Author: Dol Pheakdey

ហ្សាកាតា ៖ ភ្នំភ្លើងមួយនៅលើកោះជ្វា ដែលស្ថិតនៅក្បែរកោះបាលីដ៏ល្បីរបស់ប្រទេសឥណ្ឌូនេស៊ី បានផ្ទុះឡើងកាលពីថ្ងៃពុធ ដោយវាបានព្រុសផេះ និងឧស្ម័នចេញពីមាត់មានកម្ពស់ដល់ទៅ ១៣គីឡូម៉ែត្រទៅលើផ្ទៃមេឃ ហើយបង្ខំឱ្យអាជ្ញាធរបង្កើនស្ថានភាពប្រកាសអាសន្នដល់កម្រិតខ្ពស់បំផុត។ ប្រធានទីភ្នាក់ងារភូគព្ភសាស្ត្រឥណ្ឌូនេស៊ី លោក Muhammad Wafid និយាយថា ភ្នំភ្លើង Semeru នៅភាគខាងកើតកោះជ្វា មានចម្ងាយប្រហែល ៣១០គីឡូម៉ែត្រភាគខាងលិចនៃទីតាំងទេសចរណ៍កោះបាលី បានផ្ទុះឡើងនៅម៉ោង ២និង១៣នាទីរសៀលថ្ងៃពុធ (ម៉ោងក្នុងតំបន់)។ ទន្ទឹមគ្នា ប្រជាជនត្រូវបានណែនាំឱ្យរក្សាគម្លាតសុវត្ថិភាពក្នុងរង្វង់ ៨គីឡូម៉ែត្រពីមាត់រណ្ដៅភ្នំភ្លើង ឬកំពូលភ្នំភ្លើង Semeru ដើម្បីជៀសវាងរងគ្រោះថ្នាក់ជាយថាហេតុ។ បើតាមអ្នកនាំពាក្យទីភ្នាក់ងារគ្រោះមហន្តរាយជាតិឥណ្ឌូនេស៊ី, អ្នកភូមិយ៉ាងតិច ៣០០នាក់ ដែលរស់នៅក្បែរភ្នំភ្លើងនេះ ត្រូវបានជម្លៀសទៅកាន់ទីជម្រកបណ្តោះអាសន្នចំនួនពីរ។ ហើយភ្លាមៗ មិនទាន់មានរបាយការណ៍អំពីជំនួនអ្នកស្លាប់ ឬរបួស ព្រមទាំងទំហំនៃការខូចខាតនៅឡើយទេ។ សូមរម្លឹកថា ការផ្ទុះរបស់ភ្នំភ្លើង Semeru ក្នុងឆ្នាំ ២០២១ បានសម្លាប់មនុស្សជាង ៥០នាក់ និងបំផ្លាញផ្ទះសម្បែងជាង ៥,០០០កន្លែង ហើយបង្ខំឱ្យមនុស្សជិត ១០,០០០នាក់រត់ទៅជ្រកកោនក្នុងជំរុំមានសុវត្ថិភាពបណ្តោះអាសន្ន។ ឥណ្ឌូណេស៊ីតែងជួបប្រទះគ្រោះរញ្ជួយដី និងសកម្មភាពភ្នំភ្លើងជាប្រចាំដោយសារទីតាំងប្រទេសអាស៊ានមួយនេះ នៅលើមហាសមុទ្រប៉ាស៊ីហ្វិកដែលហៅថា Ring of Fire ជាខ្សែក្រវាត់នៃការផ្ទុះភ្នំភ្លើង…

កង់បេរ៉ា ៖ ក្រុមហ៊ុនបច្ចេកវិទ្យាដ៏ធំ Meta នឹងដកជនជាតិអូស្ត្រាលី អាយុក្រោម ១៦ ឆ្នាំ ចេញពី Facebook, Instagram នៅថ្ងៃទី ៤ ខែធ្នូ។ ក្រុមហ៊ុនបាននិយាយ នៅថ្ងៃព្រហស្បតិ៍នេះថា ជាចំណាត់ការធ្វើឡើង ចំពេលដែលទីក្រុង កង់បេរ៉ា រៀបចំអនុវត្តច្បាប់ដ៏ទូលំទូលាយ ដែលហាមឃាត់មនុស្ស វ័យជំទង់ ពីប្រព័ន្ធផ្សព្វផ្សាយសង្គម។ ចាប់ពីថ្ងៃទី ១០ ខែធ្នូ អូស្ត្រាលីនឹងបង្ខំក្រុមហ៊ុនប្រព័ន្ធផ្សព្វផ្សាយសង្គម រួមទាំង Facebook, Instagram និង TikTok ឱ្យលុបអ្នកប្រើប្រាស់ ដែលមានអាយុក្រោម ១៦ ឆ្នាំ បើមិនធ្វើដូច្នេះទេ នឹងប្រឈមការផាកពិន័យ យ៉ាងធ្ងន់ធ្ងរ។ Meta បាននិយាយថា នឹងចាប់ផ្តើមដកក្មេងជំទង់ចេញ ពីវេទិការបស់ខ្លួន មុនពេលការហាមឃាត់ ចូលជាធរមាន។ Meta បាននិយាយ នៅក្នុងសេចក្តីថ្លែងការណ៍មួយថា «ចាប់ពីថ្ងៃនេះតទៅ Meta នឹងជូនដំណឹងដល់អ្នកប្រើប្រាស់អូស្ត្រាលី ថា ពួកគេមានអាយុពី ១៣ ដល់…

ហាណូយ ៖ ផ្លែស្វាយអូស្ត្រាលីនាំចូល លក់បានតម្លៃជិត ២៣ដុល្លារ ក្នុងមួយគីឡូក្រាម នៅប្រទេសវៀតណាម។ សារព័ត៌មាន VNexpress បានចេញផ្សាយ កាលពីថ្ងៃទី១៩ ខែវិច្ឆិកា ថា ផ្លែស្វាយ Kensington Pride ដែលនាំចូលពីប្រទេសអូស្ត្រាលី ត្រូវបានលក់ ក្នុងតម្លៃ ៦០ម៉ឺនដុង ឬ ២២.៧៥ដុល្លារអាមេរិក នៅក្នុងមួយគីឡូក្រាម ពោលគឺ ថ្លៃជាង ៧.៥ដង ធៀបនឹងពូជដូចគ្នា ដែលដាំដុះ នៅក្នុងប្រទេសវៀតណាម។ បើតាមប្រភពដដែល, ផ្លែស្វាយអូស្ត្រាលី ដែលល្បីថា មានសាច់ពណ៌មាស ភ្លឺថ្លា និងមានក្លិនក្រអូបស្រាល ត្រូវបាននាំចូលជាចម្បង ទៅកាន់ប្រទេសវៀតណាម តាមផ្លូវអាកាស។ នៅអូស្ត្រាលី ផ្លែឈើប្រភេទនេះ ត្រូវបានដាំដុះច្រើន ក្នុងតំបន់ដែលមានអាកាសធាតុស្ងួត ដូចជា នៅផ្នែកខ្លះនៃរដ្ឋ Queensland និង ភាគខាងជើង ហើយត្រូវបានប្រមូលផល ក្នុងខែតុលា ដល់ ខែធ្នូ។ ម្ចាស់ហាងមួយកន្លែង នៅផ្លូវ Dinh Bo…

ប៉េកាំ​ង ៖ នាវាដឹកយន្តហោះទំនើបបំផុតទី ៣ របស់ប្រទេសចិន ឈ្មោះថា Fujian បានចេញមុខធ្វើសមយុទ្ធដែនសមុទ្រជាលើកដំបូង ចាប់តាំងពីត្រូវបានដាក់ដំណើរការផ្លូវការ ។ បើតាមទីភ្នាក់ងារព័ត៌មានរដ្ឋចិន Xinhua, នាវាដឹកយន្តហោះ Fujian ដែលចាប់ដំណើរការជាផ្លូវការ កាលពីថ្ងៃទី៥ ខែវិច្ឆិកា ឆ្នាំ២០២៥ បានចូលរួមធ្វើសមយុទ្ធដែនសមុទ្រជាមួយកងនាវាចម្បាំងជាច្រើនផ្សេងទៀតកាលពីថ្ងៃអង្គារ ។ ក្នុងសមយុទ្ធនៅលើនាវាដឹកយន្តហោះ Fujian នេះ មានការចូលរួមពីយន្តហោះច្រើនប្រភេទ រួមទាំងយន្តហោះចម្បាំងបំបាំងកាយ J-35 និងយន្តហោះ KJ-600 ផងដែរ ។ នាវាដឹកយន្តហោះ Fujian ត្រូវបានវិស្វករចិនរចនារាងឡើងស្រដៀងគ្នាទៅនឹងនាវាដឹកយន្តហោះរបស់អាមេរិកផងដែរ ។ វាមានផ្ទៃរាបស្មើ ហើយបំពាក់ដោយបច្ចេកវិទ្យាអេឡិចត្រូម៉ាញ៉េទិកដ៏ទំនើប សម្រាប់រុញយន្តហោះឲ្យហោះឡើង ។ បច្ចេកវិទ្យានេះ ជួយសម្រាលបន្ទុកនាវាផង និងយន្តហោះផង ហើយអាចធ្វើឲ្យការចុះចតរបស់យន្តហោះច្រើនប្រភេទដំណើរការបានយ៉ាងស្រួល ។ បើតាមទីភ្នាក់ងារបារាំង AFP, នាវាដឹកយន្តហោះ Fujian បានបង្ហាញពីសាច់ដុំកងទ័ពជើងទឹករបស់លោកប្រធានាធិបតី ស៊ី ជីនពីង ក្នុងការប្រែក្លាយខ្លួនជាកងកម្លាំង Blue Water នៅក្នុងបរិបទនៃការប្រឈមមុខផ្នែកភូមិសាស្រ្តទាំងនៅតៃវ៉ាន់ និងសមុទ្រចិនខាងត្បូង…

ម៉ាឌ្រីដ ៖ នាយករដ្ឋមន្ត្រីប្រទេសអេស្ប៉ាញ កាលពីថ្ងៃអង្គារ ប្រកាសសន្យាផ្តល់ជំនួយយោធាថ្មី មានតម្លៃ ជាង៧០០លានដុល្លារ ដល់ប្រទេសអ៊ុយក្រែន ដើម្បីមានលទ្ធភាពបន្តតតាំងជាមួយរុស្ស៊ី។ ថ្លែងនៅក្នុងសន្និសីទសារព័ត៌មាន នៅទីក្រុងម៉ាឌ្រីដ លោក Pedro Sanchez បានឲ្យដឹងថា «អេស្ប៉ាញនឹងផ្តល់កញ្ចប់ជំនួយយោធាថ្មី ដល់អ៊ុយក្រែន ដែលមានតម្លៃ ៦១៥ លានអឺរ៉ូ ឬ ៧១០លានដុល្លារ ដើម្បីគាំទ្រដល់ការប្រយុទ្ធប្រឆាំង នឹងការឈ្លានពានរបស់រុស្ស៊ី»។ ជាការប្រកាស ចំពេលដំណើរទស្សនកិច្ច របស់ប្រធានាធិបតីអ៊ុយក្រែន លោក Volodymyr Zelensky នៅអេស្ប៉ាញ។ លោក Sanchez បាននិយាយថា «ការប្រយុទ្ធរបស់អ្នកគឺជាការប្រយុទ្ធ របស់យើង…ចក្រពត្តិនិយមថ្មី របស់ប្រធានាធិបតីរុស្ស៊ី វ្ល៉ាឌីមៀ ពូទីន ព្យាយាមធ្វើឱ្យគម្រោងរបស់អឺរ៉ុប ចុះខ្សោយ»។ លោកបញ្ជាក់ ថា កញ្ចប់ថវិកានេះ ក៏កំណត់ថវិកា ផ្តល់មូលនិធិដល់ការផលិតប្រព័ន្ធប្រឆាំងយន្តហោះគ្មានមនុស្សបើក, រ៉ាដាឃ្លាំមើល និងឧបករណ៍ឈ្លបយកការណ៍ពីលើអាកាស ដែលភាគច្រើននឹងត្រូវបានផលិតដោយក្រុមហ៊ុនអេស្ប៉ាញ។ កិច្ចខិតខំប្រឹងប្រែងទាំងនេះ នឹងត្រូវបានគាំទ្រ តាមរយៈមូលនិធិការពារសកម្មភាពសន្តិសុខថ្មី សម្រាប់អឺរ៉ុប ហៅកាត់ SAFE…

វ៉ាស៊ីនតោន ៖ ការស្រាវជ្រាវថ្មីមួយព្រមានថា នៅឆ្នាំ ២០៣០ មនុស្សជាង ២២,៦លាននាក់ ដែលភាគច្រើនជាកុមារ អាចនឹងស្លាប់បាត់បង់ជីវិត ដោយសារតែការកាត់បន្ថយជំនួយរបស់សហរដ្ឋអាមេរិក និងបណ្តាប្រទេសនៅអឺរ៉ុប។ ការស្រាវជ្រាវថ្មីនេះ គឺជាការធ្វើបច្ចុប្បន្នភាពទៅលើការស្រាវជ្រាវពីមុនកាលពីដើមឆ្នាំ២០២៥ ដែលបានព្រមានធ្ងន់ៗថា ការកាត់បន្ថយជំនួយយ៉ាងច្រើនរបស់ប្រធានាធិបតីអាមេរិក លោក ដូណាល់ ត្រាំ រួមទាំងការរុះរើទីភ្នាក់ងារអភិវឌ្ឍន៍អន្តរជាតិអាមេរិក (USAid) នឹងបណ្តាលឱ្យមានមនុស្សប្រហែល ១៤លាននាក់បាត់បង់ជីវិត។ ការស្រាវជ្រាវថ្មីនេះ ធ្វើឡើងដោយផ្អែកតាមការកាត់បន្ថយជំនួយអភិវឌ្ឍន៍ផ្លូវការទាំងអស់ ខណៈដែលចក្រភពអង់គ្លេស បារាំង និងអាល្លឺម៉ង់ក៏បានកាត់បន្ថយជំនួយរបស់ពួកគេដល់ប្រទេសកំពុងអភិវឌ្ឍន៍ផងដែរ។ ហើយនេះជាលើកដំបូងក្នុងរយៈពេល ៣០ឆ្នាំចុងក្រោយ ដែលប្រទេសបារាំង អាល្លឺម៉ង់ ចក្រភពអង់គ្លេស និងសហរដ្ឋអាមេរិក សុទ្ធតែកាត់បន្ថយជំនួយក្នុងពេលតែមួយ។ គួរបញ្ជាក់ថា លោកប្រធានាធិបតី ដូណាល់ ត្រាំ បានកាត់បន្ថយចំណាយយ៉ាងច្រើនសន្ធឹកសន្ធាប់ស្របតាមការណែនាំពីមហាសេដ្ឋីមានបំផុត លោក Elon Musk។ ហើយបន្ទាប់ពីឡើងកាន់តំណែងអាណត្តិទី២ មេដឹកនាំអាមេរិករូបនេះបានកាត់បន្ថយជំនួយបរទេសជាង ៨០ភាគរយ និងបិទ USAid ដែលជាទីភ្នាក់ងារផ្តល់ជំនួយធំជាងគេបំផុតរបស់ពិភពលោក៕ ប្រភព ៖ The straits times

វ៉ាសូវី ៖ ប្រទេសប៉ូឡូញប្រកាសចោទប្រកាន់ចារកម្មរុស្ស៊ី ជាអ្នកនៅពីក្រោយករណីបំផ្ទុះកម្ទេចផ្លូវរថភ្លើងមួយខ្សែ ដែលជាមធ្យោបាយធ្វើដំណើរពីប៉ូឡូញឆ្ពោះទៅកាន់ប្រទេសអ៊ុយក្រែនកាលពីសប្តាហ៍មុន។ បើតាមអាជ្ញាធរក្នុងតំបន់, អ្នកបញ្ជារថភ្លើងម្នាក់បានរាយការណ៍ពីការខូចខាតផ្លូវរថភ្លើង នៅភាគកណ្តាលនៃប្រទេសប៉ូឡូញ។ ការផ្ទុះនេះបានបំផ្លិចបំផ្លាញផ្លូវរថភ្លើងរវាងទីក្រុង វ៉ាសូវី និង លូប្លីន កាលពីថ្ងៃទី១៦ ខែវិច្ឆិកា។ ជាការឆ្លើយតប ប្រទេសរុស្ស៊ីប្រកាសច្រានចោលម្តងហើយម្តងទៀតថា ខ្លួនមិនបាននៅពីក្រោយសកម្មភាពបែបនេះឡើយ។ ទោះបីជាយ៉ាងណា អ្នកនាំពាក្យរដ្ឋមន្ត្រីក្រសួងសេវាពិសេសប៉ូឡូញ បាននិយាយនៅថ្ងៃអង្គារម្សិលមិញថា ភស្តុតាងទាំងអស់បានចង្អុលលើសេវាស៊ើបការណ៍សម្ងាត់របស់រុស្ស៊ី។ នេះគឺជាការចោទប្រកាន់ដំបូងហើយ ដែលមន្ត្រីម្នាក់មកពីសេវាសន្តិសុខប៉ូឡូញ បានដាក់ការសង្ស័យជាសាធារណៈថា រុស្ស៊ីនៅពីក្រោយការបំផ្ទុះផ្លូវរថភ្លើង ដែលនាយករដ្ឋមន្ត្រីប៉ូឡូញ លោក ដូណាល់ ថាស់ បានហៅវាថា ជា “ទង្វើបំផ្លិចបំផ្លាញមិនធ្លាប់មាន”។ គួរបញ្ជាក់ថា ប៉ូឡូញបានដើរតួនាទីក្នុងនាមជាមជ្ឈមណ្ឌលដឹកជញ្ជួយសព្វាវុធសង្គ្រាមដល់អ៊ុយក្រែន ដើម្បីប្រយុទ្ធនឹងកងទ័ពរុស្ស៊ី ដូច្នេះហើយប៉ូឡូញ ត្រូវបានគេមើលឃើញថា កំពុងក្លាយជាគោលដៅសម្រាប់អំពើវិឆ្ឆេទកម្ម៕ ប្រភព ៖ The straits times

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ បានអះអាង កាលពីថ្ងៃចន្ទថា អាចនឹងមានការវាយប្រហារលើទូកគ្រឿងញៀន នៅក្នុងប្រទេសមិចស៊ីក បន្ទាប់ពីលោកអះអាងថា ត្រៀមជួបចរចាជាមួយមេដឹកនាំប្រទេសវេណេស៊ុយអេឡា ជុំវិញបញ្ហាគ្រឿងញៀននេះ។ លោកអះអាងថា លោកនឹងពិភាក្សាជាមួយលោក Nicolas Maduro ប្រធានាធិបតីវេណេហ្ស៊ុយអេឡា ខណៈដែលការបង្កើនកម្លាំងយោធារបស់ទីក្រុងវ៉ាស៊ីនតោន បានធ្វើឱ្យមានភាពតានតឹង ហើយលោកបានបន្ថែមថា លោកនឹង “យល់ព្រម” ជាមួយនឹងការវាយប្រហារប្រឆាំងគ្រឿងញៀន របស់សហរដ្ឋអាមេរិក នៅក្នុងប្រទេសម៉ិកស៊ិក។ លោក Trump ក៏បានចោទប្រកាន់ម៉ិកស៊ិក ពីការបរាជ័យ ក្នុងការដោះស្រាយក្រុមជួញដូរគ្រឿងញៀន ហើយបានបង្កើនវោហាសាស្ត្ររបស់លោក ចំពោះអ្នកជិតខាងភាគខាងត្បូង របស់សហរដ្ឋអាមេរិក មួយនេះ។ នៅពេលដែលមានការសាកសួរ ដោយអ្នកយកព័ត៌មាន នៅសេតវិមាន ដែលសួរថា តើអាចនឹងចាប់ផ្តើមធ្វើការវាយប្រហារ នៅម៉ិកស៊ិក ដើម្បីបញ្ឈប់គ្រឿងញៀន ដែរឬទេ? លោក ត្រាំ បានឆ្លើយវិញថា «វាមិនអីទេ សម្រាប់ខ្ញុំ… អ្វីដែលយើងត្រូវធ្វើ ដើម្បីបញ្ឈប់គ្រឿងញៀន»។ យ៉ាណា លោកបានលើកឡើងថា «ខ្ញុំមិនបាននិយាយថា ខ្ញុំនឹងធ្វើវាទេ ប៉ុន្តែ…

បូហ្គោតា ៖ កុមារចំនួន១៥ នាក់ ដែលត្រូវបានចាប់ពង្រត់ ស្ថិតនៅក្នុងចំណោមអ្នកស្លាប់ ដោយសារតែការវាយប្រហារ របស់យោធាកូឡុំប៊ី ទៅលើទ័ពព្រៃ ចាប់តាំងពីខែសីហាមក។ ប្រធានាធិបតីកូឡុំប៊ី លោក Gustavo Petro បានរាយការណ៍ពីការស្លាប់ របស់កុមារ ៥នាក់ នៅក្នុងការទម្លាក់គ្រាប់បែកយោធា ពីរលើក ថ្មីៗនេះ ដោយបន្ថែមលើចំនួន ៧នាក់ ដែលត្រូវបានរាយការណ៍ ដោយការិយាល័យ នៃអ្នកឃ្លាំមើលសិទ្ធិមនុស្ស របស់ប្រទេសកូឡុំប៊ី។ តែ អាយុរបស់ពួកគេ មិនត្រូវបានផ្តល់ឱ្យទេ។ ក្រោយមក កាលពីថ្ងៃចន្ទ វិទ្យាស្ថានជាតិនីតិសាស្ត្រ និងវិទ្យាសាស្ត្រកោសល្យវិច្ច័យរបស់ប្រទេសកូឡុំប៊ី បាននិយាយថា អនីតិជនចំនួន៣នាក់ ត្រូវបានសម្លាប់ ក្នុងអំឡុងពេលនៃការវាយប្រហារ កាលពីថ្ងៃទី ២៤ ខែសីហា នៅក្នុងនាយកដ្ឋាន Guaviare ភាគកណ្តាលឆៀងភាគខាងត្បូង។ ការិយាល័យសិទ្ធិមនុស្សរបស់អង្គការសហប្រជាជាតិ នៅប្រទេសកូឡុំប៊ីបានសម្តែង “ការព្រួយបារម្ភយ៉ាងខ្លាំង” លើការរាយការណ៍អំពីការស្លាប់ របស់អនីតិជន ដោយជំរុញឱ្យកងកម្លាំងសន្តិសុខធ្វើអ្វីគ្រប់យ៉ាង ដែលអាចធ្វើទៅបាន ដើម្បីការពារកុមារដែលត្រូវបានចាប់ពង្រត់ ដោយក្រុមទ័ពព្រៃ។ ជាមធ្យម អនីតិជនម្នាក់ ត្រូវបានចាប់ពង្រត់…

ការ៉ាកាស ៖ លោក ម៉ាឌូរ៉ូ មេដឹកនាំ ប្រទេសវេណេស៊ុយអេឡាបានអះអាងថា លោកត្រៀមខ្លួនដើម្បីពិភាក្សា ‘ទល់មុខគ្នា’ ជាមួយ លោក ដូណាល់ ត្រាំ ប្រធានាធិបតីអាមេរិក។ ការអះអាងនេះធ្វើឡើង នៅប៉ុន្មានម៉ោងបន្ទាប់ពីលោក ត្រាំ បានអះអាងថា លទ្ធភាពជួបលោក ម៉ាឌូរ៉ូ អាចនឹងកើតមាន។ ប្រធានាធិបតីវេណេស៊ុយអេឡា លោក នីកូឡាស់ ម៉ាឌូរ៉ូ (Nicolas Maduro) បាននិយាយ កាលពីថ្ងៃច័ន្ទថា លោកបានត្រៀមខ្លួនជាស្រេច ដើម្បីពិភាក្សា “ទល់មុខគ្នា” ជាមួយសមភាគីអាមេរិក លោក Donald Trump ។ លោក ម៉ាឌូរ៉ូ ដែលបានជាប់បោះឆ្នោតឡើងវិញ កាលពីឆ្នាំមុន ត្រូវបានបដិសេធលទ្ធផល ពីសំណាក់ទីក្រុងវ៉ាស៊ីនតោន ដោយចោទលោកថា ជាអ្នកក្លែងបន្លំ សន្លឹកឆ្នោត។ លោកបាននិយាយ ក្នុងកម្មវិធីទូរទស្សន៍ប្រចាំសប្តាហ៍ របស់លោកថា «ប្រទេសនេះនឹងបន្តមានសន្តិភាព ហើយ នៅសហរដ្ឋអាមេរិក អ្នកណាក៏ដោយ ដែលចង់និយាយ ជាមួយវេណេស៊ុយអេឡា យើងនឹងនិយាយទល់មុខគ្នា…