Category: ព័ត៌មានជាតិ​

ព្យុងយ៉ាង ៖ ចងភ្ជាប់ដោយកិច្ចព្រមព្រៀងការពារជាតិទ្វេភាគីក្នុងឆ្នាំ ២០២៤ កូរ៉េខាងជើងបានបញ្ជូនទាហានរបស់ខ្លួនប្រហែល ១៤,០០០នាក់ទៅជួយប្រយុទ្ធរុស្ស៊ីក្នុងជម្លោះជាមួយអ៊ុយក្រែន ប៉ុន្តែជាលទ្ធផល កងទ័ពលោក គីម ជុងអ៊ុន ច្រើនជាង ៦,០០០នាក់បានស្លាប់ចោលឆ្អឹងក្នុងសង្គ្រាមមួយនេះ ។ ជាការគោរពដល់ទាហានពលីទាំងនោះ មេដឹកនាំកូរ៉េខាងជើង លោក គីម ជុនអ៊ុន បានដឹកនាំកូនស្រី ជូ អេ កាលពីថ្ងៃចន្ទ ទៅពិនិត្យការសាងសង់វិមានអនុស្សាវរីយ៍ សម្រាប់ឧទ្ទិសដល់យុទ្ធជនលះបង់ជីវិតក្នុងសង្គ្រាមរុស្ស៊ី-អ៊ុយក្រែន ។ បើតាមទីភ្នាក់ងារសារព័ត៌មាន KCNA, លោក គីម បានចាត់ទុកទាហានពលីទាំងនោះ ជាវីរបុរសដែលបានលះបង់សាច់ស្រស់ ឈាមស្រស់ ដោយមិនស្ទាក់ស្ទើរ ក្នុងស្មារតីស្នេហាជាតិរបស់កូរ៉េខាងជើង ។ មេដឹកនាំកូរ៉េខាងជើងមានវ័យ ៤១ឆ្នាំរូបនេះ បានសង្កត់ធ្ងន់ថា គ្មាននរណាម្នាក់ក្នុងពិភពលោក អាចយកឈ្នះកងទ័ពដែលស្មោះត្រង់ចំពោះបទបញ្ជារបស់បក្សដាច់ខាត ។ សូមរម្លឹកថា មេដឹកនាំកូរ៉េខាងជើង លោក គីម ជុងអ៊ុន និងលោកប្រធានាធិបតីរុស្ស៊ី វ្ល៉ាឌីមៀ ពូទីន បានចុះហត្ថលេខាលើសន្ធិសញ្ញាភាពជាដៃគូយុទ្ធសាស្រ្តគ្រប់ជ្រុងជ្រោយក្នុងឆ្នាំ ២០២៤ ។ កិច្ចព្រមព្រៀងនេះ ធ្វើឡើងស្របពេលប្រទេសលោកខាងលិច បារម្ភពីការដោះដូរអាវុធ…

វ៉ាស៊ីនតោន ៖ នាយកប្រតិបត្តិ ក្រុមហ៊ុនបច្ចេកវិទ្យាដ៏ធំ របស់អាមេរិក អិន វីឌៀ (Nvidia) បានថ្លែងប្រដូចមនុស្សយន្ត ទៅនឹងជនអន្តោប្រវេសន៍បញ្ញាសិប្បនិម្មិត ឬ AI។ លោក Jensen Huang បានលើកហេតុផលថា មនុស្សយន្ត អាចដោះស្រាយបញ្ហាកង្វះកម្លាំងពលកម្មសកល ដែលជាចំណុចកំពុងរារាំងដល់ការផលិត។ លោក Huang បានប្រាប់អ្នកកាសែត និងអ្នកវិភាគ ក្នុងកម្មវិធីមួយ នៅ Las Vegas កាលពីថ្ងៃអង្គារ ថា បដិវត្តន៍មនុស្សយន្ត នឹងទូទាត់សងសម្រាប់ការបាត់បង់កម្លាំងពលកម្ម ពីចំនួនប្រជាជនវ័យចំណាស់ និងការធ្លាក់ចុះ នៃប្រជាសាស្រ្ត។ លោក Huang ដែលជាអ្នកដឹកនាំក្រុមហ៊ុនដ៏មានតម្លៃបំផុតរបស់ពិភពលោករូបនេះ បានប៉ាន់ប្រមាណថា កង្វះបុគ្គលិកឈានដល់រាប់សិបលាននាក់ មិនមែនត្រឹមតែរាប់ពាន់នាក់នោះទេ ដោយសារតែការផ្លាស់ប្តូរប្រជាសាស្រ្ត។ ការអត្ថាធិប្បាយ របស់លោក ស្របទៅនឹងមេដឹកនាំ ក្រុមហ៊ុនបច្ចេកវិទ្យាធំៗ នៅតំបន់ Silicon Valley ផ្សេងទៀត ជាពិសេស លោក Elon Musk មេធំ របស់ក្រុមហ៊ុន…

សេអ៊ូល ៖ លោក Lee Jae Myung ប្រធានាធិបតីកូរ៉េខាងត្បូងបានជំរុញឲ្យប្រមុខដឹកនាំប្រទេសចិនជួយដើរតួនាទីសម្របសម្រួល ដើម្បីស្តារទំនាក់ទំនងជាមួយកូរ៉េខាងជើងឡើងវិញ ជាពិសេសស្វែងរកសន្តិភាពនៅឧបទ្វីបកូរ៉េ ។ ការពឹងពររបស់លោក Lee Jae Myung ធ្វើឡើង ក្រោយពេលដែលប្រធានាធិបតីកូរ៉េខាងត្បូងរូបនេះបំពេញទស្សនកិច្ចផ្លូវរដ្ឋនៅប្រទេសចិនកាលពីថ្ងៃទី៥ ខែមករា ។ លោក Lee Jae Myung និយាយថា លោកបានស្នើឲ្យលោកប្រធានាធិបតីចិន Xi Jinping ឲ្យជួយដើរតួនាទីសម្របសម្រួល ដល់កិច្ចប្រឹងប្រែងរបស់កូរ៉េខាងត្បូង នៅក្នុងការបង្កើតទំនាក់ទំនងជាមួយកូរ៉េខាងជើងឡើងវិញ ។ បើតាមសារព័ត៌មាន The Straits Times, ក្នុងជំនួបនោះ លោក Lee Jae Myung ក៏ស្នើដល់លោក Xi Jinping ជួយសម្របសម្រួលសន្តិភាពនៅឧបទ្វីបកូរ៉េផងដែរ ។ លោក Wi Sung-lac ទីប្រឹក្សាសន្តិសុខជាតិកូរ៉េខាងត្បូងនិយាយថា មេដឹកនាំទាំងពីរទទួលស្គាល់ដូចគ្នាថា សន្តិភាព និងស្ថិរភាពនៅឧបទ្វីបកូរ៉េ គឺជាផលប្រយោជន៍រួមរបស់កូរ៉េខាងត្បូង និងចិន ហើយប្រទេសទាំងពីរគួរតែដើរតួនាទីក្នុងន័យស្ថាបនា នៅក្នុងកិច្ចខិតខំប្រឹងប្រែងនោះ…

ប៉េកាំង ៖ កសិដ្ឋានថាមពលពន្លឺព្រះអាទិត្យ ឬ សូឡា នៅឈូងសមុទ្រដ៏ធំបំផុត របស់ពិភពលោក បានតភ្ជាប់យ៉ាងពេញលេញ ទៅបណ្តាញអគ្គិសនី របស់ប្រទេសចិន នាពេលថ្មីៗនេះ។ យោងតាមការចេញផ្សាយ របស់សារព័ត៌មាន VNepxress កាលពីចុងខែធ្នូ, គម្រោង បន្ទះស្រូបពន្លឺព្រះអាទិត្យ ដែលបានដំឡើងនៅលើរចនាសម្ព័ន្ធអណ្តែតទឹក ឬ Photovoltaic Offshore មួយនេះ ស្ថិតនៅចម្ងាយប្រហែល ៨ គីឡូម៉ែត្រ ពីឆ្នេរសមុទ្ររបស់ទីក្រុង Dongying នៃ ខេត្ត Shandong លាតសន្ធឹងលើទំហំ ១,២០០ហិកតា។ ដំណើរការដោយក្រុមហ៊ុន Guohua Energy Investment ដែលជាក្រុមហ៊ុនបុត្រសម្ព័ន្ធ នៃសាជីវកម្មវិនិយោគថាមពលចិន CHN Energy, គម្រោងបន្ទះសូឡានៅឈូងសមុទ្រកម្រិត gigawatt ដំបូងបង្អស់របស់ប្រទេសចិន មួយនេះ ត្រូវបានគេរំពឹងថា នឹងបង្កើតថាមពល ជិត១.៨ពាន់លានគីឡូវ៉ាត់ម៉ោង ក្នុងមួយឆ្នាំ ជាមួយនឹងការកាត់បន្ថយ ការបំភាយកាបូនឌីអុកស៊ីត ជាង ១.៣លានតោន ជាប្រចាំឆ្នាំ នេះបើយោងតាមសារព័ត៌មាន Bloomberg។…

ការ៉ាកាស ៖ ប្រទេសវេណេស៊ុយអេឡា បានប្រកាសកាន់ទុក្ខ ១សប្តាហ៍ សម្រាប់ជនរងគ្រោះ ដែលបានស្លាប់ ក្រោមស្នាដៃវាយប្រហារ របស់សហរដ្ឋអាមេរិក។ មេដឹកនាំបណ្តោះអាសន្ន របស់វេណេស៊ុយអេឡា លោកស្រី Delcy Rodriguez កាលពីថ្ងៃអង្គារ បានប្រកាសកាន់ទុក្ខ មួយសប្តាហ៍ សម្រាប់មនុស្សដែលត្រូវបានសម្លាប់ នៅក្នុងការវាយលុក របស់សហរដ្ឋអាមេរិក ដែលបានបណ្តេញលោក Nicolas Maduro ជាប្រធានាធិបតីរបស់ខ្លួន ចេញពីតំណែង ចេញពីប្រទេស យ៉ាងតក់ក្រហល់។ លោកស្រី បាននិយាយ តាមទូរទស្សន៍រដ្ឋថា «ខ្ញុំបានសម្រេចចិត្ត ប្រកាសកាន់ទុក្ខ ប្រាំពីរថ្ងៃ ដើម្បីកិត្តិយស របស់យុវជន ស្ត្រី និង បុរស ដែលបានលះបង់ជីវិត ដើម្បីការពារប្រទេសវេណេស៊ុយអេឡា និង ប្រធានាធិបតី Nicolas Maduro»។ ប្រទេសគុយបា និងវេណេស៊ុយអេឡា បាននិយាយថា បុគ្គលិកយោធារបស់ពួកគេ ចំនួន ៥៥ នាក់ ត្រូវបានសម្លាប់ ខណៈដែលអគ្គមេធាវី របស់វេណេស៊ុយអេឡាបាននិយាយអំពី ការស្លាប់ជនស៊ីវិល…

វ៉ាស៊ីនតោន ៖ អាមេរិកបានប្រាប់អង្គការសហប្រជាជាតិ ថា ខ្លួនមិនចង់កាន់កាប់ប្រទេសវេណេស៊ុយអេឡានោះទេ។ ជាការបញ្ជាក់ប្រាប់ ចំពេលដែលរដ្ឋបាលរបស់លោក ត្រាំ រងការរិះគន់យ៉ាងខ្លាំង អំឡុងកិច្ចប្រជុំរបស់ UN ជុំវិញការវាយប្រហារ ដ៏គួរឱ្យភ្ញាក់ផ្អើល។ . លោក Mike Waltz ឯកអគ្គរដ្ឋទូតអាមេរិក ប្រចាំនៅ UN បានប្រាប់កិច្ចប្រជុំបន្ទាន់នៃក្រុមប្រឹក្សាសន្តិសុខ អង្គការសហប្រជាជាតិ ស្តីពីស្ថានភាពវេណេស៊ុយអេឡា កាលពីថ្ងៃអង្គារ ថា «យើងមិនកាន់កាប់ប្រទេសនេះទេ ហើយទាំងនេះ គឺជាប្រតិបត្តិការអនុវត្តច្បាប់»។ លោក Waltz បានការពារការវាយឆ្មក់ របស់សហរដ្ឋអាមេរិក ដោយលើកហេតុផលថា លោក Maduro គឺជាមេក្រុមភេរវករ narco-terrorist ដែលជន់លិចសហរដ្ឋអាមេរិក ជាមួយនឹងគ្រឿងញៀន និងបានចំណេញពី “ទុក្ខវេទនា” របស់ជនជាតិអាមេរិក និងប្រជាជនវេណេស៊ុយអេឡា។ ក្នុងពេលជាមួយគ្នានោះ លោក Waltz បានប្រាប់ UN ទៀតថា ប្រធានាធិបតីអាមេរិក Donald Trump បានព្យាយាម ប្រើវិធីផ្សេងទៀត ដើម្បីធ្វើឱ្យលោក…

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា ប្រធានគណបក្សប្រជាជនកម្ពុជាបានលើកឡើងថា ខ្ញុំព្រះករុណាខ្ញុំ មានសេចក្តីរំភើបឥតឧបមាដែលបានឃើញការចូលរួមដ៏ផុលផុសរបស់បងប្អូនជន រួមជាតិគ្រប់ស្រទាប់វណ្ណៈ គ្រប់មជ្ឈដ្ឋាន ទាំងក្នុងប្រទេស ទាំងក្រៅប្រទេសក្នុងការផ្តល់ការគាំទ្រពេញទំហឹងទាំង ខាងសម្ភារៈ និងស្មារតីដល់វីរៈយុទ្ធជននៅសមរភូមិមុខ និងបងប្អូនប្រជាពលរដ្ឋភៀសសឹក ដែលកំពុងរស់នៅ យ៉ាងលំបាកនៅតាមជម្រកសុវត្ថិភាពនានាក្នុងពេលដែលប្រទេសថៃបានបង្កសង្គ្រាមរំលោភបំពានមកលើកម្ពុជា។ សម្តេចតេជោ ហ៊ុន សែន បានចាត់ទុកសកម្មភាពនេះថាជាស្មារតីសាមគ្គី ឯកភាពជាតិ របស់ប្រជាជនកម្ពុជាដែលជាខឿនការពារជាតិដ៏រឹងមាំ។ ការលើកបង្ហាញនេះបានធ្វើឡើងនៅក្នុងសាររបស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា ប្រធានគណបក្សប្រជាជនកម្ពុជា ក្នុងឱកាសរំឭកខួបទី ៤៧ នៃទិវាជ័យជម្នះ ៧ មករា នាថ្ងៃទី៧មករាឆ្នាំ២០២៦នេះ។ ជាមួយគ្នានេះសម្តេចតេជោ ហ៊ុន សែនបានអំពាវនាវដល់បងប្អូនជនរួមជាតិទាំងអស់នៅគ្រប់ទិសទីត្រូវបន្តរួបរួមសាមគ្គីគ្នាជាធ្លុងមួយក្រោម បាវចនាជាតិ សាសនា ព្រះមហាក្សត្រ និងរួមសាមគ្គីជុំវិញរាជរដ្ឋាភិបាល ប្រកបដោយជំនឿមុតមាំ ចំពោះបុព្វហេតុដ៏យុត្តិធម៌របស់យើង។ សាមគ្គីរស់ សាមគ្គីឈ្នះ ហើយគ្មានអានុភាពណាមកបំផ្លាញឆន្ទៈរបស់ យើងបានឡើយ៕ អត្ថបទ៖ ពេជ ប៊ុនរ៉ា អេបក្រសួងព័ត៌មាន（MoINFO APP)

ហាណូយ ៖ ទីក្រុងហូជីមិញរបស់ប្រទេសវៀតណានៅថ្ងៃអង្គារនេះបានចាប់ផ្តើមសាកល្បងប្រើប្រាស់យន្តហោះដ្រូនដឹកជញ្ជូនកាហ្វេ និងទូរស័ព្ទដៃ យកឲ្យអ្នកកម្ម៉ង់ ជាលើកដំបូង ។ បើតាមសារព័ត៌មាន VNexpress, ការសាកល្បងនេះធ្វើឡើងរវាងនាយកដ្ឋានវិទ្យាសាស្ត្រ និងបច្ចេកវិទ្យា រួមសហការជាមួយក្រុមប្រឹក្សាគ្រប់គ្រង Saigon Hi-Tech Park, ក្រុមហ៊ុនបច្ចេកវិទ្យា Saolatek, ក្រុមហ៊ុន Real-time Robotics Vietnam និង ក្រុមហ៊ុន Di Dong Viet ។ ក្នុងអំឡុងពេលសាកល្បងនោះ អ្នករៀបចំបង្កើតឲ្យមានសេណារីយ៉ូចែកចាយចំនួន ២ ដើម្បីវាយតម្លៃ លើការហោះហើរស្វ័យប្រវត្តិ, ភាពត្រឹមត្រូវនៃទីតាំង និងការត្រួតពិនិត្យពេលវេលាជាក់ស្តែង ។ នៅក្នុងសេណារីយ៉ូទីមួយ យន្តហោះដ្រូនបានដឹកទូរស័ព្ទ iPhone 17 ហោះឆ្លងកាត់ ចម្ងាយផ្លូវប្រហែល ២០០ ម៉ែត្រ ។ បន្ទាប់ពីបញ្ចប់ការដឹកជញ្ជូនតាមគោលដៅសាកល្បងរួចរាល់, យន្តហោះដ្រូនក៏បានហោះត្រឡប់មកវិញកន្លែងចុះចត ដោយសុវត្ថិភាព ។ ការធ្វើតេស្តលើកទី ២ ពាក់ព័ន្ធនឹងការដឹកជញ្ជូនរបស់របរ ចំនួន ៣ ផ្សេងៗ គ្នា…

ហ៊្សេរុយសាឡឹម ៖ មេដឹកនាអ៊ីស្រាអែលបានប្រកាសព្រមានធ្ងន់ៗថា ទីក្រុងហ៊្សេរុយសាឡឹមគ្មានថ្ងៃបើកដៃឱ្យអ៊ីរ៉ង់ ដែលជាគូសត្រូវដ៏ធំរបស់ខ្លួន អាចស្តារកម្មវិធីអភិវឌ្ឍអាវុធនុយក្លេអ៊ែរ និងមីស៊ីលបាលិស្ទីគឡើងវិញនោះទេ ។ នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ កាលពីថ្ងៃចន្ទ បានប្រាប់សមាជិកសភាថា យើងនឹងមិនអនុញ្ញាតឱ្យអ៊ីរ៉ង់ស្តារឧស្សាហកម្មមីស៊ីលផ្លោងរបស់ខ្លួនឡើងវិញឡើយ ហើយជាការពិតណាស់ យើងក៏គ្មានថ្ងៃបើកដៃឱ្យអ៊ីរ៉ង់បន្តកម្មវិធីនុយក្លេអ៊ែរ ដែលយើងបានបំផ្លាញយ៉ាងធ្ងន់ធ្ងរនោះដែរ ។ ទន្ទឹមគ្នា មេដឹកនាំអ៊ីស្រាអែលមានវ័យ៧៦ឆ្នាំរូបនេះ ក៏បានគំរាមធ្ងន់ៗទុកជាមុនថា បើសិនអ៊ីស្រាអែលរងការវាយប្រហារណាមួយ នោះអ៊ីរ៉ង់នឹងប្រឈមមុខនូវផលវិបាកដ៏ធំធេងមិនធ្លាប់មាន ។ ការសម្លុតគំរាមរបស់លោក ណេតាន់យ៉ាហ៊ូ ធ្វើឡើងប៉ុន្មានថ្ងៃបន្ទាប់ពីលោកប្រធានាធិបតីអាមេរិក ដូណាល់ ត្រាំ ក៏បានប្រើពាក្យសម្តីគំរាមកំហែងលុបបំបាត់កម្មវិធីនុយក្លេអ៊ែរ និងមីស៊ីលផ្លោងរបស់អ៊ីរ៉ង់ផងដែរ ក្រោយមេដឹកនាំទាំងពីរបានជួបគ្នានៅទីក្រុងវ៉ាស៊ីនតោន កាលពីសប្តាហ៍មុន ។ គួរបញ្ជាក់ថា មន្ត្រី និងប្រព័ន្ធផ្សព្វផ្សាយអ៊ីស្រាអែលបានសម្តែងការព្រួយបារម្ភក្នុងរយៈពេលប៉ុន្មានខែថ្មីៗនេះថា អ៊ីរ៉ង់កំពុងសំងំកសាងឃ្លាំងអាវុធមីស៊ីលផ្លោងរបស់ខ្លួនឡើងវិញ បន្ទាប់ពីទីក្រុងតេហេរ៉ង់បានរងការខូចខាតធ្ងន់ធ្ងរ ក្នុងអំឡុងពេលសង្គ្រាមរយៈពេល ១២ថ្ងៃជាមួយអ៊ីស្រាអែលក្នុងខែមិថុនាឆ្នាំមុន ៕ ប្រភព ៖ AFP