Category: ព័ត៌មានជាតិ​

កំពង់ចាម៖ ដេីម្បីចូលរួមទប់ស្កាត់ និងបង្ក្រាបបទល្មេីសនេសាទខុសច្បាប់នៅតាមព្រែក បឹង និងទន្លេ ក្នុងភូមិសាស្ត្រខេត្តកំពង់ចាម មន្ត្រីខណ្ឌរដ្ឋបាលជលផលកំពង់ចាម បានបន្តចុះបង្ក្រាបឧបករណ៍នេសាទខុសច្បាប់នៅភូមិសាស្ត្រស្រុកកងមាស និងស្រុកព្រៃឈរ។ នៅថ្ងៃទី២៤ ខែកញ្ញា ឆ្នាំ២០២៤នេះ ខណ្ឌរដ្ឋបាលជលផលកំពង់ចាម សហការជាមួយអាជ្ញាធរស្រុកជើងព្រៃនឹងស្រុកព្រៃឈរ ដោយមានការសម្របសម្រួលពីឯកឧត្តម វង្ស ប៊ុនវិសុទ្ធ ព្រះរាជអាជ្ញានៃអយ្យការអមសាលាដំបូងខេត្តកំពង់ចាម បានចុះប្រតិបត្តិការត្រួតពិនិត្យ និងបង្រ្កាបបទល្មើសជលផល បានមួយករណី ក្នុងនោះនៅក្នុងស្រុកកងមាសនិងស្រុកព្រៃឈរដោយកសាងសំណុំរឿងតាមនិតិវិធីច្បាប់ស្តីពីជលផល និងរុះរើកាប់បំផ្លាញចោលវត្ថុតាងនៃបទល្មើសជលផលនៅនឹងកន្លែង។ លោក លី ស្រ៊ី នាយខណ្ឌស្តីទីជលផលកំពង់ចាម បានឲ្យដឹងថា ជាលទ្ធផល ប្រតិបត្តិការចុះបង្រ្កាបបទល្មើសជលផលនេះដែរ ក្រុមការងារបានរុះរើកាប់បំផ្លាញចោលវត្ថុតាងនៅចំណុចទំនប់តំបន់បាទី ឃុំព្រៃចារ ស្រុកជើងព្រៃ ឧបករណ៍ដែលបំផ្លាញចោលរួមមាន៖ឧបករណ៍លូស្បៃមុងសរុប២៥មាត់, របាំងស្បៃមុងប្រវែង ៧៦០ម៉ែត្រ, បង្គោលចម្រឹងចំនួន៣៩០ដើម, ចាក់លែងកូនត្រីចម្រុះទម្ងន់សរុប ១៧០គីឡូក្រាម ចូលក្នុងបឹងធម្មវិញ។ ទន្ទឹមនឹងនេះដែរ លោក នាយខណ្ឌស្តីទីជលផលកំពង់ចាម ដែលដឹកនាំផ្ទាល់ បានបន្តចុះអប់រំផ្សព្វផ្សាយដល់ប្រជានេសាទឈប់នេសាទនៅតំបន់ កុំប្រើប្រាស់ឧបករណ៍ល្មើសច្បាប់ និងស្នើសុំឲ្យអាជ្ញាធរមូលដ្ឋានចូលរួមសហការរាយការណ៍និងបង្ក្រាប អ្វីដែលមន្ត្រីជំនាញស្នើសុំទៀតនោះ គឺសូមឲ្យបងប្អូនប្រជាពលរដ្ឋចូលរួមសហការទប់ស្កាត់ការនេសាទខុសច្បាប់ ដើម្បីរក្សាពូជត្រីបានច្រើន៕

ព្យុះសង្ឃរា ចន (John) បានបោកបក់លើឆ្នេរសមុទ្រប៉ាស៊ីហ្វិកភាគខាងត្បូងនៃប្រទេសម៉ិកស៊ិក កាលពីល្ងាចថ្ងៃចន្ទ (២៣ កញ្ញា) ជាព្យុះប្រភេទទី៣ដ៏ធំ ដោយអាជ្ញាធរព្រមានអ្នកស្រុកឱ្យការពារខ្លួនពីការកើនឡើងនៃព្យុះ ដែលអាចសម្លាប់មនុស្សបាន និងទឹកជំនន់ដ៏គំហុកពីភ្លៀងធ្លាក់ខ្លាំង។ មជ្ឈមណ្ឌលព្យុះសង្ឃរាជាតិអាមេរិក (NHC) បាននិយាយនៅក្នុងសេចក្តីថ្លែងការណ៍មួយថា ព្យុះដែលមានកម្លាំងខ្យល់អតិបរមា ១៩៣គីឡូម៉ែត្រក្នុងមួយម៉ោងនេះ បានបោកបក់ដល់ដីលើភាគនិរតីនៃទីក្រុង ម៉ាកេលីយ៉ា (Marquelia) ក្នុងរដ្ឋ ហ្គែរ៉េរ៉ូ (Guerrero) នៅម៉ោងប្រហែល ៩:១៥យប់ (ម៉ោងក្នុងស្រុក)។ ទោះបីជាផ្លាស់ទីយឺតៗក៏ដោយ ព្យុះនេះបានពង្រឹងកម្លាំងយ៉ាងឆាប់រហ័សនៅពេលថ្ងៃ ហើយប្រធានាធិបតីម៉ិកស៊ិក បានជំរុញអ្នករស់នៅតាមឆ្នេរសមុទ្រឱ្យស្វែងរកទីទួលខ្ពស់ ខណៈទីភ្នាក់ងារគ្រោះមហន្តរាយ បានដាក់ការប្រកាសអាសន្នពណ៌ក្រហមនៅក្នុងតំបន់ ហ្គែរ៉េរ៉ូ និងរដ្ឋ អ័រហ្សាកា (Oaxaca) ដែលនៅជិតខាង។ មជ្ឈមណ្ឌលព្យុះសង្ឃរា NHC បានព្រមានថា ព្យុះនេះអាចនាំមកនូវឥទ្ធិពលដែលគំរាមកំហែងដល់អាយុជីវិត និងទឹកជំនន់យ៉ាងគំហុកមុនពេលផ្លាស់ទីចេញពីតំបន់ឆ្នេរលើខាងត្បូងម៉ិកស៊ិក នៅថ្ងៃអង្គារ (២៤ កញ្ញា) នេះនិងបានចុះខ្សោយយ៉ាងឆាប់រហ័សនៅលើតំបន់ដីទួលខ្ពស់ក្នុងទីតាំងរងគ្រោះទាំងនោះ៕

បុរសជនជាតិអេស្តូនីម្នាក់ បានដើរតាមខ្សែពូរដែលត្រូវបានបង្កើតឡើងនៅលើស្ពាន Bosphorus នៅទីក្រុងអ៊ីស្តង់ប៊ុល ប្រទេសទួរគី ជាការដើរក្នុងចម្ងាយ ១.០៧៤ ម៉ែត្រ ដែលនាំលោកធ្វើដំណើរពីអាស៊ី ទៅកាន់អឺរ៉ុប។ លោក Jaan Roose បាននិយាយថា ចរាចរណ៍រថយន្តនៅខាងក្រោមលោកនៅលើស្ពាន ព្រមទាំងយន្តហោះ និងឧទ្ធម្ភាគចក្រ នៅខាងលើ គឺជាការរំខានមួយក្នុងអំឡុងពេលដើររយៈពេល៤៧នាទី នៅលើខ្សែពួរ ដែលត្រូវបានបង្កើតឡើងនៅចន្លោះជើងស្ពានមានកម្ពស់១៦៥ម៉ែត្រ ពីលើនីវ៉ូទឹកសមុទ្រ។ លោកនិយាយថា «ស្ថិតនៅក្នុងបរិយាកាសទីក្រុង វាតែងតែពិបាកដើរនៅលើខ្សែ ជាជាងនៅកន្លែងណាមួយផ្សេងទៀតក្នុងទិដ្ឋភាពធម្មជាតិ» ហើយលោកបានព្យាយាមទប់លំនឹងដែលបានផ្តោតលើជំហានរបស់លោក។ លោក Roose បាននិយាយថា «លោកមានពេលវេលា នៅកន្លែងដែលលោកត្រូវទម្លាក់ដៃរបស់លោក ព្រោះវាចុករមួល ហើយក្នុងអំឡុងពេលនោះ លោកក៏អាចមើលទីក្រុង Old City និងទិដ្ឋភាពដ៏ស្រស់ស្អាតរបស់ទីក្រុងអ៊ីស្តង់ប៊ុល វាពិតជាប្លែករកអ្វីប្រៀបផ្ទឹមពុំបាន ដែលលោក បានដើរពីអាស៊ីទៅអឺរ៉ុបតាមខ្សែពួរ បង្កើតឡើងនៅលើស្ពាន។

ប្រព័ន្ធផ្សព្វផ្សាយក្នុងស្រុករាយការណ៍ថា អតីតរដ្ឋមន្ត្រីដឹកជញ្ជូនរបស់ប្រទេសសិង្ហបុរី លោក ស៊ុប្រាម៉ាណាម អ៊ីស្វារ៉ាន (Subramaniam Iswaran) បានផ្ដល់ចម្លើយពីភាពមានទោសក្នុងការទទួលអំណោយនៅពេលកំពុងកាន់តំណែង នៅថ្ងៃអង្គារ (២៤ កញ្ញា) នេះ ក្នុងការកាត់ក្តីពុករលួយដ៏កម្រមួយពាក់ព័ន្ធនឹងមន្ត្រីរដ្ឋនៅក្នុងមជ្ឈមណ្ឌលហិរញ្ញវត្ថុអាស៊ីមួយនេះ។ នេះជាសំណុំរឿងដ៏កក្រើកនៅក្នុងប្រទេសសម្បូរទ្រព្យ ដែលមានមោទនភាពលើការិយាធិបតេយ្យប្រាក់ខែល្អ និងមានប្រសិទ្ធភាព ព្រមទាំងអភិបាលកិច្ចរឹងមាំរបស់ខ្លួនមួយនេះ។ សារព័ត៌មាន CNA រាយការណ៍ថា នៅក្នុងតុលាការ លោក Iswaran បានផ្ដល់ចម្លើយពីភាពមានទោសចំពោះការចោទប្រកាន់ពីបទរារាំងយុត្តិធម៌ និងការទទួលយករបស់មានតម្លៃដោយមិនបង់ប្រាក់ ឬដោយការទូទាត់មិនពេញលេញ ជំនួសឱ្យការចោទប្រកាន់ដែលរួមបញ្ចូលអំពើពុករលួយ។ CNA បន្ថែមថា រដ្ឋអាជ្ញាក៏បានបន្ថយការចោទប្រកាន់របស់លោក Iswaran មកត្រឹម ៥ករណីពីចំនួន ៣៥ករណី ដោយបានបន្ថែមថា ការចោទប្រកាន់ ៣០ករណី ដែលនៅសល់នឹងត្រូវយកមកពិចារណាសម្រាប់ការកាត់ទោស។ បទចោទដែលមន្រ្តីរាជការទទួលយកអំណោយមានតម្លៃថ្លៃ មានទោសជាប់ពន្ធនាគាររហូតដល់ ២ឆ្នាំ និងពិន័យជាប្រាក់។ ចំពោះបទរារាំងយុត្តិធម៌ លោក Iswaran អាចត្រូវផ្ដន្ទាទោសដាក់ពន្ធនាគាររហូតដល់ ៧ឆ្នាំ និងពិន័យជាប្រាក់។ គួររម្លឹកថា លោក Iswaran វ័យ ៦២ឆ្នាំដែលបានចូលរួមគណៈរដ្ឋមន្ត្រីក្នុងឆ្នាំ២០០៦ ត្រូវបានចាប់ខ្លួនកាលពីខែកក្កដា ឆ្នាំមុន…

ក្រសួងយុត្តិធម៌អាមេរិក គ្រោងនឹងចោទប្រកាន់ជនសង្ស័យម្នាក់ដែលត្រូវ​បានចោទពីបទ​សម្ងំលាក់​ខ្លួន​ដោយមានកាន់កាំភ្លើង​នៅទីលានវាយកូនហ្គោលរដ្ឋហ្វ្លរីដា (Florida) របស់លោកអតីត​ប្រធានាធិបតី Donald Trump ពីបទប៉ុនប៉ងធ្វើឃាតបេក្ខជននយោបាយដ៏សំខាន់មួយរូប ដោយអាចជាប់ពន្ធនាគារអស់មួយជីវិត ប្រសិនបើត្រូវបានកាត់ទោស។ ជនសង្ស័យ រ៉ាយអ៊ិន រ៉ូដ (Ryan Routh) វ័យ ៥៨ឆ្នាំ ត្រូវបានចៅក្រមតុលាការអាមេរិក លោក រ៉ាយអន មែកខាបេ (Ryon McCabe) បញ្ជាឱ្យបន្តឃុំខ្លួននៅក្នុងពន្ធនាគារដោយមិនមានការធានានៅក្រៅឃុំ លើការចោទប្រកាន់ទាក់ទងនឹងកាំភ្លើងចំនួន ២ករណី បន្ទាប់ពីការចាប់ខ្លួននៅថ្ងៃទី១៥ ខែកញ្ញា។ លោក McCabe បាននិយាយថា រដ្ឋអាជ្ញាបានចងក្រងឯកសារលើកិច្ចខិតខំប្រឹងប្រែងរបស់ជនសង្ស័យ Routh ក្នុងការ «តាមដាន» លោក Trump ប្រហែលមួយខែនៅភាគខាងត្បូងរដ្ឋ Florida រួមទាំងលិខិតរៀបគម្រោង «ក្នុងការប៉ុនប៉ងជាក់ស្តែងដើម្បីធ្វើឃាត»។ រដ្ឋអាជ្ញា ម៉ាក ឌីសផូតូ (Mark Dispoto) បាននិយាយថា ក្រសួងយុត្តិធម៌នឹងស្នើឱ្យគណៈវិនិច្ឆ័យ នាំយកការចោទប្រកាន់ពីបទប៉ុនប៉ងធ្វើឃាតដ៏ធ្ងន់ធ្ងរជាងនេះប្រឆាំងនឹងជនសង្ស័យ Routh ដែលត្រូវបានដាក់ខ្នោះដៃជាប់នឹងចង្កេះអំឡុងពេលសវនាការនៅចំពោះមុខចៅក្រម McCabe។ មេធាវីតំណាងចុងចោទ បានព្យាយាមតែមិនជោគជ័យក្នុងការទាមទារឱ្យដោះលែងជនសង្ស័យ Routh លើប្រាក់ធានា…

ក្រចេះ៖ កម្ពស់ទឹកទន្លេមេគង្គខេត្តក្រចេះ ជិតដល់កម្រិតប្រកាសឲ្យប្រុងប្រយ័ត្ន ដោយនៅខ្វះតែ ០,៦០ម៉ែត្រទៀត គិតត្រឹមព្រឹកនៅថ្ងៃទី២៤ ខែកញ្ញា ឆ្នាំ២០២៤ កម្ពស់ទឹកទន្លេមេគង្គក្នុងខេត្តក្រចេះ មានកម្ពស់ ២១,៤០ម៉ែត្រ ។ នៅព្រឹកថ្ងៃ២៤ ខែកញ្ញានេះ គណៈកម្មាធិការគ្រប់គ្រងគ្រោះមហន្តរាយខេត្តក្រចេះ បានឲ្យដឹងថា តាមការព្យាករណ៍របស់ក្រសួងជំនាញ បានឃើញថា ទឹកទន្លេមេគង្គក្នុងខេត្តក្រចេះ អាចហ្នឹងហក់​ឡើងដល់កម្ពស់ ២១,៧៣ ក្នុងរយៈពេលប៉ុន្មានថ្ងៃខាងមុខនេះ ​ស្ថានភាពបែបនេះ នឹង​បង្កឲ្យមានទឹកជំនន់គ្រប់ពេលវេលាក្នុងមូលដ្ឋានខេត្តក្រចេះ ​គណៈកម្មការគ្រប់គ្រង​គ្រោះមន្តរាយ​ខេត្តក្រចេះ បានធ្វើការណែនាំដល់បងប្អូនប្រជាពលរដ្ឋ ដែលកំពុងរស់នៅក្នុងខេត្តក្រចេះ ជាពិសេសគ្រួសារ ដែលរស់នៅជាប់ដងទន្លេមេគង្គ ព្រែកជាដើម ។ ការណែនាំខាងលើ មានដូចជា ១. វេចខ្ចប់ស្បៀងអាហារ សម្ភារៈ និងឯកសារសំខាន់ៗទុកជាមុន ។ ២. ប្រមូលនឹងទុកដាក់ភោគផលកសិកម្ម ដែលអាចប្រឈម​ទៅ​នឹងទឹកជំនន់​ដែលអាចខូចខាត​បាត់បង់ធ្ងន់ធ្ងរ ។ ៣. បើគ្មានការចាំបាច់កុំធ្វើដំណើរ ឬ ចេញទៅនេសាទដាច់ខាត។ ៤. ចងរឹតផ្ទះសំបែងឲ្យបានរឹងមាំ ។ ៥. ណែនាំកូនចៅកុំឱ្យនៅជិត ឬលេងតំបន់ងាយរងគ្រោះ ។ ៦. សហការជាមួយអាជ្ញាធរមូលដ្ឋាន​…

ក្រុមមន្ត្រីបាននិយាយថា ទីក្រុងវាលខ្សាច់ ហ្វីនិច (Phoenix) រដ្ឋ អារីហ្សូណា (Arizona) សហរដ្ឋអាមេរិក បានទទួលរងពីកម្ដៅដ៏ខ្លាំងក្លានៃកំណត់ត្រា ១១៣ថ្ងៃជាប់ៗគ្នា ជាមួយនឹងសីតុណ្ហភាពលើសពី ៣៨ អង្សាសេ (១០០អង្សាហ្វារិនហៃ) នៅឆ្នាំនេះ ដែលនាំឱ្យមនុស្សរាប់រយនាក់បានស្លាប់ដោយសារកម្ដៅ និងផ្ទៃដីជាច្រើនហិកតាត្រូវដុតបំផ្លាញដោយចំហេះព្រៃនៅទូទាំងរដ្ឋ។ ទីក្រុងដែលមានអ្នកស្រុក ១,៦លាននាក់ និងជាទីក្រុងធំជាងគេនៅវាលខ្សាច់ សូណូរ៉ាន (Sonoran) នេះ បានជួបប្រទះរដូវក្តៅដ៏ក្តៅបំផុតដែលមិនធ្លាប់មាន លើសកំណត់ត្រាកាលពីឆ្នាំ២០២៣ ក្នុងតួលេខជិត ២អង្សាសេ នេះបើយោងតាមសេវាអាកាសធាតុជាតិ។ កំណត់ត្រាក្ដៅខ្លាំង ១១៣ថ្ងៃជាប់គ្នា ដែលឈានដល់កាលពីសប្តាហ៍មុននេះ បានបំបែកកំណត់ត្រាមុនរបស់ក្រុង Phoenix ដែលក្ដៅខ្លាំងលើសពី ៣៨ អង្សាសេ ៧៦ថ្ងៃជាប់គ្នា ក្នុងឆ្នាំ១៩៩៣។ យោងតាមទិន្នន័យផ្លូវការបានឱ្យដឹងថា កម្ដៅដ៏ក្ដៅគគុកនេះបានសម្លាប់មនុស្ស ២៥៦នាក់ក្នុងឆ្នាំនេះនៅក្នុងតំបន់ ម៉ារីខូផា (Maricopa) នៃទីក្រុង Phoenix និងជាមូលហេតុសង្ស័យនៃការស្លាប់ចំនួន ៣៩៣នាក់ផ្សេងទៀត។ តំបន់នេះធ្លាប់មានកំណត់ត្រាស្លាប់ដោយកម្ដៅចំនួន ៦៤៥នាក់កាលពីឆ្នាំមុន។ ប្រហែលពាក់កណ្តាលនៃការស្លាប់ទាំងនោះគឺជាមនុស្សគ្មានទីជម្រក ដែលជាក្រុមងាយរងគ្រោះបំផុតរបស់តំបន់។ ការស្លាប់បានកើនឡើងខ្លាំងក្នុងខែកក្កដា នៅពេលក្រុង Phoenix មានសីតុណ្ហភាពខ្ពស់ជាប្រចាំជិត…

របបយោធាដែលកំពុងក្ដាប់អំណាចនៅសហភាពមីយ៉ាន់ម៉ាបានប្រកាសថាចំនួនអ្នកស្លាប់ដោយសារព្យុះ Yagi និងទឹកជំនន់ ព្រមទាំងបំណាក់ដី បានកើនឡើងដល់៣៩០នាក់ ខណៈ មនុស្សជាច្រើននាក់នៅតែបាត់ខ្លួន។ ព្យុះទីហ្វុងYagi បានវាយប្រហារភាគខាងជើងប្រទេសវៀតណាម ឡាវ ថៃ និងមីយ៉ាន់ម៉ា កាលពីជាងមួយសប្តាហ៍មុន ដែលបណ្តាលឱ្យមានទឹកជំនន់ និងបំណាក់ដីធ្ងន់ធ្ងរ ក្រោយវាយប្រហារប្រទេសហ្វីលីពីន និងចិនភាគខាងត្បូង។ នៅវៀតណាម មនុស្សជាង៣០០នាក់ស្លាប់ និងបាត់ខ្លួន ខណៈជាង៤០នាក់ស្លាប់ នៅប្រទេស ៤នាក់ នៅឡាវ ជាង២០នាក់នៅហ្វីលីពីន និងមួយចំនួននៅប្រទេសចិន។ គ្រោះមហន្តរាយនេះបានបន្ថែមបន្ទុកកាន់តែធ្ងន់ធ្ងរដល់សន្តិសុខ មនុស្សធម៌ និងវិបត្តិនយោបាយដែលមីយ៉ានម៉ាបាននិងកំពុងជួបប្រទះចាប់តាំងពីរដ្ឋប្រហារឆ្នាំ ២០២១ ដែលបានផ្តួលរំលំរដ្ឋាភិបាលជាប់ឆ្នោតតាមបែបប្រជាធិបតេយ្យរបស់លោកស្រី អ៊ុងសាន ស៊ូជី(Aung San Suu Kyi)។ អង្គការសហប្រជាជាតិបាននិយាយថាមនុស្សជិត១លាននាក់បានរងផលប៉ះពាល់នៅក្នុងប្រទេសហែកហូរដោយសង្រ្គាមស៊ីវិលមួយនេះ ក្រោយព្យុះនេះការវាយប្រហារពីព្យុះ Yagi។ ការិយាល័យសម្របសម្រួលកិច្ចការមនុស្សធម៌របស់អង្គការសហប្រជាជាតិ (OCHA) បាននិយាយថា មានការបំផ្លិចបំផ្លាញដ៏ធំនៅក្នុងតំបន់ទាំងនោះ ដែលមានផ្លូវថ្នល់ ស្ពាន បណ្តាញទំនាក់ទំនង សាលារៀន កន្លែងសេវាសាធារណៈ ទីតាំងសាសនា ដំណាំ និងដីស្រែចំការ ត្រូវបានខូចខាតយ៉ាងធ្ងន់ធ្ងរ ឬដួលរលំទាំងស្រុង៕

ថ្លែងនៅក្នុង «កិច្ចប្រជុំកំពូលនៃអនាគត» នៅអង្គការសហប្រជាជាតិ កាលពីថ្ងៃចន្ទ ប្រធានាធិបតីអ៊ុយក្រែន លោក Volodymyr Zelenskiy បានទទូចឱ្យមេដឹកនាំពិភពលោកគាំទ្រអ៊ុយក្រែន «សម្រាប់អនាគតដែលមានសន្តិភាព»។ លោក Zelenskiy បាននិយាយថា ខ្ញុំប្រាកដណាស់ ថា លោក Putin បានលួចទ្រព្យសម្បត្តិជាច្រើនរួចទៅហើយ ប៉ុន្តែលោកនឹងមិនអាចលួចអនាគតរបស់ពិភពលោកបានឡើយ។ អាជ្ញាធរក្នុងតំបន់បាននិយាយថា ការវាយប្រហារដោយមីស៊ីលរបស់រុស្សី ទៅលើទីក្រុង Zaporizhzhia ភាគអាគ្នេយ៍របស់ប្រទេសអ៊ុយក្រែន កាលពីថ្ងៃចន្ទ ទី២៣ កញ្ញា បានធ្លាក់ទៅលើហេដ្ឋារចនាសម្ព័ន្ធសំខាន់ៗ និងបណ្តាលឲ្យមនុស្សច្រើននាក់រងរបួស បន្ទាប់ពីការវាយប្រហារលើទីក្រុង កាលពីល្ងាចថ្ងៃអាទិត្យ ធ្វើឱ្យមនុស្ស ២១ នាក់របួស។ អភិបាលតំបន់ លោក Ivan Fedorov បាននិយាយនៅលើកម្មវិធីផ្ញើសារ Telegram ថា ការវាយប្រហារមួយក្នុងចំណោមការវាយប្រហារចំនួនពីរលើករបស់រុស្ស៊ី កាលពីល្ងាចថ្ងៃច័ន្ទ បានធ្លាក់ទៅលើតំបន់ទីវាល និងអគារមួយកន្លែងដែលនៅមិនទាន់កំណត់អត្តសញ្ញាណនៅឡើយ។ ក្រសួងថាមពលអ៊ុយក្រែន បាននិយាយនៅលើបណ្តាញ Telegram ថា ដោយសារតែការវាយប្រហារតាមអាកាសកាលពីថ្ងៃអាទិត្យ ការផ្គត់ផ្គង់ថាមពលត្រូវបានកាត់ផ្តាច់ដល់អ្នកប្រើប្រាស់ជាង ១៦.០០០នាក់ នៅក្នុងតំបន់ ប៉ុន្តែក្រោយមកត្រូវបានស្តារឡើងវិញ។ លោក…

យោងតាមការស្ទង់មតិថ្មីដោយសារព័ត៌មាន New York Times និងគ្រឹះស្ថានអប់រំអាមេរិក Siena College អតីតប្រធានាធិបតីលោកDonald Trump នាំមុខលោកស្រីអនុប្រធានាធិបតី Kamala Harrisក្នុងរដ្ឋមានភាពប្រទាញប្រទង់គ្នាដ៏សំខាន់ចំនួនបីគឺ រដ្ឋ Arizona រដ្ឋ North Carolina និង រដ្ឋGeorgia ។ ការស្ទង់មតិដែលបានចេញផ្សាយកាលពីថ្ងៃចន្ទសប្ដាហ៍នេះ និងធ្វើឡើងចាប់ពីថ្ងៃទី១៧ ដល់ថ្ងៃទី ២១ខែកញ្ញា បានស្ទង់មតិអ្នកបោះឆ្នោតចំនួន ៧១៣ នាក់នៅរដ្ឋ Arizona អ្នកបោះឆ្នោតចំនួន ៦៨២ នាក់នៅរដ្ឋGeorgia និង ៦៨២ នាក់នៅរដ្ឋ North Carolina ។ រដ្ឋនីមួយៗមានការខុសគ្នាចន្លោះពី៤ទៅ៥%។ អ្នកបោះឆ្នោតនៅក្នុងរដ្ឋទាំងបីបានសម្តែងការព្រួយបារម្ភអំពីសេដ្ឋកិច្ច សិទ្ធិរំលូតកូន បញ្ហាអន្តោប្រវេសន៍ និងទិសដៅរបស់ប្រទេសទាំងមូល។ បេក្ខជនទាំងពីរត្រូវបានមើលថាមិនមែនជាទីពេញចិត្តសម្រាប់អ្នកឆ្លើយសំណួរភាគច្រើន ដោយមាន ៥០% ពេញចិត្តលោក Trump និង ៥១% ចាត់ទុក លោកស្រី Harris ថាមិនមែនជាបុគ្គលដែលពួកគេចង់បាន។ នៅរដ្ឋ ណស…