Author: Dol Pheakdey
-
២៤ ម៉ោងក្នុងឱកាសបុណ្យភ្ជុំបិណ្ឌ៖មនុស្ស១៧នាក់បាត់បង់ជីវិតនិង១៩នាក់របួសដោយសារគ្រោះថ្នាក់ចរាចរណ៍
គ្រោះថ្នាក់ចរាចរណ៍ផ្លូវគោកទូទាំងប្រទេសរយៈពេល២៤ម៉ោងនៅថ្ងៃទី០២ ខែតុលា ឆ្នាំ២០២៤ (គិតត្រឹមពីម៉ោង ១៤៖០០ ថ្ងៃទី០១ ខែតុលា-ម៉ោង ១៤៖០០ ថ្ងៃទី០២ ខែតុលា ឆ្នាំ២០២៤)បានកើតឡើងចំនួន ១៥លើក (យប់ ៨លើក) បណ្តាលójyមនុស្សស្លាប់ ១៧នាក់ (ស្រី ៣នាក់), រងរបួសសរុប ១៩នាក់(ស្រី ៦នាក់)ក្នុងនេះរងរបួសធ្ងន់ ១៤នាក់ (ស្រី ៤នាក់) និងរងរបួសស្រាល ៥នាក់ (ស្រី ២នាក់) និងមិនពាក់មួកសុវត្ថិភាព ២៦នាក់ (យប់ ១៤នាក់)។នេះបើយោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេសចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ។ របាយការណ៍ដដែលបញ្ជាក់ថា មូលហេតុដែលបង្កឱ្យមានគ្រោះថ្នាក់រួមមាន ៖ ល្មើសល្បឿន ៥លើក (ស្លាប់ ៤នាក់, របួសធ្ងន់ ៤នាក់, របួសស្រាល ១នាក់), មិនគោរពសិទ្ធិ ២លើក (ស្លាប់ ១នាក់, របួសធ្ងន់ ៣នាក់, របួសស្រាល ១នាក់), មិនប្រកាន់ស្តាំ ៣លើក…
-
ឯកឧត្តម ឧបនាយករដ្ឋមន្ត្រី ស៊ុន ចាន់ថុល ជួបពិភាក្សារការងារជាមួយវិស័យឯកជនចំនួន៥ស្ថាប័ន ដើម្បីផ្សព្វផ្សាយអំពីបរិយាកាសវិនិយោគនៅកម្ពុជា
វ៉ាស៊ីនតោនឌីស៊ី៖ កាលពីរសៀលថ្ងៃចន្ទ ទី៣០ ខែកញ្ញា ឆ្នាំ២០២៤ (ម៉ោងនៅក្នុងតំបន់) ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានជួបពិភាក្សារការងារជាមួយវិស័យឯកជនចំនួន៥ស្ថាប័ន ក្រោមការសម្របសម្រួលពីសភាពាណិជ្ជកម្មសហរដ្ឋអាមេរិក ដើម្បីផ្សព្វផ្សាយឱ្យបានកាន់តែទូលំទូលាយបន្ថែមទៀតអំពីបរិយាកាសវិនិយោគនៅកម្ពុជា កញ្ចប់លើកទឹកចិត្តនានា និងកិច្ចសម្របសម្រួលវិនិយោគពីក្រុមប្រឹក្សាអភិវឌ្ឍន៍កម្ពុជា។ ក្នុងជំនួបពិភាក្សាការងារខាងលើនេះ ឯកឧត្តមឧបនាយករដ្ឋមន្រ្តី បានអំពាវនាវដល់ក្រុមហ៊ុនដែលកំពុងមានប្រតិបត្តិការអាជីវកម្មនៅកម្ពុជារួចរាល់ពិនិត្យលទ្ធភាពដើម្បីពង្រីកអាជីវកម្មរបស់ខ្លួនបន្ថែមទៀត និងចំពោះក្រុមហ៊ុនដែលពុំទាន់បានបណ្ដាក់ទុនវិនិយោគនៅកម្ពុជាសូមពិនិត្យលទ្ធភាពស្វែងរកការបណ្ដាក់ទុននាពេលណាមួយខាងមុខនេះក្រោមកិច្ចសម្របសម្រួលពីក្រុមប្រឹក្សាអភិវឌ្ឍន៍កម្ពុជា៕
-
អភិបាលខេត្តពោធិ៍សាត់ ត្រៀមកម្លាំងប្រមាណ ១ពាន់៥រយនាក់ ដើម្បីការពារសន្តិសុខសណ្តាប់ធ្នាប់សាធារណៈជូនប្រជាពលរដ្ឋ ក្នុងឱកាសបុណ្យភ្ជំបិណ្ឌ
ពោធិ៍សាត់ ៖ ឯកឧត្តម ខូយ រីដា អភិបាល នៃគណៈអភិបាលខេត្ត និងជាប្រធានគណៈបញ្ជាការ ឯកភាពរដ្ឋបាលខេត្ត បានត្រៀមកម្លាំងប្រមាណ ១ពាន់៥រយនាក់ រួមមានកម្លាំងស្នងការដ្ឋាននគរបាលខេត្ត កម្លាំងកងរាជអាវុធហត្ថខេត្ត និងកម្លាំងប្រជាការពារ ដើម្បីដាក់ពង្រាយរក្សាការពារសន្តិសុខ សណ្តាប់ធ្នាប់សាធារណៈ ជូនប្រជាពលរដ្ឋ ក្នុងឱកាសពិធីបុណ្យភ្ជុំបិណ្ឌ ដែលជាបុណ្យធំមួយ ដែលប្រជារាស្ដ្រទូទាំងកម្ពុជា តែងតែប្រារព្ធមិនដែលអាក់ខានឡើយ។ ក្នុងឱកាសជួបសំណេះសំណាល ជាមួយកងកម្លាំងទាំងអស់ នៅវេទិកាដោះស្រាយសេចក្តី និងទីលានផ្លូវលេខ១០១ ទល់មុខសាលាខេត្តពោធិ៍សាត់ នាល្ងាចថ្ងៃទី៣០ ខែកញ្ញា ឆ្នាំ២០២៤ ឯកឧត្តម ខូយ រីដា អភិបាលខេត្ត បានជម្រាបជូនថា ថ្មីៗនេះ សម្តេចធិបតី ហ៊ុន ម៉ាណែត បានណែនាំ ដល់អភិបាលរាជធានី/ខេត្ត ត្រូវដឹកនាំ និងជម្រុញការពារសុខសុវត្ថិភាព សណ្តាប់ធ្នាប់ និងចរាចរណ៍ ឱ្យបានល្អប្រសើរ ក្នុងកំឡុងពេលពិធីបុណ្យភ្ជុំបិណ្ឌនេះ។ ជាមួយគ្នានោះ ឯកឧត្តម ខូយ រីដា ក៏សូមឱ្យកម្លាំងប្រដាប់អាវុធទាំងអស់ ត្រូវត្រៀមខ្លួនដើម្បីបម្រើលើកិច្ចការពារសន្តិសុខ សណ្តាប់ធ្នាប់ ជូនដល់ប្រជាពលរដ្ឋ នៅតាមវត្តអារាម…
-
ឯកឧត្តម គួច ចំរើន ណែនាំឱ្យខិតខំទាញយកកុមារតូចៗ ក្នុងខេត្តកណ្ដាល ឱ្យចូលសាលារៀនទាំងអស់ ដោយមិនត្រូវឱ្យមានកុមារតូចណាម្នាក់ មិនបានចូលរៀនឡើយ
ឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល បានណែនាំដល់រដ្ឋបាលក្រុង-ស្រុក ឃុំ-សង្កាត់ ដោយសហការជាមួយការិយាល័យអប់រំ និងមត្តេយ្យសិក្សាសហគមន៍នៅក្នុងមូលដ្ឋានរបស់ខ្លួន ត្រូវខិតខំទាញយក កុមារតូចនៅក្នុងខេត្តកណ្ដាល ឱ្យចូលសាលារៀនទាំងអស់ ដោយមិនត្រូវឱ្យមានកុមារតូចណាម្នាក់មិនបានចូលរៀននៅក្នុងសាលាឡើយ។ ឯកឧត្តម គួច ចំរើន អភិបាល នៃគណៈអភិបាលខេត្តកណ្ដាលបានធ្វើការណែនាំបែបនេះ ក្នុងឱកាសដែលឯកឧត្តម អញ្ជើញជាអធិបតីក្នុងពិធីប្រគល់សម្ភារៈ និងបរិក្ខារ ជូនមត្តេយ្យសិក្សាសហគមន៍ចំនួន៧ ក្រុង-ស្រុក ក្នុងខេត្តកណ្តាល នាថ្ងៃទី៣០ ខែកញ្ញា ឆ្នាំ២០២៤ នៅសាលាខេត្តកណ្ដាល ដែលពិធីនេះមានការអញ្ជើញចូលរួមពី ឯកឧត្តម លោកជំទាវ ថ្នាក់ដឹកនាំខេត្ត រដ្ឋបាលក្រុង-ស្រុក មន្ទីរអង្គភាពពាក់ព័ន្ធ និងមត្តេយ្យសិក្សាសហគមន៍ក្នុងខេត្តកណ្ដាល។ ឯកឧត្តម អភិបាលខេត្ត បន្តថា រាជរដ្ឋាភិបាលនីតិកាទី៧ នៃរដ្ឋសភា ក្រោមការដឹកនាំដ៏ឈ្លាសវៃ និងប៉ិនប្រសប់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានដាក់ចេញនូវគោលនយោបាយយុទ្ធសាស្ត្របច្ចកោណ ដំណាក់កាលទី១ ដែលមាន មនុស្ស ផ្លូវ ទឹក ភ្លើង និងបច្ចេកវិទ្យា ហើយការអភិវឌ្ឍន៍ធនធានមនុស្សនេះ គឺពិតជាសំខាន់ណាស់សម្រាប់ប្រទេសជាតិរបស់យើង…
-
យ៉ាងហោចណាស់មានមនុស្ស២៥នាក់អាចនឹងបាត់បង់ជីវិត ក្នុងហេតុការណ៍ឆេះរថយន្តក្រុងដឹកសិស្សនៅប្រទេសថៃ
ថៃ៖ មន្ត្រីមូលដ្ឋាន និយាយថា ករណីអគ្គិភ័យឆាបឆេះ រថយន្តក្រុងដឹកសិស្ស និងគ្រូចំនួន ៤៤ នាក់ អំឡុងដំណើរកម្សាន្តរបស់សាលារៀន នៅក្នុងខេត្តបទុមធានី (Pathum Thani) ក្បែរទីក្រុងបាងកក ប្រទេសថៃឡង់ដ៍ អាចនឹងមានអ្នកស្លាប់ ២៥ នាក់ ។ រដ្ឋមន្ត្រីក្រសួងដឹកជញ្ជូន លោក សុរិយា ជឿងរុងរឿងគីត (Suriya Juangroongruangkit) មានប្រសាសន៍ថា «របាយការណ៍បឋម ឱ្យដឹងថា មានមនុស្សជិះរថយន្តក្រុងចំនួន ៤៤ នាក់ សិស្ស ៣៨ នាក់ និងគ្រូបង្រៀន ៦ នាក់» ។ លោកបានបន្តរៀបរាប់ទៀតថា «សិស្ស១៦នាក់ និងគ្រូ៣នាក់ ត្រូវអាជ្ញាធរបញ្ជូនទៅកាន់មន្ទីរពេទ្យដើម្បីព្យាបាល» ។ សមត្ថកិច្ចថៃ មិនទាន់អាចបញ្ជាក់ភ្លាមៗនូវតួលេខអ្នកស្លាប់ និងរបួសនៅឡើយទេ ប៉ុន្តែរដ្ឋមន្ត្រីក្រសួងមហាផ្ទៃ លោក អនុទីន ចន្ទវីរគុល (Anutin Charnvirakul) បានប្រាប់ទៅកាន់អ្នកសារព័ត៌មានថា មនុស្សប្រហែល ២៥ នាក់…
-
ឯកឧត្តម ស៊ុន ចាន់ថុល អញ្ជើញចូលរួមកិច្ចប្រជុំចង្អៀត ជាមួយប្រធាន និងជានាយកប្រតិបត្តិ នៃក្រុមប្រឹក្សាធុរកិច្ច អាម៉េរិក-អាស៊ាន
ស៊ីនតោនឌីស៊ី៖ កាលពីរសៀលថ្ងៃចន្ទ ទី៣០ ខែកញ្ញា ឆ្នាំ២០២៤ (ម៉ោងនៅក្នុងតំបន់) ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអញ្ជើញមានជំនួបចង្អៀតជាមួយឯកឧត្តម Ted Osius ប្រធាន និងជានាយកប្រតិបត្តិនៃក្រុមប្រឹក្សាធុរកិច្ចអាម៉េរិក-អាស៊ាន (US-ABC) ដើម្បីពិភាក្សាពិនិត្យអំពីលទ្ធភាពក្នុងការរួមគ្នាពង្រឹង និងពង្រីកការវិនិយោគឯកជនពីសហរដ្ឋអាម៉េរិកមកកម្ពុជាឱ្យបានកាន់តែច្រើនបន្ថែមទៀត។ ក្នុងជំនួបពិភាក្សាការងារនាឱកាសនេះក៏មានវត្តមានអញ្ជើញចូលរួមពី ឯកឧត្តម កែវ ឈា ឯកអគ្គរាជកម្ពុជាប្រចាំសហរដ្ឋអាម៉េរិក និងតំណាងក្រុមហ៊ុន Delphos ដែលជាក្រុមហ៊ុនមានបទពិសោធន៍ជាង៣០ឆ្នាំ លើការផ្តល់សេវាកម្មប្រឹក្សាផ្នែកហិរញ្ញវត្ថុឈានមុខគេមួយផងដែរ៕
-
អាជីវករលក់ដូរម្ហូបអាហារ បន្លែ ផ្លែឈើ នៅភ្នំពេញកាក់កបនារដូវបុណ្យភ្ជុំបិណ្ឌនេះ
អាជីវករលក់ដូរ ម្ហូបអាហារ បន្លែ ផ្លែឈើ នៅក្នុងរាជធានីភ្នំពេញ នាឱកាសរដូវបុណ្យភ្ជុំបិណ្ឌឆ្នាំនេះ បានលក់ដូរកាក់កបខុសថ្ងៃ ធម្មតា និងទទួលបានចំណូលសមរម្យ សម្រាប់ដោះស្រាយជីវភាពរស់នៅរបស់ពួកគាត់។ អាជីវករលក់ដូរក្នុងរដូវបុណ្យភ្ជុំបិណ្ឌ នៅរាជធានីភ្នំពេញ ជាពិសេសនៅថ្ងៃទី ១៥ រោជ ត្រូវថ្ងៃទី ២ ខែ តុលា ឆ្នាំ ២០២៤ នេះ បានលើកឡើងថា នៅក្នុងរដូវបុណ្យភ្ជុំបិណ្ឌ ទោះប្រជាពលរដ្ឋខ្មែរមួយចំនួនបានចាកចេញពីទីក្រុងភ្នំពេញ ទៅធ្វើបុណ្យទាននៅ តាមស្រុកកំណើត ឬប្រជាពលរដ្ឋមួយចំនួនផ្សេងទៀត បានចាកចេញដើរកម្សាន្តនៅតាមតំបន់រមណីយដ្ឋាននានាក៏ដោយ តែនៅមានប្រជាពលរដ្ឋមួយចំនួន ដែលមិនបានចាកចេញ ពួកគាត់គឺត្រូវការនូវរបស់របរសម្រាប់ផ្គត់ផ្គង់ការហូបចុកប្រចាំថ្ងៃ ជពិសេសការធ្វើម្ហូប អាហារ នំចំណី យកទៅប្រគេនព្រះសង្ឃនៅតាមវត្តអារាមនានាផងដែរ។ អាជីវករទាំងនេះ លើកឡើងស្រដៀងគ្នាទៀតថា ទាក់ទិននៅក្នុងរដូវបុណ្យភ្ជុំបិណ្ឌនេះ ជារៀងរាល់ឆ្នាំទោះបីក្រុមអាជីវករ លក់របស់របរផ្សេងៗ បានឈប់សម្រាក់ក្នុងការលក់ដូរក៏ដោយ ក៏ពួកគាត់នៅបន្តការលក់ដូរ ព្រោះថា នៅក្នុងឱកាសរដូវបុណ្យភ្ជុំបិណ្ឌ នេះ ប្រជាពលរដ្ឋដែលមិនបានចាកចេញពីទីក្រុងភ្នំពេញ ច្បាស់ណាស់ពួកគាត់និងត្រូវការម្ហូបអាហារ បន្លែ ផ្លែឈើ សម្រាប់ផ្គត់ផ្គង់ ដល់ការហូបចុក ជាក់ស្តែងនៅក្នុងរយៈពេលនេះ បានធ្វើឱ្យការលក់ដូររបស់ពួកគាត់ លក់ដាច់យ៉ាងខ្លាំងខុសពីថ្ងៃធម្មតា…