Author: Dol Pheakdey

«ផែនទីបង្ហាញផ្លូវសហភាពសហព័ន្ធយុវជនកម្ពុជា ២.០ គឺជាឧបករណ៍ដ៏សំខាន់ក្នុងការកំណត់ទិសដៅរួមសម្រាប់ការពង្រឹងស.ស.យ.ក. ឱ្យកាន់តែមានភាពរឹងមាំ ធន់ និងធានាបាននូវនិរន្តរភាព ឆ្លើយតបទៅនឹងបរិការណ៍ពិភពលោក ដែលកំពុងវិវត្តន៍យ៉ាងឆាប់រហ័ស»។ នេះគឺជាប្រសាសន៍របស់ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ថ្លែងក្នុងពិធីប្រកាសដាក់ឱ្យអនុវត្តជាផ្លូវការផែនទីបង្ហាញផ្លូវសហភាពសហព័ន្ធយុវជនកម្ពុជា ២.០ ឆ្ពោះទៅឆ្នាំ២០២៨ នាថ្ងៃទី២២ ខែកុម្ភៈ ឆ្នាំ២០២៦ នៅមជ្ឈមណ្ឌលសន្និបាត និងពិពណ៌កោះពេជ្រ។ ផ្សាភ្ជាប់នឹងការលើកឡើងខាងលើ ឯកឧត្តមបានគូសបញ្ជាក់ថា ផែនទីបង្ហាញផ្លូវ ស.ស.យ.ក. ២.០ នឹងបន្តរួមចំណែកយ៉ាងសកម្មដល់ដំណើរការកសាង ការពារ និងអភិវឌ្ឍន៍ប្រទេសជាតិ ពិសេសធានាបាននូវសុខសន្តិភាព និងការអភិវឌ្ឍយូរអង្វែងរបស់កម្ពុជា។ បន្ថែមពីនេះ ផែនទីបង្ហាញផ្លូវក៏ជាមូលដ្ឋានដ៏រឹងមាំក្នុងការបន្តបេសកកម្មថែរក្សាកេរ្តិ៍ដំណែល ដែលបន្សល់ទុកពីអតីតយុវជន ជំនាន់២ធ្នូ និងបន្តកសាងសមិទ្ធផលថ្មីៗសម្រាប់យុវជនជំនាន់ក្រោយ ឈរលើគោលការណ៍ “ពីកេរ្តិ៍ដំណែល ទៅសមិទ្ធផលថ្មី”។ ទន្ទឹមនឹងនេះ ឯកឧត្តមប្រធានក៏បានផ្ដល់អនុសាសន៍ និងណែនាំជូនគ្រប់រចនាសម្ព័ននៅក្នុងអង្គពិធី រួមមាន៖ ១. សូមសមាជិក សមាជិកា បន្ដពង្រឹងនិងពង្រីករចនាសម្ព័ន្ធ ២. សូមសមាជិកសមាជិកា ប្រើប្រាស់ផែនទីបង្ហាញផ្លូវ ស.ស.យ.ក.២.០ ជាមូលដ្ឋាន ក្នុងការរៀបចំ និងអនុវត្តសកម្មភាព ដើម្បីលើកកម្ពស់កិត្តិនាម និងផ្សព្វផ្សាយអត្តសញ្ញាណ…

វ៉ាស៊ីនតោន ៖ លោក Donald Trump បានអះអាង កាលពីថ្ងៃសៅរ៍ថា លោកកំពុងបញ្ជូនាវាមន្ទីរពេទ្យអាមេរិក ទៅកាន់តំបន់ Greenland ដែលជាដែនដីស្វយ័ត របស់ដាណឺម៉ាក និង ជាកោះ ដែលលោកចង់បាន យកមកគ្រប់គ្រងជាយូរមកហើយ រហូតដល់គំរាមប្រើកម្លាំងទៀតផង។ ការបង្ហោះ នៅលើវេទិកាសង្គម Truth Social មានលេចចេញ រូបភាព AI ជាក់ស្តែង ដែលពណ៌នា អំពីនាវាមន្ទីរពេទ្យ USNS Mercy ប្រវែង ២៧២ម៉ែត្រ ដែលជាធម្មតា ឈរជើង នៅភាគខាងត្បូង រដ្ឋកាលីហ្វ័រញ៉ា ហើយ កំពុងធ្វើដំណើរឆ្ពោះ ទៅកាន់ភ្នំ ដែលមានព្រិលធ្លាក់ពីលើ។ លោកប្រធានាធិបតីអាមេរិក បានរៀបរាប់ តាមរយៈបណ្តាញសង្គមថា «នាវានេះ នឹងព្យាបាលមនុស្ស “ឈឺ” ជាច្រើននាក់ នៅហ្គ្រីនលែន ដោយមិនផ្តល់ព័ត៌មានលម្អិតណាមួយថា លោកកំពុងសំដៅទៅលើអ្នកណា ឬ ចំនួនមនុស្ស ដែលនាវានឹងត្រូវជួយនោះទេ ដោយគ្រាន់តែ បញ្ជាក់ថា នាវាអស្ចារ្យនេះ…

កៀវ ៖ ប្រធានាធិបតីអ៊ុយក្រែន លោក Volodymyr Zelensky បានប្រាប់ថា ប្រទេសរបស់លោក មិនចាញ់សង្គ្រាម ជាមួយរុស្ស៊ីនោះទេ។ អំឡុងកិច្ចសម្ភាសន៍ ជាមួយ AFP នៅប៉ុន្មានថ្ងៃ មុនដល់ខួបគម្រប់ ៤ ឆ្នាំ នៃសង្គ្រាម, មេដឹកនាំអ៊ុយក្រែន រូបនេះ បានអះអាងថា «អ្នកមិនអាចនិយាយថា យើងចាញ់សង្រ្គាមនោះទេ…យើងប្រាកដជា មិនចាញ់វាទេ តែ សំណួរ គឺ ថា តើយើងនឹងឈ្នះ ឬ អត់» ត្រង់នេះ លោក Zelensky បានបន្ថែមថា «នោះគឺជាសំណួរ ដ៏មានតម្លៃ»។ លោក Zelensky បានបន្តថា អ៊ុយក្រែន បានកាន់កាប់ដី រាប់រយគីឡូម៉ែត្រក្រឡា ក្នុងការវាយលុកថ្មីមួយ ហើយបន្ថែមថា ទាហានអឺរ៉ុប គួរតែដាក់ពង្រាយ នៅជួរមុខ បន្ទាប់ពីមានបទឈប់បាញ់ណាមួយ។ ជុំវិញការចរចា ដែលដឹកនាំដោយទីក្រុងវ៉ាស៊ីនតោន នាពេលថ្មីៗនេះ លោក Zelensky ប្រាប់ថា…

ញូវ ដែល្លី ៖ ឥណ្ឌា បានចុះហត្ថលេខាលើកិច្ចព្រមព្រៀងរ៉ែសំខាន់ៗ ជាមួយប្រេស៊ីល ជាប្រទេសសម្បូរដោយធនធានកម្រទាំងនេះ ច្រើនបំផុតលំដាប់ទី២ នៅលើពិភពលោក។ បន្ទាប់ពីមានជំនួបទ្វេភាគី នៅទីក្រុងញូវ ដេល្លី កាលពីថ្ងៃសៅរ៍ នាយករដ្ឋមន្ត្រីឥណ្ឌា លោក Narendra Modi និង ប្រធានាធិបតីប្រេស៊ីល លោក Luiz Inacio Lula da Silva បានប្រកាសថា ប្រទេសទាំងពីរបានព្រមព្រៀងគ្នា ក្នុងការជំរុញកិច្ចសហប្រតិបត្តិការ លើរ៉ែសំខាន់ៗ និង រ៉ែកម្រ។ លោក Narendra Modi បានគូសបញ្ជាក់ថា «ប្រេស៊ីលគឺជាដៃគូពាណិជ្ជកម្មដ៏ធំបំផុតរបស់ឥណ្ឌា នៅអាមេរិកឡាទីន។ យើងប្តេជ្ញាថា នឹងជំរុញ ពាណិជ្ជកម្មទ្វេភាគី របស់យើង ឲ្យលើស ពី២០ពាន់លានដុល្លារ ក្នុងរយៈពេល៥ឆ្នាំ ខាងមុខនេះ»។ ប្រធានាធិបតីប្រេស៊ីល លោក Luiz Inacio Lula da Silva បានបន្ថែមថា «ការពង្រីកការវិនិយោគ និងកិច្ចសហប្រតិបត្តិការលើថាមពលកកើតឡើងវិញ…

តេហេរ៉ង់ ៖ រដ្ឋមន្ត្រីការបរទេសអ៊ីរ៉ង់ អះអាងថា មានកិច្ចពិភាក្សាដ៏ល្អ ជាមួយអាមេរិក ដោយទីក្រុងតេហរ៉ង់ ត្រៀមដាក់សេចក្តីព្រាង កិច្ចព្រមព្រៀងនុយក្លេអ៊ែរមួយ ទៅកាន់ទីក្រុងវ៉ាស៊ីនតោន។ អំឡុងកិច្ចសម្ភាសន៍ផ្តាច់មុខ កាលពីថ្ងៃសុក្រ រដ្ឋមន្ត្រីការបរទេសអ៊ីរ៉ង់ លោក Abbas Araghchi បានលើកឡើងថា សេចក្តីព្រាង នៃកិច្ចព្រមព្រៀងនុយក្លេអ៊ែរថ្មីដ៏មានសក្តានុពលមួយ អាចត្រូវបានបង្ហាញ ដល់សហរដ្ឋអាមេរិក ពីសំណាក់ទីក្រុង Tehran ក្នុងរយៈពេលប៉ុន្មានថ្ងៃ។ បើតាម RT, ការកត់សម្គាល់របស់ លោក Araghchi នៅក្នុងបទសម្ភាសន៍ ជាមួយទូរទស្សន៍ MSNBC របស់សហរដ្ឋអាមេរិកនេះ បានធ្វើឡើង បន្ទាប់ពីជុំទីពីរ នៃការចរចា រវាងរវាងភាគីទាំងពីរ នៅក្នុងទីក្រុងហ្សឺណែវ ដែលសម្របសម្រួលដោយប្រទេសអូម៉ង់។ បើតាម លោក Araghchi , ការពិភាក្សាបានគ្របដណ្តប់លើកម្មវិធីនុយក្លេអ៊ែររបស់អ៊ីរ៉ង់ និង ទណ្ឌកម្មរបស់អាមេរិក។ លោក Araghchi បាននិយាយរៀបរាប់ថា «យើងមានកិច្ចពិភាក្សាដ៏ល្អ កាលពីប៉ុន្មានថ្ងៃមុន» ដោយបន្ថែមថា ភាគីទាំងពីរ បានយល់ព្រមលើសំណុំនៃគោលការណ៍ ឬ…

ប៊ុយដាប៉ែស ៖ រដ្ឋមន្ត្រីការបរទេស ស៊ុយអែត លោកស្រី Maria Malmer Stenergard បានជំរុញឱ្យពលរដ្ឋ ប្រទេសមួយនេះ ចាកចេញពីអ៊ីរ៉ង់ ចំពេលមានហានិភ័យ នៃការកើនឡើង នៅក្នុងតំបន់។ លោកស្រី Stenergard បានសរសេរ នៅលើវេទិកាប្រព័ន្ធផ្សព្វផ្សាយសង្គម កាលពីថ្ងៃសុក្រ ថា «ស្ថានភាពនៅក្នុងប្រទេសអ៊ីរ៉ង់ និងក្នុងតំបន់ មានភាពមិនប្រាកដប្រជា ខ្លាំង។ ដូច្នេះ ខ្ញុំចង់បញ្ជាក់អំពីសារៈសំខាន់ នៃការណែនាំ របស់ក្រសួងការបរទេស ហាមការធ្វើដំណើរទាំងអស់ ទៅកាន់ប្រទេសអ៊ីរ៉ង់ និងការអំពាវនាវជាបន្ទាន់ ដល់ពលរដ្ឋ ស៊ុយអែត ដែលស្ថិតនៅក្នុងប្រទេសនេះ ឱ្យចាកចេញ»។ លោកស្រី សង្កត់ធ្ងន់ថា អាចចាកចេញពីប្រទេសអ៊ីរ៉ង់ តាមរយៈការធ្វើដំណើរ តាមផ្លូវអាកាស និងឆ្លងកាត់ព្រំដែន ឲ្យបានលឿន ទាន់អ្វីៗ នៅមានពេល។ លោកស្រី Stenergard បានបន្ថែមថា «ការទទួលខុសត្រូវផ្ទាល់ខ្លួនដ៏សំខាន់ គឺស្ថិតនៅលើបុគ្គលទាំងនោះ ដែលជ្រើសរើសស្នាក់ នៅក្នុងប្រទេសអ៊ីរ៉ង់។ ក្រសួងការបរទេស នឹងមិនអាចជួយ ក្នុងការជម្លៀសចេញពីប្រទេសអ៊ីរ៉ង់បានទេ»។ បើតាម…

ភ្នំពេញ៖ជាសត្វធម្មជាតិ មានមនុស្សមិនច្រើនទេដែលដឹងពីលក្ខណៈសម្បត្តិ ការរស់នៅ និងសារៈប្រយោជន៍របស់សត្វពង្រូល។បណ្ដាញព័ត៌មានAMS សូមនាំអារម្មណ៍ប្រិយមិត្តទៅស្វែងយល់អំពីថនិកសត្វកម្រមួយនេះ។ សត្វពង្រូល ជាថនិកសត្វចិញ្ចឹមកូនដោយទឹកដោះ។វាមានស្រការពណ៌ស្រអាប់គ្របដណ្តប់ដងខ្លួនទាំងមូល លើកលែង​តែពោះ និងផ្នែកក្រោមក្បាល។ ពង្រូលច្រើនរស់នៅក្នុងព្រៃមានដើមឈើខ្ពស់ៗ ដោយរស់នៅក្នុងរន្ធឈើ ឬរន្ធដី។ សត្វពង្រូល វាស៊ីស្រមោច សង្អារ អង្ក្រង ឬកណ្តៀរជាដើមជាអាហារ។ សត្វពង្រូលជាវិស្វករពង្រឹងគុណភាពដី តាមរយៈការធ្វើឱ្យដីធូរ និងបង្កើនសារធាតុ​ចិញ្ចឹម​ក្នុងដីដែលធ្វើឱ្យរុក្ខជាតិលូតលាស់ល្អ។ មិនត្រឹមតែប៉ុណ្ណោះ តាមរយៈការស៊ីសត្វល្អិតតូចៗជាអាហារ ពង្រូលដើរតួជាភ្នាក់ងារ​កម្ចាត់សត្វល្អិតដ៏ចំណានរបស់ប្រព័ន្ធអេកូឡូស៊ី។ នៅក្នុងប្រទេសកម្ពុជា ពង្រូលមានដោយកន្លែងក្នុងទីជម្រកសមស្រប ហើយវាជាប្រភេទសត្វមានដោយកម្រនៅកម្ពុជា និងត្រូវបានចុះក្នុងបញ្ជីក្រហមរបស់អង្គការ IUCN នាកន្លងមក ជាប្រភេទកំពុងរងគ្រោះថ្នាក់អាចឈានទៅដល់ការផុតពូជ។ក្រៅពីនេះវាក៏ជាសត្វដែលមានការជួញដូរច្រើនជាងគេលើពិភពលោក។ តាមរយៈការចុះផ្សាយក្នុងទិវាសត្វពង្រូលពិភពលោក ក្រសួងបរិស្ថាន និង គម្រោងរេដបូកតំបន់ជួរភ្នំក្រវាញកណ្តាល (CC REDD+)បានអំពាវនាវឱ្យគ្រប់ភាគីចូលរួមការពារថែរក្សាប្រភេទសត្វកម្រដ៏មានតម្លៃនេះតាមរយៈការបញ្ឈប់ការជួញដូរ និង​បរិភោគសាច់សត្វព្រៃ ចូលរួមការពារនិងស្តារឡើងវិញនូវព្រៃឈើដែលជាជម្រកសត្វព្រៃ និងចូលរួមផ្សព្វផ្សាយពីសារៈ​ប្រយោជន៍​សត្វព្រៃ និងជីវៈចម្រុះដល់កូនចៅជំនាន់ក្រោយ៕ ដោយ៖ម៉ាដេប៉ូ ជិន ម៉ាដេប៉ូ ជិន ម៉ាដេប៉ូ អ្នកយកព៏ត៌មាន ផ្នែក សង្គម និង សេដ្ឋកិច្ច ។លោកធ្លាប់ជាអ្នកយកព័ត៌មានប្រចាំឱ្យស្ថាប័នកាសែត និងទូរទស្សន៍ធំៗនៅកម្ពុជា។ក្រៅពីអ្នកយកព័ត៌មាន លោក ក៏ធ្លាប់ ជាអ្នកបកប្រែផ្នែកភាសាថៃ…

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ បានស្រែកគំរាមធ្ងន់ៗថា នឹងសងសឹកយ៉ាងចាស់ដៃ បើសិនក្រុមហាម៉ាស បរាជ័យរំសាយអាវុធដោយខ្លួនឯង ។ លោក ត្រាំ បានថ្លែងអំឡុងកិច្ចប្រជុំដំបូងនៃ «ក្រុមប្រឹក្សាសន្តិភាព» នៅទីក្រុងវ៉ាស៊ីនតោន នៅថ្ងៃព្រហស្បតិ៍ ថា ខ្ញុំគិតថា ក្រុមហាម៉ាស នឹងលះបង់អាវុធរបស់ពួកគេ ដើម្បីគោរពតាមការសន្យា ។ ប៉ុន្តែលោកប្រធានាធិបតី ត្រាំ ក៏បានអះអាងដែរថា ប្រសិនបើពួកគេមិនធ្វើរឿងនេះទេ នោះពួកគេនឹងរងការសងសឹកយ៉ាងធ្ងន់ធ្ងរបំផុត ។ ការគំរាមរបស់មេដឹកនាំអាមេរិករូបនេះ ធ្វើឡើងបន្ទាប់ពីអ៊ីស្រាអែលបានដាក់ឱសានវាទរយៈពេល ៦០ថ្ងៃ បង្ខំឱ្យក្រុមសកម្មប្រយុទ្ធប៉ាឡេស្ទីនហាម៉ាស រំសាយអាវុធទាំងស្រុង បើមិនដូច្នោះទេ យោធាអ៊ីស្រាអែលនឹងវិលត្រឡប់ទៅធ្វើសង្គ្រាមនៅតំបន់ហ្គាហ្សាវិញ ។ គួរបញ្ជាក់ថា ការសម្អាតគ្រាប់រំសេវ និងការសាងសង់នៅតំបន់ហ្គាហ្សាឡើងវិញ ក្រោយបញ្ចប់សង្រ្គាម អាចនឹងត្រូវចំណាយលុយច្រើនជាង ៧០ពាន់លានដុល្លារ និងចំណាយពេលជាច្រើនទសវត្សរ៍ នេះបើតាមការវាយតម្លៃរបស់សន្និសីទអង្គការសហប្រជាជាតិ ស្តីពីពាណិជ្ជកម្ម និងការអភិវឌ្ឍន៍ (UNCTAD) កាលពីឆ្នាំមុន ៕ ប្រភព ៖ ស៊ីនហួរ

កូរ៉េខាងជើងកាលពីថ្ងៃពុធបានសម្ញែងប្រព័ន្ធជើងទម្របាញ់មីស៊ីលរយៈចម្ងាយខ្លីថ្មីចំនួន ៥០ គ្រឿង ដើម្បីបង្ហាញសាច់ដុំយោធាទៅដល់គូប្រជែងស៊ីសាច់ហុតឈាមរបស់ខ្លួនគឺ កូរ៉េខាងត្បូង ។ បើតាម CNA, ប្រព័ន្ធជើងទម្របាញ់មីស៊ីលនេះជាប្រភេទប្រព័ន្ធបាញ់មីស៊ីលរយៈចម្ងាយខ្លីទំហំ ៦០០ មីលីម៉ែត្រ ប៉ុន្តែអាចមានសមត្ថភាពបំពាក់ក្បាលគ្រាប់នុយក្លេអ៊ែរ ។ លោក គីម ជុងអ៊ុន អះអាងថា នេះគឺជាគម្រោងពង្រឹងសមត្ថភាពយោធាថ្មីៗដើម្បីបង្ក្រាបរាល់ការគំរាមកំហែង និងបញ្ហាប្រឈមនានាពីកម្លាំងខាងក្រៅ ហើយកូរ៉េខាងជើងក៏ត្រូវតែបង្កើនល្បឿនផលិតសព្វាវុធថ្មីៗឱ្យកាន់តែលឿនថែមទៀតផងដែរ ។ ការសម្ញែងសព្វាវុធថ្មីនេះកើតមានឡើង ស្របពេលដែលមេដឹកនាំកូរ៉េខាងជើងនឹងដាក់ចេញគោលដៅថ្មីសម្រាប់វិស័យយោធានៅក្នុងសមាជបក្សពលករលើកទី ៩ ដែលគ្រោងធ្វើឡើងចុងខែកុម្ភៈនេះ ។ សមាជបក្សពលករកូរ៉េ ដែលធ្វើឡើងរៀងរាល់ ៥ ឆ្នាំម្ដង គឺជាវេទិកាដ៏សំខាន់បំផុត សម្រាប់ការវាយតម្លៃលើសមិទ្ធផលកន្លងមក និងកំណត់ទិសដៅអនាគត ទាំងលើវិស័យសេដ្ឋកិច្ច នយោបាយ និងសន្តិសុខជាតិនៅកូរ៉េខាងជើង ។ ជាមួយគ្នានេះ លោក គីម ជុងអ៊ុន ក៏អាចនឹងប្រើប្រាស់ឱកាសនេះដើម្បីពង្រឹងអំណាចផ្ទាល់ខ្លួន និងប្រកាសពីផែនការយុទ្ធសាស្ត្រដំណាក់កាលបន្ទាប់ ក្នុងការពង្រឹងសមត្ថភាពអាវុធនុយក្លេអ៊ែររបស់ខ្លួន ឲ្យកាន់តែខ្លាំងក្លាបំផុត ៕ ប្រភព ៖ CNA

សិង្ហបុរី ​៖ ប្រទេសសិង្ហបុរីបានដាក់ចេញគោលនយោបាយចាយលុយរាប់ពាន់លានដុល្លារ រាប់ចាប់ពីការផ្តល់រង្វាន់ជាសាច់ប្រាក់ ការបន្ធូរបន្ថយពន្ធ និងការឈប់សម្រាកជូនពលរដ្ឋ ដើម្បីលើកទឹកចិត្តឲ្យពួកគេយកកូនឲ្យបានច្រើន ។ ការដាក់ចេញយុទ្ធសាស្ត្រនេះកើតមានឡើង បន្ទាប់ពីសិង្ហបុរីបានធ្លាក់ចូលទៅក្នុងចំណោមប្រទេសជាច្រើន មានដូចជា ជប៉ុន កូរ៉េខាងត្បូង និងចិន ដែលសុទ្ធសឹងតែប្រឈមនឹងវិបត្តិប្រជាសាស្រ្តយ៉ាងធ្ងន់ធ្ងរ បើទោះបីជារដ្ឋាភិបាលខំចំណាយលុយដល់ទៅរាប់ពាន់លានដុល្លារក៏ដោយ ។ សិង្ហបុរី ដែលមានប្រជាជនតែជាង ៦ លាននាក់ កំពុងស្ថិតក្នុងស្ថានភាពប្រកាសអាសន្នផ្នែកប្រជាសាស្ត្រ ខណៈដែលអត្រាកំណើតបានធ្លាក់ចុះមកនៅកម្រិតទាបបំផុតក្នុងប្រវត្តិសាស្ត្រ ពោលគឺស្ថិតនៅក្រោម ១% ប៉ុណ្ណោះ ។ បើតាម VNExpress, ពលរដ្ឋសម័យទំនើបនៅសិង្ហបុរី លែងចង់បានកូនច្រើនដូចមុន ដោយសារតែពួកគេផ្ដោតខ្លាំងលើសេរីភាពបុគ្គល និងគុណភាពជីវិត ដែលកត្តាទាំងនេះ បានធ្វើឱ្យផែនការកសាងគ្រួសារបែបប្រពៃណីកាន់តែធ្លាក់ចុះ ។ ស្របពេលអត្រាកំណើតធ្លាក់ចុះ ប៉ុន្តែចំនួនមនុស្សវ័យចំណាស់នៅសិង្ហបុរី បែរជាកើនឡើងយ៉ាងរហ័ស ។ តួយ៉ាង ស្ថិតិថ្មីៗនេះរកឃើញថា ក្នុងចំណោមពលរដ្ឋសិង្ហបុរី ៥ នាក់ គឺមានម្នាក់ដែលមានអាយុចាប់ពី ៦៥ ឆ្នាំឡើងទៅ ដែលនេះនឹងក្លាយជាបន្ទុកយ៉ាងធ្ងន់ធ្ងរដល់កម្លាំងពលកម្ម និងប្រព័ន្ធសេដ្ឋកិច្ចជាតិនៅថ្ងៃអនាគត ៕ ប្រភព ៖ VNExpress