Author: Dol Pheakdey
-
កងកម្លាំងប្រដាប់អាវុធគ្រប់ប្រភេទប្រកាសកម្ទេចចោលរាល់ការញុះញងទាំងឡាយណាដែលចង់ផ្តួលរំលំរាជរដ្ឋាភិបាលស្របច្បាប់
នាយទាហានពលទាហាន នៃអគ្គបញ្ជាការ ក្រសួងការពារជាតិ និងនាយនគរបាល ពលនគរបាលរបស់អគ្គស្នងការដ្ឋាននគរបាលជាតិ នៃក្រសួងមហាផ្ទៃទាំងអស់ បានចេញសេចក្តីថ្លែងការណ៍ថ្កោលទោសយ៉ាងដាច់អហង្ការ ចំពោះក្រុមជ្រុលនិយមមួយក្តាប់តូច ដែលបានញុះញង់ឲ្យពលរដ្ឋ និងកងកម្លាំងធ្វើការឲ្យ ប្រឆាំងនឹងរាជរដ្ឋាភិបាលស្របច្បាប់ និងប្រកាសកម្ចាត់ចោលភ្លាមរាល់ឧបាយកលរបស់ជនក្បត់ជាតិ និងក្រុមជ្រុលនិយមទាំងនោះឲ្យខាងតែបានដោយគ្មានការលើកលែងនោះឡើយ។ តាមរយៈសេចក្តីថ្លែងការណ៍របស់កងកម្លាំងប្រដាប់អាវុធគ្រប់ប្រភេទ ដែលបានចេញដាច់ដោយ ឡែកពីគ្នាជាបន្តបន្ទាប់នេះ គឺបានធ្វើឡើងដើម្បីឆ្លើយតបទៅនឹងក្រុមប្រឆាំងជ្រុលនិយមមួយក្តាប់តូចដែល កំពុងរត់ចោលស្រុក ហើយបានធ្វើការញុះញងឲ្យបងប្អូនប្រជាពលរដ្ឋខ្មែរ និងកងកម្លាំងប្រដាប់អាវុធទាំង អស់ធ្វើការបះបោរប្រឆាំងរាជរដ្ឋាភិបាលស្របច្បាប់ដែលកើតចេញពីការបោះឆ្នោត។ តាមរយៈសេចក្តីថ្លែងការណ៍របស់គ្រប់អង្គភាពទាំងអស់ ដែលចំណុះឲ្យកងយោធពលខេមរភូមិន្ទ ក្រសួងការពារជាតិ អគ្គស្នងការដ្ឋាននគរបាលជាតិ នៃក្រសួងមហាផ្ទៃ បានបញ្ជាក់ថាក្នុងរយៈពេលថ្មីៗនេះ ក្រុមប្រឆាំងជ្រុលនិយមមួយក្តាប់តូច នៅក្រៅប្រទេសបានអំពាវនាវ និងបំផុសញុះញងឲ្យប្រជាពលរដ្ឋ និងកងកម្លាំងប្រដាប់អាវុធធ្វើការបះបោរប្រឆាំងរាជរដ្ឋាភិបាលស្របច្បាប់ដែលកើតចេញពីការបោះឆ្នោត ក្នុងចេតនាបំបែកបំបាក់ និងបំផ្លិតបំផ្លាញប្រទេសកម្ពុជា ដែលកំពុងមានសន្តិភាពពេញលេញ និង ការអភិវឌ្ឍ។ ក្នុងន័យនេះកងកម្លាំងប្រដាប់អាវុធទាំងអស់«សូមប្រកាសជាឱឡារិកថា នៅតែឈរជាមួយមជ្ឈមណ្ឌលសាមគ្គីឯកភាពផ្ទៃក្នុងរឹងមាំ គោរពបទបញ្ជាយ៉ាងម៉ឺងម៉ាត់ ជាកម្លាំងស្មោះត្រង់ដាច់ខាត និងជាឆ្អឹងខ្នងដ៏រឹងមាំបំផុតរបស់រាជរដ្ឋាភិបាលស្របច្បាប់ ដែលដឹកនាំដោយសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា»។ តាមរយៈសេចក្តីថ្លែងការណ៍របស់កងកម្លាំងប្រាប់អាវុធគ្រប់ប្រភេទដដែល ក៏បានប្រកាសអះអាង ទៀតថាពួកគេប្តេជ្ញារក្សាការពារឲ្យខាងតែបាននូវសុខសន្តិភាព ស្ថិរភាពជាតិ និងសណ្តាប់ធ្នាប់សាធារណៈ ទោះស្ថិតនៅក្នុងតម្លៃណាក៏ដោយ ហើយថាការញុះញង់ប៉ុនប៉ងបង្កចលាចលផ្តួលរំលំរាជរដ្ឋាភិបាលស្របច្បាប់ ដោយប្រើមធ្យោបាយហិង្សា មិនប្រជាធិបតេយ្យ គឺជាអំពើល្មើសច្បាប់…
-
ក្រុមហាម៉ាសអំពាវនាវឱ្យមានផែនការអនុវត្តលើកិច្ចចរចាកន្លងទៅស្តីពីបទឈប់បាញ់នៅហ្កាហ្សា
ក្រុមហាម៉ាសបានស្នើឱ្យក្រុមអ្នកសម្របសម្រួលបង្ហាញផែនការដោយផ្អែកលើកិច្ចចរចាបទឈប់បាញ់កាលពីកន្លងទៅ ជាជាងការព្យាយាមស្វែងរកកិច្ចព្រមព្រៀងបទឈប់បាញ់ថ្មីនៅដែនដី ហ្កាហ្សា ប៉ុន្មានថ្ងៃមុនកិច្ចចរចា ស្នើឡើងដោយសហរដ្ឋអាមេរិក អេហ្ស៊ីប និងកាតា។ រដ្ឋាភិបាលគ្រប់គ្រងដោយក្រុមហាម៉ាសតំបន់ហ្កាហ្សាស្រ្ទីប និយាយថា មនុស្សជាង ១០០នាក់ ត្រូវបានសម្លាប់ ក្រោយការវាយប្រហាររបស់អ៊ីស្រាអែលលើសាលារៀនក្នុងទីក្រុងហ្កាហ្សា ។ ក្នុងសេចក្តីថ្លែងការណ៍មួយនៅលើបណ្តាញសង្គម Telegram ផ្លូវការរបស់ខ្លួន ក្រុមនេះបាននិយាយថា ខ្លួនចង់បានផែនការមួយ ផ្អែកលើសំណើបទឈប់បាញ់ថ្ងៃទី ៣១ ឧសភា របស់លោកប្រធានាធិបតីអាមេរិក Biden ជាក្របខ័ណ្ឌដែលដាក់ចេញដោយក្រុមអ្នកសម្របសម្រួល កាតា និងអេហ្ស៊ីប កាលពីថ្ងៃទី៦ខែឧសភា និងសេចក្ដីសម្រេចក្រុមប្រឹក្សាសន្តិសុខអង្គការសហប្រជាជាតិ លេខ ២៧៣៥ ។ សំណើថ្ងៃទី ៦ឧសភា ដែលក្រុមហាម៉ាសធ្លាប់បានយល់ព្រមកាលពីកន្លងទៅ ហើយអ៊ីស្រាអែលបានបដិសេធ ក៏ធានាផងដែរនូវការដោះលែងចំណាប់ខ្មាំងអ៊ីស្រាអែលនៅតំបន់ហ្កាហ្សា ក៏ដូចជាចំនួនមិនជាក់លាក់នៃជនជាតិប៉ាឡេស្ទីនដែលត្រូវបានឃុំខ្លួននៅក្នុងពន្ធនាគាររបស់អ៊ីស្រាអែល។ សេចក្តីថ្លែងការណ៍របស់ក្រុមហាម៉ាសកាលពីថ្ងៃអាទិត្យបានបន្ថែមថា ក្រុមអ្នកសម្របសម្រួលគួរតែអនុវត្តសំណើថ្ងៃទី ៦ ឧសភា អ៊ីស្រាអែល ជំនួសឱ្យការបន្តការចរចាបន្ថែមទៀត ឬសំណើថ្មីដែលនឹងផ្តល់ការបិទបាំងសម្រាប់ការឈ្លានពានរបស់អ៊ីស្រាអែល និងផ្តល់ពេលវេលាបន្ថែមទៀតដើម្បីបន្តសកម្មភាពប្រល័យពូជសាសន៍ប្រឆាំងនឹងប្រជាជនរបស់យើង៕
-
ឪពុកម្តាយក្មេងស្រីរងគ្រោះក្នុងការចាក់សម្លាប់ដោយកាំបិតនៅអង់គ្លេស ជំរុញឱ្យបញ្ចប់កុបកម្ម
ឪពុកម្តាយរបស់ក្មេងស្រីម្នាក់ក្នុងចំណោមបីនាក់ ដែលត្រូវបានសម្លាប់នៅក្នុងព្រឹត្តិការណ៍តន្រ្តីមួយ នៅភាគខាងជើងដែនដីអង់គ្លេស កាលពីខែមុន បានអំពាវនាវឱ្យបញ្ចប់កុបកម្មទូទាំងប្រទេស ដែលធ្វើឡើងបន្ទាប់ពីការស្លាប់របស់ពួកគេ ខណៈកំពុងប្រារព្ធពិធីបុណ្យសពដ៏សោកសៅសម្រាប់កូនស្រីរបស់ពួកគេ។ កុមារី អាលីស ដាស៊ីលវ៉ា អាហ្គីអា (Alice da Silva Aguiar) អាយុ ៩ឆ្នាំ និងក្មេងស្រីពីរនាក់ផ្សេងទៀតបានស្លាប់ និង ៨នាក់បានរងរបួស បន្ទាប់ពីត្រូវបានគេចាក់នៅក្នុងការវាយប្រហារនៅឯទីក្រុងមាត់សមុទ្រ សៅផត (Southport) កាលពីពីរសប្តាហ៍មុន។ កុបកម្មជាច្រើនថ្ងៃបានកើតមានឡើងនៅក្រុង Southport និងនៅតាមទីប្រជុំជន និងទីក្រុងនានាទូទាំងចក្រភពអង់គ្លេស ដែលបង្កឡើងដោយការបង្ហោះតាមអ៊ីនធឺណិតមិនពិត ដែលកំណត់អត្តសញ្ញាណឃាតករដែលសង្ស័យថាជាជនអន្តោប្រវេសន៍ជនជាតិអ៊ីស្លាម។ ក្មេងជំទង់ម្នាក់ កើតក្នុងចក្រភពអង់គ្លេស ចាប់តាំងពីពេលនោះមកត្រូវបានចោទប្រកាន់ ហើយនគរបាលនិយាយថា ឧប្បត្តិហេតុនេះមិនត្រូវបានចាត់ទុកជាអំពើភេរវកម្មទេ។ នៅឯពិធីបុណ្យសពរបស់កុមារី Aguiar ប្រមុខនគរបាលក្នុងតំបន់បានប្រាប់អ្នកចូលរួមបុណ្យសពថា ឪពុកម្តាយជនជាតិព័រទុយហ្គាល់ ឈ្មោះ សើជីអូ (Sergio) និង អាឡិចសានដ្រា (Alexandra) របស់ក្មេងស្រីនេះ បានស្នើសុំឱ្យធ្វើការអំពាវនាវជាសាធារណៈឱ្យមានភាពស្ងប់ស្ងាត់។ នគរបាល និងអ្នកនយោបាយជឿថា ការឆ្លើយតបយ៉ាងរហ័ស និងតឹងតែងពីអាជ្ញាធរ រួមជាមួយនឹងមនុស្សរាប់ពាន់នាក់ដែលចូលរួមការតវ៉ាប្រឆាំងតប ចាប់តាំងពីថ្ងៃពុធមក បានរារាំងមនុស្សពីការចូលរួមក្នុងតវ៉ាបន្ថែមទៀត ដែលលោកនាយករដ្ឋមន្ត្រី…
-
[UPDATE] មូលហេតុធ្លាក់យន្តហោះប្រេស៊ីល ដែលសម្លាប់មនុស្ស ៦២នាក់ នៅមិនទាន់ដឹងនៅឡើយ
យន្តហោះ ATR-72 ដំណើរការដោយក្រុមហ៊ុនអាកាសចរណ៍ក្នុងតំបន់ វ៉ូប៉ាស (Voepass) បានធ្លាក់កាលពីថ្ងៃសុក្រ (០៩ សីហា) សប្ដាហ៍មុន នៅជិតទីក្រុង សៅប៉ូឡូ (Sao Paulo) ប្រទេសប្រេស៊ីល ដោយសម្លាប់អ្នកដំណើរទាំង ៦២នាក់នៅលើយន្តហោះ ប៉ុន្តែមូលហេតុក្នុងឧបទ្ទវហេតុនេះនៅតែមិនទាន់ដឹងនៅឡើយ។ ប្រធានមជ្ឈមណ្ឌលស៊ើបអង្កេតគ្រោះថ្នាក់អាកាសចរណ៍ប្រេស៊ីល សេនីប៉ា (Cenipa) បាននិយាយកាលពីថ្ងៃអាទិត្យ (១១ សីហា) ថា ក្រុមអ្នកស៊ើបអង្កេតបានរកឃើញប្រអប់ខ្មៅរបស់យន្តហោះដែលមានការថតសំឡេង និងទិន្នន័យហោះហើរ ហើយរបាយការណ៍បឋមរំពឹងថាចេញក្នុងរយៈពេល ៣០ថ្ងៃ។ យន្តហោះបានធ្វើដំណើរឆ្ពោះទៅទីក្រុង Sao Paulo ពីទីក្រុង កាស្កាវែល (Cascavel) រដ្ឋ ប៉ារ៉ាណា (Parana) ហើយបានធ្លាក់នៅម៉ោងប្រហែល ១:៣០នាទីរសៀល (ម៉ោងក្នុងស្រុក) នៅទីក្រុង វីញ៉េដូ (Vinhedo) ប្រហែល ៨០គីឡូម៉ែត្រ ភាគពាយព្យនៃក្រុង Sao Paulo ។ កងទ័ពអាកាសប្រេស៊ីល បាននិយាយនៅក្នុងសេចក្តីថ្លែងការណ៍មួយថា យន្តហោះបានហោះហើរជាធម្មតារហូតដល់ម៉ោង ១:២១នាទីរសៀល ក៏បានឈប់ឆ្លើយតប ហើយបានបាត់ទំនាក់ទំនងរ៉ាដា…
-
អ៊ុយក្រែន៖ ការវាយប្រហារតំបន់ Kursk នឹងដាក់សម្ពាធលើរុស្ស៊ី និងស្តារយុត្តិធម៌ឡើងវិញ
ប្រធានាធិបតីអ៊ុយក្រែន លោក វ្ល៉ូឌីមី ហ្សេឡិនស្គី (Volodymyr Zelenskiy) បាននិយាយកាលពីថ្ងៃអាទិត្យ (១១ សីហា) ថា អ៊ុយក្រែនបានបើកការវាយលុកចូលទឹកដីរុស្ស៊ី ដើម្បី «ស្តារយុត្តិធម៌» និងដាក់សម្ពាធលើកងកម្លាំងរបស់ទីក្រុងមូស្គូ នៅក្នុងការទទួលស្គាល់ជាសាធារណៈលើកដំបូងរបស់ខ្លួនចំពោះប្រតិបត្តិការដ៏គួរឱ្យភ្ញាក់ផ្អើលរបស់ទីក្រុងគីវ នៅតំបន់ ឃើស្ក៍ (Kursk) ភាគខាងលិច។ កងកម្លាំងរបស់ទីក្រុងមូស្គូ កាលពីថ្ងៃអាទិត្យ គឺស្ថិតនៅក្នុងថ្ងៃទីប្រាំមួយនៃការប្រយុទ្ធដ៏ខ្លាំងក្លារបស់ពួកគេប្រឆាំងនឹងការលុកលុយដ៏ធំបំផុតរបស់ទីក្រុងគីវ ចូលទៅក្នុងទឹកដីរុស្ស៊ី ចាប់តាំងពីការចាប់ផ្តើមនៃសង្រ្គាម ដែលបានធ្វើឱ្យផ្នែកភាគនិរតីរបស់រុស្ស៊ីងាយរងគ្រោះ មុនពេលកងកម្លាំងពង្រឹងបានចាប់ផ្តើមទៅដល់។ លោក Zelenskiy បាននិយាយថា «អ៊ុយក្រែន កំពុងបង្ហាញថាខ្លួនពិតជាអាចស្តារយុត្តិធម៌ឡើងវិញ និងកំពុងធានានូវប្រភេទនៃសម្ពាធពិតប្រាកដដែលត្រូវការនៅក្នុងសង្រ្គាម»។ អាជ្ញាធររុស្ស៊ី បានប្រញាប់ប្រញាល់ជម្លៀសអ្នកស្រុក និងដាក់របបសន្តិសុខយ៉ាងទូលំទូលាយនៅក្នុងតំបន់ព្រំដែនចំនួនបីកាលពីថ្ងៃសៅរ៍ បន្ទាប់ពីការវាយប្រហារដែលអ្នកវិភាគយោធានិយាយថា ធ្វើឱ្យវិមានក្រឹមឡាំងត្រៀមខ្លួនមិនទាន់។ បេឡារុស ដែលជាសម្ព័ន្ធមិត្តដ៏រឹងមាំរបស់ទីក្រុងមូស្គូ ក៏បានបញ្ជូនកងទ័ពបន្ថែមទៀតទៅកាន់ព្រំដែនរបស់ខ្លួនជាមួយអ៊ុយក្រែន ដោយចោទប្រកាន់ទីក្រុងគីវ ពីបទរំលោភលើដែនអាកាសរបស់ខ្លួន។ នៅក្នុងសេចក្តីថ្លែងការណ៍មួយកាលពីថ្ងៃអាទិត្យ ក្រសួងការពារជាតិរុស្ស៊ីបានហៅការលុកលុយជើងគោកនេះថា «ព្រៃផ្សៃ» ហើយបាននិយាយថា ប្រតិបត្តិការនោះពុំមានប្រយោជន៍អ្វីឡើយ៕
-
ក្រុមយុវជនខ្មែរកំពុងរស់នៅ និងរៀននៅប្រទេសកូរ៉េ និងជប៉ុនចេញមុខគាំទ្រគម្រោងតំបន់ត្រីកោណ CLV សិស្សានុសិស្ស និងយុវជន យុវនារីខ្មែរ ដែលកំពុងរស់នៅ និងធ្វើការសិក្សានៅប្រទេសកូរ៉េ និងជប៉ុន បានចេញវិដេអូឃ្លីបប្រកាសគាំទ្ររាជរដ្ឋាភិបាលកម្ពុជា លើគម្រោងកិច្ចសហប្រតិ បត្តិការអភិវឌ្ឍន៍តំបន់ត្រីកោណ កម្ពុជា ឡាវ វៀតណាម ដែលហៅកាត់ថា CLV DTA ដោយពួកគេចាត់ទុកដាគម្រោងនេះនឹងផ្តល់ផលប្រយោជន៍ជូនជាតិ និងប្រជាជនកម្ពុជាកាន់តែល្អប្រសើរបន្ថែមទៀតតាមរយៈការតភ្ជាប់ផ្នែកហេដ្ឋារចនា សម្ព័ន្ធ និងការអភិវឌ្ឍ ដទៃទៀតនោះ។
ក្រុមយុវជនខ្មែរកំពុងរស់នៅ និងរៀននៅប្រទេសកូរ៉េ និងជប៉ុនចេញមុខគាំទ្រគម្រោងតំបន់ត្រីកោណ CLV សិស្សានុសិស្ស និងយុវជន យុវនារីខ្មែរ ដែលកំពុងរស់នៅ និងធ្វើការសិក្សានៅប្រទេសកូរ៉េ និងជប៉ុន បានចេញវិដេអូឃ្លីបប្រកាសគាំទ្ររាជរដ្ឋាភិបាលកម្ពុជា លើគម្រោងកិច្ចសហប្រតិ បត្តិការអភិវឌ្ឍន៍តំបន់ត្រីកោណ កម្ពុជា ឡាវ វៀតណាម ដែលហៅកាត់ថា CLV DTA ដោយពួកគេចាត់ទុកដាគម្រោងនេះនឹងផ្តល់ផលប្រយោជន៍ជូនជាតិ និងប្រជាជនកម្ពុជាកាន់តែល្អប្រសើរបន្ថែមទៀតតាមរយៈការតភ្ជាប់ផ្នែកហេដ្ឋារចនា សម្ព័ន្ធ និងការអភិវឌ្ឍ ដទៃទៀតនោះ។ តាមរយៈវិអូឃ្លីបរបស់បងប្អូនជានិស្សិត និងយុវជនយុវនារីខ្មែរ ដែលបានចេញជាបន្តបន្ទាប់ដាច់ ដោយឡែកពីគ្នានេះ បានលើកឡើងថា កិច្ចសហប្រតិបត្តិការអភិវឌ្ឍន៍តំបន់ត្រីកោណកម្ពុជា ឡាវ និងវៀតណាមនេះ គឺបានធ្វើឡើងក្រោមខណ្ឌរបស់រាជរដ្ឋាភិបាលនៃប្រទេសទាំងបី ដើម្បីតែអភិវឌ្ឍន៍សេដ្ឋកិច្ច និងហេដ្ឋារចនាសម្ព័ន្ធ សុខាភិបាល អប់រំ ការពារសន្តិសុខ និងការគ្រប់គ្រងគ្រោះមហន្តរាយជាដើម ដូច្នេះពួក គេសូមគាំទ្រជានិច្ចចំពោះគម្រោងនេះ ដើម្បីផលប្រយោជន៍របស់ប្រជាជនកំពុងរស់នៅតំបន់នោះឲ្យកាន់ តែរីកចម្រើនបន្ថែមទៀត។ សូមបញ្ជាក់ថា កិច្ចសហប្រតិបត្តិការតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម គឺជាគំនិតផ្តួចផ្តើមដំបូងរបស់កម្ពុជាក្នុងឆ្នាំ១៩៩៩ ដែលពេលនោះមាន សម្តេចតេជោ ជានាយករដ្ឋមន្ត្រី ក្នុងគោលបំណងជំរុញសមាហរណកម្មខេត្តជាប់ព្រំដែន នៃប្រទេសទាំងបី កម្ពុជា-ឡាវ- វៀតណាម ដោយធ្វើយ៉ាងណាប្រែក្លាយព្រំដែននេះ ទៅជាព្រំដែនមិត្តភាព…
-
អ៊ុយក្រែននិងរុស្ស៊ីចោទដាក់គ្នា ជុំវិញការបាញ់ប្រហារលើរោងចក្រនុយក្លេអ៊ែរកាន់កាប់ដោយក្រុងមូស្គូ
ទីក្រុងមូស្គូ និងទីក្រុងគៀវ បានចោទប្រកាន់ដាក់គ្នាទៅវិញទៅមក ថាបានចាប់ផ្ដើមបាញ់លើមូលដ្ឋានរោងចក្រថាមពលនុយក្លេអ៊ែរ ហ្សាប៉ូរីសស៊ៀ (Zaporizhzhia) ដែលកាន់កាប់ដោយរុស្ស៊ីកាលពីថ្ងៃអាទិត្យ ខណៈអ៊ុយក្រែន បានជំរុញឱ្យអ្នកស្រុករក្សាភាពស្ងប់ស្ងាត់ និងរាយការណ៍ថាមិនមានសញ្ញានៃការភាយចេញសារធាតុវិទ្យុសកម្មនោះទេ។ ទីភ្នាក់ងារឃ្លាំមើលថាមពលបរមាណូអន្តរជាតិ (IAEA) របស់អង្គការសហប្រជាជាតិ ដែលមានវត្តមាននៅរោងចក្ររ៉េអាក់ទ័រចំនួនប្រាំមួយដ៏ធំនោះ បាននិយាយថា ក្រុមអ្នកជំនាញរបស់ខ្លួនបានឃើញផ្សែងខ្មួលខ្មាញ់ហុយចេញពីតំបន់ភាគខាងជើងនៃរោងចក្រនេះស្ថិតនៅភាគខាងត្បូងប្រទេសអ៊ុយក្រែន បន្ទាប់ពីមានការផ្ទុះជាច្រើន។ លោកប្រធានាធិបតីអ៊ុយក្រែនVolodymyr Zelensky បានចោទប្រកាន់រុស្ស៊ីពីបទបាញ់បំផ្លាញដែលលោកបាននិយាយថា អាចមើលឃើញពីទីក្រុង Nikopol គ្រប់គ្រងដោយរដ្ឋធានី Kyiv។ លោក អ៊ីវហ្គេនី បាលីតស្គី (Evgeny Balitsky) មន្ត្រីលើកបន្តុបដោយរុស្ស៊ីនៅភាគខាងត្បូង ដែលខ្លួនបានកាន់កាប់ បានចោទប្រកាន់កងកម្លាំងក្រុងKyiv ថាបានបង្កឱ្យមានអគ្គិភ័យដោយសារតែការបាញ់ផ្លោងទីក្រុង អ៊ីណើហូដា (Enerhodar) ក្បែរនោះ ដែលដូចជារោងចក្រនេះ ត្រូវបានដណ្ដើមយកដោយរុស្ស៊ីភ្លាមៗ បន្ទាប់ពីការលុកលុយកាលពីខែកុម្ភៈឆ្នាំ ២០២២។ IAEA បាននិយាយនៅលើបណ្ដាញសង្គម X ថា ពុំមានរបាយការណ៍ប៉ះពាល់ដល់សុវត្ថិភាពនុយក្លេអ៊ែរនៅកន្លែងនោះទេ៕
-
សម្ដេចធិបតី ហ៊ុន ម៉ាណែត ណែនាំឲ្យរដ្ឋមន្ត្រីក្រសួងធនធានទឹកជ្រើសរើសពលរដ្ឋនៅ មូលដ្ឋានចូលធ្វើការក្នុងការដ្ឋានសំណង់ទំនប់កំពង់គោ និងទំនប់ស្ទឹងស្លាប់
តាមរយៈ Telegram នៅព្រឹកថ្ងៃទី១២ ខែសីហា ឆ្នាំ២០២៤នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានណែនាំទៅឯកឧត្តម រដ្ឋមន្ត្រីក្រសួងធនធានទឹក សូមឱ្យផ្តល់ការយកចិត្តទុកដាក់ក្នុងការជ្រើសរើសប្រជាពលរដ្ឋដែលស្ម័គ្រចិត្តនៅមូលដ្ឋាន ដើម្បីចូលធ្វើការនៅក្នុងការដ្ឋានសំណង់ទំនប់ស្ទាក់ទឹកទាំងពីរ (ទំនប់កំពង់គោ និងទំនប់ស្ទឹងស្លាប់)។ សម្ដេចធិបតី នាយករដ្ឋមន្ត្រីបានបញ្ជាក់ថា នៅក្នុងដំណើរចុះត្រួតពិនិត្យក្នុងតំបន់ទឹកជំនន់មួយចំនួនកាលពីចុងសប្ដាហ៍កន្លងទៅសម្ដេចបានជួបជាមួយលោកពូម្នាក់ និងក្មួយស្រីរបស់គាត់ដោយចៃដន្យពេលចុះពីលើទូក។ សម្ដេចបានអរគុណពូ និងប្អូនស្រី ដែលបានអញ្ជើញសម្ដេច និងក្រុមការងារចូលលេងក្នុងផ្ទះ ដែលផ្ដល់ឱកាសឱ្យសម្ដេចបានជជែកលេងជាមួយ និងបានសួរនាំអំពីស្ថានភាពទឹក ក៏ដូចជាការប្រកបរបរចិញ្ចឹមជីវិតរបស់ប្រជាពលរដ្ឋនៅទីនេះក្នុងពេលបច្ចុប្បន្ន និងពីមុនមក។ ជាមួយគ្នានោះ សម្ដេចធិបតី ហ៊ុន ម៉ាណែត ក៏បានជម្រាបជូនគាត់អំពីផែនការមួយចំនួនរបស់រាជរដ្ឋាភិបាលដែលពាក់ព័ន្ធនឹងភូមិស្រុករបស់គាត់រួមទាំងការកសាងទំនប់ស្ទាក់ទឹកកំពង់គោ ដែលនៅជិតនោះ ក៏ដូចគម្រោងធ្វើឱ្យប្រសើរឡើងនូវផ្លូវឆ្លងកាត់ភូមិរបស់គាត់នៅពេលខាងមុខ។ សម្ដេចធិបតីបានបញ្ជាក់ថា សម្ដេចបានផ្តល់គោលការណ៍ទៅឯកឧត្តម រដ្ឋមន្ត្រីក្រសួងធនធានទឹក សូមឱ្យផ្តល់ការយកចិត្តទុកដាក់ក្នុងការជ្រើសរើសប្រជាពលរដ្ឋដែលស្ម័គ្រចិត្តនៅមូលដ្ឋាន ដើម្បីចូលធ្វើការនៅក្នុងការដ្ឋានសំណង់ទំនប់ស្ទាក់ទឹកទាំងពីរ (ទំនប់កំពង់គោ និងទំនប់ស្ទឹងស្លាប់)។ សូមជម្រាបជូនថា កាលពីថ្ងៃទី១០ខែសីហា ឆ្នាំ២០២៤ កន្លងទៅ សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញចុះត្រួតពិនិត្យតំបន់លិចទឹកដោយទឹកជំនន់នៅឃុំកំពង់គោ ស្រុកកំពង់ស្វាយ ព្រមទាំងពិនិត្យការដ្ឋានសាងសង់ទំនប់ទឹកកំពង់គោ និងការដ្ឋានសាងសង់ទំនប់ស្ទាក់ទឹកស្ទឹងស្លាប់ នៅឃុំត្បូងក្រពើ…
-
សម្តេច ម៉ែន សំអន ជួបសំណេះសំណាល និងបើកប្រាក់ឧបត្ថម្ភគោលនយោបាយជូនដល់យោធិនសោធននិវត្តន៍គណៈយុទ្ធមិត្ត ចំនួន ៦៦៧នាក់
កាលពីព្រឹកថ្ងៃទី៨ ខែសីហា ឆ្នាំ២០២៤ សម្តេចកិត្តិសង្គហបណ្ឌិត ម៉ែន សំអន ឧត្តមក្រុមប្រឹក្សាផ្ទាល់ព្រះមហាក្សត្រ និងជាប្រធានគណៈយុទ្ធមិត្តជំនាន់បម្រើកងទ័ពឆ្នាំ១៩៧៨ តំណាងដ៏ខ្ពង់ខ្ពស់សម្តេចអគ្គមហាសេនាបតី តេជោ ហ៊ុន សែន ប្រធានកិតិ្តយស គណៈយុទ្ធមិត្តបម្រើទ័ពឆ្នាំ១៩៧៨ បានអញ្ជើញជាអធិបតីក្នុងពិធី ជួបសំណេះសំណាល និងបើកប្រាក់ឧបត្ថម្ភគោលនយោបាយមួយលើកដំបូងជូនដល់យោធិនសោធននិវត្តន៍គណៈយុទ្ធមិត្ត មកពី១៨ រាជធានី-ខេត្ត សរុបមានចំនួន ៦៦៧នាក់ នៅបញ្ជាការដ្ឋានកងរាជអាវុធហត្ថខេត្តស្វាយរៀង។ តាមរបាយការណ៍សង្ខេបរបស់ ឯកឧត្តម ឧត្តមសេនីយ៍ឯក សំ ចាន់ធួន អគ្គនាយករង ទទួលបន្ទុកការងារគោលនយោបាយ ក្រសួងការពារជាតិ និងជាប្រធានអនុគណៈកម្មការគោលនយោបាយ។ អំពីវឌ្ឍនភាពការងារដោះស្រាយគោលនយោបាយរបស់កងយោធពលខេមរភូមិន្ទ នាពេលកន្លងមកដោយបានផ្ទេរចេញនៅចំនួនយោធិនពលី-មរណះ ពិការ និងសោធននិវត្តន៏ ដើម្បីអោយស្ថិត នៅក្រោមការគ្រប់គ្រង និងទទួលគោលរបបបន្ត នៅក្រសួងសង្គមកិច្ច អតីតយុទ្ធជន និងយុវនិតិសម្បទា។ ដោយឡែកការបើកប្រាក់ឧបត្ថម្ភគោលនយោបាយនៅពេលនេះ គឺអនុវត្ត តាមព្រះរាជក្រមលេខ០៧ ,អនុក្រិត្យលេខ១១៥ .អនុក្រិត្យលេខ១០១ និងប្រកាសលេខ០៥៦ ស្តីពីយោធិនសោធននិវត្តន៍ ត្រូវទទួលបានប្រាក់ឧប្ថម្ភគោលនយោបាយមួយលើកដំបូងស្មើ ៨ខែ នៃប្រាក់បៀវត្សមូលដ្ឋានចុងក្រោយ បូករួមទាំងប្រាក់ប្រុងប្រៀបជីវភាពរស់នៅចំនួន ២០៦០០០រៀល តាមប្រកាសអន្តរក្រសួងលេខ១៣០។ ឯកឧត្តមបានបន្តទៀតថា…