Author: Dol Pheakdey

ហ្គាហ្សា ៖ ក្រុមហាម៉ាស់និយាយថា ផែនការបទឈប់បាញ់ដំណាក់កាលទី២ នៅតំបន់ហ្គាហ្សា នឹងមិនអាចកើតឡើងបានទេ ដរាបណាអ៊ីស្រាអែលនៅតែបន្តរំលោភបំពាន ហើយអំពាវនាវឱ្យអ្នកសម្របសម្រួលដាក់សម្ពាធលើប្រទេសនេះ ឱ្យគោរពកិច្ចព្រមព្រៀង។ សមាជិកការិយាល័យនយោបាយរបស់ហាម៉ាស់ លោក ហូសាម បាដ្រាន និយាយថា បទឈប់បាញ់ដំណាក់កាលទី២ មិនទាន់អាចចាប់ផ្ដើមឡើយ ដរាបណាអ៊ីស្រាអែលបន្តរំលោភបំពានកិច្ចព្រមព្រៀង ហើយមិនគោរពបណ្ដាការសន្យារបស់ខ្លួន។ ជាមួយគ្នានេះ លោកបានចោទប្រកាន់អ៊ីស្រាអែលចំៗថា បានរាំងខ្ទប់ការបញ្ជូនជំនួយមនុស្សធម៌ចូលហ្គាហ្សា ដូច្នេះក្រុមហាម៉ាស់ស្នើដល់បណ្ដាប្រទេសជាសម្របសម្រួលបង្កើនការគាបសង្កត់ឲ្យអ៊ីស្រាអែលគោរពតាមដំណាក់កាលទី១ នៃកិច្ចព្រមព្រៀងបទឈប់បាញ់។ ឆ្លើយតបការចោទប្រកាន់របស់ក្រុមហាម៉ាស់ ប្រភពសន្តិសុខអ៊ីស្រាអែលមួយបានប្រកាសថា ប្រទេសខ្លួននឹងអនុញ្ញាតឡើងវិញុ ចាប់ពីថ្ងៃទី១០ ខែធ្នូតទៅ ឱ្យមានការឆ្លងកាត់សម្រាប់ការដឹកជំនួយមនុស្សធម៌ចូលតំបន់ហ្គាហ្សា មកពីប្រទេសហ្ស៊កដានី។ គួរបញ្ជាក់ថា បទឈប់បាញ់ហ្គាហ្សា គាំទ្រដោយលោកប្រធានាធិបតីអាមេរិក ដូណាល់ ត្រាំ ដែលចូលជាធរមានចាប់តាំងពីថ្ងៃទី១០ ខែតុលា បានបញ្ឈប់សង្រ្គាមជាបណ្តោះអាសន្ន បន្ទាប់ពីការវាយប្រហារដ៏សាហាវរបស់ពួកហាម៉ាស់លើអ៊ីស្រាអែលនៅថ្ងៃទី៧ ខែតុលា ឆ្នាំ២០២៣។ ប៉ុន្តែវានៅតែផុយស្រួយដដែល ខណៈអ៊ីស្រាអែល និងក្រុមហាម៉ាស់ បានចោទគ្នាទៅវិញទៅមកស្ទើរតែរាល់ថ្ងៃអំពីការរំលោភបំពាន៕ ប្រភព ៖ The Striats times

វ៉ាស៊ីនតោន ៖ លោក ដូណាល់ ត្រាំ ប្រធានាធិបតីអាមេរិក បានអះអាងថា នឹងទូរស័ព្ទមកមេដឹកនាំកម្ពុជា និង ថៃ បញ្ឈប់សង្គ្រាម ក្រោយពេលផ្ទុះជម្លោះព្រំដែន ជាថ្មី។ យោងតាមការចេញផ្សាយ របស់សារព័ត៌មាន Bloomberg , លោក Trump បាននិយាយអំឡុងព្រឹត្តិការណ៍មួយ រៀបចំឡើងនៅក្នុងរដ្ឋ Pennsylvania កាលពីល្ងាចថ្ងៃអង្គារ ថា «ថ្ងៃស្អែក ខ្ញុំនឹងត្រូវធ្វើការហៅទូរស័ព្ទ ទៅប្រទេសទាំងពីរ»។ លោកបានមានប្រសាសន៍ទៀតថា «អាចនិយាយថា ខ្ញុំនឹងហៅទូរសព្ទ ទៅបញ្ឈប់សង្គ្រាមប្រទេស ដែលមានអំណាចខ្លាំងពីរ….យើងកំពុងបង្កើតសន្តិភាព ប្រកបដោយកម្លាំង»។ លោក Trump ធ្លាប់បានគំរាមកំហែងប្រទេសទាំងពីរ ជាមួយនឹងការរឹតបន្តឹងពាណិជ្ជកម្ម ដើម្បីបញ្ឈប់ការប្រយុទ្ធគ្នា នៅក្នុងខែកក្កដា ឆ្នាំ២០២៥ ដែលបានធ្វើឱ្យមនុស្សរាប់សិបនាក់ស្លាប់ ហើយ នៅក្នុងខែតុលា លោកបានធ្វើជាសាក្សី ក្នុងការចុះហត្ថលេខា លើកិច្ចព្រមព្រៀង Kuala Lumpur ដែលគូសបញ្ជាក់ ពីផ្លូវទៅកាន់សន្តិភាព ជាមួយនឹង កិច្ចព្រមព្រៀងពាណិជ្ជកម្ម សម្រាប់ប្រទេសទាំងពីរ។ ជាការកត់សម្គាល់ លោក…

មូស្គូ ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន ប្រកាសប្រាប់ពិភពលោកថា រូបលោកមិនចង់បង្កើតសហភាពសូវៀតឡើងវិញ ឬក៏មានផែនការឈ្លានពានប្រទេសសមាជិករបស់អង្គការណាតូឡើយ ការគិតបែបនេះ គឺជារឿងឆោតល្ងង់សុទ្ធសាធ។ ការប្រកាសបែបនេះរបស់លោក ពូទីន ធ្វើឡើងឆ្លើយតបការចោទប្រកាន់របស់មេដឹកនាំលោកខាងលិច ដែលនិយាយថា បើសិនមេដឹកនាំរុស្ស៊ីរូបនេះ ឈ្នះសង្គ្រាមនៅអ៊ុយក្រែន នោះថ្ងៃណាមួយ លោកនឹងដឹកនាំទ័ពវាយប្រហារអង្គការណាតូ។ ចេញមុខទាត់ចោលការចោទប្រកាន់នេះដែរ អ្នកនាំពាក្យវិមានក្រឹមឡាំង លោក ឌីមីទ្រី ប៉េសកូវ បានអះអាងប្រាប់អ្នកសារព័ត៌មានថា នេះមិនមែនជាការពិតឡើយ។ លោកប្រធានាធិបតី ពូទីន មិនចង់បង្កើតសហភាពសូវៀតឡើងវិញនោះទេ ព្រោះវាមិនអាចទៅរួចឡើយ ហើយរូបលោកផ្ទាល់ក៏បានបញ្ជាក់រឿងនេះម្តងហើយម្តងទៀត។ មិនត្រឹមតែប៉ុណ្ណោះ លោកប្រធានាធិបតី ពូទីន ថែមទាំងបដិសេធច្រើនលើកច្រើនសារថា គាត់គ្មានផែនការវាយប្រហារអង្គការណាតូទេ និងថា វិធានការបែបនេះ នឹងក្លាយជារឿងល្ងង់ខ្លៅបំផុតសម្រាប់រុស្ស៊ី ដោយសារឧត្តមភាពយោធាធម្មតារបស់អង្គការណាតូខ្លាំងជាងរុស្ស៊ី។ យ៉ាងណាមិញ បើតាម The straits times, លោកប្រធានាធិបតី ពូទីន ដែលបានកើតនៅសម័យសហភាពសូវៀតក្នុងឆ្នាំ២០០៥ បានចាត់ទុកការដួលរលំនៃសហភាពសូវៀតថា ជាមហន្តរាយភូមិសាស្ត្រនយោបាយដ៏ធំបំផុតនៃសតវត្សរ៍ទី២០ ដោយសារតែប្រជាជនរុស្ស៊ីរាប់សិបលាននាក់បានស្ថិតនៅក្នុងភាពក្រីក្រ ហើយរុស្ស៊ីខ្លួនឯងបានប្រឈមនឹងការគំរាមកំហែងនៃការបែកបាក់៕ ប្រភព ៖ The…

BREAKING: លោក ត្រាំ ថានឹងបើកកិច្ចសន្ទនាតាមទូរស័ព្ទជាមួយមេដឹកនាំកម្ពុជា និងថៃ ដើម្បីបញ្ចប់សង្រ្គាម (វ៉ាស៊ីនតោន)៖ ប្រធានាធិបតីអាមេរិក លោក ដូណាល់​ ត្រាំ បាននិយាយថារូបលោកមានគម្រោងហៅទូរស័ព្ទជាមួយមេដឹកនាំកម្ពុជា និងថៃ បន្ទាប់ពីជម្លោះព្រំដែនបានផ្ទុះឡើងសាជាថ្មី។ នេះបើតាមការចេញផ្សាយដោយសារព័ត៌មាន Bloomberg។ ថ្លែងនៅឯព្រឹត្តិការណ៍មួយនៅរដ្ឋ Pennsylvania កាលពីល្ងាចថ្ងៃអង្គារ ទី៩ ខែធ្នូ លោក ត្រាំ បានគូសបញ្ជាក់ដូច្នេះថា «នៅថ្ងៃស្អែក (ថ្ងៃពុធ ម៉ោងនៅសហរដ្ឋអាមេរិក) ខ្ញុំនឹងហៅទូរស័ព្ទជាមួយប្រទេសទាំង២។ ខ្ញុំនឹងបើកកិច្ចពិភាក្សា​តាម ទូរស័ព្ទមួយ ហើយបញ្ឈប់សង្រ្គាមមួយរវាងប្រទេស២ដ៏មានឥទ្ធិពលបំផុត»។

BREAKING (Update): គិតត្រឹមម៉ោង១១៖៣០នាទីព្រឹក សមរភូមិខេត្តឧត្តរមានជ័យ កំពុងប្រយុទ្ធគ្នាយ៉ាងខ្លាំង (ឧត្តរមានជ័យ)៖ គិតត្រឹមម៉ោង១១៖៣០នាទីព្រឹក ថ្ងៃទី៩ ខែធ្នូ ឆ្នាំ២០២៥នេះ ក្នុងភូមិសាស្ដ្រខេត្តឧត្តរមានជ័យ លើ៤សមរភូមិ នៅប្រាសាទតាមាន់ ប្រាសាទតាក្របី ថ្មដូន និងប្រាសាទខ្នារ កងទ័ពកម្ពុជា-ថៃ កំពុងប្រយុទ្ធគ្នាយ៉ាងក្ដៅគគុក។ រហូតមកទល់ពេលនេះ កម្លាំងប្រដាប់អាវុធដ៏អង់អាចក្លាហានរបស់កម្ពុជា បានប្រើប្រាស់អាវុធធន់ធ្ងន់ដើម្បីធ្វើការតបតការពារដែនអធិបតេយ្យកម្ពុជា ក្រោមការដឹកនាំបញ្ជាដោយផ្ទាល់របស់សម្ដេចតេជោ ហ៊ុន សែន និងសម្តេចធិបតី ហ៊ុន ម៉ាណែត៕

ហ្សាកាតា ៖ ឥណ្ឌូណេស៊ីប្រើសត្វដំរីចំនួន ៤ក្បាល ដែលមកពីមជ្ឈមណ្ឌលហ្វឹកហ្វឺនក្នុងស្រុក ជួយជាកម្លាំងដល់ក្រុមការងារបោសសម្អាតកំទេចកំទីគល់ឈើតូចធំ និងជួយដល់យានជំនិះដែលជាប់គាំងនៅស្រុក Pidie Jaya ខេត្តអាសេ ដែលរងគ្រោះទឹកជំនន់ធ្ងន់ធ្ងរជាងគេ។ បើតាមទីភ្នាក់ងារកាត់បន្ថយគ្រោះមហន្តរាយឥណ្ឌូណេស៊ី (BNPB), មកទល់ពេលនេះ មានមនុស្សស្លាប់ចំនួន ៩៦១នាក់នៅទូទាំងភាគខាងជើង និងភាគខាងលិចកោះស៊ូម៉ាត្រា ខណៈជាង ១លាននាក់ទៀតបង្ខំចិត្តផ្លាស់ទីលំនៅ។ ជាមួយគ្នានេះ ប្រធានទីភ្នាក់ងារអភិរក្សធនធានធម្មជាតិខេត្តអាសេ លោក Hadi Sofyan និយាយថា មូលហេតុដែលយើងប្រើសត្វដំរីជួយជាកម្លាំង ពីព្រោះពួកយើងផ្តោតចម្បងលើការបោសសម្អាតកំទេចកំទីគល់ឈើនៅពីមុខផ្ទះរបស់ប្រជាជន ដើម្បីអនុញ្ញាតឱ្យពួកគេអាចចូលទៅរស់នៅជាធម្មតាវិញបាន។ មិនត្រឹមតែប៉ុណ្ណោះ បើសិនមានរថយន្តណាមួយជាប់គាំង នោះយើងក៏អាចប្រើដំរីដើម្បីជួយបានដែរ ដូច្នេះសត្វមហាយក្សមួយនេះ ពិតជាមានប្រយោជន៍ខ្លាំងណាស។ រីឯលោក Al Atif Musli ជាអ្នកនៅរស់រានមានជីវិតពីទឹកជំនន់ បាននិយាយថា ការនាំយកដំរីមកកាន់ទីនេះ គឺពិតជាអាចជួយដល់ប្រជាជននៃភូមិ Meunasah Bie។ គួរបញ្ជាក់ថា ប្រធានាធិបតីឥណ្ឌូណេស៊ីលោក Prabowo Subianto បានបញ្ជាទិញឧទ្ធម្ភាគចក្រដល់ទៅ ២០០ គ្រឿងនៅឆ្នាំ ២០២៦ ក្នុងគោលបំណងពង្រឹងសមត្ថភាពការពារជាតិ និងកែលម្អការត្រៀមខ្លួនទប់ទល់ជាមួយគ្រោះមហន្តរាយធម្មជាតិ។ ឥណ្ឌូណេស៊ី តែងជួបគ្រោះមហន្តរាយធម្មជាតិដូចជាទឹកជំនន់…

សម្តេចតេជោ ហ៊ុន សែន៖ កងកម្លាំងប្រដាប់អាវុធគ្រប់ប្រភេទរបស់យើង ត្រូវវាយគ្រប់ចំណុចដែលខ្មាំងវាយចូល សម្តេចតេជោ ហ៊ុន សែន បានសរសេរនៅលើបណ្តាញសង្គមនៅព្រឹកថ្ងៃទី៩ ខែធ្នូ ឆ្នាំ២០២៥នេះថា ក្រោយការអត់ធ្មត់លើស២៤ម៉ោង ដើម្បីគោរពនូវបទឈប់បាញ់ និងត្រូវការពេលវេលាដើម្បីជម្លៀសប្រជាជនចេញមកតំបន់សុវត្ថិភាព។សម្តេចតេជោបានបន្តថា ល្ងាចម្សិលមិញយើងបានតបតបន្ថែមដោយយប់មិញ និងព្រឹកនេះ។ តាមនាយករដ្ឋមន្ត្រីថៃអនុធីន បានប្រកាសថានឹងប្រើកម្លាំងវាយយក១១ចំណុចដែលយើងមិនច្បាស់ថា ១១ចំណុចនេះនៅកន្លែងណាខ្លះ? ដើម្បីងាយស្រួលកុំឲ្យលំបាករកកន្លែងកងកម្លាំងប្រដាប់អាវុធគ្រប់ប្រភេទរបស់យើងត្រូវវាយគ្រប់ចំណុចដែលខ្មាំងវាយចូល។ យើងការពារទឹកដីយើងដោយមានលេណដ្ឋានរឹងមាំជាមួយអាវុធគ្រប់ប្រភេទ។ ឯសត្រូវឈ្លានពានត្រូវចល័តវាយចូលទីតាំងយើង ពួកគេមិនអាចទូលលេណដ្ឋានមកបានទេហើយក្បាលពួកគេក៏មិនបានប៉ានដែកដែរ។ ស្ថានភាពនេះផ្តល់ប្រៀបឲ្យយើងអនុវត្តយុទ្ធវិធីកម្ទេចកម្លាំងរស់របស់សត្រូវតាមរយៈការចាត់តាំងទប់ទល់។ សម្រាប់មេទ័ពថៃបានប្រកាសថាដើម្បីសន្តិសុខប្រជាជនថៃត្រូវបំផ្លាញសមត្ថភាពកម្លាំងការពារជាតិរបស់កម្ពុជាសម្រាប់រយៈពេលវែង។ សម្ដីលោកមេទ័ពខ្លាំងជាងប្រទេសមហាអំណាចខាងអាវុធ និងកងទ័ពនៅលើពិភពលោកនេះទៅទៀត។ យើងពិតជាមិនអង្គុយឱបដៃឲ្យអស់លោកបំផ្លាញតាមចិត្តចង់របស់អស់លោកទេ។ ចុងក្រោយខ្ញុំកំពុងតាមមើលមនុស្សមួយចំនួនដែលកាលពីកម្ពុជាតបតដើម្បីការពារខ្លួនកាលពីខែកក្កដា ពួកគេចោទយើងថាល្មោភសង្រ្គាម។ ពេលយើងអត់ធ្មត់គោរពបទឈប់បាញ់និងចង់ដោះស្រាយដោយសន្តិវិធី គេចោទយើងថាខ្លាចថៃមិនហ៊ានវាយ ឬកាត់ដីឲ្យថៃដើម្បីដូរយកសន្តិភាព។ពេលនេះយើងវាយដើម្បីការពារខ្លួនទៀតហើយ តើពួកគេនឹងនិយាយថាយ៉ាងម៉េចទៀត? កម្ពុជាត្រូវការសន្តិភាពតែកម្ពុជាបង្ខំចិត្តវាយតបតដើម្បីការពារទឹកដីយើង៕

ព្រៃវែង៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម ផាម មិញជិញ (PHAM Minh Chinh) នាយករដ្ឋមន្រ្តី នៃសាធារណរដ្ឋសង្គមនិយមវៀតណាម បានជួបពិភាក្សាការងារទ្វេភាគី ក្នុងឱកាស នៃពិធី សម្ពោធដាក់ឱ្យដំណើរការជាផ្លូវការ ច្រកទ្វារព្រំដែនអន្តរជាតិ ម៉ឺនជ័យ (ខេត្តព្រៃវែងរបស់កម្ពុជា)-តឹនណាម (ខេត្តតៃនិញរ បស់វៀតណាម)ដោយភាគីទាំងពីរ នឹងបន្តជំរុញទំនាក់ទំនង និងកិច្ចសហប្រតិបត្តិការទ្វេភាគី ឱ្យកាន់តែស៊ីជម្រៅ និងរឹងមាំបន្ថែមទៀត ។ អាន៖ក្នុងជំនួបកាលពីព្រឹកថ្ងៃទី៨ ខែធ្នូ ឆ្នាំ២០២៥ ឯកឧត្តមនាយករដ្ឋមន្រ្តីវៀតណាមបានអបអរសាទរ និងវាយតម្លៃខ្ពស់ចំពោះ​ការសម្ពោធដាក់ឱ្យដំណើរការជាផ្លូវការ ច្រកទ្វារព្រំដែន ម៉ឺនជ័យ-តឹនណាម ដែលជាសមិទ្ធផលថ្មីឆ្លុះបញ្ចាំងពីភាពរីក​ចម្រើននៃទំនាក់ទំនង និងកិច្ចសហប្រតិបត្តិការទ្វេភាគី។ ទន្ទឹមនេះ, ឯកឧត្តមបានអបអរសាទរចំពោះការសម្រេចបាននូវសមិទ្ធផលថ្មីៗ របស់កម្ពុជា ក្នុងការធានាបាននូវស្ថិរភាព​នយោបាយ និងការអភិវឌ្ឍសង្គម-សេដ្ឋកិច្ច ដែលបានរួមចំណែកលើកកម្ពស់ជីវភាពប្រជាពលរដ្ឋជាលំដាប់។ ឯកឧត្តម បានបង្ហាញនូវជំនឿជឿជាក់យ៉ាងមុតមាំថា ក្រោមការដឹកនាំដ៏ឈ្លាសវៃរបស់ សម្ដេចបវរធិបតី កម្ពុជានឹងបន្តការអភិវឌ្ឍរីកចម្រើន​លើគ្រប់វិស័យបន្ថែមទៀត។ ឯកឧត្តមនាយករដ្ឋមន្ត្រីវៀតណាម បានបញ្ជាក់ជាថ្មីនូវការប្ដេជ្ញាចិត្ត ក្នុងការបន្តជំរុញទំនាក់ទំនង និងកិច្ចសហប្រតិបត្តិការទ្វេភាគី ឱ្យកាន់តែរឹងមាំ និងស៊ីជម្រៅ ។…

អូស្លូ ៖ ប្រទេសន័រវែសគ្រោងជះលុយដល់ទៅ ៦.៤ពាន់លានដុល្លារ បញ្ជាទិញនាវាមុជទឹកចំនួន ២គ្រឿង បន្ថែមពីលើ ៤គ្រឿងដែលបានបញ្ជាទិញរួចហើយពីក្រុមហ៊ុន TKMS របស់អាល្លឺម៉ង់ រួមទាំងមីស៊ីលបង្កើនសមត្ថភាពវាយប្រហារក្នុងចម្ងាយឆ្ងាយរបស់កងទ័ពន័រវែស។ នេះបើតាម Defense News ចុះផ្សាយក្នុងថ្ងៃសៅរ៍។ មូលហេតុដែលន័រវែសជះលុយរាប់ពាន់លានដុល្លារពង្រឹងវិស័យការពារជាតិ គឺមានគោលបំណងត្រៀមខ្លួនទប់ទល់ការបង្កហេតុណាមួយរបស់រុស្ស៊ី បន្ទាប់ពីមានយន្តហោះដ្រូន ដែលគេសង្ស័យជារបស់ទីក្រុងមូស្គូ តែងហោះរំលោភដែនអាកាសសម្ព័ន្ធមិត្តណាតូ។ ម្យ៉ាងវិញទៀត ន័រវែសក៏មានការព្រួយបារម្ភផងដែរថា រុស្ស៊ីនឹងប្តូរគោលដៅឈ្លានពានលើតំបន់បាល់ទិក បន្ទាប់ពីការដុតបញ្ឆេះភ្លើងសង្គ្រាមនៅអ៊ុយក្រែនរួច។ ហើយថ្មីៗនេះ មន្រ្តីអាល្លឺម៉ង់បានព្រមានថា រុស្ស៊ីអាចនឹងវាយប្រហារលើអង្គការណាតូនៅឆ្នាំ២០២៩។ យោងតាមសេចក្តីថ្លែងការណ៍, រដ្ឋាភិបាលបានបញ្ជូនសំណើទិញនាវាមុជទឹកថែមនេះទៅកាន់សភារួចរាល់ហើយដើម្បីអនុម័ត ហើយផែនការរបស់ន័រវែសនេះ នឹងជួយផ្តល់ហិរញ្ញប្បទានដល់ខ្សែសង្វាក់ផលិតកម្មទី២នៅប្រទេសអាល្លឺម៉ង់ ដើម្បីធានាថា ការសាងសង់នាវាមុជទឹកថ្មីនឹងដំណើរការយ៉ាងឆាប់រហ័ស។ ថ្លែងគាំទ្រសំណើនេះ រដ្ឋមន្រ្តីការពារជាតិន័រវែស លោក Tore O. Sandvik និយាយថា ន័រវែស គឺជាប្រទេសជាប់មាត់សមុទ្រ និងដែនសមុទ្រ ហើយនាវាមុជទឹក គឺជាចំណុចស្នូលនៃការការពារប្រទេសរបស់យើង ដើម្បីទប់ទល់សត្រូវដ៏ខ្លាំងក្លាណាមួយ។ បើតាមរដ្ឋាភិបាល, នាវាមុជទឹក ២គ្រឿង ក្នុងចំណោម ៤គ្រឿង ដែលន័រវែសបញ្ជាទិញពីមុន ពីក្រុមហ៊ុន TKMS ក្នុងឆ្នាំ…

ញូវដែលី ៖ ប្រទេសឥណ្ឌា និងរុស្ស៊ី កំណត់គោលដៅប្រកបដោយមហិច្ឆតាបង្កើនសន្ទុះពាណិជ្ជកម្មទ្វេភាគីរហូតដល់ ១០០ពាន់លានដុល្លារនៅឆ្នាំ ២០៣០ ស្របពេលដែលទំហំពាណិជ្ជកម្មទ្វេភាគីកើនឡើងដល់កម្រិតខ្ពស់បំផុត ទោះបីមានសម្ពាធពីសហរដ្ឋអាមេរិកក៏ដោយ។ យោងតាម RT, គោលដៅនេះ កើតឡើងបន្ទាប់ពីលោកប្រធានាធិបតីរុស្ស៊ី វ្ល៉ាឌីមៀ ពូទីន និងលោកនាយករដ្ឋមន្រ្តីឥណ្ឌា ណារិនដ្រា ម៉ូឌី បានព្រមព្រៀងជំរុញភាពជាដៃគូសេដ្ឋកិច្ចរវាងប្រទេសទាំងពីរ តាមរយៈការចុះហត្ថលេខាលើកិច្ចព្រមព្រៀងជាច្រើន ក្នុងនោះរួមមានផ្នែកហេដ្ឋារចនាសម្ព័ន្ធ ថាមពល ឱសថ និងវិស័យប្រព័ន្ធផ្សព្វផ្សាយ។ បើតាមលោកប្រធានាធិបតី ពូទីន, ដើម្បីសម្រេចបាននូវគោលដៅនេះ កម្មវិធីនៃកិច្ចសហប្រតិបត្តិការសេដ្ឋកិច្ចរុស្ស៊ី-ឥណ្ឌារហូតដល់ឆ្នាំ២០៣០ ត្រូវបានសម្របសម្រួល កំណត់ស្តង់ដារសម្រាប់ស្ថាប័នអន្តររដ្ឋាភិបាល ដើម្បីសម្រួលដល់ពាណិជ្ជកម្ម និងជំរុញគម្រោងរួមគ្នា ក៏ដូចជាពង្រឹងកិច្ចសហប្រតិបត្តិការបច្ចេកវិទ្យា និងការវិនិយោគ។ ចំណែកលោកនាយករដ្ឋមន្រ្តី ម៉ូឌី ក៏បានអះអាងដែរថា កម្លាំងចលករធំបំផុតរវាងប្រទេសទាំងពីរ គឺការជឿទុកចិត្តគ្នាទៅវិញទៅមក។ ដូច្នេះលោកជឿជាក់ថា ឥណ្ឌា-រុស្ស៊ី នឹងអាចឈានដល់គោលដៅសម្រេចបានទំហំពាណិជ្ជកម្មទ្វេភាគីរហូតដល់ ១០០ ពាន់លានដុល្លារនៅមុនឆ្នាំ ២០៣០៕ ប្រភព ៖ RT