Author: Dol Pheakdey

ការ៉ាកាស ៖ លោក ម៉ាឌូរ៉ូ បាននិយាយថា វេណេស៊ុយអេឡាបានទប់ស្កាត់ផែនការ បំផ្ទុះគ្រាប់បែក នៅឯស្ថានទូតអាមេរិក ស្ថិតក្នុងទីក្រុងការ៉ាកាស ចំពេលមានជម្លោះគ្រឿងញៀន។ លោក ប្រធានាធិបតី Nicolas Maduro បាននិយាយ កាលពីថ្ងៃចន្ទថា ប្រទេសវេណេស៊ុយអេឡា បានរារាំងប្រតិបត្តិការនេះ ជាអ្វីដែលលោកបានហៅថា «ក្រុមភេរវករក្នុងស្រុក» ហើយថា ការប៉ុនប៉ងនេះ នឹងធ្វើឱ្យជម្លោះ រវាងប្រទេសទាំងពីរ កាន់តែធ្ងន់ធ្ងរ លើការជួញដូរគ្រឿងញៀន។ ថ្លែងក្នុងកម្មវិធីទូរទស្សន៍ប្រចាំសប្តាហ៍ លោក Maduro បាននិយាយថា ប្រភព ពីរ ដែលលោកមិនបញ្ចេញឈ្មោះ បានឯកភាពលើលទ្ធភាព ដែលក្រុមភេរវករក្នុងស្រុក ដាក់គ្រឿងផ្ទុះ នៅស្ថានទូតអាមេរិក ក្នុងទីក្រុង Caracas ដើម្បីធ្វើឱ្យជម្លោះកាន់តែធ្ងន់ធ្ងរ ជាមួយទីក្រុងវ៉ាស៊ីនតោន»។ លោក Jorge Rodriguez ប្រធានគណៈប្រតិភូវេណេស៊ុយអេឡា សម្រាប់ការសន្ទនា ជាមួយសត្រូវរបស់ខ្លួន សំដៅលើអាមេរិក បាននិយាយមុននេះថា រដ្ឋាភិបាលទីក្រុង Caracas បានព្រមានក្រុងវ៉ាស៊ីនតោនអំពី “ការគំរាមកំហែងយ៉ាងធ្ងន់ធ្ងរ” ពីក្រុមជ្រុលនិយម ដែលត្រូវបានចោទប្រកាន់ថា…

បាងកក ៖ ទឹកជំនន់ថៃប៉ះពាល់ ដល់១៦ខេត្ត ផ្តាច់យកជីវិតមនុស្ស អស់១២នាក់ហើយ គិតត្រឹមថ្ងៃចន្ទ។ យោងតាមការចេញផ្សាយ របស់ទីភ្នាក់ងារព័ត៌មាន VNexpress នៅថ្ងៃអង្គារនេះ នាយករដ្ឋមន្ត្រីថៃ លោក Anutin Charnvirakul កាលពីថ្ងៃទី៦ ខែតុលា បានបញ្ជាឱ្យ មានកិច្ចខិតខំប្រឹងប្រែងសង្គ្រោះបន្ទាន់ បន្ទាប់ពីទឹកជំនន់ ដែលបង្កឡើងដោយភ្លៀងធ្លាក់ខ្លាំង ជាច្រើនថ្ងៃ និងព្យុះ បានវាយប្រហារខេត្តចំនួន ១៦ ក្នុងរយៈពេលមួយសប្តាហ៍ កន្លងមកនេះ ដោយបានសម្លាប់មនុស្ស ១២នាក់ និង ប៉ះពាល់ដល់ ជាង១០ម៉ឺនគ្រួសារ។ ក្រសួងមហាផ្ទៃបាននិយាយថា ទឹកជំនន់បានជន់លិចផ្នែក នៃភាគខាងជើង កណ្តាល និង ភាគឦសាន នៃប្រទេសថៃ ហើយ ខេត្ត Uttaradit នៅតំបន់ភាគខាងជើងខាងលើ ដែលមានមនុស្សចំនួន ៥នាក់បានស្លាប់ ស្ថិតក្នុងចំណោមការវាយប្រហារ ដ៏អាក្រក់បំផុត។ អ្នកស្រុកម្នាក់ ឈ្មោះថា Sakchai បានប្រាប់ទូរទស្សន៍រដ្ឋ ThaiPBS ថា «ទឹកបានឡើងយ៉ាងលឿន យើងបានរើទៅដំបូល…

គែរ ៖ គណៈប្រតិភូមកពីក្រុមហាម៉ាស់ អ៊ីស្រាអែល និងសហរដ្ឋអាមេរិក នឹងជួបប្រជុំគ្នានៅប្រទេសអេហ្ស៊ីប ក្នុងថ្ងៃចន្ទនេះ ស្របពេលដែលលោកប្រធានាធិបតី ដូណាល់ ត្រាំ បានជំរុញឱ្យអ្នកចរចាចាត់វិធានការពន្លឿនបង្កើតបទឈប់បាញ់ ដើម្បីពន្លត់ភ្លើងសង្គ្រាមដ៏រុំារ៉ៃជិតពីរឆ្នាំនៅតំបន់ហ្គាហ្សា។ ផ្អែកតាមសេចក្តីរាយការណ៍របស់សារព័ត៌មាន Channel News Asia, ទាំងក្រុមហាម៉ាស់ និងអ៊ីស្រាអែល បានឆ្លើយតបវិជ្ជមានចំពោះសំណើរបស់លោកប្រធានាធិបតី ត្រាំ សម្រាប់ការបិទបញ្ចប់ការប្រយុទ្ធគ្នា និងការដោះលែងចំណាប់ខ្មាំងដែលនៅសេសសល់ក្នុងតំបន់ហ្គាហ្សា ជាថ្នូរនឹងការផ្តល់សេរីភាពដល់ប្រជាជនប៉ាឡេស្ទីន ដែលជាប់ឃុំខ្លួននៅក្នុងពន្ធនាគាររបស់អ៊ីស្រាអែល។ មន្ត្រីជាន់ខ្ពស់ម្នាក់មកពីក្រុមសកម្មប្រយុទ្ធប៉ាឡេស្ទីនបានប្រាប់សារព័ត៌មាន AFP មុនកិច្ចពិភាក្សានៅទីក្រុងរមណីយដ្ឋាន Sharm El-Sheikh របស់អេហ្ស៊ីបថា អ្នកចរចាឈានមុខនៃក្រុមហាម៉ាស់ លោក Khalil al-Hayya នឹងជួបចរចាជាមួយអ្នកសម្រុះសម្រួលមកពីអេហ្ស៊ីប និងកាតានៅទីក្រុងគែរ នៅក្នុងថ្ងៃចន្ទនេះ។ មន្ត្រីដដែលបន្តថា ការចរចានេះនឹងស្វែងរកឱកាសកំណត់កាលបរិច្ឆេទបង្កើតបទឈប់បាញ់បណ្តោះអាសន្ន ក៏ដូចជាបង្កើតលក្ខខណ្ឌសម្រាប់ដំណាក់កាលដំបូងនៃផែនការសន្តិភាព ក្នុងនោះចំណាប់ខ្មាំង ៤៧នាក់ដែលជាប់ឃុំខ្លួននៅហ្គាហ្សានឹងត្រូវដោះលែង ជាថ្នូរនឹងការដោះលែងអ្នកទោសប៉ាឡេស្ទីនរាប់រយនាក់។ ជាមួយគ្នានោះ លោកប្រធានាធិបតី ដូណាល់ ត្រាំ បានបង្ហោះសារលើបណ្តាញសង្គម Truth Social កាលពីថ្ងៃអាទិត្យ ដោយបានសរសើរការពិភាក្សាជាវិជ្ជមានជាមួយក្រុមហាម៉ាស និងសម្ព័ន្ធមិត្តជុំវិញពិភពលោក រួមទាំងប្រទេសអារ៉ាប់ និងមូស្លីមផងដែរ។…

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ កាលពីថ្ងៃទី៥ ខែតុលា បានបង្ហាញពីការពេញចិត្តនឹងគំនិតរបស់មេដឹកនាំប្រទេសរុស្ស៊ី លោក វ្ល៉ាឌីមៀ ពូទីន ជុំវិញការដាក់ពង្រាយអាវុធនុយក្លេអ៊ែរ។ យោងតាមការចេញផ្សាយ របស់ទីភ្នាក់ងារព័ត៌មាន CNA លោក ត្រាំ បានអះអាងប្រាប់អ្នកសារព័ត៌មានថា ការផ្តល់ជូនរបស់ប្រធានាធិបតីរុស្ស៊ី លោក វ្ល៉ាឌីមៀ ពូទីន ក្នុងការរក្សាកម្រិតអាវុធនុយក្លេអ៊ែរយុទ្ធសាស្ត្រ គឺ ជាគំនិតល្អ។ គួររម្លឹកថា កាលពីខែមុន លោក ពូទីន បានស្នើឱ្យមានការស្ម័គ្រចិត្ត លើទំហំឃ្លាំងអាវុធនុយក្លេអ៊ែរធំបំផុត របស់ពិភពលោក ដូចដែលបានកំណត់ ដោយសន្ធិសញ្ញា New START ឆ្នាំ២០១០ ប្រសិនបើទីក្រុងវ៉ាស៊ីនតោន យល់ព្រមធ្វើដូចគ្នា។ ពេលវេលាដ៏កម្រ នៃកិច្ចសហប្រតិបត្តិការ រវាងអាមេរិក និងរុស្ស៊ី នេះ បានកើតមានឡើង ចំពេលដែលមានភាពតានតឹង កាន់តែខ្លាំង រវាងប្រទេសទាំងពីរ ចាប់តាំងពីលោក Trump និងលោក Putin បានជួបប្រជុំគ្នា នៅរដ្ឋអាឡាស្កា…

តូក្យូ ៖ នាវាចម្បាំងជប៉ុនបានចេញដំណើរទៅបំពាក់មីស៊ីលអាមេរិក ដែលអាចបាញ់បានចម្ងាយជាង ១,៦០០គីឡូម៉ែត្រ។ នាវាចម្បាំងជប៉ុន JS Chokai កំពុងធ្វើដំណើរ ទៅកាន់អាមេរិក ដើម្បីបំពាក់ ជាមួយនឹងមីស៊ីល Tomahawk ដែលអាចបាញ់ ដល់គោលដៅ ចម្ងាយ ១.០០០ម៉ាយ ឬ ជាង១,៦០០គីឡូម៉ែត្រ ខណៈការប្រណាំងប្រជែងសព្វាវុធ នៅតំបន់ ប៉ាស៊ីហ្វិក កំពុងឡើងកម្តៅ។ យោងតាមការចេញផ្សាយ របស់ទីភ្នាក់ងារព័ត៌មាន CNN កាលពីពេលថ្មីៗនេះ បានឲ្យដឹងថា នាវាពិឃាដ បំពាក់ដោយកាំជ្រួចមីស៊ីល Aegis របស់ជប៉ុន មួយគ្រឿងនេះ គ្រោងនឹងដាក់ពង្រាយ រយៈពេលមួយឆ្នាំ ក្នុងអំឡុងពេលដែលកប៉ាល់នេះ នឹងឆ្លងកាត់ការហ្វឹកហ្វឺននាវិក ដើម្បីអាចបាញ់បង្ហោះ កាំជ្រួច Tomahawks បាន។ នៅដើមឆ្នាំ ២០២៤ ប្រទេសជប៉ុន បានចុះហត្ថលេខា លើកិច្ចព្រមព្រៀង ជាមួយសហរដ្ឋអាមេរិក ដើម្បីទទួលបានមីស៊ីល Tomahawks ចំនួន ៤០០គ្រឿង ដែលជាផ្នែកនៃផែនការ របស់រដ្ឋាភិបាលទីក្រុងតូក្យូ ជុំវិញការបង្កើនចំណាយ លើវិស័យការពារជាតិ…

វ៉ាស៊ីនតោន ៖ ខុសប្លែកពីមេដឹកនាំអាមេរិកពីមុនៗ លោកប្រធានាធិបតី ដូណាល់ ត្រាំ បានប្រកាសចង់រៀបចំការប្រកួតគុនចម្រុះហៅកាត់ UFC នៅបរិវេណសេតវិមាន នាថ្ងៃទី១៤ ខែមិថុនា ឆ្នាំ២០២៦ ចំថ្ងៃខួបកំណើតរបស់លោកផ្ទាល់គម្រប់វ័យ ៨០ឆ្នាំ។ ការប្រកាសរបស់លោកប្រធានាធិបតី ត្រាំ នេះ ធ្វើឡើងអំឡុងការថ្លែងសន្ទរកថានៅឯមូលដ្ឋានទ័ពជើងទឹកអាមេរិក Norfolk កាលពីថ្ងៃទី៤ ខែតុលា ជាកន្លែងដែលមេដឹកនាំអាមេរិកទី៤៧រូបនេះ ចូលរួមប្រារព្ធពិធីខួបទី២៥០ នៃការបង្កើតឡើងកងទ័ពជើងទឹកអាមេរិក។ ក្រៅពីអាជីពជាប្រធានាធិបតីអាមេរិក, មហាសេដ្ឋីអចលនទ្រព្យវ័យ៧៩ឆ្នាំរូបនេះ ក៏ជាមនុស្សម្នាក់និយមចូលចិត្តផ្នែកកីឡាគុនចម្រុះ ដូចជា UFC ជាដើមបន្ទាប់ពីការធ្វើនយោបាយ។ ចាប់តាំងពីខែមិថុនា លោកប្រធានាធិបតី ត្រាំ បានចូលរួមទស្សនាការប្រកួតព្រឹត្តិការណ៍ UFC ជាបន្តបន្ទាប់មិនដែលអាកខានឡើយ។ ការរៀបចំការប្រកួត UFC នៅសេតវិមាន ត្រូវបានគេមើលឃើញថា ជាការបង្ហាញអំពីខួបកំណើត៨០ឆ្នាំរបស់លោកប្រធានាធិបតី ត្រាំ និងជាការបង្ហាញពីទំនាក់ទំនងយូអង្វែងរបស់លោកជាមួយនឹងមេធំ UFC ផងដែរ។ មេធំ UFC លោក Dana White ក៏បានអះអាងដែរថា ស្ថាប័នរបស់លោកក៏ត្រៀមលុយប្រមាណ ៧០០,០០០ដុល្លាររួចជាស្រេច ដើម្បីផ្លាស់ប្តូរស្មៅនៅបរិវេណសេតវិមាន ក្រោយពីព្រឹត្តិការណ៍…

វ៉ាស៊ីនតោន ៖ លោក ដូណាល់ ត្រាំ បាននិយាយថា «គ្មានទូក» នៅសេសសល់ទៀតទេ បន្ទាប់ពីការវាយប្រហារ របស់សហរដ្ឋអាមេរិក នៅជិតប្រទេស វេណេស៊ុយអេឡា។ ប្រធានាធិបតី Donald Trump បាននិយាយថា «ការវាយប្រហារដ៍សាហាវលើទូកតូចៗ នៅជិតឆ្នេរសមុទ្រ ប្រទេស វេណេស៊ុយអេឡា ដែលមន្ត្រីអាមេរិកចោទប្រកាន់ថា បានដឹកគ្រឿងញៀននោះ បានទទួលជោគជ័យហើយ ដូច្នេះ មិនមានទូក នៅសល់ក្នុងតំបន់ Caribbean ទៀតទេ។ លោក Trump បានប្រាប់ក្រុមនាវិក នៃ កងទ័ពជើងទឹក នៅឯមូលដ្ឋានទ័ពជើងទឹកដ៏ធំ Norfolk ក្នុងរដ្ឋ Virginia កាលពីចុងសប្តាហ៍ថា «យើងកំពុងបញ្ឈប់គ្រឿងញៀន ក្នុងកម្រិតមួយដែលគ្មាននរណាម្នាក់ធ្លាប់បានឃើញ»។ លោក Trump និយាយ ទាំងសើចចំអកថា «យើងពូកែណាស់ ដែលមិនមានទូកទៀតទេ តាមពិតទៅ សូម្បីតែទូកនេសាទ ក៏គ្មាននរណា ចង់ចូល ដែនទឹកដែរ…យើងរកមិនឃើញទេ»។ គិតត្រឹមថ្ងៃសុក្រ សប្តាហ៍មុន សហរដ្ឋអាមេរិកបានវាយប្រហារ ទៅលើទូករត់ពន្ធគ្រឿងញៀង…

នាយករដ្ឋមន្រ្តីថ្មីរបស់បារាំង លោក Sebastien Lecornu បានលាលែងពីតំណែងនៅថ្ងៃចន្ទ (ទី៦ ខែតុលា) ពោលគឺត្រឹមតែប៉ុន្មានម៉ោងបន្ទាប់ពីបានតែងតាំងគណៈរដ្ឋមន្ត្រីថ្មី ដោយសារទាំងសម្ព័ន្ធមិត្ត និងគូប្រជែង បានគំរាមកំហែងផ្តួលរំលំរដ្ឋាភិបាលរបស់លោក។ វិមាន Elysée បានធ្វើសេចក្តីប្រកាស ក្រោយលោក Lecornu បានជួបលោកប្រធានាធិបតី Emmanuel Macron រយៈពេល ១ម៉ោង នាព្រឹកថ្ងៃចន្ទ។ ការសម្រេចដ៏គួរឲ្យភ្ញាក់ផ្អើលនេះកើតមានឡើងត្រឹមតែ ២៦ថ្ងៃប៉ុណ្ណោះ បន្ទាប់ពីលោក Lecornu ត្រូវបានតែងតាំងជានាយករដ្ឋមន្ត្រី ក្រោយការដួលរលំនៃរដ្ឋាភិបាលមុនរបស់លោក François Bayrou។ ភាគហ៊ុនបារាំង ក៏ដូចជាប្រាក់អឺរ៉ូ បានធ្លាក់ចុះយ៉ាងខ្លាំង ដោយសារព័ត៌មាននៃការលាលែងនេះ។ បន្ទាប់ពីមានការពិគ្រោះយោបល់ជាច្រើនសប្តាហ៍ជាមួយគណបក្សនយោបាយទូទាំងក្រុមប្រឹក្សា លោក Lecornu ដែលជាសម្ព័ន្ធមិត្តជិតស្និទ្ធរបស់លោក Macron កាលពីថ្ងៃអាទិត្យបានតែងតាំងរដ្ឋមន្ត្រីរបស់លោក ហើយគណៈរដ្ឋមន្ត្រីនេះត្រូវបានកំណត់បើកកិច្ចប្រជុំលើកដំបូងរបស់ខ្លួន នៅរសៀលថ្ងៃចន្ទនេះ។ ប៉ុន្តែជួរគណៈរដ្ឋមន្ត្រីថ្មីនេះ បានធ្វើឲ្យទាំងគូប្រជែង និងសម្ព័ន្ធមិត្តខឹងសម្បាដូចគ្នា ដែលបានយល់ថា មាននិន្នាការស្តាំនិយមពេក ឬមិនគ្រប់គ្រាន់ ដោយបាននាំឲ្យមានភាពមិនច្បាស់លាស់ខ្លាំងឡើងៗ ជុំវិញថា តើក្រុមនេះអាចបន្តដំណើរការបានរយៈពេលយូរប៉ុនណាទៅ នៅពេលដែលប្រទេសបារាំងកំពុងជាប់គាំងក្នុងវិបត្តិនយោបាយរួចហើយនោះ ក្នុងពេលដែលគ្មានក្រុមណាមួយគ្រប់គ្រងសំឡេងភាគច្រើន នៅក្នុងសភាដែលមានភាពបែកបាក់។ លោក…

ឡាអេ ៖ ប្រទេសហូឡង់បានប្រកាសនឹងបន្តហាមឃាត់ការនាំចេញគ្រឿងបន្លាស់ សម្រាប់យន្តហោះចម្បាំងបំបាំងកាយ F-35 ទៅកាន់ប្រទេសអ៊ីស្រាអែល ទោះបីជាតុលាការកំពូលផ្តល់ជម្រើសផ្លាស់ប្តូរគោលនយោបាយនេះក៏ដោយ។ រដ្ឋាភិបាលហូឡង់បាននិយាយនៅក្នុងសេចក្តីថ្លែងការណ៍មួយថា ដោយសារកាលៈទេសៈបច្ចុប្បន្ន ដូច្នេះវាមិនសមហេតុផលទេ ក្នុងការបន្ត នាំចេញគ្រឿងបន្លាស់យន្តហោះចម្បាំង F-35 ពីហូឡង់ទៅកាន់អ៊ីស្រាអែលនៅពេលនេះ។ ការសម្រេចចិត្តបែបនេះ គឺមានគោលបំណងការពារសន្តិសុខរបស់ហូឡង់ខ្លួនឯងផ្ទាល់ និងសម្ព័ន្ធមិត្តរបស់យើង។ ហើយមិនមានអ្វីជាប់ទាក់ទងនឹងអ្វីដែលរដ្ឋាភិបាលហៅថា “ស្ថានភាពមហន្តរាយនៅតំបន់ហ្គាហ្សាស្ទ្រីប” នោះទេ។ គួរកត់សម្គាល់ គ្រឿងបន្លាស់យន្តហោះ F-35 ដែលគ្រប់គ្រងដោយសហរដ្ឋអាមេរិក ត្រូវបានរក្សាទុកនៅឃ្លាំងដ៏ធំក្នុងប្រទេសហូឡង់ ដើម្បីដឹកជញ្ជូនចែកចាយទៅកាន់ដៃគូជាច្រើន រួមទាំងអ៊ីស្រាអែល តាមរយៈកិច្ចព្រមព្រៀងនាំចេញដែលមានស្រាប់។ ការហាមប្រាមលើការនាំចេញគ្រឿងបន្លាស់របស់ហូឡង់ សម្រាប់យន្តហោះ F-35 ដែលប្រើប្រាស់ដោយអ៊ីស្រាអែលនៅក្នុងយុទ្ធនាការហ្គាហ្សាប្រឆាំងក្រុមហាម៉ាស់ ត្រូវបានធ្វើឡើងចាប់តាំងពីខែកុម្ភៈ ឆ្នាំ២០២៤៕ ប្រភព ៖ AFP

ហាណូយ ៖ មេដឹកនាំកំពូលរបស់វៀតណាមនឹងទៅបំពេញទស្សនកិច្ច នៅកូរ៉េខាងជើង ក្នុងសប្តាហ៍នេះ។ ក្រសួងការបរទេសប្រទេសវៀតណាម បាននិយាយថា មេដឹកនាំកំពូលរបស់វៀតណាម លោក To Lam នឹងបំពេញទស្សនកិច្ច នៅកូរ៉េខាងជើង រយៈពេលបី ថ្ងៃចាប់ពីថ្ងៃព្រហស្បតិ៍។ លោក Lam អគ្គលេខាធិការបក្សកុម្មុយនិស្ត ដែលកំពុងកាន់អំណាច “នឹងបំពេញទស្សនកិច្ចផ្លូវរដ្ឋ” ទៅកាន់ប្រទេសកូរ៉េខាងជើង ចាប់ពីថ្ងៃទី ៩ ដល់ ១១ ខែតុលា នេះបើយោងតាមសេចក្តីថ្លែងការណ៍ របស់ក្រសួង ចេញផ្សាយនៅថ្ងៃចន្ទ ទី៦ ខែតុលានេះ។ បើតាមប្រភព លោកនឹងចូលរួមក្នុងព្រឹត្តិការណ៍មួយ ដែលជាការប្រារព្ធខួបលើកទី ៨០ នៃការបង្កើតគណបក្សពលករកំពុងកាន់អំណាច របស់កូរ៉េខាងជើង។ ដំណើរទស្សនកិច្ចនេះនឹងជាដំណើរទស្សនកិច្ចលើកដំបូងរបស់លោក Lam ទៅប្រទេសឯកោ ខាងការទូត និងប្រដាប់ដោយអាវុធ នុយក្លេអ៊ែរ ក្នុងនាមជាប្រធានបក្សរបស់ប្រទេសវៀតណាម ហើយក៏ធ្វើឡើង បន្ទាប់ពីដំណើរទស្សនកិច្ច នៅប្រទេសកូរ៉េខាងត្បូង កាលពីខែសីហា។ ប្រព័ន្ធផ្សព្វផ្សាយរដ្ឋ បាននិយាយថា ដំណើរទស្សនកិច្ចចុងក្រោយរបស់មេដឹកនាំគណបក្សវៀតណាម ទៅកាន់កូរ៉េខាងជើង គឺ ក្នុងឆ្នាំ ២០០៧…