Category: ព័ត៌មានជាតិ​

មូស្គូ ៖ អ្នកនាំពាក្យវិមានក្រឹមឡាំង លោក Dmitry Peskov បានព្រមានធ្ងន់ៗកាលពីថ្ងៃអង្គារថា ការផ្គត់ផ្គង់មីស៊ីល Tomahawks របស់អាមេរិកដល់អ៊ុយក្រែន នឹងធ្វើឱ្យសង្គ្រាមកាន់តែរីកធំឡើង ដោយសារតែកាំជ្រួចរយៈចម្ងាយឆ្ងាយនេះអាចបំពាក់ក្បាលនុយក្លេអ៊ែរប្រឆាំងនឹងរុស្ស៊ី។ លោក Peskov បានអះអាងថា វាជារឿងសំខាន់ ដែលគួរតែយល់ដឹងទាក់ទងនឹងមីស៊ីល Tomahawks។ កាំជ្រួចរយៈចម្ងាយឆ្ងាយនេះ អាចមានសមត្ថភាពវាយប្រហារនុយក្លេអ៊ែរ ដូច្នេះបើវាធ្លាក់ដល់ដៃអ៊ុយក្រែនដើម្បីប្រឆាំងនឹងរុស្ស៊ី នោះសង្គ្រាមក្នុងដំណាក់កាលថ្មី គឺជារឿងជៀសមិនរួចឡើយ។ ទោះបីជាយ៉ាងណា លោក Peskov បានសង្កត់ធ្ងន់ថា រុស្ស៊ីនៅតែជឿជាក់ថា លោកប្រធានាធិបតី ដូណាល់ ត្រាំ នៅតែមានឆន្ទៈលើកកម្ពសដំណោះស្រាយនយោបាយដោយសន្តិភាពនៅអ៊ុយក្រែន។ កាលពីដើមខែនេះ ប្រធានាធិបតីរុស្ស៊ី លោក វ្ល៉ាឌីមៀ ពូទីន ក៏បានចេញមុខព្រមានខ្លាំងៗ ទាក់ទិននឹងការផ្គត់ផ្គង់មីស៊ីល Tomahawks ដល់អ៊ុយក្រែនផងដែរ និងថា រឿងនេះនឹងប៉ះទង្គិចដល់ទំនាក់ទំនងរុស្ស៊ី-អាមេរិក។ ការព្រមានសាជាថ្មីរបស់រុស្ស៊ីនេះ កើតឡើងស្របពេលដែលប្រធានាធិបតីអាមេរិក លោក ដូណាល់ ត្រាំ បាននិយាយថា លោកបានសម្រេចចិត្តផ្គត់ផ្គង់មីស៊ីល Tomahawk ដល់អ៊ុយក្រែនហើយ ប៉ុន្តែលោកថា មុនរឿងនេះកើតឡើង លោកចង់ស្វែងយល់ពីអ្វីដែលអ៊ុយក្រែននឹងធ្វើជាមួយកាំជ្រួចនេះ…

(ភ្នំពេញ)៖ ឯកឧត្តម ហ៊ុន ម៉ានី បានលើកឡើងថា ការប្រមាថលើ សម្ដេចតេជោប្រធានព្រឹទ្ធសភា គឺមិនមែនត្រឹមជាការប្រមាថលើសម្តេចជាលក្ខណៈឯកជនដាច់ដោយឡែកនោះទេ ប៉ុន្តែវាជាការប្រមាថសម្រាប់ប្រជាជនកម្ពុជា ទី១) ជាការប្រមាថពីជនបរទេសមកលើថ្នាក់ដឹកនាំកម្ពុជា ដែលក្នុងនាម ជាជាតិសាសន៍មួយ គួរមានការកំណត់អោយច្បាស់ ថាជាអ្វីមួយ ដែលមិនអាចទទួលយកបាន មិនថាក្នុងអតីតកាល បច្ចុប្បន្ន និងតទៅអនាគត។ កម្ពុជា ជាកម្ពុជា ទោះមានចំណុចណាក៏ដោយជារឿងរបស់កម្ពុជា ដូច្នេះការប្រមាថរបស់បរទេសគឺមិនអាចទទួលយកបានទេ។ ទី២) ការប្រមាថលើ សម្តេចតេជោ ដែលជាតួអង្គប្រវត្តិសាស្ត្រមួយរបស់កម្ពុជាដែលបានលះបង់គ្រប់បែបយ៉ាង ដោយបាននាំកម្ពុជា ពីប្រទេស ដែលខ្ទេចខ្ទាំដោយសង្គ្រាម ពីបាតដៃទទេ មកកម្ពុជាមួយដែលយើងមានមោទនភាពដូចសព្វថ្ងៃនេះ។ សម្តេចតេជោ ជាឥស្សរជនដែលបានឆ្លងកាត់ ១០៥ សមរភូមិ ដាក់ជីវិត ជាដើមទុន ម្តងហើយម្តងទៀត ដើម្បីអោយប្រទេស និងប្រជាជនមានភាពសុខសាន្ត រហូតសព្វថ្ងៃនេះ និងជាថ្នាក់ដឹកនាំរបស់កម្ពុជាដែលមានការទទួលស្គាល់លើឆាកអន្តរជាតិសម្រាប់ភាពជាអ្នកដឹកនាំ ក្នុងកិច្ចការនយោបាយជាសាកល ដែលបានលើកស្ទួយ កិត្តិយស និងមុខមាត់របស់កម្ពុជា ទី៣) ឆាកជីវិតរបស់ សម្តេចតេជោ បានឆ្លងកាត់ការប្រមាថរាប់មិនអស់ ដោយឡែក លើកនេះដូចគ្នាដែរ ទោះទង្វើប្រមាថរបស់ជនជាតិថៃមួយចំនួនមកលើលោក ក៏…

តេហេរ៉ង់ ៖ មេដឹកនាំអ៊ីស្រាអែលចោទថា អ៊ីរ៉ងកំពុងសម្ងំផលិតមីស៊ីលមានសមត្ថភាពវាយប្រហារក្នុងចម្ងាយប្រហែល ៨,០០០គីឡូម៉ែត្រ ពោលគឺអាចបាញ់ដល់ទីក្រុងនានារបស់សហរដ្ឋអាមេរិក។ ប៉ុន្តែអ៊ីរ៉ង់បានប្រកាសច្រានចោលកាលពីថ្ងៃអង្គារ។ ប្រតិកម្មរបស់អ៊ីរ៉ង់កើតឡើងបន្ទាប់ពីនាយករដ្ឋមន្ត្រីអ៊ីស្រាអែល លោក បេនចាមី ណេតាន់យ៉ាហ៊ូ បានប្រាប់ប្រព័ន្ធផ្សព្វផ្សាយអាមេរិកកាលពីថ្ងៃចន្ទថា សព្វថ្ងៃ ប្រទេសអ៊ីរ៉ង់កំពុងប្រឹងប្រែងអភិវឌ្ឍមីស៊ីលផ្លោងអន្តរទ្វីប សម្រាប់រយៈចម្ងាយប្រហែល ៨,០០០គីឡូម៉ែត្រ”។ មេដឹកនាំអ៊ីស្រាអែលរូបនេះបាននិយាយថា តើវានឹងទៅជាយ៉ាងណា? អ៊ីរ៉ង់បានបង្កើនកម្លាំងមីស៊ីលពួកគេប្រហែល ៣,០០០គីឡូម៉ែត្រថែមទៀត ហើយពួកវាបានស្ថិតនៅក្នុងកាណុងកាំភ្លើងរបស់ពួកគេ។ លោកថា ទីក្រុងញូវយ៉ក វ៉ាស៊ីនតោន បូស្តុន ម៉ៃអាមី រួមទាំងរម្មណីយដ្ឋាន ម៉ា អាឡាហ្គោ នៅរដ្ឋផ្លរីដារបស់លោកប្រធានាធិបតី ត្រាំ នឹងក្លាយជាគោលដៅរបស់ពួកគេ។ សូមរម្លឹកថា កាលពីខែមិថុនា សង្រ្គាមរយៈពេល ១២ថ្ងៃបានផ្ទុះឡើង បន្ទាប់ពីអ៊ីស្រាអែលបានបើកការវាយប្រហារមិនធ្លាប់មានលើប្រទេសអ៊ីរ៉ង់ ដោយកំណត់គោលដៅទីតាំងយោធា ការិយាល័យនយោបាយ និងរោងចក្រនុយក្លេអ៊ែរអ៊ីរ៉ង់។ ចាប់តាំងពីមានបទឈប់បាញ់នៅថ្ងៃទី២៤ ខែមិថុនាមក មន្ត្រីនយោបាយ និងយោធាអ៊ីរ៉ង់បានព្រមានអំពីការផ្ទុះជម្លោះសារជាថ្មី ដោយនិយាយថា អ៊ីរ៉ង់ត្រៀមខ្លួនរួចជាស្រេចសម្រាប់សង្គ្រាម ប៉ុន្តែខ្លួនចង់មិនចង់ស្វែងរកវាទេ។ ទោះបីជាយ៉ាងណា បណ្តាប្រទេសលោកខាងលិច និងអ៊ីស្រាអែលបានចោទប្រកាន់អ៊ីរ៉ង់ថា កំពុងសម្ងំផលិតអាវុធនុយក្លេអ៊ែរ និងអភិវឌ្ឍមីស៊ីលដែលមានសមត្ថភាពបំពាក់ក្បាលគ្រាប់នុយក្លេអ៊ែរ។ ប៉ុន្តែអ៊ីរ៉ង់បានបដិសេធការចោទប្រកាន់នេះ ដោយទទូចថា កម្មវិធីនុយក្លេអ៊ែររបស់ខ្លួន…

រុមហាម៉ាស បាននិយាយកាលពីថ្ងៃអង្គារសប្ដាហ៍នេះថា ខ្លួនបានត្រៀមរួចជាស្រេចដើម្បីឈានដល់កិច្ចព្រមព្រៀងបញ្ចប់សង្រ្គាមនៅតំបន់ហ្កាហ្សាដោយផ្អែកលើផែនការរបស់ប្រធានាធិបតីលោក Donald Trump ប៉ុន្តែនៅតែមានការទាមទារមួយចំនួន ខណៈនាយករដ្ឋមន្រ្តីកាតា និងក្រុមអ្នកសម្របសម្រួលជាន់ខ្ពស់របស់សហរដ្ឋអាមេរិកបានធ្វើដំណើរទៅកាន់ប្រទេសអេហ្ស៊ីប ដើម្បីចូលរួមការចរចាដោយប្រយោលរវាងក្រុមសកម្មប្រយុទ្ធប៉ាឡេស្ទីនមួយនេះ និងអ៊ីស្រាអែល។ នៅថ្ងៃខួប២ឆ្នាំ នៃការវាយប្រហាររបស់ក្រុមហាម៉ាសលើអ៊ីស្រាអែលដែលបង្កឱ្យមានសង្រ្គាមនៅតំបន់ហ្កាហ្សារហូតដល់បច្ចុប្បន្ន លោក Trump បានបង្ហាញសុទិដ្ឋិនិយមអំពីវឌ្ឍនភាពឆ្ពោះទៅរកកិច្ចព្រមព្រៀងហ្កាហ្សា។ ក្រុមការងាររបស់សហរដ្ឋអាមេរិក រួមទាំងបេសកជនពិសេសលោក Steve Witkoff និងលោក Jared Kushner កូនប្រសាររបស់លោក Trump និងបេសកជនមជ្ឈិមបូព៌ារបស់លោក ក្នុងអំឡុងពេលអាណត្តិដំបូងរបស់លោក បានចាកចេញសម្រាប់ការពិភាក្សា។ ប្រធានាធិបតីសហរដ្ឋអាមេរិករូបនេះ បានប្រាប់អ្នកសារព័ត៌មាននៅក្នុងការិយាល័យ Oval Office ថា លោកគិតថាមានលទ្ធភាពដែលអាចមានសន្តិភាពនៅមជ្ឈិមបូព៌ា លើសពីដែនដីហ្កាហ្សា។ ប្រភពស្និទ្ធនឹងការចរចាបាននិយាយថា ពួកគេបានផ្អាកសម្រាប់ថ្ងៃនេះ ហើយបរិយាកាសបានល្អប្រសើរជាងថ្ងៃចន្ទ។ការចរចានៅថ្ងៃពុធនឹងក្លាយជាការចង្អុលបង្ហាញយ៉ាងច្បាស់លាស់ថាតើមានវឌ្ឍនភាពអាចធ្វើទៅបានដែរឬទេ សម្រាប់វត្តមានរបស់ក្រុមអ្នកសម្របសម្រួលជាន់ខ្ពស់។ មន្ត្រីម្នាក់បានប្រាប់សារព័ត៌មានរ៉យទ័រថា លោកនាយករដ្ឋមន្ត្រី Sheikh Mohammed bin Abdulrahman al-Thani របស់ប្រទេសកាតា ដែលជាអ្នកសម្របសម្រួលដ៏សំខាន់មួយរូប នឹងចូលរួមកិច្ចចរចានៅថ្ងៃពុធនេះ ក្នុងគោលបំណងជំរុញផែនការបទឈប់បាញ់ហ្កាហ្សា និងកិច្ចព្រមព្រៀងដោះលែងចំណាប់ខ្មាំង៕

អង្គការពាណិជ្ជកម្មពិភពលោក (WTO )បានទម្លាក់ការព្យាករណ៍នៅឆ្នាំ ២០២៦ របស់ខ្លួនយ៉ាងខ្លាំងសម្រាប់កំណើនទំហំពាណិជ្ជកម្មទំនិញសកលមកត្រឹម ០,៥% កាលពីថ្ងៃអង្គារសប្ដាហ៍នេះ ដោយលើកឡើងពីផលប៉ះពាល់ដែលរំពឹងទុកពីគោលនយោបាយដំឡើងពន្ធរបស់ប្រធានាធិបតីអាមេរិក Donald Trump ។នេះ បង្ហាញពីការកែប្រែគួរឱ្យកត់សម្គាល់ ធ្លាក់ចុះពីការប៉ាន់ប្រមាណកាលពីកន្លងទៅរបស់ខ្លួនកាលពីក្នុងខែសីហា នៃកំណើន១,៨%។ ប្រមុខអង្គការនេះលោកស្រី Ngozi Okonjo-Iweala បានប្រាប់អ្នកយកព័ត៌មាននៅទីក្រុងហ្សឺណែវថា ចក្ខុវិស័យសម្រាប់ឆ្នាំក្រោយគឺកាន់តែអាក្រក់ ហើយលោកស្រី មានការព្រួយបារម្ភយ៉ាងខ្លាំង ។ ទោះជាយ៉ាងណាក៏ដោយ លោកស្រីនិយាយថាប្រព័ន្ធពាណិជ្ជកម្មពិភពលោកកំពុងបង្ហាញពីភាពធន់ ដោយប្រព័ន្ធពហុភាគីផ្អែកលើច្បាប់ផ្តល់នូវស្ថិរភាពមួយចំនួនស្របពេលមានចលាចលពាណិជ្ជកម្ម។ សម្រាប់ឆ្នាំ ២០២៥ អង្គការ WTO បានដំឡើងការព្យាករណ៍របស់ខ្លួនសម្រាប់កំណើនទំហំពាណិជ្ជកម្មពិភពលោកដល់ ២,៤% ពី០,៩% កាលពីកន្លងទៅ ដែលជំរុញជាចម្បងដោយការដឹកជញ្ជូនទំនិញនាំចូលទៅកាន់សហរដ្ឋអាមេរិក មុនពេលការដំឡើងពន្ធ និងកំណើនពាណិជ្ជកម្មទំនិញដែលទាក់ទងនឹង AI ។ វានៅតែទាបជាងកំណើន ២,៨% ដែលត្រូវគេមើលឃើញក្នុងឆ្នាំ២០២៤។ ការសម្រេចចិត្តដំឡើងពន្ធរបស់លោក Trump ចាប់តាំងពីលោកចូលកាន់តំណែងក្នុងខែមករា បានធ្វើឱ្យទីផ្សារហិរញ្ញវត្ថុមានភាពរង្គោះរង្គើ និងបានបញ្ជូនរលកនៃភាពមិនច្បាស់លាស់តាមរយៈសេដ្ឋកិច្ចពិភពលោក។កាលពីថ្ងៃទី ៧ ខែសីហា លោក Trump បានដាក់ពន្ធខ្ពស់លើការនាំចូលពីប្រទេសរាប់សិប ដោយបន្សល់ទុកដៃគូពាណិជ្ជកម្មសំខាន់ៗដូចជា ស្វីស ប្រេស៊ីល និងឥណ្ឌា…

មូស្គូ ៖ រដ្ឋមន្ត្រីការបរទេស ប្រទេសអាហ្វហ្គានីស្ថាន បានថ្លែងចេញពីរុស្ស៊ី ថា វត្តមានកងទ័ពបរទេស «មិនអាចទទួលយកបាន» ខណៈដែលមានចចាមអារ៉ាម អំពីការវិលត្រឡប់ របស់កងកម្លាំងអាមេរិក។ លោក Amir Khan Muttaqi រដ្ឋមន្ត្រីការបរទេស អាហ្វហ្គានីស្ថាន នៃ រដ្ឋាភិបាល តាលីបង់ បាននិយាយថា វត្តមានយោធាបរទេសណាមួយ រួមទាំង ពាក្យចចាមអារ៉ាម អំពីការវិលត្រឡប់ របស់កងកម្លាំងអាមេរិក ទៅកាន់មូលដ្ឋានទ័ពអាកាស Bagram គឺ «មិនអាចទទួលយកបាន សម្រាប់ប្រជាជនអាហ្វហ្គានីស្ថាន»។ ថ្លែងអំឡុងកិច្ចប្រជុំកំពូលក្នុងតំបន់ ស្តីពី អាហ្វហ្គានីស្ថាន ដែលរៀបចំឡើង នៅឯទីក្រុង មូស្គូ លោក Muttaqi បាននិយាយទៀតថា សន្តិសុខបានវិលត្រឡប់មកប្រទេសវិញ «បន្ទាប់ពី ៤ ទសវត្សរ៍» ដោយបង្កើតឱកាសថ្មី សម្រាប់ការវិនិយោគ និង ពាណិជ្ជកម្ម។ លោក Muttaqi បន្ថែមថា គ្មានមូលដ្ឋានក្រុមភេរវករ ឬ ការដាំដុះគ្រឿងញៀន នៅក្នុងប្រទេសអាហ្វហ្គានីស្ថាន…

ដាកា ៖ មេទ័ពអាកាសកំពូលបង់ក្លាដែស លោក ហាសាន់ ម៉ាម៊ូដ ខាន់ បានប្រកាសកាលពីខែមុនថា រដ្ឋាភិបាលបណ្តោះអាសន្នបង់ក្លាដែសបានបើកភ្លើងខៀវសម្រាប់ការបញ្ជាទិញយន្តហោះចម្បាំង និងយន្តហោះប្រយុទ្ធពហុមុខងារជាច្រើនគ្រឿង បូករួមទាំងមីស៊ីលបាញ់ពីដីទៅអាកាសថ្មី និងប្រព័ន្ធរ៉ាដារយៈចម្ងាយឆ្ងាយ។ យ៉ាងណាមិញ លោក ខាន់ មិនបានបញ្ជាក់លំអិតថាតើយន្តហោះចម្បាំងប្រភេទណា ដែលកងទ័ពអាកាសបង់ក្លាដែសគ្រោងបញ្ជាទិញនោះទេ ប៉ុន្តែមានការំពឹងខ្ពស់លើការបញ្ជាទិញយន្តហោះចម្បាំង J-10CE ពីប្រទេសចិន។ យោងតាមប្រភពពីរដ្ឋាភិបាលបានឱ្យដឹងថា កងទ័ពអាកាសបង់ក្លាដែសអាចនឹងបញ្ជាទិញយន្តហោះចម្បាំង J-10CE ដល់ទៅ ២០គ្រឿងនៅឆ្នាំ ២០២៧។ ប៉ុន្តែគណៈកម្មាធិការអន្តរក្រសួងដែលដឹកនាំដោយលោក ខាន់ នៅតែត្រូវការការយល់ព្រមពីរដ្ឋាភិបាល និងការចរចាជាមួយមន្ត្រីចិន។ យោងតាមការប៉ាន់ប្រមាណរបស់ការិយាល័យទីប្រឹក្សារដ្ឋាភិបាលបានឱ្យដឹងថា ការបញ្ជាទិញយន្តហោះចម្បាំងនេះ នឹងមានតម្លៃប្រហែល ១.២ពាន់លានដុល្លារ ខណៈការចំណាយផ្សេងទៀត មានដូចជាការហ្វឹកហាត់ និងគ្រឿងបន្លាស់ នឹងមានតម្លៃប្រមាណ ២.២ពាន់លានដុល្លារ។ ហើយការទូទាត់សរុបអាចនឹងត្រូវបង់ជាដំណាក់កាលក្នុងរយៈពេល១០ឆ្នាំរហូតដល់ពាក់កណ្តាលឆ្នាំ ២០៣០៕ ប្រភព ៖ Defense News

ហ្ស៊េរុយសាឡិម ៖ អ៊ីស្រាអែលបានប្រារព្ធខួប២ឆ្នាំ នៃការវាយប្រហារ របស់ពួកហាម៉ាស់ «៧ តុលា ២០២៣ – ៧ តុលា ២០២៥» ខណៈកិច្ចចរចាត្រូវបានធ្វើឡើង ដើម្បីបញ្ចប់សង្គ្រាមនៅហ្គាហ្សា។ អ៊ីស្រាអែលប្រារព្ធខួបលើកទី ២ នៃការវាយប្រហារថ្ងៃទី ៧ ខែតុលា ឆ្នាំ ២០២៣ នៅថ្ងៃអង្គារនេះ ខណៈពេលដែលក្រុមហាម៉ាស និងក្រុមអ្នកចរចាអ៊ីស្រាអែល ធ្វើកិច្ចចរចាដោយប្រយោល ដើម្បីបញ្ចប់សង្រ្គាម រយៈពេលពីរឆ្នាំ នៅហ្គាហ្សា ក្រោមផែនការសន្តិភាព ដែលបានស្នើឡើង របស់សហរដ្ឋអាមេរិក។ កាលពី ពីរឆ្នាំមុន រហូតមកដល់ថ្ងៃនេះ នៅឯការបិទ ពិធីបុណ្យ Sukkot របស់ជនជាតិជ្វីហ្វ ត្រូវបាន ក្រុមសកម្មប្រយុទ្ធដឹកនាំដោយក្រុមហាម៉ាស់ បានបើកការវាយប្រហារដ៏គួរឱ្យភ្ញាក់ផ្អើលមួយ ដែលធ្វើឱ្យវាក្លាយជាថ្ងៃ ដែលមានមនុស្សស្លាប់ច្រើនបំផុត ក្នុងប្រវត្តិសាស្ត្រ របស់ប្រទេស។ យុទ្ធជនប៉ាឡេស្ទីនបានបំពានព្រំដែនហ្គាហ្សា-អ៊ីស្រាអែល ដោយវាយលុកសហគមន៍អ៊ីស្រាអែលភាគខាងត្បូង និងពិធីបុណ្យតន្ត្រីវាលខ្សាច់ ជាមួយនឹងការបាញ់កាំភ្លើង គ្រាប់រ៉ុក្កែត និងគ្រាប់បែកដៃ។ ការវាយប្រហារនេះ បានបណ្តាលឱ្យមនុស្សចំនួន ១,២១៩នាក់ស្លាប់ នៅខាងអ៊ីស្រាអែល…

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ឧបត្ថម្ភថ្នាំពេទ្យចំនួន ៤កេស ស្មើនឹង ៣៨.៤០០គ្រាប់ ដល់មន្ទីរពេទ្យបង្អែកស្រុកបារាយណ៍-សន្ទុក និងមណ្ឌលសុខភាពកំពង់ថ្ម ក្នុងខេត្តកំពង់ធំ (កំពង់ធំ)៖ បន្ទាប់ពីទទួលបានថ្នាំពេទ្យមួយចំនួនពីសប្បុរសជនប្រគល់ជូនមកកាកបាទក្រហមកម្ពុជា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ឱ្យមន្ត្រីនាំយកថ្នាំពេទ្យបញ្ចុះកម្តៅ និងព្យាបាលផ្តាសាយប្រភេទ ACETA-SANT 500 ចំនួន ៤កេស (ស្មើនឹង ៣៨.៤០០គ្រាប់) ជូនដល់មន្ទីរពេទ្យបង្អែកស្រុកបារាយណ៍-សន្ទុក និងមណ្ឌលសុខភាពកំពង់ថ្ម ក្នុងខេត្តកំពង់ធំ ។ តបតាមអនុសាសន៍ណែនាំដ៏ខ្ពង់ខ្ពស់ពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅរសៀលថ្ងៃទី៦ ខែតុលា ឆ្នាំ២០២៥ ឯកឧត្តម សុខ ឡុង នាយកនាយកដ្ឋានសុខភាព កាកបាទក្រហមកម្ពុជា និងសហការី រួមជាមួយថ្នាក់ដឹកនាំ មន្ត្រីប្រតិបត្តិសាខាកាកបាទក្រហមកម្ពុជា ខេត្តកំពង់ធំ ព្រមទាំងថ្នាក់ដឹកនាំមន្ទីរសុខាភិបាលខេត្តកំពង់ធំ បានអញ្ជើញនាំយកថ្នាំពេទ្យបញ្ចុះកម្តៅ និងព្យាបាលផ្តាសាយប្រភេទ ACETA-SANT 500 ជូនមន្ទីរពេទ្យបង្អែកស្រុកបារាយណ៍-សន្ទុក ២កេស( ស្មើនឹង…

ការ៉ាកាស ៖ លោក ម៉ាឌូរ៉ូ បាននិយាយថា វេណេស៊ុយអេឡាបានទប់ស្កាត់ផែនការ បំផ្ទុះគ្រាប់បែក នៅឯស្ថានទូតអាមេរិក ស្ថិតក្នុងទីក្រុងការ៉ាកាស ចំពេលមានជម្លោះគ្រឿងញៀន។ លោក ប្រធានាធិបតី Nicolas Maduro បាននិយាយ កាលពីថ្ងៃចន្ទថា ប្រទេសវេណេស៊ុយអេឡា បានរារាំងប្រតិបត្តិការនេះ ជាអ្វីដែលលោកបានហៅថា «ក្រុមភេរវករក្នុងស្រុក» ហើយថា ការប៉ុនប៉ងនេះ នឹងធ្វើឱ្យជម្លោះ រវាងប្រទេសទាំងពីរ កាន់តែធ្ងន់ធ្ងរ លើការជួញដូរគ្រឿងញៀន។ ថ្លែងក្នុងកម្មវិធីទូរទស្សន៍ប្រចាំសប្តាហ៍ លោក Maduro បាននិយាយថា ប្រភព ពីរ ដែលលោកមិនបញ្ចេញឈ្មោះ បានឯកភាពលើលទ្ធភាព ដែលក្រុមភេរវករក្នុងស្រុក ដាក់គ្រឿងផ្ទុះ នៅស្ថានទូតអាមេរិក ក្នុងទីក្រុង Caracas ដើម្បីធ្វើឱ្យជម្លោះកាន់តែធ្ងន់ធ្ងរ ជាមួយទីក្រុងវ៉ាស៊ីនតោន»។ លោក Jorge Rodriguez ប្រធានគណៈប្រតិភូវេណេស៊ុយអេឡា សម្រាប់ការសន្ទនា ជាមួយសត្រូវរបស់ខ្លួន សំដៅលើអាមេរិក បាននិយាយមុននេះថា រដ្ឋាភិបាលទីក្រុង Caracas បានព្រមានក្រុងវ៉ាស៊ីនតោនអំពី “ការគំរាមកំហែងយ៉ាងធ្ងន់ធ្ងរ” ពីក្រុមជ្រុលនិយម ដែលត្រូវបានចោទប្រកាន់ថា…