លើកទី១ក្នុងគោលបំណងលើកកម្ពស់វិស័យ​ភាពយន្ត​អ៊ីរ៉ង់ និងលើកកម្ពស់ការយល់ដឹងឱ្យកាន់តែ​ស៊ីជម្រៅរវាងប្រជាជនអ៊ីរ៉ង់និងកម្ពុជា។នេះបើតាមការបញ្ជាក់របស់ក្រសួងវប្បធម៌ និងវិចិត្រសិល្បៈ។ ក្នុងឱកាសនេះនឹងមានការការចាក់បញ្ចាំងភាពយន្តអ៊ីរ៉ង់ល្បីៗឥតគិតថ្លៃ ចំនួន៥ចំណងជើង នៅរោងភាពយន្តលេជេន ជាន់ទី៦ ផ្សារទំនើបអូឡាំព្យា។ ភាពយន្តដែលត្រូវបានជ្រើសរើសសម្រាប់ការចាក់បញ្ចាំងនេះដែលបង្ហាញអំពីក្ដីស្រឡាញ់ គ្រួសារ និងការតស៊ូផ្ទាល់ខ្លួន នឹងផ្តល់ជូនទស្សនិកជននូវទិដ្ឋភាពប្លែក​ពីគេនៃវប្បធម៌និងសង្គមរបស់ប្រទេសអ៊ីរ៉ង់។ ក្នុងសន្និសីទកាសែត ឯកឧត្តម អាលី អាចបា ណាហ្សារី (Ali Akbar – Nazari) ឯកអគ្គរដ្ឋទូតនៃសាធារណរដ្ឋអ៊ីស្លាម​អ៊ីរ៉ង់មានប្រសាសន៍ថា “យើងរីករាយក្នុង​ការនាំយកភាពយន្តអ៊ីរ៉ង់មកកាន់បេះដូងនៃទីក្រុងភ្នំពេញ សប្ដាហ៍ភាពយន្តនេះ​គឺជាការប្រារព្ធ​ពិធី​នៃតម្លៃវប្បធម៌រួមគ្នារបស់យើង និងជាសក្ខីភាពមួយចំពោះ​ថាមពលដ៏យូរអង្វែងនៃវិស័យ ភាពយន្ត ដើម្បីភ្ជាប់វប្បធម៌​និងជាតិសាសន៍”។ លោកទូតបន្ថែមថា ទស្សនីយភាពភាពយន្តរបស់ប្រទេសអ៊ីរ៉ង់ គឺជាឧស្សាហកម្ម​ដ៏រស់រវើកនិងរីកចម្រើនជាយូរមកហើយ … ល្បីល្បាញ ដោយសារបែបផែន​ល្អតូចៗប្លែកពីគេ និងសាច់រឿងពោរពេញទៅដោយមនោសញ្ចេតនា។ ដោយមាន​ប្រវត្តិសាស្ត្រដ៏ សម្បូរបែបដែលមានរយៈពេលជាង៩ទសវត្សរ៍ ភាពយន្តសន្ទនា​ដំបូងរបស់អឺរ៉ង់ត្រូវបាន​ផលិតឡើងកាល​ពី៩០ឆ្នាំមុន ស្របពេលដែលរោង​ភាពយន្តដំបូងរបស់អីរ៉ងត្រូវបានបង្កើតឡើងក្នុងឆ្នាំ១៩០០ ដោយត្រឹមតែរយៈ​ប្រាំឆ្នាំ ប៉ុណ្ណោះបន្ទាប់ពីបងប្អូន Lumière បានបង្កើតរោងភាពយន្ត។ ក្នុងនាមជាសិល្បៈភាពយន្តដ៏ចំណាស់ជាងគេនិងជាទីស្ងប់ស្ញែងបំផុតរបស់ពិភពលោក ភាពយន្តអ៊ីរ៉ង់បានជះ ឥទ្ធិពលយ៉ាង​សំខាន់នៅក្នុងមហោស្រពថ្នាក់​ជាតិនិងអន្តរជាតិ…

បរទេស ៖ អ្នកនាំពាក្យរបស់លោក Trump គឺ លោកស្រី Karoline Leavitt បាននិយាយថា លោកប្រធានាធិបតីអាមេរិក នឹងធ្វើទស្សនកិច្ច៣ប្រទេស នៅក្នុងតំបន់មជ្ឈិមបូព៌ា នាខែក្រោយនេះ។ លោកស្រី Leavitt បានប្រាប់សន្និសីទសារព័ត៌មាន នៅសេតវិមាន ដោយមិនបានបញ្ជាក់លម្អិតថា «លោក Trump នឹងធ្វើដំណើរទៅកាន់ប្រទេស អារ៉ាប៊ី សាអូឌីត, កាតា និង អេមីរ៉ាត់ អារ៉ាប់រួម ចាប់ពីថ្ងៃទី១៣ ខែឧសភា រហូតដល់ថ្ងៃទី ១៦ ខែឧសភា»។ ជាការកត់សម្គាល់ ទស្សនកិច្ចនៅអារ៉ាប៊ី សាអូឌីត ត្រូវបានគ្រោងធ្វើឡើង ក្រោយពេលដែល ព្រះអង្គម្ចាស់ Mohammed bin Salman មេដឹកនាំប្រទេស មួយនេះ បានសន្យា កាលពីខែមករាថា នឹងប្រមូលប្រាក់ចំនួន ៦០០ពាន់លានដុល្លារ បញ្ជូលទៅក្នុងពាណិជ្ជកម្ម និងការវិនិយោគ របស់សហរដ្ឋអាមេរិក។ ទស្សនកិច្ចនេះ ក៏កើតឡើង ក្នុងពេលដែលសេតវិមាន កំពុងបន្តកិច្ចចរចានុយក្លេអ៊ែរជាមួយអ៊ីរ៉ង់ ហើយទីតាំងជួបចរចា…

ញូវដែលី ៖ នាយករដ្ឋមន្ត្រីឥណ្ឌា លោក Narendra Modi ប្តេជ្ញាតាមប្រមាញ់ដល់ចុងផែនដី និង ដាក់ទោសខ្មាន់កាំភ្លើងបាញ់សម្លាប់ជនស៊ីវិល ២៦ នាក់នៅតំបន់កាស្មៀរកាលពីថ្ងៃអង្គារ និង បានចោទប្រកាន់ប៉ាគីស្ថានថា គាំទ្រ “អំពើភេរវកម្មឆ្លងដែន”។ លោក Modi បាននិយាយយ៉ាងដូច្នេះថា ខ្ញុំសូមប្រកាសទៅកាន់ពិភពលោកទាំងមូលថា ឥណ្ឌានឹងកំណត់អត្តសញ្ញាណ តាមប្រមាញ់ និងដាក់ទណ្ឌកម្មគ្រប់ពួកភេរវករ និងអ្នកគាំទ្ររបស់ពួកគេ។ យើងនឹងដេញតាមកម្ចាត់ពួកគេរហូតដល់ចុងផែនដី។ បើតាមសេចក្តីរាយការណ៍ ប៉ូលិសឥណ្ឌាបានកំណត់អត្តសញ្ញាណខ្មាន់កាំភ្លើរត់គេចខ្លួន បានមួយចំនួនហើយ ក្នុងនោះពីរនាក់ជាជនជាតិប៉ាគីស្ថាន។ប៉ូលិសក៏បានប្រកាសផ្តល់លុយរង្វាន់ចំនួន ២៣.៥០០ ដុល្លារ សម្រាប់ព័ត៌មានដែលនាំទៅដល់ការចាប់ខ្លួនក្រុមខ្មាន់កាំភ្លើង។ ឥណ្ឌាបានប្រកាសផ្អាកសន្ធិសញ្ញាបែងចែកការប្រើប្រាស់ទឹកទន្លេ Indus ព្រមទាំងបិទព្រំដែនគោកជាមួយប៉ាគីស្ថាន បន្ថយទំនាក់ទំនងទូត និងលុបចោលការផ្ដល់ទិដ្ឋាការដល់ពលរដ្ឋប៉ាគីស្ថាន កាលពីយប់ថ្ងៃពុធ ក្រោយខ្មាន់កាំភ្លើងបាញ់សម្លាប់មនុស្ស ២៦ នាក់ នៅតំបន់កាស្មៀរ ផ្នែកគ្រប់គ្រងដោយឥណ្ឌា។ ជាការឆ្លើយតប ប៉ាគីស្ថានក៏បានចាត់វិធានការសងសឹកវិញកាលពីថ្ងៃព្រហស្បតិ៍ ក្នុងនោះរួមមានការបណ្ដេញមន្ត្រីការទូតឥណ្ឌាមួយចំនួន និងលុបចោលការផ្ដល់ទិដ្ឋាការឱ្យពលរដ្ឋឥណ្ឌា លើកលែងតែជនជាតិ Sikh៕ ប្រភព ៖ AFP

ប៉ារីស ៖ មេដឹកនាំបារាំង នៅថ្ងៃព្រហស្បតិ៍ និយាយថា ប្រធានាធិបតីរុស្ស៊ី លោក Vladimir Putin គួរតែឈប់ប្រើពាក្យភូតកុហក ថាខ្លួនចង់បានសន្តិភាពនៅអ៊ុយក្រែន ទាំងដែលខ្លួនបន្តវាយប្រហារអ៊ុយក្រែនគ្មានលោះថ្ងៃ។ ប្រធានាធិបតីបារាំង លោក Emmanuel Macron ចោទប្រកាន់មេដឹកនាំរុស្ស៊ីថា បាននិយាយកុហកអ្នកចរចាអាមេរិកថា គាត់ចង់បានសន្តិភាព ប៉ុន្តែក្រោយមក បែរជាបន្តទម្លាក់គ្រាប់បែកលើអ៊ុយក្រែន។ លោក Macron បន្តថា នៅអ៊ុយក្រែន ពួកគេគ្រាន់តែចង់បានចម្លើយតែមួយប៉ុណ្ណោះ ថាតើលោកប្រធានាធិបតី Putin យល់ព្រមលើបទឈប់បាញ់ដោយគ្មានលក្ខខណ្ឌទេ។ បើតាមលោក Macron លោក Putin គឺជាមនុស្សតែម្នាក់គត់ដែលប្រកាន់យកសំណើដែលស្នើឡើងដោយអាមេរិក និងគាំទ្រដោយអឺរ៉ុប។ បើសិនលោកប្រធានាធិបតី ពូទីន និយាយថា បាទ ! នោះការផ្ទុះអាវុធនឹងស្ងាត់នៅថ្ងៃស្អែក ជីវិតក៏នឹងត្រូវបានសង្គ្រោះផងដែរ។ ការវាយប្រហារដោយមីស៊ីលរបស់រុស្ស៊ីលើទីក្រុង កៀវ កាលពីព្រឹកថ្ងៃព្រហស្បតិ៍ បានសម្លាប់មនុស្សយ៉ាងហោចណាស់ ១២ នាក់ ដែលនេះជាការវាយលុកដ៏សាហាវបំផុតមួយលើរដ្ឋធានីអ៊ុយក្រែន ចាប់តាំងពីទីក្រុងមូស្គូបានបើកការឈ្លានពានកាលពីជាង ៣ ឆ្នាំមុន។ បើតាមសេចក្តីរាយការណ៍ រុស្ស៊ីបានប្រើមីស៊ីលកូរ៉េខាងជើង៕ ប្រភព…

បរទេស ៖ ប្រទេសចិននឹងអនុញ្ញាតឱ្យអ្នកវិទ្យាសាស្ត្រ មកពីប្រទេសចំនួន៦ រួមទាំង សហរដ្ឋអាមេរិក ពិនិត្យមើលថ្មដ៏កម្រ ដែលចិនប្រមូលបានពីឋានព្រះច័ន្ទ អំឡុងបេសកកម្មរបស់យានអវកាស Chang’e-5 ក្នុងឆ្នាំ២០២០ បើទោះបីជាប្រទេសទាំងពីរ នៅតែជាប់គាំង នៅក្នុងវិបត្តិពន្ធគយដ៏ជូរចត់ ក៏ដោយ នេះបើតាមការចុះផ្សាយ របស់ទីភ្នាក់ងារព័ត៌មាន BBC នៅថ្ងៃសុក្រនេះ។ លោក Shan Zhongde ប្រធានរដ្ឋបាលអវកាសជាតិចិន ហៅកាត់ CNSA បាននិយាយប្រាប់ប្រព័ន្ធផ្សព្វផ្សាយ ក្នុងស្រុកថា គំរូថ្មទាំងនេះគឺជា “កំណប់ទ្រព្យរួម សម្រាប់មនុស្សជាតិទាំងអស់”។ យ៉ាងណាមិញ ក្រុមអ្នកស្រាវជ្រាវចិន មិនអាចចូលទៅកាន់ សំណាកព្រះច័ន្ទ របស់ទីភ្នាក់អវកាសអាមេរិក ហៅកាត់ NASA បានទេ ដោយសារការរឹតបន្តឹង ដែលដាក់ដោយសមាជិកសភាអាមេរិក ជុំវិញកិច្ចសហការ របស់ទីភ្នាក់ងារអវកាសអាមេរិក ជាមួយភាគីចិន៕ ប្រភពពី BBC

ភ្នំពេញ៖ ពិធីបុណ្យជាតិ ដើម្បី អបអរសាទរខួបលើកទី 50នៅថ្ងៃទី 30 ខែមេសា ឆ្នាំ 2025ខាងមុខនេះរបស់រដ្ឋាភិបាលវៀតណាម បានរៀបចំប្រារព្វធើ្វឡើង ដោយមានវត្តមានដ៏ខ្ពង់ខ្ពស់ពីសំណាក់នាយករដ្ឋមន្ត្រី និងប្រធាន អនុប្រធានអគ្គសេនាធិការកងទ័ពប្រជាជនវៀតណាម សាកលវិទ្យាល័យរដ្ឋទីក្រុងហូជីមិញ ថ្នាក់ដឹកនាំមួយចំនួនមកពីក្រសួងការពារជាតិ ក្រសួងសន្តិសុខសាធារណៈ តំណាងគណៈកម្មាធិការប្រជាជន ទីក្រុងហូជីមិញ និងប្រជាជនវៀតណាមយ៉ាងច្រើនបានអញ្ជើញជាអធិបតីនិងចូលរួមក្នុងពិធីបុណ្យជាតិដ៏ធំមួយនេះ។ ដែលមានការដើរបង្ហែរ ក្បួនព្យុះហយាត្រា និងក្បួនផ្សេងៗទៀតចំនួន 38ទីតាំងផ្សេងគ្នា ដែលរដ្ឋាភិបាលវៀតណាមបានរៀបចំធ្វើឡើង ដើរដង្ហែរនៅលើដងផ្លូវ រួមនិងកម្មវិធី លើកទង់ជាតិ សម្តែងសិល្បៈ ការថ្លែងសុន្ទរកថារបស់ថ្នាក់ដឹកនាំជាន់ខ្ពស់ តំណាងអតីតយុទ្ធជន អមដោយព្យុហយាត្រា ក្បួនដង្ហែរកងកម្លាំងប្រដាប់អាវុធ រួមមាន កងទ័ព និងកងជីវពល កងកម្លាំងនគរបាល ក្នុងនោះក៏មានកងកម្លាំងប្រដាប់អាវុធនៃព្រះរាជាណាចក្រកម្ពុជានិង ប្រជាជនឡាវរួមបញ្ចូលនូវកម្មវិធីរំលឹកវិញ្ញាណក្ខន្ធ ដល់យុទ្ធជនពលីនៅទីបញ្ចុះសព និងកន្លែងរំលឹក វិញ្ញាណក្ខន្ធរបស់ទីក្រុងផងដែរ។ លើសពីនេះក៏មាន ព្រឹត្តិការណ៍វប្បធម៌ និងកីឡា រួមទាំងការប្រកួតប្រណាំងកង់នៅទីក្រុងហូជីមិញ លើកទី៣៧ និងការបាញ់កាំជ្រួចនៅល្ងាចថ្ងៃទី៣០ ខែមេសា ឆ្នាំ២០២៥ និងមានកម្មវិធីទូរទស្សន៍ ការសម្តែងសិល្ប:វប្បធម៌ នៅបរិវេណខាងក្រៅសំខាន់ៗបន្ថែមទៀតផងដែរ។ ជ័យជម្នះនៅថ្ងៃទី 30 ខែមេសា…