Category: ព័ត៌មានជាតិ​

ហាណូយ ៖ រដ្ឋមន្ត្រីសុខាភិបាលរុស្ស៊ីបានជួយសង្គ្រោះបឋមអ្នកដំណើរ នៅលើយន្តហោះ ពេលហោះហើរជាមួយគ្នា ទៅកាន់ទីក្រុងហាណូយ ប្រទេសវៀតណាម។ ទីភ្នាក់ងារព័ត៌មាន VN Express បានចុះផ្សាយ នៅថ្ងៃទី១៥ ខែកញ្ញានេះ ថា លោករដ្ឋមន្ត្រី Mikhail Murashko ស្ថិតក្នុងចំណោម ក្រុមអ្នកដែលបានផ្តល់ជំនួយដំបូងដល់អ្នកដំណើរម្នាក់ ដែលមានបញ្ហាលើសឈាម នៅលើជើងហោះហើរ ពីទីក្រុងមូស្គូ ទៅកាន់ទីក្រុងហាណូយ ដោយធ្វើការរួម ជាមួយនឹងគណៈប្រតិភូវេជ្ជបណ្ឌិត និងបុគ្គលិក ក្នុងយន្តហោះ។ អ្នកដំណើរ ជាបុរស អាយុ៥៥ឆ្នាំ នៅលើជើងហោះហើរ VN62 របស់ក្រុមហ៊ុនអាកាសចរណ៍វៀតណាមអ៊ែរឡាញ កាលពីថ្ងៃទី១១ ខែកញ្ញា មានរោគសញ្ញាវិលមុខ និងអស់កម្លាំង ប្រហែល២ ម៉ោង បន្ទាប់ពីការហោះហើរ។ អ្នកតំណាងក្រុមហ៊ុនអាកាសចរណ៍បានប្រាប់ VnExpress ថា វេជ្ជបណ្ឌិតចំនួន ៤រូប មកពីគណៈប្រតិភូជាន់ខ្ពស់ នៃក្រសួងសុខាភិបាលរុស្ស៊ី ដែលស្ថិតក្នុងដំណើរបំពេញទស្សនកិច្ចជាផ្លូវការនៅវៀតណាម បានឆ្លើយតបនឹងការអំពាវនាវ ស្វែងរកជំនួយសង្គ្រោះបឋម ដោយធ្វើការជាមួយក្រុមការងារ លើយន្តហោះ ដើម្បីពិនិត្យ ពិគ្រោះ និងផ្តល់ការថែទាំសុខភាពភ្លាមៗ…

សម្តេចតេជោ៖ ខ្ញុំទើបឃើញសារព័ត៌មានចុះផ្សាយថា ឯកឧត្តម ថាក់ ស៉ីន មានទ្រព្យសម្បត្តិនៅកម្ពុជា និងដែលអាជ្ញាធរកម្ពុជាត្រៀមបង្កកទ្រព្យសម្បត្តិទាំងនោះ។ ទោះខ្ញុំនិងឯកឧត្តម ថាក់ ស៉ីន មានបញ្ហាជាមួយគ្នាក៏ដោយ ក៏ខ្ញុំត្រូវមានការទទួលខុសត្រូវរក្សានូវភាពស្អាតស្អំរបស់ ឯកឧត្តម ថាក់ ស៉ីន ផងដែរ។ មិនថា ឯកឧត្តម ថាក់ ស៉ីន ឬលោកជំទាវ យ៉ីង ឡាក់ ពុំមានទ្រព្យសម្បត្តិ ឬការរកស៉ីណាមួយនៅកម្ពុជានោះទេ។ ពេលឯកឧត្តម ថាក់ ស៉ីន ឬ យ៉ីង ឡាក់ មកកម្ពុជា គឺប្រើប្រាស់រថយន្តរបស់ខ្ញុំទាំងអស់បង្ហាញថា ថាក់ ស៉ីន គ្មានទ្រព្យសម្បត្តិណាមួយនៅកម្ពុជានោះឡើយ។ ខ្ញុំគួរបញ្ជាក់បន្ថែមថា ឯកឧត្តម ថាក់ ស៉ីន និងខ្ញុំមិនដែលបានពិភាក្សាគ្នារឿងធ្វើអាជីវកម្មរកផលចំណេញខាងសេដ្ឋកិច្ចសម្រាប់បុគ្គល ឬគ្រួសារនោះទេ។ ប្រសិនព័ត៌មានបែបនេះចេញពីកម្ពុជា ខ្ញុំស្នើសុំឲ្យបញ្ឈប់ជាបន្ទាន់ដែលជាតិសាសន៍របស់យើងត្រូវរក្សានូវភាពថ្លៃថ្នូរមិនកុហក ភូតភរមួលបង្កាច់ ប្រឌិតរឿងខុសការពិត។ ប្រសិនបើរឿងនេះចេញពីប្រទេសថៃ ត្រូវទុកឲ្យអាជ្ញាធរថៃដោះស្រាយ៕ I have just seen a news report…

(ភ្នំពេញ)៖ ឯកឧត្តម ហ៊ុនម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងាសាធារណៈ បានថ្លែង លើកឡើងនៅក្នុងបណ្តាញសង្គមហ្វេសបុកថា សម្រាប់ខេត្តព្រះវិហារ ទោះបីស្ថានភាពក្រោយបទឈប់បាញ់មានភាពស្ងប់ស្ងៀមក្តី ប៉ុន្តែបងប្អូនពុកម៉ែដែលជាជនភៀសសឹក មិនទាន់អាចត្រឡប់ទៅផ្ទះសម្បែងវិញនៅឡើយ ហើយដូចគ្នា ចង្ហាន់ដែលពុទ្ធបរិស័ទ ដែលធ្លាប់បានទៅប្រគេនក៏ទទួលរងផលប៉ះពាល់ ដូចនេះហើយ នៅក្នុងបេសកកម្មទៅខេត្តព្រះវិហារ នឹងមានរៀបចំកម្មវិធីមួយចំនួននៅថ្ងៃទី ១៦-១៧ ខែកញ្ញា ឆ្នាំ២០២៥។ កម្មវិធីទី១ ពិធីដាក់បិណ្ឌទី៩រួមគ្នា សម្រាប់វត្តចំនួន ២៦ ដែលនៅក្នុងតំបន់ដែលប៉ះពាល់ដោយស្ថានការព្រំដែនក្នុងខេត្តព្រះវិហារក្នុងនោះក៏មានវត្តកែវសិក្ខាគិរីស្វារៈផងដែរ។ ពិធីដាក់បិណ្ឌនេះនឹងប្រព្រឹត្តទៅនៅ វត្តទួលអណ្ដែត។ កម្មវិធីនេះជាការផ្តួចផ្តើមគំនិតរួមគ្នា របស់ក្រុមបាល់ទាត់ ស.ស.យ.ក អលស្ការ ក្រុមបាល់ទាត់សម្ព័ន្ធយុវជនស្រលាញ់សន្តិភាព ក្រុមបាល់ទាត់ Vlogger All Star ក្រុមបាល់ទាត់សហព័ន្ធយុវជនបូជាការពារយុត្តិធម៌ ក្រុមបាល់ទាត់ពិធីករកីឡាកម្ពុជាក្រុមបាល់ទាត់ផ្ការីកគ្រប់រដូវ ក្រុមបាល់ទាត់តារាកម្ពុជា និងក្រុមបាល់ទាត់នៃសមាគមគ្រូពេទ្យស្ម័គ្រចិត្តសម្តេចតេជោ (TYDA)។ កម្មវិធីទី២ ជាការរៀបចំការប្រដាល់ “អារាមគុនខ្មែរ” ជូនពុកម៉ែបងប្អូននិងក្មួយៗនៅ វត្តពោធិ៍ ៥០០០ ដើម្បីបង្កើតបរិយាកាសសម្រាប់ពួកគាត់ ដែលគ្រួសារខ្លះបានចាកចេញពីផ្ទះ សម្បែងរបស់គាត់ តាំងពីដើមខែមិថុនា រហូតមកដល់ពេលបច្ចុប្បន្ន។ កម្មវិធីនេះជាការសហការ របស់យើងខ្ញុំដែលមានការចូលរួមពី ក្រុមការងាររបស់ខ្ញុំ…

ភ្នំពេញ៖ ឯកឧត្តម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន បានលើកឡើងអំពីការវិវត្តចុងក្រោយនៃស្ថានភាពជុំវិញជម្លោះព្រំដែនកម្ពុជា-ថៃ និងសម្តែងនូវការជឿជាក់លើការដឹកនាំរបស់រាជរដ្ឋាភិបាល ដែលប្រកាន់ជំហររក្សានូវភាពអត់ធ្មត់ជាទីបំផុត ដោយគោរពយ៉ាងម៉ឺងម៉ាត់តាមបទឈប់បាញ់ ព្រមទាំង ប្តេជ្ញាចិត្តក្នុងការដោះស្រាយបញ្ហាព្រំដែនដោយសន្តិវិធី តាមផ្លូវការទូត និងស្របតាមច្បាប់អន្តរជាតិ ព្រមទាំងបានលើកទឹកចិត្តឱ្យអ្នកចូលរួមបន្តគាំទ្រ និងជឿជាក់លើការដឹកនាំដ៏ឈ្លាសវៃ និងសមត្ថភាពរបស់កម្ពុជា ក្នុងការការពារអធិបតេយ្យភាព បូរណភាពទឹកដឹ និងដើម្បីផលប្រយោជន៍ប្រទេសកម្ពុជា។ ការលើកឡើងរបស់ឯកអគ្គរាជទូតកម្ពុជាប្រចាំប្រទេសជប៉ុន ក្នុងពិធីអបអរសាទរបុណ្យភ្ជុំបិណ្ឌ ព្រមទាំងពិធីបុណ្យទក្ខិណានុប្បទានឧទ្ទិសកុសលជូនដល់វីរៈកងទ័ព ដែលបានពលីជិវិតក្នុងបុព្វហេតុការពារបូរណភាពដែនដីកម្ពុជា កាលពីថ្ងៃទី១៤ ខែកញ្ញា ឆ្នាំ២០២៥ ដែលមានអ្នកចូលរួមប្រមាណ ៣០០នាក់។ ក្រោយចប់កម្មវិធីសាសនា ទាំងព្រះសង្ឃ និងបងប្អូនអ្នកចូលរួមទាំងអស់បានរួមគ្នាច្រៀងចម្រៀងស្នេហាជាតិចំនួន៣បទ ដើម្បីលើកទឹកចិត្តបន្ថែមទៀតដល់វីរ:កងទ័ពកម្ពុជា ដោយទឹកចិត្តសាមគ្គីគ្នាជាធ្លុងមួយ និងខ្មែរស្រឡាញ់ខ្មែរ ដើម្បីបង្ហាញពីការដឹងគុណ និងការមិនអាចបំភ្លេចបាននូវគុណូបការៈដ៏ធំធេងរបស់វីរ:កងទ័ពពលី ដែលបានធ្វើពលិកម្មបូជាឈាមស្រស់ សាច់ស្រស់របស់ខ្លួនក្នុងបុព្វហេតុការពារបូរណភាពទឹកដីកម្ពុជា៕

ក្រសួងសុខាភិបាលនេប៉ាល់បាននិយាយកាលពីថ្ងៃអាទិត្យថា ក្រុមអាជ្ញាធរនៅក្នុងប្រទេសនេប៉ាល់បានបង្កើនចំនួនអ្នកស្លាប់ពីភាពចលាចលកាលពីសប្តាហ៍មុន ដល់៧២ នាក់ ខណៈក្រុមអ្នកស្វែងរកបានយកសាកសពចេញពីការិយាល័យរដ្ឋាភិបាល លំនៅឋាន និងអគារផ្សេងទៀត ដែលត្រូវបានភ្លើងឆេះក្នុងអំឡុងពេលការតវ៉ាប្រឆាំងអំពើពុករលួយ។ ជាមួយគ្នានោះ ប្រជាពលរដ្ឋនេប៉ាល់បានបង្ហាញអារម្មណ៍ត្រេកអរ ដែលស្ថានភាពបានស្ងប់ស្ងាត់ឡើងវិញ ហើយជីវិតប្រចាំរបស់ពួកគេបានវិលត្រឡប់មកសភាពធម្មតាវិញ ប៉ុន្មានថ្ងៃក្រោយរដ្ឋធានី Kathmanduត្រូវបានគ្របដណ្ដប់ដោយ ភ្នក់ភ្លើង និងការតវ៉ាដ៏ហិង្សា។ ក្នុងការផ្ទុះឡើងនៃអំពើហិង្សានយោបាយដ៏សាហាវបំផុតនៅនេប៉ាល់ អស់ជាច្រើនទស្សវត្សរ៍មកនេះ ជនជាតិនេប៉ាល់ភាគច្រើនជាមនុស្សវ័យក្មេង បានចេញតវ៉ាតាមផ្លូវក្នុងរដ្ឋធានី និងទីក្រុងផ្សេងទៀតកាលពីដើមសប្តាហ៍មុន ដែលជំរុញឱ្យនាយករដ្ឋមន្ត្រី លោក Sharma Oli លាលែងពីតំណែង។ កងកម្លាំងសន្តិសុខបានបាញ់ឧស្ម័នបង្ហូរទឹកភ្នែក និងគ្រាប់កាំភ្លើងជ័រ ដើម្បីបំបែកក្រុមបាតុករ ដែលខ្លះបានដុតបំផ្លាញអគាររដ្ឋ រួមទាំងតុលាការកំពូល សភា ប៉ុស្តិ៍នគរបាល គេហដ្ឋានរបស់ក្រុមអ្នកនយោបាយ និងអាជីវកម្មឯកជន។ អ្នកនាំពាក្យក្រសួងសុខាភិបាលលោក Prakash Budathoki បាននិយាយថា សាកសពមនុស្សជាច្រើនដែលបានស្លាប់នៅក្នុងផ្សារទំនើប ផ្ទះ និងអគារផ្សេងទៀតដែលត្រូវបានដុត ឬវាយប្រហារ ឥឡូវនេះត្រូវបានរកឃើញហើយ។ ចំនួនអ្នកស្លាប់កាលពីសប្ដាហ៍មុនត្រូវបានកត់ត្រាដោយក្រសួងនេះ និងធ្វើបច្ចុប្បន្នភាពគិតត្រឹមថ្ងៃសៅរ៍ មានចំនួន៥១នាក់។ ទិន្នន័យចុងក្រោយបំផុតបានបង្ហាញកាលពីថ្ងៃអាទិត្យថា យ៉ាងហោចណាស់មនុស្ស ២.១១៣នាក់បានរងរបួស និង ៧២នាក់ បានស្លាប់ នៅក្នុងអំពើហិង្សានោះ៕

សារព័ត៌មានរដ្ឋចិន ស៊ីនហួ បានរាយការណ៍ថា ទីក្រុងប៉េកាំង បានរិះគន់ហ្វីលីពីនកាលពីថ្ងៃអាទិត្យសម្រាប់ការធ្វើសមយុទ្ធដែនសមុទ្រជាមួយសហរដ្ឋអាមេរិក និងជប៉ុន ក្នុងដែនទឹកមានការប្រកួតប្រជែងក្នុងសមុទ្រចិនខាងត្បូង ។ កងកម្លាំងប្រដាប់អាវុធរបស់ប្រទេសហ្វីលីពីនបាននិយាយនៅក្នុងសេចក្តីថ្លែងការណ៍មួយថា ខ្លួនបានរៀបចំសកម្មភាពសហប្រតិបត្តិការលើសមុទ្រពហុភាគីលើកទី ១១ ជាមួយបញ្ជាការឥណ្ឌូប៉ាស៊ីហ្វិករបស់សហរដ្ឋអាមេរិក និងកងកម្លាំងស្វ័យការពារដែនសមុទ្ររបស់ជប៉ុនរហូតដល់ថ្ងៃសុក្រ និងថ្ងៃសៅរ៍។ ហ្វីលីពីន សហរដ្ឋអាមេរិក និងជប៉ុន បានបញ្ចប់សមយុទ្ធដែនសមុទ្ររួមគ្នាមួយទៀតនៅសមុទ្រហ្វីលីពីនខាងលិច (WPS) ដោយបញ្ជាក់ជាថ្មីអំពីកិច្ចសហប្រតិបត្តិការការពារជាតិ ខណៈដែលភាពតានតឹងកើនឡើងជុំវិញវិធានការរបស់ចិនក្នុងការរឹតបន្តឹងការក្តាប់របស់ខ្លួនលើដែនទឹកដែលមានជម្លោះនោះ។ សេចក្តីថ្លែងការណ៍នៅលើប្រព័ន្ធផ្សព្វផ្សាយសង្គម X បាននិយាយថា សមយុទ្ធនេះ បញ្ជាក់ជាថ្មីនូវការប្តេជ្ញាចិត្តដ៏ខ្ជាប់ខ្ជួនរបស់ហ្វីលីពីនក្នុងការការពារផលប្រយោជន៍ដែនសមុទ្ររបស់ខ្លួន និងការលើកកម្ពស់សន្តិភាព និងសន្តិសុខនៅក្នុងតំបន់។ ជាការឆ្លើយតបទៅនឹងសមយុទ្ធនេះ ទីក្រុងប៉េកាំង បាននិយាយថា បញ្ជាការភូមិភាគខាងត្បូងនៃកងទ័ពរំដោះប្រជាជនចិន (PLA) បានល្បាតនៅសមុទ្រចិនខាងត្បូងកាលពីថ្ងៃសុក្រ និងថ្ងៃសៅរ៍។ លោក Tian Junli អ្នកនាំពាក្យរបស់បញ្ជាការនេះ បាននិយាយថា ហ្វីលីពីនបានឃុបឃិតជាមួយប្រទេសក្រៅតំបន់សម្រាប់អ្វីដែលគេហៅថា “ការល្បាតរួមគ្នា” ផ្សព្វផ្សាយ “ការអះអាងខុសច្បាប់” អំពីសមុទ្រចិនខាងត្បូង និងធ្វើឱ្យប៉ះពាល់ដល់ សន្តិភាព និងស្ថិរភាព នៅក្នុងតំបន់៕

(ភ្នំពេញ)៖ លោកជំទាវ ខៀវ ស៊ីណា និងលោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា រួមទាំងថ្នាក់ដឹកនាំ និងមន្រ្តីរាជការធនាគារជាតិនៃកម្ពុជា បានទទួលកាន់បិណ្ឌវេនទី៧ ចាត់ចែងចង្ហាន់ប្រគេនព្រះសង្ឃ គង់នៅវត្តបទុមវតី រាជធានីភ្នំពេញ នៅថ្ងៃ១៤ ខែកញ្ញា ឆ្នាំ២០២៥ ។ ពិធីបុណ្យកាន់បិណ្ឌនេះ ត្រូវបានរៀបចំឡើងតាមប្រពៃណីព្រះពុទ្ធសាសនា ក្នុង​គោល​បំណងទំនុកបម្រុង និងចាត់ចែងចង្ហាន់ និងបច្ច័យ ប្រគេនព្រះសង្ឃ គង់ចាំព្រះ​វស្សា និងឧទ្ទិសមហាកុសលផលបុណ្យដល់ដួងវិញ្ញាណខន្ធ ឯកឧត្តម ជា ចាន់តូ អតីតទេសាភិបាលកិត្តិយសធនាគារជាតិនៃកម្ពុជា និងបុព្វការីជនទាំងឡាយមាន​មាតាបិតាជីដូនជីតា យុទ្ធជន យុទ្ធនារី ដែលបានពលីជីវិត ដើម្បីជាតិមាតុភូមិ​និង​សាសនា ជាពិសេស ចំពោះវិរៈយុទ្ធជនដែលបានពលីជីវិតលើកិច្ចការការពាទឹកដី នៃការប៉ះទង្គិចពីជម្លោះព្រំដែនកម្ពុជា-ថៃ នាពេលថ្មីៗនេះ ក៏ដូចជាចូលរួមចំណែក​រឹតចំណងសាមគ្គីភាព និងលើកតម្កើងព្រះពុទ្ធសាសនាឱ្យបានរុងរឿង​អស់កាល​ជាអង្វែងតទៅ ។ ម្យ៉ាងទៀត គឺការជូនពរដល់វិរះយុទ្ធជនកំពុងសម្រាកព្យាបាល ឱ្យបានឆាប់ជាសះ​ស្បើយ និងមានសុខភាពល្អបរិបូរណ៍ ប្រកបដោយ កំលាំងរឹងមាំ ខ្លាំងក្លា ដើម្បីបន្ត​បំពេញភារកិច្ចដ៏ឧត្ដង្គឧត្ដមជូនជាតិមាតុភូមិ ព្រមទាំងបានបួងសួងសូមឲ្យមនុញ្ញផល​កើត ចេញពីបុណ្យផ្ដល់នូវសេចក្ដីសុខចម្រុងចម្រើន ដល់ថ្នាក់ដឹកនាំនៃប្រទេស​កម្ពុជា​គ្រប់លំដាប់ថ្នាក់ ។…

ព្រុចសែល ៖ អង្គការ NATO បានប្រកាសត្រៀមធ្វើសមយុទ្ធយោធាថ្មីមួយ ដែលមានបំណងទប់ទល់នឹងកងកម្លាំងរុស្ស៊ី បន្ទាប់ពីសមាជិករបស់ខ្លួនគឺប៉ូឡូញបានចោទប្រកាន់ទីក្រុងមូស្គូ ពីបទបញ្ជូនយន្តហោះដ្រូនជាច្រើនគ្រឿងរំលោភលើដែនអាកាសរបស់ប្រទេសខ្លួន។ ប៉ុន្តែជាមួយគ្នានោះ វិមានក្រឹមឡាំងបានច្រានចោលការចោទប្រកាន់នេះថាគ្មានមូលដ្ឋាន ហើយបានចោទប្រកាន់ប្លុកយោធាដឹកនាំដោយអាមេរិកនេះវិញថា មានការព្រួយបារម្ភហួសហេតុពេក។ យ៉ាងណាមិញ អគ្គលេខាធិការអង្គការណាតូ លោក Mark Rutte បានអះអាងថា សមយុទ្ធនេះមានឈ្មោះថា “Eastern Sentry” ធ្វើឡើងក្នុងគោលបំណងចម្បង គឺពង្រឹងសមត្ថភាពប្រយុទ្ធរបស់ប្លុកយោធាដ៏មានឥទ្ធិពលនេះ នៅតាមខ្សែបណ្តោយផ្នែកខាងកើតរបស់ខ្លួន។ ក្រុមមន្ត្រីបាននិយាយថា ការសម្ញែងសាច់ដុំយោធានេះ នឹងចាប់ផ្តើមនាពេលឆាប់ៗនេះ ប៉ុន្តែមិនបានបញ្ជាក់លំអិតថាតើនៅពេលណាចាប់ផ្តើម និងមានរយៈពេលប៉ុន្មានថ្ងៃនោះទេ។ អ្នកនាំពាក្យវិមានក្រឹមឡាំង លោក Dmitry Peskov បាននិយាយថា រុស្ស៊ីមិនដែលបានគំរាមកំហែងនរណាម្នាក់ រួមទាំងបណ្តាប្រទេសអឺរ៉ុបផងដែរ។ លោកថា វាមិនមែនជារុស្ស៊ីទេ ដែលបានផ្លាស់ប្តូរហេដ្ឋារចនាសម្ព័ន្ធយោធារបស់ខ្លួនឆ្ពោះទៅរកអឺរ៉ុប ប៉ុន្តែគឺអឺរ៉ុបទៅវិញទេ ដែលជាផ្នែកមួយនៃអង្គការណាតូ ដែលធ្វើខ្លួនជាឧបករណ៍នៃការប្រឈមមុខគ្នា ហើយមិនមែនស្វែងរកសន្តិភាព និងស្ថិរភាពទេ គឺតែងតែពង្រឹងហេដ្ឋារចនាសម្ព័ន្ធយោធាឆ្ពោះទៅកាន់ព្រំដែនរបស់ប្រទេសរុស្ស៊ី៕ ប្រភព ៖ AFP

ព្យុងយ៉ាង ៖ ប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើង គឺអ្នកនាង គីម យ៉ូជុង បានចេញមុខថ្កោលទោសធ្ងន់ៗ ចំពោះគម្រោងធ្វើសមយុទ្ធយោធាទ្រង់ទ្រាយធំរួមគ្នារវាងជប៉ុន អាមេរិក និងកូរ៉េខាងត្បូង ហើយថែមទាំងបាននិយាយរិះគន់ខ្លាំងៗថា វាជាការសម្ញែងសាច់ដុំយោធាដែលគ្មានការប្រុងប្រយ័ត្នទាល់តែសោះ។ ប្រតិកម្មខ្លាំងៗរបស់អ្នកនាង គីម យ៉ូជុង ធ្វើឡើងស្របពេលដែលយោធាអាមេរិក កូរ៉េខាងត្បូង និងកងកម្លាំងស្វ័យការពារជប៉ុន មានគម្រោងធ្វើសមយុទ្ធទ្រង់ទ្រាយធំរួមគ្នា មានឈ្មោះថា “Freedom Edge” ក្នុងគោលបំណងឆ្លើយតបទៅនឹងការគំរាមកំហែងពីអាវុធនុយក្លេអ៊ែរ និងមីស៊ីលរបស់កូរ៉េខាងជើង។ ល្បែងសង្គ្រាមនេះ គ្រោងធ្វើឡើងទាំងនៅលើដែនអាកាស និងដែនទឹកនៅសមុទ្រចិនខាងកើត ចាប់ពីថ្ងៃចន្ទនេះទៅ។ ប្រព័ន្ធផ្សព្វផ្សាយកូរ៉េខាងត្បូងក៏រាយការណ៍ដែរថា អាមេរិក និងកូរ៉េខាងត្បូងក៏គ្រោងនឹងធ្វើសមយុទ្ធដាច់ដោយឡែកទ្វេភាគីផងដែរ។ ឆ្លើយតបនឹងផែនការសម្ញែងសាច់ដុំយោធានេះ អ្នកនាង គីម បាននិយាយថា កូរ៉េខាងជើងនឹងចាត់ទុកសមយុទ្ធនេះថា ជាសារបង្ហាញពីគោលជំហរត្រៀមប្រឈមមុខដាក់គ្នាប្រឆាំងនឹងកូរ៉េខាងជើង។ អ្នកនាង គីម បានសង្កត់ធ្ងន់ថា ការបង្ហាញសាច់ដុំយោធាដោយគ្មានការប្រុងប្រយ័ត្ននេះ នឹងនាំមកនូវលទ្ធផលអាក្រក់ដែលជៀសមិនរួច ហើយកូរ៉េខាងជើងនឹងត្រៀមខ្លួនចាត់វិធានការតបតវិញ៕ ប្រភព ៖ NHK

តូក្យូ ៖ ប្រទេសជប៉ុនមានផែនការបញ្ជូនយន្តហោះចម្បាំង F-15 របស់ខ្លួនទៅកាន់ទឹកដីចក្រភពអង់គ្លេស អាល្លឺម៉ង់ និងកាណាដា ដែលចាប់ផ្តើមពីថ្ងៃអាទិត្យម្សិលមិញ ហើយវានឹងក្លាយជាការបញ្ជូនយន្តហោះចម្បាំងរបស់កងកម្លាំងស្វ័យការពារដែនអាកាសជប៉ុនជាលើកដំបូងទៅកាន់ប្រទេសសម្ព័ន្ធមិត្តខ្លួន។ ពាក់ព័ន្ធនឹងផែនការនេះ រដ្ឋមន្ត្រីការពារជាតិជប៉ុន លោក Nakatani Gen បានប្រាប់ក្នុងសន្និសីទសារព័ត៌មានមួយនាពេលថ្មីៗថា យន្តហោះចម្បាំង F-15 ចំនួន ៤គ្រឿងដែលជាកម្មសិទ្ធិនៃមូលដ្ឋានទ័ពអាកាស Chitose របស់កងកម្លាំងស្វ័យការពារដែនអាកាសជប៉ុន នៅភាគខាងជើងនៃខេត្ត Hokkaido នឹងត្រូវបញ្ជូនទៅកាន់ប្រទេសទាំងបី រួមទាំងសហរដ្ឋអាមេរិក នៅក្នុងបេសកកម្មមួយដែលនឹងមានរយៈពេលរហូតដល់ថ្ងៃទី១ ខែតុលាខាងមុខ។ លោកថា យន្តហោះចម្បាំងទាំងនោះ នឹងហោះហើរជាមួយការចាក់ប្រេងតាមអាកាស ហើយអមដំណើរដោយយន្តហោះដឹកជញ្ជូនផងដែរ។ បេសសកម្មនេះ ធ្វើឡើងក្នុងគោលបំណងបង្កើនការផ្លាស់ប្តូររវាងមន្រ្តីការពារជាតិពីប្រទេសផ្សេងៗ រួមទាំងការផ្លាស់ប្តូរបទពិសោធន៍នៃការបញ្ជាយន្តហោះចម្បាំងទៅវិញទៅមក។ ក្រសួងការពារជាតិជប៉ុននិយាយថា សមយុទ្ធរួមគ្នាមិនត្រូវបានគ្រោងទុក អំឡុងការបញ្ជូនយន្តហោះទាំងនោះទេ។ ប្រមុខការពារជាតិជប៉ុនរូបនេះ បានសង្កត់ធ្ងន់ថា ការបញ្ជូនយន្តហោះចម្បាំងនេះ ក៏នឹងរួមបញ្ចូលការទទួលស្គាល់ទូលំទូលាយថា សន្តិសុខរបស់អឺរ៉ុប និងតំបន់ឥណ្ឌូ-ប៉ាស៊ីហ្វិក គឺជារឿងសំខាន់មិនអាចបំបែកបាន និងមានជាប់ទាក់ទងគ្នា។ ដូច្នេះជប៉ុនចង់ធ្វើឲ្យកិច្ចសហប្រតិបត្តិការកាន់តែស៊ីជម្រៅ ក្នុងចំណោមសម្ព័ន្ធមិត្ត និងប្រទេសដែលមានគំនិតដូចគ្នា៕ ប្រភព ៖ NHK