Author: Dol Pheakdey

កៀវ ៖ ប្រធានាធិបតីអ៊ុយក្រែន លោក Volodymyr Zelensky នៅថ្ងៃពុធ បានអំពាវនាវឲ្យមាន “បទឈប់បាញ់ពេញលេញភ្លាមៗ និងដោយគ្មានលក្ខខណ្ឌ” ប៉ុន្មានម៉ោងក្រោយរុស្ស៊ីប្រើដ្រូនវាយប្រហារឡានក្រុងស្លាប់មនុស្ស ៩ នាក់ និង របួស ៤៩ នាក់នៅទីក្រុង Marganets ភាគខាងត្បូង។ លោក Zelensky បានហៅវាថា ជា “ការវាយប្រហារដ៏ព្រៃផ្សៃ និងជាឧក្រិដ្ឋកម្មសង្គ្រាមដោយចេតនាយ៉ាងពិតប្រាកដ”។ លោក Zelensky បានធ្វើការអំពាវនាវសាជាថ្មី ឱ្យផ្អាកមួយផ្នែកលើការវាយប្រហារដោយមីស៊ីល និងយន្តហោះគ្មានមនុស្សបើក។ មេដឹកនាំអ៊ុយក្រែនរូបនេះ បានអះអាងទៀតថា យើងក៏ត្រៀមខ្លួនរួចជាស្រេច ក្នុងការចរចាដោយផ្ទាល់ជាមួយរុស្ស៊ី សម្រាប់បទឈប់បាញ់ភ្លាមៗ សំដៅការពារអាយុជីវិតជនស៊ីវិល៕ ប្រភព ៖ AFP

ប្រធានាធិបតីអាមេរិក លោក Donald Trump និងប្រធានាធិបតីអ៊ុយក្រែន លោក Volodymyr Zelenskiy បានប៉ះទង្គិចសម្ដីគ្នាជាថ្មីម្តងទៀតកាលពីថ្ងៃពុធ (២៣ មេសា) លើកិច្ចខិតខំប្រឹងប្រែងដើម្បីបញ្ចប់សង្រ្គាមរយៈពេល ៣ឆ្នាំក្នុងអ៊ុយក្រែន ដោយមេដឹកនាំសហរដ្ឋអាមេរិករូបនេះបានរិះគន់លោក Zelenskiy ចំពោះការបដិសេធមិនទទួលស្គាល់ការកាន់កាប់របស់រុស្ស៊ី លើតំបន់គ្រីម៉េ។ អនុប្រធានាធិបតីអាមេរិក គឺលោក JD Vance និយាយថា ដល់ពេលហើយសម្រាប់រុស្ស៊ី និងអ៊ុយក្រែន ក្នុងការយល់ព្រមចំពោះសំណើសន្តិភាពរបស់អាមេរិក “ឬមិនដូច្នេះទេ អាមេរិក នឹងដើរចេញពីដំណើរការនេះ” ដោយជំរុញបន្ថែមពីលើការព្រមានបែបនេះរបស់លោក Trump កាលពីសប្តាហ៍មុន។ ក្នុងចំណោមចំណុចជាច្រើន រួមទាំងការបង្កកសមរភូមិមុខបច្ចុប្បន្ន អតីតមន្ត្រីលោកខាងលិចដែលដឹងពីសំណើសន្តិភាពរបស់អាមេរិក បាននិយាយថា ផែនការនោះក៏អំពាវនាវឱ្យមានការទទួលស្គាល់ការដាក់បញ្ចូលឧបទ្វីបគ្រីម៉េ របស់រុស្ស៊ី ផងដែរ។ លោក Zelenskiy កាលពីថ្ងៃអង្គារ បានរំលឹកឡើងវិញថា អ៊ុយក្រែននឹងមិនប្រគល់គ្រីម៉េ ទៅឱ្យរុស្ស៊ី ដែលបានដណ្តើមកាន់កាប់ឧបទ្វីបនេះក្នុងឆ្នាំ២០១៤នោះទេ។ លោក Trump ដែលបានទាស់សម្ដីគ្នាជាមួយលោក Zelenskiy ម្ដងរួចទៅហើយនៅក្នុងកិច្ចប្រជុំការិយាល័យ Oval Office កាលពីខែមីនា បានហៅការលើកឡើងនេះថា ជាសេចក្តីថ្លែងការណ៍បង្ករឿង…

ប្រទេសចិនបាននិយាយកាលពីថ្ងៃពុធ ២៣ មេសាសប្ដាហ៍នេះ ថាទ្វារបើកចំហយ៉ាងទូលំទូលាយសម្រាប់កិច្ចចរចាពាណិជ្ជកម្មជាមួយទីក្រុងវ៉ាស៊ីនតោន មួយថ្ងៃបន្ទាប់ពីប្រធានាធិបតីអាមេរិក Donald Trump បានផ្តល់សញ្ញាអំពីលទ្ធភាពនៃការទម្លាក់ពន្ធយ៉ាងច្រើនលើទីក្រុងប៉េកាំង។ ដោយនាំមកនូវការធូរស្រាលបន្ថែមទៀតដល់ទីផ្សារពិភពលោកដែលរង្គោះរង្គើដោយគោលនយោបាយពាណិជ្ជកម្មដ៏គឃ្លើនរបស់លោក លោកTrumpក៏បាននិយាយកាលពីថ្ងៃអង្គារផងដែរថាលោកពុំមានចេតនាបណ្តេញប្រធានធនាគារកណ្តាលអាមេរិកលោក Jerome Powell នោះទេ។ ចាប់តាំងពីការវិលត្រឡប់ទៅកាន់សេតវិមានកាលពីថ្ងៃទី២០ខែមករា លោក Trump បានដំឡើងពន្ធបន្ថែមចំនួន ១៤៥%លើផលិតផលជាច្រើនពីប្រទេសចិន។ ទាំងនេះរួមបញ្ចូលកាតព្វកិច្ចដែលដាក់ចេញដំបូងលើតួនាទីដែលត្រូវបានចោទប្រកាន់របស់ប្រទេសចិននៅក្នុងខ្សែសង្វាក់ផ្គត់ផ្គង់សារធាតុញៀន ហ្វង់តានីល (fentanyl) និងក្រោយមកទៀតទាក់ទងនឹងការអនុវត្តដែលទីក្រុងវ៉ាស៊ីនតោនចាត់ទុកថាអយុត្តិធម៌។ ទីក្រុងប៉េកាំងបានឆ្លើយតបដោយដំឡើងពន្ធចំនួន១២៥ភាគរយលើទំនិញរបស់សហរដ្ឋអាមេរិក ប៉ុន្តែបានរំលឹកឡើងវិញកាលពីថ្ងៃពុធថា ខ្លួនមានឆន្ទៈក្នុងការចូលរួមចរចាពាណិជ្ជកម្ម។ អ្នកនាំពាក្យក្រសួងការបរទេសចិនលោកហ្គ័រចាឃុន(Guo Jiakun) បានប្រាប់សន្និសីទសារព័ត៌មានប្រចាំថ្ងៃនៅទីក្រុងប៉េកាំងថា ប្រទេសចិនបានចង្អុលបង្ហាញពីដំបូងថាមិនមានអ្នកឈ្នះនៅក្នុងសង្គ្រាមដំឡើងពន្ធ និងសង្គ្រាមពាណិជ្ជកម្មទេ។ទ្វារសម្រាប់ការចរចាគឺបើកចំហជានិច្ច។ ប្រព័ន្ធផ្សព្វផ្សាយរដ្ឋបាននិយាយថា ប្រធានាធិបតីចិនលោក Xi Jinping ក៏បានព្រមានកាលពីថ្ងៃពុធសប្ដាហ៍នេះផងដែរថា សង្គ្រាមពាណិជ្ជកម្ម ប៉ះពាល់ដល់សិទ្ធិ និងផលប្រយោជន៍ស្របច្បាប់របស់ប្រទេសទាំងអស់ ធ្វើឱ្យប៉ះពាល់ដល់ប្រព័ន្ធពាណិជ្ជកម្មពហុភាគី និងប៉ះពាល់ដល់សណ្តាប់ធ្នាប់សេដ្ឋកិច្ចពិភពលោក៕

វ៉ាស៊ីនតោន ៖ មេដឹកនាំអ៊ុយក្រែន លោក វ៉ូឡូឌីមៀ ហ្សេលេនស្គី បានចេញមុខប្រកាសក្តែងៗនៅចំពោះមុខអ្នកកាសែតកាលពីថ្ងៃអង្គារថា ប្រទេសរបស់លោកនឹងគ្មានថ្ងៃឱនក្បាលទទួលស្គាល់តំបន់គ្រីមៀ ជាទឹកដីរបស់រុស្ស៊ីជាដាច់ខាត។ ការអះអាងបែបនេះរបស់លោក ហ្សេលេនស្គី កើតឡើងបន្ទាប់ពីមានសេចក្តីរាយការណ៍ថា រដ្ឋបាលលោកប្រធានាធិបតី ដូណាល់ ត្រាំ នឹងទទួលស្គាល់តំបន់គ្រីមៀ ជារបស់រុស្ស៊ីជាផ្លូវការ នៅក្នុងផែនការសន្តិភាពដែលត្រៀមបង្ហាញក្នុងកំលុងកិច្ចប្រជុំទីក្រុងឡុងដ៍ នៅថ្ងៃពុធនេះ។ លោកប្រធានាធិបតី ហ្សេលេនស្គី បានសង្កត់ធ្ងន់ថា គ្រីមៀគឺជាទឹកដីរបស់យើង … ទឹកដីរបស់ប្រជាជនអ៊ុយក្រែន ហើយយើងគ្មានអ្វីត្រូវនិយាយអំពីប្រធានបទនេះទេ ព្រោះវានៅក្រៅរដ្ឋធម្មនុញ្ញរបស់យើង។ មេដឹកនាំអ៊ុយក្រែនរូបនេះ ថែមទាំងបានព្រមានថា ពេលណា យើងចាប់ផ្តើមនិយាយអំពីគ្រីមៀ អំពីទឹកដីអធិបតេយ្យរបស់យើង នោះយើងនឹងឈានចូលទម្រង់នៃការអូសបន្លាយសង្រ្គាម … នេះជាអ្វីដែលរុស្ស៊ីចង់បាន។ តំបន់គ្រីមៀ បានរៀបចំធ្វើប្រជាមតិចូលរួមជាមួយរុស្ស៊ីក្នុងឆ្នាំ ២០១៤ បន្ទាប់ពីរដ្ឋប្រហារប្រដាប់អាវុធដែលគាំទ្រដោយលោកខាងលិចនៅទីក្រុងកៀវ។ យ៉ាងណា ទាំងអ៊ុយក្រែន និង អ្នកគាំទ្រលោកខាងលិចរបស់ខ្លួន នៅតែបន្តប្រកាសមិនទទួលស្គាល់លទ្ធផលនៃការធ្វើប្រជាមតិនោះជាដាច់ខាត៕ ប្រភព ៖ RT

(ភ្នំពេញ)៖ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន បានអញ្ជើញចុះអនុស្សរណៈនៃការយោគយល់គ្នារវាងក្រសួងបរិស្ថានកម្ពុជា និងក្រសួងធនធានធម្មជាតិ និងបរិស្ថានថៃ ស្តីពីកិច្ចសហប្រតិបត្តិការកិច្ចគាំពារបរិស្ថានឆ្លងដែន។ ពិធីចុះហត្ថលេខានេះបានធ្វើឡើងក្រោមអធិបតីភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកស្រី ផែថងថាន ស៉ីណាវ៉ាត្រា នាយករដ្ឋមន្រ្តីថៃ នៅព្រឹកថ្ងៃទី២៣ ខែមេសា ឆ្នាំ២០២៥នេះ។ ឯកសារទាំង៧នេះ ត្រូវបានចុះហត្ថលេខានៅវិមានសន្តិភាព ក្នុងដំណើរទស្សនកិច្ចផ្លូវការរបស់ នាយករដ្ឋមន្រ្តីថៃ មកកាន់កម្ពុជា ក្នុងនោះរួមមាន៖ ទី១៖ កិច្ចព្រមព្រៀង ស្តីពីការប្រើប្រាស់កម្លាំងពលកម្ម រវាងរាជរដ្ឋាភិបាលកម្ពុជា និងថៃ។ ទី២៖ អនុស្សរណៈនៃការយោគយល់គ្នា រវាងរាជរដ្ឋាភិបាលកម្ពុជា និងថៃ ស្តីពីកិច្ចសហប្រតិបត្តិការលើវិស័យការងារ។ ទី៣៖ អនុស្សរណៈនៃការយោគយល់គ្នា រវាងក្រសួងបរិស្ថានកម្ពុជា និងក្រសួងធនធានធម្មជាតិ និងបរិស្ថានថៃ ស្តីពីកិច្ចសហប្រតិបត្តិការកិច្ចគាំពារបរិស្ថានឆ្លងដែន។ ទី៤៖ កិច្ចព្រមព្រៀង រវាងរាជរដ្ឋាភិបាលកម្ពុជា និងថៃ ស្តីពីការគ្រប់គ្រង ថែទាំ និងប្រើប្រាស់ស្ពានមិត្តភាពកម្ពុជា-ថៃ (ស្ទឹងបត់-បានណងអៀន)។ ទី៥៖ កិច្ចព្រមព្រៀងរវាងរាជរដ្ឋាភិបាលកម្ពុជា និងថៃ ស្តីពីការសាងសង់ស្ពានព្រំដែនផ្សារព្រំ-បានផាកាត។…

(ភ្នំពេញ)៖ មជ្ឈមណ្ឌលជាតិ ផ្នែកវេជ្ជសាស្រ្តបូរាណគឺជាផ្នែក​មួយក្នុងការរួមចំណែកជួយវិស័យសុខាភិបាល ដែលត្រូវយកចិត្ត​ទុកដាក់ ក្នុងការចូលរួមដើម្បីឆ្ពោះទៅលើកិច្ចការ ទាំងឡាយ និង​ត្រៀមខ្លួនជានិច្ចក្នុងការគិតពិចារណាទុកជាមុន ក្នុងការដោះស្រាយ​រាល់បញ្ហាដែលជួបប្រទះ ដើម្បីដោះស្រាយឱ្យបានជោគជ័យ និង​ពង្រីកការប្រើប្រាស់វេជ្ជសាស្រ្តបូរាណឱ្យកាន់តែល្អប្រសើរ។ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល ថ្លែង​បែបនេះ​ក្នុងដំណើរចុះពិនិត្យវឌ្ឍនភាពការងារនៅមជ្ឈមណ្ឌល​ជាតិ​ស្រាវជ្រាវវេជ្ជសាស្រ្តបូរាណ នាព្រឹកថ្ងៃពុធ ទី២៣ ខែមេសា ឆ្នាំ២០២៥ និង ជួបសំណេះសំណាល ជាមួយមន្ត្រីនៃមជ្ឈមណ្ឌល​ជាតិផ្នែកវេជ្ជសាស្ត្របូរាណ ដើម្បីជំរុញលើកទឹកចិត្ត និងផ្តល់អនុ​សាសន៍ ក្នុងការបង្កើនប្រសិទ្ធភាពការងារបន្ថែមទៀត។ ឯកឧត្តម ឈាង រ៉ា បានជំរុញឱ្យថ្នាក់ដឹកនាំ និងមន្រ្តីនៃមជ្ឈ​មណ្ឌល​ជាតិ ត្រូវបង្កើនសមត្ថភាពស្រាវជ្រាវអំពីផ្នែកវេជ្ជសាស្រ្តបុរាណ និង​បង្កើនកិច្ចសហការជាមួយប្រទេសជឿនលឿនខាងផ្នែកឱសថបូរាណ។ ឯកឧត្តម រដ្ឋមន្រ្តី បានណែនាំថា ការដឹង ការស្គាល់ ប្រកបដោយជំនាញច្បាស់លាស់របស់ មន្រ្តីវេជ្ជសាស្រ្តបូរាណ គឺជាការលើកទឹកចិត្ត និងការទាក់ទាញដល់មហាជនទូទៅ ដើម្បីរក្សាការប្រើប្រាស់ឱសថបូរាណនេះឱ្យទូលំទូលាយ និងបន្តថែរក្សាប្រពៃណីវេជ្ជសាស្ត្របូរាណខ្មែរគង់វង្សជាបន្ត។ ឯកឧត្តមសាស្រ្តាចារ្យរដ្ឋមន្រ្តី ក៏បានឆ្លៀតចុះពិនិត្យនិស្សិត​ដែលសិក្សាផ្នែកឱសថ ដើម្បីផ្តល់ជាការណែនាំ និងគន្លឹះ​ក្នុងការក្លាយខ្លួនជាអ្នកប្រកបវិជ្ជាជីវៈសុខាភិបាល ព្រមទាំង​ផ្តល់ជាកម្លាំងចិត្តដល់និស្សិតទាំងអស់ ឱ្យបន្តខំប្រឹងប្រែងស្វែង​យល់ក្នុងការសិក្សារៀនសូត្រ ដែលនឹងក្លាយជាយុវជនអ្នកបន្តវេន នៅក្នុងវិស័យសុខាភិបាល ៕ ដោយ ៖ ហេង…

(ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះ​បណ្តាលវិជ្ជាជីវៈ អញ្ជើញចុះហត្ថលេខាលើឯកសារចំនួន ៣ ជាមួយភាគីថៃ ក្រោមអធិបតីភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវ ផែថងថាន ស៊ីណាវ៉ាត្រ (Paetongtarn Shinawatra) នាយករដ្ឋមន្ត្រី នៃព្រះរាជាណាចក្រថៃ។ ឯកសារចំនួន ៣ ដែលត្រូវបានចុះហត្ថលេខា នៅវិមានសន្តិភាព រាជធានីភ្នំពេញ នាព្រឹកថ្ងៃទី២៣ ខែមេសា ឆ្នាំ២០២៥នេះ រួមមាន៖ ១. លិខិតប្តូរសារ ស្តីពី គម្រោងពង្រឹងសមត្ថភាពវិទ្យាស្ថានអភិវឌ្ឍន៍មុខជំនាញកម្ពុជា-ថៃ ដែលចុះហត្ថលេខារវាងឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ជាមួយ ឯកឧត្តម ម៉ារីត សាងៀមផុង្ស រដ្ឋមន្ត្រីការបរទេសនៃព្រះរាជាណាចក្រថៃ។ ២. អនុស្សរណៈនៃការយោគយល់គ្នា រវាងរាជរដ្ឋាភិបាលនៃព្រះរាជា​ណា​ចក្រ​កម្ពុជា និងរាជរដ្ឋាភិបាលនៃព្រះរាជាណាចក្រថៃ ស្តីពី កិច្ចសហប្រតិបត្តិការលើវិស័យការងារ ដែលចុះហត្ថលេខារវាង ឯកឧត្តម ហេង សួរ…

(ភ្នំពេញ)៖ ក្រសួងពាណិជ្ជកម្ម បានអោយដឹងថា កម្ពុជាបាននិងកំពុង​អនុវត្តយ៉ាងគត់មត់នូវវិធានពាណិជ្ជកម្មអន្តរជាតិ កាតព្វកិច្ច និងការ​សន្យាពេលចូលជាសមាជិករបស់អង្គការពាណិជ្ជកម្មពិភពលោក ព្រមទាំងបាននិងកំពុងរៀបចំនីតិវិធីពិសេសបន្ថែមសម្រាប់ការនាំចេញទំនិញទៅកាន់ទីផ្សារសហរដ្ឋអាម៉េរិក។ នេះបើយោងតាមសេចក្តីជូនដំណឹងនៅថ្ងៃទី២៣ ខែមេសា ឆ្នាំ២០២៥ របស់ក្រសួងពាណិជ្ជកម្ម។ ដោយ ៖ ង៉ាន់ ទិត្

ភ្នំពេញ៖ លោកជំទាវ ផែថងថាន ស៊ីណាវ៉ាត្រ នាយករដ្ឋមន្ត្រីថៃ និងស្វាមី នឹងអញ្ជើញមកដល់​កម្ពុជានៅវេលាម៉ោង​៩:៥០នាទីព្រឹក​ថ្ងៃពុធទី២៣ ខែមេសា ឆ្នាំ២០២៥ ដើម្បីបំពេញទស្សនកិច្ចផ្លូវការ​​នៅ​ព្រះរាជាណា​ចក្រ​​កម្ពុជា​​រយៈពេលពីរ​ថ្ងៃ​ចាប់ពីថ្ងៃពុធទី២៣ ដល់ថ្ងៃទី២៤ ខែមេសា ឆ្នាំ២០២៥ ។ យោងតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការ​អន្តរជាតិនៅថ្ងៃទី២១ ខែមេសានេះបាន​ឱ្យដឹងថាតបតាមការអញ្ជើញរបស់​សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា លោក​ជំទាវ ផែថងថា ស៊ីណាវ៉ាត្រ នាយករដ្ឋមន្ត្រីនៃព្រះរាជាណាចក្រថៃ និងស្វាមី នឹងអញ្ជើញមកបំពេញទស្សន​កិច្ចផ្លូវការ​នៅ​ព្រះ​រាជាណាចក្រកម្ពុជា​ពីថ្ងៃទី២៣ ដល់ ថ្ងៃទី២៤ ខែមេសា។ទស្សនកិច្ចរបស់លោកជំទាវនាយក​រដ្ឋមន្ត្រីថៃកើតមាន​ឡើងស្របពេលដែល​ព្រះ​រាជាណាចក្រទាំងពីរប្រារព្ធ​ខួបទី៧៥នៃទំនាក់ទំនងការទូត ដែលនឹងពង្រឹងបន្ថែមទៀតនូវ​ចំណង​មិត្តភាពជា ប្រពៃណី រវាងប្រជាជនទាំងពីរ ។ ពិធីបដិសណ្ឋារកិច្ចផ្លូវការ​នឹងប្រារព្ធនៅវិមានសន្តិភាព បន្ទាប់មកលោកជំទាវ​នាយក​រដ្ឋមន្ត្រីថៃ និង​សម្តេចបវរធិបតីនាយក​រដ្ឋមន្ត្រីកម្ពុជា នឹងមានជំនួបទ្វេភាគី ដើម្បីពិភាក្សាពីការកំណត់ទិសដៅសកម្មភាព ក្នុងការធ្វើឱ្យ​កាន់តែស៊ីជម្រៅ និងពង្រីក​បន្ថែម​ទៀតនូវកិច្ចសហ​ប្រតិបត្តិ​ការដែលមានផលប្រយោជន៍ទៅវិញ​ទៅមក។ថ្នាក់ដឹកនាំ​ទាំងពីរ​ក៏នឹងធ្វើជាសាក្សី​នៅក្នុង​ពិធី​ចុះ​ហត្ថលេខាលើ​ឯកសារស្តីពីកិច្ចសហប្រតិបត្តិការទ្វេភាគី លើវិស័យផ្សេងៗ និងពិធីសម្ពោធ​និមិត្តសញ្ញាខួប​អនុស្សាវរីយ៍លើកទី៧៥ នៃការភ្ជាប់ទំនាក់ទំនងការទូតកម្ពុជា-ថៃផងដែរ។ លោកជំទាវ ផែថងថាន ស៊ីណាវ៉ាត្រ និងស្វាមី នឹងមានព្រះរាជសវនាការជាមួយ ព្រះករុណា ព្រះបាទសម្តេច ព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា…

(ភ្នំពេញ)៖ ក្នុងជំនួបសម្តែងការគួរសម និងពិភាក្សាការងារជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅវិមានសន្តិភាព នារសៀលថ្ងៃទី២២ ខែមេសា ឆ្នាំ២០២៥ ឯកឧត្តមនាយឧត្តមសេនីយ៍ Tan Sri Dato Wira Muhammad Hafizuddeain Bin Jantan មេបញ្ជាការកងទ័ពជើងគោកម៉ាឡេស៊ី បានកោតសរសើរកម្ពុជា ចំពោះការរីកចម្រើនយ៉ាងឆាប់រហ័សលើគ្រប់វិស័យ ។ ឯកឧត្តម ក៏បានបង្ហាញនូវសុទិដ្ឋិនិយមថា ក្រោមការដឹកនាំប្រកបដោយភាពឈ្លាសវៃ និងចក្ខុវិស័យវែងឆ្ងាយរបស់សម្តេចបវរធិបតី កម្ពុជានឹងបន្តអភិវឌ្ឍបន្ថែមទៀត ដែលក្នុងនោះវិស័យកងទ័ពក៏នឹងមានការអភិវឌ្ឍ​និងរីកចម្រេីន ផងដែរ។ ឯកឧត្តមមេបញ្ជាការ បានគោរពរាយការណ៍ជូនសម្តេចបវរធិបតីអំពីលទ្ធផលប្រកបដោយផ្លែផ្កានៃជំនួប​ពិភាក្សាការងាររបស់ឯកឧត្តម ជាមួយថ្នាក់ដឹកនាំកងទ័ពកម្ពុជា និងបានសម្តែងការពេញចិត្តចំពោះការរីកចម្រើននៃចំណងមិត្តភាពម៉ាឡេស៊ី-កម្ពុជា ជាពិសេសកិច្ចសហប្រតិបត្តិការ រវាងកងទ័ពនៃប្រទេសទាំងពីរ។ ឯកឧត្តមបានប្តេជ្ញាពង្រឹង និងពង្រីកកិច្ចសហប្រតិបត្តិការនេះបន្ថែមទៀត តាមរយៈការផ្លាស់ប្តូរបទពិសោធន៍, ការហ្វឹកហាត់​ និង​ការសិក្សារៀនសូត្រ​ទៅវិញ​ទៅមក​ រវាងកងទ័ពនៃប្រទេសទាំងពីរ។​ ឯកឧត្តមក៏បានគូសបញ្ជាក់ជូនថា​ កងទ័ពម៉ាឡេស៊ីមានបំណងចង់សិក្សារៀនសូត្រពីបទពិសោធន៍ជោគជ័យរបស់កម្ពុជា​ ចំពោះកងទ័ពរក្សាសន្តិភាពក្រោមឆ័ត្រអង្គការសហប្រជាជាតិ និងការបោសសម្អាតមីន។ ជាការឆ្លើយតប, សម្តេចបវរធិបតីបានសម្តែងក្តីរីករាយចំពោះការរីកចម្រើននៃកិច្ចសហប្រតិបត្តិការរវាងកងទ័ពប្រទេសទាំងពីរ និងជឿជាក់ថា លទ្ធផលនៃជំនួបពិភាក្សាការងាររវាងថ្នាក់ដឹកនាំកងទ័ព នឹងជំរុញកិច្ចសហប្រតិបត្តិការ បន្ថែមទៀត។ សម្តេចបវរធិបតីបានលើកទឹកចិត្តឱ្យកងទ័ពនៃប្រទេសទាំងពីរបន្តកិច្ចសហប្រតិបត្តិការ ទាំងក្នុងក្របខ័ណ្ឌទ្វេភាគី និងតំបន់​…