Author: Dol Pheakdey

ទីភ្នាក់ងារសារព័ត៌មាន Fars របសអ៊ីរ៉ង់ បានរាយការណ៍ថា អ្នកការទូតជាន់ខ្ពស់របស់អ៊ីរ៉ង់ លោក Hamid Ghanbari បាននិយាយកាលពីថ្ងៃអាទិត្យ (១៥ កុម្ភៈ) ថា អ៊ីរ៉ង់កំពុងតែស្វះស្វែងរកកិច្ចព្រមព្រៀងនុយក្លេអ៊ែរជាមួយអាមេរិក ដែលផ្តល់អត្ថប្រយោជន៍សេដ្ឋកិច្ចសម្រាប់ភាគីទាំងពីរ និងបង្ហើបពីលទ្ធភាពនៃកិច្ចព្រមព្រៀងលើថាមពល រ៉ែ និងយន្តហោះផងដែរ ត្រឹមតែប៉ុន្មានថ្ងៃប៉ុណ្ណោះមុនការចរចាជុំទីពីររវាងទីក្រុងតេអេរ៉ង់ និងទីក្រុងវ៉ាស៊ីនតោន គ្រោងធ្វើឡើងនៅសប្ដាហ៍នេះ។ កាលពីថ្ងៃសុក្រសប្ដាហ៍មុន ប្រភពបានប្រាប់សារព័ត៌មានរ៉យទ័រថា គណៈប្រតិភូទីក្រុងវ៉ាស៊ីនតោន រួមទាំងប្រេសិតជាន់ខ្ពស់អាមេរិក គឺលោក Steve Witkoff និងលោក Jared Kushner នឹងជួបក្រុមមន្រ្តីអ៊ីរ៉ង់ នៅទីក្រុងហ្សឺណែវ នាថ្ងៃអង្គារ ទី១៧ ខែកុម្ភៈ ស្អែកនេះ ហើយក្រោយមក មន្រ្តីជាន់ខ្ពស់អ៊ីរ៉ង់ក៏បានបញ្ជាក់ជាផ្លូវការពីផែនការនៃជំនួបមួយនេះ។ អ៊ីរ៉ង់និងអាមេរិក បានបន្តកិច្ចចរចាឡើងវិញនៅដើមខែកុម្ភៈនេះ ដើម្បីដោះស្រាយជម្លោះអស់ជាច្រើនទសវត្សរ៍របស់ពួកគេលើកម្មវិធីនុយក្លេអ៊ែររបស់ទីក្រុងតេអេរ៉ង់ និងបញ្ចៀសការប្រឈមមុខដាក់គ្នាខាងយោធាជាថ្មី។ មន្ត្រីអាមេរិកបានប្រាប់រ៉យទ័រថា ទីក្រុងវ៉ាស៊ីនតោនបានបញ្ជូននាវាផ្ទុកយន្តហោះគ្រឿងទីពីរទៅកាន់តំបន់មជ្ឈិមបូព៌ា ហើយកំពុងត្រៀមលក្ខណៈសម្រាប់លទ្ធភាពនៃយុទ្ធនាការយោធាជាបន្តបន្ទាប់ ប្រសិនបើកិច្ចចរចាមិនទទួលបានជោគជ័យ។ រដ្ឋមន្ត្រីការបរទេសអាមេរិក លោក Marco Rubio បានថ្លែងក្នុងសន្និសីទសារព័ត៌មានមួយថា លោកប្រធានាធិបតី Donald Trump បញ្ជាក់ច្បាស់ហើយថា…

ស៊ីដនី ៖ ប្រទេសអូស្ត្រាលីគ្រោងចំណាយលុយដល់ទៅ ២,៧៦ពាន់លានដុល្លារ សាងសង់រោងចក្រថ្មីមួយ ដើម្បីជំរុញការផលិតនាវាមុជទឹកដើរដោយថាមពលនុយក្លេអ៊ែរ ស្ថិតក្រោមសន្ធិសញ្ញាសន្តិសុខត្រីភាគី ហៅកាត់ AUKUS ជាមួយសហរដ្ឋអាមេរិក និងអង់គ្លេស ។ បើតាមសារព័ត៌មាន The Star ចេញផ្សាយថ្ងៃអាទិត្យ, នាយករដ្ឋមន្ត្រីអូស្ត្រាលី លោក Anthony Albanese បាននិយាយថា ការវិនិយោគនេះ នឹងចំណាយទៅលើការសាងសង់រោងចក្រផលិតនាវាថ្មីនៅតំបន់ Osborne ដែលជាតំបន់ជាយក្រុង Adelaide ក្នុងរដ្ឋ South Australia ។ បើតាមលោកនាយករដ្ឋមន្រ្តី Albanese, ការវិនិយោគលើរោងចក្រថ្មីនេះ មានសារៈសំខាន់ខ្លាំង ក្នុងការដឹកជញ្ជូនទាំងនាវាមុជទឹកដើរដោយថាមពលនុយក្លេអ៊ែរ និងនាវាបំពាក់ដោយអាវុធធម្មតារបស់អូស្ត្រាលី ។ សន្ធិសញ្ញា AUKUS មានគោលបំណងបំពាក់នាវាមុជទឹកទំនើបៗដល់ប្រទេសអូស្រ្តាលី ក្រោមជំនួយបច្ចេកវិទ្យាពីសហរដ្ឋអាមេរិក ។ នាវាមុជទឹកទាំងនេះ នឹងចាប់ផ្តើមចែកចាយនៅឆ្នាំ ២០៣២ ។ នាវាមុជទឹកនុយក្លេអ៊ែរ គឺជាយុទ្ធសាស្រ្តស្នូលរបស់អូស្រ្តាលី ក្នុងការកែលម្អសមត្ថភាពវាយប្រហារចម្ងាយឆ្ងាយរបស់ខ្លួន នៅតំបន់ប៉ាស៊ីហ្វិក ជាពិសេសប្រឆាំងនឹងប្រទេសចិន ។ តាមរយៈកិច្ចព្រមព្រៀងផលិតនាវាមុជទឹកទំនើបៗ អូស្រ្តាលីអាចនឹងចំណាយលុយរហូតដល់ ២៣៥ពាន់លានដុល្លារ…

ហ្ស៊េរុយសាឡិម ៖ លោក Benjamin Netanyahu នាយករដ្ឋមន្ត្រី អ៊ីស្រាអែល បាននិយាយ កាលពីថ្ងៃអាទិត្យ ថា អ៊ុយរ៉ាញ៉ូមដែលចម្រាញ់បានទាំងអស់ ត្រូវតែបញ្ជូនចេញពីប្រទេសអ៊ីរ៉ង់។ ការអត្ថាធិប្បាយរបស់លោក បានកើតឡើង ចំថ្ងៃតែមួយដែលរដ្ឋមន្ត្រីការបរទេសអ៊ីរ៉ង់ លោក Abbas Araghchi បានធ្វើដំណើរ ទៅកាន់ប្រទេសស្វីស ចូលរួមជុំទីពីរ នៃកិច្ចចរចានុយក្លេអ៊ែរ ជាថ្មី ជាមួយសហរដ្ឋអាមេរិក។ អំឡុងសុន្ទរកថា នៅក្រុងហ្ស៊េរុយសាឡឹម កាលពីថ្ងៃទី១៥ ខែកុម្ភៈ, លោក Netanyahu លើកឡើងថា កិច្ចព្រមព្រៀងណាមួយ រវាងសហរដ្ឋអាមេរិក និងអ៊ីរ៉ង់ ត្រូវតែពាក់ព័ន្ធនឹងការដកចេញនូវសារធាតុអ៊ុយរ៉ាញ៉ូម ដែលចម្រាញ់បាន ចេញពីប្រទេសអ៊ីរ៉ង់ ក៏ដូចជា ដកសមត្ថភាព របស់ទីក្រុងតេអេរ៉ង់ ក្នុងការបង្កើន បន្ថែមទៀត។ លោក Netanyahu បានរៀបរាប់ថា «ទីមួយ គឺថា សម្ភារៈដែលសម្បូរបែបទាំងអស់ ត្រូវចាកចេញពីប្រទេសអ៊ីរ៉ង់…ទីពីរ អ៊ីរ៉ង់ មិនគួរមានសមត្ថភាពលើកកម្ពស់ ហើយ រុះរើគ្រឿងបរិក្ខារ និងហេដ្ឋារចនាសម្ព័ន្ធ ដែលអាចឱ្យប្រទេសនេះបង្កើន…

ប៊ែរឡាំង ៖ ប្រធានាធិបតីអ៊ុយក្រែន លោក Volodymyr Zelensky បានបរិហារ មេដឹកនាំរុស្ស៊ី លោក Vladimir Putin ថា ជា ទាសករនៃសង្គ្រាម នៅក្នុងសុន្ទរកថា ទៅកាន់សន្និសិទសន្តិសុខទីក្រុង Munich នៅប្រទេសអាល្លឺម៉ង់ ។ មេដឹកនាំរូបនេះ បានផ្សារភ្ជាប់ពីការហៅដូច្នេះ ជាមួយនឹងការវាយប្រហាររបស់រុស្ស៊ី នាពេលថ្មីៗនេះ ដែលបានធ្វើឱ្យខូចខាត ដល់រោងចក្រថាមពលទាំងអស់ នៅក្នុងប្រទេសអ៊ុយក្រែន។ អំឡុងព្រឹត្តិការណ៍ ដែលរៀបចំឡើង កាលពីថ្ងៃសៅរ៍, លោក Zelensky បាននិយាយថា «គាត់ប្រហែលជាមើលឃើញខ្លួនឯងថា ជាអធិរាជ ប៉ុន្តែ តាមពិត គាត់គឺជាទាសករនៃសង្រ្គាម»។ ជាថ្មីម្តងទៀត លោក Zelensky បានអំពាវនាវទៅលោកខាងលិច ឲ្យឆាប់ផ្តល់ប្រព័ន្ធការពារអាកាស ដល់អ៊ុយក្រែន កាន់តែលឿន កាន់តែល្អ។ លោក Zelensky ក៏បានទាក់ទាញភាពស្របគ្នា រវាងការចរចា រវាងរុស្ស៊ី និងអ៊ុយក្រែន នាពេលបច្ចុប្បន្ន ជុំវិញសម្បទានទឹកដី និងកិច្ចព្រមព្រៀង ទីក្រុង…

ឡុងដ៍ ៖ ចក្រភពអង់គ្លេសបានប្រកាសពីផែនការដាក់ពង្រាយក្រុមនាវាផ្ទុកយន្តហោះចម្បាំងទៅកាន់តំបន់អាត្លង់ទិកខាងជើងនៅឆ្នាំនេះ ដើម្បីបញ្ចេញសាច់ដុំយោធាដ៏មានឥទ្ធិពល ប្រឆាំងនឹងការគំរាមកំហែងរបស់រុស្ស៊ីនៅតំបន់ប៉ូលអាកទិក ។ ពាក់ព័ន្ធនឹងផែនការនេះ នាយករដ្ឋមន្ត្រីអង់គ្លេស លោក Keir Starmer បានប្រាប់សន្និសីទសន្តិសុខទីក្រុងមុយនិក កាលពីថ្ងៃសៅរ៍ថា ចក្រភពអង់គ្លេសនឹងដាក់ពង្រាយក្រុមនាវាផ្ទុកយន្តហោះចម្បាំងទៅកាន់តំបន់អាត្លង់ទិកខាងជើង និងតំបន់ភាគខាងជើងខ្ពស់នៅឆ្នាំនេះ ។ លោកថា បេសកកម្មនេះ នឹងដឹកនាំដោយនាវាចម្បាំង HMS Prince of Wales ដោយធ្វើប្រតិបត្តិការរួមគ្នាជាមួយសហរដ្ឋអាមេរិក កាណាដា និងសម្ព័ន្ធមិត្តណាតូដទៃទៀត ក្នុងគោលបំណងការពារសន្តិសុខអឺរ៉ុប-អាត្លង់ទិក ។ បើតាមក្រសួងការពារជាតិអង់គ្លេស, ក្រុមនាវាផ្ទុកយន្តហោះចម្បាំងនោះ រួមមាននាវាចម្បាំង យន្តហោះចម្បាំងបំបាំងកាយ F-35 និងឧទ្ធម្ភាគចក្រប្រយុទ្ធជាច្រើនគ្រឿង ដើម្បីចូលរួមប្រតិបត្តិការមានឈ្មោះថា “Operation Firecrest” ។ ក្រសួងបន្ថែមថា បេសកកម្មរួមគ្នារវាងសម្ព័ន្ធមិត្តណាតូនេះទៀតសោត ក៏មានការចូលរួមពីកងទ័ពរាប់ពាន់នាក់ ដែលមកពីកងកម្លាំងជើងគោក ជើងទឹក និងជើងអាកាសផងដែរ ។ គួរបញ្ជាក់ថា ប្រតិបត្តិការ “Operation Firecrest” ធ្វើឡើងបន្ទាប់ពីប្រមុខការពារជាតិអាល្លឺម៉ង់ លោក Boris Pistorius បានព្រមានធ្ងន់ៗថា រុស្ស៊ី…

វ៉ាស៊ីនតោន ៖ មុនពេលកិច្ចប្រជុំដំបូងនៃក្រុមប្រឹក្សាសន្តិភាពមកដល់ ប្រមុខការទូតអាមេរិក បានរិះគន់មិនសំចៃមាត់លើអង្គការសហប្រជាជាតិ (UN) ថា ស្ថាប័នមួយនេះ គ្មានចំណែកទាល់តែសោះ ក្នុងការជួយដោះស្រាយជម្លោះនានាទូទាំងពិភពលោក រួមទាំងសង្គ្រាមហ្គាហ្សា ។ រដ្ឋមន្ត្រីការបរទេសអាមេរិក លោក Marco Rubio បានប្រាប់សន្និសីទសន្តិសុខទីក្រុងមុយនិក កាលពីថ្ងៃសៅរ៍ថា អង្គការសហប្រជាជាតិស្ទើរតែគ្មានតួនាទី ក្នុងការជួយដោះស្រាយជម្លោះ ដោយលោកបានអំពាវនាវឱ្យស្ថាប័នសកលមួយនេះ ត្រូវតែកែទម្រង់ជាចាំបាច់ ។ ទោះបីជាយ៉ាងណា លោកក៏ទទួលស្គាល់ផងដែរថា អង្គការសហប្រជាជាតិនៅតែជាឧបករណ៍ដ៏មានប្រសិទ្ធភាព ដើម្បីជួយសង្គ្រោះពិភពលោក ។ ប៉ុន្តែយើងមិនអាចព្រងើយកន្តើយនឹងរឿងនោះបានទៀតទេ ព្រោះសព្វថ្ងៃនេះ បញ្ហាបន្ទាន់បំផុតនៅចំពោះមុខយើង វាមិនមានចម្លើយ ហើយយូអិនស្ទើរតែគ្មានតួនាទីអ្វីទាល់តែសោះ ។ គួរបញ្ជាក់ថា ពាក្យសម្តីដិះដៀលរបស់អាមេរិកទៅលើអង្គការសហប្រជាជាតិ មិនមែនជាលើកទី១ទេ ជាក់ស្តែង ប្រធានាធិបតីអាមេរិក លោក Donald Trump កាលពីខែកញ្ញាឆ្នាំមុន ក៏បានដៀមដាមធ្ងន់ៗផងដែរថា ស្ថាប័នសកលមួយនេះ គ្មានលទ្ធភាពសូម្បីជួយបញ្ចប់សង្គ្រាមណាមួយបានសោះ ។ បន្ថែមពីលើការរិះគន់ លោកប្រធានាធិបតី ត្រាំ ថែមទាំងបានបង្កើតក្រុមប្រឹក្សាសន្តិភាព ដើម្បីដោះស្រាយជម្លោះនានានៅលើទូទាំងពិភពលោក ហើយក្រុមប្រឹក្សានេះ ត្រូវបានគេជឿថា បង្កើតឡើងទំនងជាមានគោលបំណងជំនួសអង្គការសហប្រជាជាតិ…

ញូវដែលី ៖ ប្រទេសឥណ្ឌាបានចំណាយលុយដល់ទៅ ១.១ពាន់លានដុល្លារ បញ្ជាទិញមីស៊ីលចំនួន ២៨៨គ្រាប់ សម្រាប់ប្រព័ន្ធការពារដែនអាកាស S-400 ដែលទីក្រុងញូវដែលីបានទិញពីទីក្រុងមូស្គូ ។ បើតាមកាសែត Hindustan Times ចេញផ្សាយថ្ងៃសុក្រ, ក្នុងចំណោមមីស៊ីលទាំង ២៨៨គ្រាប់ ដែលឥណ្ឌាបញ្ជាទិញពីរុស្ស៊ីនេះ ក្នុងនោះរួមមានមីស៊ីលរយៈចម្ងាយជិតចំនួន ១២០គ្រាប់ និងមីស៊ីលរយៈចម្ងាយឆ្ងាយចំនួន ១៦៨គ្រាប់ ហើយការបញ្ជាទិញនេះ នឹងចាប់ផ្តើមដំណើរការយ៉ាងឆាប់រហ័សបំផុត ។ ការបញ្ជាទិញមីស៊ីលនេះដែរ គឺជាផ្នែកនៃកិច្ចព្រមព្រៀងមួយ ដែលត្រូវបានអនុម័ត សម្រាប់កញ្ចប់បញ្ជាទិញគ្រឿងសព្វាវុធការពារជាតិ ដែលមានតម្លៃប្រហែល ៣៩,៧ពាន់លានដុល្លារ ។ ប្រព័ន្ធការពារដែនអាកាស S-400 បានចូលបម្រើវិស័យការពារជាតិរុស្ស៊ីនៅក្នុងឆ្នាំ ២០០៧ ហើយវាជាប្រព័ន្ធការពារមីស៊ីលដែលទំនើបបំផុតមួយ ។ S-400 អាចបាញ់បានក្នុងរយៈចម្ងាយ ៤០០គីឡូម៉ែត្រ និងមានល្បឿនរហូតដល់ ៤,៨គីឡូម៉ែត្រក្នុងមួយវិនាទី ហើយវាអាចបាញ់កម្ទេចរាល់វត្ថុដែលហោះហើរ ទាំងយន្តហោះចម្បាំង និងមីស៊ីល ។ បច្ចុប្បន្ន ប្រទេសឥណ្ឌាមានប្រព័ន្ធការពារដែនអាកាស S-400 ចំនួន ៤គ្រឿង ហើយគ្រោងនឹងបញ្ជាទិញបន្ថែមទៀតនៅឆ្នាំ ២០២៦នេះ ។ បើតាមរបាយការណ៍របស់ប្រព័ន្ធផ្សព្វផ្សាយ,…

តេហេរ៉ង់ ៖ ប្រទេសអ៊ីរ៉ង់បានអះអាងជាថ្មីទៅកាន់អាមេរិកថា កម្មវិធីមីស៊ីលរបស់ទីក្រុងតេអេរ៉ង់ នៅតែជាខ្សែបន្ទាត់ក្រហម មិនអាចចរចាបានដាច់ខាត ហើយបានព្រមានថា ទីក្រុងហេតេរ៉ង់នឹងឆ្លើយតបយ៉ាងធ្ងន់ធ្ងរ ចំពោះសកម្មភាពយោធាណាមួយ ។ ការសម្លុតគំរាមរបស់អ៊ីរ៉ង់ ធ្វើឡើងស្របពេលដែលប្រធានាធិបតិអាមេរិក លោក ដូណាល់ ត្រាំ បានបញ្ជាឱ្យបញ្ជូននាវាផ្ទុកយន្តហោះ USS Gerald R. Ford ដែលជានាវាចម្បាំងធំជាងគេបំផុតរបស់ពិភពលោកទៅកាន់មជ្ឈិមបូព៌ា ដើម្បីបង្កើនសម្ពាធយោធាលើទីក្រុងតេហេរ៉ង់ ក្នុងគ្រាដែលកិច្ចខិតខំប្រឹងប្រែងផ្នែកការទូតហាក់ជាប់គាំង ។ លោក Ali Shamkhani ដែលជាទីប្រឹក្សានយោបាយជាន់ខ្ពស់របស់មេដឹកនាំកំពូលអ៊ីរ៉ង់ លោក Ali Khamenei បានអះអាងថា កិច្ចចរចារវាងអ៊ីរ៉ង់ និងអាមេរិកអាចជំរុញ និងការពារផលប្រយោជន៍ទៅវិញទៅមក ប្រសិនបើកិច្ចពិភាក្សាទាំងនោះ មានឫសគល់លើភាពប្រាកដនិយម និងជៀសវាងការទាមទារហួសហេតុ ។ ទោះបីជាយ៉ាងណា លោកបានសង្កត់ធ្ងន់ថា អំណាចមីស៊ីលរបស់អ៊ីរ៉ង់ ស្ថិតក្នុងបន្ទាត់ក្រហម ហើយមិនអាចចរចាជាដាច់ខាត ។ លោកថា យោធានៅតែប្រុងប្រយ័ត្នខ្ពស់ និងព្រមានថា តម្លៃតបស្នងនៃការគណនាខុសណាមួយដោយមហាអំណាចខាងក្រៅ នឹងខ្ពស់ខ្លាំងណាស់ ។ ស្ថានភាពនៅមជ្ឈិមបូព៌ាកំពុងស្ថិតនៅមាត់ជ្រោះដ៏គ្រោះថ្នាក់ បន្ទាប់ពីប្រធានាធិបតីអាមេរិក លោក ដូណាល់…

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ នឹងក្លាយជាមេដឹកនាំកំពូលអាមេរិកដំបូងបង្អស់ ក្នុងរយៈពេលជិត ៣ទសវត្សរ៍ ដែលនឹងធ្វើដំណើរទៅជាន់ទឹកដីវ៉េណេស៊ុយអេឡា បន្ទាប់ពីការចាប់ខ្លួនលោក នីកូឡាស់ ម៉ាឌូរ៉ូ និងភរិយា កាលពីថ្ងៃទី៣ ខែមករា ។ លោកប្រធានាធិបតី ត្រាំ បានប្រាប់អ្នកយកព័ត៌មានកាលពីថ្ងៃសុក្រ នៅពេលធ្វើដំណើរទៅកាន់មូលដ្ឋានយោធា Fort Bragg ថា រូបលោកនឹងទៅទស្សនកិច្ចប្រទេសវ៉េណេស៊ុយអេឡា ។ ទន្ទឹមគ្នា មេដឹកនាំរូបនេះ មិនបានផ្តល់ព័ត៌មានលម្អិត អំពីដំណើរទស្សនកិច្ចដែលបានគ្រោងទុកនោះទេ តែលោកបានបង្ហើបថា យើងមិនទាន់សម្រេចចិត្តអំពីកាលបរិច្ឆេទណាមួយនៅឡើយទេ ។ ទោះបីជាយ៉ាងណា បើសិនដំណើរទស្សនកិច្ចនេះកើតឡើងមែន លោក ត្រាំ ដែលមានវ័យ៨០ឆ្នាំរូបនេះ នឹងក្លាយជាប្រធានាធិបតីអាមេរិកដំបូងគេ ចាប់តាំងពីលោក Bill Clinton ក្នុងឆ្នាំ១៩៩៧ ដែលបានទៅជាន់ទឹកដីប្រទេសអាមេរិកខាងត្បូងមួយនេះ ។ សូមរម្លឹកថា ប្រធានាធិបតីវ៉េណេស៊ុយអេឡា លោក នីកូឡាស ម៉ាឌូរ៉ូ និងជំទាវទី១ ត្រូវបានចាប់ខ្លួនដោយកងកម្លាំងពិសេសអាមេរិក មានឈ្មោះ Delta Forceដែលជាអង្គភាពប្រឆាំងភេរវកម្មដ៏កំពូលមួយរបស់ពិភពលោក…

កៀវ ៖ មេដឹកនាំអ៊ុយក្រែនបានហៅប្រធានាធិបតីរុស្ស៊ី លោក វ្ល៉ាឌីមៀ ពូទីន ចំៗថា ជា “ទាសករនៃសង្គ្រាម” ដែលបញ្ជាឱ្យកងទ័ពវាយប្រហារបំផ្លាញរោងចក្រថាមពលស្ទើរតែទាំងអស់នៅអ៊ុយក្រែន ធ្វើឱ្យមនុស្សរាប់លាននាក់រស់ខ្វះថាមពលផ្គត់ផ្គង់កំដៅក្នុងអាកាសធាតុត្រជាក់ខ្លាំង ។ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានថ្លែងបែបនេះ ក្នុងអំឡុងសន្និសិទសន្តិសុខទីក្រុងមុយនិច កាលពីថ្ងៃសៅរ៍ មុនខួប ៤ឆ្នាំនៃការឈ្លានពានរបស់រុស្ស៊ី ដែលបានសម្លាប់មនុស្សរាប់ម៉ឺននាក់ កម្ទេចបំផ្លាញភាគខាងកើតអ៊ុយក្រែន និងបង្ខំឱ្យមនុស្សរាប់លាននាក់រត់ចោលផ្ទះសម្បែង ។ ប្រធានាធិបតីអ៊ុយក្រែនមានវ័យ៤៨ឆ្នាំរូបនេះ បានប្រៀបធៀបលោក ពូទីន ដែលបានដុតបញ្ឆេះភ្លើងសង្គ្រាមក្នុងខែកុម្ភៈ ឆ្នាំ២០២២ ទៅនឹងមេដឹកនាំផ្តាច់ការ លោក អាឌុលហ្វ ហ៊ីត្លែរ និងថា លោក ពូទីន បានចាត់ទុកខ្លួនឯងថា ជា ស្តេចក្រាញ់ ប៉ុន្តែធាតុពិត គាត់គ្រាន់តែជា “ទាសករនៃសង្គ្រាម” ប៉ុណ្ណោះ ។ ក្រៅពីរិះគន់ប្រធានាធិបតីរុស្ស៊ី លោក ហ្សេលេនស្គី បានអំពាវនាវឱ្យពន្លឿនការដឹកជញ្ជូនប្រព័ន្ធការពារដែនអាកាស ដែលផ្គត់ផ្គង់ដោយលោកខាងលិចមកកាន់អ៊ុយក្រែន ជាពិសេសមីស៊ីលថ្មីសម្រាប់ប្រព័ន្ធ Patriots ឬ NASAMS ដើម្បីការពារទីតាំងផ្គត់ផ្គង់ថាមពល…