Author: Dol Pheakdey
-
លោក ហ្សេលេនស្គី ថា គាត់គ្មានថ្ងៃក្បត់អ៊ុយក្រែនឡើយ
កៀវ ៖ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានប្រកាសក្តែងៗទៅកាន់ពិភពលោកដឹងថា រូបលោកនឹងមិនក្បត់អ៊ុយក្រែនជាដាច់ខាត ហើយនឹងពិចារណាលើផែនការសន្តិភាពរបស់មេដឹកនាំអាមេរិក លោក ដូណាល់ ត្រាំ ដើម្បីបញ្ចប់សង្គ្រាមជាមួយរុស្ស៊ី។ រំលឹកដល់ការតស៊ូប្រយុទ្ធប្រឆាំងនឹងការលុកលុយរបស់រុស្ស៊ីក្នុងខែកុម្ភៈ ឆ្នាំ ២០២២ មេដឹកនាំអ៊ុយក្រែនរូបនេះ បានសង្កត់ធ្ងន់ថា យើងនឹងមិនក្បត់ជាតិសាសន៍ខ្លួនឯងជាដាច់ខាត មិនថា នៅពេលចាប់ផ្តើមផ្ទុះសង្គ្រាមដំបូង ឬក៏នៅពេលឥឡូវនេះក៏ដោយ។ ការអត្ថាធិប្បាយបែបនេះរបស់លោក ហ្សេលេនស្គី ធ្វើឡើងចំពេលដែលប្រភពចំនួនពីរសុំមិនបញ្ចេញឈ្មោះ បានបង្ហើបឱ្យដឹងថា អាមេរិកបានគំរាមកាត់បន្ថយការចែករំលែកព័ត៌មានស៊ើបការណ៍សម្ងាត់ និងការផ្គត់ផ្គង់សព្វាវុធដល់អ៊ុយក្រែន ដើម្បីជំរុញឱ្យប្រទេសនេះយល់ព្រមក្នុងក្របខ័ណ្ឌនៃកិច្ចព្រមព្រៀងសន្តិភាពដែលសម្របសម្រួលដោយលោកប្រធានាធិបតី ដូណាល់ ត្រាំ។ បើតាមសារព័ត៌មាន Financial Times, ផែនការបញ្ចប់សង្គ្រាមអ៊ុយក្រែន ដែលកំពុងត្រូវបានពិភាក្សានេះ នឹងបង្ខំឱ្យអ៊ុយក្រែនប្រគល់ផ្នែកខ្លះនៃតំបន់ដុនបាស ភាគខាងកើត, កាត់បន្ថយកងទ័ពពាក់កណ្តាល, រំសាយអាវុធសំខាន់ៗ និងកាត់បន្ថយជំនួយយោធាអាមេរិក។ ផែនការនេះក៏ស្នើឲ្យផ្តល់ឋានៈផ្លូវការដល់ភាសារុស្ស៊ី និងផ្តល់ការទទួលស្គាល់ជាផ្លូវការដល់វិហារគ្រិស្តអូស្សូដក់របស់រុស្ស៊ីផងដែរ។ យ៉ាងណាមិញ ការជំរុញរបស់លោកប្រធានាធិបតី ត្រាំ ក្នុងការបញ្ចប់សង្គ្រាមនេះ អាចបង្កឱ្យមានភាពប្រេះឆារវាងរូបលោក និងមេដឹកនាំអឺរ៉ុប ដែលទំនងជាប្រឆាំងនឹងកិច្ចព្រមព្រៀងណាមួយ ដែលអាចត្រូវបានមើលឃើញថា ជាការផ្តល់រង្វាន់ដល់លោកប្រធានាធិបតី វ្ល៉ាឌីមៀ ពូទីន៕ ប្រភព…
-
កម្ពុជា សម្រេចបញ្ជូន ២១ប្រភេទកីឡា ចូលរួមកីឡាអាស៊ីអាគ្នេយ៍លើកទី៣៣
(ភ្នំពេញ)៖ ឯកឧត្តម វ៉ាត់ ចំរើន រដ្ឋលេខាធិការ ក្រសួងអប់រំយុវជននិងកីឡា និងជាអគ្គលេខាធិការជាតិអូឡាំពិកកម្ពុជា បានបញ្ជាក់ឱ្យដឹងថា ដោយទទួលបានការឯកភាពជាគោលការណ៍ដ៏ខ្ពង់ខ្ពស់ពីសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា យើងនឹងបញ្ជូនអត្តពលិកចូលរួមចំនួន ២១ប្រភេទកីឡា ក្នុងព្រឹត្តិការណ៍កីឡាអាស៊ីអាគ្នេយ៍លើកទី៣៣ នៅប្រទេសថៃ ចាប់ពីថ្ងៃទី៩ ដល់ថ្ងៃទី២០ ខែធ្នូ ឆ្នាំ២០២៥ ។ ឯកឧត្តម វ៉ាត់ ចំរើន បញ្ជាក់ថា វេទិការ ឬក៏ព្រឹត្តិការណ៍កីឡាប្រទេសដែលទទួលធ្វើជាម្ចាស់ផ្ទះជាគោលការណ៍អន្តរជាតិក្នុងចលនាអូឡាំពិកក៏ដូចជាក្នុងចលនាអន្តរជាតិទាំងមូលគេតែងតែដាក់ចេញនូវគោលការណ៍មិនប្រកាន់រើសអើងនិន្នាការនយោបាយ សាសនា ឬ ឋានៈសង្គមអ្វីឡើយ នេះជាគោលការណ៍គ្រឹះរបស់ចលនាកីឡាអូឡាំពិក។ ហើយព្រឹត្តិការណ៍កីឡាមិនមែនជាព្រឹត្តិការណ៍នយោបាយនោះទេ គឺព្រឹត្តិការណ៍កីឡាជាការប្រកួតប្រជែងផ្នែកបច្ចេកទេសកីឡាដែលបង្កើតឱ្យបាននូវសន្តិភាព មិត្តភាព និងសាមគ្គីភាព ហើយនិងការយោគយល់គ្នាក្នុងវិស័យកីឡា។ ពាក់ព័ន្ធការចូលរួមប្រកួតរបស់កម្ពុជានៅលើកទឹកដីនៃប្រទេសថៃនេះ គឺយើងបានធ្វើការជាច្រើនជាមួយគណៈកម្មាធិការអូឡាំពិកថៃ និងជាមួយគណៈកម្មាធិការរៀបចំប្រកួតនៅប្រទេសថៃ ដោយមានការបញ្ជាក់ផ្លូវការរបស់ថៃគណៈកម្មាធិការអូឡាំពិកថៃ និងគណៈកម្មាធិការរៀបចំកីឡាអាស៊ីអាគ្នេយ៍របស់ថៃ ក៏បានជំរុញនិងអប់រំប្រជាពលរដ្ឋ និងបានចេញសារព័ត៌មានជាច្រើនថា គេនិងរៀបចំវិធានការសន្តិសុខជូនប្រតិភូកីឡាទាំងអស់ពិសេសប្រតិភូកីឡាកម្ពុជា ដើម្បីធ្វើឱ្យព្រឹត្តិការណ៍នេះវាក្លាយទៅជាការិតចំណងសាមគ្គីភាព និងក្លាយទៅជាសញ្ញាណសាមគ្គីភាពឬក៏មិត្តភាពឡើងវិញរបស់ប្រ ទេសទាំងពីរផងដែរ ។ អ៊ីចឹងយើងទទួលយកនូវអ្វីជាសេចក្តីសុខទាំងអស់គ្នានិងយន្តការផ្សេងៗទៀតមានន័យថា ការចូលរួមរបស់កម្ពុជាមានតម្លៃលើការទូតកីឡា ពិសេស ការចូលរួមនេះ មានការធានាពីភាគីគណៈកម្មាធិកាថៃ ហើយនៅពេលនោះក៏នឹងមានការបង្កើតជាគណៈកម្មាធិការដោះស្រាយវិវាទ…
-
ក្រុមស្ថាបត្យករ អាស៊ានបង្ហាញពីគំនិត និងគម្រោងអំពីស្ថាបត្យកម្មបែបសម័យទំនើប
(ភ្នំពេញ)៖ ស្ថាបត្យករ អាស៊ានបានបង្ហាញក្នុងការចែករំលែកដល់ភាគីពាក់ព័ន្ធ និងក្រុមនិស្សិតនូវគំនិតច្នៃប្រឌិតលើ វិស័យស្ថាបត្យកម្ម និងសំណង់ ដែលនេះបានចាត់ទុកជាការចូលរួមយ៉ាងសំខាន់មួយ ក្នុងការឈានទៅរកការអភិវឌ្ឍទីក្រុងឆ្លាតវៃ (Smart City) ដែលកំពុងរីកចម្រើនយ៉ាងខ្លាំងក្នុងតំបន់បណ្តាប្រទេសអាស៊ាន។ តាមរយៈការធ្វើបទបង្ហាញរបស់ក្រុមស្ថាបត្យករ គឺក្រៅអំពីការផ្តល់នូវចំណេះជំនាញ ក៏នៅបានផ្តល់នូវផ្នត់គំនិតថ្មីៗសម្រាប់ជំរុញក្រសួងពាក់ព័ន្ធ និងវិស័យឯកជន ពិសេស គឺវិស័យស្ថាបត្យកម្ម និងសំណង់តែម្ដង ដែលជាចលករមួយ សម្រាប់កសាងទីក្រុង តំបន់ប្រជុំជន ឈាន ទៅរកការរស់នៅប្រកបដោយភាពឆ្លាតវៃ ពោលគឺការរស់នៅដែលមានប្រើប្រាស់បច្ចេកវិទ្យាភាគច្រើន សម្រាប់ជាមធ្យោបាយក្នុងការបញ្ជា តាមរយៈប្រព័ន្ធស្វ័យប្រវត្តិកម្ម។ គួរបញ្ជាក់ថា កិច្ចប្រជុំ សភាស្ថាបត្យករអាស៊ានលើកទី៥ ដែលបានរៀបចំឡើងចាប់ពីថ្ងៃទី២០-២២ ខែវិច្ឆិកា ឆ្នាំ២០២៥នៅសណ្ឋាគារ SUN AND MOON RIVERSIDE ក្នុងរាជធានីភ្នំពេញ។ សម្រាប់ព្រឹត្តិការណ៍ សភា ស្ថាបត្យករ អាស៊ាន លើកទី៥ ដែលកម្ពុជាធ្វើជាម្ចាស់ផ្ទះនេះ រៀបចំឡើងក្នុងគោលបំណង លើកកម្ពស់បណ្តាញទំនាក់ទំនង និងកិច្ចសហប្រតិបត្តិការរវាងស្ថាបត្យករអាស៊ាន លើកកម្ពស់ការយល់ដឹងឱ្យកាន់តែទូលំទូលាយ និងជំរុញការអនុវត្តជំនាញស្ថាបត្យកម្មឆ្លងព្រំដែនរបស់ស្ថាបត្យករអាស៊ាន នៅទូទាំងប្រទេសដែលជាសមាជិករបស់ខ្លួន។ ក្នុងការចែករំលែកតាមរយៈបទបង្ហាញ ស្តីពី គម្រោងស្ថាបត្យកម្មសម្រាប់និរន្តភាពនៃការរស់នៅ(Architecture for Quality of…
-
អាមេរិកក្លាយជាកូនបំណុលធំបំផុតរបស់ចិន ត្រឹម ២៥ ឆ្នាំខ្ចី ២០០ ពាន់លានដុល្លារ
វ៉ាស៊ីនតោន ៖ សហរដ្ឋអាមេរិកបានក្លាយជាកូនបំណុលធំជាងគេបំផុតនៅលើពិភពលោក បន្ទាប់ពីក្រុមហ៊ុនជាច្រើនរបស់មហាអំណាចមួយនេះ បានខ្ចីលុយពីធនាគារចិនដល់ទៅជាង ២០០ ពាន់លានដុល្លារក្នុងរយៈពេល ២៥ ឆ្នាំមកនេះ ។ បើតាមការចុះផ្សាយដោយសារព័ត៌មាន CNN ដកស្រង់របាយការណ៍ពីវិទ្យាស្ថាន AidData បានឲ្យដឹងថា លុយដែលក្រុមហ៊ុនអាមេរិកជំពាក់ចិនទាំងនោះ ត្រូវបានខ្ចីដោយសម្ងាត់ និងបញ្ជូនទៅតាមរយៈក្រុមហ៊ុនស្រមោលបរទេស នៅឯកោះ Cayman, Bermuda, Delaware និង ទីតាំងផ្សេងទៀត ដើម្បីជួយបិទបាំងប្រភពដើម ។ ប្រភពដដែលបញ្ជាក់ថា ការផ្តល់ប្រាក់កម្ចីភាគច្រើន គឺដើម្បីជួយទៅដល់បណ្តាក្រុមហ៊ុនចិន សម្រាប់ទិញភាគហ៊ុននៅក្នុងក្រុមហ៊ុនអាមេរិក ពាក់ព័ន្ធទៅនឹងសន្តិសុខជាតិ, វិស័យបច្ចេកវិទ្យាសំខាន់ៗ រួមទាំងការផលិតមនុស្សយន្ត ឧបករណ៍អេឡិចត្រូនិក និងបច្ចេកវិទ្យាជីវសាស្ត្រជាដើម ។ ក្រៅពីក្រុមហ៊ុនអាមេរិក, បណ្តាក្រុមហ៊ុននៅចក្រភពអង់គ្លេស និងបណ្ដាប្រទេសសហភាពអឺរ៉ុបក៏បានខ្ចីលុយពីធនាគាររដ្ឋចិនផងដែរ ។ ក្រុមហ៊ុននៅចក្រភពអង់គ្លេសបានខ្ចីលុយប្រហែល ៦០ ពាន់លានដុល្លារ ខណៈបណ្តាប្រទេសសហភាពអឺរ៉ុប មានចំណែកប្រហែល ១៦១ ពាន់លានដុល្លារ ។ បើតាមសារព័ត៌មាន NBC News, ចាប់ពីឆ្នាំ ២០០០ ដល់ឆ្នាំ ២០២៣…
-
អឺរ៉ុប ច្រានចោលផែនការសន្តិភាពរបស់ អាមេរិក ដើម្បីបញ្ចប់សង្គ្រាមនៅ អ៊ុយក្រែន
កៀវ៖ សហភាពអឺរ៉ុបបានប្រកាសច្រានចោលផែនការសន្តិភាពចុងក្រោយបង្អស់ដែលដាក់ចេញដោយសហរដ្ឋអាមេរិកដើម្បីបញ្ចប់សង្គ្រាមនៅអ៊ុយក្រែន ។ ប្រព័ន្ធផ្សព្វផ្សាយលោកខាងលិចជាច្រើនរាយការណ៍ថា កិច្ចព្រមព្រៀងចំនួន ២៨ ចំណុចដែលដាក់ចេញដោយអាមេរិក គឺបង្កើតឡើងដោយសារតែមានការត្រូវរ៉ូវគ្នាជាមួយទីក្រុងមូស្គូ ។ បើតាមសារព័ត៌មាន RT, ផែនការសន្តិភាពនេះ នឹងតម្រូវឲ្យអ៊ុយក្រែន ដកខ្លួនចេញពីផ្នែកខ្លះ នៃ តំបន់ Donbass , កាត់បន្ថយកងកម្លាំងយោធា យ៉ាងហោចណាស់ពាក់កណ្តាល, ឈប់ទាមទារអាវុធទំនើបៗ និង បោះបង់មហិច្ឆតាចូលជាសមាជិកអង្គការណាតូ ។ ទីក្រុងកៀវបញ្ជាក់ថា ផែនការទាំងនេះបានធ្លាក់ដល់ដៃលោកប្រធានាធិបតី Volodymyr Zelensky រួចហើយ ហើយលោកប្រធានាធិបតីក៏រំពឹងនឹងជួបពិភាក្សាលម្អិតពីផែនការនេះជាមួយប្រធានាធិបតីអាមេរិក លោក Donald Trump នៅប៉ុន្មានថ្ងៃខាងមុខនេះផងដែរ ។ យ៉ាងណា សេចក្តីព្រាងផែនការនេះ បានទាក់ទាញការរិះគន់យ៉ាងខ្លាំងពីអ្នកគាំទ្រទីក្រុងកៀវ និងនៅក្នុងចំណោមសហភាពអឺរ៉ុបផ្សេងទៀត ។ ប្រធានគោលនយោបាយការបរទេស របស់អឺរ៉ុប លោកស្រី Kaja Kallas ទទូចថា ការរៀបចំសន្តិភាពណាមួយ ត្រូវតែឆ្លុះបញ្ចាំងពីគោលជំហរ របស់ប្លុកអឺរ៉ុប និង អ៊ុយក្រែន ដោយលើកហេតុផលថា សំណើរបស់សហរដ្ឋអាមេរិក បានបង្ហាញថា ភាគីរុស្ស៊ីគ្មានបានផ្តល់សម្បទានអ្វីទាំងអស់…
-
វៀតណាមដាក់មហិច្ឆតាប្រើប្រាស់ថាមពលបៃតងសុទ្ធក្នុងទីក្រុងធំៗនៅត្រឹមឆ្នាំ ២០៣០
ហាណូយ ៖ ប្រទេសវៀតណាមដាក់គោលដៅប្រកបដោយមហិច្ឆតាធ្វើឱ្យយានយន្តដឹកជញ្ជូនសាធារណៈទាំងអស់នៅក្នុងរដ្ឋធានីហាណូយ និងទីក្រុងហូជីមិញ ប្រើប្រាស់ថាមពលស្អាត, បៃតង និងមិនប៉ះពាល់ដល់បរិស្ថាននៅឆ្នាំត្រឹម ២០៣០។ បើតាមរបាយការណ៍, វៀតណាមក៏មានគោលបំណងបង្កើតឱ្យមានអគារប្រើប្រាស់ថាមពលបៃតងចំនួន ១.២០០កន្លែងនៅទូទាំងប្រទេសនៅត្រឹមឆ្នាំ ២០៣០ផងដែរ។ គោលដៅនេះ ត្រូវបានកំណត់ក្រោមផែនការសកម្មភាពជាតិ ដែលទើបអនុម័តថ្មី ស្តីពីការកាត់បន្ថយខ្យល់កង្វក់ និងការគ្រប់គ្រងគុណភាពខ្យល់។ ផែនការដែលត្រូវបានរៀបចំឡើងសម្រាប់រយៈពេលពីឆ្នាំ ២០២៦ ដល់ឆ្នាំ ២០៣០ ជាមួយនឹងចក្ខុវិស័យឆ្ពោះទៅឆ្នាំ ២០៤៥ ក៏បានអំពាវនាវឱ្យមានគោលនយោបាយ ដើម្បីគាំទ្រដល់ការផ្លាស់ប្តូរយានយន្តរត់ឈ្នួល, រថយន្តកក់សេវាតាមទូរស័ព្ទ និងយានយន្តដឹកជញ្ជូនផ្អែកលើបច្ចេកវិទ្យាឲ្យទៅជាថាមពលស្អាត, បៃតង និងមិនប៉ះពាល់ដល់បរិស្ថាន។ ស្ថិតក្រោមផែនការនេះទៀតសោត កំហាប់ភាគល្អិតក្នុងខ្យល់ PM2.5 ជាមធ្យមប្រចាំឆ្នាំរបស់ទីក្រុងហាណូយ ត្រូវបានគេរំពឹងថា នឹងធ្លាក់ចុះក្រោម ៤០មីក្រូក្រាមក្នុងមួយម៉ែត្រគូបនៅត្រឹមឆ្នាំ ២០៣០ ហើយនេះជាការធ្លាក់ចុះ ២០ភាគរយពីកម្រិតមធ្យមឆ្នាំ ២០២៤៕
-
អឺរ៉ុប និងអាហ្វ្រិកខាងត្បូងចុះកិច្ចព្រមព្រៀងរ៉ែ មុនប្រជុំ G20
ប្រេតូរីយ៉ា ៖ សហភាពអឺរ៉ុប និងអាហ្រ្វិកខាងត្បូងបានចុះកិច្ចព្រមព្រៀងរ៉ែ នៅមុនពេលមានកិច្ចប្រជុំកំពូល G20 កាលពីថ្ងៃព្រហស្បតិ៍។ ភាគីទាំងពីរបាននិយាយថា នេះគឺជាការឯកភាពគ្នា ជំរុញការរុករក, ការទាញយក, ការចម្រាញ់រ៉ែ និង លោហធាតុ នៅក្នុងប្រទេស អាហ្វ្រិកមួយនេះ។ ជាប្រទេសដែលសម្បូរធនធាន ដើម្បីធានាការផ្គត់ផ្គង់ សម្រាប់ការផ្លាស់ប្តូរបៃតង។ កិច្ចព្រមព្រៀង ដែលជាមូលដ្ឋានគ្រឹះ សម្រាប់កិច្ចសហប្រតិបត្តិការ នាពេលអនាគត ត្រូវបានចុះហត្ថលេខា នៅទីក្រុង Johannesburg នៅពេលដែលប្រធានសហភាពអឺរ៉ុប លោកស្រី Ursula von der Leyen និង ប្រធានាធិបតីអាហ្វ្រិកខាងត្បូង លោក Cyril Ramaphosa បានជួបប្រជុំគ្នា នៅមុនកិច្ចប្រជុំកំពូល នៃបណ្តាប្រទេសមានសេដ្ឋកិច្ចរីកចម្រើន ទាំង២០ ឬ G20 នៅប្រទេសអាហ្វ្រិកខាងត្បូង។ ទីក្រុង ប្រ៊ុចសែល បាននិងកំពុងពុះពារដើម្បីធានាបាននូវសារធាតុរ៉ែសំខាន់ៗ និងធាតុកម្រលើផែនដី ដែលមានសារៈសំខាន់ សម្រាប់ទំនិញអេឡិចត្រូនិក ដូចជា អាគុយ ជាដើម ហើយត្រូវការសម្រាប់ការផ្លាស់ប្តូរបៃតង របស់ប្លុកអឺរ៉ុបនេះ។…
-
អ៊ីស្រាអែលសម្រេចចិត្តដោយឯករាជ្យ វាយប្រហារហ្គាហ្សា ទោះមានបទឈប់បាញ់
ហ្ស៊េរុយសាឡិម ៖ អ៊ីស្រាអែលបានលើកឡើងថា ប្រទេសនេះបានសម្រេចចិត្តដោយឯករាជ្យ ដើម្បីវាយប្រហារតំបន់ហ្គាហ្សា ទោះបីជាស្ថិតនៅអំឡុងពេល នៃ បទឈប់បាញ់ ក៏ដោយ។ អ្នកនាំពាក្យរដ្ឋាភិបាល លោកស្រី Shosh Bedrosian បាននិយាយ នៅក្នុងបទសម្ភាសន៍មួយថា «អ៊ីស្រាអែលបានធ្វើការសម្រេចចិត្ត ដោយឯករាជ្យ ដើម្បីវាយប្រហារតំបន់ហ្គាហ្សាស្ទ្រីប»។ លោកស្រី បានចោទប្រកាន់ក្រុមហាម៉ាស់ថា បន្តបំពានបទឈប់បាញ់ ដោយអះអាងថា ពួកភេរវករ ឆ្លងកាត់ខ្សែបន្ទាត់លឿង។ ដូច្នេះ អ៊ីស្រាអែលបានធ្វើការសម្រេចចិត្ត ដោយឯករាជ្យ ដើម្បីធ្វើការវាយប្រហារតាមអាកាសទាំងនេះ ហើយ មិនបានសុំការអនុញ្ញាត ដើម្បីការពារខ្លួន និងប្រជាជន នោះទេ។ យ៉ាងណា មន្ត្រីអាមេរិកម្នាក់បានប្រាប់ AFP ថា សហរដ្ឋអាមេរិកត្រូវបានជូនដំណឹងជាមុន អំពីការវាយប្រហារ ដោយអ៊ីស្រាអែល។ ការវាយប្រហារថ្មីនេះ បានកើតឡើង កាលពីព្រឹកថ្ងៃពុធ ពោលគឺនៅមួយថ្ងៃបន្ទាប់ពីមានមនុស្សស្លាប់ច្រើនបំផុត ដោយសារតែការវាយប្រហាររបស់អ៊ីស្រាអែលដូចគ្នា នៅក្នុងតំបន់ Gaza ចាប់តាំងពីបទឈប់បាញ់ចូលជាធរមាន នៅថ្ងៃទី១០ ខែតុលា។ អាជ្ញាធរសុខាភិបាលហ្គាហ្សា បាននិយាយថា ការវាយប្រហារ តាមផ្លូវអាកាសរបស់អ៊ីស្រាអែល បានសម្លាប់មនុស្ស…
-
អ៊ីស្រាអែលរងការចោទប្រកាន់ពីបទឧក្រិដ្ឋកម្មសង្រ្គាមនៅតំបន់ West Bank
វេសប៊ែងស៍ ៖ អង្គការឃ្លាំមើលសិទ្ធិមនុស្ស (HRW) ក្នុងថ្ងៃព្រហស្បតិ៍ បានចង្អុលមុខអ៊ីស្រាអែលចំៗ ថាបានប្រព្រឹត្តិឧក្រិដ្ឋកម្មសង្រ្គាម និងឧក្រិដ្ឋកម្មប្រឆាំងមនុស្សជាតិ តាមរយៈការបណ្តេញជនជាតិប៉ាឡេស្ទីនរាប់ម៉ឺននាក់ចេញពីជំរុំជនភៀសខ្លួនចំនួន ៣ នៅតំបន់ West Bank កាលពីដើមឆ្នាំ២០២៥។ យោងតាមរបាយការណ៍មានកម្រស់ចំនួន ១០៥ ទំព័ររបស់អង្គការ HRW មានចំណងជើងថា «សុបិនទាំងអស់របស់ខ្ញុំត្រូវបានបំផ្លាញ» បានរៀបរាប់ថា ជនភៀសខ្លួនត្រូវបានរារាំងមិនឲ្យវិលត្រឡប់ទៅវិញ ហើយផ្ទះរាប់រយខ្នងត្រូវបានកម្ទេចចោល។ បើតាមប្រភពពីក្រុមសិទ្ធិមនុស្ស HRW, អ្នកស្រុកប្រហែល ៣២.០០០នាក់នៃជំរុំ Jenin, Tulkarm និង Nur Shams ត្រូវបានបង្ខំឲ្យផ្លាស់ទីលំនៅដោយកងកម្លាំងអ៊ីស្រាអែល ក្នុងអំឡុងពេលមាន «ប្រតិបត្តិការជញ្ជាំងដែក» ឬ Operation Iron Wall ក្នុងខែមករា និងខែកុម្ភៈ។ ឆ្លើយតបការចោទប្រកាន់នេះ យោធាអ៊ីស្រាអែលនិយាយថា ខ្លួនត្រូវការកម្ទេចហេដ្ឋារចនាសម្ព័ន្ធស៊ីវិល ដើម្បីកុំឲ្យពួកសកម្មប្រយុទ្ធឆ្លៀតឱកាស ប៉ុន្តែពួកគេមិនបានបញ្ជាក់ថាតើអ្នកស្រុកទាំងអស់នោះ អាចត្រឡប់ទៅវិញនៅពេលណានោះទេ។ ទោះបីជាយ៉ាងណា លោកស្រី Melina Ansari ជាអ្នកស្រាវជ្រាវនៃអង្គការឃ្លាំមើលសិទ្ធិមនុស្ស (HRW) ដែលបានធ្វើការលើរបាយការណ៍នេះ បានគូសបញ្ជាក់ថា…
-
លោក ពូទីន គ្រោងសាងសង់រោងចក្រនុយក្លេអ៊ែរ ៣៨ទីតាំង ក្នុងរយៈពេលពីរទសវត្សរ៍ខាងមុខ
ម៉ូស្គូ ៖ មេដឹកនាំកំពូលរុស្ស៊ីបានបង្ហើបឱ្យដឹងពីផែនការសាងសង់រោងចក្រផលិតថាមពលនុយក្លេអ៊ែរចំនួន ៣៨កន្លែង ដែលទិន្នផលសរុបរបស់វា នឹងស្មើសមត្ថភាពផលិតថាមពលបរមាណូបច្ចុប្បន្នរបស់ប្រទេសរុស្ស៊ីក្នុងរយៈពេលពីរទសវត្សរ៍ខាងមុខ។ បន្ទាប់ពីបានទស្សនាការសម្តែងរបស់មនុស្សយន្តរុស្ស៊ីរួច លោកប្រធានាធិបតី វ្ល៉ាឌីមៀ ពូទីន បានប្រាប់សន្និសីទ AI Journey នៅថ្ងៃព្រហស្បតិ៍ថា ចំពោះផែនការអនាគតរបស់យើង… យើងមានគម្រោងសាងសង់សាងសង់រោងចក្រផលិតថាមពលនុយក្លេអ៊ែរចំនួន ៣៨កន្លែង ក្នុងរយៈពេលតិចជាងពីរទសវត្សរ៍ មានទីតាំងនៅតំបន់អ៊ុយរ៉ាល់ ស៊ីបេរី និងចុងបូព៌ារុស្ស៊ី។ លោកប្រធានាធិបតី ពូទីន បន្តថា ទិន្នផលរួមបញ្ចូលគ្នារបស់ពួកវា នឹងស្មើសមត្ថភាពផលិតថាមពលបរមាណូបច្ចុប្បន្នរបស់យើង ហើយថា រុស្ស៊ីនឹងបន្តសាងសង់មជ្ឈមណ្ឌលទិន្នន័យនៅកន្លែងរោងចក្រថាមពលនុយក្លេអ៊ែរដែលមានស្រាប់។ មេដឹកនាំរុស្ស៊ីមានវ័យ៧៣ឆ្នាំរូបនេះ ក៏បានសង្កត់ធ្ងន់ផងដែរថា ការអភិវឌ្ឍន៍បច្ចេកវិទ្យាបញ្ញាសិប្បនិម្មិត (AI) ទំនងជាកិច្ចការបច្ចេកវិទ្យាដ៏ធំបំផុតមួយក្នុងប្រវត្តិសាស្ត្រ៕ ប្រភព ៖ ស៊ីនហួរ និង Tass