Author: Dol Pheakdey

អ្នកសារព័ត៌មានមិនត្រូវសម្ភាសអ្នកប្រើប្រាស់ថ្នាំញៀនកំពុងវង្វេងស្មារតី និងសម្ភាសអ្នកស្រវឹងដែលគ្រប់គ្រងអារម្មណ៍មិនបានផ្សព្វផ្សាយនោះទេ។ នេះបើតាមការបញ្ជាក់របស់ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ក្នុងពិធីអញ្ជើញជួបសំណេះសំណាល និងតម្រង់ទិសការងារផ្សព្វផ្សាយដល់អង្គភាពសារព័ត៌មាន និងអ្នកអនុវត្តសកម្មភាពការងារលើវិស័យព័ត៌មាន និងសោតទស្សន៍ នៅរសៀលថ្ងៃទី៧ ខែវិច្ឆិកា ឆ្នាំ២០២៥ នាសាលមណ្ឌលបណ្តុះបណ្តាល និងវិក្រឹតការវិជ្ជាជីវៈសារព័ត៌មាន ទីស្តីការក្រសួងព័ត៌មាន ។ នៅក្នុងឱកាសនោះ ឯកឧត្តម រដ្ឋមន្ត្រីក្រសួងព័ត៌មាន បានធ្វើការរម្លឹកដល់អ្នកសារព័ត៌មាន សូមកុំសម្ភាសអ្នកប្រើប្រាស់ថ្នាំញៀនកំពុងវង្វេងស្មារតី, សម្ភាសអ្នកស្រវឹងដែលគ្រប់គ្រងអារម្មណ៍មិនបាន និងសម្ភាសអ្នកមានវិបល្លាសសតិស្មារតី, ព្រោះនេះជាតម្លៃក្រមសីលធម៌ និងវិជ្ជាជីវសារព័ត៌មាន ហើយក៏ជាការការពារសិទ្ធិឯកជន និងសេចក្តីថ្លៃថ្នូរ របស់បុគ្គលម្នាក់ៗផងដែរ ។ ដូច្នេះ អ្នកសារព័ត៌មានមិនត្រូវសម្ភាសពួកគេ ហើយផ្សាយផ្ទាល់ ឬផ្សព្វផ្សាយបន្តបែបលេងសើចនោះទេ៕ ដោយ ៖ AKP ប៊ុនរិទ្ធ, រូបថត៖ ខឹម សុវណ្ណារ៉ា

នារសៀលថ្ងៃពុធ ទី៥ ខែវិច្ឆិកា ឆ្នាំ២០២៥ (ម៉ោងក្នុងតំបន់) ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានដឹកនាំគណៈប្រតិភូកម្ពុជា រួមមាន ថ្នាក់ដឹកនាំក្រុមប្រឹក្សាអភិវឌ្ឍន៍កម្ពុជា ក្រសួងទេសចរណ៍ ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍, ឯកឧត្តមឯកអគ្គរាជទូតកម្ពុជាប្រចាំសហរដ្ឋអាម៉េរិក និងម៉ិកស៊ីកូ និងគណៈប្រតិភូសមាគមឧកញ៉ាកម្ពុជា ទទួលជួបសម្តែងការគួរសម និងពិភាក្សាការងារជាមួយលោកស្រី Tisha Botman អនុប្រធានប្រតិបត្តិរបស់ក្រុមហ៊ុន Siemens Healthineers ទទួលបន្ទុកផ្នែកកិច្ចការបរទេស និងការទទួលបានសេវាថែទាំសុខភាព។ ក្រុមហ៊ុន Siemens Healthineers ជាក្រុមហ៊ុនឯកទេសលើបច្ចេកវិទ្យា​វេជ្ជសាស្ត្រ​ជាន់ខ្ពស់ លំដាប់ថ្នាក់​ពិភពលោក និងមានក្រុមហ៊ុន Varian ដែលឈានមុខគេនៅលើពិភពលោក ក្នុងការផលិតបរិក្ខាសម្រាប់ព្យាបាលជំងឺមហារីកជាក្រុមហ៊ុនបុត្រសម្ព័ន្ធរបស់ខ្លួន។ គោលបំណង​នៃ​ជំនួបនាឱកាសនេះគឺ សំដៅជំរុញ​ឱ្យ Siemens Healthineers ពិនិត្យ​លទ្ធភាព​នៃ​ការ​ចូលរួម​ផ្គត់ផ្គង់ បំពាក់ និង​ថែទាំ​ឧបករណ៍​វេជ្ជសាស្ត្រ​បច្ចេកវិទ្យា​ខ្ពស់​នៅ​កម្ពុជា ដើម្បី​ឆ្លើយតប​នឹង​យុទ្ធសាស្ត្រ​អភិវឌ្ឍន៍​សុខាភិបាល​របស់​រាជរដ្ឋាភិបាល ដោយ ឯកឧត្តមឧបនាយករដ្ឋមន្ត្រី បាន​គូសបញ្ជាក់​អំពី​កំណើន​សេដ្ឋកិច្ច​របស់​កម្ពុជា និង​ការ​ផ្តោត​សំខាន់​របស់​រាជរដ្ឋាភិបាល​លើ​ការ​ពង្រឹង​គុណភាព​សេវា​សុខាភិបាល ជូនដល់បងប្អូន​ប្រជាពលរដ្ឋផងដែរ​។ ឯកឧត្តម ក៏បាន​ស្នើឱ្យក្រុមហ៊ុន…

នៅថ្ងៃទី៧ ខែវិច្ឆិកា ឆ្នាំ២០២៥ នៅវេលាម៉ោង ១២:០៥នាទីថ្ងៃត្រង់នេះ ក្រុមការងារសម្របសម្រួលចម្រុះ (JCTF) កម្ពុជា-ថៃ លើការងារដោះមីនមនុស្សធម៌បានប្រគល់ភារកិច្ចជូន ក្រុមការងារនៃមជ្ឈមណ្ឌលសកម្មភាពកំចាត់មីនកម្ពុជា (CMAC) និងក្រុមការងារនៃមជ្ឈមណ្ឌលសកម្មភាពកំចាត់មីនថៃ (TMAC) ឱ្យជួបប្រជុំពិភាក្សាការងារបច្ចេកទេស ដើម្បីពិនិត្យតំបន់សាកល្បងក្នុងតំបន់អាទិភាពនៅព្រំដែន ដែលស្ថិតនៅឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ព្រះរាជាណាចក្រកម្ពុជា ទល់មុខ ឃុំណូនម៉ាកម៉ូន ស្រុកគោកស៊ូង ខេត្តស្រះកែវ ព្រះរាជាណាចក្រថៃ។ កិច្ចប្រជុំពិភាក្សានៅថ្ងៃនេះរៀបចំឡើង ស្របតាមការសម្រេចរបស់ក្រុមការងារសម្របសម្រួលចម្រុះ (JCTF) នៅក្នុងកិច្ចប្រជុំកាលពីថ្ងៃទី៣១ ខែតុលា ឆ្នាំ២០២៥កន្លងទៅនេះ។ នេះបើយោងតាមលោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា បញ្ជាក់នារសៀលថ្ងៃទី៧ ខែវិច្ឆិកា ឆ្នាំ២០២៥នេះ។ តាមថ្នាក់ដឹកនាំខាងលើកិច្ចប្រជុំនេះប្រព្រឹត្តទៅក្រោមការសង្កេតការណ៍របស់ក្រុមអ្នកសង្កេតការណ៍អាស៊ាន (AOT) ដើម្បីតាមដាន និងផ្ទៀងផ្ទាត់។ សូមគូសបញ្ជាក់ផងដែរថា ការជួបប្រជុំពិភាក្សា និងការអនុវត្តការងារត្រូវតែគោរពតាមគោលការណ៍ និងនិយាមនីតិវិធីប្រតិបត្តិ (SOP) ដែលក្រុមការងារសម្របសម្រួលចម្រុះ (JCTF) នៃប្រទេសទាំងពីរបានឯកភាពគ្នា។ ជាមួយគ្នានេះ ការងារដោះមីនមនុស្សធម៌នេះត្រូវគោរពតាមគោលការណ៍ការពារអធិបតេយ្យ និងបូរណភាពទឹកដីដោយម៉ឺងម៉ាត់ ព្រមទាំងឈរលើស្មារតីគោរពគ្នាទៅវិញទៅមក៕…

បន្ទាប់ពីព្យុះទីហ្វុង Kalmaegi ដ៏កំណាច បានវាយប្រហារហ្វីលីពីន ដែលបង្កការស្លាប់និងបាត់ខ្លួនរាប់រយនាក់ ព្រមទាំងនាំឱ្យមានការបំផ្លិចបំផ្លាញយ៉ាងទូលំទូលាយ អាជ្ញាធរមូលដ្ឋានបាននិយាយកាលពីថ្ងៃព្រហស្បតិ៍ (៦ តុលា) ថា ក្រុមព្យាករអាកាសធាតុព្រមានថា ព្យុះថ្មីមួយទៀតដែលមានឈ្មោះថា Fung-Wong កំពុងខិតជិតទៅដល់ប្រជុំកោះនេះ ហើយត្រូវរំពឹងថា នឹងវាយប្រហារហ្វីលីពីន នៅយប់ថ្ងៃសុក្រ ឬព្រឹកព្រលឹមថ្ងៃសៅរ៍ ខាងមុខ។ អ្នកឯកទេសអាកាសធាតុនៅសេវាបរិយាកាស ភូមិសាស្ត្រ និងតារាសាស្ត្រ (PAGASA) របស់ហ្វីលីពីន បាននិយាយថា ព្យុះ Fung-Wong ត្រូវគេប៉ាន់ប្រមាណថា មានចម្ងាយ ១.៦៦០គីឡូម៉ែត្រពីភាគឦសាននៃកោះ Mindanao ដោយមានកម្លាំងខ្យល់អតិបរមា ៧៥គីឡូម៉ែត្រក្នុងមួយម៉ោងនៅជិតចំណុចកណ្តាល ហើយខ្យល់កន្ត្រាក់រហូតដល់ ៩០គីឡូម៉ែត្រក្នុងមួយម៉ោង។ ក្រុមអ្នកឆ្លើយតបដំបូង កំពុងត្រៀមខ្លួនទប់ទល់ព្យុះ Fung-Wong ដែលត្រូវព្យាករថានឹងវាយប្រហារភាគកណ្តាលហ្វីលីពីន នៅចុងសប្តាហ៍នេះ ដោយបន្ថែមថា អាជ្ញាធរកំពុងត្រៀមរៀបចំសម្រាប់សេណារីយ៉ូដ៏អាក្រក់បំផុត។ ទន្ទឹមនឹងនេះ មន្រ្តីការិយាល័យការពារស៊ីវិលរបស់ហ្វីលីពីន បាននិយាយថា ចំនួនអ្នកស្លាប់ក្នុងព្យុះទីហ្វុង Kalmaegi អាចនៅតែកើនឡើង ខណៈកិច្ចប្រឹងប្រែងស្វែងរក និងជួយសង្គ្រោះនៅតែបន្ត។ ជាមួយគ្នានេះ មនុស្សប្រហែល ១,៩លាននាក់ បានរងផលប៉ះពាល់ដោយព្យុះ Kalmaegi…

យោងតាមនាយសេនាធិការចម្រុះរបស់កូរ៉េខាងត្បូង (JCS) បានឱ្យដឹងថា កូរ៉េខាងជើង បានបាញ់មីស៊ីលបាលីស្ទិក “មិនស្គាល់ប្រភេទ” យ៉ាងហោចណាស់ ១គ្រាប់ ឆ្ពោះទៅកាន់សមុទ្រខាងកើត (ឬហៅថា សមុទ្រជប៉ុន) នារសៀលថ្ងៃសុក្រ (៧ តុលា) នេះ ដោយពុំផ្ដល់សេចក្ដីលម្អិតបន្ថែមទៀតទេ។ ជាមួយគ្នានេះ ក្រសួងការពារជាតិជប៉ុន ក៏បានចេញសេចក្តីថ្លែងការណ៍មួយតាមរយៈឆ្មាំល្បាតឆ្នេរ ដោយនិយាយថា ខ្លួនពិនិត្យឃើញការបាញ់បង្ហោះនេះ នៅវេលាម៉ោងក្នុងស្រុក ១២:២៧នាទីថ្ងៃត្រង់ ហើយបន្តិចក្រោយមក មីស៊ីលធ្លាក់ចូលក្នុងសមុទ្រនៅម៉ោង ១២:៤៥នាទី ដោយបង្ហាញថា នោះមិនមែនជាមីស៊ីលរយៈចម្ងាយឆ្ងាយទេ។ ប្រសិនបើត្រូវបានបញ្ជាក់ ការបាញ់បង្ហោះនេះនឹងក្លាយជាការបាញ់មីស៊ីលបាលីស្ទិកលើកទីពីរហើយ ក្នុងពេលថ្មីៗនេះ បន្ទាប់ពីការអះអាងរបស់ទីក្រុងព្យុងយ៉ាង នៃការសាកល្បងមីស៊ីលបាលីស្ទិកប្រភេទ “លឿនជាងសំឡេង” កាលពីថ្ងៃទី២២ ខែតុលា កន្លងទៅ ពោលគឺមុនពេលដែលកូរ៉េខាងត្បូង ធ្វើជាម្ចាស់ផ្ទះនៃកិច្ចប្រជុំកំពូលនៃកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក APEC និងដំណើរទស្សនកិច្ចរបស់លោកប្រធានាធិបតីអាមេរិក Donald Trump ទៅកាន់ប្រទេសនេះ៕

កម្មវិធីទិញទំនិញអនឡាញដ៏ល្បីល្បាញ Taobao ស្ថិតក្រោមក្រុមហ៊ុន Alibaba Group បានមកដល់ទីផ្សារកម្ពុជាជាផ្លូវការហើយ ដើម្បីផ្តល់បទពិសោធន៍ទិញទំនិញអនឡាញថ្មីៗ ទាន់សម័យ និងងាយស្រួលជាងមុនសម្រាប់អ្នកប្រើប្រាស់ក្នុងប្រទេសកម្ពុជា។ ជាមួយអ្នកប្រើប្រាស់ជាង 1 ពាន់លាននាក់ ផលិតផលជាង 2 ពាន់លានមុខ និងផលិតផលថ្មីជាង 1 លានមុខរៀងរាល់សប្តាហ៍។ Taobao កំពុងពង្រីកទីផ្សាររបស់ខ្លួនដើម្បីឲ្យអ្នកប្រើប្រាស់នៅកម្ពុជាមានឱកាសទិញទំនិញគ្រប់ប្រភេទពីជុំវិញពិភពលោក។ កាន់តែពិសេសជាងមុនទៅទៀត Taobao បាននាំមកនូវមុខងារថ្មីដើម្បីអនុញ្ញាតឲ្យអ្នកប្រើប្រាស់អាចផ្លាស់ប្ដូរពីភាសាចិនទៅភាសាអង់គ្លេស ដើម្បីធ្វើឱ្យការទិញទំនិញ ការស្វែងរកផលិតផល និងការទូទាត់ប្រាក់ កាន់តែងាយស្រួល សមស្របជាមួយតម្រូវការរបស់អ្នកប្រើប្រាស់នៅកម្ពុជា។ ក្នុងឱកាសចូលមកកាន់ទីផ្សារកម្ពុជានេះ Taobao ក៏បាននាំមកនូវព្រឹត្តិការណ៍ទិញទំនិញធំបំផុតប្រចាំឆ្នាំគឺ 11.11 Shopping Festival ដែលត្រូវបានបង្កើតឡើងដោយ Alibaba Group នៅថ្ងៃទី 11 ខែវិច្ឆិកា ឆ្នាំ 2009។ ឆ្នាំនេះ 11.11 Shopping Festival នឹងប្រព្រឹត្តទៅចាប់ពីថ្ងៃទី 20 ខែតុលា ឆ្នាំ 2025 (ម៉ោងប្រទេសចិន) រហូតដល់ថ្ងៃទី 14 ខែវិច្ឆិកា…

សម្ដេចនាយករដ្ឋមន្ត្រី ហ៊ុន ម៉ាណែត អរគុណក្រុមការងារ និងកងកម្លាំងគ្រប់ប្រភេទ បានការពារសុខសុវត្ថិភាព ជូនពលរដ្ឋ ក្នុងឱកាសបុណ្យអុំទូក (ភ្នំពេញ)៖ សម្ដេចធិបតី ហ៊ុន ម៉ាណែត បានថ្លែងអំណរគុណចំពោះ គ្រប់ភាគីពាក់ព័ន្ធទាំងអស់ ដែលបានបំពេញភារកិច្ច និងការពារសុខសុវត្ថិភាព ជូនប្រជាពលរដ្ឋ ក្នុងឱកាសព្រះរាជពិធីបុណ្យអុំទូក ។ តាមរយៈបណ្ដាញសង្គមហ្វេសប៊ុក នាព្រឹកថ្ងៃទី៧ ខែតុលា ឆ្នាំ២០២៦ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានគូសបញ្ជាក់ថា សូមថ្លែងអំណរគុណចំពោះ ក្រុមការងារគ្រប់លំដាប់ថ្នាក់ និងកងកម្លាំងគ្រប់ប្រភេទ ដែលបានបំពេញភារកិច្ច ការពារសុខសុវត្ថិភាព សណ្ដាប់ធ្នាប់សាធារណៈ និងថែរក្សាអនាម័យបរិស្ថានបានល្អប្រសើរ នៅទូទាំងប្រទេស ក្នុងឱកាសព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ពីថ្ងៃទី៤-៦ វិច្ឆិកា ២០២៥ ។ សូមរំលឹកថា ក្នុងឱកាសព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក រយៈពេល៣ថ្ងៃ ចាប់ពីថ្ងៃទី៤-៦ វិច្ឆិកា ២០២៥ មានប្រជាពលរដ្ឋយ៉ាងច្រើនកុះករ…

(ភ្នំពេញ)៖ ក្នុងរយៈពេល ១០ខែក្នុងឆ្នាំ២០២៥ គិតចាប់ពីខែមករា ដល់ខែតុលា ឆ្នាំ២០២៥ ក្រសួងបរិស្ថាន បានធ្វើការទប់ស្កាត់ការបញ្ចេញសំណល់រាវបំពុលបរិស្ថានពីរោងចក្រ សហគ្រាសនិងក្រុមហ៊ុននានា ស្របតាមវិធានការច្បាប់ បានចំនួន១៥ ៨៩៤ ៤៥០ ម៉ែត្រគូប។ ដោយឡែកគ្រាន់តែក្នុងខែតុលា ឆ្នាំ២០២៥ ក្រសួងបរិស្ថានបានទប់ស្កាត់ការបញ្ចេញសំណល់រាវមិនឱ្យមានការបំពុលបរិស្ថាន បានចំនួនប្រមាណ ២លានម៉ែត្រគូប។ អ្នកនាំពាក្យក្រសួងបរិស្ថាន ឯកឧត្តម ខ្វៃ អាទិត្យា បានបញ្ជាក់ថា លទ្ធផលសម្រេចបាននេះ គឺស្របតាមគោលនយោបាយនិងយុទ្ធសាស្រ្តរបស់រាជរដ្ឋាភិបាលកម្ពុជា និងការដឹកនាំចង្អុលបង្ហាញដ៏ខ្ពង់សខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ក្នុងការទប់ស្កាត់និងកាត់បន្ថយការបំពុលទឹកសាធារណៈ។ ជាមួយគ្នានេះ យុទ្ធសាស្រ្តចក្រាវិស័យបរិស្ថាន ដែលបានដាក់ចេញ ដោយអនុលោមតាមយុទ្ធសាស្រ្តបញ្ចកោណ ដំណាក់កាលទី១ របស់រាជរដ្ឋាភិបាល នីតិកាលទី៧ នៃរដ្ឋសភា ក៏បានដាក់ចេញសសរស្តម្ភចំនួន៣ គឺភាពស្អាត ភាពបៃតង និងចីរភាព។ អ្នកនាំពាក្យក្រសួងបរិស្ថាន បានឱ្យដឹងដែរថា ចំពោះភាពស្អាត គឺក្រសួងបរិស្ថាន បានធ្វើការផ្សព្វផ្សាយ ដាក់ចេញជាយុទ្ធនាការ និងអនុវត្តសកម្មភាព ដើម្បឱ្យកម្ពុជាមានភាពស្អាតទាំងនៅលើផ្ទៃដី ភាពស្អាតក្នុងទឹក និងភាពស្អាតលើមេឃ។ ចំពោះភាពស្អាតក្នុងទឹកនេះ ក្រសួងបរិស្ថានបានរួមបញ្ចូលយុទ្ធនាការទប់ស្កាត់ការបញ្ចេញសំណល់រាវបំពុលតំបន់ទឹកសាធារណៈ…

សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បានសម្តែងក្តីរីករាយជាមួយភ្ញៀវទេសចរណ៍ជាតិ និងអន្តរជាតិ ជាមួយនឹងភាពសប្បាយយ៉ាងគគ្រឹកគគ្រេងនៃពិធីបុណ្យអុំទូក នៅក្នុងខេត្តសៀមរាប ។ នៅក្នុងសំណេរនៅលើផេកហ្វេកប៊ុកផ្លូវការរបស់សម្តេច នៅថ្ងៃទី៥ ខែវិច្ឆិកា ឆ្នាំ២០២៥ សម្តេចតេជោបានលើកឡើងថា «ព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក នៅខេត្តសៀមរាប បាននាំមកនូវភាពសប្បាយរីករាយ និងបរិយាកាសអធិកអធមដល់ប្រជាពលរដ្ឋ ក៏ដូចជាភ្ញៀវទេសចរជាតិ និងអន្តរជាតិ ។ នៅពេលថ្ងៃ នៅតាមដងស្ទឹងសៀមរាប មានប្រជាពលរដ្ឋកម្ពុជា ជាច្រើនកុះករបានមកជួបជុំគ្នា ដើម្បីទស្សនាការប្រណាំងទូកងដ៏ជក់ចិត្តរបស់ក្រុមចំណុះទូក ដែលតំណាងឲ្យសាមគ្គីភាព និងកម្លាំង។ នៅពេលរាត្រី ដងស្ទឹង ត្រូវបានបំភ្លឺដោយពន្លឺប្រទីបចម្រុះពណ៌ ដែលអណ្តែតតាមផ្ទៃទឹក ខណៈ ប្រជាពលរដ្ឋធ្វើពិធីសំពះព្រះខែ និងរីករាយនឹងការអកអំបុកតាមប្រពៃណី។» ។ សម្តេចតេជោ ហ៊ុន សែន នៅជាមួយនឹងភាពរីករាយរបស់ប្រជាពលរដ្ឋខ្មែរ សម្តេចបានចាត់ទុកភាពរីករាយនេះ មិនត្រឹមតែជាការកម្សាន្តប៉ុណ្ណោះទេ តែជាការបង្ហាញយ៉ាងច្បាស់អំពីការថែរក្សាប្រពៃណី វប្បធម៌ ដ៏សម្បូរបែបរបស់ខ្មែរ ក្នុងលក្ខណៈជាមហាគ្រួសារខ្មែរតែមួយក្រោមម្លប់សន្តិភាព ។ សូមបញ្ជាក់ថា ព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក…

មនុស្សរាប់ពាន់នាក់ត្រូវបានបញ្ជាឱ្យជម្លៀសចេញពីតំបន់ឆ្នេរនៅភាគខាងកើតប្រទេសហ្វីលីពីន មុនពេលព្យុះទីហ្វុង Kalmaegi ត្រូវបានគេរំពឹងថានឹងបោកបក់ដល់ដីគោក។ ក្រុមអ្នកព្យាករបានព្រមានអំពីភ្លៀងធ្លាក់ខ្លាំង ខ្យល់ព្យុះ និងសន្ទុះខ្យល់បក់មានរហូតដល់១៥០គីឡូម៉ែត្រក្នុងមួយម៉ោង ខណៈព្យុះនេះត្រូវបានគេរំពឹងថានឹងមកដល់ឆ្នេរសមុទ្រ។ មនុស្សជាង៧០.០០០នាក់នៅក្នុងទីក្រុងឆ្នេរសមុទ្រ Guiuan និងទីក្រុង Salcedo នៅលើកោះ Samar និងMercedes ក្នុងខេត្ត Camarines Norte ត្រូវបានបញ្ជាឱ្យជម្លៀសទៅកាន់មជ្ឈមណ្ឌលជម្លៀស ឬអគាររឹងមាំគ្រប់គ្រាន់ដើម្បីទប់ទល់នឹងឥទ្ធិពលព្យុះទីហ្វុង។ អាជ្ញាធរក៏បានហាមឃាត់ អ្នកនេសាទមិនឱ្យចេញទៅសមុទ្រ ខណៈព្យុះខិតជិតមកដល់។ ព្យុះនេះត្រូវបានគេព្យាករថានឹងបោកបក់ដល់ដីគោកក្នុងពេលឆាប់ៗដែលនឹងវាយបក់លើទីក្រុងជាច្រើន។ ទីក្រុង Guiuan មិនចម្លែកចំពោះព្យុះទីហ្វុងទេ ខណៈទីក្រុងនេះត្រូវបានវាយប្រហារយ៉ាងធ្ងន់ធ្ងរកាលពីក្នុងខែវិច្ឆិកា ឆ្នាំ២០១៣ ដែលនៅពេលនោះព្យុះស៊ីក្លូនត្រូពិកដ៏មានឥទ្ធិពលបំផុតមួយក្នុងកំណត់ត្រាបានវាយបោកបក់ចូលក្នុងប្រទេសហ្វីលីពីន។ ព្យុះនេះបានបណ្តាលឱ្យមនុស្សជាង៧.៣០០នាក់ស្លាប់ឬបាត់ខ្លួន និងជាង៤លាននាក់ជម្លៀសខ្លួន។