Author: Dol Pheakdey

ស៊ីដនី ៖ នៅទីបំផុត ក្រុមហ៊ុន TikTok បានយល់ព្រមអនុវត្តតាមច្បាប់អូស្ត្រាលី ស្តីពីការកំណត់អាយុ ឲ្យចូលប្រើប្រាស់បណ្តាញទំនាក់ទំនងសង្គមរបស់ខ្លួន ចាប់ពីសប្តាហ៍ក្រោយ​ តទៅ។ យោងតាមការចេញផ្សាយ របស់សារព័ត៌មាន CNA, ក្រុមហ៊ុន TikTok ​បានប្រកាស នៅថ្ងៃសុក្រនេះ ថា ខ្លួននឹងហាមឃាត់អ្នកមានអាយុ ក្រោម១៦ឆ្នាំ នៅអូស្ត្រាលី មិនឲ្យចូលលេង ចាប់ពីថ្ងៃទី១០ ខែធ្នូ ជាថ្ងៃដែលច្បាប់ថ្មីរបស់ប្រទេសនេះ ត្រូវចូលជាធរមាន។ ក្រុមហ៊ុន TikTok បញ្ជាក់ថា «ពួកគេនឹងមិនអាចកាន់កាប់ ឬ បង្កើតគណនីបានទៀតទេ ហើយ ក្មេងៗ​ដែលមានគណនីស្រាប់ នឹងត្រូវបានជូនដំណឹងថា ពួកគេនឹងមិនអាចប្រើបានទៀតទេ ដែលនឹងក្លាយទៅជាគណនីអសកម្ម។ មាតិកាពីមុន របស់ពួកគេ ក៏នឹងលែងមើលឃើញ នៅលើ TikTok ទៀតដែរ»។ យ៉ាងណា ក្រុមហ៊ុនប្រព័ន្ធផ្សព្វផ្សាយសង្គម យក្សមួយនេះ អះអាងថា ពួកគេអាចតវ៉ាជំទាស់ ដើម្បីបញ្ជាក់ពីអាយុរបស់ពួកគេបាន តាមរយៈ ការបង្ហាញ​មុខ, ការអនុញ្ញាតពីប័ណ្ណឥណទាន ឬ អត្តសញ្ញាណប័ណ្ណផ្លូវការ ហើយ…

អ៊ីរ៉ង់ ៖ កងនាវាចរឆ្មាំបដិវត្តន៍អ៊ីស្លាម (IRGC) ចាប់ផ្តើមធ្វើសមយុទ្ធជើងទឹកទ្រង់ទ្រាយធំនៅឈូងសមុទ្រពែក្ស រួមជាមួយនឹងការបោះពាក្យសម្តីគំរាមធ្ងន់ៗ ថានឹងវាយកម្ទេចនាវាចម្បាំងអាមេរិក បើសិនហ៊ានរំលោភចូលដែនទឹកប្រទេសខ្លួន។ ល្បែងសង្គ្រាមរយៈពេល ២ថ្ងៃនេះ មានឈ្មោះថា “Mohammad Nazeri” ធ្វើឡើងនៅតំបន់ដែនទឹកនៃឈូងសមុទ្រពែក្ស ច្រកសមុទ្រហ័រមូស សមុទ្រអូម៉ង់ និងនៅតាមបណ្តាកោះមួយចំនួនទៀត។ ការបញ្ចេញសាច់ដុំយោធារបស់អ៊ីរ៉ង់នេះ ធ្វើឡើងក្នុងគោលបំណងបង្ហាញពីសមត្ថភាពប្រយុទ្ធរបស់កងទ័ពជើងទឹក IRGC និងការអនុវត្តប្រព័ន្ធវាយលុក និងការពារថ្មីនៅក្នុងប្រតិបត្តិការមីស៊ីល ការទប់ទល់ដោយប្រើយន្តហោះដ្រូនពិឃាត ការត្រួតពិនិត្យ និងប្រតិបត្តិការតាមដានដោយប្រើប្រាស់បច្ចេកវិទ្យា AI។ បើតាមក្រុមអ្នករៀបចំ, សមយុទ្ធនេះដែរ ក៏បង្ហាញពីសារចំនួនពីរ គឺសន្តិភាព និងមិត្តភាពដល់ប្រទេសជិតខាង រួមទាំងការព្រមានយ៉ាងច្បាស់ដល់សត្រូវថា ការគណនាខុសណាមួយ នឹងត្រូវប្រឈមមុខនូវការឆ្លើយតបយ៉ាងម៉ឺងម៉ាត់។ សូមរម្លឹកថា កងកម្លាំងជើងទឹកអ៊ីរ៉ង់ និងអាមេរិក ធ្លាប់មានប្រវត្តិប៉ះទង្គិចគ្នាជាយូរមកហើយ នៅឈូងសមុទ្រពែក្ស សមុទ្រអូម៉ង់ និងច្រកសមុទ្រហ័រមូស ចាប់តាំងពីទសវត្សរ៍ឆ្នាំ ១៩៨០។ ហើយក្រោយមក កងទ័ពជើងទឹកអ៊ីរ៉ង់ជារឿយៗតែងបញ្ចេញសាច់ដុំយោធាទ្រង់ទ្រាយធំនៅឈូងសមុទ្រពែក្ស និងសមុទ្រអូម៉ង់ ដើម្បីបង្ហាញពីសមត្ថភាពការពារខ្លួន និងជាសញ្ញាទប់ទល់ជាមួយមហាអំណាចបរទេស៕ ប្រភព ៖ PressTV

ញូវដែលី ៖ លោក វ្ល៉ាឌីមៀ ពូទីន ប្រធានាធិបតីរុស្ស៊ី បានទៅដល់ប្រទេសឥណ្ឌា សម្រាប់ដំណើរទស្សនកិច្ច រយៈពេល២ថ្ងៃ ក្នុងគោលបំណងធ្វើឱ្យទំនាក់ទំនងការពារជាតិ កាន់តែស៊ីជម្រៅ ខណៈដែលទីក្រុងញូវដែលី ប្រឈមមុខនឹងសម្ពាធយ៉ាងខ្លាំងពីសហរដ្ឋអាមេរិក ឲ្យបញ្ឈប់ការទិញប្រេង ពីទីក្រុងម៉ូស្គូ។ កាលពីថ្ងៃព្រហស្បតិ៍ នាយករដ្ឋមន្ត្រីឥណ្ឌា លោក Narendra Modi បានទៅទទួលមេដឹកនាំរុស្ស៊ី ដល់ព្រលានយន្តហោះ ដោយផ្ទាល់, ស្វាគមន៍ជាមួយនឹងកំរាលព្រំក្រហម ព្រមទាំង ជិះឡានជាមួយគ្នា ទៀតផង។ បើតាមសារព័ត៌មាន AFP, លោក ពូទីន បានធ្វើដំណើរទស្សនកិច្ចលើកដំបូង ទៅកាន់ប្រទេសឥណ្ឌា ចាប់តាំងពីសង្រ្គាមអ៊ុយក្រែន។ លោកត្រូវបានអមដំណើរ ដោយរដ្ឋមន្ត្រីការពារជាតិរុស្ស៊ី គឺ លោក Andrei Belousov ជាមួយនឹងកិច្ចព្រមព្រៀង ដែលអាចកើតមាន ជុំវិញយន្តហោះចម្បាំង និងប្រព័ន្ធការពារដែនអាកាស។ ក្រៅពីនេះ, ទំនាក់ទំនងពាណិជ្ជកម្មត្រូវបានគេរំពឹងថា នឹងមានភាពលេចធ្លោ នៅពេលដែលឥណ្ឌាដើរលើខ្សែរការទូត ដោយពឹងផ្អែកលើការនាំចូលប្រេងពីរុស្ស៊ី ជាយុទ្ធសាស្ត្រ ខណៈពេលដែលខ្លួនព្យាយាមមិនបង្ករឿង ដល់ប្រធានាធិបតីអាមេរិក លោក Donald Trump…

តូក្យូ ៖ ប្រទេសជប៉ុនកំពុងថ្លឹងថ្លែងនាំចេញប្រព័ន្ធមីស៊ីលការពារដែនអាកាសទៅកាន់ប្រទេសហ្វីលីពីន ខណៈការសម្រេចចិត្តបែបនេះ ត្រូវបានគេមើលឃើញថា នឹងធ្វើឱ្យចិនកាន់តែខឹងសម្បារ ចំពេលប្រទេសទាំងពីរកំពុងមានជម្លោះការទូតស្រាប់។ ជប៉ុនបានពិភាក្សាក្រៅផ្លូវការជាមួយភាគីហ្វីលីពីន អំពីលទ្ធភាពដែលអាចទៅរួច ក្នុងការនាំចេញប្រព័ន្ធមីស៊ីលរយៈចម្ងាយមធ្យមបាញ់ចេញពីដីទៅអាកាស Type 03 ទៅឱ្យទីក្រុងម៉ានីល នេះបើតាមសេចក្តីរាយការណ៍របស់ Kyodo News កាលពីថ្ងៃអាទិត្យ។ យោងតាម Kyodo News, ការសិក្សាសំខាន់ៗនៃការនាំចេញទៅកាន់ហ្វីលីពីន ត្រូវបានគេរំពឹងថា នឹងចាប់ផ្តើមភ្លាមៗ នៅពេលដែលជប៉ុនលុបចោលច្បាប់ ដែលដាក់កំហិតលើការផ្ទេរឧបករណ៍ការពារជាតិ ដែលគ្រោងនឹងធ្វើការពិនិត្យឡើងវិញនៅឆ្នាំ ២០២៦។ បើតាមរបាយការណ៍, ប្រព័ន្ធមីស៊ីលរយៈចម្ងាយមធ្យមបាញ់ចេញពីដីទៅអាកាស Type 03 ដែលផលិតដោយប្រទេសជប៉ុន មានសមត្ថភាពបាញ់ក្នុងចម្ងាយប្រហែល ៥០គីឡូម៉ែត្រ ហើយអាចស្ទាក់ចាប់បានទាំងយន្តហោះចម្បាំង និងមីស៊ីលបញ្ជាទិស។ ប្រព័ន្ធមីស៊ីល Type 03 នេះហើយ ដែលជប៉ុនគ្រោងនឹងដាក់ពង្រាយនៅលើកោះ Yonaguni ដែលជាកោះមួយមានចម្ងាយប្រហែល ១១០គីឡូម៉ែត្រពីឆ្នេរសមុទ្រភាគខាងកើតរបស់កោះតៃវ៉ាន់ ហើយក៏ជាដើមចងមួយបង្កជម្លោះរវាងជប៉ុន និងចិនផងដែរ៕ ប្រភព ៖ CNA

វ៉ាស៊ីនតោន ៖ អតីតមេដឹកនាំប្រទេស ហុងឌូរ៉ាស ដែលអាមេរិកកាត់ទោស ពាក់ព័ន្ធនឹងការជួញដូរគ្រឿងញៀន ត្រូវបានដោះលែងពីពន្ធនាគារ បន្ទាប់ពីលោកប្រធានាធិបតី ដូណាល់ ត្រាំ ផ្តល់ការលើកលែង ក្រោយពេលសុំទោស។ លោក ដូណាល់ ត្រាំ ដែលបានចាត់ទុកខ្លួនឯង ជាសត្រូវឥតឈប់ឈរ ចំពោះគ្រឿងញៀននោះ បានលើកលែងទោស អតីតប្រធានាធិបតី ហុងឌូរ៉ាស លោក Juan Orlando Hernandez ​ចេញពីការជាប់គុក រយៈពេល ៤៥ឆ្នាំ កាលពីថ្ងៃអង្គារ។ អតីតមេដឹកនាំរូបនេះ ត្រូវបានសម្រេចឲ្យមានទោស ពីបទសមគំនិត ក្នុងការនាំចូលកូកាអ៊ីនរាប់តោនចូល ទៅក្នុងសហរដ្ឋអាមេរិក។ យោងតាមការចេញផ្សាយ របស់សារព័ត៌មាន CNA, ទង្វើលើកលែងជាវិសាមញ្ញ របស់លោក Trump ធ្វើឱ្យខូចដល់កិច្ចខិតខំប្រឹងប្រែង ជាច្រើនទសវត្សរ៍ របស់សហរដ្ឋអាមេរិក ក្នុងការប្រយុទ្ធប្រឆាំងនឹងបណ្តាញគ្រឿងញៀនឆ្លងដែន ដែលអាចបំផ្លាញភាពជឿជាក់ របស់ទីក្រុងវ៉ាស៊ីនតោន នៅអាមេរិកឡាទីន និង ជាសញ្ញាសង្ស័យពីពុករលួយ ជាមួយនឹងទំនាក់ទំនងនយោបាយ ដែលអាចបំពានលើការទទួលខុសត្រូវ ព្រហ្មទណ្ឌ។ មន្ត្រីសេតវិមាន បាននិយាយថា លោក…

សេអ៊ូល ៖ មេដឹកនាំកូរ៉េខាងត្បូងបានបង្ហាញពីអារម្មណ៍ចង់សុំទោសដល់កូរ៉េខាងជើង ចំពោះទង្វើរបស់អតីតប្រធានាធិបតីមុន។ លោកប្រធានាធិបតី Lee Jae Myung បាននិយាយ នៅថ្ងៃពុធនេះថា លោកមានអារម្មណ៍ថា ចង់សុំទោសចំពោះកូរ៉េខាងជើង ជុំវិញការចោទប្រកាន់លើអតីតមេដឹកនាំប្រទេស គឺ លោក Yoon Suk Yeol ក្នុងការបញ្ជូនយន្តហោះគ្មានមនុស្សបើក និង ខិត្តប័ណ្ណឃោសនាឆ្លងព្រំដែន។ លោកបានអះអាងបែបនេះ នៅក្នុងសន្និសីទសារព័ត៌មាន ដែលរំលឹកខួបមួយឆ្នាំ បន្ទាប់ពីអតីតប្រធានាធិបតី លោក Yoon Suk Yeol បានទាញទម្លាក់ប្រទេសនេះ ឱ្យធ្លាក់ទៅក្នុងភាពវឹកវរ មួយរយៈពេលខ្លី ដោយសារការប្រកាសច្បាប់អាជ្ញាសឹក។ លោក Lee Jae Myung បានលើកឡើងថា «ខ្ញុំមានអារម្មណ៍ថា ខ្ញុំគួរសុំទោស ប៉ុន្តែ ខ្ញុំស្ទាក់ស្ទើរក្នុងការនិយាយចេញមក…ខ្ញុំបារម្ភថា ប្រសិនបើខ្ញុំធ្វើ នោះវាអាចនឹងត្រូវបានគេប្រើប្រាស់ ជាចំណីសម្រាប់ការប្រយុទ្ធគ្នា ខាងមនោគមវិជ្ជា ឬ រងការចោទប្រកាន់ថា ជាអ្នកគាំទ្រ ខាងជើង»។ ការអត្ថាធិប្បាយ របស់លោក Lee Jae Myung…

តៃប៉ិ ៖ ក្នុងខែធ្នូនេះ កងទ័ពអាកាសតៃវ៉ាន់នឹងចាប់ផ្តើមសាកល្បងហោះហើរយន្តហោះចម្បាំង F-16V ដែលកោះនេះបញ្ជាទិញចំនួន ៦៦គ្រឿង ក្នុងតម្លៃ ៨ពាន់លានដុល្លារ កាលពីអំឡុងអាណត្តិដំបូងរបស់ប្រធានាធិបតីអាមេរិក លោក ដូណាល់ ត្រាំ ហើយគ្រោងនឹងចែកចាយដំបូងក្នុងឆ្នាំ ២០២៦។ ប្រមុខកងទ័ពអាកាសតៃវ៉ាន់ លោក Lee Ching-jan បានប្រាប់សភាថា បច្ចុប្បន្នយន្តហោះចំនួន ៥៤គ្រឿងក្នុងចំណោម ៦៦គ្រឿង កំពុងតែចូលក្នុងខ្សែសង្វាក់ផលិតកម្ម។ បើតាមរដ្ឋមន្ត្រីការពារជាតិតៃវ៉ាន់ លោក Wellington Koo, ការផ្ទេរយន្តហោះពេញលេញទៅតាមកាលបរិច្ឆេតកំណត់ នៅតែជាបញ្ហាប្រឈម ដោយសារបញ្ហាកកស្ទះជាបន្តបន្ទាប់នៃខ្សែសង្វាក់ផ្គត់ផ្គង់។ បញ្ហាទាំងនេះ រួមមានការខ្វះខាតកម្លាំងពលកម្ម និងការពន្យារពេលផ្គត់ផ្គង់គ្រឿងបន្លាស់។ យោងតាមការវាយតម្លៃ យន្តហោះចម្បាំងប្រហែល ១០គ្រឿងប៉ុណ្ណោះ ដែលអាចបញ្ចប់ការផ្គុំ និងការធ្វើតេស្តបានមុនចុងឆ្នាំ២០២៥នេះ ខណៈយន្តហោះទទួលបានលើកដំបូង ត្រូវបានរំពឹងថា នឹងដឹកដល់នៅដើមឆ្នាំ២០២៦។ យន្តហោះនៅសល់ត្រូវបានរំពឹងថា នឹងដឹកជញ្ជូនតាមដំណាក់ចាប់ពីឆ្នាំ ២០២៧ដល់ឆ្នាំ ២០២៨។ យន្តហោះចម្បាំង F-16V ជាយន្តហោះចម្បាំងពហុតួនាទីជំនាន់ទី៤ ដែលនឹងចូលខ្លួនមកជំនួសយន្តហោះចម្បាំង F-16 A/B ជំនាន់ចាស់ៗរបស់តៃវ៉ាន់។ កោះនេះបានបញ្ចប់ការធ្វើទំនើបកម្មរួចរាល់ហើយ លើយន្តហោះចម្បាំង…

វ៉ាស៊ីនតោន ៖ លោកប្រធានាធិបតីអាមេរិក Donald Trump បានប្រកាសព្រមានក្តែងៗថានឹងប្រើកម្លាំងយោធាវាយប្រហារលើប្រទេសទាំងឡាយណា ដែលហ៊ានលួចរត់ពន្ធគ្រឿងញៀនចូលទឹកដីសហរដ្ឋអាមេរិក។ នេះបើតាមសេចក្តីរាយការណ៍ពី The straits times ក្នុងថ្ងៃពុធ។ ការគំរាមធ្ងន់ៗរបស់លោក Trump ធ្វើឡើងអំឡុងកិច្ចប្រជុំគណៈរដ្ឋមន្រ្តីរបស់គាត់នៅសេតវិមាន កាលពីថ្ងៃអង្គារ បន្ទាប់ពីមេដឹកនាំអាមេរិករូបនេះបានលើកឡើងអំពីបញ្ហារត់ពន្ធគ្រឿងញៀនកូកាអ៊ីនចេញពីប្រទេសកូឡុំប៊ី។ របាយការណ៍របស់អង្គការសហប្រជាជាតិ បានឱ្យដឹងថា កូឡុំប៊ី គឺជាប្រទេសផលិតកូកាអ៊ីនដ៏ធំបំផុតរបស់ពិភពលោក ភាគច្រើននៃផលិតកម្មគ្រឿងញៀនស្ថិតក្នុងដៃកណ្តាប់ក្រុមជួញដូរថ្នាំញៀន Cartels និងពួកទ័ពព្រៃដ៏សាហាវ។ នេះបើតាមប្រភពពី The guardian។ លោកប្រធានាធិបតី Trump បានព្រមានខ្លាំងៗនៅចំពោះមុខក្រុមកាសែតថា ប្រទេសណាក៏ដោយ ដែលកំពុងជួញដូរ ឬរត់ពន្ធគ្រឿងដោយខុសច្បាប់ចូលទៅក្នុងសហរដ្ឋអាមេរិក ក៏អាចនឹងក្លាយជាគោលដៅនៃការវាយប្រហារផងដែរ មិនមែនមានតែវេណេស៊ុយអេឡាឡើយ។ ឆ្លើយតបការសម្លុតគំរាមបែបនេះរបស់លោក Trump, ប្រធានាធិបតីកូឡុំប៊ី លោក Gustavo Petro បានបង្ហោះសារលើបណ្ដាញទំនាក់ទំនងសង្គម X ថា ប្រទេសរបស់លោកបានកម្ទេចកន្លែងផលិតគ្រឿងញៀនដោយប្រើពេលត្រឹម ៤០នាទី ដោយមិនចាំបាច់ប្រើមីស៊ីលនោះទេ។ យោងតាមប្រភពពី The guardian, អាជ្ញាធរកូឡុំប៊ីបានរឹតអូសគ្រឿងញៀនកូកាអ៊ីនច្រើនជាង ១,៩០០តោន និងបានដុតបំផ្លាញចោលទីតាំងផលិតគ្រឿងញៀនសម្ងាត់ចំនួន ៤៥៤កន្លែង ចាប់តាំងពីលោកប្រធានាធិបតី…

ប្រធានាធិបតីអ៊ុយក្រែន បាននិយាយដោយសុទិដ្ឋិនិយមកាលពីថ្ងៃចន្ទ ទី១ ខែធ្នូ អំពីវឌ្ឍនភាពនៃការកែប្រែផែនការសន្តិភាពរបស់រដ្ឋបាលលោក Trump ដោយនិយាយថា «វាមើលទៅកាន់តែល្អប្រសើរ» ហើយការងារនឹងបន្តក្នុងអំឡុងពេលចរចាអំពីរបៀបដើម្បីបញ្ចប់សង្គ្រាមរយៈពេលជិតបួនឆ្នាំរបស់រុស្ស៊ី។ ប្រធានាធិបតី លោក Volodymyr Zelenskyy បាននិយាយបន្ទាប់ពីជួបជាមួយប្រធានាធិបតីបារាំង ជាការពិភាក្សាចុងក្រោយក្នុងគោលបំណងសម្របសម្រួលលក្ខខណ្ឌនានាសម្រាប់បទឈប់បាញ់ដែលអាចកើតមាននៅក្នុងជម្លោះប្រដាប់អាវុធធំបំផុតនៅអឺរ៉ុបចាប់តាំងពីសង្គ្រាមលោកលើកទី២។ ដំណើរទស្សនកិច្ចរបស់លោក Zelenskyy ទៅកាន់ទីក្រុងប៉ារីសបានធ្វើឡើងបន្ទាប់ពីកិច្ចប្រជុំកាលពីថ្ងៃអាទិត្យរវាងមន្ត្រីអ៊ុយក្រែននិងសហរដ្ឋអាមេរិក ដែលរដ្ឋមន្ត្រីការបរទេស លោក Marco Rubio បានពិពណ៌នាថាប្រកបដោយផ្លែផ្កា។ ភាគីទាំងពីរបានធ្វើការដើម្បីពិនិត្យឡើងវិញផែនការស្នើឡើងដោយសហរដ្ឋអាមេរិក ដែលត្រូវបានបង្កើតឡើងនៅក្នុងការចរចារវាងទីក្រុងវ៉ាស៊ីនតោន និងទីក្រុងមូស្គូ ប៉ុន្តែត្រូវបានរិះគន់ថាមានទម្ងន់ខ្លាំងពេកទៅរកការទាមទាររបស់រុស្ស៊ី។ ប្រធានាធិបតីបារាំង លោក Emmanuel Macron បាននិយាយថា ការចរចានៅតែស្ថិតក្នុង «ដំណាក់កាលបឋម» ប៉ុន្តែបានចាត់ទុកសកម្មភាពផ្នែកការទូតនានាថា «ជាពេលវេលាដែលអាចជាចំណុចរបត់មួយ» សម្រាប់អនាគតនៃសន្តិភាពនៅអ៊ុយក្រែន និងសន្តិសុខនៅអឺរ៉ុប។ ជាមួយគ្នានេះ លោកប្រធានាធិបតី Zelenskyy បានធ្វើទស្សនកិច្ចនៅក្រុមហ៊ុន Dassault Aviation ជាក្រុមហ៊ុនផលិតយន្តហោះចម្បាំង Rafale ក្នុងទីក្រុង Cergy ជិតទីក្រុងប៉ារីស ក្នុងអំឡុង ដំណើរទស្សនកិច្ចទៅកាន់រដ្ឋធានីប្រទេសបារាំង ខណៈលោកប្រមូលការគាំទ្រពីប្រធានាធិបតីបារាំង លោក Emmanuel Macron។…

ទីភ្នាក់ងារគ្រោះមហន្តរាយជាតិរបស់ប្រទេសឥណ្ឌូនេស៊ី បានបង្កើនចំនួនអ្នកស្លាប់សរុបដោយគ្រោះមហន្តរាយទឹកជំនន់ និងបំណាក់ដីទ្រង់ទ្រាយធំនៅលើកោះស៊ូម៉ាត្រា កាលពីថ្ងៃចន្ទ (១ ធ្នូ) ដោយមកទល់ពេលនេះ មានមនុស្សយ៉ាងតិចចំនួន ៦០៤នាក់ទៅហើយ ត្រូវរាយការណ៍ថាបានបាត់បង់ជីវិត។ ទំហំដ៏បំផ្លិចបំផ្លាញនៃគ្រោះមហន្តរាយនេះកាន់តែបង្ហាញច្បាស់ឡើង ចាប់តាំងពីភ្លៀងធ្លាក់ខ្លាំងបានវាយលុកផ្នែកធំៗនៃកោះស៊ូម៉ាត្រា កាលពីសប្តាហ៍មុន ដោយទឹកទន្លេហូរហៀរលើសលប់ បង្កឱ្យមានបំណាក់ដី និងការលិចលង់ភូមិស្រុកទាំងមូល។ ទីភ្នាក់ងារគ្រប់គ្រងគ្រោះមហន្តរាយជាតិ (BNPB) បាននិយាយថា មនុស្សចំនួន ៤៦៤នាក់ ទៀតនៅតែបាត់ខ្លួន និង ២.៦០០នាក់ បានរងរបួស។ ទីភ្នាក់ងារនេះបន្តថា អ្នកស្រុកជាង ១,៥លាននាក់ បានរងផលប៉ះពាល់ ហើយមនុស្សប្រហែល ៥៧ម៉ឺននាក់ បានជម្លៀសខ្លួនចេញពីផ្ទះសម្បែងរបស់ពួកគេ ដោយមនុស្សជាច្រើនទៅជ្រកកោននៅក្នុងអគារសាធារណៈដ៏តូចចង្អៀត ដែលលទ្ធភាពប្រើប្រាស់ទឹកស្អាត និងអគ្គិសនី នៅមានកម្រិត។ ការបំផ្លិចបំផ្លាញអាក្រក់បំផុត ត្រូវបានរាយការណ៍នៅក្នុងខេត្តស៊ូម៉ាត្រាខាងជើង ជាទីដែលមនុស្សជិត ៣០០នាក់ ត្រូវបញ្ជាក់ថាបានស្លាប់។ ទីភ្នាក់ងារគ្រោះមហន្តរាយ បាននិយាយថា រដ្ឋាភិបាលក្នុងតំបន់ បានជួបការលំបាកក្នុងការស្តារទំនាក់ទំនង និងចូលទៅដល់សហគមន៍នានា ដែលត្រូវកាត់ផ្តាច់ដោយស្ពានបាក់ ផ្លូវថ្នល់ជន់លិច និងបណ្តាញអគ្គិសនីខូចខាត៕