Author: Dol Pheakdey

ភ្នំពេញ៖ ក្រសួងប្រៃសណីយ៍និងទូរគមនាគមន៍ និងគណៈកម្មាធិការរដ្ឋាភិបាលឌីជីថល បានអោយដឹងថា វេទិការដ្ឋាភិបាលឌីជីថល ឆ្នាំ២០២៥ ពិព័រណ៍បច្ចេកវិទ្យាឌីជីថល និងព្រឹត្តិការណ៍ជាតិ-អន្តរជាតិពាក់ព័ន្ធ ក្រោមប្រធានបទ “ការពន្លឿនអនាគតឌីជីថល៖ អភិបាលកិច្ច កំណើន និងភាពជាដៃគូសកល” បានប្រព្រឹត្តទៅរយៈពេល ៣ ថ្ងៃ ចាប់ពីថ្ងៃទី ៥-៧ ខែធ្នូ ឆ្នាំ២០២៥ នៅមណ្ឌលសន្និបាតនិងពិព័រណ៍កោះពេជ្រ ប្រកបដោយលទ្ធផលជោគជ័យដ៏ត្រចះត្រចង់ ដោយមានការចូលរួមពីសំណាក់រដ្ឋមន្ត្រីឌីជីថលអាស៊ាននិងអាស៊ី-ប៉ាស៊ីហ្វិក អង្គទូត ទីភ្នាក់ងារនៃអង្គការសហប្រជាជាតិ អង្គការជាតិ-អន្តរជាតិ ដៃគូអភិវឌ្ឍន៍ ក្រសួង ស្ថាប័ន ក្រុមហ៊ុនបច្ចេកវិទ្យាឌីជីថល ធុរកិច្ចថ្មីឌីជីថល គ្រឹះស្ថានអប់រំ និងដៃគូពាក់ព័ន្ធផ្សេងទៀតជាច្រើន ព្រមទាំងមានការចូលរួមទស្សនាពីសាធារណជនជាតិ-អន្តរជាតិ ប្រមាណ ជិត ២០,០០០ នាក់ ដែលកើនឡើងលើសឆ្នាំមុនជិត ២ ដង។ ក្នុងរយៈពេល ៣ ថ្ងៃនេះ វេទិការដ្ឋាភិបាលឌីជីថល ឆ្នាំ២០២៥ ពិព័រណ៍បច្ចេកវិទ្យាឌីជីថល និងព្រឹត្តិការណ៍ជាតិ-អន្តរជាតិពាក់ព័ន្ធ បានប្រព្រឹត្តទៅដោយបែងចែកជា ២ ផ្នែកសំខាន់ៗ។ ជារួម វេទិកាឆ្នាំនេះ មានវាគ្មិនជាតិនិងអន្តរជាតិ ចូលរួមសរុបប្រមាណជិត…

វ៉ាស៊ីនតោន ៖ លោកប្រធានាធិបតី ដូណាល់ ត្រាំ ក្នុងថ្ងៃពុធ និយាយថា យោធាអាមេរិកបានស្ទាក់ចាប់ និងរឹបអូសកប៉ាល់ដឹកប្រេងមួយគ្រឿង ដែលជាប់ទណ្ឌកម្ម នៅឯឆ្នេរសមុទ្រនៃប្រទេសវេណេស៊ុយអេឡា។ ចំណាត់ការក្តៅរបស់អាមេរិកនេះ បានធ្វើឱ្យតម្លៃប្រេងហក់ឡើងខ្ពស់ភ្លាមៗ និងជាការដុតបញ្ឆេះភាពតានតឹងថែមមួយកម្រិតទៀត រវាងទីក្រុងវ៉ាស៊ីនតោន និងទីក្រុងការ៉ាកាស់។ លោកប្រធានាធិបតី ត្រាំ ដែលជំរុញឱ្យលោកប្រធានាធិបតី នីកូឡាស់ ម៉ាឌូរ៉ូ ចុះចេញពីអំណាច បានលើកឡើងថា យោធាអាមេរិករឹបអូសបានកប៉ាល់ដឹកប្រេងមួយគ្រឿងនៅឆ្នេរសមុទ្រវេណេស៊ុយអេឡា… វាជាកប៉ាល់ដឹកប្រេងធំបំផុត… ធំខ្លាំងមិនធ្លាប់មាន ហើយរឿងផ្សេងទៀតក៏កំពុងកើតឡើងដែរ។ នៅពេលត្រូវបានសាកសួរថាតើអាមេរិកនឹងធ្វើអ្វីចំពោះប្រេងទាំងនោះ? លោក ត្រាំ បាននិយាយយ៉ាងខ្លីថា ខ្ញុំគិតថា យើងនឹងរក្សាទុកវាសិន។ ទន្ទឹមគ្នា មន្រ្តីរដ្ឋបាលលោក ត្រាំ មិនបានបញ្ជាក់អត្តសញ្ញាណកប៉ាល់ដឹកប្រេងនេះទេ ហើយក៏មិនបានប្រាប់ពីមូលហេតុរឹបអូសវាដែរ។ ជាការឆ្លើយតប រដ្ឋាភិបាលវេណេស៊ុយអេឡានិយាយថា ខ្លួននឹងចាត់វិធានការការពារអធិបតេយ្យភាព មិនថាធនធានធម្មជាតិ និងកត្តិយសមុខមាត់ជាតិ ជាមួយការប្តេជ្ញាចិត្តយ៉ាងម៉ឺងមាត់ និងថ្កោលទោសការរឹបអូសនាវាដឹកប្រេង នៅចំពោះមុខស្ថាប័នអន្តរជាតិ។ ចាប់តាំងពីដើមខែកញ្ញាឆ្នាំនេះ រដ្ឋបាលលោកប្រធានាធិបតី ដូណាល់ ត្រាំ បានដឹកនាំការវាយប្រហារផ្លូវអាកាសច្រើនជាង ២០លើករួចមកហើយ ប្រឆាំងនឹងទូកសង្ស័យដឹកគ្រឿងញៀននៅសមុទ្រការ៉ាប៊ីន និងប៉ាស៊ីហ្វិក។ ហើយជាលទ្ធផលនោះ…

ការធ្វើពាណិជ្ជកម្មរវាងកម្ពុជា និងអាមេរិកមានទំហំទឹកប្រាក់ជិត ១២ពាន់លានដុល្លារ កើនឡើងជាង ២៧% ក្នុងរយៈពេល១១ខែឆ្នាំនេះ (ភ្នំពេញ)៖ ក្នុងរយៈពេល១១ខែ ឆ្នាំ២០២៥នេះ ការធ្វើពាណិជ្ជកម្មរវាងកម្ពុជា និងសហរដ្ឋអាមេរិក មានទំហំជាង១១.៨៧ពាន់លានដុល្លារ កើនឡើងជាង២៧.៧% បើធៀបនឹងរយៈពេលដូចគ្នា កាលពីឆ្នាំ២០២៤ ដែលមានទំហំ ៩.៣ពាន់លានដុល្លារ។ នេះបើយោងតាមរបាយការណ៍ពីអគ្គនាយកដ្ឋានគយ និងរដ្ឋាករកម្ពុជា។ ​ទិន្នន័យនេះបានបញ្ជាក់ថា ចាប់ពីខែមករា ដល់ វិច្ឆិកា ឆ្នាំ២០២៥ កម្ពុជាបាននាំចេញទំនិញសំខាន់ៗ ទៅកាន់សហរដ្ឋអាមេរិក ក្នុងតម្លៃជាង១១.៥ពាន់លានដុល្លារកើនឡើង២៧.១% បើធៀបនឹងរយៈពេលដូចគ្នាកាលពីឆ្នាំ២០២៤ មានតម្លៃជាង៩ពាន់លានដុល្លារ។ រីឯការនាំចូលពីសហរដ្ឋអាមេរិកមកវិញ មានតម្លៃជាង៣៦៧លានដុល្លារ កើនឡើង៥០.៣% បើធៀបនឹងរយៈពេលដូចគ្នាកាលពីឆ្នាំ២០២៤ មានតម្លៃជាង២៤៤លានដុល្លារ។ ដោយឡែកគិតតែវិច្ឆិកាឆ្នាំ២០២៥នេះ កម្ពុជានាំចេញទៅសហរដ្ឋអាមេរិក ក្នុងតម្លៃ ១.១ពាន់លានដុល្លារ កើនឡើង៣៣.៦% បើធៀបនឹងឆ្នាំ២០២៤ ដែលមានតម្លៃជាង៨២៨លានដុល្លារ ខណៈសហរដ្ឋអាមេរិកនាំចូលមកវិញមានតម្លៃជាង៤១.២លានដុល្លារ កើនឡើង៥៥% បើធៀបនឹងឆ្នាំ២០២៤ ដែលមានតម្លៃជាង២៦លានដុល្លារ។ តាមរយៈតួលេខនេះ សបញ្ជាក់ថា ការធ្វើពាណិជ្ជកម្មរវាងកម្ពុជា និងសហរដ្ឋអាមេរិក នៅតែល្អប្រសើរ បើទោះបីជាភាគីទាំងកំពុងអនុវត្តពន្ធបដិកាថ្មីក៏ដោយ ខណៈសហរដ្ឋអាមេរិកនៅតែជាទីផ្សារចម្បងសម្រាប់កម្ពុជា។ ទំនិញសំខាន់ៗ ដែលកម្ពុជានាំចេញទៅកាន់សហរដ្ឋអាមេរិក រួមមានផលិតផលសម្លៀកបំពាក់…

ភ្នំពេញ៖ ឯកឧត្តម ជា វ៉ាន់ដេត រដ្ឋមន្រ្តីក្រសួងប្រៃសណីយ៍និងទូរគមនាគមន៍ (ក.ប.ទ. រសៀលថ្ងៃទី១០ ខែធ្នូ ឆ្នាំ២០២៥ បានទទួលជួបពិភាក្សាការងារជាមួយ លោក Jean-Pierre MARCELLI នាយកទីភ្នាក់ងារបារាំងសម្រាប់ការអភិវឌ្ឍ (The Agence Française de Développement – AFD) ប្រចាំតំបន់អាស៊ីអាគ្នេយ៍ នៅទីស្ដីការ ក.ប.ទ.។ ក្នុងជំនួបនេះ ឯកឧត្តមរដ្ឋមន្រ្តី បានជម្រាបជូនលោកនាយក អំពីភាពជោគជ័យនៃការរៀបចំវេទិការដ្ឋាភិបាលឌីជីថលឆ្នាំ២០២៥ និងពិព័រណ៍បច្ចេកវិទ្យាឌីជីថល ទស្សនវិស័យរបស់ក្រសួងក្នុងដំណើរនៃបរិវត្តកម្មរដ្ឋាភិបាលឌីជីថល ការអភិវឌ្ឍថ្នាលនិងកម្មវិធីរាជរដ្ឋាភិបាលឌីជីថល និងការបណ្តុះបណ្តាលធនធានមនុស្សឌីជីថល។ លើលពីនេះ ឯកឧត្តមរដ្ឋមន្រ្តី បានស្នើឱ្យទីភ្នាក់ងារបារាំងសម្រាប់ការអភិវឌ្ឍ (AFD) ជំរុញឱ្យធុរកិច្ចនៃបណ្តារដ្ឋសមាជិកកិច្ចប្រជុំហ្រ្វង់កូហ្វូនី ដើម្បីចូលរួមក្នុងព្រឹត្តិការណ៍ហ្វ្រង់កូតិច ដែលនឹងរៀបចំឡើងនៅក្នុងឆ្នាំ២០២៦ នៅកម្ពុជា។ ជាការឆ្លើយតប លោកនាយក បានថ្លែងកោតសរសើរចំពោះសមិទ្ធផលថ្មីៗរបស់ក្រសួង ជាពិសេសអបអរសាទរចំពោះថ្នាលផ្ទៀងផ្ទាត់ឯកសាររបស់រាជរដ្ឋាភិបាល verify.gov.kh ដែលជាថ្នាលមួយទទួលបានភាពជោគជ័យនិងការចាប់អារម្មណ៍ពីសំណាក់ប្រទេសជាច្រើន ព្រមទាំងត្រូវបានប្រទេសមួយចំនួនក្នុងតំបន់យកជាគំរូនិងស្នើសុំយកទៅប្រើប្រាស់ក្នុងប្រទេសរបស់ខ្លួន។ លើសពីនេះ លោកនាយក បានក៏សម្តែងការគាំទ្រនិងបន្តពិភាក្សាជាមួយ ក.ប.ទ. លើគម្រោងនានាដែលបាននិងកំពុងសិក្សារួមគ្នា។ មុននឹងបញ្ចប់ ភាគីទាំងពីរបានប្តេជ្ញាបន្តពង្រឹងកិច្ចសហប្រតិបត្តិការបន្ថែមទៀតក្នុងវិស័យបច្ចេកវិទ្យាឌីជីថល ជាពិសេសការអនុវត្តអនុស្សរណៈនៃការយោគយល់រវាងស្ថាប័នទាំងពីរដែលបានចុះហត្ថលេខាក្នុងអំឡុងព្រឹត្តិការណ៍វេទិការដ្ឋាភិបាលឌីជីថលឆ្នាំ២០២៥…

វ៉ាសូវី ៖ ប្រទេសប៉ូឡូញកំពុងថ្លឹងថ្លែងលើជម្រើសផ្ទេរយន្តហោះចម្បាំង MiG-29 ទៅកាន់ប្រទេសអ៊ុយក្រែន ជាថ្នូរនឹងលទ្ធភាពទទួលបានបច្ចេកវិទ្យាផលិតយន្តហោះគ្មានមនុស្សបើក ឬយានដ្រូនរបស់ទីក្រុងកៀវ។ ពាក់ព័ន្ធផែនការនេះ រដ្ឋមន្ត្រីការពារជាតិប៉ូឡូញ លោក Wladyslaw Kosiniak-Kamysz ក្នុងថ្ងៃពុធ និយាយថា យើងកំពុងចរចាជាមួយភាគីអ៊ុយក្រែន អំពីការផ្ទេរយន្តហោះចម្បាំង MiG-29 ហើយយើងក៏កំពុងពិភាក្សា អំពីការផ្ទេរបច្ចេកវិទ្យាមកកាន់ប៉ូឡូញវិញដែរ ដូចជាការផលិតយន្តហោះដ្រូន។ សាមគ្គីភាពនេះត្រូវតែមានទៅមានមក។ បើតាមអគ្គសេនាធិការកងទ័ពប៉ូឡូញ, យុទ្ធសាស្រ្តនេះ នឹងក្លាយជាធាតុផ្សំចម្បងដល់គោលនយោបាយសម្ព័ន្ធមិត្ត ក្នុងការគាំទ្រអ៊ុយក្រែនប្រយុទ្ធនឹងរុស្ស៊ី ពិសេសថែរក្សាសន្តិសុខព្រំដែនប៉ែកខាងកើតរបស់អង្គការណាតូ។ ភារកិច្ចរបស់យន្តហោះចម្បាំង MiG សល់ពីសម័យសូវៀត នឹងត្រូវបានអនុវត្តជំនួសដោយយន្តហោះ F-16 និង FA-50។ យន្តហោះចម្បាំង MiG-29 ជាច្រើនគ្រឿងត្រូវបានខ្នងបង្អែកអឺរ៉ុបប្រគល់ឲ្យអ៊ុយក្រែន ដើម្បីយកមកតទល់ជាមួយរុស្ស៊ីក្នុងសង្គ្រាមដ៏ក្តៅគគុក ចាប់តាំងពីឆ្នាំ២០២២មក។ ប៉ូឡូញ គឺជាសម្ព័ន្ធមិត្តដ៏សំខាន់ដែលគាំទ្រអ៊ុយក្រែន និងតែងតែជាប្រទេសឈានមុខគេមួយ ក្នុងការផ្គត់ផ្គង់សព្វាអាវុធដល់ទីក្រុងកៀវ ហើយក៏ជាប្រទេសដំបូងគេដែលសន្យាផ្តល់រថក្រោះ Leopard 2 ដល់អ៊ុយក្រែនផងដែរ៕ ប្រភព ៖ the straits times

ព្រះវិហារ៖ នៅតំបន់រង្វង់មូលស្រអែមនៃខេត្តព្រះវិហារ តំបន់ដែលធ្លាប់តែអ៊ូអរមមាញឹកតែនៅថ្ងៃទី១១ ខែធ្នូ ឆ្នាំ២០២៥នេះ មានសភាពស្ងាត់ជ្រងំគួរឱ្យសង្រេងបន្ទាប់ពីប្រជាពលរដ្ឋបានចាកចេញពីលំនៅដ្ឋានទៅរកមណ្ឌលសុវត្ថិភាព ដែលរៀបចំដោយ​រដ្ឋបាលខេត្តព្រះវិហារ និងពលរដ្ឋខ្លះទៀត បានចាកចេញពីលំនៅឋានទៅកាន់ទីរួមខេត្ត ក៏ដូចជាទៅកាន់បណ្ដាខេត្តដទៃទៀត ដើម្បីរក្សាសុវត្ថិភាព ។ និយាយទៅដល់ចោរឈ្លានពានលោកស្រី វ៉ាន់ ស្រីអែម ប្រជាពលរដ្ឋរស់នៅស្រអែម បាននិយាយថា យោធាថៃបានបើកការបាញ់​ប្រហារមកលើកម្ពុជា ចាប់ពីព្រឹកថ្ងៃទី៧ ខែធ្នូ ហើយបានផ្លោង​គ្រាប់ចូលមកដល់តំបន់ស្រអែមនេះដែរ​ដែលធ្វើឱ្យ​បងប្អូនប្រជា​ពលរដ្ឋ។ដែលមានកូនតូចក៏ដូចជាកូនៗនៅក្នុងបន្ទប់ និងចាស់ជរានៅក្នុងបន្ទុកផងនោះ ចាកចេញពីលំនៅឋាន​ចាប់ពីល្ងាចថ្ងៃ​ទី៧ធ្នូរហូតដល់ថ្ងៃទី១០ ដែលធ្វើឱ្យសភាពនៅតំបន់នេះស្ងប់ស្ងាត់ ប៉ុន្តែសំលេងប្លោងគ្រាប់របស់ថៃ នៅតែលឺទាំងថ្ងៃទាំងយប់។ សូមជម្រាបថាគិតត្រឹមថ្ងៃទី១០ ខែធ្នូ ឆ្នាំ២០២៥ ពលរដ្ឋដែលជាជនស្លូតត្រង់បានភៀសសឹកបានកើនឡើង ដល់ ៣៧ ១១៥ គ្រួសារស្មើនឹង ១២៧ ១៣៣នាក់ ក្នុងនោះស្ត្រីមាន ៥៨ ៦០៣ នាក់ និងកុមារមានចំនួន ២១ ៩៧៤ នាក់ នៅតាមមណ្ឌល​សុវត្ថិភាពចំនួន ៦ ខេត្តគឺខេត្តព្រះវិហារ ខេត្តឧត្តរមានជ័យ ខេត្តបន្ទាយមានជ័យ ខេត្តបាត់ដំបង ខេត្តពោធិ៍សាត់ និងខេត្ត​សៀមរាប៕

ឯកឧត្តមទេសរដ្ឋមន្ត្រី កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា បានគូសបញ្ជាក់ថា ការអត់របស់សម្តេចតេជោ និងសម្តេចធិបតី ជាការអត់ធ្មត់ដែលមនុស្សធម្មតា មិនអាចធ្វើបាន ពីព្រោះសម្តេចទាំង២ យល់ពីតម្លៃនៃការថែរក្សាសន្តិភាព ការអភិវឌ្ឍប្រកបដោយចីរភាព ជាពិសេសគោរពស្រឡាញ់ប្រទេសជិតខាងបើទោះបីជាថៃ ប្រមាថយ៉ាងណាក៏ដោយ ។ ការលើកឡើងនេះធ្វើឡើងនាថ្ងៃទី១០ ខែធ្នូ ឆ្នាំ២០២៥ ក្នុងពិធីអបអរសាទរខួបទី៧៧ ទិវាសិទ្ធិមនុស្សអន្តរជាតិ ១០ធ្នូ ក្រោមប្រធានបទ ការថែរក្សាសន្តិភាព និងការគោរពសិទ្ធិមនុស្ស ។ ឯកឧត្តមទេសរដ្ឋមន្ត្រី កែវ រ៉េមី មានប្រសាស៍បន្ថែមថា ការថែរក្សាសន្តិភាព ជាការលំបាកកម្ពុជា ជាប្រទេសមួយដែលឆ្លងកាត់ និងមានបទពិសោធន៍ក្នុងភ្លើងសង្គ្រាមយូរអង្វែង ដែលសម្តេចតេជោ ហ៊ុន សែន លោកស្គាល់ច្បាស់ ហើយលោកមានគុណសម្បត្តិធំធេងក្នុងការជួយសង្គ្រោះជីវិតមនុស្ស ដែលលោកបានឱ្យតម្លៃទៅលើសិទ្ធិរស់រានមានជីវិត ។ ជាមួយគ្នានេះដែរ ឯកឧត្តមទេសរដ្ឋមន្ត្រី បានបញ្ជាក់ថា សម្តេចតេជោ ហ៊ុន សែន និងសម្តេចបវរធិបតី ជាថ្នាក់ដឹកនាំដែលមានកិត្តិនាម និងកិត្តិយស នៅលើឆាកអន្តរជាតិ បានឱ្យតម្លៃទៅលើសន្តិភាព យើងទាំងអស់គ្នា ដឹងហើយថាក្នុងមួយរយៈនៃជម្លោះប្រដាប់អាវុធជាមួយប្រទេសថៃ យើងដឹងថាមេដឹកនាំរបស់យើងមានកិត្តិយស មានកិត្តិនាមនៅលើឆាកអន្តរជាតិ…

ព្រះវិហារ ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់តំណាងចុះសួរសុខទុក្ខ និងនាំយកព្រះរាជអំណោយដ៏ឧត្តុង្គឧត្តមរបស់ ព្រះករុណា ព្រះមហាក្សត្រ និងសម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ចែកជូនជួយសម្រាលការលំបាកដល់ប្រជានុរាស្ត្រភៀសសឹកចំនួន ៣.៦០០គ្រួសារ នៅមណ្ឌលសុវត្ថិភាពចំនួន២ ក្នុងចំណោមមណ្ឌលសុវត្ថិភាពចំនួន៦ នៃខេត្តឧត្តរមានជ័យ នាថ្ងៃទី១០ ខែធ្នូ ឆ្នាំ២០២៥ ។ មានប្រសាសន៍សំណេះសំណាលនាឱកាសនោះ លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា បានគូសបញ្ជាក់ថា៖ បន្ទាប់ពីទទួលបានព្រះរាជូបត្ថម្ភដ៏ឧត្តុង្គឧត្តម, សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានចាត់ចែងភ្លាមៗដោយមិនបង្អែបង្អង់ នាំយកព្រះរាជអំណោយផ្តល់ជូនបងប្អូនភៀសសឹកដែលកំពុងជួបការលំបាកនាពេលនេះ។ ក្នុងនាមសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, លោកជំទាវអគ្គលេខាធិការ បានពាំនាំនូវព្រះរាជបន្ទូលផ្តាំផ្ញើសួរសុខទុក្ខ ក្តីនឹករលឹក និងក្តីអាណិតអាសូរដ៏ជ្រាលជ្រៅបំផុតពីសំណាក់ ព្រះករុណា ព្រះមហាក្សត្រ ជាអម្ចាស់ជីវិតលើត្បូង និងសម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ដែលព្រះអង្គទាំងទ្វេតែងតែមានព្រះរាជហឫទ័យ ខ្វល់ខ្វាយ គិតគូរជាប់ជានិច្ចពីសុខទុក្ខរបស់ប្រជានុរាស្ត្រគ្រប់ពេលវេលា និងគ្រប់ទីកន្លែង…

ណៃពិដោ ៖ មនុស្ស ៣១នាក់បានស្លាប់ ក្រោយយោធាមីយ៉ាន់ម៉ាវាយលុកផ្លូវអាកាសលើមន្ទីរពេទ្យមួយកន្លែង ដែលនេះជាការវាយប្រហារដ៏ក្រៀមក្រំ មុនការបោះឆ្នោតចាប់ផ្តើមឡើងពីថ្ងៃទី២៨ ខែធ្នូនេះ។ បុគ្គលិកជួយសង្គ្រោះនៅនឹងកន្លែង លោក Wai Hun Aung ក្នុងថ្ងៃព្រហស្បតិ៍នេះ និយាយថា យន្តហោះចម្បាំងមួយគ្រឿងរបស់យោធាបានទម្លាក់គ្រាប់បែកលើមន្ទីរពេទ្យមួយកន្លែងនៅទីក្រុង Mrauk-U ភាគខាងលិចរដ្ឋរ៉ាក់ឃីន ជាប់ព្រំដែនប្រទេសបង់ក្លាដែស កាលពីល្ងាចថ្ងៃពុធ។ បើតាមបុគ្គលិកជួយសង្គ្រោះដដែល ស្ថានការណ៍នាពេលនេះគឺអាក្រក់ខ្លាំងណាស់… យើងអាចបញ្ជាក់បានថា មានអ្នកស្លាប់ចំនួន ៣១នាក់ហើយ តែយើងរំពឹងថា នឹងមានអ្នកស្លាប់កើនឡើងថែមទៀត ខណៈមនុស្សចំនួន ៦៨នាក់រងរបួសធ្ងន់-ស្រាល។ ភ្លាមៗ អ្នកនាំពាក្យរបបយោធាមីយ៉ាន់ម៉ាមិនអាចទាក់ទង ដើម្បីសុំការអត្ថាធិប្បាយបានទេ។ យោងតាមក្រុមអ្នកឃ្លាំមើលជម្លោះ, របបយោធាមីយ៉ាន់ម៉ាបានបង្កើនការវាយប្រហារផ្លូវអាកាសពីមួយឆ្នាំទៅមួយឆ្នាំ ចាប់តាំងពីសង្រ្គាមស៊ីវិលផ្ទុះឡើងនៅក្នុងប្រទេស។ មីយ៉ាន់ម៉ាបានជាប់នៅក្នុងជម្លោះដ៏ឃោរឃៅចាប់តាំងពីឆ្នាំ២០២១ នៅពេលដែលរបបយោធាដឹកនាំដោយលោក មីន អោងឡាំង បានដណ្តើមអំណាច តាមរយៈរដ្ឋប្រហារ ពីរដ្ឋាភិបាលស៊ីវិលរបស់លោកស្រី អោង សានស៊ូជី ដោយបិទបញ្ចប់របបលទ្ធិប្រជាធិបតេយ្យរយៈពេលមួយទសវត្សរ៍៕ ប្រភព ៖ AFP

មូស្គូ ៖ ប្រធានាធិបតីរុស្ស៊ី លោក Vladimir Putin ក្នុងថ្ងៃពុធ បានធ្វើជាម្ចាស់ផ្ទះទទួលសមភាគីឥណ្ឌូណេស៊ី លោក Prabowo Subianto នៅទីក្រុងមូស្គូ ដោយផ្តល់កិច្ចសហប្រតិបត្តិការថាមពលនុយក្លេអ៊ែរ និងសាទរចំពោះទំនាក់ទំនងផ្នែកយោធាកាន់តែស៊ីជម្រៅ ស្របពេលរុស្ស៊ីព្យាយាមពង្រឹងទំនាក់ទំនងជាមួយប្រទេសធំៗលើពិភពលោក។ នេះគឺជាជំនួបលើកទីពីរហើយ រវាងលោកប្រធានាធិបតី Putin និង Prabowo ដែលផ្តោតសំខាន់លើការជំរុញការនាំចេញស្រូវសាលី និងការផ្ទេរបច្ចេកវិទ្យា ចំពេលមានសម្ពាធទណ្ឌកម្មរបស់លោកខាងលិច ពាក់ព័ន្ធនឹងសង្គ្រាមនៅអ៊ុយក្រែន។ កំឡុងជំនួបនោះ លោក Putin បានលើកឡើងថា រុស្ស៊ីនឹងផ្តល់ជំនួយសាងសង់រោងចក្រថាមពលនុយក្លេអែរដំបូងបង្អស់របស់ឥណ្ឌូណេស៊ីនៅឆ្នាំ ២០៣២ និងការស្តារពាណិជ្ជកម្មទ្វេភាគីឡើងវិញ បន្ទាប់ពីធ្លាក់ចុះការនាំចេញស្រូវសាលីរបស់រុស្ស៊ីទៅកាន់ឥណ្ឌូណេស៊ី។ បន្ថែមលើនេះ មេដឹកនាំទាំងពីរក៏បានកត់សម្គាល់ពីកិច្ចសហប្រតិបត្តិការយោធាដ៏រឹងមាំ រួមទាំងការហ្វឹកហ្វឺនកងទ័ពឥណ្ឌូណេស៊ីនៅរុស្ស៊ី និងការធ្វើសមយុទ្ធកងទ័ពជើងទឹករួមគ្នានៅសមុទ្រជ្វា។ ចុងបញ្ចប់នៃជំនួបនេះ លោកប្រធានាធិបត Prabowo បានអញ្ជើញលោក Putin ទៅបំពេញទស្សនកិច្ចនៅប្រទេសឥណ្ឌូណេស៊ីក្នុងកំឡុងឆ្នាំ ២០២៦ ឬ២០២៧ ការនេះបានសបញ្ជាក់អំពីការពង្រឹងគោលនយោបាយការបរទេសរបស់ឥណ្ឌូណេស៊ី ក្នុងការបើកទូលាយចងសម្ព័ន្ធមិត្តជាមួយប្រទេសដទៃ និងមិនចូលបក្សសម្ព័ន្ធជាមួយប្រទេសណាមួយរបស់ឥណ្ឌូណេស៊ី៕ ប្រភព ៖ modern diplomacy