Author: Dol Pheakdey

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានថ្កោលទោសចំពោះការប្រើប្រាស់អំពើហិង្សារបស់ភាគីថៃមកលើប្រជាពលរដ្ឋស៊ីវិលស្លូតត្រង់កម្ពុជានៅភូមិព្រៃចាន់ នាល្ងាចថ្ងៃទី១២ ខែវិច្ឆិកា ឆ្នាំ ២០២៥ នេះ ដែលបណ្តាលឱ្យប្រជាពលរដ្ឋស៊ីវិលស្លូតត្រង់កម្ពុជារបួស៣នាក់ និងស្លាប់បាត់បង់ជីវិត ១នាក់។ ទង្វើនេះ គឺផ្ទុយទៅនឹងស្មារតីមនុស្សធម៌ ក៏ដូចជាការឯកភាពគ្នាកន្លងមកក្នុងការដោះស្រាយបញ្ហាព្រំដែនដោយសន្តិវិធី ជាពិសេស ការឯកភាពឱ្យយន្តការ គណៈកម្មាការចម្រុះព្រំដែន (JBC) ចុះវាស់វែង និងបោះបង្គោលបណ្តោះអាសន្ន និងត្រូវរក្សាស្ថានភាពដើម ដដែលរហូតដល់ការវាស់វែងត្រូវបានបញ្ចប់ និងរង់ចាំការសម្រេចដោយ JBC។ សម្តេចធិបតីសូមឱ្យភាគីថៃបញ្ឈប់ជាបន្ទាន់នូវការប្រើប្រាស់កម្លាំងមកលើប្រជាពលរដ្ឋស៊ីវិលស្លូតត្រង់កម្ពុជានៅភូមិព្រៃចាន់ ក៏ដូចជាការប្រើប្រាស់កម្លាំងក្នុងការដោះស្រាយបញ្ហាព្រំដែនរវាងប្រទេសទាំងពីរ។ សូមឱ្យមានការបើកការស៊ើបអង្កេតដោយឯករាជ្យលើករណីនេះ និងសូមអំពាវនាវឱ្យមានការចូលរួមពីភាគីបរទេសដែលមានជំនាញ ដើម្បីស្វែងរកការពិត និងផ្តល់យុត្តិធម៌ជូនប្រជាពលរដ្ឋដែលរងគ្រោះដោយសារការបាញ់ប្រហារនេះ។ ជាមួយគ្នានេះ សម្តេចធិបតីសូមឱ្យអាជ្ញាធរដែនដី និងគ្រប់កងកម្លាំងសមត្ថកិច្ចទាំងអស់ចាត់វិធានការជាបន្ទាន់ ក្នុងការការពារប្រជាពលរដ្ឋរបស់យើង ជាពិសេសត្រូវគិតគូរលើសុវត្ថិភាព និងអាយុជីវិតរបស់ពួកគាត់ ឱ្យបានជាដាច់ខាត។ កម្ពុជានៅរក្សាជំហរក្នុងការដោះស្រាយបញ្ហាដោយសន្តិវិធី ស្របតាមស្មារតីនៃសេចក្តីថ្លែងការណ៍រួមទីក្រុងគូឡាឡាំពួ នៅថ្ងៃទី ២៦ ខែតុលា ឆ្នាំ២០២៥ ដើម្បីឈានទៅដល់ការបញ្ចប់ជម្លោះ និងកសាងសន្តិភាពរវាងប្រទេសទាំងពីរ៕

ប្រធានាធិបតីសហរដ្ឋអាមេរិកលោក Donald Trump និយាយថា លោកកំពុងពិចារណាការយល់ព្រមលើកិច្ចព្រមព្រៀង ដើម្បីផ្គត់ផ្គង់យន្តហោះចម្បាំងបំបាំងកាយ F-35 ដល់ប្រទេសអារ៉ាប៊ីសាអ៊ូឌីត ដែលផលិតឡើងដោយក្រុមហ៊ុន Lockheed Martin LMT.N ។ លោក Trumpនិយាយប្រាប់ក្រុមអ្នកសារព័ត៌មានពេលឡើងលើយន្តហោះ Air Force One ថា ពួកគេចង់ទិញយន្តហោះចម្បាំងច្រើនណាស់ ។ លោកនឹងពិនិត្យមើលវា ពួកគេបានស្នើសុំលោកឲ្យពិនិត្យមើលវា ពួកគេចង់ទិញយន្តហោះចម្បាំង F-35 ច្រើនគ្រឿងណាស់ ពួកគេពិតជាចង់ទិញនូវយន្តហោះចម្បាំងច្រើនមែន ។ ការលក់យន្តហោះចម្បាំងដ៏មានសក្តានុពលនេះ បានកើតមានឡើង ពេលដែលលោក Trumpគ្រោងនឹងទទួលធ្វើជាម្ចាស់ផ្ទះរជ្ជទាយាទអារ៉ាប៊ីសាអ៊ូឌីតព្រះអង្គម្ចាស់ Mohammed bin Salman នៅឯសេតវិមាននៅសប្តាហ៍ក្រោយ ពេលដែលគេរំពឹងថា អ្នកទាំង ២ នឹងចុះហត្ថលេខាលើកិច្ចព្រមព្រៀងសេដ្ឋកិច្ច និងកិច្ចព្រមព្រៀងការពារជាតិ ។ ពេលសួរពីជំនួបមួយនេះ លោក Trumpនិយាយថា វាលើសពីការជួបគ្នា ពួកយើងនឹងផ្តល់កិត្តិយសដល់អារ៉ាប៊ីសាអ៊ូឌីត ។ លោក Trumpនិយាយទៀតថា លោកសង្ឃឹមថា ក្នុងពេលដ៏ខ្លីខាងមុខនេះ អារ៉ាប៊ីសាអ៊ូឌីត នឹងចូលរួមកិច្ចព្រមព្រៀង Abrahamដែលធ្វើឲ្យទំនាក់ទំនងរវាងអ៊ីស្រាអែល…

សាធារណរដ្ឋប្រជាធិបតេយ្យកុងហ្គោ និងក្រុមឧទ្ទាម M23 បានចុះហត្ថលេខាលើកិច្ចព្រមព្រៀងគោលសម្រាប់កិច្ចព្រមព្រៀងសន្តិភាពដែលមានបំណងបញ្ចប់ការប្រយុទ្ធគ្នានៅភាគខាងកើតកុងហ្គោ ។ កិច្ចព្រមព្រៀងនេះ ត្រូវបានចុះហត្ថលេខាកាលពីថ្ងៃសៅរ៍ ដោយក្រុមអ្នកតំណាងមកពីភាគីទាំង ២ នៅក្នុងពិធីមួយរៀបចំឡើងនៅប្រទេសកាតា ។ ទីប្រឹក្សាជាន់ខ្ពស់របស់លោកប្រធានាធិបតីសហរដ្ឋអាមេរិក Donald Trumប្រចាំនៅអាហ្វ្រិក និងតំបន់មជ្ឈិមបូព៌ាលោក Massad Boulos បានព្រមានថា ការអត់ធ្មត់ត្រូវការជាចាំបាច់ ។ លោកនិយាយថា ពួកយើងត្រូវតែអនុញ្ញាតឲ្យមានពេលវេលា ពួកយើងត្រូវតែផ្តល់ឱកាសសម្រាប់ភាគីពាក់ព័ន្ធ ដើម្បីធ្វើការឆ្លងកាត់យន្តការទាំងអស់នេះ ។ គួរឲ្យដឹងថា ក្រុមឧទ្ទាម M23 ដណ្តើមបានកាន់កាប់ទីក្រុង Goma ដែលជាទីក្រុងធំបំផុតស្ថិតនៅភាគខាងកើតកុងហ្គោ កាលពីខែមករាកន្លងទៅ នៅក្នុងការប្រយុទ្ធគ្នាមួយត្រូវបានគាំទ្រដោយប្រទេសរ៉្វាន់ដា ។ ពួកគេបន្តគ្រប់គ្រងតំបន់ជាច្រើនទៀតនៅទូទាំងខេត្ត North Kivu និងខេត្ត South Kivu ។ ប្រទេសរ៉្វាន់ដា បានច្រានចោលជាយូរមកហើយថា ពួកគេពុំបានជួយក្រុមឧទ្ទាម M23នោះទេ ៕

កៀវ ៖ សមាជិករបស់ណាតូ ចំនួន៨ប្រទេស នឹងចេញលុយចំនួន ៤៣០លានអឺរ៉ូ ឬ ៥០០លានដុល្លារ យកទៅទិញអាវុធឲ្យអ៊ុយក្រែន នេះបើយោងតាមការចេញផ្សាយ របស់សារព័ត៌មាន RT កាលពីថ្ងៃសៅរ៍។ អគ្គលេខាធិការអង្គការ ណាតូ លោក Mark Rutte បានឲ្យដឹងថា សមាជិក ទាំងនោះ រួមមាន ប្រទេសដាណឺម៉ាក អេស្តូនី ហ្វាំងឡង់ អ៊ីស្លង់ ឡាតវី លីទុយអានី ន័រវេស និងស៊ុយអែត។ ពួកគេនឹងផ្តល់ហិរញ្ញប្បទានដល់កញ្ចប់ តាមរយៈកម្មវិធីបញ្ជីតម្រូវការអ៊ុយក្រែនជាអាទិភាព។ កម្មវិធីនេះត្រូវបានអនុម័ត កាលពីខែកញ្ញា ដោយអនុញ្ញាតឱ្យក្រុងវ៉ាស៊ីនតោនផ្គត់ផ្គង់សព្វាវុធដល់ទីក្រុងគៀវ ខណៈដែលសមាជិកអឺរ៉ុប ជាអ្នករ៉ាប់រងលើការចំណាយ។ ប្រធានាធិបតីអាមេរិក លោក Donald Trump បានរិះគន់អ្នកកាន់តំណែងមុន គឺ លោក Joe Biden សម្រាប់ការផ្តល់កញ្ចប់ជំនួយយោធាដ៏ធំ ហើយបានពណ៌នាលោក Zelensky ថា ជា «អ្នកលក់ដ៏អស្ចារ្យបំផុតនៅលើផែនដី»។ លោកក៏បានទទូចឲ្យសមាជិកណាតូ នៅអឺរ៉ុបទទួលបន្ទុកចម្បង ក្នុងការគាំទ្រអ៊ុយក្រែន។…

(ភ្នំពេញ)៖ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន នៅយប់ថ្ងៃទី១៥ ខែវិច្ឆិកា ឆ្នាំ២០២៥ បានអញ្ជើញដឹកនាំគណៈប្រតិភូកម្ពុជា ដើម្បីចូលរួមក្នុងសន្និសីទកំពូលបណ្តារដ្ឋភាគីលើកទី៣០ នៃអនុសញ្ញាក្របខណ្ឌសហប្រជាជាតិស្ដីពីការប្រែប្រួលអាកាសធាតុ ដែលកំពុងរៀបចំឡើង ។ អញ្ជើញជូនដំណើរ របស់ឯកឧត្តមរដ្ឋមន្រ្តី និងគណៈប្រតិភូកម្ពុជា មានក្នាក់ដឹកនាំក្រសួងបរិស្ថានមួយចំនួនផងដែរ ។ ក្នុងអំឡុងពេលស្នាក់នៅ និងចូលរួមប្រជុំ ឯកឧត្តមរដ្ឋមន្រ្តីនឹងអញ្ជើញធ្វើសេចក្តីថ្លែងការណ៍រួម របស់ព្រះរាជាណាចក្រកម្ពុជានៅក្នុងវេទិការអង្គការសហប្រជាជាតិ ស្តីពីការប្រែប្រួលអាកាសធាតុ ដើម្បីបញ្ជាក់អំពីគោលជំហររាជរដ្ឋាភិបាលកម្ពុជា និងការចូលរួមជាមួយសហគមន៍អន្តរជាតិឆ្លើយតបនឹងការប្រែប្រួលអាកាសធាតុសកល ដោយកាត់បន្ថយការបញ្ចេញឧស្ម័នផ្ទះកញ្ជក់ ៥៥% នៅឆ្នាំ២០៣៥ ។ ឯកឧត្តមបណ្ឌិត អ៊ាង សុផល្លែត និង ប្រតិភូកម្ពុជា ក៏នឹងអញ្ជើញចូលរួមក្នុងកិច្ចប្រជុំនានាជាច្រើន រួមទាំងទទួលជួបជាមួយថ្នាក់ដឹកនាំ នៃបណ្តាប្រទេសជាមិត្តនានា ដៃគូអន្តរជាតិ និងទីភ្នាក់ងារអភិវឌ្ឍន៍ ដើម្បីពង្រឹង និង ពង្រីកកិច្ចសហប្រតិបត្តិការជាសាកល ដើម្បីដោះស្រាយបញ្ហការប្រែប្រួលអាកាសធាតុ ។ សូមបញ្ជាក់ថា កិច្ចប្រជុំ COP30 បានប្រមូលផ្តុំជាថ្នាក់ដឹកនាំប្រទេស ប្រមុខរដ្ឋ ប្រមុខរាជរដ្ឋាភិបាល និងរដ្ឋាភិបាល ទីភ្នាក់ងារអភិវឌ្ឍន៍ អង្គការអន្តរជាតិ អ្នកតំតំណាង អ្នកសិក្សាស្រាវជ្រាវ…

បេរូត ៖ ប្រទេស លីបង់ បាននិយាយ កាលពីថ្ងៃសៅរ៍ ថា ខ្លួននឹងដាក់ពាក្យបណ្តឹងទៅក្រុមប្រឹក្សាសន្តិសុខ អង្គការសហប្រជាជាតិ ជុំវិញការសាងសង់ជញ្ជាំងបេតុងរបស់អ៊ីស្រាអែល តាមបណ្តោយព្រំដែនភាគខាងត្បូង ព្រោះថា បានលាតសន្ធឹងហួសពីខ្សែបន្ទាត់ពណ៌ខៀវ ដែលកំណត់ដោយអង្គការសហប្រជាជាតិ។ យោងតាមការចេញផ្សាយ របស់សារព័ត៌មាន CNA, ខ្សែបន្ទាត់ពណ៌ខៀវសម្គាល់ព្រំដែនបំបែក លីបង់ ពី អ៊ីស្រាអែល និង តំបន់ Golan Heights ដែលអ៊ីស្រាអែលកាន់កាប់។ កងកម្លាំងអ៊ីស្រាអែលបានដកថយទៅកាន់ខ្សែបន្ទាត់នេះ នៅពេលដែលពួកគេបានចាកចេញពីប្រទេសលីបង់ ភាគខាងត្បូង ក្នុងឆ្នាំ២០០០។ ប្រធានាធិបតីលីបង់ បាននិយាយថា ការសាងសង់កំពុងបន្តរំលោភលើអធិបតេយ្យភាព របស់ប្រទេសលីបង់ និងរំលោភលើដំណោះស្រាយ ក្រុមប្រឹក្សាសន្តិសុខអង្គការសហប្រជាជាតិ លេខ១៧០១ ដែលបានបញ្ចប់សង្រ្គាមឆ្នាំ២០០៦ រវាងអ៊ីស្រាអែល និង ក្រុមហេសបូឡា។ អ្នកនាំពាក្យអង្គការសហប្រជាជាតិ លោក Stephane Dujarric បាននិយាយ កាលពីថ្ងៃសុក្រថា ជញ្ជាំងបានធ្វើឱ្យដីលីបង់ជាង ៤,០០០ ម៉ែត្រការ៉េ មិនអាចចូលទៅដល់បាន សម្រាប់អ្នកស្រុក ហើយអះអាងថា កងកម្លាំងបណ្តោះអាសន្នរបស់អង្គការសហប្រជាជាតិ នៅក្នុងប្រទេសលីបង់…

បូហ្គោតា ៖ ប្រទេស កូឡុំប៊ី បានចុះហត្ថលេខាលើកិច្ចព្រមព្រៀង ចំណាយប្រាក់ ៤.៣ពាន់លានដុល្លារ ដើម្បីទិញយន្តហោះចម្បាំងស៊ុយអែត ចំពេលដែលមានភាពតានតឹង ជាមួយអាមេរិក។ លោក Gustavo Petro ប្រធានាធិបតីកូឡុំប៊ី បានបញ្ជាក់ កាលពីថ្ងៃសុក្រ ថា ប្រទេសនេះបានសម្រេចទិញយន្តហោះ Gripen ចំនួន១៧គ្រឿង ពីក្រុមហ៊ុន Saab។ លោកបញ្ជាក់ថា យន្តហោះថ្មីទាំងនេះនឹងត្រូវប្រើប្រាស់ ដើម្បីរារាំងការឈ្លានពានណាមួយ ប្រឆាំងនឹងប្រទេសកូឡុំប៊ី ចេញពីគ្រប់ទីកន្លែង។ លោក Petro គឺជាអ្នករិះគន់ ដោយឥតសំចៃមាត់ ចំពោះលោក Trump ខណៈដែលមេដឹកនាំអាមេរិករូបនេះ បានហៅលោក Petro ថា ជាមេដឹកនាំគ្រឿងញៀនខុសច្បាប់ ដោយសារតែកម្រិតខ្ពស់ នៃការផលិតកូកាអ៊ីន នៅប្រទេសកូឡុំប៊ី។ លោក Trump ថែមទាំងដកជំនួយហិរញ្ញវត្ថុ របស់សហរដ្ឋអាមេរិក ពីប្រទេសកូឡុំប៊ី ហើយបានដកចេញពីបញ្ជី ប្រទេសសម្ព័ន្ធមិត្ត ក្នុងការប្រយុទ្ធប្រឆាំងនឹងការជួញដូរគ្រឿងញៀន។ កូឡុំប៊ី និង ភាគច្រើន នៃតំបន់អាមេរិកឡាទីន កំពុងតែតានតឹង ដោយសារតែការវាយប្រហារ…

MC. ហាណូយ ៖ វៀតណាមបាននាំចេញបន្លែ និង ផ្លែឈើ តម្លៃ ៤.០៦ពាន់លានដុល្លារ ទៅកាន់ប្រទេសចិន ត្រឹមរយៈពេល ៩ខែដំបូង នៃ ឆ្នាំ២០២៥ កើនឡើង ១៩% ធៀបនឹងរយៈពេលដូចគ្នា កាលពីឆ្នាំមុន។ យោងតាមការចេញផ្សាយ របស់សារព័ត៌មាន VNexpress កាលពីថ្ងៃពុធ, ទិន្នន័យគយចិន បានបង្ហាញថា ធុរេន និងចេក គឺជាផលិតផល ដែលជំរុញខ្លាំងជាងគេ ក្នុងនោះ ទុរេននាំចេញ មានតម្លៃ រហូតដល់ ២,៣ពាន់លានដុល្លារ។ រីឯ ចេកនាំទៅចិនវិញ មានទំហំទឹកប្រាក់ ២៣២លានដុល្លារ កើនឡើង ១៦ភាគរយ។ ផ្លែចេកវៀតណាម មានការពេញនិយមពីសំណាក់អ្នកនាំចូលនៅប្រទេសចិន ជាពិសេស តាមខេត្តនៅជិតព្រំដែន ដូចជា ខេត្តក្វាងស៊ី និងក្វាងទុង ដែលអ្នកទទួលទាន ចូលចិត្តផលិតផលស្រស់ៗ និង មានតម្លៃសមរម្យ។ ត្រង់ចំណុចនេះ លោក Dang Phuc Nguyen អគ្គលេខាធិការ…

សម្តេចធិបតី៖ ឯកឧត្តមប្រធានាធិបតី Trump បានគូសបញ្ជាក់ជំហរយ៉ាងច្បាស់លាស់ថា ឯកឧត្តមចង់ឃើញសន្តិភាពស្ថិតស្ថេររវាងកម្ពុជា និងថៃ   សម្តេចធិបតី ហ៊ុន ម៉ាណែត៖ «នាយប់ថ្ងៃទី១៤ ខែវិច្ឆិកា ឆ្នាំ២០២៥ ខ្ញុំបានជួបពិភាក្សាតាមទូរសព្ទជាមួយ ឯកឧត្តម Donald J. Trump ប្រធានាធិបតីនៃសហរដ្ឋអាមេរិក ដើម្បីពិភាក្សាអំពីការវិវត្តសភាពការណ៍តាមបណ្តោយព្រំដែនកម្ពុជា-ថៃ ក្នុងគោលបំណងបន្តជំរុញការអនុវត្តកិច្ចព្រមព្រៀងសន្តិភាពរវាងកម្ពុជានិងថៃ។ តាងនាមប្រជាពលរដ្ឋកម្ពុជា ខ្ញុំបានថ្លែងអំណរគុណ ឯកឧត្ដមប្រធានាធិបតី Trump ដែលបានផ្តួចផ្តើមនិងសម្របសម្រួលឱ្យមានបទឈប់បាញ់រវាងកម្ពុជា-ថៃកន្លងមក និងសម្រេចបាននូវសេចក្ដីថ្លែងការណ៍រួមទីក្រុងគូឡាឡាំពួរ ដើម្បីស្វែងរកសន្តិភាពយូរអង្វែងសម្រាប់កម្ពុជា និងថៃ។ ខ្ញុំក៏បានបញ្ជាក់ជាថ្មីអំពីការប្រកាន់ខ្ជាប់យ៉ាងម៉ឺងម៉ាត់របស់កម្ពុជា ក្នុងការបន្តអនុវត្តតាមស្មារតីសេចក្ដីថ្លែងការណ៍រួមទីក្រុងគូឡាឡាំពួ និងសង្ឃឹមថាភាគីទាំងពីរ នឹងបន្តធ្វើការជាមួយគ្នាស្របតាមគោលការណ៍ និងយន្តការទ្វេភាគីដែលបានឯកភាពគ្នា រួមទាំងការដោះមីនមនុស្សធម៌តាមបណ្តោយព្រំដែន។ ឯកឧត្តមប្រធានាធិបតី Trump បានគូសបញ្ជាក់ជំហរយ៉ាងច្បាស់លាស់ថា ឯកឧត្តមចង់ឃើញសន្តិភាពស្ថិតស្ថេររវាងកម្ពុជានិងថៃ។ ក្នុងន័យនេះ ឯកឧត្ដមប្រធានាធិបតីនឹងបន្តតាមដានកិច្ចការនេះដោយយកចិត្តទុកដាក់ ដើម្បីធានាមិនឱ្យមានការផ្ទុះអាវុធឡើងវិញនៅបណ្តោយព្រំដែនកម្ពុជា-ថៃ។ កម្ពុជាបន្តរក្សាជំហរក្នុងការដោះស្រាយបញ្ហាព្រំដែនដោយសន្តិវិធី ដោយអនុលោមតាមគោលការណ៍ និងយន្តការ ដែលបានឯកភាពគ្នាកន្លងមក ដើម្បីដោះស្រាយបញ្ហាព្រំដែនកម្ពុជា-ថៃ និងកសាងសន្តិភាពយូរអង្វែងរវាងប្រទេសទាំងពីរ»។

តេហេរ៉ង់ ៖ កងឆ្មាំបដិវត្តន៍អ៊ីស្លាមអ៊ីរ៉ង់បានដាក់តាំងសម្ញែងប្រភេទមីស៊ីលផ្លោងបាលិស្ទីក និងយន្តហោះដ្រូនពិឃាដ ដែលត្រូវបានប្រើប្រាស់ក្នុងជម្លោះយោធាជាមួយអ៊ីស្រាអែលកាលពីខែមិថុនា។ អាវុធដែលអ៊ីរ៉ង់ផលិតក្នុងស្រុកផ្ទាល់ដៃ ដែលត្រូវបានបង្ហាញអំឡុងព្រឹត្តិការណ៍ពិព័រណ៍សព្វាវុធដ៏ធំមួយក្នុងរដ្ឋធានីតេហេរ៉ង់ កាលពីថ្ងៃពុធ រួមមានមីស៊ីលផ្លោងបាលិកស្ទីក Khorramshahr ដែលត្រូវបានគេរាយការណ៍ថា អាចវាយប្រហារក្នុងចម្ងាយប្រហែល ២,០០០គីឡូម៉ែត្រ។ មីស៊ីលផ្លោងបាលិស្ទីកមួយប្រភេទទៀតមានឈ្មោះថា Emad ក៏មានសមត្ថភាពវាយលុកគោលដៅក្នុងចម្ងាយប្រហែល ១,៧០០គីឡូម៉ែត្រ។ ដោយឡែកយន្តហោះគ្មានមនុស្សបើក ឬយន្តហោះដ្រូនពិឃាដទំនើបៗ និងប្រព័ន្ធរ៉ាដាការពារដែនអាកាសក៏ត្រូវបានដាក់តាំងបង្ហាញផងដែរ។ ឧត្តមសេនីយ៍ឯក Ali Balali នៃកងឆ្មាំបដិវត្តន៍អ៊ីរ៉ង់ បានថ្លែងព្រមានថា ឥឡូវនេះ អ៊ីរ៉ង់មានសមត្ថភាពគ្រប់គ្រាន់ក្នុងការវាយបកភ្លាមៗវិញ ប្រសិនបើខ្លួនរងការវាយប្រហារម្តងទៀតដោយអ៊ីស្រាអែល សហរដ្ឋអាមេរិក ឬក៏ប្រទេសដទៃទៀត។ បើតាមឧត្តមសេនីយ៍ឯក Ali Balali, អ៊ីរ៉ង់គឺជាមហាអំណាចដ៏លេចធ្លោមួយនៅក្នុងវិស័យផលិតគ្រាប់មីស៊ីល ហើយបើសិនមានអ្វីមួយកើតឡើង នោះអ៊ីរ៉ង់នឹងធ្វើសកម្មភាពបន្ថែមទៀត និងកាន់តែមានប្រសិទ្ធភាពជាងមុន៕ ប្រភព ៖ NHK