Author: Dol Pheakdey

នីហ្សេ ៖ សាលារៀនទាំងអស់នៅក្នុងរដ្ឋនីហ្សេ ភាគខាងជើងប្រទេសនីហ្សេរីយ៉ា ត្រូវបានបិទទ្វារជាបណ្តោះអាសន្ន បន្ទាប់ពីក្រុមខ្មាន់កាំភ្លើងបានចាប់ពង្រង់សិស្សសាលាជាង ៣០០នាក់ រួមទាំងគ្រូបង្រៀន។ ក្រោយទទួលបានដំណឹងនេះ ប្រធានាធិបតីនីហ្សេរីយ៉ា លោក Bola Tinubu បានសម្រេចចិត្តលុបចោលការចូលរួមជាសហគមន៍អន្តរជាតិ រួមទាំងការចូលរួមកិច្ចប្រជុំកំពូល G20 នៅទីក្រុង Johannesburg ដើម្បីដោះស្រាយវិបត្តិនេះ។ ទន្ទឹមគ្នា ក្រសួងអប់រំជាតិនីហ្សេរីយ៉ាក៏បានបញ្ជាឱ្យសាលាអនុវិទ្យាល័យចំនួន ៤៧កន្លែងទូទាំងប្រទេសបិទទ្វារជាបណ្តោះអាសន្ន។ សមាគមគ្រិស្តសាសនានីហ្សេរីយ៉ា ហៅកាត់ថា CAN បាននិយាយកាលពីថ្ងៃសៅរ៍ថា សិស្សសាលាសរុបចំនួន ៣០៣នាក់ និងគ្រូបង្រៀន ១២នាក់ ត្រូវបានក្រុមខ្មាន់កាំភ្លើងចាប់ពង្រត់ អំឡុងពេលវាយប្រហារលើសាលាកាតូលិក St Mary’s Catholic School កាលពីថ្ងៃសុក្រ ខណៈការព្រួយបារម្ភពីសន្តិសុខកើនឡើង នៅក្នុងប្រទេសដែលមានប្រជាជនច្រើនបំផុតនៅទ្វីបអាហ្វ្រិកមួយនេះ។ ការវាយប្រហារនេះកើតឡើងប៉ុន្មានថ្ងៃបន្ទាប់ពីក្រុមប្រដាប់អាវុធបានសម្រុកវាយលុកសាលាមធ្យមសិក្សាមួយកន្លែង នៅភាគពាយ័ព្យប្រទេសនីហ្សេរីយ៉ា ដោយចាប់ពង្រត់ក្មេងស្រីសិស្សសាលាចំនួន ២៥នាក់ នៅក្នុងទីក្រុង Maga នៃរដ្ឋ Kebbi ដែលមានចម្ងាយ ១៧០គីឡូម៉ែត្រ កាលពីព្រឹកព្រលឹមថ្ងៃចន្ទសប្ដាហ៍មុន។ ក្រោយមក ក្មេងស្រីម្នាក់បានរត់គេចខ្លួនរួច ហើយ២៤នាក់នៅតែបាត់ខ្លួន។ គិតមកទល់ពេលនេះ មិនទាន់មានក្រុមសកម្មប្រយុទ្ធណាមួយចេញមុខអះអាងទទួលខុសត្រូវ…

ហ្សេរុយសាឡឹម ៖ កងការពារជនស៊ីវិលរបស់តំបន់ហ្គាហ្សា បាននិយាយកាលពីថ្ងៃសៅរ៍ថា អ៊ីស្រាអែលបានបើកការវាយប្រហារផ្លូវអាកាសជាបន្តបន្ទាប់លើតំបន់ហ្គាហ្សាស្ទ្រីប បណ្តាលឱ្យមនុស្សយ៉ាងហោចណាស់ ២២នាក់ស្លាប់ និងរាប់សិបនាក់ទៀតរងរបួស ទោះបីជាមានកិច្ចព្រមព្រៀងបទឈប់បាញ់ក៏ដោយ។ បើតាមក្រុមហាម៉ាស់, ការបន្តសម្លាប់អ្នកស្រុកហ្គាហ្សារបស់អ៊ីស្រាអែល គួបផ្សំនឹងសម្ពាធយឺតរបស់សហរដ្ឋអាមេរិកលើអ៊ីស្រាអែល ដើម្បីរារាំងសកម្មភាពវាយប្រហាររបស់ពួកគេ អាចនឹងជំរុញឱ្យស្ថានការណ៍ឆ្ពោះទៅរកភាពចលាចលកើនឡើងថែមទៀត។ ជាមួយគ្នានេះ ក្រុមហាម៉ាស់បានជំរុញអ្នកសម្របសម្រួលឱ្យធ្វើអន្តរាគមន៍ភ្លាមៗ ដើម្បីការពារការដួលរលំកិច្ចព្រមព្រៀងបទឈប់បាញ់ ដូចអ្វីដែលអ៊ីស្រាអែលចង់បាន ដោយពួកគេបានសង្កត់ធ្ងន់ថា ក្រុមប្រដាប់អាវុធ និងបក្សពួកផ្សេងទៀតរបស់ពួកគេនៅតែប្តេជ្ញាចិត្តគោរពតាមបទឈប់បាញ់។ ឆ្លើយតបនឹងការចោទប្រកាន់នេះ កងកម្លាំងការពារអ៊ីស្រាអែលបាននិយាយនៅក្នុងសេចក្តីថ្លែងការណ៍មួយថា កងទ័ពខ្លួនបានបញ្ចប់ការតាមប្រមាញ់ក្រុមសកម្មប្រយុទ្ធចំនួន ១៧នាក់ ដែលបានផុសចេញពីបណ្តាញផ្លូវរូងក្រោមដីមួយកន្លែងនៅភាគខាងកើតទីក្រុងរ៉ាហ្វា ក្នុងតំបន់ហ្គាហ្សាស្ទ្រីប ដោយបានសម្លាប់មនុស្ស ១១នាក់ ក្នុងចំណោមពួកគេ។ គួរបញ្ជាក់ថា ចាប់តាំងពីបទឈប់បាញ់នៅហ្គាហ្សាចូលជាធរមានក្នុងខែតុលា ការវាយប្រហាររបស់អ៊ីស្រាអែលនៅតែបន្តជារឿយៗ ដោយបានសម្លាប់មនុស្សចំនួន ៣១៨នាក់ និងរបួស ៧៨៨នាក់ ធ្វើឱ្យចំនួនអ្នកស្លាប់សរុបចាប់តាំងពីថ្ងៃទី៧ ខែតុលា ឆ្នាំ២០២៣ ដល់ ៦៩,៧៣៣នាក់ និងអ្នករងរបួសកើនដល់ ១៧០,៨៦៣នាក់ នេះបើតាមអាជ្ញាធរសុខាភិបាលនៅហ្គាហ្សា៕ ប្រភព ៖ ស៊ីនហួរ

ហាណូយ ៖ Amazon ដែលជាម៉ាកយីហោហាងកាហ្វេដ៏ធំបំផុតរបស់ថៃ បានបិទដំណើរការហាងទាំង ១២ទីតាំងទូទាំងប្រទេសវៀតណាម ក្រោយបើករកស៊ីបាន ៥ឆ្នាំ ក្រោមហេតុផលផ្លាស់ប្តូរយុទ្ធសាស្រ្តអាជីវកម្ម ប៉ុន្តែជាក់ស្តែង ទំនងជាប្រជែងមិនឈ្នះហាងកាហ្វេក្នុងស្រុករបស់វៀតណាម។ នេះបើតាមសារព័ត៌មាន VNExpress កាលពីថ្ងៃសៅរ៍។ អ្នកគ្រប់គ្រងជាន់ខ្ពស់ម្នាក់បានប្រាប់ប្រព័ន្ធផ្សព្វផ្សាយវៀតណាមថា គ្រប់ហាង Café Amazon ទាំងអស់បានបិទទ្វារឈប់បម្រើអតិថិជនក្នុងសប្តាហ៍នេះ។ តួយ៉ាង ហាង Café Amazon នៅទីក្រុងហូជីមិញ បានដកផ្លាកសញ្ញា ហើយបង្វិលទីតាំងជួលទៅម្ចាស់ដើមវិញ។ ហើយនៅទីតាំងខ្លះ ត្រូវបានជំនួសដោយអ្នកជួលថ្មី។ បើតាមប្រភពពីគេហទំព័រ MSN, ហាង Café Amazon បានវាយលុកដណ្តើមចំណែកទីផ្សារកាហ្វេនៅប្រទេសវៀតណាម ក្នុងខែវិច្ឆិកា ឆ្នាំ ២០២០ ជាមួយនឹងហាងដំបូងរបស់ខ្លួននៅទីក្រុងហូជីមិញ។ ហាង Café Amazon របស់ថៃបានប្រឈមមុខនឹងការប្រកួតប្រជែងខ្លាំងនៅក្នុងប្រទេសវៀតណាម ពីម៉ាកយីហោក្នុងស្រុក និងអន្តរជាតិដែលលេចធ្លោ រួមមាន Highlands Coffee, Phuc Long, Katinat, Trung Nguyen Legend Café និង…

មូស្គូ ៖ មេដឹកនាំកំពូលរុស្ស៊ីនិយាយថា សំណើរបស់អាមេរិកដែលមានគោលបំណងស្វែងរកសន្តិភាពបញ្ចប់ភ្លើងសង្គ្រាមនៅអ៊ុយក្រែន អាចជាមូលដ្ឋាននៃដំណោះស្រាយជម្លោះ ប៉ុន្តែបើសិនអ៊ុយក្រែនមិនព្រមទទួលយកផែនការនេះទេ នោះកងទ័ពរុស្ស៊ីនឹងវាយសម្រុករុលទៅមុខបន្ថែមទៀត។ ប្រធានាធិបតីរុស្ស៊ី លោក វ្ល៉ាឌីមៀ ពូទីន កាលពីថ្ងៃសុក្រ បានប្រាប់មន្ត្រីជាន់ខ្ពស់អំឡុងកិច្ចប្រជុំក្រុមប្រឹក្សាសន្តិសុខ និងការិយាល័យនយោបាយសម័យទំនើបនៃមន្ត្រីមានអំណាចបំផុតរបស់រុស្ស៊ីថា ខ្ញុំជឿថា ផែនការសន្តិភាពរបស់អាមេរិក អាចត្រូវបានប្រើជាមូលដ្ឋាន សម្រាប់ការដោះស្រាយសង្គ្រាមអ៊ុយក្រែនដោយសន្តិវិធីនៅពេលចុងក្រោយ។ លោកប្រធានាធិបតី ពូទីន បន្តថា ផែនការទាំង ២៨ចំណុចនេះ រុស្ស៊ីនៅពុំទាន់ត្រូវបានពិភាក្សាលម្អិតជាមួយអាមេរិកនៅឡើយទេ ប៉ុន្តែទីក្រុងមូស្គូបានទទួលច្បាប់ចម្លងរបស់វារួចហើយ។ ទន្ទឹមគ្នា មេដឹកនាំរុស្ស៊ីមានវ័យ៧៣ឆ្នាំរូបនេះ ក៏បានព្រមានដែរថា បើសិនអ៊ុយក្រែនប្រឆាំងនឹងផែនការនេះ នោះកងកម្លាំងរុស្ស៊ីនឹងបន្តរុលទៅមុខទៀត លុះត្រាតែមានសន្តិភាព។ គួរកត់សម្គាល់ អាមេរិកបានបង្ហាញដល់អ៊ុយក្រែននូវផែនការសន្តិភាពចំនួន ២៨ចំណុច ដែលរួមមានការទទួលយកលក្ខខណ្ឌទាមទារសំខាន់ៗមួយចំនួនរបស់ប្រធានាធិបតីរុស្ស៉ី លោក វ្ល៉ាឌីមៀ ពូទីន មានដូចជាកំណត់ឱ្យអ៊ុយក្រែនត្រូវកាត់ទឹកដីបន្ថែម ដាក់កំហិតលើទំហំយោធា និងមិនអាចចូលរួមក្នុងអង្គការ NATO ជាដើម៕ ប្រភព ៖ រ៉យទ័រ និង AFP

ឌូបៃ ៖ ប្រទេសរុស្ស៊ីប្រកាសបានចែកចាយយន្តហោះចម្បាំងបំបាំងកាយជំនាន់ទី៥ Su-57E Felon ចំនួនពីរគ្រឿងដំបូងរបស់ខ្លួនទៅដល់ដៃអតិថិជនបរទេសសុំមិនបញ្ចេញឈ្មោះ។ នេះបើតាមការបញ្ជាក់ពីមន្រ្តីការពារជាតិរុស្ស៊ី អំឡុងពិព័រណ៍យន្តហោះ DUBAI AIRSHOW 2025 ដែលជាពិព័រណ៌យន្តហោះធំជាងគេបំផុតរបស់ពិភពលោកនៅទីក្រុងឌូបៃ ប្រទេសអារ៉ាប់រួម កាលពីពេលថ្មីៗ។ នេះគឺជាការនាំចេញយន្តហោះចម្បាំងបំបាំងកាយទំនើបបំផុតរបស់ប្រទេសរុស្ស៊ីជាលើកដំបូង ខណៈដែលតម្លៃយន្តហោះទាំងពីរគ្រឿងប្រភពមិនបានបង្ហើបឱ្យដឹងនោះទេ ប៉ុន្តែបើតាមសារព័ត៌មាន WION, យន្តហោះចម្បាំងបំបាំងកាយ Su-57 មានតម្លៃចន្លោះពី ៣៥ទៅ៥០លានដុល្លារក្នុងមួយគ្រឿង។ នាយកប្រតិបត្តិក្រុមហ៊ុនសារជីវកម្ម United Aircraft លោក Vadim Badekha បានប្រាប់ប្រព័ន្ធផ្សព្វផ្សាយរដ្ឋរុស្ស៊ីថា ដៃគូបរទេសបានទទួលយន្តហោះចម្បាំងបំបាំងកាយដ៏ទំនើបបំផុតរបស់យើងរួចហើយ។ លោកបន្តថា យន្តហោះទាំងនេះបានចាប់ផ្តើមកាតព្វកិច្ចប្រយុទ្ធ និងបង្ហាញពីគុណសម្បត្តិល្អបំផុតរបស់ពួកវា ដែលធ្វើឱ្យអតិថិជនរបស់យើងពេញចិត្តជាខ្លាំង។ ប៉ុន្តែលោក Badekha មិនបានបញ្ចេញឈ្មោះអតិថិជនបរទេសណាមួយនោះទេ។ នេះបើតាមប្រភពពី Business Insider។ គួរកត់សម្គាល់ យន្តហោះ Su-57E កើតចេញពីការធ្វើទំនើបកម្មយន្តហោះចម្បាំងបំបាំងកាយទំនើបបំផុតជំនាន់ទី៥ របស់រុស្ស៊ី គឺ Su-57។ វាត្រូវបានផលិតឡើងដោយក្រុមហ៊ុន Sukhoi ដែលស្ថិតក្រោមក្រុមហ៊ុន United Aircraft Corperation (UAC)។ យន្តហោះចម្បាំងបំបាំងកាយ…

តូក្យូ ៖ ប្រទេសជប៉ុនបានសាងសង់រូបសំណាក់សត្វចម្លែក Godzilla ធំបំផុតក្នុងលោក នៅក្នុងព្រលានយន្តហោះអន្តរជាតិ Haneda ដើម្បីទាក់ទាញចំណីចក្ខុ និងចំណាប់អារម្មណ៍ភ្ញៀវទេសចរជាតិ និងអន្តរជាតិដែលធ្វើដំណើរឆ្លងកាត់ទៅមកអាកាសយានដ្ឋានដ៏មមាញឹកមួយនេះ។ Godzilla ត្រូវបានគេស្គាល់ទូទៅថា ជាតួអង្គសត្វចម្លែកដ៏ល្បីល្បាញមួយនៅក្នុងខ្សែភាពយន្តអន្តរជាតិ ដែលកើតឡើងពីគំនិតច្នៃប្រឌិតរបស់ប្រទេសជប៉ុន។ រូបសំណាក់សត្វចម្លែក Godzilla នេះ រចនាឡើងមានប្រវែងប្រហែល ៤០ម៉ែត្រ និងកម្ពស់ ៩ម៉ែត្រ។ វាមានទីតាំងស្ថិតនៅទីតាំងទទួលភ្ញៀវចេញដំណើរនៅឯចំណតរង់ចាំទី៣ របស់ព្រលានយន្តហោះ Haneda ហើយជប៉ុនគ្រោងដំឡើងវារួចរាល់នៅចាប់ពីចុងខែធ្នូ ឆ្នាំ២០២៥នេះ។ រូបសំណាក់សត្វចម្លែករបស់ជប៉ុនដ៏ល្បីល្បាញនេះ បានសម្តែងនៅក្នុងខ្សែភាពយន្តជាង ៣០រឿង ទាំងក្នុងភាពយន្តក្នុងស្រុក និងក្រៅប្រទេស ចាប់តាំងពីខ្សែភាពយន្ត Godzilla ដំបូងត្រូវបានចាក់បញ្ចាំងកាលពីឆ្នាំ១៩៥៤។ ការបង្កើតរូបសំណាក់ Godzilla នេះឡើង ជាគម្រោងរួមគ្នារវាងក្រុមហ៊ុន Toho ដែលជាអ្នកបង្កើត និងជាអ្នកផលិតរឿងភាពយន្តល្បីៗ ជាមួយក្រុមហ៊ុនសាងសង់អគារចំណតរង់ចាំរបស់ព្រលានយន្តហោះ Haneda ។ ក្រៅពីGodzilla, រូបភាពសត្វចម្លែកផ្សេងទៀតដែលលេចវត្តមាននៅក្នុងខ្សែភាពយន្តល្បីៗ ក៏នឹងត្រូវបង្ហាញនៅលើផ្ទាំងកញ្ចក់ LED នៅពីលើបញ្ជរផ្តល់ព័ត៌មាននៅទីតាំងទទួលភ្ញៀវមកដល់ជាន់ទីពីររបស់ចំណតរង់ចាំផងដែរ។ គួរបញ្ជាក់ថា តួអង្គសត្វចម្លែក Godzilla បានរួមចំណែកធ្វើឱ្យខ្សែភាពយន្តមានចំណងជើងថា Godzilla Minus…

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ និយាយថា រូបលោកចង់ឱ្យអ៊ុយក្រែនទទួលយកផែនការបញ្ចប់សង្គ្រាមអូសបន្លាយពេលជិត ៤ឆ្នាំជាមួយរុស្ស៊ី នៅត្រឹមថ្ងៃទី២៧ ខែវិច្ឆិកាខាងមុខ។ រដ្ឋបាលលោកប្រធានាធិបតី ត្រាំ បានបង្ហាញផែនការសន្តិភាពចំនួន ២៨ចំណុចទៅកាន់មេដឹកនាំអ៊ុយក្រែន លោក វ៉ូឡូឌីមៀ ហ្សេលេនស្គី ដែលកំពុងប្រឈមមុខនឹងសម្ពាធដ៏ធ្ងន់នៅពេលនេះ ជាមួយនឹងជម្រើសដ៏លំបាកនៅពេលខាងមុខ ក្នុងនោះមានការបាត់បង់សេចក្តីថ្លៃថ្នូរ និងសេរីភាព ពិសេសការបាត់បង់ដៃគូដ៏សំខាន់ គឺអាមេរិក។ បើតាមមន្រ្តីរដ្ឋាភិបាលអ៊ុយក្រែនមួយរូប, លោកប្រធានាធិបតី ហ្សេលេនស្គី និងមេដឹកនាំអឺរ៉ុបបានព្រមព្រៀងគ្នាបង្កើតជម្រើសថ្មី ជំនួសផែនការសន្តិភាពរបស់អាមេរិក។ លោកប្រធានាធិបតី ត្រាំ បានប្រាប់ក្នុងបទសម្ភាសន៍ជាមួយវិទ្យុ Fox News ថា ខ្ញុំមានកាលបរិច្ឆេតច្រើនណាស់ ប៉ុន្តែបើសិនអ្វីៗដំណើរការល្អ នោះនៅថ្ងៃព្រហស្បតិ៍ទី២៧ ខែវិច្ឆិកា… យើងគិតថា ជាពេលវេលាសាកសមបំផុត។ ក្រោយមក លោកប្រធានាធិបតី ត្រាំ ក៏បានប្រាប់អ្នកសារព័ត៌មាននៅសេតវិមានដែរថា បើសិនលោកប្រធានាធិបតី ហ្សេលេនស្គី មិនពេញចិត្តនឹងផែនការនេះ ដូច្នេះពួកគេគួរតែបន្តការប្រយុទ្ធបង្ហួរឈាមគ្នាតទៀតចុះ។ គួរកត់សម្គាល់ អាមេរិកបានបង្ហាញដល់អ៊ុយក្រែននូវផែនការសន្តិភាពចំនួន ២៨ចំណុច ដែលរួមមានការទទួលយកលក្ខខណ្ឌទាមទារសំខាន់ៗមួយចំនួនរបស់ប្រធានាធិបតីរុស្ស៉ី លោក វ្ល៉ាឌីមៀ…

វ៉ាស៊ីនតោន ៖ កងទ័ពជើងទឹកអាមេរិកមានគម្រោងសាងសង់នាវាមុជទឹកដើរដោយថាមពលនុយក្លេអ៊ែរប្រភេទ Columbia-class ចំនួន ១២គ្រឿង ដើម្បីស្នងតំណែងកងនាវាមុជទឹកដើរដោយថាមពលនុយក្លេអ៊ែរប្រភេទ Ohio-class ចំនួន ១៤គ្រឿងបច្ចុប្បន្ន ដែលជិតបញ្ចប់បេសកកម្មរយៈពេល ៤២ឆ្នាំរបស់ពួកវាហើយ។ មន្ទីរបញ្ចកោណនៃក្រសួងសង្គ្រាមអាមេរិក នៅថ្ងៃទី១៧ ខែវិច្ឆិកា បានចុះកុងត្រាមានតម្លៃ ២,២៨ពាន់លានដុល្លារជាមួយក្រុមហ៊ុន General Dynamics Eletrics Boat ដើម្បីសាងសង់នាវាមុជទឹកប្រដាប់ដោយមីស៊ីលបាលិស្ទីគប្រភេទ Columbia-class ចំនួន៥គ្រឿងសិន ដោយពួកវានឹងក្លាយជាកងនាវាមុជទឹកដើរដោយថាមពលនុយក្លេអ៊ែរជំនាន់ថ្មីរបស់អាមេរិក នាពាក់កណ្តាលសតវត្សក្រោយ។ តាមរយៈកិច្ចព្រមព្រៀងនេះ ក្រុមហ៊ុន Eletrics Boat និងសហការផលិតជាមួយទីបញ្ជាការប្រព័ន្ធដែនសមុទ្រកងទ័ពជើង ដើម្បីសាងសង់នាវាមុជទឹកដើរដោយថាមពលនុយក្លេអ៊ែរជំនាន់ថ្មីប្រភេទ Columbia-class SSBN-838 ជំនួសនាវាពីមុនប្រភេទ SSBN-828។ ទីតាំងសាងសង់នាវាទាំងនោះ នឹងចាប់ផ្តើមដំណើរការទាំងនៅក្នុងរោងចក្រ Electric Boat’s Groton នៃរដ្ឋ Connecticut និងរោងចក្រផ្សេងទៀតនៅក្នុងរដ្ឋ Rhode Island និងរដ្ឋ Virginia។ ផែនការនេះ ជាផ្នែកមួយនៃគម្រោងសាងសង់នាវាមុជទឹកដើរដោយថាមពលនុយក្លេអ៊ែរជំនាន់ចុងក្រោយ ដែលត្រូវបានអូសបន្លាយពេលរាប់ឆ្នាំ មានគោលបំណងជំនួសនាវាមុជទឹកដើរដោយថាមពលនុយក្លេអ៊ែរប្រភេទ Ohio-class សេរីចាស់ ដែលជាឆ្អឹងខ្នងដ៏សំខាន់នៃកងទ័ពជើងទឹកអាមេរិក…

គ្រូបង្រៀនផ្អែកលើកិច្ចព្រមព្រៀង ជារបត់ថ្មី គឺបង្រៀន​ផង រៀនផង (ភ្នំពេញ)៖ មន្រ្តីជាន់ខ្ពស់ក្រសួងអប់រំ មានប្រសាសន៍​ថា រៀនផង បង្រៀនផង បើកប្រាក់ខែផង មានន័យថា គ្រូ​បង្រៀនផ្អែកលើកិច្ចព្រមព្រៀងការងារ ត្រូវរៀនផង និង​បង្រៀនផង។ សូមឱ្យលោកគ្រូ អ្នកគ្រូ ទៅបង្រៀន​សិស្ស​​​​ដោយសប្បាយ គឺជួបសិស្សដោយសប្បាយ ជួប​មាតាបិតាអាណាព្យាបាលដោយសប្បាយ ជួបការិយា​ល័យអប់រំស្រុកដោយសប្បាយ ជួបអភិបាលស្រុក​ដោយ​សប្បាយ សូមកុំមានការកង្វល់នៃការរៀនជាធំ ព្រោះថា ក្រសួងមានភាពបទបែន សម្រាប់ការរៀនរបស់លោកគ្រូ អ្នកគ្រូ ដើម្បីមានភាពងាយស្រួល គឺក្រសួងអប់រំ យុវជន និងកីឡា នឹងបង្កលក្ខណៈជួយបំពេញក្នុងការធ្វើ​យ៉ាង​ណា ឱ្យការរៀនបានចប់ចុង ចប់ដើម នៅពេល​មហា​វិសមកាល ។ ប្រសាសន៍ ឯកឧត្តមបណ្ឌិតសភាចារ្យ ណាត ប៊ុនរឿន រដ្ឋ​លេខាធិការក្រសួងអប់រំ យុវជន និងកីឡា ក្នុង​សន្និ​សីទ​​សារព័ត៌មាន ស្ដីពី «វឌ្ឍនភាពព័ត៌មានអំពី​ដំណើរ​ការ​ជ្រើសរើស និងគ្រប់គ្រងគ្រូង្រៀនផ្អែកលើកិច្ចព្រម​ព្រៀងការងារឱ្យចូលបម្រើការងារនៅគ្រឹះស្ថានបឋមសិក្សាសាធារណៈ» ក្រោមអធិបតីភាព ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែង នាថ្ងៃទី២០ ខែវិច្ឆិកា…

ឌូបៃ ៖ មិនធ្លាប់មានក្នុងពេលជិត ៤០ឆ្នាំ យន្តហោះចម្បាំងមួយគ្រឿងរបស់ឥណ្ឌា បានធ្លាក់ផ្ទុះផ្តាច់ជីវិតពីឡុតភ្លាមៗ អំឡុងពេលហោះបង្អួតរាងនៅមុខមហាជនជាច្រើន ក្នុងកម្មវិធីពិព័រណ៍ Dubai Airshow នៅប្រទេសអារ៉ាប់រួម កាលពីថ្ងៃសុក្រ។ ហេតុការណ៍ធ្លាក់យន្តហោះកាលពីថ្ងៃសុក្រម្សិលមិញនេះ ត្រូវបានគេជឿជាក់ថា គឺជាលើកដំបូងក្នុងប្រវត្តិសាស្ត្រនៃកម្មវិធី Dubai Airshow ដែលបង្កើតឡើងតាំងពីឆ្នាំ ១៩៨៦។ ផ្សែងខ្មៅបានហុយទ្រលោមពេញអាកាសយានដ្ឋានអន្តរជាតិ Al Maktoum នៅឯមជ្ឈមណ្ឌល Dubai World Central ខណៈដែលហ្វូងអ្នកទស្សនាបានមើលឃើញ ហើយសំឡេងស៊ីរ៉ែនបានបន្លឺឡើង បន្ទាប់ពីមានការធ្លាក់នោះ។ យន្តហោះចម្បាំងឥណ្ឌា HAL Tejas ដែលត្រូវបានប្រើក្នុងកងទ័ពអាកាសឥណ្ឌា បានធ្លាក់នៅវេលាម៉ោង ២ និង ១០នាទីរសៀល (ម៉ោងក្នុងតំបន់) ក្នុងចម្ងាយប្រហែល .៦គីឡូម៉ែត្រពីទីតាំងកម្មវិធី។ ភ្លាមៗ រដ្ឋាភិបាលអារ៉ាប់រួមបានបង្ហោះសារសម្តែងការសោកស្តាយ និងចូលរួមរំលែកទុក្ខជាមួយក្រុមគ្រួសារពីឡុត។ គួរកត់សម្គាល់ នេះជាការធ្លាក់លើកទី២ហើយ ដែលពាក់ព័ន្ធនឹងយន្តហោះចម្បាំង Tejas មានកៅអីតែមួយ ដែលឥណ្ឌាផលិតក្នុងស្រុកនារយៈពេលតិចជាងពីរឆ្នាំ បន្ទាប់ពីឧបទ្ទវហេតុធ្លាក់លើកដំបូងកើតឡើងអំឡុងពេលហ្វឹកហាត់ហោះហើរនៅរដ្ឋ Rajasthan កាលពីខែមីនា ឆ្នាំ២០២៤។ យន្តហោះចម្បាំង Tejas…