Author: Dol Pheakdey

ហ្សាកាតា ៖ មន្ត្រីគ្រោះមហន្តរាយ បាននិយាយ នៅថ្ងៃសុក្រនេះថា ការបាក់ដីបានសម្លាប់មនុស្ស ពីរនាក់ និង យ៉ាងតិច ២១នាក់ផ្សេងទៀតបានបាត់ខ្លួន នៅក្នុងប្រទេសឥណ្ឌូនេស៊ី។ ការរអិលបាក់ដីបានវាយប្រហារភូមិ ចំនួនបី នៅក្នុងស្រុក Cilacap ភាគកណ្តាលខេត្តJava កាលពីយប់ថ្ងៃព្រហស្បតិ៍ ដោយបានកប់ និងបំផ្លាញផ្ទះសម្បែងនានា។ លោក Abdul Muhari អ្នកនាំពាក្យទីភ្នាក់ងារគ្រោះមហន្តរាយជាតិ បាននិយាយ នៅក្នុងសេចក្តីថ្លែងការណ៍មួយថា «គិតត្រឹមព្រឹកថ្ងៃសុក្រ ក្រុមចម្រុះបានជួយសង្គ្រោះមនុស្ស ២៣ នាក់ ដែលនៅរស់។ មនុស្សពីរនាក់ ត្រូវបានរកឃើញថា បានស្លាប់ ហើយ ២១ នាក់ផ្សេងទៀត កំពុងស្វែងរក»។ លោក Muhari បាននិយាយថា ប្រតិបត្តិការស្វែងរក និងជួយសង្គ្រោះកំពុងដំណើរការ ដើម្បីស្វែងរកជនរងគ្រោះដែលបាត់ខ្លួន។ លោកបានបន្ថែមថា ស្ថានភាពដី មិនស្ថិតស្ថេរបានរារាំងដល់កិច្ចខិតខំប្រឹងប្រែងជួយសង្គ្រោះ ហើយឧបករណ៍ធុនធ្ងន់ត្រូវបានដាក់ពង្រាយ ដើម្បីជួយដល់ប្រតិបត្តិការ។ ការព្រមានអំពីអាកាសធាតុខ្លាំង ត្រូវបានចេញផ្សាយ នៅដើមសប្តាហ៍នេះ ដោយទីភ្នាក់ងារឧតុនិយម អាកាសធាតុ និងភូគព្ភសាស្ត្រ។ ទីភ្នាក់ងារនេះ​ថា…

(ភ្នំពេញ)៖ សម្ដេចនាយករដ្ឋមន្ត្រី ហ៊ុន ម៉ាណែត រួមជា​មួយ​ភរិយា បានចុះទៅសាកសួរសុខទុក្ខបងប្អូន​ប្រ​ជាពលរដ្ឋខ្មែរស្លូតត្រង់ ចំនួន ៣រូប នាព្រឹកថ្ងៃទី១៤ វិច្ឆិកា ២០២៥ ដែលបានរងរបួស ដោយការ​បាញ់​ប្រហារ​ពីយោធាថៃ នៅភូមិព្រៃចាន់ កាលពីថ្ងៃរសៀល​ថ្ងៃ១២ ខែវិច្ឆិកា ឆ្នាំ២០២៥ ក្រោយពីបានយកមក​ពិនិត្យ និងព្យាបាលបន្តនៅមន្ទីរពេទ្យកាល់ម៉ែត្រ រាជធានី​ភ្នំពេញ បន្ទាប់ពីធ្វើការវះកាត់ដោយជោគជ័យ សង្គ្រោះ​ជីវិត​នៅ​មន្ទីរពេទ្យខេត្តមិត្តភាពកម្ពុជា-ជប៉ុន មង្គលបុរី ខេត្តបន្ទាយមានជ័យរួចមក ។ សម្ដេចធិបតី សូមអរគុណដល់អាជ្ញាធរមូលដ្ឋាន កងកម្លាំង​​សមត្ថកិច្ចរបស់យើង ដែលបានចាត់វិធានការ​លឿន​រហ័សក្នុងការអន្តរាគមន៍ជួយសង្គ្រោះ​បងប្អូន​ប្រជាពលរដ្ឋយើង ដែលរស់នៅទីនោះ ជាពិសេសអ្នក​របួស ដោយជួយចាត់ចែង ដឹកជញ្ជូនមកពិនិត្យ សង្គ្រោះ​នៅមន្ទីរពេទ្យបានទាន់ពេលវេលា។ ព្រមជាមួយគ្នានេះ សម្ដេច ហ៊ុន ម៉ាណែត ក៏សូមថ្លែង​អំណរ​គុណដល់ក្រុមគ្រូពេទ្យ បុគ្គលិកសុខាភិបាល​ទាំង​អស់នៅមន្ទីរពេទ្យខេត្តមិត្តភាពកម្ពុជា-ជប៉ុន មង្គលបុរី ខេត្តបន្ទាយមានជ័យ ដែលបានយកចិត្តទុកដាក់ធ្វើ​ការ​វះកាត់ជួយសង្គ្រោះជីវិត បងប្អូនប្រជាជនខ្មែរស្លូតត្រង់​របស់យើងទាំង ៣រូប ប្រកបដោយជោគជ័យ និងសូម​ជូនពរដល់បងប្អូនទាំងអស់ដែលកំពុងសម្រាកព្យាបាលឆាប់ជាសះស្បើយ និងរឹងមាំឡើងវិញ ។ ឆ្លៀតក្នុងឱកាសនេះ សម្ដេចនាយករដ្ឋមន្ត្រី ក៏សូមចូល​រួម​រំ​លែកទុក្ខសារជាថ្មី ជូនដល់ក្រុមគ្រួសារសពប្អូនប្រុស ឌី ណៃ…

សេអ៊ូល ៖ កូរ៉េខាងត្បូង បាននិយាយថា នឹង “ឆ្ពោះទៅមុខ” ជុំវិញការផលិតនាវាមុជទឹកនុយក្លេអ៊ែរ ជាមួយសហរដ្ឋអាមេរិក។ លោកប្រធានាធិបតី Lee Jae Myung បាននិយាយ នៅថ្ងៃសុក្រនេះថា ប្រទេសកូរ៉េខាងត្បូងនឹង “ឆ្ពោះទៅមុខ” ជាមួយសហរដ្ឋអាមេរិក ក្នុងការកសាងនាវាមុជទឹក ដើរដោយថាមពលនុយក្លេអ៊ែរ បន្ទាប់ពីកិច្ចព្រមព្រៀងសន្តិសុខ និងពាណិជ្ជកម្ម ដែលរង់ចាំជាយូរមកហើយ ត្រូវបានបញ្ចប់សម្រេច។ លោក Lee បានប្រាប់សន្និសីទសារព័ត៌មានមួយថា «ជារឿងអស្ចារ្យបំផុតមួយ សម្រាប់សេដ្ឋកិច្ច និងសន្តិសុខរបស់យើង ការចរចាទ្វេភាគីលើពាណិជ្ជកម្ម ពន្ធគយ និងសន្តិសុខ ត្រូវបានបញ្ចប់» ដោយលោកបន្ថែមថា ប្រទេសទាំងពីរបានយល់ព្រម “ឆ្ពោះទៅមុខ ជាមួយនឹងការសាងសង់នាវាមុជទឹក ដើរដោយថាមពលនុយក្លេអ៊ែរ” ។ គួរបញ្ជាក់ថា សហរដ្ឋអាមេរិកបានបើកដៃឱ្យកូរ៉េខាងត្បូង អាចសាងសង់នាវាមុជទឹកដើរដោយថាមពលនុយក្លេអ៊ែរ ក្រោយមានជំនួបរវាងប្រធានាធិបតីអាមេរិក លោក ដូណាល់ ត្រាំ និងសមភាគីកូរ៉េខាងត្បូង លោកLee Jae Myung នៅទីក្រុងក្យុងជូ មុនពេលចូលរួមកិច្ចប្រជុំកំពូល APEC កាលពីពេលថ្មីៗនេះ។ ការសម្រេចចិត្តរបស់លោកប្រធានាធិបតី…

ហ្សកហ្ស៊ី ៖ អាជ្ញាធរតួកគីបានរាយការណ៍នៅថ្ងៃពុធនេះថា មនុស្សយ៉ាងហោចណាស់ ២០នាក់បានស្លាប់ បន្ទាប់ពីសោកនាដកម្មធ្លាក់យន្តហោះយោធាមួយគ្រឿងរបស់តួកគីនៅលើទឹកដីប្រទេសហ្សកហ្ស៊ី តាមផ្លូវហោះហើរវិលត្រឡប់មកពីប្រទេសអាស៊ែបៃហ្សង់ឆ្ពោះទៅកាន់ប្រទេសតួកគីវិញ កាលពីថ្ងៃអង្គារ។ ក្រសួងការពារជាតិតួកគីបានបញ្ជាក់ថា យន្តហោះយោធាមួយគ្រឿងនោះបានចាកចេញពីអាកាសយានដ្ឋាន Ganja ស្ថិតនៅភាគខាងលិចប្រទេសអាស៊ែបៃហ្សង់ កាលពីល្ងាចថ្ងៃអង្គារ បន្ទាប់ពីហោះហើរមិនបានប៉ុន្មានផង ស្រាប់តែជួបគ្រោះថ្នាក់ធ្លាក់ ក្រោយហោះឆ្លងកាត់ចូលព្រំដែននៅភាគខាងកើតប្រទេសហ្សកហ្ស៊ីតែម្តង។ ហើយជាអកុស្យល អ្នកដំណើរទាំង ២០នាក់នៅលើយន្តហោះនោះ រួមទាំងសហសេវិកយន្តហោះបានស្លាប់បាត់បង់ជីវិតទាំងអស់។ ភ្លាមៗ អាជ្ញាធរតួកគីនៅមិនទាន់បញ្ជាក់អំពីមូលហេតុបណ្តាលឱ្យយន្តហោះយោធានោះធ្លាក់នៅឡើយទេ ខណៈការស៊ើបអង្កេតកំពុងដំណើរការនៅទីតាំងកើតហេតុមានចម្ងាយប្រហែល ៥គីឡូម៉ែត្រពីព្រំដែនហ្សកហ្ស៊ី-អាស៊ែបៃហ្សង់។ សូមបញ្ជាក់ផងដែរថា យន្តហោះយោធាមួយគ្រឿងដែលធ្លាក់នោះ មានឈ្មោះថា C-130 Hercules ផលិតដោយក្រុមហ៊ុន Lockheed Martin ជាប្រភេទយន្តហោះដឹកជញ្ជូនកងទ័ព និងគ្រឿងសព្វាវុធយោធា ដែលត្រូវបានប្រើប្រាស់ដោយកងទ័ពអាកាសជុំវិញពិភពលោក៕ ប្រភព ៖ AFP

ប៉េកាំង ៖ ប្រទេសចិនត្រូវបានកត់សំគាល់ថា មិនមានការប្រែប្រួល ឬធ្លាក់ចុះនៃការបញ្ចេញឧស្ម័នកាបូនឌីអុកស៊ីត (CO₂) អស់រយៈពេល ១៨ខែមកហើយ។ ការណ៍នេះបញ្ជាក់ថា ចិនជាប្រទេសដែលបញ្ចេញឧស្ម័នច្រើនជាងគេបំផុតរបស់ពិភពលោក អាចនឹងឈានដល់កម្រិតកំពូលនៃការកាត់បន្ថយការបញ្ចេញឧស្ម័នផ្ទះកញ្ចក់មុនការគ្រោងទុក។ ការពង្រីកយ៉ាងឆាប់រហ័សនៃថាមពលកកើតឡើងវិញ ដោយទាញយកថាមពលព្រះអាទិត្យកើនឡើង ៤៦% និងបន្តកើនឡើង ១១% នៅក្នុងត្រីមាសទីបី បានជួយកាត់បន្ថយការបញ្ចេញឧស្ម័នក្នុងវិស័យថាមពល។ ទោះបីជាមានការកើនឡើងនៃតម្រូវការអគ្គិសនីក៏ដោយ ការបញ្ចេញឧស្ម័នសរុបរបស់ប្រទេសចិនមានស្ថេរភាព ដែលជាការផ្លាស់ប្តូរដ៏សំខាន់មួយនៅក្នុងទម្រង់ថាមពលរបស់ខ្លួន។ និន្នាការនេះជំរុញក្តីសង្ឃឹមថា ប្រទេសចិនអាចពន្លឿនការផ្លាស់ប្តូររបស់ខ្លួនទៅជាថាមពលស្អាត ខណៈពេលដែលរក្សាកំណើនសេដ្ឋកិច្ច។ អ្នកវិភាគនិយាយថា ទីក្រុងប៉េកាំងកំពុងស្ថិតនៅលើផ្លូវត្រឹមត្រូវ ដើម្បីសម្រេចគោលដៅបំភាយឧស្ម័នកំពូលឆ្នាំ ២០៣០របស់ខ្លួនឱ្យបានឆាប់ ទោះបីអាចនឹងឈានដល់ការបញ្ចេញកាបូនខ្ពស់របស់ខ្លួន មុនការគ្រោងទុកក៏ដោយ។ ការរកឃើញនេះកើតឡើងនៅអំឡុងពេលដែលប្រតិភូនៃសន្និសីទ COP30 កំពុងជំរុញឱ្យប្រទេសមានសេដ្ឋកិច្ចធំៗ ចូលរួមកាត់បន្ថយការបញ្ចេញកាបូនសកល៕ ប្រភព ៖ the guardian

បូហ្គោតា ៖ យោធាប្រទេសកូឡុំប៊ី បាននិយាយថា ការវាយប្រហារតាមអាកាស បានសម្លាប់ទាហានទ័ពព្រៃ ចំនួន១៩នាក់។ មន្ត្រីយោធាកំពូល របស់ប្រទេសកូឡុំប៊ី កាលពីថ្ងៃអង្គារ ទី១១ ខែវិច្ឆិកា បានបង្ហាញពីការវាយលុកដ៏សាហាវ ប្រឆាំងនឹងក្រុមទ័ពព្រៃ ដែលគ្រប់គ្រងគ្រឿងញៀន។ ប្រភពបញ្ជាក់ថា ការវាយប្រហារតាមអាកាសបានសម្លាប់អ្នកប្រយុទ្ធចំនួន ១៩នាក់ នៅក្នុងតំបន់ព្រៃ Amazon របស់ប្រទេសនេះ។ ការវាយប្រហារ ដែលសំដៅលើក្រុមបំបែកខ្លួន ជាអតីតបក្សប្រឆាំង FARC បានកើតឡើង ស្របពេលដែលលោក ប្រធានាធិបតី Gustavo Petro ប្រឈមមុខនឹងការរិះគន់ នៅមុនការបោះឆ្នោត និង ការដាក់ទណ្ឌកម្មរបស់សហរដ្ឋអាមេរិក ជុំវិញការចោទប្រកាន់លោក Gustavo Petro ពាក់ព័ន្ធនឹងក្រុមជួញដូរកូកាអ៊ីន ដែលប្រដាប់អាវុធ។ លោក Petro បាននិយាយថា លោកបានបញ្ជាឱ្យមាន “ការទម្លាក់គ្រាប់បែក និងការរំលាយយោធា” នៃក្រុមដឹកនាំដោយពួកឧទ្ទាម បន្ទាប់ពីបរាជ័យ ក្នុងការចរចាសន្តិភាព។ លោក Mordisco ជាអ្នកដែលត្រូវបានរដ្ឋាភិបាលតាមប្រមាញ់ និង ជាអ្នកដឹកនាំអគ្គសេនាធិការកណ្តាល EMC បានបដិសេធកិច្ចព្រមព្រៀងសន្តិភាព…

ប៉ាណាម៉ា ៖ អាជ្ញាធរប្រទេសប៉ាណាម៉ា កាលពីថ្ងៃអង្គារ បានប្រកាសពីការរឹបអូសដ៏ធំ នូវកូកាអ៊ីន ជាប់ព្រំដែនសហរដ្ឋអាមេរិក។ ប្រតិបត្តិការលើសាឡាង ស្ថិតក្នុងតំបន់ប៉ាស៊ីហ្វិកនេះ បានកើតមានឡើង ស្របពេលដែលទីក្រុងវ៉ាស៊ីនតោន កំពុងបង្កើនការដាក់ពង្រាយយោធា ប្រឆាំងគ្រឿងញៀន នៅអាមេរិកឡាទីន។ រដ្ឋអាជ្ញា Julio Villareal បានប្រាប់អ្នកយកព័ត៌មានថា គ្រឿងញៀនប្រហែល ១២តោន ត្រូវបានរឹបអូស ក្នុងប្រតិបត្តិការ កាលពីថ្ងៃចន្ទ ហើយមនុស្ស ១០នាក់ ត្រូវបានចាប់ខ្លួន។ លោកបាននិយាយថា «វាជាការដឹកជញ្ជូនដ៏ធំបំផុតមួយនៅក្នុងដែនទឹកប៉ាណាម៉ា រហូតមកដល់ពេលបច្ចុប្បន្ន»។ ប៉ាណាម៉ាគឺជាចំណុចឆ្លងកាត់ សម្រាប់កូកាអ៊ីន ពីអាមេរិកខាងត្បូង ដែលភាគច្រើន ចេញពីប្រទេសកូឡុំប៊ី មានគោលដៅ សម្រាប់សហរដ្ឋអាមេរិក ដែលជាអ្នកប្រើប្រាស់ធំបំផុតរបស់ពិភពលោក។ លោក Villareal បាននិយាយថា ជនជាតិវេណេស៊ុយអេឡា, អេក្វាទ័រ និង នីការ៉ាហ្គា ស្ថិតក្នុងចំណោមអ្នកដែលត្រូវបានឃុំខ្លួន នៅលើសាឡាង ដែលបានចេញដំណើរពីប្រទេស កូឡុំប៊ី។ ប៉ាណាម៉ា ក្នុងឆ្នាំ ២០២៣ រឹបអូសបានថ្នាំញៀន សរុបចំនួន១១៩តោន។ បណ្តាប្រទេសនៅអាមេរិកឡាទីន មានបំណងចង់បង្ហាញពីកិច្ចខិតខំប្រឹងប្រែង…

កៀវ ៖ ក្រុមអ្នកស៊ើបអង្កេតអ៊ុយក្រែន កាលពីថ្ងៃអង្គារ បានចោទ លោក Timur Mindich ដែលជាមនុស្សជំនិតរបស់ប្រធានាធិបតី Volodymyr Zelensky ពីបទរៀបចំគម្រោង អំពើពុករលួយ លុយ១០០លានដុល្លារ។ ការចោទប្រកាន់ លើសម្ព័ន្ធមិត្តដ៏សំខាន់ របស់លោក Zelensky គឺជាករណីវគ្គចុងក្រោយបំផុត នៅក្នុងរឿងអាស្រូវពុករលួយ ដ៏ធំទូលាយ ដែលពាក់ព័ន្ធនឹងការកេងបន្លំយ៉ាងច្រើន ពីវិស័យថាមពល។ រដ្ឋអាជ្ញា មកពីការិយាល័យប្រឆាំងអំពើពុករលួយ ហៅកាត់ SAPO បាននិយាយថា លោក Mindich បានអនុវត្តការគ្រប់គ្រង លើការប្រមូលផ្តុំ ការចែកចាយ និងការធ្វើឱ្យស្របច្បាប់នៃប្រាក់ ដែលទទួលបានតាមរយៈមធ្យោបាយព្រហ្មទណ្ឌ នៅក្នុងវិស័យថាមពល។ រដ្ឋអាជ្ញាបានបន្ថែមថា ជនសង្ស័យបានប្រើ “ទំនាក់ទំនងមិត្តភាព ជាមួយប្រធានាធិបតីអ៊ុយក្រែន” នៅក្នុងសកម្មភាពឧក្រិដ្ឋកម្ម។ ស្ថាប័នពុករលួយ SAPO ក៏បានចោទប្រកាន់អតីតថាមពលអាល្លឺម៉ង់ ក៏បានទទួល “អត្ថប្រយោជន៍ផ្ទាល់ខ្លួន” ពី លោក Mindich ជាថ្នូរនឹងការគ្រប់គ្រងលើលំហូរប្រាក់ នៅក្នុងវិស័យថាមពលនេះដែរ។ គួរបញ្ជាក់ថា ការិយាល័យប្រឆាំងអំពើពុករលួយជាតិ ហៅកាត់ NABU…

ប៊ែន ៖ ប្រធានសិទ្ធិមនុស្ស របស់អង្គការសហប្រជាជាតិ ហៅកាត់ អ.ស.ប បានអះអាងថា ការរៀបចំការបោះឆ្នោត នៅប្រទេសមីយ៉ាន់ម៉ា ឥឡូវនេះ មិនអាចយល់បាន។ លោក Volker Turk បាននិយាយប្រាប់ សារព័ត៌មាន AFP ក្នុងបទសម្ភាសន៍ នៅទីក្រុងប៊ែន ប្រទេសស្វីស ថ្មីៗនេះ ថា «ជាមួយនឹងប្រទេសមីយ៉ាន់ម៉ាស្ថិត ក្នុងភាពច្របូកច្របល់ ក្រោមការទម្លាក់គ្រាប់បែកយ៉ាងធ្ងន់ធ្ងរ និង ចំពេលមានការរំលោភសិទ្ធិ ដ៏ច្រើនសន្ធឹកសន្ធាប់នោះ វាគ្មានផ្លូវណាដែលប្រទេសនេះ អាចរៀបចំការបោះឆ្នោត ដោយសេរី និងយុត្តិធម៌ នៅខែក្រោយនោះទេ»។ នៅពេលត្រូវបានសួររថា “តើអ្នកណាម្នាក់អាចនិយាយថា ជាការបោះឆ្នោតដោយសេរី និងយុត្តិធម៌ ដោយរបៀបណា?” លោក Volker Turk បានឆ្លើយតប ថា “ដើម្បីរៀបចំការបោះឆ្នោត នៅក្រោមកាលៈទេសៈទាំងនេះ គឺមិនអាចយល់បាន»។ របបយោធាបានដណ្តើមអំណាច ដោយធ្វើឱ្យមានការអះអាង មិនច្បាស់លាស់ នៃការក្លែងបន្លំ នៅក្នុងការបោះឆ្នោតឆ្នាំ២០២០ ដែល បក្ស NLD បានឈ្នះភ្លូកទឹកភ្លូកដី។…

សាណាអា ៖ ក្រុមប្រដាប់អាវុធហ៊ូធីនៅប្រទេសយេម៉ែន ថ្មីៗនេះគំរាមថា ខ្លួននឹងបន្តបាញ់ស្រោចមីស៊ីល ក៏ដូចជាប្រើយន្តហោះដ្រូនវាយប្រហារប្រឆាំងនឹងអ៊ីស្រាអែល បើសិនបទឈប់បាញ់នៅតំបន់ហ្គាហ្សាដួលរលំ នេះបើយោងតាមលិខិតមួយផ្ញើទៅកាន់ចលនាក្រុមហាម៉ាស់ប៉ាឡេស្ទីន។ នៅក្នុងលិខិតនោះ មេដឹកនាំទើបតែងតាំងថ្មីរបស់ក្រុមហ៊ូធី គឺលោក Yousif al-Madani បានប្រាប់ក្រុមហាម៉ាស់ថា ការប្តេជ្ញារបស់យើង គឺការឈរប្រកៀកស្មារជាមួយអ្នករហូត មិនថា ទោះត្រូវលះបង់ក្នុងតម្លៃណាក៏ដោយ។ ការប្រកាសនេះកើតឡើងបន្ទាប់ពីក្រុមហ៊ូធី នាពេលថ្មីៗនេះ បានចាត់វិធានការចល័តទ័ព ក្នុងនោះរួមមានការជ្រើសរើសអ្នកប្រយុទ្ធថ្មីរាប់រយនាក់ រឹតបន្តឹងវិធានការសន្តិសុខក្នុងតំបន់ពួកគេគ្រប់គ្រង បង្កើតចំណុចត្រួតពិនិត្យបន្ថែម និងឃុំខ្លួនបុគ្គលិកអង្គការសហប្រជាជាតិថែមទៀត ដោយចោទប្រកាន់ពីបទធ្វើចារកម្មឱ្យអ៊ីស្រាអែល។ ការវិវត្តទាំងនេះកើតឡើងបន្ទាប់ពីសុន្ទរកថាតាមកញ្ចក់ទូរទស្សន៍របស់នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ កាលពីសប្តាហ៍មុន ដែលបានចោទប្រកាន់ថា ក្រុមហ៊ូធីបានបង្កការគំរាមកំហែងដល់អ៊ីស្រាអែល ហើយថា ការងារកំពុងដំណើរការដើម្បីលុបបំបាត់ពួកសកម្មប្រយុទ្ធនៅយេម៉ែនមួយនេះ។ គួរបញ្ជាក់ថា ចាប់តាំងពីសង្គ្រាមនៅហ្គាហ្សាផ្ទុះឡើងនៅក្នុងខែតុលា ឆ្នាំ២០២៣មក ក្រុមហ៊ូធីបានបាញ់ស្រោចមីស៊ីលផ្លោង និងប្រើយន្តហោះដ្រូនរាប់រយគ្រឿងវាយលុកអ៊ីស្រាអែល ដែលភាគច្រើនត្រូវបានកម្ទេច។ ប៉ុន្តែការវាយប្រហារនោះបានផ្អាកបណ្តោះអាសន្នចាប់តាំងពីមានបទឈប់បាញ់បច្ចុប្បន្នដែលចូលជាធរមាននៅថ្ងៃទី១០ ខែតុលា។ ភាគច្រើន ក្រុមហ៊ូធីបានកំណត់គោលដៅវាយប្រហារលើកប៉ាល់មានទំនាក់ទំនងជាមួយអ៊ីស្រាអែល ដែលធ្វើដំណើរឆ្លងកាត់សមុទ្រក្រហម ហើយកន្លងមក ពួកគេបានបាញ់ពន្លិចកប៉ាល់ចំនួន៤គ្រឿងរួចមកហើយ៕ ប្រភព ៖ ស៊ីនហួរ