Author: Dol Pheakdey

មូស្គូ ៖ លោក Aleksey Meshkov បេសកជនរបស់រុស្ស៊ី ប្រចាំនៅទីក្រុងប៉ារីស បានអះអាងថា សង្គ្រាមនឹងផ្ទុះឡើងភ្លាម ឲ្យតែប្រទេសណាតូ មួយណា ហ៊ានបាញ់យន្តហោះចម្បាំង របស់រុស្ស៊ី នេះបើតាមការចុះផ្សាយរបស់ទីភ្នាក់ងារព័ត៌មាន RT កាលពីថ្ងៃទី២៥ ខែកញ្ញា។ ការអះអាងនេះ បានធ្វើឡើង បន្ទាប់ពីប្រទេស អេស្តូនី បានអះអាងថា យន្តហោះយោធារុស្ស៊ីបានរំលោភលើដែនអាកាសរបស់ខ្លួន ហើយ ប្រទេសប៉ូឡូញបានចោទប្រកាន់ថា យន្តហោះគ្មានមនុស្សបើករុស្ស៊ីជាច្រើនគ្រឿង បានចូលទឹកដីរបស់ខ្លួន។ បើទោះបីជា រឿងទាំងនេះ ត្រូវបានទីក្រុងម៉ូស្គូ បដិសេធចោល ក៏ដោយ អគ្គលេខាធិការអង្គការណាតូ លោក Mark Rutte កាលពីថ្ងៃអង្គារ បានថ្លែងគាំទ្រ ឲ្យមានការបាញ់ទម្លាក់យន្តហោះចម្បាំងរុស្ស៊ី ប្រសិនបើគិតថា បំពានដែនអាកាស របស់ប្លុកណាតូ។ ឆ្លើយតបនឹងរឿងនេះ លោក Meshkov បានប្រាប់ស្ថានីយវិទ្យុ RTL របស់ប្រទេសបារាំង កាលពីថ្ងៃព្រហស្បតិ៍ថា ទង្វើនេះ មានន័យថា ជាសង្គ្រាម ហើយ។ លោកក៏បានទទូចថា រដ្ឋសមាជិកណាតូ…

តូក្យូ ៖ ស្ទើរតែ៤៤ភាគរយ នៃជនជាតិជប៉ុន ក្នុងវ័យ២០ឆ្នាំ មិនដែរផឹកស្រា ហើយ ១៦ភាគរយ ផឹកតិចជាងម្តង ក្នុងមួយខែ នេះបើយោងតាមការស្ទង់មតិថ្មីមួយ របស់ក្រុមហ៊ុនប្រឹក្សាទីផ្សារ Mery Co ដែលមានមូលដ្ឋាន នៅទីក្រុងតូក្យូ និងចុះផ្សាយបន្ត ដោយទីភ្នាក់ងារព័ត៌មានព័ត៌មាន South China Moring Post នាពេលថ្មីៗនេះ។ របាយការណ៍រកឃើញថា មូលហេតុដែលនាំឲ្យពួកគេបោះបង់ស្រាចោល គឺ បណ្តាលមកពីទម្លាប់ នៃសម័យជំងឺរាតត្បាត, ការកើនឡើងថ្លៃស្រា និងការវិវត្ត នៃអាកប្បកិរិយា លើការងារ និង សុខុមាលភាព ជាដើម។ នៅពេលសួរថា ហេតុអ្វីបានជាពួកគេ ជៀសវាងគ្រឿងស្រវឹង? ៣៤ ភាគរយ នៃអ្នកឆ្លើយសំណួរ វ័យក្មេង នៅក្នុងការស្ទង់មតិ បាននិយាយថា ពួកគេមិនមានហេតុផលជាក់លាក់ នោះទេ។ ប្រហែល ២៤ភាគរយ បានលើកឡើងថា ផឹកស្រាមិនបាន ឬ បើផឹក មានបញ្ហាសុខភាពភ្លាម។ ២២.៦ ភាគរយ…

បរទេស ៖ ក្រុមអ្នកបម្រើការងារក្នុងប្រព័ន្ធផ្សព្វផ្សាយ បានបង្ហាញពីការព្រួយបារម្ភ ចំពោះការសង្ខេបព័ត៌មានរបស់ AI ឬ AI Overviews កាន់តែរីករាលដាល នៅផ្នែកខាងលើ នៃ បណ្តាញសង្គម Google ដែលជាក្រុមហ៊ុនស្វែងរកទិន្នន័យដ៏ធំ នៅលើអ៊ីធឺណេត។ បើតាមការចុះផ្សាយ របស់ទីភ្នាក់ងារព័ត៌មាន BBC នៅខែកញ្ញានេះ បានឲ្យដឹងថា ក្រុមហ៊ុនផ្សាយព័ត៌មានទាំងនោះ កំពុងភ័យខ្លួនថា អតិថិជនមិនចូលទៅមើលអត្ថបទពេញលេញ នៅលើគេហទំព័រកាសែត របស់ពួកគេ តែ អ្នកអានសប្បាយចិត្ត ជាមួយនឹងការសង្ខេបរឿង របស់បញ្ញាសិប្បនិម្មិត ហៅកាត់ AI ជាហេតុនាំឲ្យប៉ះពាល់ដល់ ប្រាក់ចំណូល ពីពាណិជ្ជកម្ម លើប្រព័ន្ធផ្សព្វផ្សាយសង្គម។ លោក Felix Simon អ្នកស្រាវជ្រាវផ្នែក AI និងព័ត៌មាន នៅវិទ្យាស្ថាន Reuters សម្រាប់ការសិក្សាផ្នែកសារព័ត៌មាន នៃសាកលវិទ្យាល័យ Oxford មានប្រសាសន៍ថា ការព្រួយបារម្ភចម្បងមួយ ពីការសង្ខេបន័យ របស់ AI គឺ ងាយស្រួល និងមានឥទ្ធិពលសម្រាប់អ្នកអាន…

ប៉េកាំង ៖ ប្រទេសចិននិយាយថា នាវាផ្ទុកយន្តហោះខ្នាតយក្សទី ៣ របស់ខ្លួន មានឈ្មោះថា Fujian ត្រូវបានរំពឹងថា នឹងចូលបម្រើការនាពេលឆាប់ៗខាងមុខនេះ បន្ទាប់ពីការធ្វើនាវាចរណ៍ឆ្លងកាត់ច្រកសមុទ្រតៃវ៉ាន់ និងចូលទៅក្នុងសមុទ្រចិនខាងត្បូង ជាផ្នែកមួយនៃការសាកល្បងបើកបរក្នុងដែនសមុទ្រ ដែលជាផ្លូវទឹកដ៏រសើបបំផុតចំនួនពីរ។ Fujian ដែលបង្ហាញខ្លួនជាលើកដំបូងក្នុងឆ្នាំ ២០២២ គឺជានាវាផ្ទុកយន្តហោះដ៏ទំនើបបំផុត និង ជានាវាផ្ទុកយន្តហោះដំបូងគេរបស់ប្រទេសចិន ដែលបំពាក់ដោយប្រព័ន្ធអេឡិចត្រូម៉ាញ៉េទិច catapult ជាឧបករណ៍ដែលអាចឱ្យយន្តហោះបង្កើនល្បឿន មុនពេលហោះចេញពីនាវា។ នៅក្នុងសន្និសីទសារព័ត៌មានមួយ កាលពីថ្ងៃព្រហស្បតិ៍ អ្នកនាំពាក្យក្រសួងការពារជាតិ លោក Zhang Xiaogang បាននិយាយថា បេសកកម្មរបស់នាវា Fujian នឹងចាប់ផ្តើមក្នុងពេលឆាប់ៗនេះ គឺមិនយូរឡើយ។ លោកថា ការសាកល្បងធ្វើនាវាចរណ៍ និង ការហ្វឹកហ្វឺនបញ្ជានាវាកំពុងដំណើរការដោយជោគជ័យស្របតាមផែនការ។ ទូរទស្សន៍រដ្ឋរបស់ប្រទេសចិន កាលពីថ្ងៃចន្ទ ក៏បានរាយការណ៍ពីភាពជោគជ័យ នៃការហ្វឹកហ្វឺនហោះហើររបស់យន្តហោះនៅលើនាវា មានទាំងការហោះឡើង និង ការចុះចតដោយមានជំនួយពីប្រព័ន្ធ catapult ដែលពាក់ព័ន្ធនឹងយន្តហោះចម្បាំង និងការព្រមានជាមុន ពិសេសការគ្រប់គ្រងយន្តហោះ។ គួរកត់សម្គាល់ ប្រទេសចិនមានបំណងបង្កើនសមត្ថភាពប្រតិបត្តិការដែនទឹករបស់ខ្លួន ដោយប្រើនាវាផ្ទុកយន្តហោះទី៣ Fujian រួមជាមួយនាវាផ្ទុកយន្តហោះទំនើបបំផុតចំនួន…

(ភ្នំពេញ)៖ ទូតចិនប្រចាំកម្ពុជា បានគូសបញ្ជាក់ថា ឆ្នាំនេះ ឯកឧត្តមប្រធានាធិបតីចិន បានបំពេញទស្សនកិច្ចផ្លូវរដ្ឋនៅកម្ពុជាម្ដងទៀត ដោយបានលើកកម្ពស់ទំនាក់ទំនងទ្វេភាគីដល់កម្រិតថ្មីមួយទៀត ។ ឯកឧត្តម វ៉ាង វិនពីន ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាមានិតចិន ប្រចាំកម្ពុជា បានថ្លែងដូច្នេះនៅយប់ថ្ងៃទី២៦ ខែកញ្ញា ឆ្នាំ២០២៥ ក្នុងពិធីជប់លៀងអបអរសាទរខួប៧៦ នៃការបង្កើតសាធារណរដ្ឋប្រជាមានិតចិន នៅសណ្ឋាគារសុខាភ្នំពេញ ក្រោមការអញ្ជើញចូលរួមដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទីនៃព្រះរាជាណាចក្រកម្ពុជា និងមានការអញ្ជើញចូលរួមពីសមាជិកព្រឹទ្ធសភា រដ្ឋសភា និងរាជរដ្ឋាភិបាល, តំណាងអង្គទូត នៃប្រទេសជាមិត្តប្រចាំកម្ពុជា ព្រមទាំងភ្ញៀវកិត្តិយសជាតិ និងអន្តរជាតិជាច្រើនរូបទៀត ។ ឯកឧត្តម វ៉ាង វិនពីន បានសម្ដែងការស្វាគមន៍យ៉ាងកក់ក្តៅជូនចំពោះ សម្តេចតេជោ ហ៊ុន សែន ប្រមុខរដ្ឋស្ដី ទីនៃព្រះរាជាណាចក្រកម្ពុជា និងភ្ញៀវកិត្តិយសទាំងឡាយ ដែលបានអញ្ជើញចូលរួមក្នុងពិធីនាថ្ងៃនេះ និងសូមជូនពរចំពោះបងប្អូនជនរួមជាតិ និងបងប្អូនពលរដ្ឋខ្មែរជាប់សែស្រឡាយចិន ដែលកំពុងបម្រើការងារ និងរស់នៅ ក្នុងប្រទេសកម្ពុជា ។ ឯកឧត្តម បានបន្តថា ឆ្នាំនេះ ជាឆ្នាំសំខាន់មួយសម្រាប់ដំណើរការអភិវឌ្ឍន៍ប្រជាជនចិន និងមនុស្សជាតិ…

(ភ្នំពេញ)៖ លោក ជិន ប៊ុនធឿន អភិបាលខណ្ឌឫស្សីកែវ និងជាប្រធានគណៈបញ្ជាការឯកភាពរដ្ឋបាលខណ្ឌ បានអញ្ជើញជួបសំណេះសំណាល និងសាកសួរសុខទុក្ខកងកម្លាំងនៃ អធិការដ្ឋាននគរបាលខណ្ឌឫស្សីកែវ និងចុះពិនិត្យវឌ្ឍនភាព នៃការសាងសង់បន្ថែមអាគារអធិការដ្ឋាន នគរបាលខណ្ឌឫស្សីកែវ នាល្ងាថ្ងៃទី២៦ ខែកញ្ញា ឆ្នាំ២០២៥ ។ លោកអភិបាលខណ្ឌ បានធ្វើការកោតសរសើរ ចំពោះកម្លាំងអធិការដ្ឋាននគរបាលខណ្ឌ ក្រោមការដឹកនាំបញ្ជាពីលោកវីរសេនីយ៍ឯក ហ៊ាង ថារ៉េត អធិការនគរបាលខណ្ឌ ព្រមទាំងបានវាយតម្លៃខ្ពស់ ចំពោះកិច្ចខិតខំប្រឹងប្រែងក្នុងរក្សាបានសុវត្ថិភាព សន្តិសុខ សណ្តាប់ធ្នាប់ ជូនប្រជាពលរដ្ឋក្នុងមូលដ្ឋានខណ្ឌ បានយ៉ាងល្អ ។ ជាមួយគ្នានេះដែរ លោកអភិបាល ក៏បានចូលរួមឧបត្ថម្ភនូវថវិការមួយចំនួន ក្នុងការកសាង និងបំពេញតម្រូវការប្រើប្រាស់ប្រចាំថ្ងៃនៅក្នុងអធិការដ្ឋាននគរបាលខណ្ឌ ផងដែរ ៕

វៀងចន្ទន៍ ៖ ការិយាល័យឧតុនិយមឡាវបានចេញការព្រមានក្នុងកម្រិតខ្ពស់ ស្របពេលដែលព្យុះត្រូពិក Bualoi ខិតជិតមកដល់ ដោយរំពឹងថា វានឹងពាំនាំមកនូវភ្លៀងធ្លាក់ខ្លាំង ពិសេសបង្កើនហានិភ័យទឹកជំនន់ និង ការរអិលបាក់ដីនៅទូទាំងប្រទេស។ នាយកដ្ឋានឧតុនិយម និងជលសាស្ត្រ ដែលស្ថិតក្រោមក្រសួងកសិកម្ម និងបរិស្ថានឡាវ បានចេញសេចក្តីជូនដំណឹងអំពីព្យុះត្រូពិចនេះ កាលពីថ្ងៃសុក្រម្សិលមិញ ដោយបានព្យាករណ៍ថា ព្យុះត្រូពិក Bualoi នឹងបង្កផលប៉ះពាល់ដល់ប្រទេសឡាវ ចាប់ពីថ្ងៃទី ២៨ ដល់ថ្ងៃទី ៣០ ខែកញ្ញានេះ។ ទន្ទឹមគ្នា ព្យុះត្រូពិកដ៏កំណាចនេះ ក៏ត្រូវបានគេរំពឹងផងដែរថា នឹងផ្លាស់ទីឆ្លងកាត់តាមតំបន់ជាច្រើននៃប្រទេសឡាវ ដោយពាំនាំមកនូវភ្លៀងធ្លាក់ពីមធ្យមទៅបង្គួរនៅទូទាំងប្រទេស ដោយតំបន់ខ្លះទំនងជាមានភ្លៀងធ្លាក់ជោគជាំ និងខ្យល់បក់បោកខ្លាំង។ បន្ថែមលើនេះ ការិយាល័យឧតុនិយមឡាវក៏បានចេញការព្រមាន អំពីការកើនឡើងហានិភ័យគ្រោះទឹកជំនន់ភ្លាមៗ និង ការរអិលបាក់ដីផងដែរ។ ដើម្បីបង្កាគ្រោះថ្នាក់នោះ ប្រជាពលរដ្ឋ និងអាជ្ញាធរមូលដ្ឋាន ត្រូវមានការប្រុងប្រយ័ត្នខ្ពស់ និង ត្រៀមលក្ខណៈទប់ទល់ពេលមានភ្លៀងធ្លាក់ខ្លាំងជាបន្តបន្ទាប់ជាច្រើនថ្ងៃ ដែលអាចនាំឱ្យមានគ្រោះថ្នាក់ដល់អាយុជីវិតមនុស្ស-សត្វ និងការខូចខាតទ្រព្យសម្បត្តិ និងផ្ទះសម្បែងជាដើម៕ ប្រភព ៖ The Star

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត អនុប្រធានគណៈបក្សប្រជាជនកមកពុជា បានអញ្ជើញដឹកនាំកិច្ចប្រជុំបូកសរុបលទ្ធផលការងារយុវជនគណបក្សប្រជាជនកម្ពុជាថ្នាក់កណ្តាល ប្រចាំឆមាសទី១ ឆ្នាំ២០២៥ និងទិសដៅការងារបន្ត នៅវិមាន៧មករា រាជធានីភ្នំពេញ ព្រឹកថ្ងៃសៅរ៍ ទី២៧ កញ្ញា ២០២៥ ។

ហូជីមីញ ៖ ស្ត្រីជាង ១៧.០០០នាក់រស់នៅទីក្រុងហូជីមិញ ដែលមានកូនពីរនាក់មុនអាយុ ៣៥ឆ្នាំ នឹងទទួលបានជំនួយជាសាច់ប្រាក់ចាប់ពី ៣ ទៅ ៥លានដុង ឬចាប់ពី ១១៣ដុល្លារឡើងទៅ ពីរដ្ឋាភិបាលវៀតណាម ដែលនេះជាដំណោះស្រាយចំនួនពីរ ដែលបានអនុម័តដោយក្រុមប្រឹក្សាប្រជាជនក្រុង។ ផ្អែកតាមការពិនិត្យឡើងវិញ បានបង្ហាញថា ស្ត្រីចំនួន ៩.១០០នាក់មានសិទ្ធិទទួលបានលុយចំនួន ១១៣ដុល្លារក្នុងម្នាក់ៗនៅក្រោមដំណោះស្រាយលេខ 40/2024 ខណៈដែលស្រ្តីចំនួន ៨.១០០នាក់ទៀតមានសិទ្ធិទទួលបានលុយចំនួន ១៨៩ដុល្លារក្រោមដំណោះស្រាយលេខ 32/2025។ ព័ត៌មាននេះត្រូវបានចេញផ្សាយដោយលោក Pham Chanh Trung ប្រធាននាយកដ្ឋានប្រជាជនក្រុង អំឡុងពិធីបើកយុទ្ធនាការទំនាក់ទំនងឆ្នាំ ២០២៥ ស្តីពីសេវាលើកកម្ពស់គុណភាពប្រជាជននៅក្នុងតំបន់ដែលមានកូនទាបកាលពីថ្ងៃទី២៥ ខែកញ្ញា ឆ្នាំ២០២៥។ យោងតាមលោក Trung បានឱ្យដឹងថា មូលហេតុដែលរដ្ឋាភិបាលវៀតណាមសម្រេចចិត្តធ្វើបែបនេះ គឺដោយសារតែទីក្រុងហូជីមីញបានស្ថិតក្នុងចំណោមខេត្ត-ក្រុងចំនួន ២១ នៅទូទាំងប្រទេស ដែលមានអត្រាមានកូនទាបជាងគេ។ ជាក់ស្តែង យោងតាមទិន្នន័យចុងក្រោយបំផុតបានបង្ហាញថា ជាមធ្យមទីក្រុងនេះ ស្ត្រីស្ថិតក្នុងវ័យបន្តពូជសម្រេចចិត្តយកកូនត្រឹមតែម្នាក់ប៉ុណ្ណោះ។ ខណៈពេលដែលនៅតែស្ថិតក្នុងដំណាក់កាល “ប្រជាជនមាស” របស់ខ្លួន ជាមួយនឹង 70.7% នៃអ្នករស់នៅក្នុងវ័យធ្វើការ ទីក្រុងភាគខាងត្បូងកំពុងបាត់បង់មុខមាត់របស់ខ្លួនជា “ទីក្រុងវ័យក្មេង”…

នៅចំពោះមុខ ឯកឧត្តម António Guterres អគ្គលេខាធិការអង្គការសហប្រជាជាតិ កាលពីម្សិលមិញ ប្រមុខការទូតកម្ពុជាបានបញ្ជាក់ជាថ្មីម្តងទៀតនូវជំហររបស់កម្ពុជាចំពោះកិច្ចខិតខំប្រឹងប្រែងដើម្បីបន្ធូរបន្ថយភាពតានតឹង កសាងឡើងវិញនូវទំនុកចិត្ត អនុវត្តឱ្យបានពេញលេញនិងដោយសុទ្ធចិត្តចំពោះកិច្ចព្រមព្រៀងនានា។ នៅក្នុងកិច្ចជំនួបពិភាក្សាជាមួយឯកឧត្តម António Guterres អគ្គលេខាធិការអង្គការសហប្រជាជាតិ ក្នុងអំឡុងពេលពិភាក្សាទូទៅនៃមហាសន្និបាតអង្គការសហប្រជាជាតិ លើកទី៨០ក្នុងទីក្រុងញូវយ៉ក សហរដ្ឋអាម៉េរិក នៅរសៀលថ្ងៃទី២៦ ខែកញ្ញា ឆ្នាំ២០២៥នោះ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានរៀបរាប់អំពីបច្ចុប្បន្នភាពនៃជម្លោះព្រំដែនកម្ពុជា-ថៃ ហើយឯកឧត្តមបានបញ្ជាក់ប្រាប់ទៅអគ្គលេខាធិការអង្គការសហប្រជាតិរូបនេះ ជាថ្មីនូវជំហររបស់កម្ពុជាចំពោះកិច្ចខិតខំប្រឹងប្រែងដើម្បីបន្ធូរបន្ថយភាពតានតឹង កសាងឡើងវិញនូវទំនុកចិត្ត អនុវត្តឱ្យបានពេញលេញនិងដោយសុទ្ធចិត្តចំពោះកិច្ចព្រមព្រៀងនានា៕