Category: ព័ត៌មានជាតិ​

សេអ៊ូល ៖ ប្រទេសចិនបានបញ្ជាក់ជាផ្លូវការថា ជំនួបរវាងលោកប្រធានធិបតីចិន ស៊ី ជីនពីង ជាមួយលោកប្រធានាធិបតីសហរដ្ឋអាមេរិក ដូណាល់ ត្រាំ នឹងរៀបចំឡើងនៅប្រទេសកូរ៉េខាងត្បូង នាថ្ងៃទី៣០ ខែតុលា ស្អែកនេះ ។ លោក Guo Jiakun អ្នកនាំពាក្យក្រសួងការបរទេសចិននិយាយថា ក្នុងអំឡុងពេលនៃកិច្ចប្រជុំនេះ មេដឹកនាំទាំងពីរនឹងមានកិច្ចពិភាក្សាយ៉ាងស៊ីជម្រៅលើសង្គ្រាមពាណិជ្ជកម្ម, បញ្ហាយុទ្ធសាស្ត្រទាក់ទងនឹងទំនាក់ទំនង ចិន-អាមេរិក ក៏ដូចជាបញ្ហាសំខាន់ៗជាច្រើនផ្សេងទៀត ។ បើតាមអ្នកនាំពាក្យដដែល, ចិនសង្ឃឹមថា ក្នុងកិច្ចប្រជុំទល់មុខគ្នាជាលើកដំបូងនៅក្នុងអាណត្តិទី ២ របស់លោក ត្រាំ នេះ សហរដ្ឋអាមេរិកនឹងអាចកាត់បន្ថយពន្ធ ដែលដាក់លើប្រទេសចិន ទាក់ទងនឹងថ្នាំ fentanyl ។ លោក Guo បន្ថែមថា ចិនមានឆន្ទៈក្នុងការធ្វើការរួមគ្នាជាមួយភាគីអាមេរិកដើម្បីធានាថា កិច្ចប្រជុំនេះ ផ្តល់លទ្ធផលវិជ្ជមាន ផ្តល់ការណែនាំថ្មី និងបញ្ចូលសន្ទុះថ្មី ទៅក្នុងការអភិវឌ្ឍន៍ស្ថិរភាពនៃទំនាក់ទំនងចិន-អាមេរិក ។ ស្របពេលជាមួយគ្នានេះ លោក ត្រាំ ក៏រំពឹងផងដែរថា “បញ្ហាជាច្រើននឹងត្រូវបានដោះស្រាយជាមួយលោក ស៊ី នៅក្នុងកិច្ចពិភាក្សានោះ ជាពិសេស ការបញ្ចប់សង្គ្រាមពាណិជ្ជកម្ម…

មូស្គូ ៖ វិមានក្រឹមឡាំងបានព្រមានធ្ងន់ៗនៅថ្ងៃអង្គារថា ប្រទេសរុស្ស៊ីនឹងវាយកម្ទេចយុទ្ធជនបរទេសទាំងឡាយណា ដែលហ៊ានទៅជួយប្រយុទ្ធឱ្យអ៊ុយក្រែនដើម្បីប្រឆាំងនឹងកងទ័ពរុស្ស៊ីនៅលើសមរភូមិជួរមុខ។ ការគំរាមបែបនេះរបស់រុស្ស៊ី ធ្វើឡើងបន្ទាប់ពីប្រព័ន្ធផ្សព្វផ្សាយអាមេរិកបានចេញផ្សាយថា កងកម្លាំងអាមេរិក និងទីភ្នាក់ងារស៊ើបការណ៍សម្ងាត់អឺរ៉ុប បានដើរតួសំខាន់នៅក្នុងសមរភូមិសង្គ្រាមអ៊ុយក្រែន បើទោះបីជាអង្គការណាតូអះអាងថា ខ្លួនគាំទ្រអ៊ុយក្រែន ប៉ុន្តែនឹងមិនបញ្ជូនកងទ័ពទៅកាន់ទីនោះក៏ដោយ។ នៅពេលត្រូវបានសាកសួរអំពីការប្រកាសថា បារាំងកំពុងរៀបចំដាក់ពង្រាយទាហានទៅកាន់អ៊ុយក្រែននោះ អ្នកនាំពាក្យវិមានក្រឹមឡាំង លោក ឌីមីទ្រី ប៉េសកូវ បានប្រាប់អ្នកសារព័ត៌មានថា យោធារបស់យើងធ្លាប់លឺភាសាជនបរទេស ហើយភាសាបរទេសនោះ ពួកគេបានលឺនៅឯសមរភូមិជួរមុខ។ លោក ប៉េសកូវ បានសង្កត់ធ្ងន់ថា ដូច្នេះ វត្តមានរបស់យុទ្ធជនបរទេសនៅទីនោះ (សមរភូមិជួរមុខអ៊ុយក្រែន) នឹងក្លាយជាគោលដៅវាយប្រហាររបស់យើង ហើយយោធាយើងនឹងនៅតែបន្តការប្រយុទ្ធរបស់ពួកគេ។ គួរបញ្ជាក់ថា កន្លងមក កងទ័ពរុស្ស៊ីក៏ធ្លាប់បាននិយាយដែរថា កងកម្លាំងយោធា អង្គការណាតូពិតជាមានវត្តមាននៅអ៊ុយក្រែន និងថា សេវាលួចស្តាប់របស់រុស្ស៊ីក៏ចាប់បានការជជែកគ្នាច្រើនលើកច្រើនសារ ជាភាសាបារាំង និងអង់គ្លេសនៅសមរភូមិជួរមុខខាងភាគីអ៊ុយក្រែនផងដែរ៕ ប្រភព ៖ The straits times

(ភ្នំពេញ)៖ ឯកឧត្តម ឧបនាយករដ្ឋមន្រ្តី ហ៊ុន ម៉ានី លើកឡើងនៅក្នុងបណ្តាញសង្គមផ្លូវការថា ក្នុងនាមគណៈកម្មការរៀបចំការប្រឡងប្រជែង ក៏ដូចជាថ្នាក់ដឹកនាំមន្ត្រីគ្រប់ជាន់ថ្នាក់នៃក្រសួងមុខងារសាធារណៈ យើងខ្ញុំ បានតាមដានដោយយកចិត្តទុក ហើយក៏បានផ្តល់តម្លៃខ្ពស់ចំពោះរាល់មតិយោបល់ជាសាធារណៈ ឬតាមការទាក់ទងមកផ្ទាល់ ឬតាមរយៈ comments តាមប្រព័ន្ធសង្គម មិនថាលើកនេះ ឬដំណាក់កាលកន្លងមកនោះទេ។ ខ្ញុំពិតជាសូមអរគុណសម្រាប់មតិយោបល់ពាក់ព័ន្ធទៅលើការងារកំណែទម្រង់ និងជាពិសេសការរៀបចំការប្រឡងប្រជែងជ្រើសរើសមន្ត្រី (ទាំងមន្ត្រីក្របខ័ណ្ឌ និងមន្ត្រីផ្អែកលើកិច្ចព្រមព្រៀងការងារ) អនុលោមនិយាមនីតិវិធីប្រតិបត្តិថ្មី និងក្រោមអភិក្រមរបស់សម្តេចធិបតី នាយករដ្ឋមន្ត្រី «ជាប់ដោយមោទនៈ ធ្លាក់ដោយអស់ចិត្ត»។ នេះជាការលើកឡើងរបស់ ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសារធារណៈ និងជាប្រធានគណៈកម្មាការប្រឡងប្រជែង នៅលើបណ្តាញសង្គមហ្វេសបុកផ្លូវការនាព្រឹកថ្ងៃទី២៩ ខែតុលា ឆ្នាំ២០២៥ នៅក្រោយពេលដែលមានមហាជនជាច្រើនបានចេញមកសារទរ និងបញ្ចេញជាមតិយោបល់ជាសាធារណៈ ឬតាមការទាក់ទងមកផ្ទាល់ ឬតាមរយៈ comments តាមប្រព័ន្ធសង្គម មិនថាលើកនេះ ឬដំណាក់កាលកន្លងមកនោះទេ។ ឯកឧត្តម ឧបនាយករដ្ឋមន្រ្តីបន្ថែមថា យើងខ្ញុំពិតជាមានការសប្បាយរីករាយក៏ដូចជាការពេញចិត្តសម្រាប់អ្វីដែលយើងខ្ញុំទាំងអស់គ្នាបាន បំពេញភារកិច្ចកន្លងមក ជាពិសេសពេល បានឃើញប្អូនៗជាយុវជន យុវនារី ដែលជាបេក្ខជនឆ្លងកាត់ការប្រឡង បានសម្រេចតាមបំណងប្រាថ្នារបស់ខ្លួន ដែលចង់ក្លាយជាមន្ត្រីរាជការទៅតាមក្រសួង ស្ថាប័នដែលបានដាក់ពាក្យប្រឡងកន្លងមក។…

សេអ៊ូល ៖ ប្រធានាធិបតីអាមេរិក លោក Donald Trump បានអញ្ជើញទៅដល់កូរ៉េខាងត្បូង បន្ទាប់ពីបញ្ចប់ទស្សនកិច្ច នៅជប៉ុន។ ដំណើរទស្សនកិច្ច រយៈពេលពីរថ្ងៃ របស់លោក Trump ទៅកាន់សម្ព័ន្ធមិត្តដ៏សំខាន់របស់សហរដ្ឋអាមេរិក «កូរ៉េខាងត្បូង» គឺជាជើងទីបី នៃការធ្វើដំណើរ ទៅកាន់តំបន់អាស៊ី។ មេដឹកនាំអាមេរិករូបនេះ ត្រូវបានកោតសរសើរ អំឡុងកិច្ចប្រជុំកំពូលក្នុងតំបន់ នៅក្នុងប្រទេសម៉ាឡេស៊ី និង បន្តត្រូវបានលើកសរសើរថា ជា “អ្នកបង្កើតសន្តិភាព” ដោយនាយករដ្ឋមន្ត្រីជប៉ុន លោកស្រី Sanae Takaichi ។ អ្វីជាការកត់សម្គាល់ លោក Trump និង Xi មេដឹកនាំចិន គ្រោងនឹងជួបគ្នា នៅក្រៅកិច្ចប្រជុំកំពូល នៃកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក ហៅកាត់ APEC នៅទីក្រុង Gyeongju។ សម្រាប់ការទៅដល់កូរ៉េខាងត្បូង កាលពីខែកក្កដា លោក Trump បាននិយាយថា ក្រុងវ៉ាស៊ីនតោនបានយល់ព្រមកាត់បន្ថយពន្ធលើការនាំចូលរបស់កូរ៉េខាងត្បូង មកត្រឹម ១៥ ភាគរយ ជាថ្នូរនឹងការសន្យាវិនិយោគចំនួន ៣៥០ពាន់លានដុល្លារ…

(ភ្នំពេញ)៖ ថ្ងៃទី២៩ ខែតុលា ឆ្នាំ២០២៥ គឺជាព្រះរាជពិធីបុណ្យខួបលើកទី២១ នៃការយាងគ្រងព្រះបរមសិរីរាជសម្បត្តិរបស់ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា (២៩ ខែតុលា ឆ្នាំ២០០៤ – ២៩ ខែតុលា ឆ្នាំ២០២៥) ។ ព្រះករុណា ព្រះបាទ សម្ដេចព្រះបរមនាថ នរោត្ដម សីហមុនី ជាព្រះរាជបុត្រានៃព្រះបរមរតនកោដ្ឋ ព្រះវររាជបិតា នរោត្តម សីហនុ និង សម្តេចព្រះវររាជមាតា សម្តេចព្រះមហាក្សត្រី នរោត្តម មុនិនាថ សីហនុ ។ ព្រះអង្គប្រសូតនៅថ្ងៃទី១៤ ខែឧសភា ឆ្នាំ១៩៥៣ នៅរាជធានីភ្នំពេញ ។ កាលពីថ្ងៃទី២៩ តុលា ២០០៤ ព្រះអង្គ ត្រូវបានក្រុមប្រឹក្សារាជសម្បត្តិ ដែលមានសមាសភាព ៩អង្គ/រូប ជ្រើសតាំងជាព្រះមហាក្សត្រ បន្តពីព្រះបិតា ដែលបានដាក់រាជ្យពីរាជបល្ល័ង្ក នៅថ្ងៃទី៧ តុលា ២០០៤…

តូក្យូ ៖ សហរដ្ឋអាមេរិក និងជប៉ុននៅថ្ងៃអង្គារនេះបានចុះហត្ថលេខាលើកិច្ចព្រមព្រៀងស្ដីពីការផលិត និងការផ្គត់ផ្គង់រ៉ែសំខាន់ៗ និងរ៉ែកម្រ ក្នុងជំនួបរវាងលោកប្រធានាធិបតី Donald Trump ជាមួយនាយករដ្ឋមន្ត្រីថ្មី របស់ជប៉ុន លោកស្រី Sanae Takaichi ។ សេតវិមាននិយាយថា ភាគីទាំងពីរនឹងចូលរួមក្នុងគម្រោងរួមគ្នា និងធ្វើកិច្ចសហប្រតិបត្តិការតាមរយៈការប្រើប្រាស់គោលនយោបាយសេដ្ឋកិច្ច និងការសម្របសម្រួលការវិនិយោគ ដើម្បីពន្លឿនការអភិវឌ្ឍន៍ទីផ្សារចម្រុះសម្រាប់រ៉ែសំខាន់ៗ និងរ៉ែកម្រ ។ បើតាមសារព័ត៌មាន RT, កិច្ចព្រមព្រៀងនេះធ្វើឡើង បន្ទាប់ពីប្រទេសចិនបានសម្រេចចិត្តរឹតបន្តឹងការនាំចេញរ៉ែសំខាន់ៗ និងរ៉ែកម្រទៅកាន់អាមេរិក ដើម្បីឆ្លើយតបទៅនឹងការដាក់ពន្ធគយ របស់ លោក Trump ។ បើទោះជាយ៉ាងនេះក្ដី អាមេរិកក៏បានងាកទៅចុះហត្ថលេខា លើកិច្ចព្រមព្រៀងរ៉ែ ជាមួយអ៊ុយក្រែនកាលពីដើមឆ្នាំនេះផងដែរ ។ អ្នកការទូត និងអ្នកនយោបាយអាមេរិកលើកឡើងថា កិច្ចព្រមព្រៀងនេះ គឺជាទម្រង់នៃការធានាសន្តិសុខសម្រាប់ទីក្រុងកៀវ ។ បន្ថែមលោក Trump ក៏បានចុះហត្ថលេខា លើកិច្ចព្រមព្រៀងវិនិយោគរ៉ែកម្រ ជាមួយប្រទេសអូស្ត្រាលី កាលពីដើមខែនេះផងដែរ ក្នុងគោលបំណងប្រឆាំងនឹងការត្រួតត្រារបស់ប្រទេសចិន នៅក្នុងទីផ្សាររ៉ែកម្រ និងទីផ្សាររ៉ែសំខាន់ៗផ្សេងទៀត ។ ក្រៅពីកិច្ចព្រមព្រៀងស្ដីពីការផលិត និងការផ្គត់ផ្គង់រ៉ែសំខាន់ៗ និងរ៉ែកម្រ,…

បរទេស ៖ អង្គការឃ្លាំមើលឧក្រិដ្ឋកម្មហិរញ្ញវត្ថុ ហៅកាត់ FATF បានដកប្រទេសទ្វីបអាហ្វ្រិកចំនួន ៤ ដូចជា ប្រទេសអាហ្រ្វិកខាងត្បូង នីហ្សេរីយ៉ា ម៉ូសំប៊ិក និងបួគីណាហ្វាសូ ចេញពី “បញ្ជីពណ៌ប្រផេះ” នៃបណ្តាប្រទេសលាងលុយកខ្វក់ជាសាកល ។ អង្គការដដែលបញ្ជាក់ថា មូលហេតុដែល FATF សម្រេចដកប្រទេសទាំង ៤ ចេញពី “បញ្ជីពណ៌ប្រផេះ” នេះ គឺដោយសារតែអង្គការរបស់ខ្លួនមើលឃើញពីភាពជោគជ័យ នៃវឌ្ឍនភាពវិជ្ជមាន ក្នុងការដោះស្រាយបញ្ហាលាងលុយកខ្វក់ ក្នុងរយៈពេល ដែលបានព្រមព្រៀងគ្នា ។ បើតាមសារព័ត៌មាន Al Jazeera, ក្រុមប្រទេសដែលស្ថិតក្នុង “បញ្ជីពណ៌ប្រផេះ” ត្រូវបានគេចាត់ជាប្រទេសដែល “កង្វះយុទ្ធសាស្ត្រ” នៅក្នុងការប្រឆាំង នឹងសកម្មភាពលាងលុយកខ្វក់ ។ ប្រធាន FATF លោកស្រី Elisa de Anda Madrazo និយាយថា ប្រទេសទាំង ៤ បានបង្កើតការសម្របសម្រួល កាន់តែប្រសើរឡើងតាមរយៈការចែករំលែកព័ត៌មានសម្ងាត់ផ្នែកហិរញ្ញវត្ថុរបស់ខ្លួនទៅកាន់ភ្នាក់ងាងារដែលពាក់ព័ន្ធទាំងអស់ ។ ប្រទេសទាំងបួន ត្រូវបានដាក់…

ហាណូយ ៖ ក្រុមហ៊ុនអាកាសចរណ៍ជាតិ Vietnam Airlines គ្រោងជះលុយដល់ទៅ ៨ពាន់លានដុល្លារ ដើម្បីបញ្ជាទិញយន្តហោះចំនួន ៥០គ្រឿងពីក្រុមហ៊ុនផលិតយន្តហោះយក្ស Boeing ជាថ្នូរដែលអាមេរិកបើកទីផ្សារសម្រាប់ទំនិញវៀតណាមជាច្រើនប្រភេទ។ នេះបើយោងតាមសេចក្តីថ្លែងការណ៍របស់សេតវិមាន។ មិនមានប្រភពបញ្ជាក់លំអិតថាតើយន្តហោះទាំងនោះជាប្រភេទអ្វីនោះទេ ប៉ុន្តែការទិញលក់យន្តហោះនេះ កើតឡើងនៅពេលដែលនាយករដ្ឋមន្រ្តីវៀតណាម លោក Pham Minh Chinh ជួបជាមួយប្រធានាធិបតីអាមេរិក លោក Donald Trump អំឡុងកិច្ចប្រជុំកំពូលអាស៊ាន-អាមេរិកលើកទី១៣ នៅទីក្រុងគូឡាឡាំពួរ ប្រទេសម៉ាឡេស៊ី កាលពីថ្ងៃទី២៦ ខែតុលា។ ផ្អែកតាមសេចក្តីរាយការណ៍របស់សារព័ត៌មាន VNExpress, បន្ថែមពីលើការទិញលក់យន្តហោះ ក្រុមហ៊ុនវៀតណាមក៏បានចុះហត្ថលេខាលើអនុស្សរណៈយោគយល់គ្នាចំនួន២០ ជាមួយក្រុមហ៊ុនអាមេរិកផងដែរ ដើម្បីទិញទំនិញកសិកម្មរបស់អាមេរិក ដែលមានតម្លៃសរុបចំនួន ២.៩ពាន់លានដុល្លារ។ បើតាមការអះអាងរបស់សេតវិមាន វៀតណាម-អាមេរិកនឹងបញ្ចប់កិច្ចព្រមព្រៀងពាណិជ្ជកម្មមួយក្នុងពេលឆាប់ៗខាងមុខនេះ ដែលនឹងរក្សាពន្ធគយក្នុងកម្រិត ២០% លើទំនិញវៀតណាមភាគច្រើន ប៉ុន្តែនឹងលើកពន្ធគយលើផលិតផលមួយចំនួន ដែលនឹងត្រូវសម្រេចនៅដំណាក់កាលពិភាក្សាចុងក្រោយ។ គួរបញ្ជាក់ថា នៅក្នុងរយៈពេល៩ខែ ឆ្នាំ២០២៥ ការដោះដូរពាណិជ្ជកម្មទ្វេភាគីរវាងអាមេរិក និងវៀតណាម សម្រេចបានទឹកប្រាក់ជាង ១២៦.៤ពាន់លានដុល្លារ កើនឡើងប្រមាណ ២៧% បើធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមទិន្នន័យគយរបស់ប្រទេសវៀតណាម។ ដោយមើលឃើញពីសន្ទុះសេដ្ឋកិច្ចទ្វេភាគីបច្ចុប្បន្ន…

កំពង់ឆ្នាំង៖​ គិតត្រឹមថ្ងៃទី២៨ ខែតុលា ឆ្នាំ២០២៥ ទឹកទន្លេបានស្រកចុះប្រមាណ ០,៣៣ម៉ែត្រ ក្តីក៏បន្សល់នូវដំណាំ ស្រូវជាងមួយពាន់ហិកតាកំពុងរងការប៉ះពាល់ដោយទឹកជំនន់និងអាចប្រឈមខូចខាតដោយអន្លើៗ។ នេះបើតាម​ការ​បញ្ជាក់របស់លោក ងិន ហ៊ុន ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំង ។ លោកប្រធានមន្ទីរកសិកម្មខេត្តបានឱ្យដឹងថា ឆ្នាំនេះកសិករធ្វើស្រូវបានជាង ១៤ ម៉ឺនហិកតា ក្នុងនោះដំណាំ ស្រូវជាង​មួយពាន់ហិកតា កំពុងរងការប៉ះពាល់ដោយទឹកជំនន់ ហើយអាចនឹងខូចខាតដោយអន្លើៗ។លោកបន្តថា មន្រ្តីជំនាញនឹងចុះពិនិត្យវាយតម្លៃនៅពេលខាងមុខនេះ។ តាមការបញ្ជាក់របស់មន្រ្តីកសិកម្ម ដំណាំស្រូវដែលកំពុងរងផលប៉ះពាល់នេះ គឺលើផ្ទៃដីដែលបានបង្កបង្កើនផល និងប្រមូលផលម្ដងរួចហើយ ហើយពួកគាត់បានដាំជាថ្មីម្ដងទៀត ក៏ជួបនឹងទឹកជំនន់តែម្ដង ។ នៅខេត្តកំពង់ឆ្នាំងដដែល យោងតាមស្ថានីយជលសាស្ត្រទន្លេសាបផ្សារក្រោមរបស់មន្ទីរធនធានទឹកនិងឧតុនិយម បង្ហាញថា នៅថ្ងៃទី២៨ ខែតុលា ឆ្នាំ២០២៥ ទឹកមានកម្ពស់ ៩,៧៧ ម៉ែត្រ បើប្រៀបធៀបនឹងថ្ងៃទី២៨ ខែតុលា ឆ្នាំ​ទៅមិញទឹកមានកម្ពស់ ៨,៥១ ម៉ែត្រ គឺខ្ពស់ជាងឆ្នាំ២០២៤ ចំនួន ១,២៦ ម៉ែត្រ ។ សូមជម្រាបថា ឆ្នាំ២០២៥កម្ពស់ទឹកទន្លេផ្សារក្រោមបានឡើងដល់កម្ពស់១០,១០ម៉ែត្រ នៅថ្ងៃទី ១៧ និង១៨…

ហាណូយ ៖ រដ្ឋធានីហាណូយ របស់ប្រទេសវៀតណាម មានគោលបំណងបញ្ចប់ការសាងសង់ផ្លូវរថភ្លើងប្រវែង ៦០០គីឡូម៉ែត្រ និងដាក់ឱ្យដំណើរការផ្លូវរថភ្លើងក្នុងទីក្រុងចំនួន១៥ ដែលមានទូរថភ្លើងចំនួន ៤.១៦៥គ្រឿងនៅឆ្នាំ ២០៤៥ ជាមួយនឹងថវិកាចំណាយសរុបខ្ទង់ ៥០ពាន់លានដុល្លារ។ នេះបើតាមកាសែតវៀតណាម Kinh Te & Do Thi ចេញផ្សាយកាលពីថ្ងៃចន្ទ។ យោងតាមផែនការអភិវឌ្ឍន៍ផ្លូវរថភ្លើងរបស់រដ្ឋធានីហាណូយ បានឱ្យដឹងថា ប្រព័ន្ធផ្លូវរថភ្លើងក្រោមដីរបស់ទីក្រុងមួយនេះ ត្រូវបានគេរំពឹងថា នឹងបម្រើជាមធ្យោបាយធ្វើដំណើររបស់អ្នកដំណើរចន្លោះពី ២,២លានទៅ២,៦លាននាក់ក្នុងមួយថ្ងៃៗនៅត្រឹមឆ្នាំ ២០៣០។ លោក Nguyen Cao Minh ប្រធានក្រុមប្រឹក្សាភិបាលគ្រប់គ្រងផ្លូវដែកទីក្រុងហាណូយ បាននិយាយថា អាទិភាពនឹងត្រូវបានផ្តល់ទៅឱ្យខ្សែរថភ្លើងក្រោមដីជាច្រើន ដែលតភ្ជាប់មជ្ឈមណ្ឌលដឹកជញ្ជូនសំខាន់ៗ មានដូចជាព្រលានយន្តហោះ ស្ថានីយ៍រថភ្លើងជាតិ និងតំបន់ក្នុងទីក្រុងដែលមានប្រជាជនរស់នៅច្រើន។ ដោយឡែក នៅឆ្នាំ២០៣៥ ប្រព័ន្ធផ្លូវរថភ្លើងក្រោមដីរបស់ទីក្រុងមួយនេះ ក៏ត្រូវបានគេព្យាករដែរថា នឹងអាចបម្រើសេវាកម្មដល់អ្នកដំណើរចាប់ពី ៣៥ទៅ៤០ភាគរយនៃបរិមាណអ្នកដំណើរទូទៅរបស់ទីក្រុងហាណូយ ដែលស្មើនឹងចន្លោះពី ៩,៧លានទៅ ១១,៨លាននាក់ក្នុងមួយថ្ងៃ៕ ប្រភព ៖ ស៊ីនហួរ