Category: ព័ត៌មានជាតិ​

បរទេស៖ បណ្តាប្រទេសមានសេដ្ឋកិច្ចរីចចម្រើនទាំង៧ លើពិភពលោក ឬ ប្រទេស G7 បានចេញមុខការពារសុវត្ថិភាព ដល់អ៊ីស្រាអែល ហើយចោទប្រកាន់អ៊ីរ៉ង់ថា ជារដ្ឋ ភេរវករ បង្កអស្ថិរភាព នៅក្នុងតំបន់ មជ្ឈិមបូព៌ា នេះបើតាមការចេញផ្សាយ របស់ទីភ្នាក់ងារព័ត៌មាន CNA នៅអង្គារ ទី១៧ ខែមិថុនា នេះ។ សេចក្តីថ្លែងការណ៍រួមរបស់ G7 កាលពីថ្ងៃចន្ទ បានអះអាងថា «អ៊ីស្រាអែលមានសិទ្ធិការពារខ្លួន ហើយ យើងសូមបញ្ជាក់ឡើងវិញ នូវការគាំទ្រ ចំពោះសន្តិសុខ របស់អ៊ីស្រាអែល»។ សេចក្តីថ្លែងការណ៍បានបន្ថែមថា «អ៊ីរ៉ង់គឺជាប្រភពចម្បង នៃអស្ថិរភាព និងភេរវកម្ម ក្នុងតំបន់ ហើយច្បាស់ណាស់ អ៊ីរ៉ង់មិនអាចមានអាវុធនុយក្លេអ៊ែរ បានទេ»។ យ៉ាងណាមិញ G7 ដែលមានសមាជិក រួមមាន កាណាដា បារាំង អាល្លឺម៉ង់ អ៊ីតាលី ជប៉ុន ចក្រភពអង់គ្លេស និងសហរដ្ឋអាមេរិក បានជំរុញជំរុញឱ្យមានដំណោះស្រាយ ធ្វើយ៉ាងណា នាំទៅរកការថយចុះ កាន់តែទូលំទូលាយ នៃអរិភាព…

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ និយាយថា រូបលោកចង់បានការបញ្ចប់សង្គ្រាមរវាងអ៊ីស្រាអែល និងអ៊ីរ៉ង់ ពិតប្រាកដ មិនមែនត្រឹមតែជាបទឈប់បាញ់នោះទេ ស្របពេលដែលគូសត្រូវស៊ូពូជទាំងពីរកំពុងប្រយុទ្ធគ្នាអស់រយៈពេល៦ថ្ងៃមកហើយ។ លោកប្រធានាធិបតី ត្រាំ បានថ្លែងបែបនេះទៅកាន់ក្រុមអ្នកសារព័ត៌មាននៅលើយន្តហោះ Air Force One តាមផ្លូវលោកវិលត្រឡប់ពីកិច្ចប្រជុំកំពូលក្រុមប្រទេស G7 នៅប្រទេសកាណាដា។ មេដឹកនាំអាមេរិករូបនេះ បានគូសបញ្ជាក់ថា អ៊ីរ៉ង់ត្រូវតែបោះបង់ចោលមហិច្ឆតាផលិតអាវុធនុយក្លេអ៊ែរទាំងស្រុង… អ៊ីរ៉ង់មិនអាចមានអាវុធប្រល័យលោកបានឡើយ វាគឺជារឿងសាមញ្ញាបំផុត។ លោក ត្រាំ បានលើកឡើងទៀតថា លោកអាចនឹងបញ្ជូនប្រេសិតពិសេសអាមេរិកប្រចាំតំបន់មជ្ឈិមបូព៌ា លោក Steve Witkoff ឬលោកអនុប្រធានាធិបតី JD Vance ទៅជួបចរចាជាមួយអ៊ីរ៉ង់ឆាប់ៗនេះ។ សង្រ្គាមអ៊ីរ៉ង់ និងអ៊ីស្រាអែល បានចាប់ផ្តើមឡើងកាលពីថ្ងៃសុក្រទី១៣ ខែមិថុនា ស្របពេលដែលទាំងអ៊ីស្រាអែល អាមេរិក និងបណ្តាប្រទេសលោកខាងលិចផ្សេងទៀត សុទ្ធតែបានព្យាយាមដាក់សម្ពាធអ៊ីរ៉ងជាយូរមកហើយ ដើម្បីទប់ស្កាត់ការផលិតអាវុធនុយក្លេអ៊ែររបស់ពួកគេ។ ទោះបីជាយ៉ាងណា អ៊ីរ៉ងបានច្រានចោលការចោទប្រកាន់ការស្វែងរកអាវុធនុយក្លេអ៊ែរ ដោយពួកគែបានអះអាងថា ខ្លួនមានសិទ្ធិក្នុងការអភិវឌ្ឍបច្ចេកវិទ្យានុយក្លេអ៊ែរ សម្រាប់គោលបំណងសន្តិភាព រួមទាំងការចម្រាញ់សារធាតុអ៊ុយរ៉ានីញ៉ូម ដែលជាផ្នែកមួយនៃកិច្ចព្រមព្រៀងមិនរីកសាយភាយអាវុធនុយក្លេអ៊ែរ ៕ ប្រភព…

តាមរយៈគណនីបណ្ដាញសង្គមផ្លូវការ បន្ទាប់ពីបញ្ចប់កម្មវិធីធ្វើដំណើរថ្មើរជើង Solidarity March នាព្រឹកថ្ងៃទី១៨ ខែមិថុនា ឆ្នាំ២០២៥ ឯកឧត្តម ឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា បានសរសេរថាយ៉ាងដូច្នេះថា ៖ ទូលបង្គំ ខ្ញុំព្រះករុណា ខ្ញុំបាទ សូមគោរពថ្លែងអំណរព្រះគុណ និងអំណរគុណប្រគេន ថ្វាយ និងជូន សម្តេចសង្ឃ ព្រះតេជគុណ ព្រះអង្គម្ចាស់ ឯកឧត្តម លោកជំទាវ អស់លោក លោកស្រី ប្រតិភូគណបក្សនយោបាយ មន្ត្រីរាជការគ្រប់ក្រសួង-ស្ថាប័ន ថ្នាក់ដឹកនាំ សមាជិក សមាជិកា សហភាពសហព័ន្ធយុវជនកម្ពុជា គ្រឹះស្ថានឧត្តមសិក្សាកម្ពុជា សមាគមយុវជនគ្រប់មុខសញ្ញា សិល្បករ សិល្បការនី កីឡាករ កីឡាការិនី សិស្ស និស្សិត វិស័យឯកជន បងប្អូន KOLs ជនរួមជាតិទាំងអស់ដែលបានមកប្រជុំគ្នានៅទីនេះ ពេលនេះដើម្បីបង្ហាញកម្លាំងទឹកចិត្តស្នេហាជាតិដ៏ថ្លៃថ្លា តាមរយៈដំណើរថ្មើរជើង Solidarity March ដើម្បីបង្ហាញការរួមគ្នាជាធ្លុងមួយ គាំទ្រដល់រាជរដ្ឋាភិបាល និងកងកម្លាំងជួរមុខកម្ពុជាប្រកបដោយទឹកចិត្ត ឆន្ទៈ…

ភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានលើកឡើងតាមគណនីបណ្តាញសង្គមផ្លូវការនាព្រឹកថ្ងៃពុធ ទី១៨ ខែមិថុនា ឆ្នាំ២០២៥នេះថា មហាកម្លាំងសាមគ្គីនៃប្រជាជាតិខ្មែរមកពីគ្រប់មជ្ឈដ្ឋាន គ្រប់និន្នាការនយោបាយ និងសាសនា បានមកជួបជុំគ្នាក្រោមស្មារតីខ្មែរតែមួយ គាំទ្រដល់រាជរដ្ឋាភិបាល និងកងកម្លាំងជួរមុខកម្ពុជា ក្នុងជំហរដោះស្រាយបញ្ហាជម្លោះព្រំដែនដោយសន្តិវិធី ការពារភាពត្រឹមត្រូវ និងបូរណភាពទឹកដីរបស់ព្រះរាជាណាចក្រកម្ពុជា តាមរយៈការធ្វើដំណើរថ្មើរជើង “ព្យុហយាត្រាសាមគ្គីភាព​ (Solidarity March)” ពីមុខសាលមហោស្រពកោះពេជ្រ ឆ្ពោះទៅកាន់វិមានឯករាជ្យ ។ សម្តេចធិបតី នាយករដ្ឋមន្ត្រី សូមកោតសរសើរ និងថ្លែងអំណរគុណចំពោះស្មារតីចូលរួមយ៉ាងផុសផុល ដែលនេះជាទឹកចិត្តដ៏ធំធេងសម្រាប់រាជរដ្ឋាភិបាល និងកងកម្លាំងជួរមុខកម្ពុជាដើម្បីបន្តបេសកកម្មការពារជាតិ ការពារបូរណភាពទឹកដីកម្ពុជាឱ្យបានជាដាចខាត៕

បរទេស ៖ ជើងហោះហើររាប់សិបជើង ទៅនិងមក កោះរមណីយដ្ឋាន «បាលី» ត្រូវបានលុបចោល បន្ទាប់ពីការផ្ទុះភ្នំភ្លើងឥណ្ឌូនេស៊ី ព្រួសផេះ កម្ពស់១០គីឡូម៉ែត្រ ទៅលើមេឃ។ យោងតាមអាជ្ញាធរ និងអាកាសយានដ្ឋាន របស់កោះបាលី បានឱ្យដឹងថា ការផ្អាកនេះ បានកើតមានឡើង នៅថ្ងៃពុធនេះ បន្ទាប់ពីភ្នំភ្លើង Lewotobi Laki-Laki កម្ពស់ ១,៥៨៤ម៉ែត្រ ស្ថិតនៅភាគខាងកើត នៃប្រជុំកោះ បានផ្ទុះឡើង តាំងពីថ្ងៃអង្គារ។ ក្នុងនោះ អាជ្ញាធរបានបង្កើនស្ថានភាពប្រកាសអាសន្នរបស់ខ្លួន ដល់កម្រិតខ្ពស់បំផុត គឺប្រព័ន្ធបួនថ្នាក់។ ជើងហោះហើរ ដែលត្រូវបានលុបចោល រួមមាន ជើងហោះហើរ Jetstar និង Virgin Australia ទៅកាន់ទីក្រុងនានា ទូទាំងប្រទេសអូស្ត្រាលី។ ក្រៅពីនេះ ក៏មានក្រុមហ៊ុន Air India, Air New Zealand, Tigerair របស់សិង្ហបុរី និងក្រុមហ៊ុន Juneyao Airlines របស់ចិន ក៏បានលុបចោលជើងហោះហើរ…

បរទេស៖ រដ្ឋមន្ត្រីក្រសួងការងារថៃ លោក Pipat Ratchakitprakarn បានបង្ហាញពីការព្រួយបារម្ភពីសុវត្ថិភាព របស់ជនជាតិថៃ ប្រមាណ៤ម៉ឺននាក់ ស្ថិតក្នុងប្រទេសអ៊ីស្រាអែល និង អ៊ីរ៉ង់ ចំពេលដែលប្រទេស នៅតំបន់មជ្ឈិមបូព៌ាទាំងពីរ កំពុងផ្ទុះសង្គ្រាមជាមួយគ្នា ៥ថ្ងៃ ជាប់ៗគ្នា មកហើយ។ ផ្អែកតាមការចុះផ្សាយ របស់ទីភ្នាក់ងារព័ត៌មាន The Nation មន្ត្រីរូបនេះ បាននិយាយ កាលពីថ្ងៃចន្ទថា បច្ចុប្បន្ន ពលរដ្ឋថៃ ៣៩,៥០០នាក់ កំពុងធ្វើការ នៅប្រទេសអ៊ីស្រាអែល មានទំាំងស្របច្បាប់ និងទាំងគ្មានឯកសារ។ រីឯ នៅអ៊ីរ៉ង់វិញ មានពលរដ្ឋថៃ ចន្លោះពី ២០០ ទៅ ៣០០ នាក់ មានទាំងអ្នកស្នាក់ នៅអចិន្ត្រៃយ៍ និង បណ្តោះអាសន្ន។ យ៉ាងណាមិញ លោក Pipat បានអះអាងថា ថៃមិនទាន់ទទួលបានព័ត៌មាន អំពីការស្លាប់ ឬ របួសជនជាតិថៃ នៅក្នុងប្រទេសទាំងពីរនេះ នៅឡើយទេ។ ប៉ុន្តែ ក្រសួងការងារកំពុងតាមដានស្ថានភាព…

អូតាវ៉ា ៖ លោកប្រធានាធិបតីអាមេរិក Donald Trump បានហៅការសម្រេចចិត្តដករុស្ស៊ីចេញពីក្រុមប្រទេសលោកខាងលិចមានសេដ្ឋកិច្ចធំៗទាំង៨ ឬG8 ថាជាកំហុសដ៏ធំមួយ ដោយលើកហេតុផលថា វត្តមានរបស់រុស្ស៊ីអាចជួយទប់ស្កាត់ការកើនឡើងជម្លោះអ៊ុយក្រែន។ ថ្លែងនៅឯពិធីបើកកិច្ចប្រជុំកំពូលមេដឹកនាំ G7 ក្នុងប្រទេសកាណាដា កាលពីថ្ងៃចន្ទ លោកប្រធានាធិបតី Trump បានរំលឹកថា រុស្ស៊ីធ្លាប់ជាផ្នែកមួយនៃក្រុមប្រទេសនេះពីមុនមក។ ក្នុងកំលុងកិច្ចប្រជុំកំពូលលើកដំបូងជាមួយនាយករដ្ឋមន្រ្តីកាណាដា លោក Mark Carney មេដឹកនាំអាមេរិករូបនេះបានគូសបញ្ជាក់ថា ក្រុមប្រទេស G7 ធ្លាប់ជា G8។ អតីតប្រធានាធិបតីអាមេរិក លោក Barak Obama និងអតីត នាយករដ្ឋមន្ត្រីកាណាដា លោក Justin Trudeau គឺជាអ្នកដែលមិនចង់ឱ្យមានវត្តមានរុស្ស៊ីចូលរួមមកវិញ។ កន្លងមក លោកប្រធានាធិបតី Trump បានរិះគន់ម្តងហើយម្តងទៀត អំពីការដកសមាជិកភាពរបស់រុស្ស៊ី ហើយតែងតែបំផុសគំនិតនៃការនាំយកទីក្រុងមូស្គូ ចូលក្រុមប្រទេស G8 វិញ ក្នុងអំឡុងអាណត្តិដំបូងរបស់គាត់ ទោះបីជាសំណើនេះ ត្រូវបានច្រានចោលដោយសមាជិកផ្សេងទៀតទាំងអស់ក៏ដោយ។ សូមរម្លឹកថា រុស្ស៊ីបានចូលរួមជាមួយក្រុមប្រទេស G7 ក្នុងឆ្នាំ១៩៩៧ ក្នុងនោះរួមមានប្រទេសកាណាដា បារាំង…