Author: Dol Pheakdey

ក្រុមការងារក្រសួងបរិស្ថាន បានចាត់វិធាន ការពារ បរិ​ស្ថានបន្ទាន់ ករណីទូររថភ្លើ​ងដឹកប្រេងធ្លាក់ផ្លូវ​បង្ក​ឱ្យលេចធ្លាយប្រេងម៉ាស៊ូតប្រមាណ ៣០០០០ លីត្រ នៅខេត្តពោធិ៍សាត់ (ពោធិ៍សាត់)៖ ក្រុមការងារក្រសួងបរិស្ថាន នៅរសៀល​ថ្ងទី១៧ ខែវិច្ឆិកា ឆ្នាំ២០២៥ បានចុះពិនិត្យនិងចាត់​វិធាន​ការទប់ស្កាត់កុំឱ្យសំណល់ប្រេង ម៉ាស៊ូត ដែលលេច​ធ្លាយចេញពីទូររថភ្លើង ក្រឡាប់ចេញពីផ្លូវរត់ នៅចំណុច​ភូមិច្រេស ឃុំអូរតាប៉ោង ស្រុកបាកាន ខេត្តពោធិ៍សាត់ ដោ​យ​មានការចូលរួមពីរដ្ឋបាលខេត្តពោធិ៍សាត់ មន្ទីរបរិ​ស្ថាន​ខេត្ត មន្ទីរអង្គភាពពាក់ព័ន្ធ និងអាជ្ញាធរស្រុក​បាកាន ។ ក្រុមការងារបានស្នើឱ្យសមត្ថកិច្ចនិងក្រុមហ៊ុនដឹកជញ្ជូនធ្វើការ​ទប់ស្កាត់ក្នុងជំហានដំបូងគឺ៖ ១) មិនអនុញ្ញាតឱ្យប្រជាពលរដ្ឋចូលទៅប្រមូល​សំណល់​ប្រេងហូរចេញពីស៊ីទែនរថភ្លើង ដើម្បីទប់ស្កាត់​ផលប៉ះ​ពាល់​ដល់សុខភាព និងកាត់បន្ថយវិសាលភាព នៃការ​សាយ​​ភាយសំណល់ប្រេងទៅទីតាំងផ្សេង ២) ពិនិត្យតាមដានសុខភាពប្រជាពលរដ្ឋរស់នៅ​ក្បែរ​ទី​តាំង​ឧប្បទ្ទហេតុ ដែលអាចទទួលរងផលប៉ះ​ពាល់ដល់​សុខភាព ៣) លើកទំនប់បន្ថែមនៅទីតាំងឧប្បទ្ទហេតុដើម្បី​ការពារ​និងទប់ស្កាត់ការសាយភាយសំណល់ប្រេង ចូលទៅក្នុងដី​ស្រែ និងស្រះទឹកប្រជាពលរដ្ឋ ៤) ក្រុមហ៊ុនត្រូវធ្វើការសម្អាតសំណល់ប្រេងនៅលើដី​ចំណី​ផ្លូវរថភ្លើងឱ្យអស់ ប្រមូលនិងទុកដាក់សម្ភារៈ​ដែល​ប្រឡាក់សំណល់អោយបានត្រឹមត្រូវដោយអនុលោមតាមបទដ្ឋានបច្ចេកទេសសុវត្ថិភាពបរិស្ថាន ៥) ក្រុមការងារជំនាញត្រូវបន្តសហការជាមួយមន្ទីរ​ពាក់​ពន្ធ័ និងអាជ្ញាធរមូលដ្ឋានតាមដានត្រួតពិនិត្យ​ការងារ​សម្អាត​សំណល់ប្រេង ដោយបន្តយកសំណាកទឹកនៅ​ទីតាំងដែលអាចទទួលរងផលប៉ះពាល់មកវិភាគ ។ ឯកឧត្តម ខ្វៃ អាទិត្យា អនុរដ្ឋលេខាធិការ និងជា​មន្ត្រី​អ្នក​នាំ​ពាក្យក្រសួងបរិស្ថាន បានឱ្យដឹងថា ករណីលេចធ្លាយ​ប្រេងចេញពីទូររថភ្លើង បានកើតឡើងនេះ…

ប៊ែរឡាំង ៖ រដ្ឋាភិបាលអាល្លឺម៉ង់មានគម្រោងដកបម្រាមហាមឃាត់លក់គ្រឿងសព្វាវុធយោធាមួយចំនួនទៅឱ្យអ៊ីស្រាអែល គិតចាប់ពីសប្តាហ៍ក្រោយនេះ បន្ទាប់ពីមានកិច្ចព្រមព្រៀងបទឈប់បាញ់នៅតំបន់ហ្គាហ្សា កាលពីខែតុលា។ អ្នកនាំពាក្យរដ្ឋាភិបាលអាល្លឺម៉ង់មួយរូបសុំមិនបញ្ចេញឈ្មោះនិយាយថា ការសម្រេចចិត្តបែបនេះរបស់អាល្លឺម៉ង់ ធ្វើឡើងស្របតាមច្បាប់ទូទៅ និងការពិចារណាឡើងវិញពីមួយករណីទៅមួយករណីទៅលើការនាំចេញសព្វាវុធ និងការឆ្លើយតបចំពោះស្ថានភាពវិវត្តន៍ថ្មីៗ។ ការសម្រេចចិត្តនេះ នឹងអនុញ្ញាតឱ្យអាល្លឺម៉ង់អាចបន្តនាំចេញគ្រឿងសព្វាវុធយោធា ដែលបានផ្អាកកាលពីខែសីហាកន្លងទៅ ហើយចាប់ផ្តើមសាជាថ្មីគិតចាប់ពីថ្ងៃទី២៤ ខែវិច្ឆិកាខាងមុខ។ ទោះបីជាយ៉ាងណា អ្នកនាំពាក្យដដែលបានសង្កត់ធ្ងន់ថា អាល្លឺម៉ង់នៅតែប្តេជ្ញាចិត្តគាំទ្រសន្តិភាពយូរអង្វែងរវាងអ៊ីស្រាអែល និងប៉ាឡេស្ទីន ដោយឈរលើមូលដ្ឋាននៃដំណោះស្រាយរដ្ឋពីរ ហើយអាល្លឺម៉ង់ក៏នឹងបន្តចូលរួមគាំទ្រដល់ការកសាងតំបន់ហ្គាហ្សាឡើងវិញផងដែរ។ គួរបញ្ជាក់ថា អាល្លឺម៉ង់គឺជាប្រទេសនាំចេញគ្រឿងសព្វាវុធយោធាធំទីពីរទៅកាន់ប្រទេសអ៊ីស្រាអែល បន្ទាប់ពីសហរដ្ឋអាមេរិក ដែលបានប្រកាសផ្អាកនាំចេញអាវុធមួយចំនួនទៅកាន់អ៊ីស្រាអែលកាលពីខែសីហា ចំពេលមានសម្ពាធទាក់ទិននឹងសង្រ្គាមនៅតំបន់ហ្គាហ្សា៕ ប្រភព ៖ The Straits Times

(ស្ទឹងត្រែង)៖ ឆ្លើយតបតម្រូវការបន្ទាន់​របស់ប្រជាជន​ងា​យ​​​រងគ្រោះបំផុត និងតាមការស្នើសុំរបស់​សាខាកាក​បាទ​ក្រហមកម្ពុជា ខេត្តស្ទឹងត្រែង សម្តេចកិត្តិព្រឹទ្ធ​បណ្ឌិ​ត ប៊ុន រ៉ានី ហ៊ុនសែន ប្រធានកាកបាទ​ក្រហមកម្ពុជា​ បានចាត់​ឱ្យ ឯកឧត្តម យូ ឡាណា អគ្គលេខាធិការរងទី២ កាក​បា​​ទ​​ក្រ​ហមកម្ពុជា ចុះសំណេះសំណាលសួរសុខទុក្ខ​ និង​ផ្តល់​អំណោយមនុស្សធម៌ជូនប្រជាជនងាយរងគ្រោះបំ​ផុត​ចំនួន ១.០១៥គ្រួសារ រស់នៅស្រុកបុរីអូរស្វាយ​សែន​ជ័យ និងស្រុកសៀមបូក ខេត្តស្ទឹងត្រែង នាថ្ងៃទី១៧ ខែវិច្ឆិកា ឆ្នាំ២០២៥ ។ ឯកឧត្តម យូ ឡាណា បានពាំនាំនូវព្រះរាជសវនីយ៍របស់ សម្តេចព្រះមហាក្សត្រី ព្រះវររាជមាតាជាតិខ្មែរ ព្រះធាន​កិត្តិយស ជាទីគោរពសក្ការៈដ៏ខ្ពង់ខ្ពស់បំផុត និងប្រសា​ស​ន៍​របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្តាំ​ផ្ញើសួរសុខទុក្ខ ក្តីនឹករលឹក អាណិត ស្រឡាញ់ដ៏ជ្រាល​ជ្រៅ​ជាមួយលោកយាយលោកតា បងប្អូនប្រជាជនងាយ​រងគ្រោះទាំងអស់ រួមជាមួយការ​គិតគូរអំពីសុខទុក្ខនិង​ជីវភាព​រស់នៅប្រចាំថ្ងៃ គ្រប់ពេល​វេលាគ្រប់ទីកន្លែង ។ សូមបញ្ជាក់ថា គ្រួសារនីមួយៗទទួលបានអំណោយ​រួម​មាន​៖ អង្ករ ៣០គីឡូក្រាម, មី ១កេស, ត្រីខ ១០​កំ​ប៉ុង​, ទឹកស៊ីអ៊ីវ…

ភ្នំពេញ៖ គណៈកម្មាធិការសិទ្ធិមនុស្សកម្ពុជា (គ.ស.ម.ក.)នៅថ្ងៃទី១៨ ខែ វិច្ឆិកា ឆ្នាំ២០២៥នេះបានចេញសេចក្តី ថ្លែងការណ៍ថ្កោលទោសយ៉ាងធ្ងន់ធ្ងរបំផុតចំពោះអំពើជាបន្តបន្ទាប់របស់យោធាថៃមកលើប្រជាពលរដ្ឋកម្ពុជា ដែល មានលក្ខណៈព្រៃផ្សៃ ឃោរឃៅ និងអមនុស្សធម៌ ព្រមទាំងផ្ទុយទាំងស្រុងនឹងច្បាប់សិទ្ធិមនុស្ស និងច្បាប់មនុស្សធម៌ អន្តរជាតិ។គណៈកម្មាធិការនេះក៏ស្នើឱ្យអាជ្ញាធរមានសមត្ថកិច្ចថៃចាត់វិធានការជាបន្ទាន់ដើម្បីនាំយកឧក្រិដ្ឋជនមក ផ្តន្ទាទោសតាមច្បាប់ ។ អាន៖សេចក្តីថ្លែងការណ៍របស់គណៈកម្មាធិការសិទ្ធិមនុស្សកម្ពុជានៅថ្ងៃនេះគឺបន្ទាប់ពីមានករណីប្រើអំពើហិ​ង្សានិង​រំលោភសេពសន្ថវៈ(រំលោភបូក) ដោយទាហានឈុតខ្មៅថៃចំនួន ៧នាក់ ទៅលើពលករខ្មែរជាស្ត្រីមួយនាក់​នៅក្នុង​ខេត្តចាន់បុរី នៃប្រទេសថៃ ជាប់ព្រំប្រទល់ស្រុកកំរៀង ខេត្តបាត់ដំបង នៃប្រទេសកម្ពុជាកាលពីថ្ងៃទី១៥ ខែវិច្ឆិកា ឆ្នាំ២០២៥។ គណៈកម្មាធិការសិទ្ធិមនុស្សកម្ពុជាបានថ្កោលទោសអំពើគួរឱ្យស្អប់ខ្ពើមនេះ និងចាត់ទុកការរំលោភផ្លូវភេទ គឺជា បទឧក្រិដ្ឋ និងជាការរំលោភសិទ្ធិមនុស្សយ៉ាងធ្ងន់ធ្ងរ ដែលត្រូវផ្តន្ទាទោសដោយគ្មានការលើកលែង។ តាមរយៈសេចក្តីថ្លែងការណ៍ដដែល គណៈកម្មាធិការសិទ្ធិមនុស្សកម្ពុជា ស្នើឱ្យអាជ្ញាធរមានសមត្ថកិច្ចថៃចាត់វិធាន​ការជាបន្ទាន់ ដើម្បីនាំយកឧក្រិដ្ឋជនមក ផ្តន្ទាទោសតាមច្បាប់ ព្រមទាំងផ្តល់យុត្តិធម៌ និងសំណងផ្សេងៗដល់ជន​រងគ្រោះ។កម្ពុជាក៏បានអំពាវនាវដល់សហគមន៍អន្តរជាតិជំរុញដល់ភាគីថៃឱ្យទទួលខុសត្រូវចំពោះករណីទាំងនេះ និងធានាថា ភាគីថៃ គោរពតាមកាតព្វកិច្ចរបស់ខ្លួនក្រោមច្បាប់សិទ្ធិមនុស្សអន្តរជាតិជាធរមាន។ គណៈកម្មាធិការសិទ្ធមនុស្សកម្ពុជាបានសង្កត់ធ្ងន់ថា ប្រសិនបើ ប្រទេសថៃមិនដោះស្រាយ ករណីទាំងនេះឱ្យ​ទាន់​ពេលវេលា និងផ្តល់យុត្តិធម៌ជូនជនរងគ្រោះនោះទេ ឆ្លុះបញ្ចាំងថា ប្រទេសថៃមិន ត្រឹមតែជាប្រទេសគ្មានច្បាប់​ទម្លាប់​ប៉ុណ្ណោះទេ តែក៏ជាប្រទេសដែលការពារឧក្រិដ្ឋជនផងដែរ។ សូមជម្រាបថា បន្ទាប់ពីកើតឡើងនូវសកម្មភាពដ៏យង់ឃ្នងបង្កដោយយោធាថៃលើយុវតីខ្មែររួចមក រលកនៃការថ្កោល​ទោសទាមទារយុត្តិធម៌ជូនជនរងគ្រោះបានទាំងក្នុងនិងក្រៅប្រទេសបានផ្ទុះឡើងជាបន្តបន្ទាប់៕

សេអ៊ូល ៖ កូរ៉េខាងត្បូងស្នើចរចាផ្នែកយោធាជាមួយកូរ៉េខាងជើងជាលើកដំបូងមិនធ្លាប់មានចាប់តាំងពីឆ្នាំ ២០១៨ ដើម្បីគូសបញ្ជាក់ពីខ្សែបន្ទាត់កំណត់ព្រំដែនយោធា (MDL) ឱ្យច្បាស់លាស់ និងកាត់បន្ថយហានិភ័យផ្ទុះជម្លោះប្រដាប់អាវុធដោយចៃដន្យរវាងបងប្អូនកូរ៉េទាំងពីរ។ ដោយសារតែខ្សែទំនាក់ទំនងរវាងប្រទេសកូរ៉េទាំងពីរត្រូវបានកាត់ផ្តាច់ ដូច្នេះសំណើកិច្ចចរចានេះ នឹងត្រូវបានផ្តល់ជូនតាមរយៈបញ្ជាការអង្គការសហប្រជាជាតិ។ មូលហេតុដែលកូរ៉េខាងត្បូងស្នើឱ្យមានការចរចាបែបនេះ គឺដោយសារតែបង្គោលព្រំដែនជាច្រើនដែលដាក់បន្ទាប់ពីសង្គ្រាមកូរ៉េឥឡូវនេះបានបាត់ទៅហើយធ្វើឱ្យវាពិបាកសម្រាប់ភាគីទាំងពីរក្នុងការដឹងពីព្រំដែនពិតប្រាកដ។ ប្រទេសកូរ៉េទាំងពីរបានព្យាយាមជួសជុលបង្គោលទាំងនោះនៅឆ្នាំ ១៩៧៣ ប៉ុន្តែការងារនេះបានបញ្ឈប់ បន្ទាប់ពីទាហានកូរ៉េខាងជើងបានបាញ់ទៅលើក្រុមអង្គការសហប្រជាជាតិដែលកំពុងធ្វើការជួសជុលនៅពេលនោះ។ អនុរដ្ឋមន្ត្រីការពារជាតិកូរ៉េខាងត្បូង លោក Kim Hong-cheol និយាយថា កិច្ចចរចានេះគឺជារឿងចាំបាច់ ចំពេលកើនឡើងនៃសកម្មភាពកូរ៉េខាងជើងនៅជិតតំបន់គ្មានយោធា (DMZ) រួមទាំងការឈ្លានពានព្រំដែនម្តងហើយម្តងទៀត ការដាក់មីន និងដាក់របាំងថ្មី។ បើតាមការលើកឡើងរបស់ទីក្រុងសេអ៊ូល, ទាហានកូរ៉េខាងជើងបានឆ្លងកាត់ចូលទៅក្នុងទឹកដីកូរ៉េខាងត្បូងច្រើនជាង១០ដងនៅឆ្នាំនេះ ច្រើនជាងចំនួនសរុបក្នុងឆ្នាំ ២០២៤ទៅទៀត ដែលជំរុញឱ្យកងទ័ពកូរ៉េខាងត្បូងចេញការព្រមាន និងបាញ់ព្រមាន។ ទោះបីជាការប៉ះទង្គិចគ្នាយ៉ាងសាហាវបានកើតឡើងម្តងម្កាលក្នុងរយៈពេលជាច្រើនទស្សវត្ស ចាប់តាំងពីការប្រយុទ្ធបើកចំហបានបញ្ឈប់ បន្ទាប់ពីបទឈប់បាញ់បានបញ្ចប់ប្រកបដោយប្រសិទ្ធភាពក្នុងសង្គ្រាមកូរ៉េឆ្នាំ ១៩៥០-១៩៥៣ក៏ដោយ តែទីក្រុងសេអ៊ូលនិយាយថា មានការកើនឡើងសកម្មភាព និងការលុកលុយរបស់កូរ៉េខាងជើងនៅជុំវិញខ្សែបន្ទាត់ព្រំដែនយោធា៕ ប្រភព ៖ CNA

ឯកឧត្តម ហ៊ុន ម៉ានី លើកសរសើរទឹកចិត្តលះបង់ របស់គ្រូពេទ្យ ក្រោមស្មារតី “ទុក្ខព្រួយរបស់អ្នកជំងឺ ជាទុក្ខព្រួយរបស់គ្រូពេទ្យ” ឯកឧត្តម ហ៊ុន ម៉ានី លើកសរសើរទឹកចិត្តលះបង់ របស់គ្រូពេទ្យ ក្រោមស្មារតី “ទុក្ខព្រួយរបស់អ្នកជំងឺ ជាទុក្ខព្រួយរបស់គ្រូពេទ្យ” ចេញផ្សាយ ថ្ងៃទី ១៧ ខែ វិច្ឆិកា ឆ្នាំ ២០២៥ ភ្នំពេញ ៖ ឯកឧត្តម ហ៊ុន ម៉ានី ឧបនាយករដ្ឋមន្ត្រី បានលើកឡើងនិងសម្តែងការកោតសរសើរយ៉ាងជ្រាលជ្រៅចំពោះឧត្តមគតិ និងទឹកចិត្តលះបង់របស់ថ្នាក់ដឹកនាំ ក៏ដូចជាលោកគ្រូអ្នកគ្រូពេទ្យនៅទូទាំងប្រទេស ក្រោមស្មារតី “ទុក្ខព្រួយរបស់អ្នកជំងឺ ជាទុក្ខព្រួយរបស់គ្រូពេទ្យ”។ ឯកឧត្តម ហ៊ុន ម៉ានី បានគូសបញ្ជាក់ថា ឃ្លានេះដែលឯកឧត្តមបានស្តាប់ និងស្វែងយល់ដោយផ្ទាល់ពីប្រធានមន្ទីរពេទ្យបង្អែកខេត្តកោះកុង គឺពិតជាឆ្លុះបញ្ចាំងទៅលើទឹកចិត្ត និងការបំពេញវិជ្ជាជីវៈរបស់ថ្នាក់ដឹកនាំ និងបុគ្គលិកសុខាភិបាលនៅតាមមណ្ឌលសុខភាព និងមន្ទីរពេទ្យបង្អែកនានានៅទូទាំងប្រទេស។ ឯកឧត្តមបានបន្តថា ការខិតខំប្រឹងប្រែង ការលះបង់ និងការអភិវឌ្ឍន៍សមត្ថភាពជាប្រចាំ ក្នុងការធ្វើឲ្យអង្គភាពរបស់ពួកគាត់នីមួយៗអាចផ្តល់សេវាជូនដល់ប្រជាជននៅមូលដ្ឋានរបស់ខ្លួនឲ្យកាន់តែ ប្រសើរ លឿន ពេញចិត្ត និងជឿទុកចិត្តបាន គឺបានបញ្ជាក់យ៉ាងច្បាស់អំពីភាពស្មោះស្ម័គ្រ…

វ៉ាស៊ីនតោន ៖ ក្រសួងរតនាគារអាមេរិកបានដាក់ក្រុមហ៊ុនចំនួនពីររបស់អ៊ុយក្រែន ក្រុមហ៊ុន GK Imperativ និងក្រុមហ៊ុន Ekofera បញ្ចូលទៅក្នុងបញ្ជីខ្មៅ ឬក៏បញ្ជីទណ្ឌកម្មរបស់ខ្លួន ពាក់ព័ន្ធនឹងការផ្គត់ផ្គង់នូវសមាសធាតុសំខាន់ៗ ក្នុងការផលិតយន្តហោះគ្មានមនុស្សបើកដល់ក្រុមហ៊ុនផលិតយន្តហោះដ្រូនរដ្ឋ UAV នៅក្នុងប្រទេសអ៊ីរ៉ង់។ នេះបើតាមសេចក្តីរាយការណ៍ពី RT។ ចំណាត់ការដ៏ក្តៅគគុករបស់អាមេរិកលើក្រុមហ៊ុន GK Imperativ និងក្រុមហ៊ុន Ekofera របស់អ៊ុយក្រែននេះ ធ្វើឡើងជាផ្នែកមួយនៃកញ្ចប់ទណ្ឌកម្មដ៏ទូលំទូលាយ មានគោលបំណងរារាំង ឬកាត់ផ្តាច់ខ្សែបណ្តាញលទ្ធកម្មផលិតយន្តហោះដ្រូន និងមីស៊ីលរបស់អ៊ីរ៉ង់។ កញ្ចប់ទណ្ឌកម្មចុងក្រោយនេះ បានកំណត់គោលដៅទៅលើក្រុមហ៊ុន និងបុគ្គលចំនួន៣២ ទាំងនៅអ៊ីរ៉ង់ អេមីរ៉ាត់អារ៉ាប់រួម តួកគី ចិន ឥណ្ឌា អាល្លឺម៉ង់ និងអ៊ុយក្រែន។ ក្រសួងរតនាគារអាមេរិកបានចោទប្រកាន់ក្រុមហ៊ុន ទាំងពីរថាជាក្រុមហ៊ុននាំមុខគេ ក្នុងការជួយសម្របសម្រួលផ្គត់ផ្គង់គ្រឿងបន្លាស់ដល់ក្រុមហ៊ុនឧស្សាហកម្មផលិតយន្តហោះ (HESA) របស់អ៊ីរ៉ង់។ HESA ត្រូវបានគេស្គាល់ទូទៅថា ជាក្រុមហ៊ុនរចនា និងជាផលិតករឯកទេសផ្នែកផលិតយន្តហោះដ្រូនប្រយុទ្ធផ្ទុកគ្រាប់រំសេវរយៈចម្ងាយឆ្ងាយ Shahed-131 និង Shahed-136។ ក្រុមហ៊ុននេះជាប់ទណ្ឌកម្មអាមេរិកចាប់តាំងពីឆ្នាំ២០០៨មកម្ល៉េះ។ បើតាមក្រសួងរតនាគារអាមេរិក, គ្រឿងបរិក្ខាដែលដឹកជញ្ជូនទៅកាន់អ៊ីរ៉ង់ តាមរយៈការសម្របសម្រួលពីក្រុមហ៊ុនអ៊ុយក្រែនទាំងពីរ ក្នុងនោះមានដូចជាឧបករណ៍ឆ្លាតវៃ គ្រឿងម៉ាស៊ីន ឧបករណ៍ចាប់សញ្ញា…

តូក្យូ ៖ ភាគហ៊ុននៅក្នុងឧស្សាហកម្មទេចរណ៍របស់ជប៉ុនបានដាំក្បាលចុះយ៉ាងគំហុក បន្ទាប់ពីប្រទេសចិនបានប្រាប់ពលរដ្ឋរបស់ខ្លួន មិនឲ្យទៅលេងកម្សាន្តនៅប្រទេសជប៉ុន ជុំវិញការអត្ថាធិប្បាយរបស់លោកស្រី នាយករដ្ឋមន្ត្រី Sanae Takaichi អំពីកោះតៃវ៉ាន់ ។ បើតាមសារព័ត៌មាន CNA, ភាគហ៊ុនរបស់ក្រុមហ៊ុនផ្សារទំនើប Isetan Mitsukoshi បានធ្លាក់ចុះជាង ១១ ភាគរយ ខណៈក្រុមហ៊ុនគូប្រជែងរបស់ខ្លួនគឺ Takashimaya បានធ្លាក់ចុះប្រហែល ៥ ភាគរយ ស្របពេលសន្ទស្សន៍ភាគហ៊ុន Nikkei បានធ្លាក់ចុះ ០.៧ ភាគរយ ។ ចំណែកក្រុមហ៊ុនគ្រឿងសំអាង Shiseido បានធ្លាក់ចុះប្រហែល ៩.៥ ភាគរយ ខណៈក្រុមហ៊ុនអាកាសចរណ៍ជប៉ុនបានធ្លាក់ចុះប្រហែល ៤ ភាគរយ ប្រហាក់ប្រហែលទៅនឹងក្រុមហ៊ុន Fast Retailing ដែលបានធ្លាក់ចុះប្រហែល ៥ ភាគរយ ។ គួរបញ្ជាក់ថា កាលពីថ្ងៃទី៧ ខែវិច្ឆិកា លោកស្រី Sanae Takaichi នាយករដ្ឋមន្ត្រីជប៉ុន ដែលទើបឡើងកាន់តែតំណងថ្មីថ្មោង បានអត្ថាធិប្បាយថា ប្រសិនបើមានការវាយប្រហារលើកោះតៃវ៉ាន់…

កៀវ ៖ លោកប្រធានាធិបតីអ៊ុយក្រែន Volodymyr Zelensky ត្រូវបានរំពឹងថា នៅថ្ងៃចន្ទនេះ នឹងធ្វើដំណើរទៅកាន់ទឹកដីប្រទេសបារាំង ក្នុងគោលបំណងចុះកិច្ចព្រមព្រៀងជាមួយទីក្រុងប៉ារីស លើការផ្គត់ផ្គង់ប្រព័ន្ធការពារដែនអាកាស យន្តហោះចម្បាំង និងមីស៊ីល ខណៈទីក្រុងកៀវកំពុងព្យាយាមពង្រឹងកងកម្លាំងវាយប្រហារចម្ងាយឆ្ងាយប្រឆាំងនឹងការបន្តឈ្លានពានរបស់រុស្ស៊ី។ បើតាមសេចក្តីរាយការណ៍របស់ The straits times, នៅពេលទៅដល់ទីក្រុងប៉ារីស លោកប្រធានាធិបតី Zelensky នឹងជួបជាមួយលោកប្រធានាធិបតីបារាំង Emmanuel Macron ចំពេលរុស្ស៊ីបង្កើនការវាយលុកដោយមីស៊ីល និងយន្តហោះដ្រូនលើអ៊ុយក្រែនក្នុងពេលប៉ុន្មានសប្តាហ៍ថ្មីៗនេះ ហើយទីក្រុងមូស្គូក៏ត្រូវបានគេរាយការណ៍ដែរថា បានសម្រុកវាយលុកផ្លូវគោក ដើម្បីដណ្តើមកាន់កាប់តំបន់ Zaporizhzhia ភាគអាគ្នេយ៍។ មេដឹកនាំអ៊ុយក្រែនរូបនេះបានបង្ហោះសារលើបណ្តាញសង្គម X នៅថ្ងៃអាទិត្យថា កិច្ចព្រមព្រៀងជាប្រវត្តិសាស្រ្តត្រៀមរួចរាល់ហើយនៅបារាំង។ វានឹងក្លាយជាការពង្រឹងយ៉ាងសំខាន់នៃការប្រយុទ្ធផ្លូវអាកាស ពិសេសការការពារដែនអាកាស និងសមត្ថភាពការពារជាតិដទៃទៀត។ ការអត្ថាធិប្បាយរបស់មេដឹកនាំអ៊ុយក្រែនរូបនេះ កើតឡើងបន្ទាប់ពីលោកប្រធានាធិបតី Macron បានសន្យាកាលពីខែមុនថា នឹងផ្តល់ឱ្យថែមទៀតនូវយន្តហោះចម្បាំង Mirage បន្ថែមពីលើការសន្យាពីមុនចំនួន ៦គ្រឿង និងកញ្ចប់ថ្មីនៃមីស៊ីលបាញ់ពីអាកាសទៅអាកាស Aster ចំនួន ៣០គ្រាប់ ដែលផលិតដោយក្រុមហ៊ុនអឺរ៉ុប MBDA ដើម្បីប្រើប្រាស់ជាមួយប្រព័ន្ធការពារដែនអាកាស SAMP/T ដែលប្រតិបត្តិការដោយអ៊ុយក្រែន។ គួរបញ្ជាក់ថា…

ការ៉ាកាស់ ៖ មេដឹកនាំវេណេស៊ុយអេឡាបញ្ជាឱ្យកងទ័ពប្រុងជើងការជាអចិន្ត្រៃយ៍ និងចល័តទ័ពនៅតំបន់ភាគខាងកើតប្រទេស ដើម្បីត្រៀមខ្លួនឆ្លើយតបការបង្កហេតុណាមួយ ពាក់ព័ន្ធនឹងការធ្វើសមយុទ្ធយោធារួមគ្នារវាងសហរដ្ឋអាមេរិកជាមួយទ្រីនីដាដ និងតូបាហ្គោ នៅក្នុងតំបន់ការីប៊ីន។ ប្រធានាធិបតីវេណេស៊ុយអេឡា លោក នីកូឡាស់ ម៉ាឌូរ៉ូ បាននិយាយកាលពីថ្ងៃសៅរ៍ថា ជាថ្មីម្តងទៀត លោកសូមអំពាវនាវដល់ប្រជាជនទាំងអស់នៃរដ្ឋភាគខាងកើត រក្សាការរួបរួមគ្នាឱ្យកាន់តែរឹងមាំក្នុងចំណោមប្រជាជន ពិសេសកងកម្លាំងយោធា និងប៉ូលិសត្រូវបង្កើនការប្រុងប្រយ័ត្នខ្ពស់បំផុត។ លោកប្រធានាធិបតី ម៉ាឌូរ៉ូ បានចាត់ទុកការអំពាវនាវជាថ្មីនេះថា ជាការណែនាំដល់គ្រប់វិស័យក្នុងសង្គម និងនយោបាយឲ្យមានការប្រុងប្រយ័ត្នចំពោះការ ញុះញង់។ ការអត្ថាធិប្បាយបែបនេះរបស់លោក ម៉ាឌូរ៉ូ កើតឡើងបន្ទាប់ពីទ្រីនីដាដ និងតូបាហ្គោ ប្រកាសធ្វើសមយុទ្ធយោធាថ្មីមួយជាមួយសហរដ្ឋអាមេរិក ដោយប្រើប្រាស់ដែនទឹកប្រទេសរបស់ខ្លួននៅឆ្នេរសមុទ្រនៃរដ្ឋ Sucre។លោកប្រធានាធិបតី ម៉ាឌូរ៉ូ បានរិះគន់សមយុទ្ធនេះថា ជាការប៉ុនប៉ងគំរាមកំហែងដល់សន្តិភាពក្នុងតំបន់ និងជាការឈ្លានពាន។ យ៉ាងណាមិញ ទ្រីនីដាដ និងតូបាហ្គោ បានប្រកាសកាលពីថ្ងៃសុក្រសប្តាហ៍មុនថា ខ្លួននឹងនៅតែបន្តធ្វើសមយុទ្ធយោធាជាមួយសហរដ្ឋអាមេរិក ដោយផ្តោតសំខាន់ក្នុងការដាក់ពង្រាយកងកម្លាំងនៅតំបន់ការ៉ាប៊ីន ហើយនេះជាសមយុទ្ធយោធាលើកទី២ ក្នុងរយៈពេលតិចជាងមួយខែ៕ ប្រភព ៖ ស៊ីនហួរ