Author: Dol Pheakdey

កៀវ៖ ផែនការសន្តិភាពថ្មីដ៏ភ្ញាក់ផ្អើលរបស់អាមេរិកដែលបែកធ្លាយ បានតម្រូវឲ្យ អ៊ុយក្រែន កាត់បន្ថយចំនួនកងទ័ព និងបោះបង់ចោល នូវអាវុធបាញ់បានរយៈចម្ងាយឆ្ងាយ ទើបអាចបញ្ចប់សង្គ្រាមជាមួយរុស្ស៊ី។ យោងតាមការចុះផ្សាយ របស់សារព័ត៌មាន CNA នៅថ្ងៃព្រហស្បតិ៍នេះ, ផ្អែកតាមផែនការដដែល អាមេរិកក៏បានបន្តដាក់សំពាធឲ្យអ៊ុយក្រែន កាត់ឆ្វៀលដីឲ្យរុស្ស៊ី ផងដែរ ដើម្បីដោះដូរសន្តិភាព។ បច្ចុប្បន្ន រុស្ស៊ីកាន់កាប់ ជុំវិញទឹកដីអ៊ុយក្រែន មួយភាគប្រាំ ដែលភាគច្រើន ត្រូវបានបំផ្លិចបំផ្លាញ ដោយសារការប្រយុទ្ធគ្នា។ ផែនការថ្មីនេះ ត្រូវបានទម្លាយឲ្យដឹង ខណៈដែលមានការវាយប្រហាររបស់រុស្ស៊ី នៅភាគខាងលិច នៃប្រទេសអ៊ុយក្រែន សម្លាប់មនុស្ស ២៦ នាក់ ក្នុងនោះ មានទាំងកុមារ បី នាក់។ សេចក្តីព្រាង នៃសំណើសន្តិភាព របស់សហរដ្ឋអាមេរិក ចង់ឲ្យមានការទទួលស្គាល់ គ្រីមៀ និង តំបន់ផ្សេងៗទៀត ដែលរុស្ស៊ីបានយក និង ការកាត់បន្ថយចំនួនកងទ័ព រហូតដល់៤០ម៉ឺននាក់ នេះបើតាមប្រភព ដែលដឹងពីផែនការនេះ តែ សុំមិនមានបង្ហាញអត្តសញ្ញាណ ហើយបានថ្លែងបានប្រាប់ សារព័ត៌មានបារាំង AFP ។…

វ៉ាស៊ីនតោន ៖ បន្ទាប់ពីលោកប្រធានាធិបតី Donald Trump ប្រកាសលក់យន្តហោះចម្បាំងបំបាំងកាយ F-35 ទៅឱ្យអារ៉ាប៊ីសាអ៊ូឌីត ស្រាប់តែពេលនេះ មន្ត្រីអាមេរិក និងអ្នកជំនាញវិស័យការពារជាតិ បានទម្លាយឱ្យដឹងថា យន្តហោះ F-35 ដែលទីក្រុងវ៉ាស៊ីនតោនគ្រោងលក់ឱ្យទីក្រុងរីយ៉ាដនោះ នឹងមានមុខងារទំនើបៗតិចជាង ពោលគឺមិនសូវទំនើបដូចយន្តហោះ F-35 ដែលដំណើរការដោយអ៊ីស្រាអែលក្នុងពេលបច្ចុប្បន្នឡើយ។ កាសែតរ៉យទ័របានចេញផ្សាយក្នុងថ្ងៃព្រហស្បតិ៍នេះថា មូលហេតុដែលអាមេរិកមិនអាចលក់យន្តហោះចម្បាំងបំបាំងកាយ F-35 មានបំពាក់បច្ចេកវិទ្យាទំនើបៗដូចយន្តហោះរបស់អ៊ីស្រាអែល គឺដោយសារតែច្បាប់មួយរបស់អាមេរិក បានធានាដល់សមត្ថភាពផ្នែកយោធារបស់អ៊ីស្រាអែលនៅក្នុងតំបន់មជ្ឈិមបូព៌ា។ បើតាមការលើកឡើងរបស់ក្រុមមន្រ្តីអាមេរិក, យន្តហោះ F-35 ដែលលក់ឱ្យអារ៉ាប៊ីសាអ៊ូឌីត នឹងខ្វះមុខងារពិសេសៗមួយចំនួន មិនដូចជាយន្តហោះ F-35 របស់អ៊ីស្រាអែលនោះទេ ក្នុងនោះមានដូចជាប្រព័ន្ធសព្វាវុធទំនើបៗ និងការបំពាក់ឧបករណ៍សង្គ្រាមអេឡិចត្រូនិកជាដើម។ ទោះបីជាបែបនេះក្តី កងទ័ពអាកាសអ៊ីស្រាអែលនៅតែជំទាស់នឹងការលក់យន្តហោះចម្បាំង F-35 ដែលបានគ្រោងទុកនោះ ដោយព្រមាននៅក្នុងឯកសារមួយថា ការសម្រេចចិត្តនេះនឹងធ្វើឱ្យប៉ះពាល់ដល់អំណាចដែនអាកាសរបស់អ៊ីស្រាអែលនៅក្នុងតំបន់ នេះបើតាមប្រភពពី The Times of Israel។ គួរបញ្ជាក់ថា អ៊ីស្រាអែលទទួលបានការអនុញ្ញាតពិសេស ក្នុងការកែប្រែយន្តហោះចម្បាំង F-35 របស់អាមេរិក ឱ្យស្របតាមតម្រូវការរបស់ខ្លួន ព្រមទាំងសមត្ថភាពរួមបញ្ចូលប្រព័ន្ធអាវុធផ្ទាល់ខ្លួន និងបន្ថែមសមត្ថភាពទប់ស្កាត់ប្រព័ន្ធរ៉ាដា និងការធ្វើទំនើបកម្មផ្សេងៗទៀត…

ឡុងដ៍ ៖ ចក្រភពអង់គ្លេសបានចេញការព្រមានទៅកាន់វិមានក្រឹមឡាំងរបស់លោកប្រធានាធិបតី វ្ល៉ាឌីមៀ ពូទីន កាលពីថ្ងៃពុធ បន្ទាប់ពីនិយាយថា នាវាយោធារុស្ស៊ីមួយបានរំលោភដែនទឹកអង់គ្លេស និងបាញ់ឡាស៊ែរលើពីឡុតអង់គ្លេស។ រដ្ឋមន្ត្រីការពារជាតិអង់គ្លេស លោក John Healey បានប្រាប់អ្នកយកព័ត៌មាននៅទីក្រុងឡុងដ៍ថា នាវាយោធារុស្ស៊ីឈ្មោះថា Yantar បានរំលោភដែនទឹករបស់ចក្រភពអង់គ្លេសជាលើកទីពីរក្នុងឆ្នាំនេះ បន្ទាប់ពីលើកដំបូងកើតឡើងកាលពីដើមខែមករា។ ឆ្លើយតបការបំពានចុងក្រោយនេះ យោធាអង់គ្លេសបានដាក់ពង្រាយនាវាចម្បាំង និងយន្តហោះជើងអាកាសនៃកងទ័ពជើងទឹក ដើម្បីតាមដាន និងឃ្លាំមើលរាល់ចលនានៃនាវាយោធារុស្ស៊ីមួយគ្រឿងនោះ។ ប្រមុខការពារជាតិអង់គ្លេសរូបនេះ ក៏បានព្រមានដែរថា ប្រសិនបើនាវាយោធា Yantar របស់រុស្ស៊ីធ្វើដំណើរទៅភាគខាងត្បូងក្នុងសប្តាហ៍នេះ នោះពួកយើងបានត្រៀមខ្លួនរួចរាល់ហើយ ដើម្បីប្រើប្រាស់ជម្រើសយោធាឆ្លើយតប។ គួរបញ្ជាក់ថា សម្ព័ន្ធមិត្តរបស់ចក្រភពអង់គ្លេស និងអង្គការណាតូបានសម្តែងការព្រួយបារម្ភកាន់តែខ្លាំងឡើងអំពីហានិភ័យដែលរុស្ស៊ីបង្កឡើង ចំពោះហេដ្ឋារចនាសម្ព័ន្ធនៅឈូងសមុទ្រ បន្ទាប់ពីមានការបំផ្លិចបំផ្លាញក្នុងពេលប៉ុន្មានខែថ្មីៗនេះទៅលើបណ្តាញទូរគមនាគមន៍ និងខ្សែបញ្ជូនថាមពលក្រោមសមុទ្រជាច្រើន។ ជាមួយគ្នានេះ អ្នកជំនាញ និងអ្នកនយោបាយបានចោទប្រកាន់រុស្ស៊ីថា កំពុងរៀបចំសង្រ្គាមកូនកាត់ប្រឆាំងនឹងប្រទេសលោកខាងលិច៕ ប្រភព ៖ AFP

ហ្សេរុយសាឡឹម ៖ នាយករដ្ឋមន្ត្រីអ៊ីស្រាអែល លោក Benjamin Netanyahu ក្នុងថ្ងៃពុធ បានធ្វើដំណើរតាមឧទ្ធម្ភាគចក្រទៅសួរសុខទុក្ខដោយផ្ទាល់ ក្នុងគោលបំណងផ្តល់កម្លាំងចិត្តដល់កងទ័ពអ៊ីស្រាអែល ដែលដាក់ពង្រាយនៅក្នុងប្រទេសស៊ីរី។ អ្នកនាំពាក្យរដ្ឋាភិបាលអ៊ីស្រាអែលនិយាយថា អំឡុងពេលចុះលើកទឹកចិត្តកងទ័ពអ៊ីស្រាអែលកំពុងឈរជើងនៅស៊ីរី លោកនាយករដ្ឋមន្រ្តី Netanyahu ត្រូវបានអមដំណើរដោយលោករដ្ឋមន្ត្រីការបរទេស Gideon Saar, លោករដ្ឋមន្ត្រីការពារជាតិ Israel Katz លោកអគ្គសេនាធិការកងទ័ព Eyal Zamir និងប្រធានសេវាសន្តិសុខ Shin Bet លោក David Zini។ នាឱកាសនោះដែរ លោកនាយករដ្ឋមន្ត្រី Netanyahu បានប្រាប់កងទ័ពអ៊ីស្រាអែលថា វត្តមានរបស់ពួកគេគឺមានសារៈសំខាន់ខ្លាំងបំផុត សម្រាប់ការការពារប្រទេសអ៊ីស្រាអែល។ មេដឹកនាំអ៊ីស្រាអែលមានវ័យ៧៦ឆ្នាំរូបនេះ បានសង្កត់ធ្ងន់យ៉ាងដូច្នេះថា យើងផ្តល់សារៈសំខាន់យ៉ាងធំធេង ចំពោះកងកម្លាំងរបស់យើងនៅទីនេះ ដែលឈរជើងត្រៀមខ្លួន ទាំងការការពារ និងការវាយលុកសត្រូវ។ នេះគឺជាបេសកកស៏ដំខាន់… យើងកំពុងពឹងផ្អែកលើពួកអ្នក។ គួរបញ្ជាក់ថា ចាប់តាំងពីការដួលរំលំរបបដឹកនាំរបស់អតីតប្រធានាធិបតីស៊ីរី លោក Bashar al-Assad ក្នុងខែធ្នូមក អ៊ីស្រាអែលបានបញ្ជូនកងទ័ពចូលទៅក្នុងតំបន់ការពារ ដែលត្រួតត្រាដោយអង្គការសហប្រជាជាតិនៅក្នុងតំបន់ Golan Heights ដែលត្រូវបានបំបែកដោយកងកម្លាំងអ៊ីស្រាអែល…

មនុស្សទាំង២៦៧នាក់នៅលើនាវាចម្លងដឹកអ្នកដំណើររបស់ប្រទេសកូរ៉េខាងត្បូងដែលបានបើកកឿងនៅចុងនិរតីនៃឧបទ្វីបកូរ៉េកាលពីថ្ងៃពុធ ទី ១៩ ខែវិច្ឆិកា ត្រូវបានជួយសង្គ្រោះ ជាឧបទ្ទវហេតុមួយដែលបានរំលឹកឡើងវិញនូវការចងចាំអំពីមហន្តនាវាចម្លងដ៏ធំក្នុងឆ្នាំ២០១៤ ដែលបានបណ្តាលឲ្យមនុស្ស៣០០នាក់ស្លាប់។ ឆ្មាំល្បាតឆ្នេរបាននិយាយនៅក្នុងសេចក្តីថ្លែងការណ៍ថា អ្នកដំណើរ និងនាវិកត្រូវបាននាំចេញពីនាវាដែលរងគ្រោះ ហើយមនុស្ស២៧នាក់បានរងរបួសស្រាល។ មនុស្សភាគច្រើនត្រូវដឹកជញ្ជូនទៅកាន់ទីក្រុងឆ្នេរ Mokpo ខណៈសមាជិកនាវិក ២១ នាក់នៅតែនៅលើនាវា។ កំហុសរបស់ប្រធានក្រុមនាវា ឬមន្ត្រីបើកបរនាវា ប្រហែលជាបានបង្កឱ្យមានគ្រោះថ្នាក់នេះកើតឡើង ប៉ុន្តែឆ្មាំល្បាតឆ្នេរនឹងធ្វើការស៊ើបអង្កេតយ៉ាងហ្មត់ចត់ នេះបើយោងតាមអគ្គស្នងការរបស់អង្គភាព លោកឧត្តមសេនីយ៍ Kim Yong-jin ។ លោកប្រធានាធិបតី Lee Jae Myung បានបញ្ជាឱ្យព័ត៌មានលម្អិតនៃប្រតិបត្តិការជួយសង្គ្រោះត្រូវបានផ្សព្វផ្សាយជាសាធារណៈ នេះបើយោងតាមទីភ្នាក់ងារសារព័ត៌មាន Yonhap News ។ យោងតាមឆ្មាំល្បាតឆ្នេរបានឲ្យដឹងថា នាវាចម្លងទម្ងន់ ២៦.០០០តោន ឈ្មោះ Queen Jenuvia 2 បានធ្វើដំណើរពីកោះ Jeju ទៅកាន់ទីក្រុងឆ្នេរ Mokpo។ ប្រតិបត្តិករនាវាចម្លង Seaworld Ferry ដែលមានមូលដ្ឋាននៅទីក្រុងឆ្នេរ Mokpo បានចុះបញ្ជីនាវានេះថាមានសមត្ថភាពផ្ទុកអ្នកដំណើរបាន១.០១០នាក់ ព្រមទាំងមានជាន់សម្រាប់ដាក់រថយន្តធុនធំ និងរថយន្តដឹកអ្នកដំណើរជាច្រើនគ្រឿង។

ក្រុមមន្ត្រីអាមេរិក និងអ្នកជំនាញខាងវិស័យការពារជាតិ បាននិយាយកាលពីថ្ងៃពុធ (១៩ វិច្ឆិកា) ថា យន្តហោះចម្បាំង F-35 ដែលអាមេរិក មានគម្រោងលក់ទៅឱ្យអារ៉ាប៊ីសាអ៊ូឌីត នឹងមានកម្រិតមុខងារទំនើបៗតិចជាងយន្តហោះដែលដំណើរការដោយអ៊ីស្រាអែល ស្របទៅតាមច្បាប់មួយរបស់អាមេរិក ដែលធានាដល់សមត្ថភាពផ្នែកយោធារបស់អ៊ីស្រាអែល ក្នុងតំបន់មជ្ឈិមបូព៌ា។ លោកប្រធានាធិបតី Donald Trump បានប្រកាសលក់យន្តហោះនៅសប្តាហ៍នេះ ប៉ុន្តែក្រុមមន្ត្រីនិយាយថា យន្តហោះអារ៉ាប៊ីសាអ៊ូឌីត នឹងខ្វះមុខងារពិសេសៗ មិនដូចជាកងយន្តហោះរបស់អ៊ីស្រាអែលនោះទេ ដែលរួមមានប្រព័ន្ធសព្វាវុធទំនើបៗ និងបំពាក់ឧបករណ៍សង្គ្រាមអេឡិចត្រូនិកជាដើម។ អ៊ីស្រាអែល ទទួលបានការអនុញ្ញាតពិសេសក្នុងការកែប្រែយន្តហោះចម្បាំង F-35 នេះឱ្យស្របតាមតម្រូវការរបស់ខ្លួន រួមទាំងសមត្ថភាពរួមបញ្ចូលប្រព័ន្ធអាវុធផ្ទាល់ខ្លួន និងបន្ថែមសមត្ថភាពទប់ស្កាត់រ៉ាដា និងការធ្វើឱ្យប្រសើរឡើងផ្សេងទៀត ដែលមិនតម្រូវឱ្យមានការយល់ព្រមពីអាមេរិកនោះទេ។ ទោះជាបែបនេះក្ដី កងទ័ពអាកាសអ៊ីស្រាអែល នៅតែជំទាស់នឹងការលក់ដែលបានគ្រោងទុកនោះ ដោយព្រមាននៅក្នុងឯកសារមួយថា ជំហាននេះនឹងធ្វើឱ្យប៉ះពាល់ដល់អំណាចដែនអាកាសរបស់អ៊ីស្រាអែល នៅក្នុងតំបន់ នេះបើតាមកាសែត The Times of Israel បានរាយការណ៍កាលពីថ្ងៃអង្គារ។ គួរឱ្យដឹងថា យន្តហោះចម្បាំង F-35 នេះ ត្រូវបានកែសម្រួលទៅតាមគោលបំណងសម្រាប់ប្រទេសនីមួយៗ និងអាកាសយានិក។ សហរដ្ឋអាមេរិក មានកំណែដែលមានសមត្ថភាពខ្ពស់បំផុត ដោយគ្រប់ប្រទេសផ្សេងទៀត ទទួលបានតែយន្តហោះចម្បាំងដែលមានសមត្ថភាពតិចជាងនេះប៉ុណ្ណោះ៕

អាជ្ញាធរឥណ្ឌូនេស៊ី នៅថ្ងៃព្រហស្បតិ៍ (២០ វិច្ឆិកា) នេះ បានជម្លៀសមនុស្សលើសពី ៩០០នាក់ ហើយកំពុងតែសម្របសម្រួលការវិលត្រឡប់មកវិញដោយសុវត្ថិភាពនៃអ្នកឡើងភ្នំចំនួន ១៧០នាក់ផ្សេងទៀត ដែលជាប់គាំងលើភ្នំ បន្ទាប់ពីការផ្ទុះភ្នំភ្លើង Semeru ដែលជាភ្នំខ្ពស់បំផុតមួយរបស់ប្រទេស។ ក្រុមមន្ត្រីបាននិយាយថា ការប្រកាសអាសន្នត្រូវតែរក្សាទុកក្នុងកម្រិតខ្ពស់បំផុតដដែល បន្ទាប់ពីភ្នំ Semeru នៅលើកោះជ្វា បានផ្ទុះឡើងចំនួន ១០ដង កាលពីថ្ងៃពុធកន្លងទៅ ដោយព្រួសសំណុំផេះដ៏ក្រាស់ឃ្មឹកឡើងទៅលើផ្ទៃមេឃ និងបានបញ្ចេញកម្អែភ្នំភ្លើងនិងកម្ទេចថ្ម ចម្ងាយរហូតដល់ ១៣គីឡូម៉ែត្រ ចុះតាមជម្រាលភ្នំ។ មន្ត្រីម្នាក់នៅឧទ្យានជាតិ Semeru បាននិយាយថា អ្នកឡើងភ្នំទាំងនោះបានជាប់គាំងពេញមួយយប់ នៅកន្លែងបោះជំរំក្បែរបឹងនៅជើងភ្នំភ្លើង ដោយមានចម្ងាយប្រហែល ៦,៤គីឡូម៉ែត្រពីចំណុចបន្ទុះ ប៉ុន្តែឥឡូវនេះ ត្រូវជម្លៀសឱ្យមានសុវត្ថិភាពហើយ។ វីដេអូពីទីភ្នាក់ងារភ្នំភ្លើងឥណ្ឌូនេស៊ី បានបង្ហាញឱ្យឃើញនូវសំណុំផេះដ៏ក្តៅគគុក ដែលហុយចេញពីរណ្ដៅភ្នំភ្លើង ហើយគ្របដណ្តប់ពាសពេញជម្រាលភ្នំ។ ភ្នំភ្លើង Semeru ដែលមានកម្ពស់ដ៏ខ្ពស់ ៣.៦៧៦ម៉ែត្រនេះ គឺជាភ្នំភ្លើងបន្ទុះសកម្មបំផុតមួយក្នុងចំណោមភ្នំភ្លើងសកម្មប្រហែល ១៣០ភ្នំ នៅក្នុងឥណ្ឌូនេស៊ី ខណៈប្រទេសនេះស្ថិតនៅជាប់នឹង “តំបន់កងភ្លើងប៉ាស៊ីហ្វិក” ដែលជាតំបន់សម្បូរទៅដោយរញ្ជួយដី និងភ្នំភ្លើង៕

វ៉ាស៊ីនតោន ៖ លោក ដូណាល់ ត្រាំ បាននិយាយ កាលពីថ្ងៃពុធថា លោកនឹងធ្វើការ ដើម្បីបញ្ចប់សង្គ្រាមស៊ូដង់ តាមសំណើរបស់ព្រះអង្គម្ចាស់អារ៉ាប៊ី សាអូឌីត។ នេះគឺជាលើដំបូង ដែលប្រធានាធិបតីអាមេរិករូបនេះ បានអធិប្បាយចូលខ្លួនមកដោះស្រាយជម្លោះ រវាងកងទ័ពរបស់ស៊ូដង់ និង កងកម្លាំងគាំទ្ររហ័សប៉ារ៉ាយោធា ដែលបានសម្លាប់មនុស្ស រាប់ម៉ឺននាក់ និងបានជម្លៀសមនុស្ស ជិត១២លាននាក់ ចាប់តាំងពីការផ្ទុះឡើង នៅក្នុងខែមេសា ឆ្នាំ ២០២៣។ ថ្លែងនៅក្នុងវេទិកាធុរកិច្ច អារ៉ាប៊ី សាអូឌីត និង សហរដ្ឋអាមេរិក លោក ត្រាំ បានអះអាងថា «ភាពរុងរឿងរបស់ទ្រង់ ចង់ឱ្យខ្ញុំធ្វើអ្វីមួយ ដែលមានឥទ្ធិពលខ្លាំង ទាក់ទងនឹងប្រទេសស៊ូដង់»។ លោកអះអាងថា ទោះបីមិនស្ថិតនៅក្នុងកាលវិភាគការងារ របស់លោកក៏ដោយ ប៉ុន្តែ លោកគិតថា បើមិនលូកដៃទេ នោះនឹងកាន់តែអាក្រក់ ពិបាកគ្រប់គ្រងសង្គ្រាមនេះ។ លោកប្រកាសថា «យើងនឹងចាប់ផ្តើមធ្វើការ នៅស៊ូដង់»។ ថ្វីបើ កន្លងមក មេដឹកនាំរូបនេះ មិនអះអាងពីការជួយបញ្ចប់សង្គ្រាម ផ្ទាល់ក៏ដោយ តែ ក្នុងរយៈពេលប៉ុន្មានខែថ្មីៗនេះ…

(ភ្នំពេញ)៖ រាជរដ្ឋាភិបាលកម្ពុជា បានយកចិត្ត​ទុកដាក់ខ្ពស់លើការកសាងមូលធនមនុស្សជាអាទិភាពចម្បងបំផុត។ ដែលក្នុងនោះ​ក្រសួង​សុខាភិបាល បានមើលឃើញចំពោះ​សមិទ្ធ​ផល​នៃការបណ្តុះបណ្តាលសិស្សនិស្សិតដែលសម្រេ​​​ច​បាន និងភាពរីកចម្រើនឈានឡើង​ជា​បន្ត​បន្ទាប់របស់សាកលវិទ្យាល័យវិទ្យាសាស្រ្តសុខាភិបាល។ ថ្លែងក្នុងឱកាស បើកបវេសនកាល ឆ្នាំសិក្សា​២០២៥​​​-២០២៦ នៃសាកលវិទ្យាល័យវិទ្យា​សាស្រ្តសុខាភិបាល នាព្រឹកថ្ងៃទី១៩ ខែវិច្ឆិ​កា ឆ្នា២០២៥ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល បានរំលេចពីការ​អនុវត្តការកែទម្រង់ និងការកែលម្អប្រព័ន្ធ​សុ​ខាភិបាលជាបន្តបន្ទាប់ ដើម្បីធានាថា​ពលរដ្ឋ​កម្ពុជាទាំងអស់ ទទួលបានសុខភាពល្អ និង​ជីវភាពប្រសើរ។ ឯកឧត្តមសាស្រ្តាចារ្យរដ្ឋមន្រ្តី បានសង្កត់ធ្ងន់ថា «សម្រាប់អនាគតរួម គឺធ្វើឱ្យកម្ពុជា មានសុខ​ភា​ព​ល្អប្រសើរឡើង ដោយត្រូវឈរផ្អែក​លើភាព​រឹង​មាំ ទាំងមនុស្ស ទាំងប្រព័ន្ធ និងឈរលើ​ចំ​ណេះ​ដឹង។ បន្ថែមពីនេះ លើឡើងពី​សារៈសំ​ខាន់​នៃការការពារ ជាកិច្ចការមួយដែល​អាច​ធ្វើ​ទៅបាន ដោយមានការចាត់ចែង ដោយធ្វើការ​ស្រាវ​ជ្រាវព័ត៌មានច្បាស់លាស់។ ឯកឧត្តមសាស្រ្តាចារ្យ បានផ្ញាំផ្ញើដល់និស្សិត​ទាំង​អស់ ក្លាយជាចលករ នៃការការពារប្រជា​ពលរដ្ឋកម្ពុជា ដោយផ្តោតសំខាន់លើសុខភាព និងសុខុមាលភាពប្រជាពលរដ្ឋ ដែលត្រូវប្រ​ឈម​នឹងបញ្ហាដែលអាចកើតមាន​រៀងរាល់​ថ្ងៃ​ស្អែក និងពុះពារបញ្ហាប្រឈម ដើម្បីអនាគត នៃសុខាភិបាលកម្ពុជាយើង។» ក្នុងឱកាសនោះដែរ ឯកឧត្តមសាស្ត្រាចារ្យ សាផុន វឌ្ឍនៈ បានឱ្យដឹងថា សាកលវិទ្យា​ល័យវិទ្យាសាស្ដ្រសុខាភិបាលបានដំណើរការកម្មវិធីបណ្តុះបណ្តាល ចំនួន ៥១ កម្មវិធី…

ហ្គាហ្សា ៖ ការវាយប្រហារតាមផ្លូវអាកាស របស់អ៊ីស្រាអែល កាលពីថ្ងៃពុធ បានសម្លាប់មនុស្ស ចំនួន២៧នាក់ នៅតំបន់ហ្គាហ្សា អំឡុងបទឈប់បាញ់ ដ៏ផុយស្រួយ។ ក្រុមមន្ត្រីនៅតំបន់ហ្គាហ្សាបានអះអាងថា ការវាយប្រហារនេះ បានកើតមានឡើង ចំពេលដែលអ៊ីស្រាអែល និងក្រុមហាម៉ាស់ បានចោទប្រកាន់គ្នា ទៅវិញទៅមក ពីបទរំលោភលើបទឈប់បាញ់ដ៏ផុយស្រួយ នៅក្នុងទឹកដីប៉ាឡេស្ទីន។ នេះគឺការវាយប្រហារ ស្លាប់មនុស្សច្រើនបំផុត នៅក្នុងតំបន់ហ្គាហ្សា ចាប់តាំងពីបទឈប់បាញ់ ចូលជាធរមាន កាលពីខែមុនមក។ យោងតាមទីភ្នាក់ងារការពារជនស៊ីវិលរបស់ដែនដី ដែលស្ថិតក្រោមអាជ្ញាធរហាម៉ាស មួយនេះ បានឲ្យដឹងថា មនុស្ស១៤នាក់ត្រូវបានសម្លាប់ នៅទីក្រុង Gaza ភាគខាងជើង និង ១៣ នាក់ ស្លាប់នៅតំបន់ Khan Yunis នៅភាគខាងត្បូង ។ មន្ទីរពេទ្យចំនួនពីរ ដែលត្រូវបានទាក់ទងសួរនាំដោយសារព័ត៌មាន AFP បានផ្តល់ព័ត៌មានអំពីតួលេខមនុស្សស្លាប់ ក្នុងចំនួនបែបនេះ ដូចគ្នា។ យ៉ាងណា យោធាអ៊ីស្រាអែលបាននិយាយថា ខ្លួនវាយលុកលើក្រុមហាម៉ាស់ បន្ទាប់ពីពួកសកម្មប្រយុទ្ធបានបើកការបាញ់ប្រហារ ឆ្ពោះទៅកាន់តំបន់មួយ នៅភាគខាងត្បូង ហើយចាត់ទុកថា ជាការរំលោភលើកិច្ចព្រមព្រៀងបទឈប់បាញ់។…